| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਧਜਗ੍ਗਸੁਤ੍ਤવਣ੍ਣਨਾ
3. Dhajaggasuttavaṇṇanā
੨੪੯. ਤਤਿਯੇ ਸਮੁਪਬ੍ਯੂਲ਼੍ਹੋਤਿ ਸਮ੍ਪਿਣ੍ਡਿਤੋ ਰਾਸਿਭੂਤੋ। ਧਜਗ੍ਗਂ ਉਲ੍ਲੋਕੇਯ੍ਯਥਾਤਿ ਸਕ੍ਕਸ੍ਸ ਕਿਰ ਦਿਯਡ੍ਢਯੋਜਨਸਤਾਯਾਮੋ ਰਥੋ । ਤਸ੍ਸ ਹਿ ਪਚ੍ਛਿਮਨ੍ਤੋ ਪਣ੍ਣਾਸਯੋਜਨੋ, ਮਜ੍ਝੇ ਰਥਪਞ੍ਜਰੋ ਪਣ੍ਣਾਸਯੋਜਨੋ, ਰਥਸਨ੍ਧਿਤੋ ਯਾવ ਰਥਸੀਸਾ ਪਣ੍ਣਾਸਯੋਜਨਾਨਿ। ਤਦੇવ ਪਮਾਣਂ ਦਿਗੁਣਂ ਕਤ੍વਾ ਤਿਯੋਜਨਸਤਾਯਾਮੋਤਿਪਿ વਦਨ੍ਤਿਯੇવ। ਤਸ੍ਮਿਂ ਯੋਜਨਿਕਪਲ੍ਲਙ੍ਕੋ ਅਤ੍ਥਤੋ, ਤਿਯੋਜਨਿਕਂ ਸੇਤਚ੍ਛਤ੍ਤਂ ਮਤ੍ਥਕੇ ਠਪਿਤਂ, ਏਕਸ੍ਮਿਂਯੇવ ਯੁਗੇ ਸਹਸ੍ਸਆਜਞ੍ਞਾ ਯੁਤ੍ਤਾ, ਸੇਸਾਲਙ੍ਕਾਰਸ੍ਸ ਪਮਾਣਂ ਨਤ੍ਥਿ। ਧਜੋ ਪਨਸ੍ਸ ਅਡ੍ਢਤਿਯਾਨਿ ਯੋਜਨਸਤਾਨਿ ਉਗ੍ਗਤੋ, ਯਸ੍ਸ વਾਤਾਹਤਸ੍ਸ ਪਞ੍ਚਙ੍ਗਿਕਤੂਰਿਯਸ੍ਸੇવ ਸਦ੍ਦੋ ਨਿਚ੍ਛਰਤਿ, ਤਂ ਉਲ੍ਲੋਕੇਯ੍ਯਾਥਾਤਿ વਦਤਿ। ਕਸ੍ਮਾ? ਤਂ ਪਸ੍ਸਨ੍ਤਾਨਞ੍ਹਿ ਰਾਜਾ ਨੋ ਆਗਨ੍ਤ੍વਾ ਪਰਿਸਪਰਿਯਨ੍ਤੇ ਨਿਖਾਤਥਮ੍ਭੋ વਿਯ ਠਿਤੋ, ਕਸ੍ਸ ਮਯਂ ਭਾਯਾਮਾਤਿ ਭਯਂ ਨ ਹੋਤਿ। ਪਜਾਪਤਿਸ੍ਸਾਤਿ ਸੋ ਕਿਰ ਸਕ੍ਕੇਨ ਸਮਾਨવਣ੍ਣੋ ਸਮਾਨਾਯੁਕੋ ਦੁਤਿਯਂ ਆਸਨਂ ਲਭਤਿ। ਤਥਾ વਰੁਣੋ ਈਸਾਨੋ ਚ। વਰੁਣੋ ਪਨ ਤਤਿਯਂ ਆਸਨਂ ਲਭਤਿ, ਈਸਾਨੋ ਚਤੁਤ੍ਥਂ। ਪਲਾਯੀਤਿ ਅਸੁਰੇਹਿ ਪਰਾਜਿਤੋ ਤਸ੍ਮਿਂ ਰਥੇ ਠਿਤੋ ਅਪ੍ਪਮਤ੍ਤਕਮ੍ਪਿ ਰਜਧਜਂ ਦਿਸ੍વਾ ਪਲਾਯਨਧਮ੍ਮੋ।
249. Tatiye samupabyūḷhoti sampiṇḍito rāsibhūto. Dhajaggaṃullokeyyathāti sakkassa kira diyaḍḍhayojanasatāyāmo ratho . Tassa hi pacchimanto paṇṇāsayojano, majjhe rathapañjaro paṇṇāsayojano, rathasandhito yāva rathasīsā paṇṇāsayojanāni. Tadeva pamāṇaṃ diguṇaṃ katvā tiyojanasatāyāmotipi vadantiyeva. Tasmiṃ yojanikapallaṅko atthato, tiyojanikaṃ setacchattaṃ matthake ṭhapitaṃ, ekasmiṃyeva yuge sahassaājaññā yuttā, sesālaṅkārassa pamāṇaṃ natthi. Dhajo panassa aḍḍhatiyāni yojanasatāni uggato, yassa vātāhatassa pañcaṅgikatūriyasseva saddo niccharati, taṃ ullokeyyāthāti vadati. Kasmā? Taṃ passantānañhi rājā no āgantvā parisapariyante nikhātathambho viya ṭhito, kassa mayaṃ bhāyāmāti bhayaṃ na hoti. Pajāpatissāti so kira sakkena samānavaṇṇo samānāyuko dutiyaṃ āsanaṃ labhati. Tathā varuṇo īsāno ca. Varuṇo pana tatiyaṃ āsanaṃ labhati, īsāno catutthaṃ. Palāyīti asurehi parājito tasmiṃ rathe ṭhito appamattakampi rajadhajaṃ disvā palāyanadhammo.
ਇਤਿਪਿ ਸੋ ਭਗવਾਤਿਆਦੀਨਿ વਿਸੁਦ੍ਧਿਮਗ੍ਗੇ વਿਤ੍ਥਾਰਿਤਾਨੇવ। ਇਦਮવੋਚਾਤਿ ਇਦਂ ਧਜਗ੍ਗਪਰਿਤ੍ਤਂ ਨਾਮ ਭਗવਾ ਅવੋਚ, ਯਸ੍ਸ ਆਣਾਖੇਤ੍ਤੇ ਕੋਟਿਸਤਸਹਸ੍ਸਚਕ੍ਕવਾਲ਼ੇ ਆਨੁਭਾવੋ વਤ੍ਤਤਿ। ਇਦਂ ਆવਜ੍ਜੇਤ੍વਾ ਹਿ ਯਕ੍ਖਭਯਚੋਰਭਯਾਦੀਹਿ ਦੁਕ੍ਖੇਹਿ ਮੁਤ੍ਤਾਨਂ ਅਨ੍ਤੋ ਨਤ੍ਥਿ। ਤਿਟ੍ਠਤੁ ਅਞ੍ਞਦੁਕ੍ਖવੂਪਸਮੋ, ਇਦਂ ਆવਜ੍ਜਮਾਨੋ ਹਿ ਪਸਨ੍ਨਚਿਤ੍ਤੋ ਆਕਾਸੇਪਿ ਪਤਿਟ੍ਠਂ ਲਭਤਿ।
Itipi so bhagavātiādīni visuddhimagge vitthāritāneva. Idamavocāti idaṃ dhajaggaparittaṃ nāma bhagavā avoca, yassa āṇākhette koṭisatasahassacakkavāḷe ānubhāvo vattati. Idaṃ āvajjetvā hi yakkhabhayacorabhayādīhi dukkhehi muttānaṃ anto natthi. Tiṭṭhatu aññadukkhavūpasamo, idaṃ āvajjamāno hi pasannacitto ākāsepi patiṭṭhaṃ labhati.
ਤਤ੍ਰਿਦਂ વਤ੍ਥੁ – ਦੀਘવਾਪਿਚੇਤਿਯਮ੍ਹਿ ਕਿਰ ਸੁਧਾਕਮ੍ਮੇ ਕਯਿਰਮਾਨੇ ਏਕੋ ਦਹਰੋ ਮੁਦ੍ਧવੇਦਿਕਾਪਾਦਤੋ ਪਤਿਤ੍વਾ ਚੇਤਿਯਕੁਚ੍ਛਿਯਾ ਭਸ੍ਸਤਿ। ਹੇਟ੍ਠਾ ਠਿਤੋ ਭਿਕ੍ਖੁਸਙ੍ਘੋ ‘‘ਧਜਗ੍ਗਪਰਿਤ੍ਤਂ, ਆવੁਸੋ, ਆવਜ੍ਜਾਹੀ’’ਤਿ ਆਹ। ਸੋ ਮਰਣਭਯੇਨ ਤਜ੍ਜਿਤੋ ‘‘ਧਜਗ੍ਗਪਰਿਤ੍ਤਂ ਮਂ ਰਕ੍ਖਤੂ’’ਤਿ ਆਹ। ਤਾવਦੇવਸ੍ਸ ਚੇਤਿਯਕੁਚ੍ਛਿਤੋ ਦ੍વੇ ਇਟ੍ਠਕਾ ਨਿਕ੍ਖਮਿਤ੍વਾ ਸੋਪਾਨਂ ਹੁਤ੍વਾ ਅਟ੍ਠਂਸੁ, ਉਪਰਿਟ੍ਠਿਤੋ વਲ੍ਲਿਨਿਸ੍ਸੇਣਿਂ ਓਤਾਰੇਸੁਂ। ਤਸ੍ਮਿਂ ਨਿਸ੍ਸੇਣਿਯਂ ਠਿਤੇ ਇਟ੍ਠਕਾ ਯਥਾਟ੍ਠਾਨੇਯੇવ ਅਟ੍ਠਂਸੁ। ਤਤਿਯਂ।
Tatridaṃ vatthu – dīghavāpicetiyamhi kira sudhākamme kayiramāne eko daharo muddhavedikāpādato patitvā cetiyakucchiyā bhassati. Heṭṭhā ṭhito bhikkhusaṅgho ‘‘dhajaggaparittaṃ, āvuso, āvajjāhī’’ti āha. So maraṇabhayena tajjito ‘‘dhajaggaparittaṃ maṃ rakkhatū’’ti āha. Tāvadevassa cetiyakucchito dve iṭṭhakā nikkhamitvā sopānaṃ hutvā aṭṭhaṃsu, upariṭṭhito vallinisseṇiṃ otāresuṃ. Tasmiṃ nisseṇiyaṃ ṭhite iṭṭhakā yathāṭṭhāneyeva aṭṭhaṃsu. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਧਜਗ੍ਗਸੁਤ੍ਤਂ • 3. Dhajaggasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਧਜਗ੍ਗਸੁਤ੍ਤવਣ੍ਣਨਾ • 3. Dhajaggasuttavaṇṇanā
