| Library / Tipiṭaka / তিপিটক • Tipiṭaka / মজ্ঝিমনিকায (টীকা) • Majjhimanikāya (ṭīkā) |
৯. ধম্মচেতিযসুত্তৰণ্ণনা
9. Dhammacetiyasuttavaṇṇanā
৩৬৪. মেদৰণ্ণা উল়ুপৰণ্ণা চ তত্থ তত্থ পাসাণা উস্সন্না অহেসুন্তি মেদাল়ুপন্তি গামস্স সমঞ্ঞা জাতা। উল়ুপৰণ্ণাতি চন্দসমানৰণ্ণতায মেদপাসাণা ৰুত্তাতি কেচি। অট্ঠকথাযং পন ‘‘মেদৰণ্ণা পাসাণা কিরেত্থ উস্সন্না অহেসু’’ন্তি ইদং ৰুত্তং। অস্সাতি সেনাপতিস্স। কথাসমুট্ঠাপনত্থন্তি মল্লিকায সোকৰিনোদনধম্মকথাসমুট্ঠাপনত্থং।
364. Medavaṇṇā uḷupavaṇṇā ca tattha tattha pāsāṇā ussannā ahesunti medāḷupanti gāmassa samaññā jātā. Uḷupavaṇṇāti candasamānavaṇṇatāya medapāsāṇā vuttāti keci. Aṭṭhakathāyaṃ pana ‘‘medavaṇṇā pāsāṇā kirettha ussannā ahesu’’nti idaṃ vuttaṃ. Assāti senāpatissa. Kathāsamuṭṭhāpanatthanti mallikāya sokavinodanadhammakathāsamuṭṭhāpanatthaṃ.
রঞ্ঞাতি পসেনদীকোসলরঞ্ঞা। মহচ্চাতি মহতিযা। পদৰিপল্লাসেন চেতং ৰুত্তং। পসাদমরহন্তীতি পাসাদিকানি। তেনাহ ‘‘সহ রঞ্জনকানী’’তি। যানি পন পাসাদিকানি, তানি পস্সিতুং যুত্তানি। পাসাদিকানীতি ৰা সদ্দহনসহিতানি। তেনাহ ‘‘পসাদজনকানী’’তি। ‘‘অপ্পাবাধ’’ন্তি আদীসু ৰিয অপ্পসদ্দো অভাৰত্থোতি আহ ‘‘নিস্সদ্দানী’’তি। অনিযমত্থৰাচী য-সদ্দো অনিযমাকারৰাচকোপি হোতীতি ‘‘যত্থা’’তি পদস্স ‘‘যাদিসেসূ’’তিআদিমাহ। তথা হি অঙ্গুলিমালসুত্তে (ম॰ নি॰ অট্ঠ॰ ২.৩৪৭ আদযো) ‘‘যস্স খো’’তি পদস্স ‘‘যাদিসস্স খো’’তি অত্থো ৰুত্তো।
Raññāti pasenadīkosalaraññā. Mahaccāti mahatiyā. Padavipallāsena cetaṃ vuttaṃ. Pasādamarahantīti pāsādikāni. Tenāha ‘‘saha rañjanakānī’’ti. Yāni pana pāsādikāni, tāni passituṃ yuttāni. Pāsādikānīti vā saddahanasahitāni. Tenāha ‘‘pasādajanakānī’’ti. ‘‘Appābādha’’nti ādīsu viya appasaddo abhāvatthoti āha ‘‘nissaddānī’’ti. Aniyamatthavācī ya-saddo aniyamākāravācakopi hotīti ‘‘yatthā’’ti padassa ‘‘yādisesū’’tiādimāha. Tathā hi aṅgulimālasutte (ma. ni. aṭṭha. 2.347 ādayo) ‘‘yassa kho’’ti padassa ‘‘yādisassa kho’’ti attho vutto.
৩৬৬. পটিচ্ছদন্তি পটিচ্ছাদকং। রাজককুধভণ্ডানীতি রাজভণ্ডভূতানি। রহাযতীতি রহো করোতি, মং অজ্ঝেসতীতি অত্থো।
366.Paṭicchadanti paṭicchādakaṃ. Rājakakudhabhaṇḍānīti rājabhaṇḍabhūtāni. Rahāyatīti raho karoti, maṃ ajjhesatīti attho.
৩৬৭. যথাসভাৰতো ঞেয্যং ধারেতি অৰধারেতীতি ধম্মো, ঞাণন্তি আহ ‘‘পচ্চক্খঞাণসঙ্খাতস্স ধম্মস্সা’’তি। অনুনযোতি অনুগচ্ছনকো। দিট্ঠেন হি অদিট্ঠস্স অনুমানং। তেনাহ ‘‘অনুমানং অনুবুদ্ধী’’তি। আপাণকোটিকন্তি যাৰ পাণকোটি, তাৰ জীৰিতপরিযোসানং। এতন্তি ধম্মন্ৰযসঙ্খাতং অনুমানং। এৰন্তি ‘‘ইধ পনাহ’’ন্তি ৰুত্তপ্পকারেন।
367. Yathāsabhāvato ñeyyaṃ dhāreti avadhāretīti dhammo, ñāṇanti āha ‘‘paccakkhañāṇasaṅkhātassa dhammassā’’ti. Anunayoti anugacchanako. Diṭṭhena hi adiṭṭhassa anumānaṃ. Tenāha ‘‘anumānaṃ anubuddhī’’ti. Āpāṇakoṭikanti yāva pāṇakoṭi, tāva jīvitapariyosānaṃ. Etanti dhammanvayasaṅkhātaṃ anumānaṃ. Evanti ‘‘idha panāha’’nti vuttappakārena.
৩৬৯. চক্খুং অবন্ধন্তে ৰিযাতি অপাসাদিকতায পস্সন্তানং চক্খুং অত্তনি অবন্ধন্তে ৰিয। কুলসন্তানানুবন্ধো রোগো কুলরোগো। উল়ারন্তি সানুভাৰং। যো হি আনুভাৰসম্পন্নো, তং ‘‘মহেসক্খ’’ন্তি ৰদন্তি। অরহত্তং গণ্হন্তোতি উক্কট্ঠনিদ্দেসোযং, হেট্ঠিমফলানি গণ্হন্তোপি।
369.Cakkhuṃ abandhante viyāti apāsādikatāya passantānaṃ cakkhuṃ attani abandhante viya. Kulasantānānubandho rogo kularogo. Uḷāranti sānubhāvaṃ. Yo hi ānubhāvasampanno, taṃ ‘‘mahesakkha’’nti vadanti. Arahattaṃ gaṇhantoti ukkaṭṭhaniddesoyaṃ, heṭṭhimaphalāni gaṇhantopi.
৩৭৩. জীৰিকা জীৰিতৰুত্তি।
373. Jīvikā jīvitavutti.
৩৭৪. ধম্মং চেতেতি সংৰেদেতি এতেহীতি ধম্মচেতিযানি, ধম্মস্স পূজাৰচনানি। ননু চেতানি বুদ্ধসঙ্ঘগুণদীপনানিপি সন্তি? কথং ‘‘ধম্মচেতিযানীতি ধম্মস্স চিত্তীকারৰচনানী’’তি ৰুত্তন্তি আহ ‘‘তীসু হী’’তিআদি। তত্থ যস্মা বুদ্ধরতনমূলকানি সেসরতনানি তস্স ৰসেন লদ্ধব্বতো। কোসলরঞ্ঞা চেত্থ বুদ্ধগারৰেন ধম্মসঙ্ঘগারৰং পৰেদিতং, তস্মা ‘‘ভগৰতি চিত্তীকারে কতে ধম্মোপি কতোৰ হোতী’’তি ৰুত্তং। যস্মা চ রতনত্তযপসাদপুব্বিকা সাসনে সম্মাপটিপত্তি, তস্মা ৰুত্তং – ‘‘আদিব্রহ্মচরিযকানীতি মগ্গব্রহ্মচরিযস্স আদিভূতানী’’তি। সেসং সুৰিঞ্ঞেয্যমেৰ।
374. Dhammaṃ ceteti saṃvedeti etehīti dhammacetiyāni, dhammassa pūjāvacanāni. Nanu cetāni buddhasaṅghaguṇadīpanānipi santi? Kathaṃ ‘‘dhammacetiyānīti dhammassa cittīkāravacanānī’’ti vuttanti āha ‘‘tīsu hī’’tiādi. Tattha yasmā buddharatanamūlakāni sesaratanāni tassa vasena laddhabbato. Kosalaraññā cettha buddhagāravena dhammasaṅghagāravaṃ paveditaṃ, tasmā ‘‘bhagavati cittīkāre kate dhammopi katova hotī’’ti vuttaṃ. Yasmā ca ratanattayapasādapubbikā sāsane sammāpaṭipatti, tasmā vuttaṃ – ‘‘ādibrahmacariyakānīti maggabrahmacariyassa ādibhūtānī’’ti. Sesaṃ suviññeyyameva.
ধম্মচেতিযসুত্তৰণ্ণনায লীনত্থপ্পকাসনা সমত্তা।
Dhammacetiyasuttavaṇṇanāya līnatthappakāsanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / মজ্ঝিমনিকায • Majjhimanikāya / ৯. ধম্মচেতিযসুত্তং • 9. Dhammacetiyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / মজ্ঝিমনিকায (অট্ঠকথা) • Majjhimanikāya (aṭṭhakathā) / ৯. ধম্মচেতিযসুত্তৰণ্ণনা • 9. Dhammacetiyasuttavaṇṇanā
