| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
६. धम्मचरियसुत्तं
6. Dhammacariyasuttaṃ
२७६.
276.
धम्मचरियं ब्रह्मचरियं, एतदाहु वसुत्तमं।
Dhammacariyaṃ brahmacariyaṃ, etadāhu vasuttamaṃ;
पब्बजितोपि चे होति, अगारा अनगारियं॥
Pabbajitopi ce hoti, agārā anagāriyaṃ.
२७७.
277.
सो चे मुखरजातिको, विहेसाभिरतो मगो।
So ce mukharajātiko, vihesābhirato mago;
जीवितं तस्स पापियो, रजं वड्ढेति अत्तनो॥
Jīvitaṃ tassa pāpiyo, rajaṃ vaḍḍheti attano.
२७८.
278.
कलहाभिरतो भिक्खु, मोहधम्मेन आवुतो।
Kalahābhirato bhikkhu, mohadhammena āvuto;
अक्खातम्पि न जानाति, धम्मं बुद्धेन देसितं॥
Akkhātampi na jānāti, dhammaṃ buddhena desitaṃ.
२७९.
279.
विहेसं भावितत्तानं, अविज्जाय पुरक्खतो।
Vihesaṃ bhāvitattānaṃ, avijjāya purakkhato;
संकिलेसं न जानाति, मग्गं निरयगामिनं॥
Saṃkilesaṃ na jānāti, maggaṃ nirayagāminaṃ.
२८०.
280.
विनिपातं समापन्नो, गब्भा गब्भं तमा तमं।
Vinipātaṃ samāpanno, gabbhā gabbhaṃ tamā tamaṃ;
स वे तादिसको भिक्खु, पेच्च दुक्खं निगच्छति॥
Sa ve tādisako bhikkhu, pecca dukkhaṃ nigacchati.
२८१.
281.
गूथकूपो यथा अस्स, सम्पुण्णो गणवस्सिको।
Gūthakūpo yathā assa, sampuṇṇo gaṇavassiko;
यो च एवरूपो अस्स, दुब्बिसोधो हि साङ्गणो॥
Yo ca evarūpo assa, dubbisodho hi sāṅgaṇo.
२८२.
282.
यं एवरूपं जानाथ, भिक्खवो गेहनिस्सितं।
Yaṃ evarūpaṃ jānātha, bhikkhavo gehanissitaṃ;
पापिच्छं पापसङ्कप्पं, पापआचारगोचरं॥
Pāpicchaṃ pāpasaṅkappaṃ, pāpaācāragocaraṃ.
२८३.
283.
२८४.
284.
निद्धमित्वान पापिच्छे, पापआचारगोचरे॥
Niddhamitvāna pāpicche, pāpaācāragocare.
२८५.
285.
सुद्धा सुद्धेहि संवासं, कप्पयव्हो पतिस्सता।
Suddhā suddhehi saṃvāsaṃ, kappayavho patissatā;
ततो समग्गा निपका, दुक्खस्सन्तं करिस्सथाति॥
Tato samaggā nipakā, dukkhassantaṃ karissathāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / ६. कपिलसुत्त-(धम्मचरियसुत्त)-वण्णना • 6. Kapilasutta-(dhammacariyasutta)-vaṇṇanā
