| Library / Tipiṭaka / ติปิฎก • Tipiṭaka / พุทฺธวํสปาฬิ • Buddhavaṃsapāḷi |
๑๗. ธมฺมทสฺสีพุทฺธวํโส
17. Dhammadassībuddhavaṃso
๑.
1.
ตเตฺถว มณฺฑกปฺปมฺหิ, ธมฺมทสฺสี มหายโส;
Tattheva maṇḍakappamhi, dhammadassī mahāyaso;
ตมนฺธการํ วิธมิตฺวา, อติโรจติ สเทวเกฯ
Tamandhakāraṃ vidhamitvā, atirocati sadevake.
๒.
2.
ตสฺสาปิ อตุลเตชสฺส, ธมฺมจกฺกปฺปวตฺตเน;
Tassāpi atulatejassa, dhammacakkappavattane;
โกฎิสตสหสฺสานํ, ปฐมาภิสมโย อหุฯ
Koṭisatasahassānaṃ, paṭhamābhisamayo ahu.
๓.
3.
ยทา พุโทฺธ ธมฺมทสฺสี, วิเนสิ สญฺชยํ อิสิํ;
Yadā buddho dhammadassī, vinesi sañjayaṃ isiṃ;
ตทา นวุติโกฎีนํ, ทุติยาภิสมโย อหุฯ
Tadā navutikoṭīnaṃ, dutiyābhisamayo ahu.
๔.
4.
ยทา สโกฺก อุปาคญฺฉิ, สปริโส วินายกํ;
Yadā sakko upāgañchi, sapariso vināyakaṃ;
ตทา อสีติโกฎีนํ, ตติยาภิสมโย อหุฯ
Tadā asītikoṭīnaṃ, tatiyābhisamayo ahu.
๕.
5.
ขีณาสวานํ วิมลานํ, สนฺตจิตฺตาน ตาทินํฯ
Khīṇāsavānaṃ vimalānaṃ, santacittāna tādinaṃ.
๖.
6.
ยทา พุโทฺธ ธมฺมทสฺสี, สรเณ วสฺสํ อุปาคมิ;
Yadā buddho dhammadassī, saraṇe vassaṃ upāgami;
๗.
7.
ปุนาปรํ ยทา พุโทฺธ, เทวโต เอติ มานุสํ;
Punāparaṃ yadā buddho, devato eti mānusaṃ;
ตทาปิ สตโกฎีนํ, ทุติโย อาสิ สมาคโมฯ
Tadāpi satakoṭīnaṃ, dutiyo āsi samāgamo.
๘.
8.
ปุนาปรํ ยทา พุโทฺธ, ปกาเสสิ ธุเต คุเณ;
Punāparaṃ yadā buddho, pakāsesi dhute guṇe;
ตทา อสีติโกฎีนํ, ตติโย อาสิ สมาคโมฯ
Tadā asītikoṭīnaṃ, tatiyo āsi samāgamo.
๙.
9.
อหํ เตน สมเยน, สโกฺก อาสิํ ปุรินฺทโท;
Ahaṃ tena samayena, sakko āsiṃ purindado;
ทิเพฺพน คนฺธมาเลน, ตุริเยนาภิปูชยิํฯ
Dibbena gandhamālena, turiyenābhipūjayiṃ.
๑๐.
10.
โสปิ มํ พุโทฺธ พฺยากาสิ, เทวมเชฺฌ นิสีทิย;
Sopi maṃ buddho byākāsi, devamajjhe nisīdiya;
‘‘อฎฺฐารเส กปฺปสเต, อยํ พุโทฺธ ภวิสฺสติฯ
‘‘Aṭṭhārase kappasate, ayaṃ buddho bhavissati.
๑๑.
11.
‘‘ปธานํ ปทหิตฺวาน…เป.… เหสฺสาม สมฺมุขา อิมํ’’ฯ
‘‘Padhānaṃ padahitvāna…pe… hessāma sammukhā imaṃ’’.
๑๒.
12.
ตสฺสาปิ วจนํ สุตฺวา, ภิโยฺย จิตฺตํ ปสาทยิํ;
Tassāpi vacanaṃ sutvā, bhiyyo cittaṃ pasādayiṃ;
อุตฺตริํ วตมธิฎฺฐาสิํ, ทสปารมิปูริยาฯ
Uttariṃ vatamadhiṭṭhāsiṃ, dasapāramipūriyā.
๑๓.
13.
สรณํ นาม นครํ, สรโณ นาม ขตฺติโย;
Saraṇaṃ nāma nagaraṃ, saraṇo nāma khattiyo;
สุนนฺทา นาม ชนิกา, ธมฺมทสฺสิสฺส สตฺถุโนฯ
Sunandā nāma janikā, dhammadassissa satthuno.
๑๔.
14.
อฎฺฐวสฺสสหสฺสานิ , อคารํ อชฺฌ โส วสิ;
Aṭṭhavassasahassāni , agāraṃ ajjha so vasi;
อรโช วิรโช สุทสฺสโน, ตโย ปาสาทมุตฺตมาฯ
Arajo virajo sudassano, tayo pāsādamuttamā.
๑๕.
15.
วิจิโกฬิ นาม นารี, อตฺรโช ปุญฺญวฑฺฒโนฯ
Vicikoḷi nāma nārī, atrajo puññavaḍḍhano.
๑๖.
16.
นิมิเตฺต จตุโร ทิสฺวา, ปาสาเทนาภินิกฺขมิ;
Nimitte caturo disvā, pāsādenābhinikkhami;
สตฺตาหํ ปธานจารํ, อจรี ปุริสุตฺตโมฯ
Sattāhaṃ padhānacāraṃ, acarī purisuttamo.
๑๗.
17.
พฺรหฺมุนา ยาจิโต สโนฺต, ธมฺมทสฺสี นราสโภ;
Brahmunā yācito santo, dhammadassī narāsabho;
วตฺติ จกฺกํ มหาวีโร, มิคทาเย นรุตฺตโมฯ
Vatti cakkaṃ mahāvīro, migadāye naruttamo.
๑๘.
18.
ปทุโม ผุสฺสเทโว จ, อเหสุํ อคฺคสาวกา;
Padumo phussadevo ca, ahesuṃ aggasāvakā;
๑๙.
19.
เขมา จ สจฺจนามา จ, อเหสุํ อคฺคสาวิกา;
Khemā ca saccanāmā ca, ahesuṃ aggasāvikā;
โพธิ ตสฺส ภควโต, พิมฺพิชาโลติ วุจฺจติฯ
Bodhi tassa bhagavato, bimbijāloti vuccati.
๒๐.
20.
สุภโทฺท กฎิสฺสโห เจว, อเหสุํ อคฺคุปฎฺฐกา;
Subhaddo kaṭissaho ceva, ahesuṃ aggupaṭṭhakā;
๒๑.
21.
โสปิ พุโทฺธ อสมสโม, อสีติหตฺถมุคฺคโต;
Sopi buddho asamasamo, asītihatthamuggato;
อติโรจติ เตเชน, ทสสหสฺสิมฺหิ ธาตุยาฯ
Atirocati tejena, dasasahassimhi dhātuyā.
๒๒.
22.
สุผุโลฺล สาลราชาว, วิชฺชูว คคเน ยถา;
Suphullo sālarājāva, vijjūva gagane yathā;
มชฺฌนฺหิเกว สูริโย, เอวํ โส อุปโสภถฯ
Majjhanhikeva sūriyo, evaṃ so upasobhatha.
๒๓.
23.
ตสฺสาปิ อตุลเตชสฺส, สมกํ อาสิ ชีวิตํ;
Tassāpi atulatejassa, samakaṃ āsi jīvitaṃ;
วสฺสสตสหสฺสานิ, โลเก อฎฺฐาสิ จกฺขุมาฯ
Vassasatasahassāni, loke aṭṭhāsi cakkhumā.
๒๔.
24.
โอภาสํ ทสฺสยิตฺวาน, วิมลํ กตฺวาน สาสนํ;
Obhāsaṃ dassayitvāna, vimalaṃ katvāna sāsanaṃ;
จวิ จโนฺทว คคเน, นิพฺพุโต โส สสาวโกฯ
Cavi candova gagane, nibbuto so sasāvako.
๒๕.
25.
ธมฺมทสฺสี มหาวีโร, สาลารามมฺหิ นิพฺพุโต;
Dhammadassī mahāvīro, sālārāmamhi nibbuto;
ตเตฺถวสฺส ถูปวโร, ตีณิโยชนมุคฺคโตติฯ
Tatthevassa thūpavaro, tīṇiyojanamuggatoti.
ธมฺมทสฺสิสฺส ภควโต วํโส ปนฺนรสโมฯ
Dhammadassissa bhagavato vaṃso pannarasamo.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / พุทฺธวํส-อฎฺฐกถา • Buddhavaṃsa-aṭṭhakathā / ๑๗. ธมฺมทสฺสีพุทฺธวํสวณฺณนา • 17. Dhammadassībuddhavaṃsavaṇṇanā
