| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਧਜਦਾਯਕਤ੍ਥੇਰਅਪਦਾਨવਣ੍ਣਨਾ
8. Dhajadāyakattheraapadānavaṇṇanā
ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਕਂ ਆਯਸ੍ਮਤੋ ਧਜਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥਰਿ ਪਸੀਦਿਤ੍વਾ ਸੁਨ੍ਦਰੇਹਿ ਅਨੇਕੇਹਿ વਤ੍ਥੇਹਿ ਧਜਂ ਕਾਰਾਪੇਤ੍વਾ ਧਜਪੂਜਂ ਅਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਉਪ੍ਪਨ੍ਨੁਪ੍ਪਨ੍ਨਭવੇ ਉਚ੍ਚਕੁਲੇ ਨਿਬ੍ਬਤ੍ਤੋ ਪੂਜਨਿਯੋ ਅਹੋਸਿ। ਅਪਰਭਾਗੇ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਪੁਤ੍ਤਦਾਰੇਹਿ વਡ੍ਢਿਤ੍વਾ ਮਹਾਭੋਗੋ ਯਸવਾ ਸਦ੍ਧਾਜਾਤੋ ਸਤ੍ਥਰਿ ਪਸਨ੍ਨੋ ਘਰਾવਾਸਂ ਪਹਾਯ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Padumuttarabuddhassātiādikaṃ āyasmato dhajadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto vuddhimanvāya satthari pasīditvā sundarehi anekehi vatthehi dhajaṃ kārāpetvā dhajapūjaṃ akāsi. So tena puññakammena uppannuppannabhave uccakule nibbatto pūjaniyo ahosi. Aparabhāge imasmiṃ buddhuppāde ekasmiṃ kulagehe nibbatto vuddhimanvāya puttadārehi vaḍḍhitvā mahābhogo yasavā saddhājāto satthari pasanno gharāvāsaṃ pahāya pabbajitvā nacirasseva arahā ahosi.
੫੭. ਸੋ ਪਤ੍ਤਅਰਹਤ੍ਤਫਲੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਅਤ੍ਤਨੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਮਾਹ। ਤਸ੍ਸਤ੍ਥੋ ਪੁਬ੍ਬੇ વੁਤ੍ਤੋਯੇવ। ਹਟ੍ਠੋ ਹਟ੍ਠੇਨ ਚਿਤ੍ਤੇਨਾਤਿ ਸੋਮਨਸ੍ਸਸਹਗਤਚਿਤ੍ਤਯੁਤ੍ਤਤ੍ਤਾ ਹਟ੍ਠੋ ਪਰਿਪੁਣ੍ਣਰੂਪਕਾਯੋ ਸਦ੍ਧਾਸਮ੍ਪਯੁਤ੍ਤਚਿਤ੍ਤਤਾਯ ਹਟ੍ਠੇਨ ਚਿਤ੍ਤੇਨ ਸਨ੍ਤੁਟ੍ਠੇਨ ਚਿਤ੍ਤੇਨਾਤਿ ਅਤ੍ਥੋ। ਧਜਮਾਰੋਪਯਿਂ ਅਹਨ੍ਤਿ ਧੁਨਾਤਿ ਕਮ੍ਪਤਿ ਚਲਤੀਤਿ ਧਜਂ, ਤਂ ਧਜਂ ਆਰੋਪਯਿਂ વੇਲ਼ਗ੍ਗੇ ਲਗ੍ਗੇਤ੍વਾ ਪੂਜੇਸਿਨ੍ਤਿ ਅਤ੍ਥੋ।
57. So pattaarahattaphalo pubbakammaṃ saritvā somanassajāto attano pubbacaritāpadānaṃ pakāsento padumuttarabuddhassātiādimāha. Tassattho pubbe vuttoyeva. Haṭṭho haṭṭhena cittenāti somanassasahagatacittayuttattā haṭṭho paripuṇṇarūpakāyo saddhāsampayuttacittatāya haṭṭhena cittena santuṭṭhena cittenāti attho. Dhajamāropayiṃ ahanti dhunāti kampati calatīti dhajaṃ, taṃ dhajaṃ āropayiṃ veḷagge laggetvā pūjesinti attho.
੫੮-੯. ਪਤਿਤਪਤ੍ਤਾਨਿ ਗਣ੍ਹਿਤ੍વਾਤਿ ਪਤਿਤਾਨਿ ਬੋਧਿਪਤ੍ਤਾਨਿ ਗਹੇਤ੍વਾ ਅਹਂ ਬਹਿ ਛਡ੍ਡੇਸਿਨ੍ਤਿ ਅਤ੍ਥੋ। ਅਨ੍ਤੋਸੁਦ੍ਧਂ ਬਹਿਸੁਦ੍ਧਨ੍ਤਿ ਅਨ੍ਤੋ ਚਿਤ੍ਤਸਨ੍ਤਾਨਨਾਮਕਾਯਤੋ ਚ ਬਹਿ ਚਕ੍ਖੁਸੋਤਾਦਿਰੂਪਕਾਯਤੋ ਚ ਸੁਦ੍ਧਿਂ ਅਧਿ વਿਸੇਸੇਨ ਮੁਤ੍ਤਂ ਕਿਲੇਸਤੋ વਿਮੁਤ੍ਤਂ ਅਨਾਸવਂ ਸਮ੍ਬੁਦ੍ਧਂ વਿਯ ਸਮ੍ਮੁਖਾ ਉਤ੍ਤਮਂ ਬੋਧਿਂ ਅવਨ੍ਦਿਂ ਪਣਾਮਮਕਾਸਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
58-9.Patitapattāni gaṇhitvāti patitāni bodhipattāni gahetvā ahaṃ bahi chaḍḍesinti attho. Antosuddhaṃ bahisuddhanti anto cittasantānanāmakāyato ca bahi cakkhusotādirūpakāyato ca suddhiṃ adhi visesena muttaṃ kilesato vimuttaṃ anāsavaṃ sambuddhaṃ viya sammukhā uttamaṃ bodhiṃ avandiṃ paṇāmamakāsinti attho. Sesaṃ sabbattha uttānatthamevāti.
ਧਜਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Dhajadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੮. ਧਜਦਾਯਕਤ੍ਥੇਰਅਪਦਾਨਂ • 8. Dhajadāyakattheraapadānaṃ
