| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੪. ਧਮ੍ਮਾਭਿਸਮਯਕਥਾવਣ੍ਣਨਾ
4. Dhammābhisamayakathāvaṇṇanā
੮੯੭. ਇਦਾਨਿ ਧਮ੍ਮਾਭਿਸਮਯਕਥਾ ਨਾਮ ਹੋਤਿ। ਤਤ੍ਥ ਅਤੀਤਭવੇ ਸੋਤਾਪਨ੍ਨਂ ਮਾਤੁਕੁਚ੍ਛਿਯਂ વਸਿਤ੍વਾ ਨਿਕ੍ਖਨ੍ਤਂ ਦਿਸ੍વਾ ‘‘ਅਤ੍ਥਿ ਗਬ੍ਭਸੇਯ੍ਯਾਯ ਧਮ੍ਮਾਭਿਸਮਯੋ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਕਚ੍ਚਾਨਂ ਉਤ੍ਤਰਾਪਥਕਾਨਂ, ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਯਦਿ ਤਤ੍ਥ ਧਮ੍ਮਾਭਿਸਮਯੋ ਅਤ੍ਥਿ, ਧਮ੍ਮਾਭਿਸਮਯਸ੍ਸ ਕਾਰਣੇਹਿ ਧਮ੍ਮਦੇਸਨਾਦੀਹਿ ਭવਿਤਬ੍ਬ’’ਨ੍ਤਿ ਚੋਦੇਤੁਂ ਅਤ੍ਥਿ ਗਬ੍ਭਸੇਯ੍ਯਾਯ ਧਮ੍ਮਦੇਸਨਾਤਿਆਦਿਮਾਹ। ਸੁਤ੍ਤਸ੍ਸਾਤਿਆਦਿ ਭવਙ੍ਗવਾਰਂ ਸਨ੍ਧਾਯ વੁਤ੍ਤਂ। ਗਬ੍ਭਸੇਯ੍ਯਾਯ ਹਿ ਯੇਭੁਯ੍ਯੇਨ ਭવਙ੍ਗਮੇવ ਪવਤ੍ਤਤਿ। ਤੇਨੇવ ਸਤ੍ਤੋ ਕਿਰਿਯਮਯਪ੍ਪવਤ੍ਤਾਭਾવਾ ਸੁਤ੍ਤੋ, ਭਾવਨਾਨੁਯੋਗਸ੍ਸ ਅਭਾવਾ ਪਮਤ੍ਤੋ, ਕਮ੍ਮਟ੍ਠਾਨਪਰਿਗ੍ਗਾਹਕਾਨਂ ਸਤਿਸਮ੍ਪਜਞ੍ਞਾਨਂ ਅਭਾવਾ ਮੁਟ੍ਠਸ੍ਸਤਿ ਅਸਮ੍ਪਜਾਨੋ ਨਾਮ ਹੋਤਿ, ਤਥਾਰੂਪਸ੍ਸ ਕੁਤੋ ਧਮ੍ਮਾਭਿਸਮਯੋਤਿ?
897. Idāni dhammābhisamayakathā nāma hoti. Tattha atītabhave sotāpannaṃ mātukucchiyaṃ vasitvā nikkhantaṃ disvā ‘‘atthi gabbhaseyyāya dhammābhisamayo’’ti yesaṃ laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Atha naṃ ‘‘yadi tattha dhammābhisamayo atthi, dhammābhisamayassa kāraṇehi dhammadesanādīhi bhavitabba’’nti codetuṃ atthi gabbhaseyyāya dhammadesanātiādimāha. Suttassātiādi bhavaṅgavāraṃ sandhāya vuttaṃ. Gabbhaseyyāya hi yebhuyyena bhavaṅgameva pavattati. Teneva satto kiriyamayappavattābhāvā sutto, bhāvanānuyogassa abhāvā pamatto, kammaṭṭhānapariggāhakānaṃ satisampajaññānaṃ abhāvā muṭṭhassati asampajāno nāma hoti, tathārūpassa kuto dhammābhisamayoti?
ਧਮ੍ਮਾਭਿਸਮਯਕਥਾવਣ੍ਣਨਾ।
Dhammābhisamayakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੧੧) ੪. ਧਮ੍ਮਾਭਿਸਮਯਕਥਾ • (211) 4. Dhammābhisamayakathā
