| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. ධම්‌මචක්‌කිකත්‌ථෙරඅපදානං
9. Dhammacakkikattheraapadānaṃ
102.
102.
‘‘සිද්‌ධත්‌ථස්‌ස භගවතො, සීහාසනස්‌ස සම්‌මුඛා;
‘‘Siddhatthassa bhagavato, sīhāsanassa sammukhā;
ධම්‌මචක්‌කං මෙ ඨපිතං, සුකතං විඤ්‌ඤුවණ්‌ණිතං.
Dhammacakkaṃ me ṭhapitaṃ, sukataṃ viññuvaṇṇitaṃ.
103.
103.
‘‘චාරුවණ්‌ණොව සොභාමි, සයොග්‌ගබලවාහනො;
‘‘Cāruvaṇṇova sobhāmi, sayoggabalavāhano;
පරිවාරෙන්‌ති මං නිච්‌චං, අනුයන්‌තා බහුජ්‌ජනා.
Parivārenti maṃ niccaṃ, anuyantā bahujjanā.
104.
104.
‘‘සට්‌ඨිතූරියසහස්‌සෙහි, පරිචාරෙමහං සදා;
‘‘Saṭṭhitūriyasahassehi, paricāremahaṃ sadā;
පරිවාරෙන සොභාමි, පුඤ්‌ඤකම්‌මස්‌සිදං ඵලං.
Parivārena sobhāmi, puññakammassidaṃ phalaṃ.
105.
105.
‘‘චතුන්‌නවුතිතො කප්‌පෙ, යං චක්‌කං ඨපයිං අහං;
‘‘Catunnavutito kappe, yaṃ cakkaṃ ṭhapayiṃ ahaṃ;
දුග්‌ගතිං නාභිජානාමි, ධම්‌මචක්‌කස්‌සිදං ඵලං.
Duggatiṃ nābhijānāmi, dhammacakkassidaṃ phalaṃ.
106.
106.
‘‘ඉතො එකාදසෙ කප්‌පෙ, අට්‌ඨාසිංසු ජනාධිපා;
‘‘Ito ekādase kappe, aṭṭhāsiṃsu janādhipā;
සහස්‌සරාජනාමෙන, චක්‌කවත්‌තී මහබ්‌බලා.
Sahassarājanāmena, cakkavattī mahabbalā.
107.
107.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ධම්‌මචක්‌කිකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā dhammacakkiko thero imā gāthāyo abhāsitthāti.
ධම්‌මචක්‌කිකත්‌ථෙරස්‌සාපදානං නවමං.
Dhammacakkikattherassāpadānaṃ navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 9. ධම්‌මචක්‌කිකත්‌ථෙරඅපදානවණ්‌ණනා • 9. Dhammacakkikattheraapadānavaṇṇanā
