| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. д̇хаж̇аг̇г̇асуд̇д̇ам̣
3. Dhajaggasuttaṃ
249. саавад̇т̇ияам̣ . д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и . ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
249. Sāvatthiyaṃ . Tatra kho bhagavā bhikkhū āmantesi – ‘‘bhikkhavo’’ti . ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘бхууд̇абуб̣б̣ам̣, бхигкавз, д̣̇зваасурасан̇г̇аамо самубаб̣яуул̣хо ахоси. ат̇а ко, бхигкавз, сагго д̣̇зваанаминд̣̇о д̣̇звз д̇аавад̇им̣сз ааманд̇зси –
‘‘Bhūtapubbaṃ, bhikkhave, devāsurasaṅgāmo samupabyūḷho ahosi. Atha kho, bhikkhave, sakko devānamindo deve tāvatiṃse āmantesi –
‘сажз, маарисаа, д̣̇зваанам̣ сан̇г̇аамаг̇ад̇аанам̣ уббаж̇ж̇зяяа бхаяам̣ ваа чамбхид̇ад̇д̇ам̣ ваа ломахам̣со ваа, мамзва д̇асмим̣ самаяз д̇хаж̇аг̇г̇ам̣ уллогзяяаат̇а. маман̃хи во д̇хаж̇аг̇г̇ам̣ уллогаяад̇ам̣ яам̣ бхависсад̇и бхаяам̣ ваа чамбхид̇ад̇д̇ам̣ ваа ломахам̣со ваа, со бахийяиссад̇и’.
‘Sace, mārisā, devānaṃ saṅgāmagatānaṃ uppajjeyya bhayaṃ vā chambhitattaṃ vā lomahaṃso vā, mameva tasmiṃ samaye dhajaggaṃ ullokeyyātha. Mamañhi vo dhajaggaṃ ullokayataṃ yaṃ bhavissati bhayaṃ vā chambhitattaṃ vā lomahaṃso vā, so pahīyissati’.
‘но жз мз д̇хаж̇аг̇г̇ам̣ уллогзяяаат̇а, ат̇а баж̇аабад̇исса д̣̇зварааж̇асса д̇хаж̇аг̇г̇ам̣ уллогзяяаат̇а. баж̇аабад̇исса хи во д̣̇зварааж̇асса д̇хаж̇аг̇г̇ам̣ уллогаяад̇ам̣ яам̣ бхависсад̇и бхаяам̣ ваа чамбхид̇ад̇д̇ам̣ ваа ломахам̣со ваа, со бахийяиссад̇и’.
‘No ce me dhajaggaṃ ullokeyyātha, atha pajāpatissa devarājassa dhajaggaṃ ullokeyyātha. Pajāpatissa hi vo devarājassa dhajaggaṃ ullokayataṃ yaṃ bhavissati bhayaṃ vā chambhitattaṃ vā lomahaṃso vā, so pahīyissati’.
‘но жз баж̇аабад̇исса д̣̇зварааж̇асса д̇хаж̇аг̇г̇ам̣ уллогзяяаат̇а, ат̇а варун̣асса д̣̇зварааж̇асса д̇хаж̇аг̇г̇ам̣ уллогзяяаат̇а. варун̣асса хи во д̣̇зварааж̇асса д̇хаж̇аг̇г̇ам̣ уллогаяад̇ам̣ яам̣ бхависсад̇и бхаяам̣ ваа чамбхид̇ад̇д̇ам̣ ваа ломахам̣со ваа, со бахийяиссад̇и’.
‘No ce pajāpatissa devarājassa dhajaggaṃ ullokeyyātha, atha varuṇassa devarājassa dhajaggaṃ ullokeyyātha. Varuṇassa hi vo devarājassa dhajaggaṃ ullokayataṃ yaṃ bhavissati bhayaṃ vā chambhitattaṃ vā lomahaṃso vā, so pahīyissati’.
‘но жз варун̣асса д̣̇зварааж̇асса д̇хаж̇аг̇г̇ам̣ уллогзяяаат̇а, ат̇а ийсаанасса д̣̇зварааж̇асса д̇хаж̇аг̇г̇ам̣ уллогзяяаат̇а. ийсаанасса хи во д̣̇зварааж̇асса д̇хаж̇аг̇г̇ам̣ уллогаяад̇ам̣ яам̣ бхависсад̇и бхаяам̣ ваа чамбхид̇ад̇д̇ам̣ ваа ломахам̣со ваа, со бахийяиссад̇ий’’’д̇и.
‘No ce varuṇassa devarājassa dhajaggaṃ ullokeyyātha, atha īsānassa devarājassa dhajaggaṃ ullokeyyātha. Īsānassa hi vo devarājassa dhajaggaṃ ullokayataṃ yaṃ bhavissati bhayaṃ vā chambhitattaṃ vā lomahaṃso vā, so pahīyissatī’’’ti.
‘‘д̇ам̣ ко бана, бхигкавз, саггасса ваа д̣̇зваанаминд̣̇асса д̇хаж̇аг̇г̇ам̣ уллогаяад̇ам̣, баж̇аабад̇исса ваа д̣̇зварааж̇асса д̇хаж̇аг̇г̇ам̣ уллогаяад̇ам̣, варун̣асса ваа д̣̇зварааж̇асса д̇хаж̇аг̇г̇ам̣ уллогаяад̇ам̣, ийсаанасса ваа д̣̇зварааж̇асса д̇хаж̇аг̇г̇ам̣ уллогаяад̇ам̣ яам̣ бхависсад̇и бхаяам̣ ваа чамбхид̇ад̇д̇ам̣ ваа ломахам̣со ваа, со бахийязт̇ааби ноби бахийязт̇а 1.
‘‘Taṃ kho pana, bhikkhave, sakkassa vā devānamindassa dhajaggaṃ ullokayataṃ, pajāpatissa vā devarājassa dhajaggaṃ ullokayataṃ, varuṇassa vā devarājassa dhajaggaṃ ullokayataṃ, īsānassa vā devarājassa dhajaggaṃ ullokayataṃ yaṃ bhavissati bhayaṃ vā chambhitattaṃ vā lomahaṃso vā, so pahīyethāpi nopi pahīyetha 2.
‘‘д̇ам̣ гисса хзд̇у? сагго хи, бхигкавз, д̣̇зваанаминд̣̇о авийд̇арааг̇о авийд̇ад̣̇осо авийд̇амохо бхийру чамбхий уд̇раасий балааяийд̇и.
‘‘Taṃ kissa hetu? Sakko hi, bhikkhave, devānamindo avītarāgo avītadoso avītamoho bhīru chambhī utrāsī palāyīti.
‘‘ахан̃жа ко, бхигкавз, звам̣ вад̣̇аами – ‘сажз д̇умхаагам̣, бхигкавз, аран̃н̃аг̇ад̇аанам̣ ваа ругкамуулаг̇ад̇аанам̣ ваа сун̃н̃ааг̇аараг̇ад̇аанам̣ ваа уббаж̇ж̇зяяа бхаяам̣ ваа чамбхид̇ад̇д̇ам̣ ваа ломахам̣со ваа, мамзва д̇асмим̣ самаяз ануссарзяяаат̇а – ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. маман̃хи во, бхигкавз, ануссарад̇ам̣ яам̣ бхависсад̇и бхаяам̣ ваа чамбхид̇ад̇д̇ам̣ ваа ломахам̣со ваа, со бахийяиссад̇и.
‘‘Ahañca kho, bhikkhave, evaṃ vadāmi – ‘sace tumhākaṃ, bhikkhave, araññagatānaṃ vā rukkhamūlagatānaṃ vā suññāgāragatānaṃ vā uppajjeyya bhayaṃ vā chambhitattaṃ vā lomahaṃso vā, mameva tasmiṃ samaye anussareyyātha – itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Mamañhi vo, bhikkhave, anussarataṃ yaṃ bhavissati bhayaṃ vā chambhitattaṃ vā lomahaṃso vā, so pahīyissati.
‘‘но жз мам̣ ануссарзяяаат̇а, ат̇а д̇хаммам̣ ануссарзяяаат̇а – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и. д̇хамман̃хи во, бхигкавз, ануссарад̇ам̣ яам̣ бхависсад̇и бхаяам̣ ваа чамбхид̇ад̇д̇ам̣ ваа ломахам̣со ваа, со бахийяиссад̇и.
‘‘No ce maṃ anussareyyātha, atha dhammaṃ anussareyyātha – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti. Dhammañhi vo, bhikkhave, anussarataṃ yaṃ bhavissati bhayaṃ vā chambhitattaṃ vā lomahaṃso vā, so pahīyissati.
‘‘но жз д̇хаммам̣ ануссарзяяаат̇а, ат̇а сан̇гхам̣ ануссарзяяаат̇а – ‘суббадибанно бхаг̇авад̇о саавагасан̇гхо уж̇уббадибанно бхаг̇авад̇о саавагасан̇гхо н̃ааяаббадибанно бхаг̇авад̇о саавагасан̇гхо саамийжиббадибанно бхаг̇авад̇о саавагасан̇гхо, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа зса бхаг̇авад̇о саавагасан̇гхо, аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’д̇и. сан̇гхан̃хи во, бхигкавз, ануссарад̇ам̣ яам̣ бхависсад̇и бхаяам̣ ваа чамбхид̇ад̇д̇ам̣ ваа ломахам̣со ваа, со бахийяиссад̇и.
‘‘No ce dhammaṃ anussareyyātha, atha saṅghaṃ anussareyyātha – ‘suppaṭipanno bhagavato sāvakasaṅgho ujuppaṭipanno bhagavato sāvakasaṅgho ñāyappaṭipanno bhagavato sāvakasaṅgho sāmīcippaṭipanno bhagavato sāvakasaṅgho, yadidaṃ cattāri purisayugāni aṭṭha purisapuggalā esa bhagavato sāvakasaṅgho, āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’ti. Saṅghañhi vo, bhikkhave, anussarataṃ yaṃ bhavissati bhayaṃ vā chambhitattaṃ vā lomahaṃso vā, so pahīyissati.
‘‘д̇ам̣ гисса хзд̇у? д̇ат̇ааг̇ад̇о хи, бхигкавз, арахам̣ саммаасамб̣уд̣̇д̇хо вийд̇арааг̇о вийд̇ад̣̇осо вийд̇амохо абхийру ажчамбхий ануд̇раасий абалааяий’’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
‘‘Taṃ kissa hetu? Tathāgato hi, bhikkhave, arahaṃ sammāsambuddho vītarāgo vītadoso vītamoho abhīru acchambhī anutrāsī apalāyī’’ti. Idamavoca bhagavā. Idaṃ vatvāna sugato athāparaṃ etadavoca satthā –
‘‘аран̃н̃з ругкамуулз ваа, сун̃н̃ааг̇аарзва бхигкаво;
‘‘Araññe rukkhamūle vā, suññāgāreva bhikkhavo;
ануссарзт̇а 3 самб̣уд̣̇д̇хам̣, бхаяам̣ д̇умхаага но сияаа.
Anussaretha 4 sambuddhaṃ, bhayaṃ tumhāka no siyā.
‘‘но жз б̣уд̣̇д̇хам̣ сарзяяаат̇а, логаж̇здтам̣ нараасабхам̣;
‘‘No ce buddhaṃ sareyyātha, lokajeṭṭhaṃ narāsabhaṃ;
ат̇а д̇хаммам̣ сарзяяаат̇а, нияяаанигам̣ суд̣̇зсид̇ам̣.
Atha dhammaṃ sareyyātha, niyyānikaṃ sudesitaṃ.
‘‘но жз д̇хаммам̣ сарзяяаат̇а, нияяаанигам̣ суд̣̇зсид̇ам̣;
‘‘No ce dhammaṃ sareyyātha, niyyānikaṃ sudesitaṃ;
ат̇а сан̇гхам̣ сарзяяаат̇а, бун̃н̃агкзд̇д̇ам̣ ануд̇д̇арам̣.
Atha saṅghaṃ sareyyātha, puññakkhettaṃ anuttaraṃ.
‘‘звам̣ б̣уд̣̇д̇хам̣ саранд̇аанам̣, д̇хаммам̣ сан̇гхан̃жа бхигкаво;
‘‘Evaṃ buddhaṃ sarantānaṃ, dhammaṃ saṅghañca bhikkhavo;
бхаяам̣ ваа чамбхид̇ад̇д̇ам̣ ваа, ломахам̣со на хзссад̇ий’’д̇и.
Bhayaṃ vā chambhitattaṃ vā, lomahaṃso na hessatī’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̇хаж̇аг̇г̇асуд̇д̇аван̣н̣анаа • 3. Dhajaggasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̇хаж̇аг̇г̇асуд̇д̇аван̣н̣анаа • 3. Dhajaggasuttavaṇṇanā
