| Library / Tipiṭaka / ತಿಪಿಟಕ • Tipiṭaka / ಬುದ್ಧವಂಸಪಾಳಿ • Buddhavaṃsapāḷi |
೧೭. ಧಮ್ಮದಸ್ಸೀಬುದ್ಧವಂಸೋ
17. Dhammadassībuddhavaṃso
೧.
1.
ತತ್ಥೇವ ಮಣ್ಡಕಪ್ಪಮ್ಹಿ, ಧಮ್ಮದಸ್ಸೀ ಮಹಾಯಸೋ।
Tattheva maṇḍakappamhi, dhammadassī mahāyaso;
ತಮನ್ಧಕಾರಂ ವಿಧಮಿತ್ವಾ, ಅತಿರೋಚತಿ ಸದೇವಕೇ॥
Tamandhakāraṃ vidhamitvā, atirocati sadevake.
೨.
2.
ತಸ್ಸಾಪಿ ಅತುಲತೇಜಸ್ಸ, ಧಮ್ಮಚಕ್ಕಪ್ಪವತ್ತನೇ।
Tassāpi atulatejassa, dhammacakkappavattane;
ಕೋಟಿಸತಸಹಸ್ಸಾನಂ, ಪಠಮಾಭಿಸಮಯೋ ಅಹು॥
Koṭisatasahassānaṃ, paṭhamābhisamayo ahu.
೩.
3.
ಯದಾ ಬುದ್ಧೋ ಧಮ್ಮದಸ್ಸೀ, ವಿನೇಸಿ ಸಞ್ಜಯಂ ಇಸಿಂ।
Yadā buddho dhammadassī, vinesi sañjayaṃ isiṃ;
ತದಾ ನವುತಿಕೋಟೀನಂ, ದುತಿಯಾಭಿಸಮಯೋ ಅಹು॥
Tadā navutikoṭīnaṃ, dutiyābhisamayo ahu.
೪.
4.
ಯದಾ ಸಕ್ಕೋ ಉಪಾಗಞ್ಛಿ, ಸಪರಿಸೋ ವಿನಾಯಕಂ।
Yadā sakko upāgañchi, sapariso vināyakaṃ;
ತದಾ ಅಸೀತಿಕೋಟೀನಂ, ತತಿಯಾಭಿಸಮಯೋ ಅಹು॥
Tadā asītikoṭīnaṃ, tatiyābhisamayo ahu.
೫.
5.
ಖೀಣಾಸವಾನಂ ವಿಮಲಾನಂ, ಸನ್ತಚಿತ್ತಾನ ತಾದಿನಂ॥
Khīṇāsavānaṃ vimalānaṃ, santacittāna tādinaṃ.
೬.
6.
ಯದಾ ಬುದ್ಧೋ ಧಮ್ಮದಸ್ಸೀ, ಸರಣೇ ವಸ್ಸಂ ಉಪಾಗಮಿ।
Yadā buddho dhammadassī, saraṇe vassaṃ upāgami;
೭.
7.
ಪುನಾಪರಂ ಯದಾ ಬುದ್ಧೋ, ದೇವತೋ ಏತಿ ಮಾನುಸಂ।
Punāparaṃ yadā buddho, devato eti mānusaṃ;
ತದಾಪಿ ಸತಕೋಟೀನಂ, ದುತಿಯೋ ಆಸಿ ಸಮಾಗಮೋ॥
Tadāpi satakoṭīnaṃ, dutiyo āsi samāgamo.
೮.
8.
ಪುನಾಪರಂ ಯದಾ ಬುದ್ಧೋ, ಪಕಾಸೇಸಿ ಧುತೇ ಗುಣೇ।
Punāparaṃ yadā buddho, pakāsesi dhute guṇe;
ತದಾ ಅಸೀತಿಕೋಟೀನಂ, ತತಿಯೋ ಆಸಿ ಸಮಾಗಮೋ॥
Tadā asītikoṭīnaṃ, tatiyo āsi samāgamo.
೯.
9.
ಅಹಂ ತೇನ ಸಮಯೇನ, ಸಕ್ಕೋ ಆಸಿಂ ಪುರಿನ್ದದೋ।
Ahaṃ tena samayena, sakko āsiṃ purindado;
ದಿಬ್ಬೇನ ಗನ್ಧಮಾಲೇನ, ತುರಿಯೇನಾಭಿಪೂಜಯಿಂ॥
Dibbena gandhamālena, turiyenābhipūjayiṃ.
೧೦.
10.
ಸೋಪಿ ಮಂ ಬುದ್ಧೋ ಬ್ಯಾಕಾಸಿ, ದೇವಮಜ್ಝೇ ನಿಸೀದಿಯ।
Sopi maṃ buddho byākāsi, devamajjhe nisīdiya;
‘‘ಅಟ್ಠಾರಸೇ ಕಪ್ಪಸತೇ, ಅಯಂ ಬುದ್ಧೋ ಭವಿಸ್ಸತಿ॥
‘‘Aṭṭhārase kappasate, ayaṃ buddho bhavissati.
೧೧.
11.
‘‘ಪಧಾನಂ ಪದಹಿತ್ವಾನ…ಪೇ॰… ಹೇಸ್ಸಾಮ ಸಮ್ಮುಖಾ ಇಮಂ’’॥
‘‘Padhānaṃ padahitvāna…pe… hessāma sammukhā imaṃ’’.
೧೨.
12.
ತಸ್ಸಾಪಿ ವಚನಂ ಸುತ್ವಾ, ಭಿಯ್ಯೋ ಚಿತ್ತಂ ಪಸಾದಯಿಂ।
Tassāpi vacanaṃ sutvā, bhiyyo cittaṃ pasādayiṃ;
ಉತ್ತರಿಂ ವತಮಧಿಟ್ಠಾಸಿಂ, ದಸಪಾರಮಿಪೂರಿಯಾ॥
Uttariṃ vatamadhiṭṭhāsiṃ, dasapāramipūriyā.
೧೩.
13.
ಸರಣಂ ನಾಮ ನಗರಂ, ಸರಣೋ ನಾಮ ಖತ್ತಿಯೋ।
Saraṇaṃ nāma nagaraṃ, saraṇo nāma khattiyo;
ಸುನನ್ದಾ ನಾಮ ಜನಿಕಾ, ಧಮ್ಮದಸ್ಸಿಸ್ಸ ಸತ್ಥುನೋ॥
Sunandā nāma janikā, dhammadassissa satthuno.
೧೪.
14.
ಅಟ್ಠವಸ್ಸಸಹಸ್ಸಾನಿ , ಅಗಾರಂ ಅಜ್ಝ ಸೋ ವಸಿ।
Aṭṭhavassasahassāni , agāraṃ ajjha so vasi;
ಅರಜೋ ವಿರಜೋ ಸುದಸ್ಸನೋ, ತಯೋ ಪಾಸಾದಮುತ್ತಮಾ॥
Arajo virajo sudassano, tayo pāsādamuttamā.
೧೫.
15.
ವಿಚಿಕೋಳಿ ನಾಮ ನಾರೀ, ಅತ್ರಜೋ ಪುಞ್ಞವಡ್ಢನೋ॥
Vicikoḷi nāma nārī, atrajo puññavaḍḍhano.
೧೬.
16.
ನಿಮಿತ್ತೇ ಚತುರೋ ದಿಸ್ವಾ, ಪಾಸಾದೇನಾಭಿನಿಕ್ಖಮಿ।
Nimitte caturo disvā, pāsādenābhinikkhami;
ಸತ್ತಾಹಂ ಪಧಾನಚಾರಂ, ಅಚರೀ ಪುರಿಸುತ್ತಮೋ॥
Sattāhaṃ padhānacāraṃ, acarī purisuttamo.
೧೭.
17.
ಬ್ರಹ್ಮುನಾ ಯಾಚಿತೋ ಸನ್ತೋ, ಧಮ್ಮದಸ್ಸೀ ನರಾಸಭೋ।
Brahmunā yācito santo, dhammadassī narāsabho;
ವತ್ತಿ ಚಕ್ಕಂ ಮಹಾವೀರೋ, ಮಿಗದಾಯೇ ನರುತ್ತಮೋ॥
Vatti cakkaṃ mahāvīro, migadāye naruttamo.
೧೮.
18.
ಪದುಮೋ ಫುಸ್ಸದೇವೋ ಚ, ಅಹೇಸುಂ ಅಗ್ಗಸಾವಕಾ।
Padumo phussadevo ca, ahesuṃ aggasāvakā;
೧೯.
19.
ಖೇಮಾ ಚ ಸಚ್ಚನಾಮಾ ಚ, ಅಹೇಸುಂ ಅಗ್ಗಸಾವಿಕಾ।
Khemā ca saccanāmā ca, ahesuṃ aggasāvikā;
ಬೋಧಿ ತಸ್ಸ ಭಗವತೋ, ಬಿಮ್ಬಿಜಾಲೋತಿ ವುಚ್ಚತಿ॥
Bodhi tassa bhagavato, bimbijāloti vuccati.
೨೦.
20.
ಸುಭದ್ದೋ ಕಟಿಸ್ಸಹೋ ಚೇವ, ಅಹೇಸುಂ ಅಗ್ಗುಪಟ್ಠಕಾ।
Subhaddo kaṭissaho ceva, ahesuṃ aggupaṭṭhakā;
೨೧.
21.
ಸೋಪಿ ಬುದ್ಧೋ ಅಸಮಸಮೋ, ಅಸೀತಿಹತ್ಥಮುಗ್ಗತೋ।
Sopi buddho asamasamo, asītihatthamuggato;
ಅತಿರೋಚತಿ ತೇಜೇನ, ದಸಸಹಸ್ಸಿಮ್ಹಿ ಧಾತುಯಾ॥
Atirocati tejena, dasasahassimhi dhātuyā.
೨೨.
22.
ಸುಫುಲ್ಲೋ ಸಾಲರಾಜಾವ, ವಿಜ್ಜೂವ ಗಗನೇ ಯಥಾ।
Suphullo sālarājāva, vijjūva gagane yathā;
ಮಜ್ಝನ್ಹಿಕೇವ ಸೂರಿಯೋ, ಏವಂ ಸೋ ಉಪಸೋಭಥ॥
Majjhanhikeva sūriyo, evaṃ so upasobhatha.
೨೩.
23.
ತಸ್ಸಾಪಿ ಅತುಲತೇಜಸ್ಸ, ಸಮಕಂ ಆಸಿ ಜೀವಿತಂ।
Tassāpi atulatejassa, samakaṃ āsi jīvitaṃ;
ವಸ್ಸಸತಸಹಸ್ಸಾನಿ, ಲೋಕೇ ಅಟ್ಠಾಸಿ ಚಕ್ಖುಮಾ॥
Vassasatasahassāni, loke aṭṭhāsi cakkhumā.
೨೪.
24.
ಓಭಾಸಂ ದಸ್ಸಯಿತ್ವಾನ, ವಿಮಲಂ ಕತ್ವಾನ ಸಾಸನಂ।
Obhāsaṃ dassayitvāna, vimalaṃ katvāna sāsanaṃ;
ಚವಿ ಚನ್ದೋವ ಗಗನೇ, ನಿಬ್ಬುತೋ ಸೋ ಸಸಾವಕೋ॥
Cavi candova gagane, nibbuto so sasāvako.
೨೫.
25.
ಧಮ್ಮದಸ್ಸೀ ಮಹಾವೀರೋ, ಸಾಲಾರಾಮಮ್ಹಿ ನಿಬ್ಬುತೋ।
Dhammadassī mahāvīro, sālārāmamhi nibbuto;
ತತ್ಥೇವಸ್ಸ ಥೂಪವರೋ, ತೀಣಿಯೋಜನಮುಗ್ಗತೋತಿ॥
Tatthevassa thūpavaro, tīṇiyojanamuggatoti.
ಧಮ್ಮದಸ್ಸಿಸ್ಸ ಭಗವತೋ ವಂಸೋ ಪನ್ನರಸಮೋ।
Dhammadassissa bhagavato vaṃso pannarasamo.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಬುದ್ಧವಂಸ-ಅಟ್ಠಕಥಾ • Buddhavaṃsa-aṭṭhakathā / ೧೭. ಧಮ್ಮದಸ್ಸೀಬುದ್ಧವಂಸವಣ್ಣನಾ • 17. Dhammadassībuddhavaṃsavaṇṇanā
