| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
২২. বাৰীসতিমৰগ্গো
22. Bāvīsatimavaggo
(২১১) ৪. ধম্মাভিসমযকথা
(211) 4. Dhammābhisamayakathā
৮৯৭. অত্থি গব্ভসেয্যায ধম্মাভিসমযোতি? আমন্তা। অত্থি গব্ভসেয্যায ধম্মদেসনা, ধম্মস্সৰনং, ধম্মসাকচ্ছা, পরিপুচ্ছা, সীলসমাদানং , ইন্দ্রিযেসু গুত্তদ্ৰারতা, ভোজনে মত্তঞ্ঞুতা, পুব্বরত্তাপররত্তং জাগরিযানুযোগোতি ? ন হেৰং ৰত্তব্বে…পে॰… নত্থি গব্ভসেয্যায ধম্মদেসনা, ধম্মস্সৰনং…পে॰… পুব্বরত্তাপররত্তং জাগরিযানুযোগোতি? আমন্তা। হঞ্চি নত্থি গব্ভসেয্যায ধম্মদেসনা, ধম্মস্সৰনং…পে॰… পুব্বরত্তাপররত্তং জাগরিযানুযোগো, নো চ ৰত রে ৰত্তব্বে – ‘‘অত্থি গব্ভসেয্যায ধম্মাভিসমযো’’তি।
897. Atthi gabbhaseyyāya dhammābhisamayoti? Āmantā. Atthi gabbhaseyyāya dhammadesanā, dhammassavanaṃ, dhammasākacchā, paripucchā, sīlasamādānaṃ , indriyesu guttadvāratā, bhojane mattaññutā, pubbarattāpararattaṃ jāgariyānuyogoti ? Na hevaṃ vattabbe…pe… natthi gabbhaseyyāya dhammadesanā, dhammassavanaṃ…pe… pubbarattāpararattaṃ jāgariyānuyogoti? Āmantā. Hañci natthi gabbhaseyyāya dhammadesanā, dhammassavanaṃ…pe… pubbarattāpararattaṃ jāgariyānuyogo, no ca vata re vattabbe – ‘‘atthi gabbhaseyyāya dhammābhisamayo’’ti.
অত্থি গব্ভসেয্যায ধম্মাভিসমযোতি? আমন্তা। ননু দ্ৰে পচ্চযা সম্মাদিট্ঠিযা উপ্পাদায – পরতো চ ঘোসো, যোনিসো চ মনসিকারোতি? আমন্তা। হঞ্চি দ্ৰে পচ্চযা সম্মাদিট্ঠিযা উপ্পাদায – পরতো চ ঘোসো, যোনিসো চ মনসিকারো, নো চ ৰত রে ৰত্তব্বে – ‘‘অত্থি গব্ভসেয্যায ধম্মাভিসমযো’’তি।
Atthi gabbhaseyyāya dhammābhisamayoti? Āmantā. Nanu dve paccayā sammādiṭṭhiyā uppādāya – parato ca ghoso, yoniso ca manasikāroti? Āmantā. Hañci dve paccayā sammādiṭṭhiyā uppādāya – parato ca ghoso, yoniso ca manasikāro, no ca vata re vattabbe – ‘‘atthi gabbhaseyyāya dhammābhisamayo’’ti.
অত্থি গব্ভসেয্যায ধম্মাভিসমযোতি? আমন্তা। সুত্তস্স পমত্তস্স মুট্ঠস্সতিস্স অসম্পজানস্স ধম্মাভিসমযোতি? ন হেৰং ৰত্তব্বে…পে॰…।
Atthi gabbhaseyyāya dhammābhisamayoti? Āmantā. Suttassa pamattassa muṭṭhassatissa asampajānassa dhammābhisamayoti? Na hevaṃ vattabbe…pe….
ধম্মাভিসমযকথা নিট্ঠিতা।
Dhammābhisamayakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. ধম্মাভিসমযকথাৰণ্ণনা • 4. Dhammābhisamayakathāvaṇṇanā
