| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၄. ဓမ္မာဘိသမယကထာဝဏ္ဏနာ
4. Dhammābhisamayakathāvaṇṇanā
၈၉၇. ဣဒာနိ ဓမ္မာဘိသမယကထာ နာမ ဟောတိ။ တတ္ထ အတီတဘဝေ သောတာပန္နံ မာတုကုစ္ဆိယံ ဝသိတ္ဝာ နိက္ခန္တံ ဒိသ္ဝာ ‘‘အတ္ထိ ဂဗ္ဘသေယ္ယာယ ဓမ္မာဘိသမယော’’တိ ယေသံ လဒ္ဓိ, သေယ္ယထာပိ ဧကစ္စာနံ ဥတ္တရာပထကာနံ, တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ ‘‘ယဒိ တတ္ထ ဓမ္မာဘိသမယော အတ္ထိ, ဓမ္မာဘိသမယသ္သ ကာရဏေဟိ ဓမ္မဒေသနာဒီဟိ ဘဝိတဗ္ဗ’’န္တိ စောဒေတုံ အတ္ထိ ဂဗ္ဘသေယ္ယာယ ဓမ္မဒေသနာတိအာဒိမာဟ။ သုတ္တသ္သာတိအာဒိ ဘဝင္ဂဝာရံ သန္ဓာယ ဝုတ္တံ။ ဂဗ္ဘသေယ္ယာယ ဟိ ယေဘုယ္ယေန ဘဝင္ဂမေဝ ပဝတ္တတိ။ တေနေဝ သတ္တော ကိရိယမယပ္ပဝတ္တာဘာဝာ သုတ္တော, ဘာဝနာနုယောဂသ္သ အဘာဝာ ပမတ္တော, ကမ္မဋ္ဌာနပရိဂ္ဂာဟကာနံ သတိသမ္ပဇညာနံ အဘာဝာ မုဋ္ဌသ္သတိ အသမ္ပဇာနော နာမ ဟောတိ, တထာရူပသ္သ ကုတော ဓမ္မာဘိသမယောတိ?
897. Idāni dhammābhisamayakathā nāma hoti. Tattha atītabhave sotāpannaṃ mātukucchiyaṃ vasitvā nikkhantaṃ disvā ‘‘atthi gabbhaseyyāya dhammābhisamayo’’ti yesaṃ laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Atha naṃ ‘‘yadi tattha dhammābhisamayo atthi, dhammābhisamayassa kāraṇehi dhammadesanādīhi bhavitabba’’nti codetuṃ atthi gabbhaseyyāya dhammadesanātiādimāha. Suttassātiādi bhavaṅgavāraṃ sandhāya vuttaṃ. Gabbhaseyyāya hi yebhuyyena bhavaṅgameva pavattati. Teneva satto kiriyamayappavattābhāvā sutto, bhāvanānuyogassa abhāvā pamatto, kammaṭṭhānapariggāhakānaṃ satisampajaññānaṃ abhāvā muṭṭhassati asampajāno nāma hoti, tathārūpassa kuto dhammābhisamayoti?
ဓမ္မာဘိသမယကထာဝဏ္ဏနာ။
Dhammābhisamayakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၂၁၁) ၄. ဓမ္မာဘိသမယကထာ • (211) 4. Dhammābhisamayakathā
