| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
9. д̇хаммажзд̇ияасуд̇д̇ам̣
9. Dhammacetiyasuttaṃ
364. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и мзд̣̇аал̣убам̣ 1 наама сагяаанам̣ ниг̇амо. д̇зна ко бана самаязна рааж̇аа басзнад̣̇и госало наг̇арагам̣ ануббад̇д̇о ход̇и гзнажид̣̇зва гаран̣ийязна. ат̇а ко рааж̇аа басзнад̣̇и госало д̣̇ийгхам̣ гаарааяанам̣ ааманд̇зси – ‘‘яож̇зхи, самма гаарааяана, бхад̣̇раани бхад̣̇раани яаанаани, уяяаанабхуумим̣ г̇ажчаама субхуумим̣ д̣̇ассанааяаа’’д̇и 2. ‘‘звам̣, д̣̇зваа’’д̇и ко д̣̇ийгхо гаарааяано ран̃н̃о басзнад̣̇исса госаласса бадиссуд̇ваа бхад̣̇раани бхад̣̇раани яаанаани яож̇аабзд̇ваа ран̃н̃о басзнад̣̇исса госаласса бадивзд̣̇зси – ‘‘яуд̇д̇аани ко д̇з, д̣̇зва, бхад̣̇раани бхад̣̇раани яаанаани. яассад̣̇аани гаалам̣ ман̃н̃асий’’д̇и. ат̇а ко рааж̇аа басзнад̣̇и госало бхад̣̇рам̣ яаанам̣ абхирухид̇ваа бхад̣̇рзхи бхад̣̇рзхи яаанзхи наг̇арагамхаа нияяааси махажжаа рааж̇аанубхаавзна. язна аараамо д̇зна бааяааси. яаавад̇игаа яаанасса бхууми яаанзна г̇анд̇ваа яаанаа бажжорохид̇ваа бад̇д̇игова аараамам̣ баависи. ад̣̇д̣̇асаа ко рааж̇аа басзнад̣̇и госало аараамз ж̇ан̇гхаавихаарам̣ анужан̇гамамаано анувижарамаано ругкамуулаани баасаад̣̇игаани басаад̣̇анийяаани аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани 3 бадисаллаанасааруббаани. д̣̇исваана бхаг̇аванд̇ам̣язва аараб̣бха сад̇и уд̣̇абаад̣̇и – ‘‘имаани ко д̇аани ругкамуулаани баасаад̣̇игаани басаад̣̇анийяаани аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббаани, яад̇т̇а суд̣̇ам̣ маяам̣ д̇ам̣ бхаг̇аванд̇ам̣ баяирубаасаама араханд̇ам̣ саммаасамб̣уд̣̇д̇ха’’нд̇и.
364. Evaṃ me sutaṃ – ekaṃ samayaṃ bhagavā sakkesu viharati medāḷupaṃ 4 nāma sakyānaṃ nigamo. Tena kho pana samayena rājā pasenadi kosalo nagarakaṃ anuppatto hoti kenacideva karaṇīyena. Atha kho rājā pasenadi kosalo dīghaṃ kārāyanaṃ āmantesi – ‘‘yojehi, samma kārāyana, bhadrāni bhadrāni yānāni, uyyānabhūmiṃ gacchāma subhūmiṃ dassanāyā’’ti 5. ‘‘Evaṃ, devā’’ti kho dīgho kārāyano rañño pasenadissa kosalassa paṭissutvā bhadrāni bhadrāni yānāni yojāpetvā rañño pasenadissa kosalassa paṭivedesi – ‘‘yuttāni kho te, deva, bhadrāni bhadrāni yānāni. Yassadāni kālaṃ maññasī’’ti. Atha kho rājā pasenadi kosalo bhadraṃ yānaṃ abhiruhitvā bhadrehi bhadrehi yānehi nagarakamhā niyyāsi mahaccā rājānubhāvena. Yena ārāmo tena pāyāsi. Yāvatikā yānassa bhūmi yānena gantvā yānā paccorohitvā pattikova ārāmaṃ pāvisi. Addasā kho rājā pasenadi kosalo ārāme jaṅghāvihāraṃ anucaṅkamamāno anuvicaramāno rukkhamūlāni pāsādikāni pasādanīyāni appasaddāni appanigghosāni vijanavātāni manussarāhasseyyakāni 6 paṭisallānasāruppāni. Disvāna bhagavantaṃyeva ārabbha sati udapādi – ‘‘imāni kho tāni rukkhamūlāni pāsādikāni pasādanīyāni appasaddāni appanigghosāni vijanavātāni manussarāhasseyyakāni paṭisallānasāruppāni, yattha sudaṃ mayaṃ taṃ bhagavantaṃ payirupāsāma arahantaṃ sammāsambuddha’’nti.
365. ат̇а ко рааж̇аа басзнад̣̇и госало д̣̇ийгхам̣ гаарааяанам̣ ааманд̇зси – ‘‘имаани ко, самма гаарааяана, д̇аани ругкамуулаани баасаад̣̇игаани басаад̣̇анийяаани аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббаани, яад̇т̇а суд̣̇ам̣ маяам̣ д̇ам̣ бхаг̇аванд̇ам̣ баяирубаасаама араханд̇ам̣ саммаасамб̣уд̣̇д̇хам̣. гахам̣ ну ко, самма гаарааяана, зд̇арахи со бхаг̇аваа вихарад̇и арахам̣ саммаасамб̣уд̣̇д̇хо’’д̇и? ‘‘ад̇т̇и, махаарааж̇а, мзд̣̇аал̣убам̣ наама сагяаанам̣ ниг̇амо. д̇ад̇т̇а со бхаг̇аваа зд̇арахи вихарад̇и арахам̣ саммаасамб̣уд̣̇д̇хо’’д̇и. ‘‘гийвад̣̇уурз 7 бана, самма гаарааяана , наг̇арагамхаа мзд̣̇аал̣убам̣ наама сагяаанам̣ ниг̇амо ход̇ий’’д̇и? ‘‘на д̣̇уурз, махаарааж̇а; д̇ийн̣и яож̇анаани; саггаа д̣̇ивасаавасзсзна г̇анд̇у’’нд̇и. ‘‘д̇зна хи, самма гаарааяана, яож̇зхи бхад̣̇раани бхад̣̇раани яаанаани, г̇амиссаама маяам̣ д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇ха’’нд̇и. ‘‘звам̣, д̣̇зваа’’д̇и ко д̣̇ийгхо гаарааяано ран̃н̃о басзнад̣̇исса госаласса бадиссуд̇ваа бхад̣̇раани бхад̣̇раани яаанаани яож̇аабзд̇ваа ран̃н̃о басзнад̣̇исса госаласса бадивзд̣̇зси – ‘‘яуд̇д̇аани ко д̇з, д̣̇зва, бхад̣̇раани бхад̣̇раани яаанаани. яассад̣̇аани гаалам̣ ман̃н̃асий’’д̇и. ат̇а ко рааж̇аа басзнад̣̇и госало бхад̣̇рам̣ яаанам̣ абхирухид̇ваа бхад̣̇рзхи бхад̣̇рзхи яаанзхи наг̇арагамхаа язна мзд̣̇аал̣убам̣ наама сагяаанам̣ ниг̇амо д̇зна бааяааси. д̇знзва д̣̇ивасаавасзсзна мзд̣̇аал̣убам̣ наама сагяаанам̣ ниг̇амам̣ самбаабун̣и. язна аараамо д̇зна бааяааси. яаавад̇игаа яаанасса бхууми яаанзна г̇анд̇ваа яаанаа бажжорохид̇ваа бад̇д̇игова аараамам̣ баависи.
365. Atha kho rājā pasenadi kosalo dīghaṃ kārāyanaṃ āmantesi – ‘‘imāni kho, samma kārāyana, tāni rukkhamūlāni pāsādikāni pasādanīyāni appasaddāni appanigghosāni vijanavātāni manussarāhasseyyakāni paṭisallānasāruppāni, yattha sudaṃ mayaṃ taṃ bhagavantaṃ payirupāsāma arahantaṃ sammāsambuddhaṃ. Kahaṃ nu kho, samma kārāyana, etarahi so bhagavā viharati arahaṃ sammāsambuddho’’ti? ‘‘Atthi, mahārāja, medāḷupaṃ nāma sakyānaṃ nigamo. Tattha so bhagavā etarahi viharati arahaṃ sammāsambuddho’’ti. ‘‘Kīvadūre 8 pana, samma kārāyana , nagarakamhā medāḷupaṃ nāma sakyānaṃ nigamo hotī’’ti? ‘‘Na dūre, mahārāja; tīṇi yojanāni; sakkā divasāvasesena gantu’’nti. ‘‘Tena hi, samma kārāyana, yojehi bhadrāni bhadrāni yānāni, gamissāma mayaṃ taṃ bhagavantaṃ dassanāya arahantaṃ sammāsambuddha’’nti. ‘‘Evaṃ, devā’’ti kho dīgho kārāyano rañño pasenadissa kosalassa paṭissutvā bhadrāni bhadrāni yānāni yojāpetvā rañño pasenadissa kosalassa paṭivedesi – ‘‘yuttāni kho te, deva, bhadrāni bhadrāni yānāni. Yassadāni kālaṃ maññasī’’ti. Atha kho rājā pasenadi kosalo bhadraṃ yānaṃ abhiruhitvā bhadrehi bhadrehi yānehi nagarakamhā yena medāḷupaṃ nāma sakyānaṃ nigamo tena pāyāsi. Teneva divasāvasesena medāḷupaṃ nāma sakyānaṃ nigamaṃ sampāpuṇi. Yena ārāmo tena pāyāsi. Yāvatikā yānassa bhūmi yānena gantvā yānā paccorohitvā pattikova ārāmaṃ pāvisi.
366. д̇зна ко бана самаязна самб̣ахулаа бхигкуу аб̣бхогаасз жан̇гаманд̇и. ат̇а ко рааж̇аа басзнад̣̇и госало язна д̇з бхигкуу д̇знубасан̇гами; убасан̇гамид̇ваа д̇з бхигкуу зд̇ад̣̇авожа – ‘‘гахам̣ ну ко, бханд̇з, зд̇арахи со бхаг̇аваа вихарад̇и арахам̣ саммаасамб̣уд̣̇д̇хо? д̣̇ассанагаамаа хи маяам̣ д̇ам̣ бхаг̇аванд̇ам̣ араханд̇ам̣ саммаасамб̣уд̣̇д̇ха’’нд̇и. ‘‘зсо, махаарааж̇а, вихааро сам̣вуд̇ад̣̇вааро. д̇зна аббасад̣̇д̣̇о убасан̇гамид̇ваа ад̇арамаано аал̣инд̣̇ам̣ бависид̇ваа уггаасид̇ваа аг̇г̇ал̣ам̣ аагодзхи. вивариссад̇и бхаг̇аваа д̇з д̣̇ваара’’нд̇и. ат̇а ко рааж̇аа басзнад̣̇и госало д̇ад̇т̇зва каг̇г̇ан̃жа ун̣хийсан̃жа д̣̇ийгхасса гаарааяанасса баад̣̇ааси. ат̇а ко д̣̇ийгхасса гаарааяанасса зд̇ад̣̇ахоси – ‘‘рахааяад̇и ко д̣̇аани рааж̇аа 9, ид̇хзва 10 д̣̇аани маяаа таад̇аб̣б̣а’’нд̇и. ат̇а ко рааж̇аа басзнад̣̇и госало язна со вихааро сам̣вуд̇ад̣̇вааро д̇зна аббасад̣̇д̣̇о убасан̇гамид̇ваа ад̇арамаано аал̣инд̣̇ам̣ бависид̇ваа уггаасид̇ваа аг̇г̇ал̣ам̣ аагодзси. вивари бхаг̇аваа д̣̇ваарам̣. ат̇а ко рааж̇аа басзнад̣̇и госало вихаарам̣ бависид̇ваа бхаг̇авад̇о баад̣̇зсу сирасаа нибад̇ид̇ваа бхаг̇авад̇о баад̣̇аани мукзна жа барижумб̣ад̇и, баан̣ийхи жа барисамб̣аахад̇и, нааман̃жа саавзд̇и – ‘‘рааж̇аахам̣, бханд̇з, басзнад̣̇и госало; рааж̇аахам̣, бханд̇з, басзнад̣̇и госало’’д̇и.
366. Tena kho pana samayena sambahulā bhikkhū abbhokāse caṅkamanti. Atha kho rājā pasenadi kosalo yena te bhikkhū tenupasaṅkami; upasaṅkamitvā te bhikkhū etadavoca – ‘‘kahaṃ nu kho, bhante, etarahi so bhagavā viharati arahaṃ sammāsambuddho? Dassanakāmā hi mayaṃ taṃ bhagavantaṃ arahantaṃ sammāsambuddha’’nti. ‘‘Eso, mahārāja, vihāro saṃvutadvāro. Tena appasaddo upasaṅkamitvā ataramāno āḷindaṃ pavisitvā ukkāsitvā aggaḷaṃ ākoṭehi. Vivarissati bhagavā te dvāra’’nti. Atha kho rājā pasenadi kosalo tattheva khaggañca uṇhīsañca dīghassa kārāyanassa pādāsi. Atha kho dīghassa kārāyanassa etadahosi – ‘‘rahāyati kho dāni rājā 11, idheva 12 dāni mayā ṭhātabba’’nti. Atha kho rājā pasenadi kosalo yena so vihāro saṃvutadvāro tena appasaddo upasaṅkamitvā ataramāno āḷindaṃ pavisitvā ukkāsitvā aggaḷaṃ ākoṭesi. Vivari bhagavā dvāraṃ. Atha kho rājā pasenadi kosalo vihāraṃ pavisitvā bhagavato pādesu sirasā nipatitvā bhagavato pādāni mukhena ca paricumbati, pāṇīhi ca parisambāhati, nāmañca sāveti – ‘‘rājāhaṃ, bhante, pasenadi kosalo; rājāhaṃ, bhante, pasenadi kosalo’’ti.
367. ‘‘гим̣ бана д̇вам̣, махаарааж̇а, ад̇т̇авасам̣ самбассамаано имасмим̣ сарийрз зваруубам̣ бараманибажжагаарам̣ гароси, мид̇д̇уубахаарам̣ 13 убад̣̇ам̣сзсий’’д̇и? ‘‘ад̇т̇и ко мз, бханд̇з, бхаг̇авад̇и д̇хамманваяо – ‘ход̇и саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и. ид̇хаахам̣, бханд̇з, бассаами згз саман̣аб̣раахман̣з барияанд̇агад̇ам̣ б̣рахмажарияам̣ жаранд̇з д̣̇асаби вассаани, вийсамби вассаани, д̇им̣самби вассаани, жад̇д̇аарийсамби вассаани. д̇з абарзна самаязна сунхаад̇аа сувилид̇д̇аа габбид̇агзсамассуу бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзнд̇и. ид̇ха банаахам̣, бханд̇з, бхигкуу бассаами яааваж̇ийвам̣ аабаан̣агодигам̣ барибун̣н̣ам̣ барисуд̣̇д̇хам̣ б̣рахмажарияам̣ жаранд̇з. на ко банаахам̣, бханд̇з, ид̇о б̣ахид̣̇д̇хаа ан̃н̃ам̣ звам̣ барибун̣н̣ам̣ барисуд̣̇д̇хам̣ б̣рахмажарияам̣ саманубассаами. аяамби ко мз, бханд̇з, бхаг̇авад̇и д̇хамманваяо ход̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’’д̇и.
367. ‘‘Kiṃ pana tvaṃ, mahārāja, atthavasaṃ sampassamāno imasmiṃ sarīre evarūpaṃ paramanipaccakāraṃ karosi, mittūpahāraṃ 14 upadaṃsesī’’ti? ‘‘Atthi kho me, bhante, bhagavati dhammanvayo – ‘hoti sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti. Idhāhaṃ, bhante, passāmi eke samaṇabrāhmaṇe pariyantakataṃ brahmacariyaṃ carante dasapi vassāni, vīsampi vassāni, tiṃsampi vassāni, cattārīsampi vassāni. Te aparena samayena sunhātā suvilittā kappitakesamassū pañcahi kāmaguṇehi samappitā samaṅgībhūtā paricārenti. Idha panāhaṃ, bhante, bhikkhū passāmi yāvajīvaṃ āpāṇakoṭikaṃ paripuṇṇaṃ parisuddhaṃ brahmacariyaṃ carante. Na kho panāhaṃ, bhante, ito bahiddhā aññaṃ evaṃ paripuṇṇaṃ parisuddhaṃ brahmacariyaṃ samanupassāmi. Ayampi kho me, bhante, bhagavati dhammanvayo hoti – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’’ti.
368. ‘‘буна жабарам̣, бханд̇з, рааж̇ааноби рааж̇уухи вивад̣̇анд̇и, кад̇д̇ияааби кад̇д̇иязхи вивад̣̇анд̇и, б̣раахман̣ааби б̣раахман̣зхи вивад̣̇анд̇и, г̇ахабад̇аяоби г̇ахабад̇ийхи вивад̣̇анд̇и, маад̇ааби буд̇д̇зна вивад̣̇ад̇и, буд̇д̇оби маад̇араа вивад̣̇ад̇и, бид̇ааби буд̇д̇зна вивад̣̇ад̇и, буд̇д̇оби бид̇араа вивад̣̇ад̇и, бхаад̇ааби бхаг̇инияаа вивад̣̇ад̇и , бхаг̇инийби бхаад̇араа вивад̣̇ад̇и, сахааяоби сахааязна вивад̣̇ад̇и. ид̇ха банаахам̣, бханд̇з, бхигкуу бассаами самаг̇г̇з саммод̣̇амаанз авивад̣̇амаанз кийрод̣̇агийбхууд̇з ан̃н̃аман̃н̃ам̣ бияажагкуухи самбассанд̇з вихаранд̇з. на ко банаахам̣, бханд̇з, ид̇о б̣ахид̣̇д̇хаа ан̃н̃ам̣ звам̣ самаг̇г̇ам̣ барисам̣ саманубассаами. аяамби ко мз, бханд̇з, бхаг̇авад̇и д̇хамманваяо ход̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
368. ‘‘Puna caparaṃ, bhante, rājānopi rājūhi vivadanti, khattiyāpi khattiyehi vivadanti, brāhmaṇāpi brāhmaṇehi vivadanti, gahapatayopi gahapatīhi vivadanti, mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhaginiyā vivadati , bhaginīpi bhātarā vivadati, sahāyopi sahāyena vivadati. Idha panāhaṃ, bhante, bhikkhū passāmi samagge sammodamāne avivadamāne khīrodakībhūte aññamaññaṃ piyacakkhūhi sampassante viharante. Na kho panāhaṃ, bhante, ito bahiddhā aññaṃ evaṃ samaggaṃ parisaṃ samanupassāmi. Ayampi kho me, bhante, bhagavati dhammanvayo hoti – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
369. ‘‘буна жабараахам̣, бханд̇з, аараамзна аараамам̣, уяяаанзна уяяаанам̣ анужан̇гамаами анувижараами. сохам̣ д̇ад̇т̇а бассаами згз саман̣аб̣раахман̣з гисз луукз д̣̇уб̣б̣ан̣н̣з уббан̣д̣уббан̣д̣угаж̇аад̇з д̇хаманисант̇ад̇аг̇ад̇д̇з, на вияа ман̃н̃з жагкум̣ б̣анд̇ханд̇з ж̇анасса д̣̇ассанааяа. д̇асса маяхам̣, бханд̇з, зд̇ад̣̇ахоси – ‘ад̣̇д̇хаа имз ааяасманд̇о анабхирад̇аа ваа б̣рахмажарияам̣ жаранд̇и, ад̇т̇и ваа д̇зсам̣ гин̃жи баабам̣ гаммам̣ гад̇ам̣ бадижчаннам̣; д̇ат̇аа хи имз ааяасманд̇о гисаа луукаа д̣̇уб̣б̣ан̣н̣аа уббан̣д̣уббан̣д̣угаж̇аад̇аа д̇хаманисант̇ад̇аг̇ад̇д̇аа, на вияа ман̃н̃з жагкум̣ б̣анд̇ханд̇и ж̇анасса д̣̇ассанааяаа’д̇и. д̇яаахам̣ убасан̇гамид̇ваа звам̣ вад̣̇аами – ‘гим̣ ну ко д̇умхз ааяасманд̇о гисаа луукаа д̣̇уб̣б̣ан̣н̣аа уббан̣д̣уббан̣д̣угаж̇аад̇аа д̇хаманисант̇ад̇аг̇ад̇д̇аа, на вияа ман̃н̃з жагкум̣ б̣анд̇хат̇а ж̇анасса д̣̇ассанааяаа’д̇и? д̇з звамаахам̣су – ‘б̣анд̇хугарог̇о но 15, махаарааж̇аа’д̇и. ид̇ха банаахам̣, бханд̇з, бхигкуу бассаами хадтабахадтз уд̣̇аг̇г̇уд̣̇аг̇г̇з абхирад̇аруубз бийн̣инд̣̇рияз 16 аббоссуггз банналомз барад̣̇ад̇д̇авуд̇д̇з миг̇абхууд̇зна жзд̇асаа вихаранд̇з. д̇асса маяхам̣, бханд̇з, зд̇ад̣̇ахоси – ‘ад̣̇д̇хаа имз ааяасманд̇о д̇асса бхаг̇авад̇о саасанз ул̣аарам̣ буб̣б̣знаабарам̣ висзсам̣ ж̇аананд̇и; д̇ат̇аа хи имз ааяасманд̇о хадтабахадтаа уд̣̇аг̇г̇уд̣̇аг̇г̇аа абхирад̇аруубаа бийн̣инд̣̇рияаа аббоссуггаа банналомаа барад̣̇ад̇д̇авуд̇д̇аа миг̇абхууд̇зна жзд̇асаа вихаранд̇ий’д̇и. аяамби ко мз, бханд̇з, бхаг̇авад̇и д̇хамманваяо ход̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
369. ‘‘Puna caparāhaṃ, bhante, ārāmena ārāmaṃ, uyyānena uyyānaṃ anucaṅkamāmi anuvicarāmi. Sohaṃ tattha passāmi eke samaṇabrāhmaṇe kise lūkhe dubbaṇṇe uppaṇḍuppaṇḍukajāte dhamanisanthatagatte, na viya maññe cakkhuṃ bandhante janassa dassanāya. Tassa mayhaṃ, bhante, etadahosi – ‘addhā ime āyasmanto anabhiratā vā brahmacariyaṃ caranti, atthi vā tesaṃ kiñci pāpaṃ kammaṃ kataṃ paṭicchannaṃ; tathā hi ime āyasmanto kisā lūkhā dubbaṇṇā uppaṇḍuppaṇḍukajātā dhamanisanthatagattā, na viya maññe cakkhuṃ bandhanti janassa dassanāyā’ti. Tyāhaṃ upasaṅkamitvā evaṃ vadāmi – ‘kiṃ nu kho tumhe āyasmanto kisā lūkhā dubbaṇṇā uppaṇḍuppaṇḍukajātā dhamanisanthatagattā, na viya maññe cakkhuṃ bandhatha janassa dassanāyā’ti? Te evamāhaṃsu – ‘bandhukarogo no 17, mahārājā’ti. Idha panāhaṃ, bhante, bhikkhū passāmi haṭṭhapahaṭṭhe udaggudagge abhiratarūpe pīṇindriye 18 appossukke pannalome paradattavutte migabhūtena cetasā viharante. Tassa mayhaṃ, bhante, etadahosi – ‘addhā ime āyasmanto tassa bhagavato sāsane uḷāraṃ pubbenāparaṃ visesaṃ jānanti; tathā hi ime āyasmanto haṭṭhapahaṭṭhā udaggudaggā abhiratarūpā pīṇindriyā appossukkā pannalomā paradattavuttā migabhūtena cetasā viharantī’ti. Ayampi kho me, bhante, bhagavati dhammanvayo hoti – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
370. ‘‘буна жабараахам̣, бханд̇з, рааж̇аа кад̇д̇ияо муд̣̇д̇хаавасид̇д̇о; бахоми гхаад̇зд̇ааяам̣ ваа гхаад̇зд̇ум̣, ж̇аабзд̇ааяам̣ ваа ж̇аабзд̇ум̣, баб̣б̣ааж̇зд̇ааяам̣ ваа баб̣б̣ааж̇зд̇ум̣ . д̇асса маяхам̣, бханд̇з, ад̣д̣агаран̣з нисиннасса анд̇аранд̇араа гат̇ам̣ обаад̇знд̇и. сохам̣ на лабхаами – ‘маа мз бхонд̇о ад̣д̣агаран̣з нисиннасса анд̇аранд̇араа гат̇ам̣ обаад̇зт̇а 19, гат̇аабарияосаанам̣ мз бхонд̇о ааг̇амзнд̇уу’д̇и. д̇асса маяхам̣, бханд̇з, анд̇аранд̇араа гат̇ам̣ обаад̇знд̇и. ид̇ха банаахам̣, бханд̇з, бхигкуу бассаами; яасмим̣ самаяз бхаг̇аваа анзгасад̇ааяа барисааяа д̇хаммам̣ д̣̇зсзд̇и, нзва д̇асмим̣ самаяз бхаг̇авад̇о саавагаанам̣ кибид̇асад̣̇д̣̇о ваа ход̇и уггаасид̇асад̣̇д̣̇о ваа. бхууд̇абуб̣б̣ам̣, бханд̇з, бхаг̇аваа анзгасад̇ааяа барисааяа д̇хаммам̣ д̣̇зсзд̇и. д̇ад̇ран̃н̃ад̇аро бхаг̇авад̇о сааваго уггааси. д̇амзнам̣ ан̃н̃ад̇аро саб̣рахмажаарий ж̇ан̣н̣угзна гхаддзси – ‘аббасад̣̇д̣̇о ааяасмаа ход̇у, мааяасмаа сад̣̇д̣̇амагааси; сад̇т̇аа но бхаг̇аваа д̇хаммам̣ д̣̇зсзд̇ий’д̇и. д̇асса маяхам̣, бханд̇з, зд̇ад̣̇ахоси – ‘ажчарияам̣ вад̇а, бхо, аб̣бхуд̇ам̣ вад̇а, бхо! ад̣̇ан̣д̣зна вад̇а гира, бхо, асад̇т̇зна звам̣ сувинийд̇аа барисаа бхависсад̇ий’д̇и! на ко банаахам̣, бханд̇з, ид̇о б̣ахид̣̇д̇хаа ан̃н̃ам̣ звам̣ сувинийд̇ам̣ барисам̣ саманубассаами. аяамби ко мз, бханд̇з, бхаг̇авад̇и д̇хамманваяо ход̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
370. ‘‘Puna caparāhaṃ, bhante, rājā khattiyo muddhāvasitto; pahomi ghātetāyaṃ vā ghātetuṃ, jāpetāyaṃ vā jāpetuṃ, pabbājetāyaṃ vā pabbājetuṃ . Tassa mayhaṃ, bhante, aḍḍakaraṇe nisinnassa antarantarā kathaṃ opātenti. Sohaṃ na labhāmi – ‘mā me bhonto aḍḍakaraṇe nisinnassa antarantarā kathaṃ opātetha 20, kathāpariyosānaṃ me bhonto āgamentū’ti. Tassa mayhaṃ, bhante, antarantarā kathaṃ opātenti. Idha panāhaṃ, bhante, bhikkhū passāmi; yasmiṃ samaye bhagavā anekasatāya parisāya dhammaṃ deseti, neva tasmiṃ samaye bhagavato sāvakānaṃ khipitasaddo vā hoti ukkāsitasaddo vā. Bhūtapubbaṃ, bhante, bhagavā anekasatāya parisāya dhammaṃ deseti. Tatraññataro bhagavato sāvako ukkāsi. Tamenaṃ aññataro sabrahmacārī jaṇṇukena ghaṭṭesi – ‘appasaddo āyasmā hotu, māyasmā saddamakāsi; satthā no bhagavā dhammaṃ desetī’ti. Tassa mayhaṃ, bhante, etadahosi – ‘acchariyaṃ vata, bho, abbhutaṃ vata, bho! Adaṇḍena vata kira, bho, asatthena evaṃ suvinītā parisā bhavissatī’ti! Na kho panāhaṃ, bhante, ito bahiddhā aññaṃ evaṃ suvinītaṃ parisaṃ samanupassāmi. Ayampi kho me, bhante, bhagavati dhammanvayo hoti – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
371. ‘‘буна жабараахам̣, бханд̇з, бассаами ид̇хзгажжз кад̇д̇ияабан̣д̣ид̇з нибун̣з гад̇абараббаваад̣̇з ваалавзд̇хируубз. д̇з бхинд̣̇анд̇аа 21 ман̃н̃з жаранд̇и бан̃н̃ааг̇ад̇зна д̣̇идтиг̇ад̇аани. д̇з сун̣анд̇и – ‘саман̣о калу, бхо, г̇од̇амо амугам̣ наама г̇аамам̣ ваа ниг̇амам̣ ваа осариссад̇ий’д̇и. д̇з бан̃хам̣ абхисан̇каронд̇и – ‘имам̣ маяам̣ бан̃хам̣ саман̣ам̣ г̇од̇амам̣ убасан̇гамид̇ваа бужчиссаама. звам̣ жз но будто звам̣ б̣яаагариссад̇и, звамасса маяам̣ ваад̣̇ам̣ ааробзссаама; звам̣ жзби но будто звам̣ б̣яаагариссад̇и, звамбисса маяам̣ ваад̣̇ам̣ ааробзссаамаа’д̇и. д̇з сун̣анд̇и – ‘саман̣о калу, бхо, г̇од̇амо амугам̣ наама г̇аамам̣ ваа ниг̇амам̣ ваа осадо’д̇и. д̇з язна бхаг̇аваа д̇знубасан̇гаманд̇и. д̇з бхаг̇аваа д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и . д̇з бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа на жзва бхаг̇аванд̇ам̣ бан̃хам̣ бужчанд̇и, гуд̇о ваад̣̇ам̣ ааробзссанд̇и? ан̃н̃ад̣̇ад̇т̇у бхаг̇авад̇о саавагаа самбаж̇ж̇анд̇и. аяамби ко мз, бханд̇з, бхаг̇авад̇и д̇хамманваяо ход̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
371. ‘‘Puna caparāhaṃ, bhante, passāmi idhekacce khattiyapaṇḍite nipuṇe kataparappavāde vālavedhirūpe. Te bhindantā 22 maññe caranti paññāgatena diṭṭhigatāni. Te suṇanti – ‘samaṇo khalu, bho, gotamo amukaṃ nāma gāmaṃ vā nigamaṃ vā osarissatī’ti. Te pañhaṃ abhisaṅkharonti – ‘imaṃ mayaṃ pañhaṃ samaṇaṃ gotamaṃ upasaṅkamitvā pucchissāma. Evaṃ ce no puṭṭho evaṃ byākarissati, evamassa mayaṃ vādaṃ āropessāma; evaṃ cepi no puṭṭho evaṃ byākarissati, evampissa mayaṃ vādaṃ āropessāmā’ti. Te suṇanti – ‘samaṇo khalu, bho, gotamo amukaṃ nāma gāmaṃ vā nigamaṃ vā osaṭo’ti. Te yena bhagavā tenupasaṅkamanti. Te bhagavā dhammiyā kathāya sandasseti samādapeti samuttejeti sampahaṃseti . Te bhagavatā dhammiyā kathāya sandassitā samādapitā samuttejitā sampahaṃsitā na ceva bhagavantaṃ pañhaṃ pucchanti, kuto vādaṃ āropessanti? Aññadatthu bhagavato sāvakā sampajjanti. Ayampi kho me, bhante, bhagavati dhammanvayo hoti – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
372. ‘‘буна жабараахам̣, бханд̇з, бассаами ид̇хзгажжз б̣раахман̣абан̣д̣ид̇з…бз… г̇ахабад̇ибан̣д̣ид̇з…бз… саман̣абан̣д̣ид̇з нибун̣з гад̇абараббаваад̣̇з ваалавзд̇хируубз. д̇з бхинд̣̇анд̇аа ман̃н̃з жаранд̇и бан̃н̃ааг̇ад̇зна д̣̇идтиг̇ад̇аани. д̇з сун̣анд̇и – ‘саман̣о калу, бхо, г̇од̇амо амугам̣ наама г̇аамам̣ ваа ниг̇амам̣ ваа осариссад̇ий’д̇и. д̇з бан̃хам̣ абхисан̇каронд̇и – ‘имам̣ маяам̣ бан̃хам̣ саман̣ам̣ г̇од̇амам̣ убасан̇гамид̇ваа бужчиссаама. звам̣ жз но будто звам̣ б̣яаагариссад̇и, звамасса маяам̣ ваад̣̇ам̣ ааробзссаама; звам̣ жзби но будто звам̣ б̣яаагариссад̇и, звамбисса маяам̣ ваад̣̇ам̣ ааробзссаамаа’д̇и. д̇з сун̣анд̇и – ‘саман̣о калу, бхо, г̇од̇амо амугам̣ наама г̇аамам̣ ваа ниг̇амам̣ ваа осадо’д̇и. д̇з язна бхаг̇аваа д̇знубасан̇гаманд̇и. д̇з бхаг̇аваа д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа на жзва бхаг̇аванд̇ам̣ бан̃хам̣ бужчанд̇и, гуд̇о ваад̣̇ам̣ ааробзссанд̇и? ан̃н̃ад̣̇ад̇т̇у бхаг̇аванд̇ам̣язва огаасам̣ яаажанд̇и аг̇аарасмаа анаг̇аарияам̣ баб̣б̣аж̇ж̇ааяа. д̇з бхаг̇аваа баб̣б̣ааж̇зд̇и. д̇з д̇ат̇аабаб̣б̣аж̇ид̇аа самаанаа згаа вуубагадтаа аббамад̇д̇аа аад̇аабино бахид̇ад̇д̇аа вихаранд̇аа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и. д̇з звамаахам̣су – ‘манам̣ вад̇а, бхо, анассаама; манам̣ вад̇а, бхо, банассаама’. маяан̃хи буб̣б̣з ассаман̣аава самаанаа саман̣аамхаад̇и бадиж̇аанимхаа, аб̣раахман̣аава самаанаа б̣раахман̣аамхаад̇и бадиж̇аанимхаа, анараханд̇ова самаанаа араханд̇аамхаад̇и бадиж̇аанимхаа. ‘ид̣̇аани комха саман̣аа, ид̣̇аани комха б̣раахман̣аа, ид̣̇аани комха араханд̇о’д̇и. аяамби ко мз, бханд̇з, бхаг̇авад̇и д̇хамманваяо ход̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
372. ‘‘Puna caparāhaṃ, bhante, passāmi idhekacce brāhmaṇapaṇḍite…pe… gahapatipaṇḍite…pe… samaṇapaṇḍite nipuṇe kataparappavāde vālavedhirūpe. Te bhindantā maññe caranti paññāgatena diṭṭhigatāni. Te suṇanti – ‘samaṇo khalu, bho, gotamo amukaṃ nāma gāmaṃ vā nigamaṃ vā osarissatī’ti. Te pañhaṃ abhisaṅkharonti – ‘imaṃ mayaṃ pañhaṃ samaṇaṃ gotamaṃ upasaṅkamitvā pucchissāma. Evaṃ ce no puṭṭho evaṃ byākarissati, evamassa mayaṃ vādaṃ āropessāma; evaṃ cepi no puṭṭho evaṃ byākarissati, evampissa mayaṃ vādaṃ āropessāmā’ti. Te suṇanti – ‘samaṇo khalu, bho, gotamo amukaṃ nāma gāmaṃ vā nigamaṃ vā osaṭo’ti. Te yena bhagavā tenupasaṅkamanti. Te bhagavā dhammiyā kathāya sandasseti samādapeti samuttejeti sampahaṃseti. Te bhagavatā dhammiyā kathāya sandassitā samādapitā samuttejitā sampahaṃsitā na ceva bhagavantaṃ pañhaṃ pucchanti, kuto vādaṃ āropessanti? Aññadatthu bhagavantaṃyeva okāsaṃ yācanti agārasmā anagāriyaṃ pabbajjāya. Te bhagavā pabbājeti. Te tathāpabbajitā samānā ekā vūpakaṭṭhā appamattā ātāpino pahitattā viharantā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharanti. Te evamāhaṃsu – ‘manaṃ vata, bho, anassāma; manaṃ vata, bho, panassāma’. Mayañhi pubbe assamaṇāva samānā samaṇāmhāti paṭijānimhā, abrāhmaṇāva samānā brāhmaṇāmhāti paṭijānimhā, anarahantova samānā arahantāmhāti paṭijānimhā. ‘Idāni khomha samaṇā, idāni khomha brāhmaṇā, idāni khomha arahanto’ti. Ayampi kho me, bhante, bhagavati dhammanvayo hoti – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
373. ‘‘буна жабараахам̣, бханд̇з, имз исид̣̇ад̇д̇абураан̣аа т̇абад̇аяо мамабхад̇д̇аа мамаяаанаа, ахам̣ нзсам̣ ж̇ийвигааяа 23 д̣̇аад̇аа, яасасса аахад̇д̇аа; ат̇а жа бана но д̇ат̇аа маяи нибажжагаарам̣ гаронд̇и яат̇аа бхаг̇авад̇и. бхууд̇абуб̣б̣аахам̣, бханд̇з, сзнам̣ аб̣бхуяяаад̇о самаано имз жа исид̣̇ад̇д̇абураан̣аа т̇абад̇аяо виймам̣самаано ан̃н̃ад̇арасмим̣ самб̣аад̇хз аавасат̇з ваасам̣ убаг̇ажчим̣. ат̇а ко, бханд̇з, имз исид̣̇ад̇д̇абураан̣аа т̇абад̇аяо б̣ахуд̣̇зва рад̇д̇им̣ д̇хаммияаа гат̇ааяа вийд̇инаамзд̇ваа, яад̇о ахоси бхаг̇аваа 24 д̇ад̇о сийсам̣ гад̇ваа мам̣ баад̣̇ад̇о гарид̇ваа нибаж̇ж̇им̣су. д̇асса маяхам̣, бханд̇з, зд̇ад̣̇ахоси – ‘ажчарияам̣ вад̇а, бхо, аб̣бхуд̇ам̣ вад̇а, бхо! имз исид̣̇ад̇д̇абураан̣аа т̇абад̇аяо мамабхад̇д̇аа мамаяаанаа, ахам̣ нзсам̣ ж̇ийвигааяа д̣̇аад̇аа, яасасса аахад̇д̇аа; ат̇а жа бана но д̇ат̇аа маяи нибажжагаарам̣ гаронд̇и яат̇аа бхаг̇авад̇и. ад̣̇д̇хаа имз ааяасманд̇о д̇асса бхаг̇авад̇о саасанз ул̣аарам̣ буб̣б̣знаабарам̣ висзсам̣ ж̇аананд̇ий’д̇и. аяамби ко мз, бханд̇з, бхаг̇авад̇и д̇хамманваяо ход̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
373. ‘‘Puna caparāhaṃ, bhante, ime isidattapurāṇā thapatayo mamabhattā mamayānā, ahaṃ nesaṃ jīvikāya 25 dātā, yasassa āhattā; atha ca pana no tathā mayi nipaccakāraṃ karonti yathā bhagavati. Bhūtapubbāhaṃ, bhante, senaṃ abbhuyyāto samāno ime ca isidattapurāṇā thapatayo vīmaṃsamāno aññatarasmiṃ sambādhe āvasathe vāsaṃ upagacchiṃ. Atha kho, bhante, ime isidattapurāṇā thapatayo bahudeva rattiṃ dhammiyā kathāya vītināmetvā, yato ahosi bhagavā 26 tato sīsaṃ katvā maṃ pādato karitvā nipajjiṃsu. Tassa mayhaṃ, bhante, etadahosi – ‘acchariyaṃ vata, bho, abbhutaṃ vata, bho! Ime isidattapurāṇā thapatayo mamabhattā mamayānā, ahaṃ nesaṃ jīvikāya dātā, yasassa āhattā; atha ca pana no tathā mayi nipaccakāraṃ karonti yathā bhagavati. Addhā ime āyasmanto tassa bhagavato sāsane uḷāraṃ pubbenāparaṃ visesaṃ jānantī’ti. Ayampi kho me, bhante, bhagavati dhammanvayo hoti – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
374. ‘‘буна жабарам̣, бханд̇з, бхаг̇авааби кад̇д̇ияо, ахамби кад̇д̇ияо; бхаг̇авааби госало, ахамби госало; бхаг̇авааби аасийд̇иго, ахамби аасийд̇иго. яамби, бханд̇з, бхаг̇авааби кад̇д̇ияо ахамби кад̇д̇ияо, бхаг̇авааби госало ахамби госало, бхаг̇авааби аасийд̇иго ахамби аасийд̇иго; иминааваарахаамзваахам̣ 27, бханд̇з, бхаг̇авад̇и бараманибажжагаарам̣ гаад̇ум̣, мид̇д̇уубахаарам̣ убад̣̇ам̣сзд̇ум̣. ханд̣̇а, жа д̣̇аани маяам̣, бханд̇з, г̇ажчаама; б̣ахугижжаа маяам̣ б̣ахугаран̣ийяаа’’д̇и. ‘‘яассад̣̇аани д̇вам̣, махаарааж̇а, гаалам̣ ман̃н̃асий’’д̇и. ат̇а ко рааж̇аа басзнад̣̇и госало удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа ажирабагганд̇асса ран̃н̃о басзнад̣̇исса госаласса бхигкуу ааманд̇зси – ‘‘зсо, бхигкавз, рааж̇аа басзнад̣̇и госало д̇хаммажзд̇ияаани бхаасид̇ваа удтааяаасанаа багганд̇о. уг̇г̇ан̣хат̇а, бхигкавз, д̇хаммажзд̇ияаани; барияаабун̣аат̇а, бхигкавз , д̇хаммажзд̇ияаани; д̇хаарзт̇а, бхигкавз, д̇хаммажзд̇ияаани. ад̇т̇асам̣хид̇аани, бхигкавз, д̇хаммажзд̇ияаани аад̣̇иб̣рахмажарияагааний’’д̇и.
374. ‘‘Puna caparaṃ, bhante, bhagavāpi khattiyo, ahampi khattiyo; bhagavāpi kosalo, ahampi kosalo; bhagavāpi āsītiko, ahampi āsītiko. Yampi, bhante, bhagavāpi khattiyo ahampi khattiyo, bhagavāpi kosalo ahampi kosalo, bhagavāpi āsītiko ahampi āsītiko; imināvārahāmevāhaṃ 28, bhante, bhagavati paramanipaccakāraṃ kātuṃ, mittūpahāraṃ upadaṃsetuṃ. Handa, ca dāni mayaṃ, bhante, gacchāma; bahukiccā mayaṃ bahukaraṇīyā’’ti. ‘‘Yassadāni tvaṃ, mahārāja, kālaṃ maññasī’’ti. Atha kho rājā pasenadi kosalo uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā acirapakkantassa rañño pasenadissa kosalassa bhikkhū āmantesi – ‘‘eso, bhikkhave, rājā pasenadi kosalo dhammacetiyāni bhāsitvā uṭṭhāyāsanā pakkanto. Uggaṇhatha, bhikkhave, dhammacetiyāni; pariyāpuṇātha, bhikkhave , dhammacetiyāni; dhāretha, bhikkhave, dhammacetiyāni. Atthasaṃhitāni, bhikkhave, dhammacetiyāni ādibrahmacariyakānī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
д̇хаммажзд̇ияасуд̇д̇ам̣ нидтид̇ам̣ навамам̣.
Dhammacetiyasuttaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. д̇хаммажзд̇ияасуд̇д̇аван̣н̣анаа • 9. Dhammacetiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. д̇хаммажзд̇ияасуд̇д̇аван̣н̣анаа • 9. Dhammacetiyasuttavaṇṇanā
