| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๖. ธมฺมจริยสุตฺตํ
6. Dhammacariyasuttaṃ
๒๗๖.
276.
ธมฺมจริยํ พฺรหฺมจริยํ, เอตทาหุ วสุตฺตมํ;
Dhammacariyaṃ brahmacariyaṃ, etadāhu vasuttamaṃ;
ปพฺพชิโตปิ เจ โหติ, อคารา อนคาริยํฯ
Pabbajitopi ce hoti, agārā anagāriyaṃ.
๒๗๗.
277.
โส เจ มุขรชาติโก, วิเหสาภิรโต มโค;
So ce mukharajātiko, vihesābhirato mago;
ชีวิตํ ตสฺส ปาปิโย, รชํ วเฑฺฒติ อตฺตโนฯ
Jīvitaṃ tassa pāpiyo, rajaṃ vaḍḍheti attano.
๒๗๘.
278.
กลหาภิรโต ภิกฺขุ, โมหธเมฺมน อาวุโต;
Kalahābhirato bhikkhu, mohadhammena āvuto;
อกฺขาตมฺปิ น ชานาติ, ธมฺมํ พุเทฺธน เทสิตํฯ
Akkhātampi na jānāti, dhammaṃ buddhena desitaṃ.
๒๗๙.
279.
วิเหสํ ภาวิตตฺตานํ, อวิชฺชาย ปุรกฺขโต;
Vihesaṃ bhāvitattānaṃ, avijjāya purakkhato;
สํกิเลสํ น ชานาติ, มคฺคํ นิรยคามินํฯ
Saṃkilesaṃ na jānāti, maggaṃ nirayagāminaṃ.
๒๘๐.
280.
วินิปาตํ สมาปโนฺน, คพฺภา คพฺภํ ตมา ตมํ;
Vinipātaṃ samāpanno, gabbhā gabbhaṃ tamā tamaṃ;
ส เว ตาทิสโก ภิกฺขุ, เปจฺจ ทุกฺขํ นิคจฺฉติฯ
Sa ve tādisako bhikkhu, pecca dukkhaṃ nigacchati.
๒๘๑.
281.
คูถกูโป ยถา อสฺส, สมฺปุโณฺณ คณวสฺสิโก;
Gūthakūpo yathā assa, sampuṇṇo gaṇavassiko;
โย จ เอวรูโป อสฺส, ทุพฺพิโสโธ หิ สางฺคโณฯ
Yo ca evarūpo assa, dubbisodho hi sāṅgaṇo.
๒๘๒.
282.
ยํ เอวรูปํ ชานาถ, ภิกฺขโว เคหนิสฺสิตํ;
Yaṃ evarūpaṃ jānātha, bhikkhavo gehanissitaṃ;
ปาปิจฺฉํ ปาปสงฺกปฺปํ, ปาปอาจารโคจรํฯ
Pāpicchaṃ pāpasaṅkappaṃ, pāpaācāragocaraṃ.
๒๘๓.
283.
๒๘๔.
284.
นิทฺธมิตฺวาน ปาปิเจฺฉ, ปาปอาจารโคจเรฯ
Niddhamitvāna pāpicche, pāpaācāragocare.
๒๘๕.
285.
สุทฺธา สุเทฺธหิ สํวาสํ, กปฺปยโวฺห ปติสฺสตา;
Suddhā suddhehi saṃvāsaṃ, kappayavho patissatā;
ตโต สมคฺคา นิปกา, ทุกฺขสฺสนฺตํ กริสฺสถาติฯ
Tato samaggā nipakā, dukkhassantaṃ karissathāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๖. กปิลสุตฺต-(ธมฺมจริยสุตฺต)-วณฺณนา • 6. Kapilasutta-(dhammacariyasutta)-vaṇṇanā
