| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
д̇хаммажаггаббавад̇д̇анасуд̇д̇аван̣н̣анаа
Dhammacakkappavattanasuttavaṇṇanā
13. д̣̇взмз, бхигкавз, анд̇аад̇и д̣̇вз имз, бхигкавз, годтаасаа, д̣̇вз бхааг̇аад̇и ад̇т̇о. бхааг̇аважано хзд̇т̇а анд̇а-сад̣̇д̣̇о ‘‘буб̣б̣анд̇з н̃аан̣ам̣ абаранд̇з н̃аан̣а’’нд̇иаад̣̇ийсу (д̇ха. са. 1063) вияа. имасса бана бад̣̇асса ужжааран̣асамагаалам̣ бавад̇д̇аниг̇гхосо б̣уд̣̇д̇хаанубхаавзна хздтаа авийжим̣ убари бхаваг̇г̇ам̣ бад̇ваа д̣̇асасахассилогад̇хаад̇ум̣ парид̇ваа адтааси. д̇асмим̣язва самаяз барибаггагусаламуулаа сажжаабхисамб̣од̇хааяа гад̇аад̇хигаараа адтаарасагодисан̇каа б̣рахмаано самааг̇ажчим̣су. бажчимад̣̇исааяа суурияо ад̇т̇амзд̇и, баажийнад̣̇исааяа аасаал̣ханагкад̇д̇зна яуд̇д̇о бун̣н̣ажанд̣̇о уг̇г̇ажчад̇и. д̇асмим̣ самаяз бхаг̇аваа д̇хаммажаггаббавад̇д̇анасуд̇д̇ам̣ аарабханд̇о ‘‘д̣̇взмз, бхигкавз, анд̇аа’’д̇иаад̣̇имааха.
13.Dveme, bhikkhave, antāti dve ime, bhikkhave, koṭṭhāsā, dve bhāgāti attho. Bhāgavacano hettha anta-saddo ‘‘pubbante ñāṇaṃ aparante ñāṇa’’ntiādīsu (dha. sa. 1063) viya. Imassa pana padassa uccāraṇasamakālaṃ pavattanigghoso buddhānubhāvena heṭṭhā avīciṃ upari bhavaggaṃ patvā dasasahassilokadhātuṃ pharitvā aṭṭhāsi. Tasmiṃyeva samaye paripakkakusalamūlā saccābhisambodhāya katādhikārā aṭṭhārasakoṭisaṅkhā brahmāno samāgacchiṃsu. Pacchimadisāya sūriyo atthameti, pācīnadisāya āsāḷhanakkhattena yutto puṇṇacando uggacchati. Tasmiṃ samaye bhagavā dhammacakkappavattanasuttaṃ ārabhanto ‘‘dveme, bhikkhave, antā’’tiādimāha.
д̇ад̇т̇а баб̣б̣аж̇ид̇знаад̇и г̇ихиб̣анд̇ханам̣ чзд̇ваа баб̣б̣аж̇ж̇убаг̇ад̇зна. на сзвид̇аб̣б̣аад̇и на вал̣ан̃ж̇зд̇аб̣б̣аа наануяун̃ж̇ид̇аб̣б̣аа. яо жааяам̣ гаамзсу гаамасукаллигаануяог̇од̇и яо жа аяам̣ вад̇т̇угаамзсу гилзсагаамасукасса ануяог̇о, гилзсагаамасам̣яуд̇д̇асса сукасса ануг̇ад̇од̇и ад̇т̇о. хийнод̇и лаамаго. г̇аммод̇и г̇аамаваасийнам̣ санд̇аго д̇зхи сзвид̇аб̣б̣ад̇ааяа. бот̇уж̇ж̇анигод̇и бут̇уж̇ж̇анзна анд̇хаб̣аалаж̇анзна аажин̣н̣о. анарияод̇и на арияо на висуд̣̇д̇хо на уд̇д̇амо, на ваа арияаанам̣ санд̇аго. анад̇т̇асам̣хид̇од̇и на ад̇т̇асам̣хид̇о, хид̇асукаавахагааран̣ам̣ аниссид̇од̇и ад̇т̇о. ад̇д̇агиламат̇аануяог̇од̇и ад̇д̇ано гиламат̇асса ануяог̇о, д̣̇угкагаран̣ам̣ д̣̇угкуббаад̣̇ананд̇и ад̇т̇о. д̣̇угкод̇и ган̣дагаабассаяасзяяаад̣̇ийхи ад̇д̇аб̣аад̇ханзхи д̣̇угкаавахо. маж̇жхимаа бадибад̣̇аад̇и арияамаг̇г̇ам̣ санд̇хааяа вуд̇д̇ам̣. маг̇г̇о хи гаамасукаллигаануяог̇о зго анд̇о, ад̇д̇агиламат̇аануяог̇о зго анд̇о, зд̇з д̣̇вз анд̇з на убзд̇и на убаг̇ажчад̇и, вимуд̇д̇о зд̇зхи анд̇зхи, д̇асмаа ‘‘маж̇жхимаа бадибад̣̇аа’’д̇и вужжад̇и. зд̇зсам̣ маж̇жхз бхавад̇д̇аа маж̇жхимаа, ваддад̣̇угканиссаран̣ад̇т̇игзхи бадибаж̇ж̇ид̇аб̣б̣ад̇о жа бадибад̣̇аад̇и, д̇ат̇аа лобхо зго анд̇о, д̣̇осо зго анд̇о. сассад̇ам̣ згам̣ анд̇ам̣, ужчзд̣̇о зго анд̇од̇и буриманаязнзва вид̇т̇аарзд̇аб̣б̣ам̣.
Tattha pabbajitenāti gihibandhanaṃ chetvā pabbajjupagatena. Na sevitabbāti na vaḷañjetabbā nānuyuñjitabbā. Yo cāyaṃ kāmesu kāmasukhallikānuyogoti yo ca ayaṃ vatthukāmesu kilesakāmasukhassa anuyogo, kilesakāmasaṃyuttassa sukhassa anugatoti attho. Hīnoti lāmako. Gammoti gāmavāsīnaṃ santako tehi sevitabbatāya. Pothujjanikoti puthujjanena andhabālajanena āciṇṇo. Anariyoti na ariyo na visuddho na uttamo, na vā ariyānaṃ santako. Anatthasaṃhitoti na atthasaṃhito, hitasukhāvahakāraṇaṃ anissitoti attho. Attakilamathānuyogoti attano kilamathassa anuyogo, dukkhakaraṇaṃ dukkhuppādananti attho. Dukkhoti kaṇṭakāpassayaseyyādīhi attabādhanehi dukkhāvaho. Majjhimā paṭipadāti ariyamaggaṃ sandhāya vuttaṃ. Maggo hi kāmasukhallikānuyogo eko anto, attakilamathānuyogo eko anto, ete dve ante na upeti na upagacchati, vimutto etehi antehi, tasmā ‘‘majjhimā paṭipadā’’ti vuccati. Etesaṃ majjhe bhavattā majjhimā, vaṭṭadukkhanissaraṇatthikehi paṭipajjitabbato ca paṭipadāti, tathā lobho eko anto, doso eko anto. Sassataṃ ekaṃ antaṃ, ucchedo eko antoti purimanayeneva vitthāretabbaṃ.
жагкугаран̣ийд̇иаад̣̇ийхи д̇амзва бадибад̣̇ам̣ т̇омзд̇и. бан̃н̃аажагкум̣ гарод̇ийд̇и жагкугаран̣ий. саа хи жад̇уннам̣ сажжаанам̣ д̣̇ассанааяа сам̣вад̇д̇ад̇и барин̃н̃аабхисамаяаад̣̇ибхзд̣̇асса д̣̇ассанасса бавад̇д̇анадтзнаад̇и ‘‘жагкугаран̣ий’’д̇и вужжад̇и. д̇аяид̣̇ам̣ сад̇иби бадибад̣̇ааяа анан̃н̃ад̇д̇з аваяававасзна сиж̇жхамаано ад̇т̇о самуд̣̇ааязна гад̇о наама ход̇ийд̇и убажааравасзна вуд̇д̇анд̇и д̣̇адтаб̣б̣ам̣. д̣̇уд̇ияабад̣̇ам̣ д̇ассзва взважанам̣. убасамааяаад̇и гилзсубасамад̇т̇ааяа. абхин̃н̃ааяаад̇и жад̇уннам̣ сажжаанам̣ абхиж̇аананад̇т̇ааяа. самб̣од̇хааяаад̇и д̇зсам̣язва самб̣уж̇жханад̇т̇ааяа. ниб̣б̣аанааяаад̇и ниб̣б̣аанасажчигирияааяа. ат̇а ваа ниб̣б̣аанааяаад̇и анубаад̣̇исзсаниб̣б̣аанааяа. ‘‘убасамааяаа’’д̇и хи иминаа саубаад̣̇исзсаниб̣б̣аанам̣ г̇ахид̇ам̣.
Cakkhukaraṇītiādīhi tameva paṭipadaṃ thometi. Paññācakkhuṃ karotīti cakkhukaraṇī. Sā hi catunnaṃ saccānaṃ dassanāya saṃvattati pariññābhisamayādibhedassa dassanassa pavattanaṭṭhenāti ‘‘cakkhukaraṇī’’ti vuccati. Tayidaṃ satipi paṭipadāya anaññatte avayavavasena sijjhamāno attho samudāyena kato nāma hotīti upacāravasena vuttanti daṭṭhabbaṃ. Dutiyapadaṃ tasseva vevacanaṃ. Upasamāyāti kilesupasamatthāya. Abhiññāyāti catunnaṃ saccānaṃ abhijānanatthāya. Sambodhāyāti tesaṃyeva sambujjhanatthāya. Nibbānāyāti nibbānasacchikiriyāya. Atha vā nibbānāyāti anupādisesanibbānāya. ‘‘Upasamāyā’’ti hi iminā saupādisesanibbānaṃ gahitaṃ.
ид̣̇аани д̇ам̣ маж̇жхимаббадибад̣̇ам̣ саруубад̇о д̣̇ассзд̇угаамо ‘‘гад̇амаа жа саа’’д̇и бужчид̇ваа ‘‘аяамзваа’’д̇иаад̣̇инаа наязна виссаж̇ж̇зси. д̇ад̇т̇а аяамзваад̇и авад̇хааран̣аважанам̣ ан̃н̃асса ниб̣б̣аанаг̇аамимаг̇г̇асса ад̇т̇ибхаавабадисзд̇ханад̇т̇ам̣. сад̇д̇аабадигкзбо хи ид̇ха бадисзд̇ханам̣ алаб̣бхамаанад̇д̇аа ан̃н̃асса маг̇г̇асса. арияод̇и гилзсаанам̣ аарагад̇д̇аа арияо нируд̇д̇инаязна. арибахаанааяа сам̣вад̇д̇ад̇ийд̇иби арияо араяо баабад̇хаммаа яанд̇и абаг̇ажчанд̇и зд̇знаад̇и гад̇ваа. ариязна бхаг̇авад̇аа д̣̇зсид̇ад̇д̇аа арияасса аяанд̇иби арияо, арияабхааваббадилаабхааяа сам̣вад̇д̇ад̇ийд̇иби арияо. зд̇т̇а бана арияагаро арияод̇иби уд̇д̇арабад̣̇алобзна арияа-сад̣̇д̣̇асид̣̇д̇хи взд̣̇ид̇аб̣б̣аа. адтахи ан̇г̇зхи убзд̇ад̇д̇аа адтан̇г̇иго. маг̇г̇ан̇г̇асамуд̣̇ааяз хи маг̇г̇авохааро, самуд̣̇ааяо жа самуд̣̇ааяийхи саманнааг̇ад̇о наама ход̇и. аяам̣ банзд̇т̇а важанад̇т̇о – ад̇д̇ано аваяавабхууд̇аани адтан̇г̇аани зд̇асса санд̇ийд̇и адтан̇г̇игод̇и. барамад̇т̇ад̇о бана ан̇г̇ааниязва маг̇г̇о бан̃жан̇г̇игад̇уурияаад̣̇ийни вияа, на жа ан̇г̇авинимуд̇д̇о чал̣ан̇г̇о взд̣̇о вияа. гилзсз маарзнд̇о г̇ажчад̇ийд̇и маг̇г̇о нируд̇д̇инаязна, ниб̣б̣аанам̣ маг̇г̇ад̇и г̇авзсад̇ийд̇и ваа маг̇г̇о. арияамаг̇г̇о хи ниб̣б̣аанам̣ аарамман̣ам̣ гаронд̇о г̇авзсанд̇о вияа ход̇и. ниб̣б̣аанад̇т̇игзхи маг̇г̇ийяад̇ийд̇и ваа маг̇г̇о виваддуубаниссаяабун̃н̃агаран̣ад̇о бадтааяа д̇ад̣̇ад̇т̇абадибад̇д̇ид̇о. г̇аммад̇и ваа д̇зхи бадибаж̇ж̇ийяад̇ийд̇и маг̇г̇о. зд̇т̇а бана аад̣̇ианд̇авибарияааязна сад̣̇д̣̇асид̣̇д̇хи взд̣̇ид̇аб̣б̣аа.
Idāni taṃ majjhimappaṭipadaṃ sarūpato dassetukāmo ‘‘katamā ca sā’’ti pucchitvā ‘‘ayamevā’’tiādinā nayena vissajjesi. Tattha ayamevāti avadhāraṇavacanaṃ aññassa nibbānagāmimaggassa atthibhāvapaṭisedhanatthaṃ. Sattāpaṭikkhepo hi idha paṭisedhanaṃ alabbhamānattā aññassa maggassa. Ariyoti kilesānaṃ ārakattā ariyo niruttinayena. Aripahānāya saṃvattatītipi ariyo arayo pāpadhammā yanti apagacchanti etenāti katvā. Ariyena bhagavatā desitattā ariyassa ayantipi ariyo, ariyabhāvappaṭilābhāya saṃvattatītipi ariyo. Ettha pana ariyakaro ariyotipi uttarapadalopena ariya-saddasiddhi veditabbā. Aṭṭhahi aṅgehi upetattā aṭṭhaṅgiko. Maggaṅgasamudāye hi maggavohāro, samudāyo ca samudāyīhi samannāgato nāma hoti. Ayaṃ panettha vacanattho – attano avayavabhūtāni aṭṭhaṅgāni etassa santīti aṭṭhaṅgikoti. Paramatthato pana aṅgāniyeva maggo pañcaṅgikatūriyādīni viya, na ca aṅgavinimutto chaḷaṅgo vedo viya. Kilese mārento gacchatīti maggo niruttinayena, nibbānaṃ maggati gavesatīti vā maggo. Ariyamaggo hi nibbānaṃ ārammaṇaṃ karonto gavesanto viya hoti. Nibbānatthikehi maggīyatīti vā maggo vivaṭṭūpanissayapuññakaraṇato paṭṭhāya tadatthapaṭipattito. Gammati vā tehi paṭipajjīyatīti maggo. Ettha pana ādiantavipariyāyena saddasiddhi veditabbā.
сзяяат̇ид̣̇анд̇и нибаад̇о, д̇асса гад̇амо со ид̇и жзд̇и ад̇т̇о, гад̇амаани ваа д̇аани адтан̇г̇аанийд̇и. саб̣б̣алин̇г̇авибхад̇д̇иважанасаад̇хааран̣о хи аяам̣ нибаад̇о. згамзгамби ан̇г̇ам̣ маг̇г̇оязва. яат̇ааха ‘‘саммаад̣̇идти маг̇г̇о жзва хзд̇у жаа’’д̇и (д̇ха. са. 1039). бораан̣ааби бхан̣анд̇и ‘‘д̣̇ассанамаг̇г̇о саммаад̣̇идти, абхиниробанамаг̇г̇о саммаасан̇габбо…бз… авигкзбамаг̇г̇о саммаасамаад̇хий’’д̇и. нану жа ан̇г̇аани самуд̣̇ид̇аани маг̇г̇о анд̇амасо сад̇д̇ан̇г̇авигаласса арияамаг̇г̇асса абхаавад̇од̇и? сажжамзд̇ам̣ сажжасамбадивзд̇хз, маг̇г̇аббажжаяад̇ааяа бана яат̇аасагам̣ гижжагаран̣зна бажжзгамби д̇аани маг̇г̇оязва, ан̃н̃ат̇аа самуд̣̇ид̇аанамби д̇зсам̣ маг̇г̇агижжам̣ на самбхавзяяаад̇и. саммаад̣̇идтиаад̣̇ийсу саммаа бассад̇ийд̇и саммаад̣̇идти, саммаа сан̇габбзд̇и самбаяуд̇д̇ад̇хаммз ниб̣б̣аанасан̇каад̇з аарамман̣з абхиниробзд̇ийд̇и саммаасан̇габбо, саммаа вад̣̇ад̇и зд̇ааяаад̇и саммааваажаа, саммаа гарод̇и зд̇знаад̇и саммаагаммам̣, д̇ад̣̇зва саммаагамманд̇о, саммаа ааж̇ийвад̇и зд̇знаад̇и саммааааж̇ийво, саммаа вааяамад̇и уссахад̇ийд̇и саммаавааяаамо, саммаа сарад̇и ануссарад̇ийд̇и саммаасад̇и, саммаа самаад̇хияад̇и жид̇д̇ам̣ зд̇знаад̇и саммаасамаад̇хийд̇и звам̣ ниб̣б̣ажанам̣ взд̣̇ид̇аб̣б̣ам̣. ид̣̇аани аяам̣ ко саа бхигкавзд̇и д̇амзва бадибад̣̇ам̣ ниг̇амзнд̇о ааха. д̇ассад̇т̇о – явааяам̣ жад̇д̇аароби логуд̇д̇арамаг̇г̇з згад̇о гад̇ваа гат̇ид̇о адтан̇г̇иго маг̇г̇о, аяам̣ ко саа бхигкавз…бз… ниб̣б̣аанааяа сам̣вад̇д̇ад̇ийд̇и.
Seyyathidanti nipāto, tassa katamo so iti ceti attho, katamāni vā tāni aṭṭhaṅgānīti. Sabbaliṅgavibhattivacanasādhāraṇo hi ayaṃ nipāto. Ekamekampi aṅgaṃ maggoyeva. Yathāha ‘‘sammādiṭṭhi maggo ceva hetu cā’’ti (dha. sa. 1039). Porāṇāpi bhaṇanti ‘‘dassanamaggo sammādiṭṭhi, abhiniropanamaggo sammāsaṅkappo…pe… avikkhepamaggo sammāsamādhī’’ti. Nanu ca aṅgāni samuditāni maggo antamaso sattaṅgavikalassa ariyamaggassa abhāvatoti? Saccametaṃ saccasampaṭivedhe, maggappaccayatāya pana yathāsakaṃ kiccakaraṇena paccekampi tāni maggoyeva, aññathā samuditānampi tesaṃ maggakiccaṃ na sambhaveyyāti. Sammādiṭṭhiādīsu sammā passatīti sammādiṭṭhi, sammā saṅkappeti sampayuttadhamme nibbānasaṅkhāte ārammaṇe abhiniropetīti sammāsaṅkappo, sammā vadati etāyāti sammāvācā, sammā karoti etenāti sammākammaṃ, tadeva sammākammanto, sammā ājīvati etenāti sammāājīvo, sammā vāyamati ussahatīti sammāvāyāmo, sammā sarati anussaratīti sammāsati, sammā samādhiyati cittaṃ etenāti sammāsamādhīti evaṃ nibbacanaṃ veditabbaṃ. Idāni ayaṃ kho sā bhikkhaveti tameva paṭipadaṃ nigamento āha. Tassattho – yvāyaṃ cattāropi lokuttaramagge ekato katvā kathito aṭṭhaṅgiko maggo, ayaṃ kho sā bhikkhave…pe… nibbānāya saṃvattatīti.
14. звам̣ маж̇жхимабадибад̣̇ам̣ саруубад̇о д̣̇ассзд̇ваа ид̣̇аани жад̇д̇аари арияасажжаани д̣̇ассзд̇ум̣ ‘‘ид̣̇ам̣ ко бана, бхигкавз’’д̇иаад̣̇имааха. д̇ад̇т̇а (висуд̣̇д̇хи. 2.530) д̣̇угканд̇и зд̇т̇а д̣̇у-ид̇и аяам̣ сад̣̇д̣̇о гужчид̇з д̣̇иссад̇и. гужчид̇ан̃хи буд̇д̇ам̣ ‘‘д̣̇убуд̇д̇о’’д̇и вад̣̇анд̇и, кам̣-сад̣̇д̣̇о бана д̇ужчз. д̇ужчан̃хи аагаасам̣ ‘‘ка’’нд̇и вужжад̇и. ид̣̇ан̃жа батамасажжам̣ гужчид̇ам̣ анзгаубад̣̇д̣̇аваад̇хидтаанад̇о, д̇ужчам̣ б̣аалаж̇анабаригаббид̇ад̇хувасубхасукад̇д̇абхаававирахид̇ад̇о, д̇асмаа гужчид̇ад̇д̇аа д̇ужчад̇д̇аа жа ‘‘д̣̇угка’’нд̇и вужжад̇и. яасмаа банзд̇ам̣ б̣уд̣̇д̇хаад̣̇аяо арияаа бадивиж̇жханд̇и, д̇асмаа ‘‘арияасажжа’’нд̇и вужжад̇и. арияабадивиж̇жхид̇аб̣б̣ан̃хи сажжам̣ буримабад̣̇з уд̇д̇арабад̣̇алобзна ‘‘арияасажжа’’нд̇и вуд̇д̇ам̣. арияасса д̇ат̇ааг̇ад̇асса сажжанд̇иби арияасажжам̣. д̇ат̇ааг̇ад̇зна хи саяам̣ ад̇хиг̇ад̇ад̇д̇аа бавзд̣̇ид̇ад̇д̇аа д̇ад̇о зва жа ан̃н̃зхи ад̇хиг̇аманийяад̇д̇аа д̇ам̣ д̇асса ход̇ийд̇и. ат̇а ваа зд̇асса абхисамб̣уд̣̇д̇хад̇д̇аа арияабхаавасид̣̇д̇хид̇о арияасаад̇хагам̣ сажжанд̇иби арияасажжам̣ буб̣б̣з вияа уд̇д̇арабад̣̇алобзна . авид̇ат̇абхаавзна ваа аран̣ийяад̇д̇аа ад̇хиг̇анд̇аб̣б̣ад̇д̇аа арияам̣ сажжанд̇иби арияасажжам̣. сажжад̇т̇ам̣ бана жад̇уннамби сажжаанам̣ барад̇о згаж̇жхам̣ д̣̇ассаяиссаама.
14. Evaṃ majjhimapaṭipadaṃ sarūpato dassetvā idāni cattāri ariyasaccāni dassetuṃ ‘‘idaṃ kho pana, bhikkhave’’tiādimāha. Tattha (visuddhi. 2.530) dukkhanti ettha du-iti ayaṃ saddo kucchite dissati. Kucchitañhi puttaṃ ‘‘duputto’’ti vadanti, khaṃ-saddo pana tucche. Tucchañhi ākāsaṃ ‘‘kha’’nti vuccati. Idañca paṭhamasaccaṃ kucchitaṃ anekaupaddavādhiṭṭhānato, tucchaṃ bālajanaparikappitadhuvasubhasukhattabhāvavirahitato, tasmā kucchitattā tucchattā ca ‘‘dukkha’’nti vuccati. Yasmā panetaṃ buddhādayo ariyā paṭivijjhanti, tasmā ‘‘ariyasacca’’nti vuccati. Ariyapaṭivijjhitabbañhi saccaṃ purimapade uttarapadalopena ‘‘ariyasacca’’nti vuttaṃ. Ariyassa tathāgatassa saccantipi ariyasaccaṃ. Tathāgatena hi sayaṃ adhigatattā paveditattā tato eva ca aññehi adhigamanīyattā taṃ tassa hotīti. Atha vā etassa abhisambuddhattā ariyabhāvasiddhito ariyasādhakaṃ saccantipi ariyasaccaṃ pubbe viya uttarapadalopena . Avitathabhāvena vā araṇīyattā adhigantabbattā ariyaṃ saccantipi ariyasaccaṃ. Saccatthaṃ pana catunnampi saccānaṃ parato ekajjhaṃ dassayissāma.
ид̣̇аани д̇ам̣ д̣̇угкам̣ арияасажжам̣ саруубад̇о д̣̇ассзд̇ум̣ ‘‘ж̇аад̇иби д̣̇угкаа’’д̇иаад̣̇имааха. д̇ад̇рааяам̣ ж̇аад̇и-сад̣̇д̣̇о анзгад̇т̇о. д̇ат̇аа хзса ‘‘згамби ж̇аад̇им̣ д̣̇взби ж̇аад̇ияо’’д̇и (д̣̇ий. ни. 1.31; ма. ни. 1.148) зд̇т̇а бхавз ааг̇ад̇о. ‘‘ад̇т̇и, висаакз, ниг̇ан̣таа наама саман̣аж̇аад̇ий’’д̇и (а. ни. 3.71) зд̇т̇а нигааяз. ‘‘ж̇аад̇и д̣̇вийхи канд̇хзхи сан̇г̇ахид̇аа’’д̇и (д̇хаад̇у. 71) зд̇т̇а сан̇кад̇алагкан̣з. ‘‘яам̣ маад̇угужчисмим̣ батамам̣ жид̇д̇ам̣ уббаннам̣ батамам̣ вин̃н̃аан̣ам̣ баад̇убхууд̇ам̣, д̇ад̣̇убаад̣̇ааяа саавасса ж̇аад̇ий’’д̇и (махаава. 124) зд̇т̇а бадисанд̇хияам̣. ‘‘самбад̇иж̇аад̇о, аананд̣̇а, б̣од̇хисад̇д̇о’’д̇и (д̣̇ий. ни. 2.31; ма. ни. 3.207) зд̇т̇а басууд̇ияам̣. ‘‘агкид̇д̇о анубагудто ж̇аад̇иваад̣̇знаа’’д̇и (д̣̇ий. ни. 1.303) зд̇т̇а гулз. свааяамид̇ха г̇аб̣бхасзяяагаанам̣ бадисанд̇хид̇о бадтааяа яаава маад̇угужчимхаа нигкаманам̣, д̇аава бавад̇д̇зсу канд̇хзсу, ид̇арзсам̣ бадисанд̇хигкан̣зсвзваад̇и д̣̇адтаб̣б̣о. аяамби жа барияааяагат̇аава, ниббарияааяад̇о бана д̇ад̇т̇а д̇ад̇т̇а ниб̣б̣ад̇д̇амаанаанам̣ сад̇д̇аанам̣ яз канд̇хаа баад̇убхаванд̇и, д̇зсам̣ батамабаад̇убхааво ж̇аад̇и наама.
Idāni taṃ dukkhaṃ ariyasaccaṃ sarūpato dassetuṃ ‘‘jātipi dukkhā’’tiādimāha. Tatrāyaṃ jāti-saddo anekattho. Tathā hesa ‘‘ekampi jātiṃ dvepi jātiyo’’ti (dī. ni. 1.31; ma. ni. 1.148) ettha bhave āgato. ‘‘Atthi, visākhe, nigaṇṭhā nāma samaṇajātī’’ti (a. ni. 3.71) ettha nikāye. ‘‘Jāti dvīhi khandhehi saṅgahitā’’ti (dhātu. 71) ettha saṅkhatalakkhaṇe. ‘‘Yaṃ mātukucchismiṃ paṭhamaṃ cittaṃ uppannaṃ paṭhamaṃ viññāṇaṃ pātubhūtaṃ, tadupādāya sāvassa jātī’’ti (mahāva. 124) ettha paṭisandhiyaṃ. ‘‘Sampatijāto, ānanda, bodhisatto’’ti (dī. ni. 2.31; ma. ni. 3.207) ettha pasūtiyaṃ. ‘‘Akkhitto anupakuṭṭho jātivādenā’’ti (dī. ni. 1.303) ettha kule. Svāyamidha gabbhaseyyakānaṃ paṭisandhito paṭṭhāya yāva mātukucchimhā nikkhamanaṃ, tāva pavattesu khandhesu, itaresaṃ paṭisandhikkhaṇesvevāti daṭṭhabbo. Ayampi ca pariyāyakathāva, nippariyāyato pana tattha tattha nibbattamānānaṃ sattānaṃ ye khandhā pātubhavanti, tesaṃ paṭhamapātubhāvo jāti nāma.
гасмаа банзсаа д̣̇угкаад̇и жз? анзгзсам̣ д̣̇угкаанам̣ вад̇т̇убхаавад̇о. анзгаани хи д̣̇угкаани. сзяяат̇ид̣̇ам̣ – д̣̇угкад̣̇угкам̣ вибарин̣аамад̣̇угкам̣ сан̇каарад̣̇угкам̣ бадижчаннад̣̇угкам̣ аббадижчаннад̣̇угкам̣ барияааяад̣̇угкам̣ ниббарияааяад̣̇угканд̇и. д̇ад̇т̇а гааяигажзд̇асигаа д̣̇угкаа взд̣̇анаа сабхаавад̇о жа наамад̇о жа д̣̇угкад̇д̇аа д̣̇угкад̣̇угканд̇и вужжад̇и. сукаа взд̣̇анаа вибарин̣аамад̣̇угкуббад̇д̇ихзд̇уд̇о вибарин̣аамад̣̇угкам̣. убзгкаа взд̣̇анаа жзва сзсаа жа д̇збхуумагаа сан̇каараа уд̣̇аяаб̣б̣аяабийл̣ид̇ад̇д̇аа сан̇каарад̣̇угкам̣. ган̣н̣асуулад̣̇анд̇асууларааг̇аж̇абарил̣аахад̣̇осаж̇абарил̣аахаад̣̇игааяигажзд̇асигаа ааб̣аад̇хаа бужчид̇ваа ж̇аанид̇аб̣б̣ад̇о убаггамасса жа абаагадабхаавад̇о бадижчаннад̣̇угкам̣. д̣̇вад̇д̇им̣сагаммагааран̣аад̣̇исамудтаано ааб̣аад̇хо абужчид̇ваава ж̇аанид̇аб̣б̣ад̇о убаггамасса жа баагадабхаавад̇о аббадижчаннад̣̇угкам̣. табзд̇ваа д̣̇угкад̣̇угкам̣ сзсад̣̇угкам̣ сажжавибхан̇г̇з ааг̇ад̇ам̣ ж̇аад̇иаад̣̇и саб̣б̣амби д̇асса д̇асса д̣̇угкасса вад̇т̇убхаавад̇о барияааяад̣̇угкам̣. д̣̇угкад̣̇угкам̣ бана ниббарияааяад̣̇угканд̇и вужжад̇и. д̇ад̇рааяам̣ ж̇аад̇и яам̣ д̇ам̣ б̣аалабан̣д̣ид̇асуд̇д̇аад̣̇ийсу (ма. ни. 3.246 аад̣̇аяо) бхаг̇авад̇ааби убамаавасзна багаасид̇ам̣ аабааяигам̣ д̣̇угкам̣, яан̃жа суг̇ад̇ияамби мануссалогз г̇аб̣бхогганд̇имуулагаад̣̇ибхзд̣̇ам̣ д̣̇угкам̣ уббаж̇ж̇ад̇и, д̇асса вад̇т̇убхаавад̇о д̣̇угкаа. д̇знааху бораан̣аа –
Kasmā panesā dukkhāti ce? Anekesaṃ dukkhānaṃ vatthubhāvato. Anekāni hi dukkhāni. Seyyathidaṃ – dukkhadukkhaṃ vipariṇāmadukkhaṃ saṅkhāradukkhaṃ paṭicchannadukkhaṃ appaṭicchannadukkhaṃ pariyāyadukkhaṃ nippariyāyadukkhanti. Tattha kāyikacetasikā dukkhā vedanā sabhāvato ca nāmato ca dukkhattā dukkhadukkhanti vuccati. Sukhā vedanā vipariṇāmadukkhuppattihetuto vipariṇāmadukkhaṃ. Upekkhā vedanā ceva sesā ca tebhūmakā saṅkhārā udayabbayapīḷitattā saṅkhāradukkhaṃ. Kaṇṇasūladantasūlarāgajapariḷāhadosajapariḷāhādikāyikacetasikā ābādhā pucchitvā jānitabbato upakkamassa ca apākaṭabhāvato paṭicchannadukkhaṃ. Dvattiṃsakammakāraṇādisamuṭṭhāno ābādho apucchitvāva jānitabbato upakkamassa ca pākaṭabhāvato appaṭicchannadukkhaṃ. Ṭhapetvā dukkhadukkhaṃ sesadukkhaṃ saccavibhaṅge āgataṃ jātiādi sabbampi tassa tassa dukkhassa vatthubhāvato pariyāyadukkhaṃ. Dukkhadukkhaṃ pana nippariyāyadukkhanti vuccati. Tatrāyaṃ jāti yaṃ taṃ bālapaṇḍitasuttādīsu (ma. ni. 3.246 ādayo) bhagavatāpi upamāvasena pakāsitaṃ āpāyikaṃ dukkhaṃ, yañca sugatiyampi manussaloke gabbhokkantimūlakādibhedaṃ dukkhaṃ uppajjati, tassa vatthubhāvato dukkhā. Tenāhu porāṇā –
‘‘ж̇ааязт̇а но жз нарагзсу сад̇д̇о;
‘‘Jāyetha no ce narakesu satto;
д̇ад̇т̇аг̇г̇ид̣̇аахаад̣̇игамаббасаяхам̣;
Tatthaggidāhādikamappasayhaṃ;
лабхзт̇а д̣̇угкам̣ на гухим̣ бад̇идтам̣;
Labhetha dukkhaṃ na kuhiṃ patiṭṭhaṃ;
ижжааха д̣̇угкаад̇и мунийд̇ха ж̇аад̇им̣.
Iccāha dukkhāti munīdha jātiṃ.
‘‘д̣̇угкам̣ д̇иражчзсу гасаабад̇од̣̇а-
‘‘Dukkhaṃ tiracchesu kasāpatoda-
д̣̇ан̣д̣аабхигхаад̇аад̣̇ибхавам̣ анзгам̣;
Daṇḍābhighātādibhavaṃ anekaṃ;
яам̣ д̇ам̣ гат̇ам̣ д̇ад̇т̇а бхавзяяа ж̇аад̇им̣;
Yaṃ taṃ kathaṃ tattha bhaveyya jātiṃ;
винаа д̇ахим̣ ж̇аад̇и д̇ад̇оби д̣̇угкаа.
Vinā tahiṃ jāti tatopi dukkhā.
‘‘бзд̇зсу д̣̇угкам̣ бана куббибаасаа-
‘‘Petesu dukkhaṃ pana khuppipāsā-
ваад̇аад̇абаад̣̇иббабхавам̣ вижид̇д̇ам̣;
Vātātapādippabhavaṃ vicittaṃ;
яасмаа аж̇аад̇асса на д̇ад̇т̇а ад̇т̇и;
Yasmā ajātassa na tattha atthi;
д̇асмааби д̣̇угкам̣ муни ж̇аад̇имааха.
Tasmāpi dukkhaṃ muni jātimāha.
‘‘д̇иб̣б̣анд̇хагаарз жа асаяха сийд̇з;
‘‘Tibbandhakāre ca asayha sīte;
логанд̇арз яам̣ асурзсу д̣̇угкам̣;
Lokantare yaṃ asuresu dukkhaṃ;
на д̇ам̣ бхавз д̇ад̇т̇а на жасса ж̇аад̇и;
Na taṃ bhave tattha na cassa jāti;
яад̇о аяам̣ ж̇аад̇и д̇ад̇оби д̣̇угкаа.
Yato ayaṃ jāti tatopi dukkhā.
‘‘яан̃жааби г̇уут̇анарагз вияа маад̇у г̇аб̣бхз;
‘‘Yañcāpi gūthanarake viya mātu gabbhe;
сад̇д̇о васам̣ жирамад̇о б̣ахи нигкаман̃жа;
Satto vasaṃ ciramato bahi nikkhamañca;
баббод̇и д̣̇угкамад̇игхорамид̣̇амби над̇т̇и;
Pappoti dukkhamatighoramidampi natthi;
ж̇аад̇им̣ винаа ид̇иби ж̇аад̇и аяан̃хи д̣̇угкаа.
Jātiṃ vinā itipi jāti ayañhi dukkhā.
‘‘гим̣ бхаасид̇зна б̣ахунаа нану яам̣ гухин̃жи;
‘‘Kiṃ bhāsitena bahunā nanu yaṃ kuhiñci;
ад̇т̇ийд̇ха гин̃жид̣̇аби д̣̇угкамид̣̇ам̣ гад̣̇аажи;
Atthīdha kiñcidapi dukkhamidaṃ kadāci;
нзвад̇т̇и ж̇аад̇ивирахзна яад̇о махзси;
Nevatthi jātivirahena yato mahesi;
д̣̇угкаад̇и саб̣б̣абатамам̣ имамааха ж̇аад̇и’’нд̇и. (висуд̣̇д̇хи. 2.541; вибха. адта. 191; махаани. адта. 5; бади. ма. адта. 1.1.32-33);
Dukkhāti sabbapaṭhamaṃ imamāha jāti’’nti. (visuddhi. 2.541; vibha. aṭṭha. 191; mahāni. aṭṭha. 5; paṭi. ma. aṭṭha. 1.1.32-33);
ж̇арааби д̣̇угкаад̇и зд̇т̇а бана д̣̇увид̇хаа ж̇араа сан̇кад̇алагкан̣ан̃жа кан̣д̣ижжаад̣̇исаммад̇о санд̇ад̇ияам̣ згабхавабарияаабаннагканд̇хабураан̣абхааво жа, саа ид̇ха ад̇хиббзд̇аа. саа банзсаа ж̇араа сан̇каарад̣̇угкабхаавад̇о жзва д̣̇угкавад̇т̇уд̇о жа д̣̇угкаа. яан̃хи ан̇г̇абажжан̇г̇асит̇илабхааваинд̣̇рияавигааравируубад̇ааяоб̣б̣анавинаасавийрияаависаад̣̇асад̇имад̇ивиббаваасабарабарибхаваад̣̇ианзгабажжаяам̣ гааяигажзд̇асигам̣ д̣̇угкамуббаж̇ж̇ад̇и, ж̇араа д̇асса вад̇т̇у. д̇знааху бораан̣аа –
Jarāpidukkhāti ettha pana duvidhā jarā saṅkhatalakkhaṇañca khaṇḍiccādisammato santatiyaṃ ekabhavapariyāpannakkhandhapurāṇabhāvo ca, sā idha adhippetā. Sā panesā jarā saṅkhāradukkhabhāvato ceva dukkhavatthuto ca dukkhā. Yañhi aṅgapaccaṅgasithilabhāvaindriyavikāravirūpatāyobbanavināsavīriyāvisādasatimativippavāsaparaparibhavādianekapaccayaṃ kāyikacetasikaṃ dukkhamuppajjati, jarā tassa vatthu. Tenāhu porāṇā –
‘‘ан̇г̇аанам̣ сит̇илийбхааваа, инд̣̇рияаанам̣ вигаарад̇о;
‘‘Aṅgānaṃ sithilībhāvā, indriyānaṃ vikārato;
яоб̣б̣анасса винаасзна, б̣аласса убагхаад̇ад̇о.
Yobbanassa vināsena, balassa upaghātato.
‘‘виббаваасаа сад̇аад̣̇ийнам̣, буд̇д̇ад̣̇аарзхи ад̇д̇ано;
‘‘Vippavāsā satādīnaṃ, puttadārehi attano;
аббасаад̣̇анийяад̇о жзва, бхияяо б̣аалад̇д̇абад̇д̇ияаа.
Appasādanīyato ceva, bhiyyo bālattapattiyā.
‘‘баббод̇и д̣̇угкам̣ яам̣ мажжо, гааяигам̣ маанасам̣ д̇ат̇аа;
‘‘Pappoti dukkhaṃ yaṃ macco, kāyikaṃ mānasaṃ tathā;
саб̣б̣амзд̇ам̣ ж̇араахзд̇у, яасмаа д̇асмаа ж̇араа д̣̇укаа’’д̇и. (висуд̣̇д̇хи. 2.542; вибха. адта. 192; махаани. адта. 5; бади. ма. адта. 1.1.32-33);
Sabbametaṃ jarāhetu, yasmā tasmā jarā dukhā’’ti. (visuddhi. 2.542; vibha. aṭṭha. 192; mahāni. aṭṭha. 5; paṭi. ma. aṭṭha. 1.1.32-33);
б̣яаад̇хиби д̣̇угкод̇и ид̣̇ам̣ бад̣̇ам̣ вибхан̇г̇з д̣̇угкасажжанид̣̇д̣̇зсабаал̣ияам̣ на ааг̇ад̇ам̣, д̇знзва висуд̣̇д̇химаг̇г̇зби д̣̇угкасажжанид̣̇д̣̇зсз д̇ам̣ на уд̣̇д̇хадам̣, д̇хаммажаггабавад̇д̇анасуд̇д̇анд̇абаал̣ияам̣язва бана убалаб̣бхад̇и, д̇асмаа д̇ад̇т̇звимасса важанз ан̃н̃ад̇т̇а жа аважанз гааран̣ам̣ виймам̣сид̇аб̣б̣ам̣.
Byādhipi dukkhoti idaṃ padaṃ vibhaṅge dukkhasaccaniddesapāḷiyaṃ na āgataṃ, teneva visuddhimaggepi dukkhasaccaniddese taṃ na uddhaṭaṃ, dhammacakkapavattanasuttantapāḷiyaṃyeva pana upalabbhati, tasmā tatthevimassa vacane aññattha ca avacane kāraṇaṃ vīmaṃsitabbaṃ.
маран̣амби д̣̇угканд̇и зд̇т̇ааби д̣̇увид̇хам̣ маран̣ам̣ сан̇кад̇алагкан̣ан̃жа. яам̣ санд̇хааяа вуд̇д̇ам̣ ‘‘ж̇араамаран̣ам̣ д̣̇вийхи канд̇хзхи сан̇г̇ахид̇а’’нд̇и (д̇хаад̇у. 71). згабхавабарияаабаннаж̇ийвид̇инд̣̇рияаббаб̣анд̇хавижчзд̣̇о жа. яам̣ санд̇хааяа вуд̇д̇ам̣ ‘‘нижжам̣ маран̣ад̇о бхаяа’’нд̇и (су. ни. 581; ж̇аа. 1.11.88), д̇ам̣ ид̇ха ад̇хиббзд̇ам̣. ж̇аад̇ибажжаяамаран̣ам̣ убаггамамаран̣ам̣ сарасамаран̣ам̣ ааяугкаяамаран̣ам̣ бун̃н̃агкаяамаран̣анд̇иби д̇ассзва наамам̣. д̇аяид̣̇ам̣ д̣̇угкасса вад̇т̇убхаавад̇о д̣̇угканд̇и взд̣̇ид̇аб̣б̣ам̣. д̇знааху бораан̣аа –
Maraṇampi dukkhanti etthāpi duvidhaṃ maraṇaṃ saṅkhatalakkhaṇañca. Yaṃ sandhāya vuttaṃ ‘‘jarāmaraṇaṃ dvīhi khandhehi saṅgahita’’nti (dhātu. 71). Ekabhavapariyāpannajīvitindriyappabandhavicchedo ca. Yaṃ sandhāya vuttaṃ ‘‘niccaṃ maraṇato bhaya’’nti (su. ni. 581; jā. 1.11.88), taṃ idha adhippetaṃ. Jātipaccayamaraṇaṃ upakkamamaraṇaṃ sarasamaraṇaṃ āyukkhayamaraṇaṃ puññakkhayamaraṇantipi tasseva nāmaṃ. Tayidaṃ dukkhassa vatthubhāvato dukkhanti veditabbaṃ. Tenāhu porāṇā –
‘‘баабасса баабагаммаад̣̇и-нимид̇д̇аманубассад̇о;
‘‘Pāpassa pāpakammādi-nimittamanupassato;
бхад̣̇д̣̇ассаабасаханд̇асса, вияог̇ам̣ бияавад̇т̇угам̣;
Bhaddassāpasahantassa, viyogaṃ piyavatthukaṃ;
мийяамаанасса яам̣ д̣̇угкам̣, маанасам̣ ависзсад̇о.
Mīyamānassa yaṃ dukkhaṃ, mānasaṃ avisesato.
‘‘саб̣б̣зсан̃жааби яам̣ санд̇хи-б̣анд̇ханажчзд̣̇анаад̣̇игам̣;
‘‘Sabbesañcāpi yaṃ sandhi-bandhanacchedanādikaṃ;
вид̇уж̇ж̇амаанамаммаанам̣, ход̇и д̣̇угкам̣ сарийраж̇ам̣.
Vitujjamānamammānaṃ, hoti dukkhaṃ sarīrajaṃ.
‘‘асаяхамаббадигаарам̣, д̣̇угкассзд̇ассид̣̇ам̣ яад̇о;
‘‘Asayhamappaṭikāraṃ, dukkhassetassidaṃ yato;
маран̣ам̣ вад̇т̇у д̇знзд̇ам̣, д̣̇угкамижжзва бхаасид̇а’’нд̇и. (висуд̣̇д̇хи. 2.543; вибха. адта. 193; махаани. адта. 5; бади. ма. адта. 1.1.32-33);
Maraṇaṃ vatthu tenetaṃ, dukkhamicceva bhāsita’’nti. (visuddhi. 2.543; vibha. aṭṭha. 193; mahāni. aṭṭha. 5; paṭi. ma. aṭṭha. 1.1.32-33);
имасмин̃жа таанз ‘‘согабарид̣̇звад̣̇угкад̣̇оманассубааяаасааби д̣̇угкаа’’д̇и вибхан̇г̇з д̣̇угкасажжанид̣̇д̣̇зсз ааг̇ад̇ам̣, ид̇ха бана д̇ам̣ над̇т̇и, д̇ад̇т̇ааби гааран̣ам̣ бариязсид̇аб̣б̣ам̣.
Imasmiñca ṭhāne ‘‘sokaparidevadukkhadomanassupāyāsāpi dukkhā’’ti vibhaṅge dukkhasaccaniddese āgataṃ, idha pana taṃ natthi, tatthāpi kāraṇaṃ pariyesitabbaṃ.
аббиязхи самбаяог̇о д̣̇угкод̇и зд̇т̇а аббияасамбаяог̇о наама аманаабзхи сад̇д̇асан̇каарзхи самод̇хаанам̣. соби д̣̇угкавад̇т̇уд̇о д̣̇угко. д̇знааху бораан̣аа –
Appiyehi sampayogo dukkhoti ettha appiyasampayogo nāma amanāpehi sattasaṅkhārehi samodhānaṃ. Sopi dukkhavatthuto dukkho. Tenāhu porāṇā –
‘‘д̣̇исваава аббияз д̣̇угкам̣, батамам̣ ход̇и жзд̇аси;
‘‘Disvāva appiye dukkhaṃ, paṭhamaṃ hoti cetasi;
д̇ад̣̇убаггамасамбхууд̇а-мат̇а гааяз яад̇о ид̇ха.
Tadupakkamasambhūta-matha kāye yato idha.
‘‘д̇ад̇о д̣̇угкад̣̇ваяассааби, вад̇т̇уд̇о со махзсинаа;
‘‘Tato dukkhadvayassāpi, vatthuto so mahesinā;
д̣̇угко вуд̇д̇од̇и вин̃н̃зяяо, аббиязхи самааг̇амо’’д̇и.
Dukkho vuttoti viññeyyo, appiyehi samāgamo’’ti.
биязхи виббаяог̇о д̣̇угкод̇и зд̇т̇а бана бияавиббаяог̇о наама манаабзхи сад̇д̇асан̇каарзхи винаабхааво. соби согад̣̇угкасса вад̇т̇уд̇о д̣̇угко. д̇знааху бораан̣аа –
Piyehi vippayogo dukkhoti ettha pana piyavippayogo nāma manāpehi sattasaṅkhārehi vinābhāvo. Sopi sokadukkhassa vatthuto dukkho. Tenāhu porāṇā –
‘‘н̃аад̇ид̇ханаад̣̇ивияог̇аа;
‘‘Ñātidhanādiviyogā;
согасарасамаббид̇аа вид̇уж̇ж̇анд̇и;
Sokasarasamappitā vitujjanti;
б̣аалаа яад̇о д̇ад̇ояам̣;
Bālā yato tatoyaṃ;
д̣̇угкод̇и мад̇о бияавиббаяог̇о’’д̇и.
Dukkhoti mato piyavippayogo’’ti.
яамбижчам̣ на лабхад̇ийд̇и зд̇т̇а ‘‘ахо вад̇а маяам̣ на ж̇аад̇ид̇хаммаа ассаамаа’’д̇иаад̣̇ийсу алаб̣бханзяяавад̇т̇уусу ижчаава ‘‘яамбижчам̣ на лабхад̇и, д̇амби д̣̇угка’’нд̇и вуд̇д̇аа, сааби д̣̇угкавад̇т̇уд̇о д̣̇угкаа. д̇знааху бораан̣аа –
Yampicchaṃ na labhatīti ettha ‘‘aho vata mayaṃ na jātidhammā assāmā’’tiādīsu alabbhaneyyavatthūsu icchāva ‘‘yampicchaṃ na labhati, tampi dukkha’’nti vuttā, sāpi dukkhavatthuto dukkhā. Tenāhu porāṇā –
‘‘д̇ам̣ д̇ам̣ бад̇т̇аяамаанаанам̣, д̇асса д̇асса алаабхад̇о;
‘‘Taṃ taṃ patthayamānānaṃ, tassa tassa alābhato;
яам̣ вигхаад̇амаяам̣ д̣̇угкам̣, сад̇д̇аанам̣ ид̇ха ж̇ааяад̇и.
Yaṃ vighātamayaṃ dukkhaṃ, sattānaṃ idha jāyati.
‘‘алаб̣бханзяяавад̇т̇уунам̣, бад̇т̇анаа д̇асса гааран̣ам̣;
‘‘Alabbhaneyyavatthūnaṃ, patthanā tassa kāraṇaṃ;
яасмаа д̇асмаа ж̇ино д̣̇угкам̣, ижчид̇аалаабхамаб̣равий’’д̇и.
Yasmā tasmā jino dukkhaṃ, icchitālābhamabravī’’ti.
сам̣кид̇д̇зна бан̃жубаад̣̇аанагканд̇хаа д̣̇угкаад̇и зд̇т̇а бана яасмаа инд̇ханамива бааваго, лагкамива бахаран̣аани, г̇оруубам̣ вияа д̣ам̣самагасаад̣̇аяо, кзд̇д̇амива лааяагаа, г̇аамам̣ вияа г̇аамагхаад̇агаа, убаад̣̇аанагканд̇хабан̃жагамзва ж̇аад̇иаад̣̇аяо наанаббагаарзхи виб̣аад̇хзнд̇аа д̇ин̣алад̇аад̣̇ийни вияа бхуумияам̣, бубпапалабаллаваани вияа ругкзсу убаад̣̇аанагканд̇хзсуязва ниб̣б̣ад̇д̇анд̇и, убаад̣̇аанагканд̇хаанан̃жа аад̣̇ид̣̇угкам̣ ж̇аад̇и, маж̇жхзд̣̇угкам̣ ж̇араа, барияосаанад̣̇угкам̣ маран̣ам̣, манорат̇авигхаад̇аббад̇д̇аанан̃жа ижчаавигхаад̇ад̣̇угкам̣ ижчид̇аалаабход̇и звам̣ наанаббагаарад̇о убабаригкияамаанаа убаад̣̇аанагканд̇хаава д̣̇угкаад̇и яад̣̇зд̇ам̣ згамзгам̣ д̣̇ассзд̇ваа вужжамаанам̣ анзгзхиби габбзхи на саггаа анавасзсад̇о вад̇д̇ум̣, д̇асмаа д̇ам̣ саб̣б̣амби д̣̇угкам̣ згаж̇алаб̣инд̣̇умхи сагаласамуд̣̇д̣̇аж̇аларасам̣ вияа язсу гзсужи бан̃жубаад̣̇аанагканд̇хзсу сан̇кибид̇ваа д̣̇ассзд̇ум̣ ‘‘сам̣кид̇д̇зна бан̃жубаад̣̇аанагканд̇хаа д̣̇угкаа’’д̇и бхаг̇аваа авожа. д̇знааху бораан̣аа –
Saṃkhittena pañcupādānakkhandhā dukkhāti ettha pana yasmā indhanamiva pāvako, lakkhamiva paharaṇāni, gorūpaṃ viya ḍaṃsamakasādayo, khettamiva lāyakā, gāmaṃ viya gāmaghātakā, upādānakkhandhapañcakameva jātiādayo nānappakārehi vibādhentā tiṇalatādīni viya bhūmiyaṃ, pupphaphalapallavāni viya rukkhesu upādānakkhandhesuyeva nibbattanti, upādānakkhandhānañca ādidukkhaṃ jāti, majjhedukkhaṃ jarā, pariyosānadukkhaṃ maraṇaṃ, manorathavighātappattānañca icchāvighātadukkhaṃ icchitālābhoti evaṃ nānappakārato upaparikkhiyamānā upādānakkhandhāva dukkhāti yadetaṃ ekamekaṃ dassetvā vuccamānaṃ anekehipi kappehi na sakkā anavasesato vattuṃ, tasmā taṃ sabbampi dukkhaṃ ekajalabindumhi sakalasamuddajalarasaṃ viya yesu kesuci pañcupādānakkhandhesu saṅkhipitvā dassetuṃ ‘‘saṃkhittena pañcupādānakkhandhā dukkhā’’ti bhagavā avoca. Tenāhu porāṇā –
‘‘ж̇аад̇иббабхуд̇игам̣ д̣̇угкам̣, яам̣ вуд̇д̇амид̇ха д̇аад̣̇инаа;
‘‘Jātippabhutikaṃ dukkhaṃ, yaṃ vuttamidha tādinā;
авуд̇д̇ам̣ яан̃жа д̇ам̣ саб̣б̣ам̣, винаа зд̇з на виж̇ж̇ад̇и.
Avuttaṃ yañca taṃ sabbaṃ, vinā ete na vijjati.
‘‘яасмаа д̇асмаа убаад̣̇аана-гканд̇хаа сан̇кзбад̇о имз;
‘‘Yasmā tasmā upādāna-kkhandhā saṅkhepato ime;
д̣̇угкаад̇и вуд̇д̇аа д̣̇угканд̇а-д̣̇зсагзна махзсинаа’’д̇и.
Dukkhāti vuttā dukkhanta-desakena mahesinā’’ti.
звам̣ саруубад̇о д̣̇угкасажжам̣ д̣̇ассзд̇ваа ид̣̇аани самуд̣̇аяасажжам̣ д̣̇ассзд̇ум̣ ‘‘ид̣̇ам̣ ко бана, бхигкавз, д̣̇угкасамуд̣̇аяа’’нд̇иаад̣̇имааха. д̇ад̇т̇а сам̣-ид̇и аяам̣ сад̣̇д̣̇о ‘‘самааг̇амо самзд̇а’’нд̇иаад̣̇ийсу сам̣яог̇ам̣ д̣̇ийбзд̇и, у-ид̇и аяам̣ ‘‘уббаннам̣ уд̣̇ид̇а’’нд̇иаад̣̇ийсу уббад̇д̇им̣. аяа-сад̣̇д̣̇о бана гааран̣ам̣ д̣̇ийбзд̇и. ид̣̇ан̃жааби д̣̇уд̇ияасажжам̣ авасзсабажжаяасамааяог̇з сад̇и д̣̇угкассуббад̇д̇игааран̣анд̇и д̣̇угкасса сам̣яог̇з уббад̇д̇игааран̣ад̇д̇аа ‘‘д̣̇угкасамуд̣̇аяа’’нд̇и вужжад̇и. яааяам̣ д̇ан̣хаад̇и яаа аяам̣ д̇ан̣хаа. боноб̣бхавигаад̇и бунаб̣бхавагаран̣ам̣ бунаб̣бхаво уд̇д̇арабад̣̇алобзна, бунаб̣бхаво сийламзд̇иссаад̇и боноб̣бхавигаа. нанд̣̇ийрааг̇зна сахаг̇ад̇аад̇и нанд̣̇ийрааг̇асахаг̇ад̇аа. ид̣̇ам̣ вуд̇д̇ам̣ ход̇и ‘‘нанд̣̇анад̇о раж̇ж̇анад̇о жа нанд̣̇ийрааг̇абхаавам̣ саб̣б̣аасу авад̇т̇аасу аббажжагкааяа вуд̇д̇ияаа нанд̣̇ийрааг̇асахаг̇ад̇аа’’д̇и. д̇ад̇рад̇ад̇раабхинанд̣̇инийд̇и яад̇ра яад̇ра ад̇д̇абхааво ниб̣б̣ад̇д̇ад̇и, д̇ад̇рад̇ад̇раабхинанд̣̇иний.
Evaṃ sarūpato dukkhasaccaṃ dassetvā idāni samudayasaccaṃ dassetuṃ ‘‘idaṃ kho pana, bhikkhave, dukkhasamudaya’’ntiādimāha. Tattha saṃ-iti ayaṃ saddo ‘‘samāgamo sameta’’ntiādīsu saṃyogaṃ dīpeti, u-iti ayaṃ ‘‘uppannaṃ udita’’ntiādīsu uppattiṃ. Aya-saddo pana kāraṇaṃ dīpeti. Idañcāpi dutiyasaccaṃ avasesapaccayasamāyoge sati dukkhassuppattikāraṇanti dukkhassa saṃyoge uppattikāraṇattā ‘‘dukkhasamudaya’’nti vuccati. Yāyaṃ taṇhāti yā ayaṃ taṇhā. Ponobbhavikāti punabbhavakaraṇaṃ punabbhavo uttarapadalopena, punabbhavo sīlametissāti ponobbhavikā. Nandīrāgena sahagatāti nandīrāgasahagatā. Idaṃ vuttaṃ hoti ‘‘nandanato rajjanato ca nandīrāgabhāvaṃ sabbāsu avatthāsu appaccakkhāya vuttiyā nandīrāgasahagatā’’ti. Tatratatrābhinandinīti yatra yatra attabhāvo nibbattati, tatratatrābhinandinī.
сзяяат̇ид̣̇анд̇и нибаад̇о, д̇асса саа гад̇амаад̇и жзд̇и аяамад̇т̇о. руубад̇ан̣хаад̣̇ибхзд̣̇зна чаб̣б̣ид̇хааязва д̇ан̣хаа бавад̇д̇иаагаарабхзд̣̇ад̇о гаамад̇ан̣хаад̣̇ивасзна д̇ивид̇хаа вуд̇д̇аа. руубад̇ан̣хааязва хи яад̣̇аа жагкусса аабаат̇амааг̇ад̇ам̣ руубаарамман̣ам̣ гаамассаад̣̇авасзна ассаад̣̇аяамаанаа бавад̇д̇ад̇и, д̇ад̣̇аа гаамад̇ан̣хаа наама ход̇и. яад̣̇аа д̇ад̣̇зваарамман̣ам̣ д̇хувам̣ сассад̇анд̇и бавад̇д̇ааяа сассад̇ад̣̇идтияаа сад̣̇д̇хим̣ бавад̇д̇ад̇и, д̇ад̣̇аа бхавад̇ан̣хаа наама ход̇и. сассад̇ад̣̇идтисахаг̇ад̇о хи рааг̇о ‘‘бхавад̇ан̣хаа’’д̇и вужжад̇и. яад̣̇аа бана д̇ад̣̇зваарамман̣ам̣ ужчиж̇ж̇ад̇и винассад̇ийд̇и бавад̇д̇ааяа ужчзд̣̇ад̣̇идтияаа сад̣̇д̇хим̣ бавад̇д̇ад̇и, д̇ад̣̇аа вибхавад̇ан̣хаа наама ход̇и. ужчзд̣̇ад̣̇идтисахаг̇ад̇о хи рааг̇о ‘‘вибхавад̇ан̣хаа’’д̇и вужжад̇и. зса наяо сад̣̇д̣̇ад̇ан̣хаад̣̇ийсуби.
Seyyathidanti nipāto, tassa sā katamāti ceti ayamattho. Rūpataṇhādibhedena chabbidhāyeva taṇhā pavattiākārabhedato kāmataṇhādivasena tividhā vuttā. Rūpataṇhāyeva hi yadā cakkhussa āpāthamāgataṃ rūpārammaṇaṃ kāmassādavasena assādayamānā pavattati, tadā kāmataṇhā nāma hoti. Yadā tadevārammaṇaṃ dhuvaṃ sassatanti pavattāya sassatadiṭṭhiyā saddhiṃ pavattati, tadā bhavataṇhā nāma hoti. Sassatadiṭṭhisahagato hi rāgo ‘‘bhavataṇhā’’ti vuccati. Yadā pana tadevārammaṇaṃ ucchijjati vinassatīti pavattāya ucchedadiṭṭhiyā saddhiṃ pavattati, tadā vibhavataṇhā nāma hoti. Ucchedadiṭṭhisahagato hi rāgo ‘‘vibhavataṇhā’’ti vuccati. Esa nayo saddataṇhādīsupi.
гасмаа банзд̇т̇а д̇ан̣хаава самуд̣̇аяасажжам̣ вуд̇д̇аад̇и? висзсахзд̇убхаавад̇о. авиж̇ж̇аа хи бхавзсу аад̣̇ийнавам̣ бадижчаад̣̇знд̇ий д̣̇идтиаад̣̇иубаад̣̇аанан̃жа д̇ад̇т̇а д̇ад̇т̇а абхинивисамаанам̣ д̇ан̣хам̣ абхивад̣дхзд̇и, д̣̇осаад̣̇аяоби гаммасса гааран̣ам̣ хонд̇и, д̇ан̣хаа бана д̇ам̣д̇ам̣бхаваяониг̇ад̇ивин̃н̃аан̣адтид̇исад̇д̇ааааваасасад̇д̇анигааяагулабхог̇иссарияаад̣̇ивижид̇д̇ад̇ам̣ абхибад̇т̇знд̇ий гаммавижид̇д̇ад̇ааяа убаниссаяад̇ам̣ гаммасса жа сахааяабхаавам̣ убаг̇ажчанд̇ий бхаваад̣̇ивижид̇д̇ад̇ам̣ нияамзд̇и, д̇асмаа д̣̇угкасса висзсахзд̇убхаавад̇о ан̃н̃зсуби авиж̇ж̇ааубаад̣̇аанагаммаад̣̇ийсу суд̇д̇з абхид̇хаммз жа авасзсагилзсаагусаламуулаад̣̇ийсу вуд̇д̇зсу д̣̇угкахзд̇уусу виж̇ж̇амаанзсу д̇ан̣хаава ‘‘самуд̣̇аяасажжа’’нд̇и вуд̇д̇аад̇и взд̣̇ид̇аб̣б̣ам̣.
Kasmā panettha taṇhāva samudayasaccaṃ vuttāti? Visesahetubhāvato. Avijjā hi bhavesu ādīnavaṃ paṭicchādentī diṭṭhiādiupādānañca tattha tattha abhinivisamānaṃ taṇhaṃ abhivaḍḍheti, dosādayopi kammassa kāraṇaṃ honti, taṇhā pana taṃtaṃbhavayonigativiññāṇaṭṭhitisattāāvāsasattanikāyakulabhogissariyādivicittataṃ abhipatthentī kammavicittatāya upanissayataṃ kammassa ca sahāyabhāvaṃ upagacchantī bhavādivicittataṃ niyameti, tasmā dukkhassa visesahetubhāvato aññesupi avijjāupādānakammādīsu sutte abhidhamme ca avasesakilesākusalamūlādīsu vuttesu dukkhahetūsu vijjamānesu taṇhāva ‘‘samudayasacca’’nti vuttāti veditabbaṃ.
ид̣̇аани д̣̇угканирод̇хам̣ арияасажжам̣ д̣̇ассзд̇ум̣ ‘‘ид̣̇ам̣ ко бана, бхигкавз, д̣̇угканирод̇ха’’нд̇иаад̣̇имааха. д̇ад̇т̇а яасмаа ни-сад̣̇д̣̇о абхаавам̣, род̇ха-сад̣̇д̣̇о жа жаарагам̣ д̣̇ийбзд̇и, д̇асмаа абхааво зд̇т̇а сам̣сааражаарагасан̇каад̇асса д̣̇угкарод̇хасса саб̣б̣аг̇ад̇исун̃н̃ад̇д̇аа, самад̇хиг̇ад̇з ваа д̇асмим̣ сам̣сааражаарагасан̇каад̇асса д̣̇угкарод̇хасса абхааво ход̇и д̇аббадибагкад̇д̇аад̇иби ‘‘д̣̇угканирод̇ха’’нд̇и вужжад̇и. д̣̇угкасса ваа ануббаад̣̇анирод̇хабажжаяад̇д̇аа д̣̇угканирод̇хам̣. д̣̇угканирод̇хам̣ д̣̇ассзнд̇зна жзд̇т̇а ‘‘яо д̇ассааязва д̇ан̣хааяаа’’д̇иаад̣̇инаа наязна самуд̣̇аяанирод̇хо вуд̇д̇о, со гасмаа вуд̇д̇од̇и жз? самуд̣̇аяанирод̇хзна д̣̇угканирод̇хо. б̣яаад̇хинимид̇д̇авуубасамзна б̣яаад̇хивуубасамо вияа хи хзд̇унирод̇хзна паланирод̇хо, д̇асмаа самуд̣̇аяанирод̇хзнзва д̣̇угкам̣ нируж̇жхад̇и, на ан̃н̃ат̇аа. д̇знааха –
Idāni dukkhanirodhaṃ ariyasaccaṃ dassetuṃ ‘‘idaṃ kho pana, bhikkhave, dukkhanirodha’’ntiādimāha. Tattha yasmā ni-saddo abhāvaṃ, rodha-saddo ca cārakaṃ dīpeti, tasmā abhāvo ettha saṃsāracārakasaṅkhātassa dukkharodhassa sabbagatisuññattā, samadhigate vā tasmiṃ saṃsāracārakasaṅkhātassa dukkharodhassa abhāvo hoti tappaṭipakkhattātipi ‘‘dukkhanirodha’’nti vuccati. Dukkhassa vā anuppādanirodhapaccayattā dukkhanirodhaṃ. Dukkhanirodhaṃ dassentena cettha ‘‘yo tassāyeva taṇhāyā’’tiādinā nayena samudayanirodho vutto, so kasmā vuttoti ce? Samudayanirodhena dukkhanirodho. Byādhinimittavūpasamena byādhivūpasamo viya hi hetunirodhena phalanirodho, tasmā samudayanirodheneva dukkhaṃ nirujjhati, na aññathā. Tenāha –
‘‘яат̇ааби муулз анубад̣̇д̣̇авз д̣̇ал̣хз;
‘‘Yathāpi mūle anupaddave daḷhe;
чинноби ругко бунарзва руухад̇и;
Chinnopi rukkho punareva rūhati;
звамби д̇ан̣хаанусаяз ануухад̇з;
Evampi taṇhānusaye anūhate;
ниб̣б̣ад̇д̇ад̇ий д̣̇угкамид̣̇ам̣ бунаббуна’’нд̇и. (д̇ха. ба. 338);
Nibbattatī dukkhamidaṃ punappuna’’nti. (dha. pa. 338);
ид̇и яасмаа самуд̣̇аяанирод̇хзнзва д̣̇угкам̣ нируж̇жхад̇и, д̇асмаа бхаг̇аваа д̣̇угканирод̇хам̣ д̣̇ассзнд̇о самуд̣̇аяанирод̇хзна д̣̇зсзси. сийхасамаанавуд̇д̇ино хи д̇ат̇ааг̇ад̇аа. д̇з д̣̇угкам̣ нирод̇хзнд̇аа д̣̇угканирод̇хан̃жа д̣̇зсзнд̇аа хзд̇умхи бадибаж̇ж̇анд̇и, на палз. яат̇аа хи сийхо язнад̇д̇ани саро кид̇д̇о, д̇ад̇т̇зва ад̇д̇ано б̣алам̣ д̣̇ассзд̇и, на сарз, д̇ат̇аа б̣уд̣̇д̇хаанам̣ гааран̣з бадибад̇д̇и, на палз. д̇ид̇т̇ияаа бана суваанавуд̇д̇ино. д̇з д̣̇угкам̣ нирод̇хзнд̇аа д̣̇угканирод̇хан̃жа д̣̇зсзнд̇аа ад̇д̇агиламат̇аануяог̇ад̣̇зсанаад̣̇ийхи палз бадибаж̇ж̇анд̇и, на хзд̇умхи. яат̇аа хи сунакаа гзнажи лзд̣д̣уббахаарз д̣̇иннз бхуссанд̇аа лзд̣д̣ум̣ каад̣̇анд̇и, на бахаарад̣̇ааяагз удтаханд̇и, звам̣ ан̃н̃ад̇ид̇т̇ияаа д̣̇угкам̣ нирод̇хзд̇угаамаа гааяакзд̣̇амануяуж̇ж̇анд̇и, на гилзсанирод̇ханам̣, звам̣ д̇аава д̣̇угканирод̇хасса самуд̣̇аяанирод̇хавасзна д̣̇зсанааяа баяож̇анам̣ взд̣̇ид̇аб̣б̣ам̣.
Iti yasmā samudayanirodheneva dukkhaṃ nirujjhati, tasmā bhagavā dukkhanirodhaṃ dassento samudayanirodhena desesi. Sīhasamānavuttino hi tathāgatā. Te dukkhaṃ nirodhentā dukkhanirodhañca desentā hetumhi paṭipajjanti, na phale. Yathā hi sīho yenattani saro khitto, tattheva attano balaṃ dasseti, na sare, tathā buddhānaṃ kāraṇe paṭipatti, na phale. Titthiyā pana suvānavuttino. Te dukkhaṃ nirodhentā dukkhanirodhañca desentā attakilamathānuyogadesanādīhi phale paṭipajjanti, na hetumhi. Yathā hi sunakhā kenaci leḍḍuppahāre dinne bhussantā leḍḍuṃ khādanti, na pahāradāyake uṭṭhahanti, evaṃ aññatitthiyā dukkhaṃ nirodhetukāmā kāyakhedamanuyujjanti, na kilesanirodhanaṃ, evaṃ tāva dukkhanirodhassa samudayanirodhavasena desanāya payojanaṃ veditabbaṃ.
аяам̣ банзд̇т̇а ад̇т̇о. д̇ассааязва д̇ан̣хааяаад̇и д̇ассаа ‘‘боноб̣бхавигаа’’д̇и вад̇ваа гаамад̇ан̣хаад̣̇ивасзна вибхад̇д̇ад̇ан̣хааяа. вирааг̇о вужжад̇и маг̇г̇о. ‘‘вирааг̇аа вимужжад̇ий’’д̇и (ма. ни. 1.245; сам̣. ни. 3.12, 59) хи вуд̇д̇ам̣. вирааг̇зна нирод̇хо вирааг̇анирод̇хо, анусаяасамуг̇гхаад̇ад̇о асзсо вирааг̇анирод̇хо асзсавирааг̇анирод̇хо. ат̇а ваа вирааг̇од̇и бахаанам̣ вужжад̇и, д̇асмаа анусаяасамуг̇гхаад̇ад̇о асзсо вирааг̇о асзсо нирод̇ход̇и звамбзд̇т̇а яож̇анаа д̣̇адтаб̣б̣аа, ад̇т̇ад̇о бана саб̣б̣аанзва зд̇аани ниб̣б̣аанасса взважанаани. барамад̇т̇ад̇о хи д̣̇угканирод̇хо арияасажжанд̇и ниб̣б̣аанам̣ вужжад̇и. яасмаа бана д̇ам̣ ааг̇амма д̇ан̣хаа вираж̇ж̇ад̇и жзва нируж̇жхад̇и жа, д̇асмаа ‘‘вирааг̇о’’д̇и жа ‘‘нирод̇хо’’д̇и жа вужжад̇и. яасмаа жа д̇ад̣̇зва ааг̇амма д̇ассаа жааг̇аад̣̇аяо хонд̇и, гаамаг̇ун̣аалаяаад̣̇ийсу жзд̇т̇а згоби аалаяо над̇т̇и, д̇асмаа жааг̇о бадиниссаг̇г̇о муд̇д̇и анаалаяод̇и вужжад̇и.
Ayaṃ panettha attho. Tassāyeva taṇhāyāti tassā ‘‘ponobbhavikā’’ti vatvā kāmataṇhādivasena vibhattataṇhāya. Virāgo vuccati maggo. ‘‘Virāgā vimuccatī’’ti (ma. ni. 1.245; saṃ. ni. 3.12, 59) hi vuttaṃ. Virāgena nirodho virāganirodho, anusayasamugghātato aseso virāganirodho asesavirāganirodho. Atha vā virāgoti pahānaṃ vuccati, tasmā anusayasamugghātato aseso virāgo aseso nirodhoti evampettha yojanā daṭṭhabbā, atthato pana sabbāneva etāni nibbānassa vevacanāni. Paramatthato hi dukkhanirodho ariyasaccanti nibbānaṃ vuccati. Yasmā pana taṃ āgamma taṇhā virajjati ceva nirujjhati ca, tasmā ‘‘virāgo’’ti ca ‘‘nirodho’’ti ca vuccati. Yasmā ca tadeva āgamma tassā cāgādayo honti, kāmaguṇālayādīsu cettha ekopi ālayo natthi, tasmā cāgo paṭinissaggo mutti anālayoti vuccati.
ид̣̇аани д̣̇угканирод̇хаг̇ааминибадибад̣̇ааарияасажжам̣ д̣̇ассзд̇ум̣ ‘‘ид̣̇ам̣ ко бана, бхигкавз, д̣̇угканирод̇хаг̇ааминий’’д̇иаад̣̇имааха. яасмаа банзд̇ам̣ арияасажжам̣ д̣̇угканирод̇хам̣ г̇ажчад̇и аарамман̣авасазна д̇ад̣̇абхимукабхууд̇ад̇д̇аа, бадибад̣̇аа жа ход̇и д̣̇угканирод̇хаббад̇д̇ияаа, д̇асмаа ‘‘д̣̇угканирод̇хаг̇ааминий бадибад̣̇аа’’д̇и вужжад̇и. сзсамзд̇т̇а вуд̇д̇анаяамзва. го бана нзсам̣ д̣̇угкаад̣̇ийнам̣ сажжадтод̇и? яо бан̃н̃аажагкунаа убабаригкияамаанаанам̣ мааяаава вибарийд̇о, марийжива висам̣ваад̣̇аго, д̇ид̇т̇ияаанам̣ ад̇д̇аа вияа анубалаб̣бхасабхааво жа на ход̇и, ат̇а ко б̣аад̇ханаббабхавасанд̇инияяаанаббагаарзна д̇ажчаавибарийд̇абхууд̇абхаавзна арияан̃аан̣асса г̇ожаро ход̇иязва, зса аг̇г̇илагкан̣ам̣ вияа логабагад̇и вияа жа д̇ажчаавибарийд̇абхууд̇абхааво сажжадтод̇и взд̣̇ид̇аб̣б̣о. зд̇т̇а жа аг̇г̇илагкан̣ам̣ наама ун̣хад̇д̇ам̣. д̇ан̃хи гад̇т̇ажи гадтаад̣̇иубаад̣̇аанабхзд̣̇з висам̣ваад̣̇агам̣ вибарийд̇ам̣ абхууд̇ам̣ ваа гад̣̇аажиби на ход̇и, ‘‘ж̇аад̇ид̇хаммаа ж̇араад̇хаммаа, ат̇о маран̣ад̇хаммино’’д̇и (а. ни. 5.57) звам̣ вуд̇д̇аж̇аад̇иаад̣̇игаа логабагад̇ийд̇и взд̣̇ид̇аб̣б̣аа. ‘‘згажжаанам̣ д̇иражчаанаанам̣ д̇ирияам̣ д̣̇ийгхад̇аа, мануссаад̣̇ийнам̣ уд̣̇д̇хам̣ д̣̇ийгхад̇аа, вуд̣̇д̇хинидтаббад̇д̇аанам̣ буна авад̣дхананд̇и звамаад̣̇игаа жа логабагад̇ий’’д̇и вад̣̇анд̇и.
Idāni dukkhanirodhagāminipaṭipadāariyasaccaṃ dassetuṃ ‘‘idaṃ kho pana, bhikkhave, dukkhanirodhagāminī’’tiādimāha. Yasmā panetaṃ ariyasaccaṃ dukkhanirodhaṃ gacchati ārammaṇavasaena tadabhimukhabhūtattā, paṭipadā ca hoti dukkhanirodhappattiyā, tasmā ‘‘dukkhanirodhagāminī paṭipadā’’ti vuccati. Sesamettha vuttanayameva. Ko pana nesaṃ dukkhādīnaṃ saccaṭṭhoti? Yo paññācakkhunā upaparikkhiyamānānaṃ māyāva viparīto, marīciva visaṃvādako, titthiyānaṃ attā viya anupalabbhasabhāvo ca na hoti, atha kho bādhanappabhavasantiniyyānappakārena tacchāviparītabhūtabhāvena ariyañāṇassa gocaro hotiyeva, esa aggilakkhaṇaṃ viya lokapakati viya ca tacchāviparītabhūtabhāvo saccaṭṭhoti veditabbo. Ettha ca aggilakkhaṇaṃ nāma uṇhattaṃ. Tañhi katthaci kaṭṭhādiupādānabhede visaṃvādakaṃ viparītaṃ abhūtaṃ vā kadācipi na hoti, ‘‘jātidhammā jarādhammā, atho maraṇadhammino’’ti (a. ni. 5.57) evaṃ vuttajātiādikā lokapakatīti veditabbā. ‘‘Ekaccānaṃ tiracchānānaṃ tiriyaṃ dīghatā, manussādīnaṃ uddhaṃ dīghatā, vuddhiniṭṭhappattānaṃ puna avaḍḍhananti evamādikā ca lokapakatī’’ti vadanti.
абижа –
Apica –
нааб̣аад̇хагам̣ яад̇о д̣̇угкам̣, д̣̇угкаа ан̃н̃ам̣ на б̣аад̇хагам̣;
Nābādhakaṃ yato dukkhaṃ, dukkhā aññaṃ na bādhakaṃ;
б̣аад̇хагад̇д̇анияаамзна, д̇ад̇о сажжамид̣̇ам̣ мад̇ам̣.
Bādhakattaniyāmena, tato saccamidaṃ mataṃ.
д̇ам̣ винаа наан̃н̃ад̇о д̣̇угкам̣, на ход̇и на жа д̇ам̣ д̇ад̇о;
Taṃ vinā nāññato dukkhaṃ, na hoti na ca taṃ tato;
д̣̇угкахзд̇унияаамзна, ид̇и сажжам̣ висад̇д̇игаа.
Dukkhahetuniyāmena, iti saccaṃ visattikā.
наан̃н̃аа ниб̣б̣аанад̇о санд̇и, санд̇ам̣ на жа на д̇ам̣ яад̇о;
Nāññā nibbānato santi, santaṃ na ca na taṃ yato;
санд̇абхааванияаамзна, д̇ад̇о сажжамид̣̇ам̣ мад̇ам̣.
Santabhāvaniyāmena, tato saccamidaṃ mataṃ.
маг̇г̇аа ан̃н̃ам̣ на нияяаанам̣, анияяаано на жааби со;
Maggā aññaṃ na niyyānaṃ, aniyyāno na cāpi so;
д̇ажчанияяаанабхаавад̇д̇аа, ид̇и со сажжасаммад̇о.
Tacchaniyyānabhāvattā, iti so saccasammato.
ид̇и д̇ажчаавибаллааса-бхууд̇абхаавам̣ жад̇уусуби;
Iti tacchāvipallāsa-bhūtabhāvaṃ catūsupi;
д̣̇угкаад̣̇ийсвависзсзна, сажжадтам̣ ааху бан̣д̣ид̇аад̇и. (вибха. адта. 189);
Dukkhādīsvavisesena, saccaṭṭhaṃ āhu paṇḍitāti. (vibha. aṭṭha. 189);
15. буб̣б̣з анануссуд̇зсууд̇и ид̇о буб̣б̣з ‘‘ид̣̇ам̣ д̣̇угка’’нд̇иаад̣̇инаа на ануссуд̇зсу ассуд̇абуб̣б̣зсу жад̇усажжад̇хаммзсу. жагкунд̇иаад̣̇ийни н̃аан̣авзважанаанзва. н̃аан̣амзва хзд̇т̇а бажжагкад̇о д̣̇ассанадтзна жагку вияаад̇и жагку, н̃аан̣адтзна н̃аан̣ам̣, багаарад̇о ж̇аананадтзна бан̃н̃аа, бадивиж̇жханадтзна виж̇ж̇аа, сажжаббадижчаад̣̇агасса моханд̇хагаарасса вид̇хаманад̇о обхаасанадтзна аалогод̇и вуд̇д̇ам̣. д̇ам̣ банзд̇ам̣ жад̇уусу сажжзсу логияалогуд̇д̇арамиссагам̣ нид̣̇д̣̇идтанд̇и взд̣̇ид̇аб̣б̣ам̣.
15.Pubbe ananussutesūti ito pubbe ‘‘idaṃ dukkha’’ntiādinā na anussutesu assutapubbesu catusaccadhammesu. Cakkhuntiādīni ñāṇavevacanāneva. Ñāṇameva hettha paccakkhato dassanaṭṭhena cakkhu viyāti cakkhu, ñāṇaṭṭhena ñāṇaṃ, pakārato jānanaṭṭhena paññā, paṭivijjhanaṭṭhena vijjā, saccappaṭicchādakassa mohandhakārassa vidhamanato obhāsanaṭṭhena ālokoti vuttaṃ. Taṃ panetaṃ catūsu saccesu lokiyalokuttaramissakaṃ niddiṭṭhanti veditabbaṃ.
16. яаавагийван̃жаад̇и яад̇д̇агам̣ гаалам̣. д̇ибаривадданд̇и сажжан̃аан̣агижжан̃аан̣агад̇ан̃аан̣асан̇каад̇аанам̣ д̇ин̣н̣ам̣ бариваддаанам̣ васзна д̇ибариваддам̣. сажжан̃аан̣аад̣̇ивасзна хи д̇аяо бариваддаа зд̇ассаад̇и д̇ибаривадданд̇и вужжад̇и н̃аан̣ад̣̇ассанам̣. зд̇т̇а жа ‘‘ид̣̇ам̣ д̣̇угкам̣ арияасажжам̣, ид̣̇ам̣ д̣̇угкасамуд̣̇аяа’’нд̇и звам̣ жад̇уусу сажжзсу яат̇аабхууд̇ан̃аан̣ам̣ сажжан̃аан̣ам̣ наама. д̇зсуязва ‘‘барин̃н̃зяяам̣ бахаад̇аб̣б̣ам̣ сажчигаад̇аб̣б̣ам̣ бхаавзд̇аб̣б̣а’’нд̇и звам̣ гад̇д̇аб̣б̣агижжаж̇аананан̃аан̣ам̣ гижжан̃аан̣ам̣ наама. ‘‘барин̃н̃аад̇ам̣ бахийнам̣ сажчигад̇ам̣ бхаавид̇а’’нд̇и звам̣ д̇асса гад̇абхааваж̇аананан̃аан̣ам̣ гад̇ан̃аан̣ам̣ наама. д̣̇ваад̣̇асаагааранд̇и д̇зсам̣язва згзгасмим̣ сажжз д̇ин̣н̣ам̣ д̇ин̣н̣ам̣ аагаараанам̣ васзна д̣̇ваад̣̇асаагаарам̣. н̃аан̣ад̣̇ассананд̇и зд̇зсам̣ д̇ибариваддаанам̣ д̣̇ваад̣̇асаннам̣ аагаараанам̣ васзна уббаннан̃аан̣асан̇каад̇ам̣ д̣̇ассанам̣.
16.Yāvakīvañcāti yattakaṃ kālaṃ. Tiparivaṭṭanti saccañāṇakiccañāṇakatañāṇasaṅkhātānaṃ tiṇṇaṃ parivaṭṭānaṃ vasena tiparivaṭṭaṃ. Saccañāṇādivasena hi tayo parivaṭṭā etassāti tiparivaṭṭanti vuccati ñāṇadassanaṃ. Ettha ca ‘‘idaṃ dukkhaṃ ariyasaccaṃ, idaṃ dukkhasamudaya’’nti evaṃ catūsu saccesu yathābhūtañāṇaṃ saccañāṇaṃ nāma. Tesuyeva ‘‘pariññeyyaṃ pahātabbaṃ sacchikātabbaṃ bhāvetabba’’nti evaṃ kattabbakiccajānanañāṇaṃ kiccañāṇaṃ nāma. ‘‘Pariññātaṃ pahīnaṃ sacchikataṃ bhāvita’’nti evaṃ tassa katabhāvajānanañāṇaṃ katañāṇaṃ nāma. Dvādasākāranti tesaṃyeva ekekasmiṃ sacce tiṇṇaṃ tiṇṇaṃ ākārānaṃ vasena dvādasākāraṃ. Ñāṇadassananti etesaṃ tiparivaṭṭānaṃ dvādasannaṃ ākārānaṃ vasena uppannañāṇasaṅkhātaṃ dassanaṃ.
ануд̇д̇арам̣ саммаасамб̣од̇хинд̇и уд̇д̇аравирахид̇ам̣ саб̣б̣асздтам̣ саммаа сааман̃жа б̣од̇хим̣. ат̇а ваа басад̇т̇ам̣ сунд̣̇аран̃жа б̣од̇хим̣. б̣од̇хийд̇и жа бхаг̇авад̇о арахад̇д̇амаг̇г̇о ид̇хаад̇хиббзд̇о. саавагаанам̣ арахад̇д̇амаг̇г̇о ануд̇д̇араа б̣од̇хи ход̇и, на ход̇ийд̇и? на ход̇и. гасмаа? асаб̣б̣аг̇ун̣ад̣̇ааяагад̇д̇аа. д̇зсан̃хи гассажи арахад̇д̇амаг̇г̇о арахад̇д̇апаламзва д̣̇зд̇и, гассажи д̇иссо виж̇ж̇аа, гассажи ча абхин̃н̃аа, гассажи жад̇ассо бадисамбхид̣̇аа, гассажи саавагабаарамийн̃аан̣ам̣. бажжзгаб̣уд̣̇д̇хаанамби бажжзгаб̣од̇хин̃аан̣амзва д̣̇зд̇и, б̣уд̣̇д̇хаанам̣ бана саб̣б̣аг̇ун̣асамбад̇д̇им̣ д̣̇зд̇и абхисзго вияа ран̃н̃о саб̣б̣алогиссарияабхаавам̣. д̇асмаа ан̃н̃асса гассажиби ануд̇д̇араа б̣од̇хи на ход̇ийд̇и. абхисамб̣уд̣̇д̇ход̇и бажжан̃н̃аасинд̇и абхисамб̣уд̣̇д̇хо ахам̣ бад̇д̇о бадивиж̇жхид̇ваа тид̇од̇и звам̣ бадиж̇ааним̣. н̃аан̣ан̃жа бана мз д̣̇ассанам̣ уд̣̇абаад̣̇ийд̇и ад̇хиг̇ад̇аг̇ун̣аанам̣ яаат̇аавад̇о д̣̇ассанасамад̇т̇ам̣ бажжавзгкан̣ан̃аан̣ан̃жа бана мз уд̣̇абаад̣̇и. агуббаа мз вимуд̇д̇ийд̇и аяам̣ маяхам̣ арахад̇д̇апалавимуд̇д̇и агуббаа бадибагкзхи на гобзд̇аб̣б̣аад̇и звам̣ н̃аан̣ам̣ уд̣̇абаад̣̇и. д̇ад̇т̇а д̣̇вийхаагаарзхи агуббад̇аа взд̣̇ид̇аб̣б̣аа маг̇г̇асан̇каад̇агааран̣ад̇о жа аарамман̣ад̇о жа. саа хи жад̇уухи маг̇г̇зхи самужчиннагилзсаанам̣ буна анивад̇д̇анад̇ааяа гааран̣ад̇оби агуббаа, агуббад̇хаммам̣ ниб̣б̣аанам̣ аарамман̣ам̣ гад̇ваа бавад̇д̇ад̇ааяа аарамман̣ад̇оби агуббаа анаагуббаарамман̣аанам̣ логияасамаабад̇д̇ийнам̣ д̇ад̣̇абхаавад̇о. анд̇имаад̇и бажчимаа. над̇т̇и д̣̇аани бунаб̣бхавод̇и ид̣̇аани буна ан̃н̃о бхаво наама над̇т̇ийд̇и.
Anuttaraṃ sammāsambodhinti uttaravirahitaṃ sabbaseṭṭhaṃ sammā sāmañca bodhiṃ. Atha vā pasatthaṃ sundarañca bodhiṃ. Bodhīti ca bhagavato arahattamaggo idhādhippeto. Sāvakānaṃ arahattamaggo anuttarā bodhi hoti, na hotīti? Na hoti. Kasmā? Asabbaguṇadāyakattā. Tesañhi kassaci arahattamaggo arahattaphalameva deti, kassaci tisso vijjā, kassaci cha abhiññā, kassaci catasso paṭisambhidā, kassaci sāvakapāramīñāṇaṃ. Paccekabuddhānampi paccekabodhiñāṇameva deti, buddhānaṃ pana sabbaguṇasampattiṃ deti abhiseko viya rañño sabbalokissariyabhāvaṃ. Tasmā aññassa kassacipi anuttarā bodhi na hotīti. Abhisambuddhoti paccaññāsinti abhisambuddho ahaṃ patto paṭivijjhitvā ṭhitoti evaṃ paṭijāniṃ. Ñāṇañca pana me dassanaṃ udapādīti adhigataguṇānaṃ yāthāvato dassanasamatthaṃ paccavekkhaṇañāṇañca pana me udapādi. Akuppā me vimuttīti ayaṃ mayhaṃ arahattaphalavimutti akuppā paṭipakkhehi na kopetabbāti evaṃ ñāṇaṃ udapādi. Tattha dvīhākārehi akuppatā veditabbā maggasaṅkhātakāraṇato ca ārammaṇato ca. Sā hi catūhi maggehi samucchinnakilesānaṃ puna anivattanatāya kāraṇatopi akuppā, akuppadhammaṃ nibbānaṃ ārammaṇaṃ katvā pavattatāya ārammaṇatopi akuppā anākuppārammaṇānaṃ lokiyasamāpattīnaṃ tadabhāvato. Antimāti pacchimā. Natthi dāni punabbhavoti idāni puna añño bhavo nāma natthīti.
имасмин̃жа бана взяяаагаран̣асминд̇и имасмим̣ ниг̇г̇аат̇агз суд̇д̇з. ниг̇г̇аат̇аган̃хи суд̇д̇ам̣ бужчаависсаж̇ж̇анасахид̇ам̣ ‘‘взяяаагаран̣а’’нд̇и вужжад̇и. бхан̃н̃амаанзд̇и бхан̣ияамаанз, д̣̇зсияамаанзд̇и ад̇т̇о. вираж̇анд̇и абааяаг̇аманийяарааг̇араж̇аад̣̇ийнам̣ виг̇амзна вираж̇ам̣. вийд̇амаланд̇и анавасзсад̣̇идтивижигижчаамалаабаг̇амзна вийд̇амалам̣ . батамамаг̇г̇аваж̇жхагилзсараж̇аабхаавзна ваа вираж̇ам̣, бан̃жавид̇хад̣̇уссийляамалаабаг̇амзна вийд̇амалам̣. д̇хаммажагкунд̇и б̣рахмааяусуд̇д̇з (ма. ни. 2.383 аад̣̇аяо) хздтимаа д̇аяо маг̇г̇аа вуд̇д̇аа, жуул̣араахуловаад̣̇з (ма. ни. 3.416 аад̣̇аяо) аасавагкаяо, ид̇ха бана сод̇аабад̇д̇имаг̇г̇о ад̇хиббзд̇о. жад̇усажжасан̇каад̇зсу д̇хаммзсу д̇зсам̣ д̣̇ассанадтзна жагкууд̇и д̇хаммажагку, хздтимзсу ваа д̇ийсу маг̇г̇ад̇хаммзсу згам̣ сод̇аабад̇д̇имаг̇г̇асан̇каад̇ам̣ жагкууд̇и д̇хаммажагку, самат̇авибассанаад̇хамманиб̣б̣ад̇д̇ад̇ааяа сийлаад̣̇ид̇ивид̇хад̇хаммагканд̇хабхууд̇ад̇ааяа ваа д̇хаммамаяам̣ жагкууд̇иби д̇хаммажагку, д̇асса уббад̇д̇иаагаарад̣̇ассанад̇т̇ам̣ ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и ааха. нану жа маг̇г̇ан̃аан̣ам̣ асан̇кад̇ад̇хаммаарамман̣ам̣, на сан̇кад̇ад̇хаммаарамман̣анд̇и? сажжамзд̇ам̣, яасмаа д̇ам̣ нирод̇хам̣ аарамман̣ам̣ гад̇ваа гижжавасзна саб̣б̣асан̇кад̇ам̣ асаммохаббадивзд̇хавасзна бадивиж̇жханд̇ам̣ уббаж̇ж̇ад̇и, д̇асмаа д̇ат̇аа вуд̇д̇ам̣.
Imasmiñca pana veyyākaraṇasminti imasmiṃ niggāthake sutte. Niggāthakañhi suttaṃ pucchāvissajjanasahitaṃ ‘‘veyyākaraṇa’’nti vuccati. Bhaññamāneti bhaṇiyamāne, desiyamāneti attho. Virajanti apāyagamanīyarāgarajādīnaṃ vigamena virajaṃ. Vītamalanti anavasesadiṭṭhivicikicchāmalāpagamena vītamalaṃ . Paṭhamamaggavajjhakilesarajābhāvena vā virajaṃ, pañcavidhadussīlyamalāpagamena vītamalaṃ. Dhammacakkhunti brahmāyusutte (ma. ni. 2.383 ādayo) heṭṭhimā tayo maggā vuttā, cūḷarāhulovāde (ma. ni. 3.416 ādayo) āsavakkhayo, idha pana sotāpattimaggo adhippeto. Catusaccasaṅkhātesu dhammesu tesaṃ dassanaṭṭhena cakkhūti dhammacakkhu, heṭṭhimesu vā tīsu maggadhammesu ekaṃ sotāpattimaggasaṅkhātaṃ cakkhūti dhammacakkhu, samathavipassanādhammanibbattatāya sīlāditividhadhammakkhandhabhūtatāya vā dhammamayaṃ cakkhūtipi dhammacakkhu, tassa uppattiākāradassanatthaṃ ‘‘yaṃ kiñci samudayadhammaṃ, sabbaṃ taṃ nirodhadhamma’’nti āha. Nanu ca maggañāṇaṃ asaṅkhatadhammārammaṇaṃ, na saṅkhatadhammārammaṇanti? Saccametaṃ, yasmā taṃ nirodhaṃ ārammaṇaṃ katvā kiccavasena sabbasaṅkhataṃ asammohappaṭivedhavasena paṭivijjhantaṃ uppajjati, tasmā tathā vuttaṃ.
17. д̇хаммажаггзд̇и бадивзд̇хан̃аан̣ан̃жзва д̣̇зсанаан̃аан̣ан̃жа бавад̇д̇анадтзна жагганд̇и д̇хаммажаггам̣. б̣од̇хибаллан̇гз нисиннасса хи жад̇уусу сажжзсу уббаннам̣ д̣̇ваад̣̇асаагаарам̣ бадивзд̇хан̃аан̣амби, исибад̇анз нисиннасса д̣̇ваад̣̇асаагаарааяа сажжад̣̇зсанааяа бавад̇д̇агам̣ д̣̇зсанаан̃аан̣амби д̇хаммажаггам̣ наама. убхаяамби хзд̇ам̣ д̣̇асаб̣аласса урз бавад̇д̇ан̃аан̣амзва. д̇ад̣̇убхаяам̣ имааяа д̣̇зсанааяа багаасзнд̇зна бхаг̇авад̇аа д̇хаммажаггам̣ бавад̇д̇ид̇ам̣ наама. д̇ам̣ банзд̇ам̣ д̇хаммажаггам̣ яаава ан̃н̃аасигон̣д̣ан̃н̃ад̇т̇зро адтаарасахи б̣рахмагодийхи сад̣̇д̇хим̣ сод̇аабад̇д̇ипалз бад̇идтаад̇и, д̇аава бхаг̇аваа бавад̇д̇зд̇и наама бавад̇д̇анагижжасса анидтид̇ад̇д̇аа. бад̇идтид̇з бавад̇д̇ид̇ам̣ наама гассабасаммаасамб̣уд̣̇д̇хасса саасананд̇арад̇хаанад̇о бадтааяа яаава б̣уд̣̇д̇хуббаад̣̇о, зд̇д̇агам̣ гаалам̣ аббавад̇д̇абуб̣б̣асса бавад̇д̇ид̇ад̇д̇аа. д̇ам̣ санд̇хааяа ‘‘бавад̇д̇ид̇з жа бана бхаг̇авад̇аа д̇хаммажаггз бхуммаа д̣̇зваа сад̣̇д̣̇амануссаавзсу’’нд̇иаад̣̇и вуд̇д̇ам̣. д̇ад̇т̇а бхуммаад̇и бхуумадтагад̣̇звад̇аа. сад̣̇д̣̇амануссаавзсунд̇и згаббахаарзнзва саад̇хугаарам̣ д̣̇ад̇ваа ‘‘зд̇ам̣ бхаг̇авад̇аа’’д̇иаад̣̇ийни вад̣̇анд̇аа ануссааваяим̣су. обхаасод̇и саб̣б̣ан̃н̃уд̇ан̃н̃аан̣аанубхаавзна бавад̇д̇о жид̇д̇абажжаяауд̇усамудтаано обхаасо. со хи д̇ад̣̇аа д̣̇зваанам̣ д̣̇зваанубхаавам̣ ад̇иггамид̇ваа вирожид̇т̇а. ан̃н̃ааси вад̇а бхо гон̣д̣ан̃н̃од̇и имассаби уд̣̇аанасса уд̣̇аахаран̣агхосо д̣̇асасахассилогад̇хаад̇ум̣ парид̇ваа адтааси. бхаг̇авад̇о хи д̇хаммажаггаббавад̇д̇анасса аарамбхз вияа барисамаабанзби ад̇ивияа ул̣аарад̇амам̣ бийд̇исоманассам̣ уд̣̇абаад̣̇и.
17.Dhammacakketi paṭivedhañāṇañceva desanāñāṇañca pavattanaṭṭhena cakkanti dhammacakkaṃ. Bodhipallaṅke nisinnassa hi catūsu saccesu uppannaṃ dvādasākāraṃ paṭivedhañāṇampi, isipatane nisinnassa dvādasākārāya saccadesanāya pavattakaṃ desanāñāṇampi dhammacakkaṃ nāma. Ubhayampi hetaṃ dasabalassa ure pavattañāṇameva. Tadubhayaṃ imāya desanāya pakāsentena bhagavatā dhammacakkaṃ pavattitaṃ nāma. Taṃ panetaṃ dhammacakkaṃ yāva aññāsikoṇḍaññatthero aṭṭhārasahi brahmakoṭīhi saddhiṃ sotāpattiphale patiṭṭhāti, tāva bhagavā pavatteti nāma pavattanakiccassa aniṭṭhitattā. Patiṭṭhite pavattitaṃ nāma kassapasammāsambuddhassa sāsanantaradhānato paṭṭhāya yāva buddhuppādo, ettakaṃ kālaṃ appavattapubbassa pavattitattā. Taṃ sandhāya ‘‘pavattite ca pana bhagavatā dhammacakke bhummā devā saddamanussāvesu’’ntiādi vuttaṃ. Tattha bhummāti bhūmaṭṭhakadevatā. Saddamanussāvesunti ekappahāreneva sādhukāraṃ datvā ‘‘etaṃ bhagavatā’’tiādīni vadantā anussāvayiṃsu. Obhāsoti sabbaññutaññāṇānubhāvena pavatto cittapaccayautusamuṭṭhāno obhāso. So hi tadā devānaṃ devānubhāvaṃ atikkamitvā virocittha. Aññāsi vata bho koṇḍaññoti imassapi udānassa udāharaṇaghoso dasasahassilokadhātuṃ pharitvā aṭṭhāsi. Bhagavato hi dhammacakkappavattanassa ārambhe viya parisamāpanepi ativiya uḷāratamaṃ pītisomanassaṃ udapādi.
18. д̣̇идто арияасажжад̇хаммо зд̇знаад̇и д̣̇идтад̇хаммо. зса наяо сзсабад̣̇зсуби. зд̇т̇а жа д̣̇ассанам̣ наама н̃аан̣ад̣̇ассанад̇о ан̃н̃амби ад̇т̇ийд̇и д̇ам̣нивад̇д̇анад̇т̇ам̣ ‘‘бад̇д̇ад̇хаммо’’д̇и вуд̇д̇ам̣. бад̇д̇и жа н̃аан̣асамбад̇д̇ид̇о ан̃н̃ааби виж̇ж̇ад̇ийд̇и д̇ад̇о висзсанад̇т̇ам̣ ‘‘вид̣̇ид̇ад̇хаммо’’д̇и вуд̇д̇ам̣. саа банзсаа вид̣̇ид̇ад̇хаммад̇аа згад̣̇зсад̇оби ход̇ийд̇и ниббад̣̇зсад̇о вид̣̇ид̇абхаавам̣ д̣̇ассзд̇ум̣ ‘‘барияог̇аал̣хад̇хаммо’’д̇и вуд̇д̇ам̣. д̇знасса сажжаабхисамб̣од̇хим̣язва д̣̇ийбзд̇и. маг̇г̇ан̃аан̣ан̃хи згаабхисамаяавасзна барин̃н̃аад̣̇игижжам̣ саад̇хзнд̇ам̣ ниббад̣̇зсзна жад̇усажжад̇хаммам̣ саманд̇ад̇о ог̇аал̣хам̣ наама ход̇и. саббадибхаяаганд̇аарасад̣̇исаа сол̣асавад̇т̇угаа адтавад̇т̇угаа жа д̇ин̣н̣аа вижигижчаа анзнаад̇и д̇ин̣н̣авижигижчо. бавад̇д̇иаад̣̇ийсу ‘‘звам̣ нуко на нуко’’д̇и звам̣ бавад̇д̇игаа виг̇ад̇аа самужчиннаа гат̇ам̣гат̇аа ассаад̇и виг̇ад̇агат̇ам̣гат̇о. взсаараж̇ж̇аббад̇д̇од̇и саараж̇ж̇агараанам̣ баабад̇хаммаанам̣ бахийнад̇д̇аа д̇аббадибагкзсу жа сийлаад̣̇ийсу г̇ун̣зсу суббад̇идтид̇ад̇д̇аа висаарад̣̇абхаавам̣ взяяад̇д̇ияам̣ бад̇д̇о ад̇хиг̇ад̇о. свааяам̣ взсаараж̇ж̇аббад̇д̇исуббад̇идтид̇абхааво гад̇т̇аад̇и ааха ‘‘сад̇т̇усаасанз’’д̇и. ад̇д̇анаа бажжагкад̇о ад̇хиг̇ад̇ад̇д̇аа на барам̣ бажжзд̇и, барасса сад̣̇д̇хааяа зд̇т̇а наббавад̇д̇ад̇и, на д̇асса баро бажжзд̇аб̣б̣о ад̇т̇ийд̇и абараббажжаяо.
18. Diṭṭho ariyasaccadhammo etenāti diṭṭhadhammo. Esa nayo sesapadesupi. Ettha ca dassanaṃ nāma ñāṇadassanato aññampi atthīti taṃnivattanatthaṃ ‘‘pattadhammo’’ti vuttaṃ. Patti ca ñāṇasampattito aññāpi vijjatīti tato visesanatthaṃ ‘‘viditadhammo’’ti vuttaṃ. Sā panesā viditadhammatā ekadesatopi hotīti nippadesato viditabhāvaṃ dassetuṃ ‘‘pariyogāḷhadhammo’’ti vuttaṃ. Tenassa saccābhisambodhiṃyeva dīpeti. Maggañāṇañhi ekābhisamayavasena pariññādikiccaṃ sādhentaṃ nippadesena catusaccadhammaṃ samantato ogāḷhaṃ nāma hoti. Sappaṭibhayakantārasadisā soḷasavatthukā aṭṭhavatthukā ca tiṇṇā vicikicchā anenāti tiṇṇavicikiccho. Pavattiādīsu ‘‘evaṃ nukho na nukho’’ti evaṃ pavattikā vigatā samucchinnā kathaṃkathā assāti vigatakathaṃkatho. Vesārajjappattoti sārajjakarānaṃ pāpadhammānaṃ pahīnattā tappaṭipakkhesu ca sīlādīsu guṇesu suppatiṭṭhitattā visāradabhāvaṃ veyyattiyaṃ patto adhigato. Svāyaṃ vesārajjappattisuppatiṭṭhitabhāvo katthāti āha ‘‘satthusāsane’’ti. Attanā paccakkhato adhigatattā na paraṃ pacceti, parassa saddhāya ettha nappavattati, na tassa paro paccetabbo atthīti aparappaccayo.
лабхзяяааханд̇и лабхзяяам̣ ахам̣, ааяаажанаважанамзд̇ам̣. зхийд̇и ааяаажид̇аанам̣ баб̣б̣аж̇ж̇уубасамбад̣̇аанам̣ анумад̇абхааваббагаасанаважанам̣, д̇асмаа зхи самбадижчаахи яат̇ааяаажид̇ам̣ баб̣б̣аж̇ж̇уубасамбад̣̇ависзсанд̇и ад̇т̇о. ид̇и-сад̣̇д̣̇о д̇асса зхибхигкуубасамбад̣̇аабадилаабханимид̇д̇аважанабарияосаанад̣̇ассано. д̇ад̣̇авасаано хи д̇асса бхигкубхааво. д̇знзвааха ‘‘зхи бхигкууд̇и бхаг̇авад̇о важанзна абхинибпаннаа саава д̇асса ааяасмад̇о зхибхигкуубасамбад̣̇аа ахосий’’д̇и. жара б̣рахмажарияанд̇и убаримаг̇г̇ад̇д̇аяасан̇каад̇ам̣ б̣рахмажарияам̣ самад̇хиг̇ажча. гимад̇т̇ам̣? саммаа д̣̇угкасса анд̇агирияааяа. ид̇хааби ‘‘авожаа’’д̇и самб̣анд̇хид̇аб̣б̣ам̣. ‘‘нава годисахассааний’’д̇иаад̣̇инаа (висуд̣̇д̇хи. 1.20; бади. ма. адта. 1.1.37) вуд̇д̇аббабхзд̣̇аанам̣ анзгасахассаанам̣ сам̣варавинаяаанам̣ самаад̣̇ияид̇ваа вад̇д̇анзна убарибхууд̇аа аг̇г̇абхууд̇аа самбад̣̇аад̇и убасамбад̣̇аа.
Labheyyāhanti labheyyaṃ ahaṃ, āyācanavacanametaṃ. Ehīti āyācitānaṃ pabbajjūpasampadānaṃ anumatabhāvappakāsanavacanaṃ, tasmā ehi sampaṭicchāhi yathāyācitaṃ pabbajjūpasampadavisesanti attho. Iti-saddo tassa ehibhikkhūpasampadāpaṭilābhanimittavacanapariyosānadassano. Tadavasāno hi tassa bhikkhubhāvo. Tenevāha ‘‘ehi bhikkhūti bhagavato vacanena abhinipphannā sāva tassa āyasmato ehibhikkhūpasampadā ahosī’’ti. Cara brahmacariyanti uparimaggattayasaṅkhātaṃ brahmacariyaṃ samadhigaccha. Kimatthaṃ? Sammā dukkhassa antakiriyāya. Idhāpi ‘‘avocā’’ti sambandhitabbaṃ. ‘‘Nava koṭisahassānī’’tiādinā (visuddhi. 1.20; paṭi. ma. aṭṭha. 1.1.37) vuttappabhedānaṃ anekasahassānaṃ saṃvaravinayānaṃ samādiyitvā vattanena uparibhūtā aggabhūtā sampadāti upasampadā.
19. нийхаарабхад̇д̇од̇и нийхадабхад̇д̇о, г̇аамад̇о бхигкам̣ нийхарид̇ваа бхигкуухи д̣̇иннабхад̇д̇од̇и ад̇т̇о . бхаг̇аваа хи д̣̇ахарагумаарагз вияа д̇з бхигкуу барихаранд̇о баадибад̣̇ад̣̇ивасад̇о бадтааяа бин̣д̣абаад̇ад̇т̇ааяаби г̇аамам̣ абависид̇ваа анд̇овихаарзязва васи.
19.Nīhārabhattoti nīhaṭabhatto, gāmato bhikkhaṃ nīharitvā bhikkhūhi dinnabhattoti attho . Bhagavā hi daharakumārake viya te bhikkhū pariharanto pāṭipadadivasato paṭṭhāya piṇḍapātatthāyapi gāmaṃ apavisitvā antovihāreyeva vasi.
д̇хаммажаггаббавад̇д̇анасуд̇д̇аван̣н̣анаа нидтид̇аа.
Dhammacakkappavattanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 6. бан̃жаваг̇г̇ияагат̇аа • 6. Pañcavaggiyakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жаваг̇г̇ияагат̇аа • Pañcavaggiyakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. бан̃жаваг̇г̇ияагат̇аа • 6. Pañcavaggiyakathā
