| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. д̇хаммажаггигад̇т̇зраабад̣̇аанаван̣н̣анаа
9. Dhammacakkikattheraapadānavaṇṇanā
сид̣̇д̇хад̇т̇асса бхаг̇авад̇од̇иаад̣̇игам̣ ааяасмад̇о д̇хаммажаггигад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз згасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о буд̇д̇ад̣̇аарзхи вад̣дхид̇о вибхавасамбанно махаабхог̇о, со рад̇анад̇д̇аяз басанно сад̣̇д̇хааж̇аад̇о д̇хаммасабхааяам̣ д̇хаммаасанасса бидтид̇о рад̇анамаяам̣ д̇хаммажаггам̣ гаарзд̇ваа бууж̇зси. со д̇зна бун̃н̃агаммзна д̣̇звамануссзсу ниб̣б̣ад̇д̇адтаанзсу саггасамбад̇д̇им̣ жаггавад̇д̇исамбад̇д̇ин̃жа анубхавид̇ваа гамзна имасмим̣ б̣уд̣̇д̇хуббаад̣̇з згасмим̣ гулаг̇зхз уббанно вибхавасамбанно сан̃ж̇аад̇асад̣̇д̇хо баб̣б̣аж̇ид̇ваа вибассанам̣ вад̣дхзд̇ваа нажирассзва арахад̇д̇ам̣ бад̇ваа буб̣б̣з гад̇агусаланаамасад̣̇исанаамзна д̇хаммажаггигад̇т̇зрод̇и баагадо ж̇аад̇о ахоси.
Siddhatthassa bhagavatotiādikaṃ āyasmato dhammacakkikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle ekasmiṃ kulagehe nibbatto vuddhippatto puttadārehi vaḍḍhito vibhavasampanno mahābhogo, so ratanattaye pasanno saddhājāto dhammasabhāyaṃ dhammāsanassa piṭṭhito ratanamayaṃ dhammacakkaṃ kāretvā pūjesi. So tena puññakammena devamanussesu nibbattaṭṭhānesu sakkasampattiṃ cakkavattisampattiñca anubhavitvā kamena imasmiṃ buddhuppāde ekasmiṃ kulagehe uppanno vibhavasampanno sañjātasaddho pabbajitvā vipassanaṃ vaḍḍhetvā nacirasseva arahattaṃ patvā pubbe katakusalanāmasadisanāmena dhammacakkikattheroti pākaṭo jāto ahosi.
102. со бун̃н̃асамбхаараануруубзна бад̇д̇аарахад̇д̇апало ад̇д̇ано буб̣б̣агаммам̣ сарид̇ваа ж̇аад̇асоманассо буб̣б̣ажарид̇аабад̣̇аанам̣ багаасзнд̇о сид̣̇д̇хад̇т̇асса бхаг̇авад̇од̇иаад̣̇имааха. сийхаасанасса саммукаад̇и сийхасса бхаг̇авад̇о нисиннасса саммукаа б̣уд̣̇д̇хаасанасса абхимукадтаанзд̇и ад̇т̇о, д̇хаммажаггам̣ мз табид̇анд̇и маяаа д̇хаммажаггаагаарзна убхад̇о сийхаруубам̣ д̣̇ассзд̇ваа маж̇жхз аад̣̇аасасад̣̇исам̣ гаарзд̇ваа гад̇ам̣ д̇хаммажаггам̣ табид̇ам̣ бууж̇ид̇ам̣. гим̣ бхууд̇ам̣? вин̃н̃уухи мзд̇хаавийхи ‘‘ад̇ийва сунд̣̇ара’’нд̇и ван̣н̣ид̇ам̣ т̇омид̇ам̣ сугад̇ам̣ д̇хаммажагганд̇и самб̣анд̇хо.
102. So puññasambhārānurūpena pattaarahattaphalo attano pubbakammaṃ saritvā jātasomanasso pubbacaritāpadānaṃ pakāsento siddhatthassa bhagavatotiādimāha. Sīhāsanassa sammukhāti sīhassa bhagavato nisinnassa sammukhā buddhāsanassa abhimukhaṭṭhāneti attho, dhammacakkaṃ me ṭhapitanti mayā dhammacakkākārena ubhato sīharūpaṃ dassetvā majjhe ādāsasadisaṃ kāretvā kataṃ dhammacakkaṃ ṭhapitaṃ pūjitaṃ. Kiṃ bhūtaṃ? Viññūhi medhāvīhi ‘‘atīva sundara’’nti vaṇṇitaṃ thomitaṃ sukataṃ dhammacakkanti sambandho.
103. жааруван̣н̣ова собхаамийд̇и суван̣н̣аван̣н̣о ива собхаами вирожаамийд̇и ад̇т̇о. ‘‘жад̇уван̣н̣зхи собхаамий’’д̇иби баато, д̇асса кад̇д̇ияаб̣раахман̣авзссасуд̣̇д̣̇аж̇аад̇исан̇каад̇зхи жад̇уухи ван̣н̣зхи собхаами вирожаамийд̇и ад̇т̇о. саяог̇г̇аб̣алавааханод̇и суван̣н̣асивигаад̣̇ийхи яог̇г̇зхи жа сзнаабад̇имахаамад̇д̇аад̣̇ийхи сзвагзхи б̣алзхи жа хад̇т̇иассарат̇асан̇каад̇зхи вааханзхи жа сахид̇од̇и ад̇т̇о. б̣ахуж̇ж̇анаа б̣ахаво мануссаа ануяанд̇аа мамаанувад̇д̇анд̇аа нижжам̣ нижжагаалам̣ бариваарзнд̇ийд̇и самб̣анд̇хо. сзсам̣ сувин̃н̃зяяамзваад̇и.
103.Cāruvaṇṇovasobhāmīti suvaṇṇavaṇṇo iva sobhāmi virocāmīti attho. ‘‘Catuvaṇṇehi sobhāmī’’tipi pāṭho, tassa khattiyabrāhmaṇavessasuddajātisaṅkhātehi catūhi vaṇṇehi sobhāmi virocāmīti attho. Sayoggabalavāhanoti suvaṇṇasivikādīhi yoggehi ca senāpatimahāmattādīhi sevakehi balehi ca hatthiassarathasaṅkhātehi vāhanehi ca sahitoti attho. Bahujjanā bahavo manussā anuyantā mamānuvattantā niccaṃ niccakālaṃ parivārentīti sambandho. Sesaṃ suviññeyyamevāti.
д̇хаммажаггигад̇т̇зраабад̣̇аанаван̣н̣анаа самад̇д̇аа.
Dhammacakkikattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. д̇хаммажаггигад̇т̇зраабад̣̇аанам̣ • 9. Dhammacakkikattheraapadānaṃ
