| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. д̇хаж̇аг̇г̇асуд̇д̇аван̣н̣анаа
3. Dhajaggasuttavaṇṇanā
249. самубаб̣яуул̣ход̇и убхиннам̣ саха зва самааг̇амо, бхусам̣ ваа б̣яуул̣ход̇и ад̇т̇о. бхусаа банасса б̣яуул̣хад̇аа д̣̇виннам̣ сзнаанам̣ самааг̇анд̇ваа самбин̣д̣ид̇абхаавзнаад̇и ааха ‘‘самбин̣д̣ид̇о раасибхууд̇о’’д̇и. бажчиманд̇од̇и рат̇абан̃ж̇арасса баранд̇о бажчиманд̇о бажчимагодтаасо. рат̇асанд̇хид̇од̇и рат̇абан̃ж̇арасса губ̣б̣арзна сад̣̇д̇хим̣ самб̣анд̇ханадтаанад̇о. д̇ад̣̇зва бамаан̣анд̇и д̇ад̣̇зва ‘‘д̣̇ияад̣дхаяож̇анасад̇ааяаамо’’д̇и вуд̇д̇аббамаан̣амзва. д̣̇иг̇ун̣ам̣ гад̇ваад̇и ‘‘бажчиманд̇о сад̇аяож̇ано’’д̇иаад̣̇инаа д̣̇иг̇ун̣ам̣ гад̇ваа. жанд̣̇аман̣д̣аласуурияаман̣д̣алагин̇гин̣игаж̇аалаад̣̇ибхзд̣̇асса сзсаалан̇гаарасса. бассанд̇аанам̣ д̣̇зваанам̣. рааж̇аа нод̇и амхаагам̣ рааж̇аа д̣̇звасздто. д̣̇уд̇ияам̣ аасанам̣ лабхад̇ийд̇и саггз нисиннз д̇асса ананд̇арам̣ д̣̇уд̇ияам̣ аасанам̣ лабхад̇и. д̇асмаа д̣̇звасздтад̇ааяа сагго вияа г̇ааравадтаанияо, яад̇о сагго ‘‘д̇асса д̇хаж̇аг̇г̇ам̣ уллогзяяаат̇аа’’д̇и ааха. зса наяо сзсзсуби. асурзхи барааж̇ид̇од̇и асурзхи барааж̇аяам̣ аабаад̣̇ид̇о. раж̇ад̇хаж̇ам̣ д̣̇исваад̇и барасзнааяа убаг̇ажчанд̇ияаа удтид̇араж̇амад̇д̇амби д̣̇исваа тид̇оби д̇ам̣ раж̇ад̇хаж̇ам̣ д̣̇исваа бхийрубхаавзна балааяанад̇хаммо.
249.Samupabyūḷhoti ubhinnaṃ saha eva samāgamo, bhusaṃ vā byūḷhoti attho. Bhusā panassa byūḷhatā dvinnaṃ senānaṃ samāgantvā sampiṇḍitabhāvenāti āha ‘‘sampiṇḍito rāsibhūto’’ti. Pacchimantoti rathapañjarassa paranto pacchimanto pacchimakoṭṭhāso. Rathasandhitoti rathapañjarassa kubbarena saddhiṃ sambandhanaṭṭhānato. Tadeva pamāṇanti tadeva ‘‘diyaḍḍhayojanasatāyāmo’’ti vuttappamāṇameva. Diguṇaṃ katvāti ‘‘pacchimanto satayojano’’tiādinā diguṇaṃ katvā. Candamaṇḍalasūriyamaṇḍalakiṅkiṇikajālādibhedassa sesālaṅkārassa. Passantānaṃ devānaṃ. Rājā noti amhākaṃ rājā devaseṭṭho. Dutiyaṃ āsanaṃ labhatīti sakke nisinne tassa anantaraṃ dutiyaṃ āsanaṃ labhati. Tasmā devaseṭṭhatāya sakko viya gāravaṭṭhāniyo, yato sakko ‘‘tassa dhajaggaṃ ullokeyyāthā’’ti āha. Esa nayo sesesupi. Asurehi parājitoti asurehi parājayaṃ āpādito. Rajadhajaṃ disvāti parasenāya upagacchantiyā uṭṭhitarajamattampi disvā ṭhitopi taṃ rajadhajaṃ disvā bhīrubhāvena palāyanadhammo.
яасса д̇хаж̇аг̇г̇абарид̇д̇асса. аанубхааво вад̇д̇ад̇и асаммукийбхууд̇аахиби д̣̇звад̇аахи сирасаа самбадижчид̇аб̣б̣ад̇о. жорабхаяаад̣̇ийхийд̇и аад̣̇и-сад̣̇д̣̇зна рог̇абхаяаад̣̇ийнан̃жзва ваддад̣̇угкасса жа сан̇г̇ахо д̣̇адтаб̣б̣о вид̇хинаа бхаавид̇з барид̇д̇асса ад̇т̇з убажаараж̇жхаанаад̣̇ийнамби иж̇жханад̇о.
Yassa dhajaggaparittassa. Ānubhāvo vattati asammukhībhūtāhipi devatāhi sirasā sampaṭicchitabbato. Corabhayādīhīti ādi-saddena rogabhayādīnañceva vaṭṭadukkhassa ca saṅgaho daṭṭhabbo vidhinā bhāvite parittassa atthe upacārajjhānādīnampi ijjhanato.
д̣̇ийгхаваабийнаамагз г̇аамз жзд̇ияам̣ д̣̇ийгхаваабижзд̇ияам̣. муд̣̇д̇хавзд̣̇игаа наама хаммияам̣ баригкибид̇ваа гад̇авзд̣̇игаа. б̣уд̣̇д̇хаг̇ад̇ам̣ сад̇им̣ убадтабзд̇ваа барид̇д̇арагкаг̇уд̇д̇им̣ ааха. барид̇д̇асса аанубхаавзна д̣̇вз идтагаа…бз… адтам̣су. д̇ат̇аа хи д̇асмим̣ ниссзн̣ияам̣ тид̇з…бз… адтам̣сууд̇и.
Dīghavāpīnāmake gāme cetiyaṃ dīghavāpicetiyaṃ. Muddhavedikā nāma hammiyaṃ parikkhipitvā katavedikā. Buddhagataṃ satiṃ upaṭṭhapetvā parittarakkhaguttiṃ āha. Parittassa ānubhāvena dve iṭṭhakā…pe… aṭṭhaṃsu. Tathā hi tasmiṃ nisseṇiyaṃ ṭhite…pe… aṭṭhaṃsūti.
д̇хаж̇аг̇г̇асуд̇д̇аван̣н̣анаа нидтид̇аа.
Dhajaggasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. д̇хаж̇аг̇г̇асуд̇д̇ам̣ • 3. Dhajaggasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̇хаж̇аг̇г̇асуд̇д̇аван̣н̣анаа • 3. Dhajaggasuttavaṇṇanā
