| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਧਜਗ੍ਗਸੁਤ੍ਤવਣ੍ਣਨਾ
3. Dhajaggasuttavaṇṇanā
੨੪੯. ਸਮੁਪਬ੍ਯੂਲ਼੍ਹੋਤਿ ਉਭਿਨ੍ਨਂ ਸਹ ਏવ ਸਮਾਗਮੋ, ਭੁਸਂ વਾ ਬ੍ਯੂਲ਼੍ਹੋਤਿ ਅਤ੍ਥੋ। ਭੁਸਾ ਪਨਸ੍ਸ ਬ੍ਯੂਲ਼੍ਹਤਾ ਦ੍વਿਨ੍ਨਂ ਸੇਨਾਨਂ ਸਮਾਗਨ੍ਤ੍વਾ ਸਮ੍ਪਿਣ੍ਡਿਤਭਾવੇਨਾਤਿ ਆਹ ‘‘ਸਮ੍ਪਿਣ੍ਡਿਤੋ ਰਾਸਿਭੂਤੋ’’ਤਿ। ਪਚ੍ਛਿਮਨ੍ਤੋਤਿ ਰਥਪਞ੍ਜਰਸ੍ਸ ਪਰਨ੍ਤੋ ਪਚ੍ਛਿਮਨ੍ਤੋ ਪਚ੍ਛਿਮਕੋਟ੍ਠਾਸੋ। ਰਥਸਨ੍ਧਿਤੋਤਿ ਰਥਪਞ੍ਜਰਸ੍ਸ ਕੁਬ੍ਬਰੇਨ ਸਦ੍ਧਿਂ ਸਮ੍ਬਨ੍ਧਨਟ੍ਠਾਨਤੋ। ਤਦੇવ ਪਮਾਣਨ੍ਤਿ ਤਦੇવ ‘‘ਦਿਯਡ੍ਢਯੋਜਨਸਤਾਯਾਮੋ’’ਤਿ વੁਤ੍ਤਪ੍ਪਮਾਣਮੇવ। ਦਿਗੁਣਂ ਕਤ੍વਾਤਿ ‘‘ਪਚ੍ਛਿਮਨ੍ਤੋ ਸਤਯੋਜਨੋ’’ਤਿਆਦਿਨਾ ਦਿਗੁਣਂ ਕਤ੍વਾ। ਚਨ੍ਦਮਣ੍ਡਲਸੂਰਿਯਮਣ੍ਡਲਕਿਙ੍ਕਿਣਿਕਜਾਲਾਦਿਭੇਦਸ੍ਸ ਸੇਸਾਲਙ੍ਕਾਰਸ੍ਸ। ਪਸ੍ਸਨ੍ਤਾਨਂ ਦੇવਾਨਂ। ਰਾਜਾ ਨੋਤਿ ਅਮ੍ਹਾਕਂ ਰਾਜਾ ਦੇવਸੇਟ੍ਠੋ। ਦੁਤਿਯਂ ਆਸਨਂ ਲਭਤੀਤਿ ਸਕ੍ਕੇ ਨਿਸਿਨ੍ਨੇ ਤਸ੍ਸ ਅਨਨ੍ਤਰਂ ਦੁਤਿਯਂ ਆਸਨਂ ਲਭਤਿ। ਤਸ੍ਮਾ ਦੇવਸੇਟ੍ਠਤਾਯ ਸਕ੍ਕੋ વਿਯ ਗਾਰવਟ੍ਠਾਨਿਯੋ, ਯਤੋ ਸਕ੍ਕੋ ‘‘ਤਸ੍ਸ ਧਜਗ੍ਗਂ ਉਲ੍ਲੋਕੇਯ੍ਯਾਥਾ’’ਤਿ ਆਹ। ਏਸ ਨਯੋ ਸੇਸੇਸੁਪਿ। ਅਸੁਰੇਹਿ ਪਰਾਜਿਤੋਤਿ ਅਸੁਰੇਹਿ ਪਰਾਜਯਂ ਆਪਾਦਿਤੋ। ਰਜਧਜਂ ਦਿਸ੍વਾਤਿ ਪਰਸੇਨਾਯ ਉਪਗਚ੍ਛਨ੍ਤਿਯਾ ਉਟ੍ਠਿਤਰਜਮਤ੍ਤਮ੍ਪਿ ਦਿਸ੍વਾ ਠਿਤੋਪਿ ਤਂ ਰਜਧਜਂ ਦਿਸ੍વਾ ਭੀਰੁਭਾવੇਨ ਪਲਾਯਨਧਮ੍ਮੋ।
249.Samupabyūḷhoti ubhinnaṃ saha eva samāgamo, bhusaṃ vā byūḷhoti attho. Bhusā panassa byūḷhatā dvinnaṃ senānaṃ samāgantvā sampiṇḍitabhāvenāti āha ‘‘sampiṇḍito rāsibhūto’’ti. Pacchimantoti rathapañjarassa paranto pacchimanto pacchimakoṭṭhāso. Rathasandhitoti rathapañjarassa kubbarena saddhiṃ sambandhanaṭṭhānato. Tadeva pamāṇanti tadeva ‘‘diyaḍḍhayojanasatāyāmo’’ti vuttappamāṇameva. Diguṇaṃ katvāti ‘‘pacchimanto satayojano’’tiādinā diguṇaṃ katvā. Candamaṇḍalasūriyamaṇḍalakiṅkiṇikajālādibhedassa sesālaṅkārassa. Passantānaṃ devānaṃ. Rājā noti amhākaṃ rājā devaseṭṭho. Dutiyaṃ āsanaṃ labhatīti sakke nisinne tassa anantaraṃ dutiyaṃ āsanaṃ labhati. Tasmā devaseṭṭhatāya sakko viya gāravaṭṭhāniyo, yato sakko ‘‘tassa dhajaggaṃ ullokeyyāthā’’ti āha. Esa nayo sesesupi. Asurehi parājitoti asurehi parājayaṃ āpādito. Rajadhajaṃ disvāti parasenāya upagacchantiyā uṭṭhitarajamattampi disvā ṭhitopi taṃ rajadhajaṃ disvā bhīrubhāvena palāyanadhammo.
ਯਸ੍ਸ ਧਜਗ੍ਗਪਰਿਤ੍ਤਸ੍ਸ। ਆਨੁਭਾવੋ વਤ੍ਤਤਿ ਅਸਮ੍ਮੁਖੀਭੂਤਾਹਿਪਿ ਦੇવਤਾਹਿ ਸਿਰਸਾ ਸਮ੍ਪਟਿਚ੍ਛਿਤਬ੍ਬਤੋ। ਚੋਰਭਯਾਦੀਹੀਤਿ ਆਦਿ-ਸਦ੍ਦੇਨ ਰੋਗਭਯਾਦੀਨਞ੍ਚੇવ વਟ੍ਟਦੁਕ੍ਖਸ੍ਸ ਚ ਸਙ੍ਗਹੋ ਦਟ੍ਠਬ੍ਬੋ વਿਧਿਨਾ ਭਾવਿਤੇ ਪਰਿਤ੍ਤਸ੍ਸ ਅਤ੍ਥੇ ਉਪਚਾਰਜ੍ਝਾਨਾਦੀਨਮ੍ਪਿ ਇਜ੍ਝਨਤੋ।
Yassa dhajaggaparittassa. Ānubhāvo vattati asammukhībhūtāhipi devatāhi sirasā sampaṭicchitabbato. Corabhayādīhīti ādi-saddena rogabhayādīnañceva vaṭṭadukkhassa ca saṅgaho daṭṭhabbo vidhinā bhāvite parittassa atthe upacārajjhānādīnampi ijjhanato.
ਦੀਘવਾਪੀਨਾਮਕੇ ਗਾਮੇ ਚੇਤਿਯਂ ਦੀਘવਾਪਿਚੇਤਿਯਂ। ਮੁਦ੍ਧવੇਦਿਕਾ ਨਾਮ ਹਮ੍ਮਿਯਂ ਪਰਿਕ੍ਖਿਪਿਤ੍વਾ ਕਤવੇਦਿਕਾ। ਬੁਦ੍ਧਗਤਂ ਸਤਿਂ ਉਪਟ੍ਠਪੇਤ੍વਾ ਪਰਿਤ੍ਤਰਕ੍ਖਗੁਤ੍ਤਿਂ ਆਹ। ਪਰਿਤ੍ਤਸ੍ਸ ਆਨੁਭਾવੇਨ ਦ੍વੇ ਇਟ੍ਠਕਾ…ਪੇ॰… ਅਟ੍ਠਂਸੁ। ਤਥਾ ਹਿ ਤਸ੍ਮਿਂ ਨਿਸ੍ਸੇਣਿਯਂ ਠਿਤੇ…ਪੇ॰… ਅਟ੍ਠਂਸੂਤਿ।
Dīghavāpīnāmake gāme cetiyaṃ dīghavāpicetiyaṃ. Muddhavedikā nāma hammiyaṃ parikkhipitvā katavedikā. Buddhagataṃ satiṃ upaṭṭhapetvā parittarakkhaguttiṃ āha. Parittassa ānubhāvena dve iṭṭhakā…pe… aṭṭhaṃsu. Tathā hi tasmiṃ nisseṇiyaṃ ṭhite…pe… aṭṭhaṃsūti.
ਧਜਗ੍ਗਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dhajaggasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਧਜਗ੍ਗਸੁਤ੍ਤਂ • 3. Dhajaggasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਧਜਗ੍ਗਸੁਤ੍ਤવਣ੍ਣਨਾ • 3. Dhajaggasuttavaṇṇanā
