| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
17. д̇хаммад̣̇ассийб̣уд̣̇д̇хавам̣саван̣н̣анаа
17. Dhammadassībuddhavaṃsavaṇṇanā
ад̇т̇ад̣̇ассимхи саммаасамб̣уд̣̇д̇хз бариниб̣б̣уд̇з анд̇арагаббз жа вийд̇ивад̇д̇з абаримид̇ааяугзсу сад̇д̇зсу анубуб̣б̣зна барихааяид̇ваа вассасад̇асахассааяугзсу ж̇аад̇зсу д̇хаммад̣̇ассий наама сад̇т̇аа логаалогагаро лобхаад̣̇илогамалавинаяагаро логзганааяаго логз уд̣̇абаад̣̇и. соби бхаг̇аваа баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа саран̣анаг̇арз саб̣б̣алогасаран̣асса саран̣асса наама ран̃н̃о аг̇г̇амахзсияаа сунанд̣̇ааяа наама д̣̇звияаа гужчисмим̣ бадисанд̇хим̣ аг̇г̇ахзси. со д̣̇асаннам̣ маасаанам̣ ажжаязна саран̣уяяаанз маад̇угужчид̇о баавуссагаалз салилад̇харавивараг̇ад̇о бун̣н̣ажанд̣̇о вияа нигками. махаабурисз бана маад̇угужчид̇о нигканд̇амад̇д̇зязва ад̇хигаран̣авохаарасад̇т̇абод̇т̇агзсу ад̇хаммияаа вохаараа саяамзва анд̇арад̇хааяим̣су. д̇хаммигавохаарааязва адтам̣су. д̇знасса наамаг̇г̇ахан̣ад̣̇ивасз ‘‘д̇хаммад̣̇ассий’’д̇и наамамагам̣су. со адтавассасахассаани аг̇аарам̣ аж̇жхааваси. д̇асса гира араж̇а-вираж̇а-суд̣̇ассананаамагаа д̇аяо баасаад̣̇аа ахзсум̣. вижигол̣ид̣̇звиббамукаанам̣ ид̇т̇ийнам̣ вийсад̇исахассаад̇хигам̣ сад̇асахассам̣ ахоси.
Atthadassimhi sammāsambuddhe parinibbute antarakappe ca vītivatte aparimitāyukesu sattesu anupubbena parihāyitvā vassasatasahassāyukesu jātesu dhammadassī nāma satthā lokālokakaro lobhādilokamalavinayakaro lokekanāyako loke udapādi. Sopi bhagavā pāramiyo pūretvā tusitapure nibbattitvā tato cavitvā saraṇanagare sabbalokasaraṇassa saraṇassa nāma rañño aggamahesiyā sunandāya nāma deviyā kucchismiṃ paṭisandhiṃ aggahesi. So dasannaṃ māsānaṃ accayena saraṇuyyāne mātukucchito pāvussakāle saliladharavivaragato puṇṇacando viya nikkhami. Mahāpurise pana mātukucchito nikkhantamatteyeva adhikaraṇavohārasatthapotthakesu adhammiyā vohārā sayameva antaradhāyiṃsu. Dhammikavohārāyeva aṭṭhaṃsu. Tenassa nāmaggahaṇadivase ‘‘dhammadassī’’ti nāmamakaṃsu. So aṭṭhavassasahassāni agāraṃ ajjhāvasi. Tassa kira araja-viraja-sudassananāmakā tayo pāsādā ahesuṃ. Vicikoḷidevippamukhānaṃ itthīnaṃ vīsatisahassādhikaṃ satasahassaṃ ahosi.
со жад̇д̇аари нимид̇д̇аани д̣̇исваа вижигол̣ид̣̇звияаа бун̃н̃авад̣дханз наама буд̇д̇з уббаннз д̣̇звагумааро вияа ад̇ивияа сукумаало д̣̇звасамбад̇д̇имива самбад̇д̇иманубхавамаано маж̇жхимаяаамз вудтааяа сирисаяанз нисинно нид̣̇д̣̇обаг̇ад̇аанам̣ ид̇т̇ийнам̣ виббагаарам̣ д̣̇исваа сан̃ж̇аад̇асам̣взг̇о махаабхинигкаманааяа жид̇д̇ам̣ уббаад̣̇зси. жид̇д̇уббаад̣̇асамананд̇арамзвасса суд̣̇ассанабаасаад̣̇о г̇аг̇анад̇аламаб̣бхуг̇г̇анд̇ваа жад̇уран̇г̇инияаа сзнааяа баривуд̇о д̣̇уд̇ияо д̣̇ивасагаро вияа д̣̇иб̣б̣авимаанам̣ вияа жа г̇анд̇ваа рад̇д̇агуравагад̇аруб̣од̇хисамийбзязва од̇арид̇ваа адтааси. махаабурисо гира б̣рахмунаа убанийд̇аани гаасааяаани г̇ахзд̇ваа баб̣б̣аж̇ид̇ваа баасаад̣̇ад̇о од̇арид̇ваа авид̣̇уурз адтааси. баасаад̣̇о буна аагаасзна г̇анд̇ваа б̣од̇хиругкам̣ анд̇огад̇ваа бат̇авияам̣ бад̇идтааси. ид̇т̇ияоби сабариваараа баасаад̣̇ад̇о од̇арид̇ваа ад̣дхаг̇аавуд̇амад̇д̇ам̣ г̇анд̇ваа адтам̣су. д̇ад̇т̇а ид̇т̇ияо жа д̇аасам̣ барижааригаа жздигааяо жа табзд̇ваа саб̣б̣з мануссаа д̇ам̣ анубаб̣б̣аж̇им̣су. бхигкуунам̣ годисад̇асахассам̣ ахоси.
So cattāri nimittāni disvā vicikoḷideviyā puññavaḍḍhane nāma putte uppanne devakumāro viya ativiya sukhumālo devasampattimiva sampattimanubhavamāno majjhimayāme vuṭṭhāya sirisayane nisinno niddopagatānaṃ itthīnaṃ vippakāraṃ disvā sañjātasaṃvego mahābhinikkhamanāya cittaṃ uppādesi. Cittuppādasamanantaramevassa sudassanapāsādo gaganatalamabbhuggantvā caturaṅginiyā senāya parivuto dutiyo divasakaro viya dibbavimānaṃ viya ca gantvā rattakuravakatarubodhisamīpeyeva otaritvā aṭṭhāsi. Mahāpuriso kira brahmunā upanītāni kāsāyāni gahetvā pabbajitvā pāsādato otaritvā avidūre aṭṭhāsi. Pāsādo puna ākāsena gantvā bodhirukkhaṃ antokatvā pathaviyaṃ patiṭṭhāsi. Itthiyopi saparivārā pāsādato otaritvā aḍḍhagāvutamattaṃ gantvā aṭṭhaṃsu. Tattha itthiyo ca tāsaṃ paricārikā ceṭikāyo ca ṭhapetvā sabbe manussā taṃ anupabbajiṃsu. Bhikkhūnaṃ koṭisatasahassaṃ ahosi.
ат̇а д̇хаммад̣̇ассий б̣од̇хисад̇д̇о сад̇д̇аахам̣ бад̇хаанажарияам̣ жарид̇ваа вижигол̣ид̣̇звияаа д̣̇иннам̣ мад̇хубааяаасам̣ барибхун̃ж̇ид̇ваа б̣ад̣̇араванз д̣̇иваавихаарам̣ гад̇ваа сааяанхасамаяз сиривад̣дханзна наама яавабаалагзна д̣̇иннаа адта д̇ин̣амудтияо г̇ахзд̇ваа б̣имб̣иж̇аалаб̣од̇хим̣ убаг̇анд̇ваа д̇збан̣н̣аасахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа д̇ад̇т̇а саб̣б̣ан̃н̃уд̇ан̃н̃аан̣ам̣ бадивиж̇жхид̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваава б̣од̇хисамийбз сад̇д̇асад̇д̇аахам̣ вийд̇инаамзд̇ваа гад̇аб̣рахмаяаажано ад̇д̇анаа сад̣̇д̇хим̣ баб̣б̣аж̇ид̇асса бхигкуунам̣ годисад̇асахассасса сад̣̇д̇хаммаббадивзд̇хасамад̇т̇ад̇ам̣ н̃ад̇ваа адтаарасаяож̇анигамаг̇г̇ам̣ згаахзнзва исибад̇анам̣ г̇анд̇ваа д̇зхи баривуд̇о д̇ад̇т̇а д̇хаммажаггам̣ бавад̇д̇зси, д̇ад̣̇аа годисад̇асахассаанам̣ батамаабхисамаяо ахоси. д̇зна вуд̇д̇ам̣ –
Atha dhammadassī bodhisatto sattāhaṃ padhānacariyaṃ caritvā vicikoḷideviyā dinnaṃ madhupāyāsaṃ paribhuñjitvā badaravane divāvihāraṃ katvā sāyanhasamaye sirivaḍḍhanena nāma yavapālakena dinnā aṭṭha tiṇamuṭṭhiyo gahetvā bimbijālabodhiṃ upagantvā tepaṇṇāsahatthavitthataṃ tiṇasantharaṃ santharitvā tattha sabbaññutaññāṇaṃ paṭivijjhitvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvāva bodhisamīpe sattasattāhaṃ vītināmetvā katabrahmayācano attanā saddhiṃ pabbajitassa bhikkhūnaṃ koṭisatasahassassa saddhammappaṭivedhasamatthataṃ ñatvā aṭṭhārasayojanikamaggaṃ ekāheneva isipatanaṃ gantvā tehi parivuto tattha dhammacakkaṃ pavattesi, tadā koṭisatasahassānaṃ paṭhamābhisamayo ahosi. Tena vuttaṃ –
1.
1.
‘‘д̇ад̇т̇зва ман̣д̣агаббамхи, д̇хаммад̣̇ассий махааяасо;
‘‘Tattheva maṇḍakappamhi, dhammadassī mahāyaso;
д̇аманд̇хагаарам̣ вид̇хамид̇ваа, ад̇ирожад̇и сад̣̇звагз.
Tamandhakāraṃ vidhamitvā, atirocati sadevake.
2.
2.
‘‘д̇ассааби ад̇улад̇зж̇асса, д̇хаммажаггаббавад̇д̇анз;
‘‘Tassāpi atulatejassa, dhammacakkappavattane;
годисад̇асахассаанам̣, батамаабхисамаяо ахуу’’д̇и.
Koṭisatasahassānaṃ, paṭhamābhisamayo ahū’’ti.
д̇ад̇т̇а д̇аманд̇хагааранд̇и д̇амасан̇каад̇ам̣ моханд̇хагааранд̇и ад̇т̇о.
Tattha tamandhakāranti tamasaṅkhātaṃ mohandhakāranti attho.
яад̣̇аа бана д̇аг̇аранаамагз наг̇арз сан̃ж̇аяо наама рааж̇аа гаамзсу аад̣̇ийнавам̣ нзгкаммам̣ кзмад̇о жа д̣̇исваа исибаб̣б̣аж̇ж̇ам̣ баб̣б̣аж̇и. д̇ам̣ навуд̇игодияо анубаб̣б̣аж̇им̣су. д̇з саб̣б̣зязва бан̃жаабхин̃н̃ааадтасамаабад̇д̇илаабхино ахзсум̣. ат̇а сад̇т̇аа д̇хаммад̣̇ассий д̇зсам̣ убаниссаяасамбад̇д̇им̣ д̣̇исваа аагаасзна г̇анд̇ваа сан̃ж̇аяасса д̇аабасасса ассамабад̣̇ам̣ г̇анд̇ваа аагаасз тад̇ваа д̇зсам̣ д̇аабасаанам̣ аж̇жхаасаяаануруубам̣ д̇хаммам̣ д̣̇зсзд̇ваа д̇хаммажагкум̣ уббаад̣̇зси, со д̣̇уд̇ияо абхисамаяо ахоси. д̇зна вуд̇д̇ам̣ –
Yadā pana tagaranāmake nagare sañjayo nāma rājā kāmesu ādīnavaṃ nekkhammaṃ khemato ca disvā isipabbajjaṃ pabbaji. Taṃ navutikoṭiyo anupabbajiṃsu. Te sabbeyeva pañcābhiññāaṭṭhasamāpattilābhino ahesuṃ. Atha satthā dhammadassī tesaṃ upanissayasampattiṃ disvā ākāsena gantvā sañjayassa tāpasassa assamapadaṃ gantvā ākāse ṭhatvā tesaṃ tāpasānaṃ ajjhāsayānurūpaṃ dhammaṃ desetvā dhammacakkhuṃ uppādesi, so dutiyo abhisamayo ahosi. Tena vuttaṃ –
3.
3.
‘‘яад̣̇аа б̣уд̣̇д̇хо д̇хаммад̣̇ассий, винзси сан̃ж̇аяам̣ исим̣;
‘‘Yadā buddho dhammadassī, vinesi sañjayaṃ isiṃ;
д̇ад̣̇аа навуд̇игодийнам̣, д̣̇уд̇ияаабхисамаяо ахуу’’д̇и.
Tadā navutikoṭīnaṃ, dutiyābhisamayo ahū’’ti.
яад̣̇аа бана сагго д̣̇зваанаминд̣̇о д̣̇асаб̣аласса д̇хаммам̣ сод̇угаамо д̇ам̣ убасан̇гами, д̇ад̣̇аа асийд̇ияаа годийнам̣ д̇ад̇ияо абхисамаяо ахоси. д̇зна вуд̇д̇ам̣ –
Yadā pana sakko devānamindo dasabalassa dhammaṃ sotukāmo taṃ upasaṅkami, tadā asītiyā koṭīnaṃ tatiyo abhisamayo ahosi. Tena vuttaṃ –
4.
4.
‘‘яад̣̇аа сагго убаг̇ан̃чи, сабарисо винааяагам̣;
‘‘Yadā sakko upagañchi, sapariso vināyakaṃ;
д̇ад̣̇аа асийд̇игодийнам̣, д̇ад̇ияаабхисамаяо ахуу’’д̇и.
Tadā asītikoṭīnaṃ, tatiyābhisamayo ahū’’ti.
яад̣̇аа бана саран̣анаг̇арз взмаад̇игабхаад̇игам̣ бад̣̇умагумаарам̣ пуссад̣̇звагумааран̃жа сабариваарз баб̣б̣ааж̇зси, д̇асмим̣ анд̇овассз баб̣б̣аж̇ид̇аанам̣ бхигкуунам̣ годисад̇асахассаанам̣ маж̇жхз висуд̣̇д̇хибавааран̣ам̣ баваарзси, со батамо саннибаад̇о ахоси. буна бхаг̇авад̇о д̣̇звалогад̇о орохан̣з сад̇агодийнам̣ д̣̇уд̇ияо саннибаад̇о ахоси. яад̣̇аа бана суд̣̇ассанаараамз д̇зрасаннам̣ д̇худ̇аг̇ун̣аанам̣ г̇ун̣з аанисам̣сз багаасзд̇ваа хаарид̇ам̣ наама махаасаавагам̣ зд̇ад̣̇аг̇г̇з табзси, д̇ад̣̇аа асийд̇ияаа годийнам̣ маж̇жхз бхаг̇аваа баад̇имогкам̣ уд̣̇д̣̇иси, со д̇ад̇ияо саннибаад̇о ахоси. д̇зна вуд̇д̇ам̣ –
Yadā pana saraṇanagare vemātikabhātikaṃ padumakumāraṃ phussadevakumārañca saparivāre pabbājesi, tasmiṃ antovasse pabbajitānaṃ bhikkhūnaṃ koṭisatasahassānaṃ majjhe visuddhipavāraṇaṃ pavāresi, so paṭhamo sannipāto ahosi. Puna bhagavato devalokato orohaṇe satakoṭīnaṃ dutiyo sannipāto ahosi. Yadā pana sudassanārāme terasannaṃ dhutaguṇānaṃ guṇe ānisaṃse pakāsetvā hāritaṃ nāma mahāsāvakaṃ etadagge ṭhapesi, tadā asītiyā koṭīnaṃ majjhe bhagavā pātimokkhaṃ uddisi, so tatiyo sannipāto ahosi. Tena vuttaṃ –
5.
5.
‘‘д̇ассааби д̣̇звад̣̇звасса, саннибаад̇аа д̇аяо ахум̣;
‘‘Tassāpi devadevassa, sannipātā tayo ahuṃ;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
6.
6.
‘‘яад̣̇аа б̣уд̣̇д̇хо д̇хаммад̣̇ассий, саран̣з вассам̣ убааг̇ами;
‘‘Yadā buddho dhammadassī, saraṇe vassaṃ upāgami;
д̇ад̣̇аа годисад̇асахассаанам̣, батамо ааси самааг̇амо.
Tadā koṭisatasahassānaṃ, paṭhamo āsi samāgamo.
7.
7.
‘‘бунаабарам̣ яад̣̇аа б̣уд̣̇д̇хо, д̣̇звад̇о зд̇и маанусам̣;
‘‘Punāparaṃ yadā buddho, devato eti mānusaṃ;
д̇ад̣̇ааби сад̇агодийнам̣, д̣̇уд̇ияо ааси самааг̇амо.
Tadāpi satakoṭīnaṃ, dutiyo āsi samāgamo.
8.
8.
‘‘бунаабарам̣ яад̣̇аа б̣уд̣̇д̇хо, багаасзси д̇худ̇з г̇ун̣з;
‘‘Punāparaṃ yadā buddho, pakāsesi dhute guṇe;
д̇ад̣̇аа асийд̇игодийнам̣, д̇ад̇ияо ааси самааг̇амо’’д̇и.
Tadā asītikoṭīnaṃ, tatiyo āsi samāgamo’’ti.
д̇ад̣̇аа амхаагам̣ б̣од̇хисад̇д̇о сагго д̣̇зварааж̇аа худ̇ваа д̣̇вийсу д̣̇звалогзсу д̣̇звзхи баривуд̇о ааг̇анд̇ваа д̣̇иб̣б̣зхи г̇анд̇хабубпаад̣̇ийхи д̣̇иб̣б̣ад̇уриязхи жа д̇ат̇ааг̇ад̇ам̣ бууж̇зси. соби нам̣ сад̇т̇аа – ‘‘анааг̇ад̇з г̇од̇амо наама б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā amhākaṃ bodhisatto sakko devarājā hutvā dvīsu devalokesu devehi parivuto āgantvā dibbehi gandhapupphādīhi dibbaturiyehi ca tathāgataṃ pūjesi. Sopi naṃ satthā – ‘‘anāgate gotamo nāma buddho bhavissatī’’ti byākāsi. Tena vuttaṃ –
9.
9.
‘‘ахам̣ д̇зна самаязна, сагго аасим̣ буринд̣̇ад̣̇о;
‘‘Ahaṃ tena samayena, sakko āsiṃ purindado;
д̣̇иб̣б̣зна г̇анд̇хамаалзна, д̇уриязнаабхибууж̇аяим̣.
Dibbena gandhamālena, turiyenābhipūjayiṃ.
10.
10.
‘‘соби мам̣ д̇ад̣̇аа б̣яаагааси, д̣̇звамаж̇жхз нисийд̣̇ияа;
‘‘Sopi maṃ tadā byākāsi, devamajjhe nisīdiya;
адтаарасз габбасад̇з, аяам̣ б̣уд̣̇д̇хо бхависсад̇и.
Aṭṭhārase kappasate, ayaṃ buddho bhavissati.
11.
11.
‘‘бад̇хаанам̣ бад̣̇ахид̇ваана…бз… хзссаама саммукаа имам̣.
‘‘Padhānaṃ padahitvāna…pe… hessāma sammukhā imaṃ.
12.
12.
‘‘д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
‘‘Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа’’д̇и.
Uttariṃ vatamadhiṭṭhāsiṃ, dasapāramipūriyā’’ti.
д̇асса бана бхаг̇авад̇о саран̣ам̣ наама наг̇арам̣ ахоси. саран̣о наама рааж̇аа бид̇аа, сунанд̣̇аа наама маад̇аа, бад̣̇умо жа пуссад̣̇зво жа д̣̇вз аг̇г̇асаавагаа, сунзд̇д̇о наама убадтааго, кзмаа жа саб̣б̣анаамаа жа д̣̇вз аг̇г̇асаавигаа, б̣имб̣иж̇ааларугко б̣од̇хи, сарийрам̣ банасса асийд̇ихад̇т̇уб̣б̣зд̇хам̣ ахоси, ааяу вассасад̇асахассам̣, вижигол̣ид̣̇звий наамасса аг̇г̇амахзсий, бун̃н̃авад̣дхано наамасса буд̇д̇о, баасаад̣̇зна нигками. д̇зна вуд̇д̇ам̣ –
Tassa pana bhagavato saraṇaṃ nāma nagaraṃ ahosi. Saraṇo nāma rājā pitā, sunandā nāma mātā, padumo ca phussadevo ca dve aggasāvakā, sunetto nāma upaṭṭhāko, khemā ca sabbanāmā ca dve aggasāvikā, bimbijālarukkho bodhi, sarīraṃ panassa asītihatthubbedhaṃ ahosi, āyu vassasatasahassaṃ, vicikoḷidevī nāmassa aggamahesī, puññavaḍḍhano nāmassa putto, pāsādena nikkhami. Tena vuttaṃ –
13.
13.
‘‘саран̣ам̣ наама наг̇арам̣, саран̣о наама кад̇д̇ияо;
‘‘Saraṇaṃ nāma nagaraṃ, saraṇo nāma khattiyo;
сунанд̣̇аа наама ж̇анигаа, д̇хаммад̣̇ассисса сад̇т̇уно.
Sunandā nāma janikā, dhammadassissa satthuno.
18.
18.
‘‘бад̣̇умо пуссад̣̇зво жа, ахзсум̣ аг̇г̇асаавагаа;
‘‘Padumo phussadevo ca, ahesuṃ aggasāvakā;
сунзд̇д̇о наамубадтааго, д̇хаммад̣̇ассисса сад̇т̇уно.
Sunetto nāmupaṭṭhāko, dhammadassissa satthuno.
19.
19.
‘‘кзмаа жа саб̣б̣анаамаа жа, ахзсум̣ аг̇г̇асаавигаа;
‘‘Khemā ca sabbanāmā ca, ahesuṃ aggasāvikā;
б̣од̇хи д̇асса бхаг̇авад̇о, б̣имб̣иж̇аалод̇и вужжад̇и.
Bodhi tassa bhagavato, bimbijāloti vuccati.
21.
21.
‘‘соби б̣уд̣̇д̇хо асамасамо, асийд̇ихад̇т̇амуг̇г̇ад̇о;
‘‘Sopi buddho asamasamo, asītihatthamuggato;
ад̇ирожад̇и д̇зж̇зна, д̣̇асасахассимхи д̇хаад̇уяаа.
Atirocati tejena, dasasahassimhi dhātuyā.
22.
22.
‘‘супулло сааларааж̇аава, виж̇ж̇уува г̇аг̇анз яат̇аа;
‘‘Suphullo sālarājāva, vijjūva gagane yathā;
маж̇жханхигзва суурияо, звам̣ со убасобхат̇а.
Majjhanhikeva sūriyo, evaṃ so upasobhatha.
23.
23.
‘‘д̇ассааби ад̇улад̇зж̇асса, самагам̣ ааси ж̇ийвигам̣;
‘‘Tassāpi atulatejassa, samakaṃ āsi jīvikaṃ;
вассасад̇асахассаани, логз адтааси жагкумаа.
Vassasatasahassāni, loke aṭṭhāsi cakkhumā.
24.
24.
‘‘обхаасам̣ д̣̇ассаяид̇ваана, вималам̣ гад̇ваана саасанам̣;
‘‘Obhāsaṃ dassayitvāna, vimalaṃ katvāna sāsanaṃ;
жави жанд̣̇ова г̇аг̇анз, ниб̣б̣уд̇о со сасааваго’’д̇и.
Cavi candova gagane, nibbuto so sasāvako’’ti.
д̇ад̇т̇а б̣имб̣иж̇аалод̇и рад̇д̇агуравагаругко. д̣̇асасахассимхи д̇хаад̇уяаад̇и д̣̇асасахассияаа логад̇хаад̇уяаа. виж̇ж̇ууваад̇и виж̇ж̇улад̇аа вияа. убасобхат̇аад̇и яат̇аа г̇аг̇анз виж̇ж̇у жа маж̇ж̇анхигз суурияо жа убасобхад̇и, звам̣ со бхаг̇аваа убасобхид̇т̇аад̇и ад̇т̇о. самаганд̇и саб̣б̣зхи нарасад̇д̇зхи самамзва д̇асса ааяу ахосийд̇и ад̇т̇о. жавийд̇и жуд̇о. жанд̣̇оваад̇и г̇аг̇анад̇о жанд̣̇имаа вияа жавийд̇и ад̇т̇о. д̇хаммад̣̇ассий гира бхаг̇аваа саалавад̇ийнаг̇арз гзсаараамз бариниб̣б̣ааяи сзсамзд̇т̇а г̇аат̇аасу баагадамзваад̇и.
Tattha bimbijāloti rattakuravakarukkho. Dasasahassimhi dhātuyāti dasasahassiyā lokadhātuyā. Vijjūvāti vijjulatā viya. Upasobhathāti yathā gagane vijju ca majjanhike sūriyo ca upasobhati, evaṃ so bhagavā upasobhitthāti attho. Samakanti sabbehi narasattehi samameva tassa āyu ahosīti attho. Cavīti cuto. Candovāti gaganato candimā viya cavīti attho. Dhammadassī kira bhagavā sālavatīnagare kesārāme parinibbāyi sesamettha gāthāsu pākaṭamevāti.
д̇хаммад̣̇ассийб̣уд̣̇д̇хавам̣саван̣н̣анаа нидтид̇аа.
Dhammadassībuddhavaṃsavaṇṇanā niṭṭhitā.
нидтид̇о баннарасамо б̣уд̣̇д̇хавам̣со.
Niṭṭhito pannarasamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 17. д̇хаммад̣̇ассийб̣уд̣̇д̇хавам̣со • 17. Dhammadassībuddhavaṃso
