| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೯. ಧಮ್ಮಚಕ್ಕಿಕತ್ಥೇರಅಪದಾನಂ
9. Dhammacakkikattheraapadānaṃ
೧೦೨.
102.
‘‘ಸಿದ್ಧತ್ಥಸ್ಸ ಭಗವತೋ, ಸೀಹಾಸನಸ್ಸ ಸಮ್ಮುಖಾ।
‘‘Siddhatthassa bhagavato, sīhāsanassa sammukhā;
ಧಮ್ಮಚಕ್ಕಂ ಮೇ ಠಪಿತಂ, ಸುಕತಂ ವಿಞ್ಞುವಣ್ಣಿತಂ॥
Dhammacakkaṃ me ṭhapitaṃ, sukataṃ viññuvaṇṇitaṃ.
೧೦೩.
103.
‘‘ಚಾರುವಣ್ಣೋವ ಸೋಭಾಮಿ, ಸಯೋಗ್ಗಬಲವಾಹನೋ।
‘‘Cāruvaṇṇova sobhāmi, sayoggabalavāhano;
ಪರಿವಾರೇನ್ತಿ ಮಂ ನಿಚ್ಚಂ, ಅನುಯನ್ತಾ ಬಹುಜ್ಜನಾ॥
Parivārenti maṃ niccaṃ, anuyantā bahujjanā.
೧೦೪.
104.
‘‘ಸಟ್ಠಿತೂರಿಯಸಹಸ್ಸೇಹಿ, ಪರಿಚಾರೇಮಹಂ ಸದಾ।
‘‘Saṭṭhitūriyasahassehi, paricāremahaṃ sadā;
ಪರಿವಾರೇನ ಸೋಭಾಮಿ, ಪುಞ್ಞಕಮ್ಮಸ್ಸಿದಂ ಫಲಂ॥
Parivārena sobhāmi, puññakammassidaṃ phalaṃ.
೧೦೫.
105.
‘‘ಚತುನ್ನವುತಿತೋ ಕಪ್ಪೇ, ಯಂ ಚಕ್ಕಂ ಠಪಯಿಂ ಅಹಂ।
‘‘Catunnavutito kappe, yaṃ cakkaṃ ṭhapayiṃ ahaṃ;
ದುಗ್ಗತಿಂ ನಾಭಿಜಾನಾಮಿ, ಧಮ್ಮಚಕ್ಕಸ್ಸಿದಂ ಫಲಂ॥
Duggatiṃ nābhijānāmi, dhammacakkassidaṃ phalaṃ.
೧೦೬.
106.
‘‘ಇತೋ ಏಕಾದಸೇ ಕಪ್ಪೇ, ಅಟ್ಠಾಸಿಂಸು ಜನಾಧಿಪಾ।
‘‘Ito ekādase kappe, aṭṭhāsiṃsu janādhipā;
ಸಹಸ್ಸರಾಜನಾಮೇನ, ಚಕ್ಕವತ್ತೀ ಮಹಬ್ಬಲಾ॥
Sahassarājanāmena, cakkavattī mahabbalā.
೧೦೭.
107.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಧಮ್ಮಚಕ್ಕಿಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā dhammacakkiko thero imā gāthāyo abhāsitthāti.
ಧಮ್ಮಚಕ್ಕಿಕತ್ಥೇರಸ್ಸಾಪದಾನಂ ನವಮಂ।
Dhammacakkikattherassāpadānaṃ navamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೯. ಧಮ್ಮಚಕ್ಕಿಕತ್ಥೇರಅಪದಾನವಣ್ಣನಾ • 9. Dhammacakkikattheraapadānavaṇṇanā
