| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਧਮ੍ਮਚਕ੍ਕਿਕਤ੍ਥੇਰਅਪਦਾਨવਣ੍ਣਨਾ
9. Dhammacakkikattheraapadānavaṇṇanā
ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਧਮ੍ਮਚਕ੍ਕਿਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਪੁਤ੍ਤਦਾਰੇਹਿ વਡ੍ਢਿਤੋ વਿਭવਸਮ੍ਪਨ੍ਨੋ ਮਹਾਭੋਗੋ, ਸੋ ਰਤਨਤ੍ਤਯੇ ਪਸਨ੍ਨੋ ਸਦ੍ਧਾਜਾਤੋ ਧਮ੍ਮਸਭਾਯਂ ਧਮ੍ਮਾਸਨਸ੍ਸ ਪਿਟ੍ਠਿਤੋ ਰਤਨਮਯਂ ਧਮ੍ਮਚਕ੍ਕਂ ਕਾਰੇਤ੍વਾ ਪੂਜੇਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਨਿਬ੍ਬਤ੍ਤਟ੍ਠਾਨੇਸੁ ਸਕ੍ਕਸਮ੍ਪਤ੍ਤਿਂ ਚਕ੍ਕવਤ੍ਤਿਸਮ੍ਪਤ੍ਤਿਞ੍ਚ ਅਨੁਭવਿਤ੍વਾ ਕਮੇਨ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਉਪ੍ਪਨ੍ਨੋ વਿਭવਸਮ੍ਪਨ੍ਨੋ ਸਞ੍ਜਾਤਸਦ੍ਧੋ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਤ੍વਾ ਪੁਬ੍ਬੇ ਕਤਕੁਸਲਨਾਮਸਦਿਸਨਾਮੇਨ ਧਮ੍ਮਚਕ੍ਕਿਕਤ੍ਥੇਰੋਤਿ ਪਾਕਟੋ ਜਾਤੋ ਅਹੋਸਿ।
Siddhatthassa bhagavatotiādikaṃ āyasmato dhammacakkikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle ekasmiṃ kulagehe nibbatto vuddhippatto puttadārehi vaḍḍhito vibhavasampanno mahābhogo, so ratanattaye pasanno saddhājāto dhammasabhāyaṃ dhammāsanassa piṭṭhito ratanamayaṃ dhammacakkaṃ kāretvā pūjesi. So tena puññakammena devamanussesu nibbattaṭṭhānesu sakkasampattiṃ cakkavattisampattiñca anubhavitvā kamena imasmiṃ buddhuppāde ekasmiṃ kulagehe uppanno vibhavasampanno sañjātasaddho pabbajitvā vipassanaṃ vaḍḍhetvā nacirasseva arahattaṃ patvā pubbe katakusalanāmasadisanāmena dhammacakkikattheroti pākaṭo jāto ahosi.
੧੦੨. ਸੋ ਪੁਞ੍ਞਸਮ੍ਭਾਰਾਨੁਰੂਪੇਨ ਪਤ੍ਤਅਰਹਤ੍ਤਫਲੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਜਾਤਸੋਮਨਸ੍ਸੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਮਾਹ। ਸੀਹਾਸਨਸ੍ਸ ਸਮ੍ਮੁਖਾਤਿ ਸੀਹਸ੍ਸ ਭਗવਤੋ ਨਿਸਿਨ੍ਨਸ੍ਸ ਸਮ੍ਮੁਖਾ ਬੁਦ੍ਧਾਸਨਸ੍ਸ ਅਭਿਮੁਖਟ੍ਠਾਨੇਤਿ ਅਤ੍ਥੋ, ਧਮ੍ਮਚਕ੍ਕਂ ਮੇ ਠਪਿਤਨ੍ਤਿ ਮਯਾ ਧਮ੍ਮਚਕ੍ਕਾਕਾਰੇਨ ਉਭਤੋ ਸੀਹਰੂਪਂ ਦਸ੍ਸੇਤ੍વਾ ਮਜ੍ਝੇ ਆਦਾਸਸਦਿਸਂ ਕਾਰੇਤ੍વਾ ਕਤਂ ਧਮ੍ਮਚਕ੍ਕਂ ਠਪਿਤਂ ਪੂਜਿਤਂ। ਕਿਂ ਭੂਤਂ? વਿਞ੍ਞੂਹਿ ਮੇਧਾવੀਹਿ ‘‘ਅਤੀવ ਸੁਨ੍ਦਰ’’ਨ੍ਤਿ વਣ੍ਣਿਤਂ ਥੋਮਿਤਂ ਸੁਕਤਂ ਧਮ੍ਮਚਕ੍ਕਨ੍ਤਿ ਸਮ੍ਬਨ੍ਧੋ।
102. So puññasambhārānurūpena pattaarahattaphalo attano pubbakammaṃ saritvā jātasomanasso pubbacaritāpadānaṃ pakāsento siddhatthassa bhagavatotiādimāha. Sīhāsanassa sammukhāti sīhassa bhagavato nisinnassa sammukhā buddhāsanassa abhimukhaṭṭhāneti attho, dhammacakkaṃ me ṭhapitanti mayā dhammacakkākārena ubhato sīharūpaṃ dassetvā majjhe ādāsasadisaṃ kāretvā kataṃ dhammacakkaṃ ṭhapitaṃ pūjitaṃ. Kiṃ bhūtaṃ? Viññūhi medhāvīhi ‘‘atīva sundara’’nti vaṇṇitaṃ thomitaṃ sukataṃ dhammacakkanti sambandho.
੧੦੩. ਚਾਰੁવਣ੍ਣੋવ ਸੋਭਾਮੀਤਿ ਸੁવਣ੍ਣવਣ੍ਣੋ ਇવ ਸੋਭਾਮਿ વਿਰੋਚਾਮੀਤਿ ਅਤ੍ਥੋ। ‘‘ਚਤੁવਣ੍ਣੇਹਿ ਸੋਭਾਮੀ’’ਤਿਪਿ ਪਾਠੋ, ਤਸ੍ਸ ਖਤ੍ਤਿਯਬ੍ਰਾਹ੍ਮਣવੇਸ੍ਸਸੁਦ੍ਦਜਾਤਿਸਙ੍ਖਾਤੇਹਿ ਚਤੂਹਿ વਣ੍ਣੇਹਿ ਸੋਭਾਮਿ વਿਰੋਚਾਮੀਤਿ ਅਤ੍ਥੋ। ਸਯੋਗ੍ਗਬਲવਾਹਨੋਤਿ ਸੁવਣ੍ਣਸਿવਿਕਾਦੀਹਿ ਯੋਗ੍ਗੇਹਿ ਚ ਸੇਨਾਪਤਿਮਹਾਮਤ੍ਤਾਦੀਹਿ ਸੇવਕੇਹਿ ਬਲੇਹਿ ਚ ਹਤ੍ਥਿਅਸ੍ਸਰਥਸਙ੍ਖਾਤੇਹਿ વਾਹਨੇਹਿ ਚ ਸਹਿਤੋਤਿ ਅਤ੍ਥੋ। ਬਹੁਜ੍ਜਨਾ ਬਹવੋ ਮਨੁਸ੍ਸਾ ਅਨੁਯਨ੍ਤਾ ਮਮਾਨੁવਤ੍ਤਨ੍ਤਾ ਨਿਚ੍ਚਂ ਨਿਚ੍ਚਕਾਲਂ ਪਰਿવਾਰੇਨ੍ਤੀਤਿ ਸਮ੍ਬਨ੍ਧੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
103.Cāruvaṇṇovasobhāmīti suvaṇṇavaṇṇo iva sobhāmi virocāmīti attho. ‘‘Catuvaṇṇehi sobhāmī’’tipi pāṭho, tassa khattiyabrāhmaṇavessasuddajātisaṅkhātehi catūhi vaṇṇehi sobhāmi virocāmīti attho. Sayoggabalavāhanoti suvaṇṇasivikādīhi yoggehi ca senāpatimahāmattādīhi sevakehi balehi ca hatthiassarathasaṅkhātehi vāhanehi ca sahitoti attho. Bahujjanā bahavo manussā anuyantā mamānuvattantā niccaṃ niccakālaṃ parivārentīti sambandho. Sesaṃ suviññeyyamevāti.
ਧਮ੍ਮਚਕ੍ਕਿਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Dhammacakkikattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਧਮ੍ਮਚਕ੍ਕਿਕਤ੍ਥੇਰਅਪਦਾਨਂ • 9. Dhammacakkikattheraapadānaṃ
