| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. д̇хаж̇аг̇г̇асуд̇д̇аван̣н̣анаа
3. Dhajaggasuttavaṇṇanā
249. д̇ад̇ияз самубаб̣яуул̣ход̇и самбин̣д̣ид̇о раасибхууд̇о. д̇хаж̇аг̇г̇ам̣ уллогзяяат̇аад̇и саггасса гира д̣̇ияад̣дхаяож̇анасад̇ааяаамо рат̇о . д̇асса хи бажчиманд̇о бан̣н̣аасаяож̇ано, маж̇жхз рат̇абан̃ж̇аро бан̣н̣аасаяож̇ано, рат̇асанд̇хид̇о яаава рат̇асийсаа бан̣н̣аасаяож̇анаани. д̇ад̣̇зва бамаан̣ам̣ д̣̇иг̇ун̣ам̣ гад̇ваа д̇ияож̇анасад̇ааяаамод̇иби вад̣̇анд̇иязва. д̇асмим̣ яож̇анигабаллан̇го ад̇т̇ад̇о, д̇ияож̇анигам̣ сзд̇ажчад̇д̇ам̣ мад̇т̇агз табид̇ам̣, згасмим̣язва яуг̇з сахассаааж̇ан̃н̃аа яуд̇д̇аа, сзсаалан̇гаарасса бамаан̣ам̣ над̇т̇и. д̇хаж̇о банасса ад̣дхад̇ияаани яож̇анасад̇аани уг̇г̇ад̇о, яасса ваад̇аахад̇асса бан̃жан̇г̇игад̇уурияассзва сад̣̇д̣̇о нижчарад̇и, д̇ам̣ уллогзяяаат̇аад̇и вад̣̇ад̇и. гасмаа? д̇ам̣ бассанд̇аанан̃хи рааж̇аа но ааг̇анд̇ваа барисабарияанд̇з никаад̇ат̇амбхо вияа тид̇о, гасса маяам̣ бхааяаамаад̇и бхаяам̣ на ход̇и. баж̇аабад̇иссаад̇и со гира саггзна самаанаван̣н̣о самаанааяуго д̣̇уд̇ияам̣ аасанам̣ лабхад̇и. д̇ат̇аа варун̣о ийсаано жа. варун̣о бана д̇ад̇ияам̣ аасанам̣ лабхад̇и, ийсаано жад̇уд̇т̇ам̣. балааяийд̇и асурзхи барааж̇ид̇о д̇асмим̣ рат̇з тид̇о аббамад̇д̇агамби раж̇ад̇хаж̇ам̣ д̣̇исваа балааяанад̇хаммо.
249. Tatiye samupabyūḷhoti sampiṇḍito rāsibhūto. Dhajaggaṃullokeyyathāti sakkassa kira diyaḍḍhayojanasatāyāmo ratho . Tassa hi pacchimanto paṇṇāsayojano, majjhe rathapañjaro paṇṇāsayojano, rathasandhito yāva rathasīsā paṇṇāsayojanāni. Tadeva pamāṇaṃ diguṇaṃ katvā tiyojanasatāyāmotipi vadantiyeva. Tasmiṃ yojanikapallaṅko atthato, tiyojanikaṃ setacchattaṃ matthake ṭhapitaṃ, ekasmiṃyeva yuge sahassaājaññā yuttā, sesālaṅkārassa pamāṇaṃ natthi. Dhajo panassa aḍḍhatiyāni yojanasatāni uggato, yassa vātāhatassa pañcaṅgikatūriyasseva saddo niccharati, taṃ ullokeyyāthāti vadati. Kasmā? Taṃ passantānañhi rājā no āgantvā parisapariyante nikhātathambho viya ṭhito, kassa mayaṃ bhāyāmāti bhayaṃ na hoti. Pajāpatissāti so kira sakkena samānavaṇṇo samānāyuko dutiyaṃ āsanaṃ labhati. Tathā varuṇo īsāno ca. Varuṇo pana tatiyaṃ āsanaṃ labhati, īsāno catutthaṃ. Palāyīti asurehi parājito tasmiṃ rathe ṭhito appamattakampi rajadhajaṃ disvā palāyanadhammo.
ид̇иби со бхаг̇аваад̇иаад̣̇ийни висуд̣̇д̇химаг̇г̇з вид̇т̇аарид̇аанзва. ид̣̇амавожаад̇и ид̣̇ам̣ д̇хаж̇аг̇г̇абарид̇д̇ам̣ наама бхаг̇аваа авожа, яасса аан̣аакзд̇д̇з годисад̇асахассажаггаваал̣з аанубхааво вад̇д̇ад̇и. ид̣̇ам̣ ааваж̇ж̇зд̇ваа хи яагкабхаяажорабхаяаад̣̇ийхи д̣̇угкзхи муд̇д̇аанам̣ анд̇о над̇т̇и. д̇идтад̇у ан̃н̃ад̣̇угкавуубасамо, ид̣̇ам̣ ааваж̇ж̇амаано хи басаннажид̇д̇о аагаасзби бад̇идтам̣ лабхад̇и.
Itipi so bhagavātiādīni visuddhimagge vitthāritāneva. Idamavocāti idaṃ dhajaggaparittaṃ nāma bhagavā avoca, yassa āṇākhette koṭisatasahassacakkavāḷe ānubhāvo vattati. Idaṃ āvajjetvā hi yakkhabhayacorabhayādīhi dukkhehi muttānaṃ anto natthi. Tiṭṭhatu aññadukkhavūpasamo, idaṃ āvajjamāno hi pasannacitto ākāsepi patiṭṭhaṃ labhati.
д̇ад̇рид̣̇ам̣ вад̇т̇у – д̣̇ийгхаваабижзд̇ияамхи гира суд̇хаагаммз гаяирамаанз зго д̣̇ахаро муд̣̇д̇хавзд̣̇игаабаад̣̇ад̇о бад̇ид̇ваа жзд̇ияагужчияаа бхассад̇и. хздтаа тид̇о бхигкусан̇гхо ‘‘д̇хаж̇аг̇г̇абарид̇д̇ам̣, аавусо, ааваж̇ж̇аахий’’д̇и ааха. со маран̣абхаязна д̇аж̇ж̇ид̇о ‘‘д̇хаж̇аг̇г̇абарид̇д̇ам̣ мам̣ рагкад̇уу’’д̇и ааха. д̇аавад̣̇звасса жзд̇ияагужчид̇о д̣̇вз идтагаа нигкамид̇ваа собаанам̣ худ̇ваа адтам̣су, убаридтид̇о валлиниссзн̣им̣ од̇аарзсум̣. д̇асмим̣ ниссзн̣ияам̣ тид̇з идтагаа яат̇аадтаанзязва адтам̣су. д̇ад̇ияам̣.
Tatridaṃ vatthu – dīghavāpicetiyamhi kira sudhākamme kayiramāne eko daharo muddhavedikāpādato patitvā cetiyakucchiyā bhassati. Heṭṭhā ṭhito bhikkhusaṅgho ‘‘dhajaggaparittaṃ, āvuso, āvajjāhī’’ti āha. So maraṇabhayena tajjito ‘‘dhajaggaparittaṃ maṃ rakkhatū’’ti āha. Tāvadevassa cetiyakucchito dve iṭṭhakā nikkhamitvā sopānaṃ hutvā aṭṭhaṃsu, upariṭṭhito vallinisseṇiṃ otāresuṃ. Tasmiṃ nisseṇiyaṃ ṭhite iṭṭhakā yathāṭṭhāneyeva aṭṭhaṃsu. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. д̇хаж̇аг̇г̇асуд̇д̇ам̣ • 3. Dhajaggasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̇хаж̇аг̇г̇асуд̇д̇аван̣н̣анаа • 3. Dhajaggasuttavaṇṇanā
