| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༤. དྷམྨཱབྷིསམཡཀཐཱཝཎྞནཱ
4. Dhammābhisamayakathāvaṇṇanā
༨༩༧. ཨིདཱནི དྷམྨཱབྷིསམཡཀཐཱ ནཱམ ཧོཏི། ཏཏྠ ཨཏཱིཏབྷཝེ སོཏཱཔནྣཾ མཱཏུཀུཙྪིཡཾ ཝསིཏྭཱ ནིཀྑནྟཾ དིསྭཱ ‘‘ཨཏྠི གབྦྷསེཡྻཱཡ དྷམྨཱབྷིསམཡོ’’ཏི ཡེསཾ ལདྡྷི, སེཡྻཐཱཔི ཨེཀཙྩཱནཾ ཨུཏྟརཱཔཐཀཱནཾ, ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘ཡདི ཏཏྠ དྷམྨཱབྷིསམཡོ ཨཏྠི, དྷམྨཱབྷིསམཡསྶ ཀཱརཎེཧི དྷམྨདེསནཱདཱིཧི བྷཝིཏབྦ’’ནྟི ཙོདེཏུཾ ཨཏྠི གབྦྷསེཡྻཱཡ དྷམྨདེསནཱཏིཨཱདིམཱཧ། སུཏྟསྶཱཏིཨཱདི བྷཝངྒཝཱརཾ སནྡྷཱཡ ཝུཏྟཾ། གབྦྷསེཡྻཱཡ ཧི ཡེབྷུཡྻེན བྷཝངྒམེཝ པཝཏྟཏི། ཏེནེཝ སཏྟོ ཀིརིཡམཡཔྤཝཏྟཱབྷཱཝཱ སུཏྟོ, བྷཱཝནཱནུཡོགསྶ ཨབྷཱཝཱ པམཏྟོ, ཀམྨཊྛཱནཔརིགྒཱཧཀཱནཾ སཏིསམྤཛཉྙཱནཾ ཨབྷཱཝཱ མུཊྛསྶཏི ཨསམྤཛཱནོ ནཱམ ཧོཏི, ཏཐཱརཱུཔསྶ ཀུཏོ དྷམྨཱབྷིསམཡོཏི?
897. Idāni dhammābhisamayakathā nāma hoti. Tattha atītabhave sotāpannaṃ mātukucchiyaṃ vasitvā nikkhantaṃ disvā ‘‘atthi gabbhaseyyāya dhammābhisamayo’’ti yesaṃ laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Atha naṃ ‘‘yadi tattha dhammābhisamayo atthi, dhammābhisamayassa kāraṇehi dhammadesanādīhi bhavitabba’’nti codetuṃ atthi gabbhaseyyāya dhammadesanātiādimāha. Suttassātiādi bhavaṅgavāraṃ sandhāya vuttaṃ. Gabbhaseyyāya hi yebhuyyena bhavaṅgameva pavattati. Teneva satto kiriyamayappavattābhāvā sutto, bhāvanānuyogassa abhāvā pamatto, kammaṭṭhānapariggāhakānaṃ satisampajaññānaṃ abhāvā muṭṭhassati asampajāno nāma hoti, tathārūpassa kuto dhammābhisamayoti?
དྷམྨཱབྷིསམཡཀཐཱཝཎྞནཱ།
Dhammābhisamayakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༡༡) ༤. དྷམྨཱབྷིསམཡཀཐཱ • (211) 4. Dhammābhisamayakathā
