| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. ธมฺมจกฺกิกเตฺถรอปทานํ
9. Dhammacakkikattheraapadānaṃ
๑๐๒.
102.
‘‘สิทฺธตฺถสฺส ภควโต, สีหาสนสฺส สมฺมุขา;
‘‘Siddhatthassa bhagavato, sīhāsanassa sammukhā;
ธมฺมจกฺกํ เม ฐปิตํ, สุกตํ วิญฺญุวณฺณิตํฯ
Dhammacakkaṃ me ṭhapitaṃ, sukataṃ viññuvaṇṇitaṃ.
๑๐๓.
103.
‘‘จารุวโณฺณว โสภามิ, สโยคฺคพลวาหโน;
‘‘Cāruvaṇṇova sobhāmi, sayoggabalavāhano;
ปริวาเรนฺติ มํ นิจฺจํ, อนุยนฺตา พหุชฺชนาฯ
Parivārenti maṃ niccaṃ, anuyantā bahujjanā.
๑๐๔.
104.
‘‘สฎฺฐิตูริยสหเสฺสหิ, ปริจาเรมหํ สทา;
‘‘Saṭṭhitūriyasahassehi, paricāremahaṃ sadā;
ปริวาเรน โสภามิ, ปุญฺญกมฺมสฺสิทํ ผลํฯ
Parivārena sobhāmi, puññakammassidaṃ phalaṃ.
๑๐๕.
105.
‘‘จตุนฺนวุติโต กเปฺป, ยํ จกฺกํ ฐปยิํ อหํ;
‘‘Catunnavutito kappe, yaṃ cakkaṃ ṭhapayiṃ ahaṃ;
ทุคฺคติํ นาภิชานามิ, ธมฺมจกฺกสฺสิทํ ผลํฯ
Duggatiṃ nābhijānāmi, dhammacakkassidaṃ phalaṃ.
๑๐๖.
106.
‘‘อิโต เอกาทเส กเปฺป, อฎฺฐาสิํสุ ชนาธิปา;
‘‘Ito ekādase kappe, aṭṭhāsiṃsu janādhipā;
สหสฺสราชนาเมน, จกฺกวตฺตี มหพฺพลาฯ
Sahassarājanāmena, cakkavattī mahabbalā.
๑๐๗.
107.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ธมฺมจกฺกิโก เถโร อิมา คาถาโย อภาสิตฺถาติฯ
Itthaṃ sudaṃ āyasmā dhammacakkiko thero imā gāthāyo abhāsitthāti.
ธมฺมจกฺกิกเตฺถรสฺสาปทานํ นวมํฯ
Dhammacakkikattherassāpadānaṃ navamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๙. ธมฺมจกฺกิกเตฺถรอปทานวณฺณนา • 9. Dhammacakkikattheraapadānavaṇṇanā
