| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੩. ਧਮ੍ਮਦਾਯਾਦਸੁਤ੍ਤਂ
3. Dhammadāyādasuttaṃ
੨੯. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਭਿਕ੍ਖવੋ’’ਤਿ। ‘‘ਭਦਨ੍ਤੇ’’ਤਿ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ –
29. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ਧਮ੍ਮਦਾਯਾਦਾ ਮੇ, ਭਿਕ੍ਖવੇ, ਭવਥ, ਮਾ ਆਮਿਸਦਾਯਾਦਾ। ਅਤ੍ਥਿ ਮੇ ਤੁਮ੍ਹੇਸੁ ਅਨੁਕਮ੍ਪਾ – ‘ਕਿਨ੍ਤਿ ਮੇ ਸਾવਕਾ ਧਮ੍ਮਦਾਯਾਦਾ ਭવੇਯ੍ਯੁਂ, ਨੋ ਆਮਿਸਦਾਯਾਦਾ’ਤਿ। ਤੁਮ੍ਹੇ ਚ ਮੇ, ਭਿਕ੍ਖવੇ, ਆਮਿਸਦਾਯਾਦਾ ਭવੇਯ੍ਯਾਥ ਨੋ ਧਮ੍ਮਦਾਯਾਦਾ, ਤੁਮ੍ਹੇਪਿ ਤੇਨ ਆਦਿਯਾ 1 ਭવੇਯ੍ਯਾਥ – ‘ਆਮਿਸਦਾਯਾਦਾ ਸਤ੍ਥੁਸਾવਕਾ વਿਹਰਨ੍ਤਿ, ਨੋ ਧਮ੍ਮਦਾਯਾਦਾ’ਤਿ; ਅਹਮ੍ਪਿ ਤੇਨ ਆਦਿਯੋ ਭવੇਯ੍ਯਂ – ‘ਆਮਿਸਦਾਯਾਦਾ ਸਤ੍ਥੁਸਾવਕਾ વਿਹਰਨ੍ਤਿ, ਨੋ ਧਮ੍ਮਦਾਯਾਦਾ’ਤਿ। ਤੁਮ੍ਹੇ ਚ ਮੇ, ਭਿਕ੍ਖવੇ, ਧਮ੍ਮਦਾਯਾਦਾ ਭવੇਯ੍ਯਾਥ, ਨੋ ਆਮਿਸਦਾਯਾਦਾ, ਤੁਮ੍ਹੇਪਿ ਤੇਨ ਨ ਆਦਿਯਾ ਭવੇਯ੍ਯਾਥ – ‘ਧਮ੍ਮਦਾਯਾਦਾ ਸਤ੍ਥੁਸਾવਕਾ વਿਹਰਨ੍ਤਿ, ਨੋ ਆਮਿਸਦਾਯਾਦਾ’ਤਿ; ਅਹਮ੍ਪਿ ਤੇਨ ਨ ਆਦਿਯੋ ਭવੇਯ੍ਯਂ – ‘ਧਮ੍ਮਦਾਯਾਦਾ ਸਤ੍ਥੁਸਾવਕਾ વਿਹਰਨ੍ਤਿ, ਨੋ ਆਮਿਸਦਾਯਾਦਾ’ਤਿ। ਤਸ੍ਮਾਤਿਹ ਮੇ, ਭਿਕ੍ਖવੇ, ਧਮ੍ਮਦਾਯਾਦਾ ਭવਥ, ਮਾ ਆਮਿਸਦਾਯਾਦਾ। ਅਤ੍ਥਿ ਮੇ ਤੁਮ੍ਹੇਸੁ ਅਨੁਕਮ੍ਪਾ – ‘ਕਿਨ੍ਤਿ ਮੇ ਸਾવਕਾ ਧਮ੍ਮਦਾਯਾਦਾ ਭવੇਯ੍ਯੁਂ, ਨੋ ਆਮਿਸਦਾਯਾਦਾ’ਤਿ।
‘‘Dhammadāyādā me, bhikkhave, bhavatha, mā āmisadāyādā. Atthi me tumhesu anukampā – ‘kinti me sāvakā dhammadāyādā bhaveyyuṃ, no āmisadāyādā’ti. Tumhe ca me, bhikkhave, āmisadāyādā bhaveyyātha no dhammadāyādā, tumhepi tena ādiyā 2 bhaveyyātha – ‘āmisadāyādā satthusāvakā viharanti, no dhammadāyādā’ti; ahampi tena ādiyo bhaveyyaṃ – ‘āmisadāyādā satthusāvakā viharanti, no dhammadāyādā’ti. Tumhe ca me, bhikkhave, dhammadāyādā bhaveyyātha, no āmisadāyādā, tumhepi tena na ādiyā bhaveyyātha – ‘dhammadāyādā satthusāvakā viharanti, no āmisadāyādā’ti; ahampi tena na ādiyo bhaveyyaṃ – ‘dhammadāyādā satthusāvakā viharanti, no āmisadāyādā’ti. Tasmātiha me, bhikkhave, dhammadāyādā bhavatha, mā āmisadāyādā. Atthi me tumhesu anukampā – ‘kinti me sāvakā dhammadāyādā bhaveyyuṃ, no āmisadāyādā’ti.
੩੦. ‘‘ਇਧਾਹਂ, ਭਿਕ੍ਖવੇ, ਭੁਤ੍ਤਾવੀ ਅਸ੍ਸਂ ਪવਾਰਿਤੋ ਪਰਿਪੁਣ੍ਣੋ ਪਰਿਯੋਸਿਤੋ ਸੁਹਿਤੋ ਯਾવਦਤ੍ਥੋ; ਸਿਯਾ ਚ ਮੇ ਪਿਣ੍ਡਪਾਤੋ ਅਤਿਰੇਕਧਮ੍ਮੋ ਛਡ੍ਡਨੀਯਧਮ੍ਮੋ 3। ਅਥ ਦ੍વੇ ਭਿਕ੍ਖੂ ਆਗਚ੍ਛੇਯ੍ਯੁਂ ਜਿਘਚ੍ਛਾਦੁਬ੍ਬਲ੍ਯ- 4 ਪਰੇਤਾ । ਤ੍ਯਾਹਂ ਏવਂ વਦੇਯ੍ਯਂ – ‘ਅਹਂ ਖੋਮ੍ਹਿ, ਭਿਕ੍ਖવੇ, ਭੁਤ੍ਤਾવੀ ਪવਾਰਿਤੋ ਪਰਿਪੁਣ੍ਣੋ ਪਰਿਯੋਸਿਤੋ ਸੁਹਿਤੋ ਯਾવਦਤ੍ਥੋ; ਅਤ੍ਥਿ ਚ ਮੇ ਅਯਂ ਪਿਣ੍ਡਪਾਤੋ ਅਤਿਰੇਕਧਮ੍ਮੋ ਛਡ੍ਡਨੀਯਧਮ੍ਮੋ। ਸਚੇ ਆਕਙ੍ਖਥ, ਭੁਞ੍ਜਥ, ਨੋ ਚੇ ਤੁਮ੍ਹੇ ਭੁਞ੍ਜਿਸ੍ਸਥ 5, ਇਦਾਨਾਹਂ ਅਪ੍ਪਹਰਿਤੇ વਾ ਛਡ੍ਡੇਸ੍ਸਾਮਿ, ਅਪ੍ਪਾਣਕੇ વਾ ਉਦਕੇ ਓਪਿਲਾਪੇਸ੍ਸਾਮੀ’ਤਿ। ਤਤ੍ਰੇਕਸ੍ਸ ਭਿਕ੍ਖੁਨੋ ਏવਮਸ੍ਸ – ‘ਭਗવਾ ਖੋ ਭੁਤ੍ਤਾવੀ ਪવਾਰਿਤੋ ਪਰਿਪੁਣ੍ਣੋ ਪਰਿਯੋਸਿਤੋ ਸੁਹਿਤੋ ਯਾવਦਤ੍ਥੋ; ਅਤ੍ਥਿ ਚਾਯਂ ਭਗવਤੋ ਪਿਣ੍ਡਪਾਤੋ ਅਤਿਰੇਕਧਮ੍ਮੋ ਛਡ੍ਡਨੀਯਧਮ੍ਮੋ। ਸਚੇ ਮਯਂ ਨ ਭੁਞ੍ਜਿਸ੍ਸਾਮ, ਇਦਾਨਿ ਭਗવਾ ਅਪ੍ਪਹਰਿਤੇ વਾ ਛਡ੍ਡੇਸ੍ਸਤਿ, ਅਪ੍ਪਾਣਕੇ વਾ ਉਦਕੇ ਓਪਿਲਾਪੇਸ੍ਸਤਿ’ । વੁਤ੍ਤਂ ਖੋ ਪਨੇਤਂ ਭਗવਤਾ – ‘ਧਮ੍ਮਦਾਯਾਦਾ ਮੇ, ਭਿਕ੍ਖવੇ, ਭવਥ, ਮਾ ਆਮਿਸਦਾਯਾਦਾ’ਤਿ। ਆਮਿਸਞ੍ਞਤਰਂ ਖੋ ਪਨੇਤਂ, ਯਦਿਦਂ ਪਿਣ੍ਡਪਾਤੋ। ਯਂਨੂਨਾਹਂ ਇਮਂ ਪਿਣ੍ਡਪਾਤਂ ਅਭੁਞ੍ਜਿਤ੍વਾ ਇਮਿਨਾવ ਜਿਘਚ੍ਛਾਦੁਬ੍ਬਲ੍ਯੇਨ ਏવਂ ਇਮਂ ਰਤ੍ਤਿਨ੍ਦਿવਂ 6 વੀਤਿਨਾਮੇਯ੍ਯ’’ਨ੍ਤਿ। ਸੋ ਤਂ ਪਿਣ੍ਡਪਾਤਂ ਅਭੁਞ੍ਜਿਤ੍વਾ ਤੇਨੇવ ਜਿਘਚ੍ਛਾਦੁਬ੍ਬਲ੍ਯੇਨ ਏવਂ ਤਂ ਰਤ੍ਤਿਨ੍ਦਿવਂ વੀਤਿਨਾਮੇਯ੍ਯ। ਅਥ ਦੁਤਿਯਸ੍ਸ ਭਿਕ੍ਖੁਨੋ ਏવਮਸ੍ਸ – ‘ਭਗવਾ ਖੋ ਭੁਤ੍ਤਾવੀ ਪવਾਰਿਤੋ ਪਰਿਪੁਣ੍ਣੋ ਪਰਿਯੋਸਿਤੋ ਸੁਹਿਤੋ ਯਾવਦਤ੍ਥੋ; ਅਤ੍ਥਿ ਚਾਯਂ ਭਗવਤੋ ਪਿਣ੍ਡਪਾਤੋ ਅਤਿਰੇਕਧਮ੍ਮੋ ਛਡ੍ਡਨੀਯਧਮ੍ਮੋ। ਸਚੇ ਮਯਂ ਨ ਭੁਞ੍ਜਿਸ੍ਸਾਮ, ਇਦਾਨਿ ਭਗવਾ ਅਪ੍ਪਹਰਿਤੇ વਾ ਛਡ੍ਡੇਸ੍ਸਤਿ, ਅਪ੍ਪਾਣਕੇ વਾ ਉਦਕੇ ਓਪਿਲਾਪੇਸ੍ਸਤਿ। ਯਂਨੂਨਾਹਂ ਇਮਂ ਪਿਣ੍ਡਪਾਤਂ ਭੁਞ੍ਜਿਤ੍વਾ ਜਿਘਚ੍ਛਾਦੁਬ੍ਬਲ੍ਯਂ ਪਟਿવਿਨੋਦੇਤ੍વਾ 7 ਏવਂ ਇਮਂ ਰਤ੍ਤਿਨ੍ਦਿવਂ વੀਤਿਨਾਮੇਯ੍ਯ’ਨ੍ਤਿ। ਸੋ ਤਂ ਪਿਣ੍ਡਪਾਤਂ ਭੁਞ੍ਜਿਤ੍વਾ ਜਿਘਚ੍ਛਾਦੁਬ੍ਬਲ੍ਯਂ ਪਟਿવਿਨੋਦੇਤ੍વਾ ਏવਂ ਤਂ ਰਤ੍ਤਿਨ੍ਦਿવਂ વੀਤਿਨਾਮੇਯ੍ਯ। ਕਿਞ੍ਚਾਪਿ ਸੋ, ਭਿਕ੍ਖવੇ, ਭਿਕ੍ਖੁ ਤਂ ਪਿਣ੍ਡਪਾਤਂ ਭੁਞ੍ਜਿਤ੍વਾ ਜਿਘਚ੍ਛਾਦੁਬ੍ਬਲ੍ਯਂ ਪਟਿવਿਨੋਦੇਤ੍વਾ ਏવਂ ਤਂ ਰਤ੍ਤਿਨ੍ਦਿવਂ વੀਤਿਨਾਮੇਯ੍ਯ, ਅਥ ਖੋ ਅਸੁਯੇવ ਮੇ ਪੁਰਿਮੋ ਭਿਕ੍ਖੁ ਪੁਜ੍ਜਤਰੋ ਚ ਪਾਸਂਸਤਰੋ ਚ। ਤਂ ਕਿਸ੍ਸ ਹੇਤੁ? ਤਞ੍ਹਿ ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਦੀਘਰਤ੍ਤਂ ਅਪ੍ਪਿਚ੍ਛਤਾਯ ਸਨ੍ਤੁਟ੍ਠਿਯਾ ਸਲ੍ਲੇਖਾਯ ਸੁਭਰਤਾਯ વੀਰਿਯਾਰਮ੍ਭਾਯ ਸਂવਤ੍ਤਿਸ੍ਸਤਿ। ਤਸ੍ਮਾਤਿਹ ਮੇ, ਭਿਕ੍ਖવੇ, ਧਮ੍ਮਦਾਯਾਦਾ ਭવਥ, ਮਾ ਆਮਿਸਦਾਯਾਦਾ। ਅਤ੍ਥਿ ਮੇ ਤੁਮ੍ਹੇਸੁ ਅਨੁਕਮ੍ਪਾ – ‘ਕਿਨ੍ਤਿ ਮੇ ਸਾવਕਾ ਧਮ੍ਮਦਾਯਾਦਾ ਭવੇਯ੍ਯੁਂ, ਨੋ ਆਮਿਸਦਾਯਾਦਾ’’’ਤਿ।
30. ‘‘Idhāhaṃ, bhikkhave, bhuttāvī assaṃ pavārito paripuṇṇo pariyosito suhito yāvadattho; siyā ca me piṇḍapāto atirekadhammo chaḍḍanīyadhammo 8. Atha dve bhikkhū āgaccheyyuṃ jighacchādubbalya- 9 paretā . Tyāhaṃ evaṃ vadeyyaṃ – ‘ahaṃ khomhi, bhikkhave, bhuttāvī pavārito paripuṇṇo pariyosito suhito yāvadattho; atthi ca me ayaṃ piṇḍapāto atirekadhammo chaḍḍanīyadhammo. Sace ākaṅkhatha, bhuñjatha, no ce tumhe bhuñjissatha 10, idānāhaṃ appaharite vā chaḍḍessāmi, appāṇake vā udake opilāpessāmī’ti. Tatrekassa bhikkhuno evamassa – ‘bhagavā kho bhuttāvī pavārito paripuṇṇo pariyosito suhito yāvadattho; atthi cāyaṃ bhagavato piṇḍapāto atirekadhammo chaḍḍanīyadhammo. Sace mayaṃ na bhuñjissāma, idāni bhagavā appaharite vā chaḍḍessati, appāṇake vā udake opilāpessati’ . Vuttaṃ kho panetaṃ bhagavatā – ‘dhammadāyādā me, bhikkhave, bhavatha, mā āmisadāyādā’ti. Āmisaññataraṃ kho panetaṃ, yadidaṃ piṇḍapāto. Yaṃnūnāhaṃ imaṃ piṇḍapātaṃ abhuñjitvā imināva jighacchādubbalyena evaṃ imaṃ rattindivaṃ 11 vītināmeyya’’nti. So taṃ piṇḍapātaṃ abhuñjitvā teneva jighacchādubbalyena evaṃ taṃ rattindivaṃ vītināmeyya. Atha dutiyassa bhikkhuno evamassa – ‘bhagavā kho bhuttāvī pavārito paripuṇṇo pariyosito suhito yāvadattho; atthi cāyaṃ bhagavato piṇḍapāto atirekadhammo chaḍḍanīyadhammo. Sace mayaṃ na bhuñjissāma, idāni bhagavā appaharite vā chaḍḍessati, appāṇake vā udake opilāpessati. Yaṃnūnāhaṃ imaṃ piṇḍapātaṃ bhuñjitvā jighacchādubbalyaṃ paṭivinodetvā 12 evaṃ imaṃ rattindivaṃ vītināmeyya’nti. So taṃ piṇḍapātaṃ bhuñjitvā jighacchādubbalyaṃ paṭivinodetvā evaṃ taṃ rattindivaṃ vītināmeyya. Kiñcāpi so, bhikkhave, bhikkhu taṃ piṇḍapātaṃ bhuñjitvā jighacchādubbalyaṃ paṭivinodetvā evaṃ taṃ rattindivaṃ vītināmeyya, atha kho asuyeva me purimo bhikkhu pujjataro ca pāsaṃsataro ca. Taṃ kissa hetu? Tañhi tassa, bhikkhave, bhikkhuno dīgharattaṃ appicchatāya santuṭṭhiyā sallekhāya subharatāya vīriyārambhāya saṃvattissati. Tasmātiha me, bhikkhave, dhammadāyādā bhavatha, mā āmisadāyādā. Atthi me tumhesu anukampā – ‘kinti me sāvakā dhammadāyādā bhaveyyuṃ, no āmisadāyādā’’’ti.
ਇਦਮવੋਚ ਭਗવਾ। ਇਦਂ વਤ੍વਾਨ 13 ਸੁਗਤੋ ਉਟ੍ਠਾਯਾਸਨਾ વਿਹਾਰਂ ਪਾવਿਸਿ।
Idamavoca bhagavā. Idaṃ vatvāna 14 sugato uṭṭhāyāsanā vihāraṃ pāvisi.
੩੧. ਤਤ੍ਰ ਖੋ ਆਯਸ੍ਮਾ ਸਾਰਿਪੁਤ੍ਤੋ ਅਚਿਰਪਕ੍ਕਨ੍ਤਸ੍ਸ ਭਗવਤੋ ਭਿਕ੍ਖੂ ਆਮਨ੍ਤੇਸਿ – ‘‘ਆવੁਸੋ ਭਿਕ੍ਖવੇ’’ਤਿ। ‘‘ਆવੁਸੋ’’ਤਿ ਖੋ ਤੇ ਭਿਕ੍ਖੂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਪਚ੍ਚਸ੍ਸੋਸੁਂ। ਆਯਸ੍ਮਾ ਸਾਰਿਪੁਤ੍ਤੋ ਏਤਦવੋਚ –
31. Tatra kho āyasmā sāriputto acirapakkantassa bhagavato bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘ਕਿਤ੍ਤਾવਤਾ ਨੁ ਖੋ, ਆવੁਸੋ, ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਂ ਨਾਨੁਸਿਕ੍ਖਨ੍ਤਿ, ਕਿਤ੍ਤਾવਤਾ ਚ ਪਨ ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਮਨੁਸਿਕ੍ਖਨ੍ਤੀ’’ਤਿ? ‘‘ਦੂਰਤੋਪਿ ਖੋ ਮਯਂ, ਆવੁਸੋ, ਆਗਚ੍ਛਾਮ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਸਨ੍ਤਿਕੇ ਏਤਸ੍ਸ ਭਾਸਿਤਸ੍ਸ ਅਤ੍ਥਮਞ੍ਞਾਤੁਂ। ਸਾਧੁ વਤਾਯਸ੍ਮਨ੍ਤਂਯੇવ ਸਾਰਿਪੁਤ੍ਤਂ ਪਟਿਭਾਤੁ ਏਤਸ੍ਸ ਭਾਸਿਤਸ੍ਸ ਅਤ੍ਥੋ; ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਸੁਤ੍વਾ ਭਿਕ੍ਖੂ ਧਾਰੇਸ੍ਸਨ੍ਤੀ’’ਤਿ। ‘‘ਤੇਨ ਹਾવੁਸੋ, ਸੁਣਾਥ, ਸਾਧੁਕਂ ਮਨਸਿ ਕਰੋਥ, ਭਾਸਿਸ੍ਸਾਮੀ’’ਤਿ। ‘‘ਏવਮਾવੁਸੋ’’ਤਿ ਖੋ ਤੇ ਭਿਕ੍ਖੂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਪਚ੍ਚਸ੍ਸੋਸੁਂ। ਆਯਸ੍ਮਾ ਸਾਰਿਪੁਤ੍ਤੋ ਏਤਦવੋਚ –
‘‘Kittāvatā nu kho, āvuso, satthu pavivittassa viharato sāvakā vivekaṃ nānusikkhanti, kittāvatā ca pana satthu pavivittassa viharato sāvakā vivekamanusikkhantī’’ti? ‘‘Dūratopi kho mayaṃ, āvuso, āgacchāma āyasmato sāriputtassa santike etassa bhāsitassa atthamaññātuṃ. Sādhu vatāyasmantaṃyeva sāriputtaṃ paṭibhātu etassa bhāsitassa attho; āyasmato sāriputtassa sutvā bhikkhū dhāressantī’’ti. ‘‘Tena hāvuso, suṇātha, sādhukaṃ manasi karotha, bhāsissāmī’’ti. ‘‘Evamāvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘ਕਿਤ੍ਤਾવਤਾ ਨੁ ਖੋ, ਆવੁਸੋ, ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਂ ਨਾਨੁਸਿਕ੍ਖਨ੍ਤਿ? ਇਧਾવੁਸੋ, ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਂ ਨਾਨੁਸਿਕ੍ਖਨ੍ਤਿ, ਯੇਸਞ੍ਚ ਧਮ੍ਮਾਨਂ ਸਤ੍ਥਾ ਪਹਾਨਮਾਹ, ਤੇ ਚ ਧਮ੍ਮੇ ਨਪ੍ਪਜਹਨ੍ਤਿ, ਬਾਹੁਲਿਕਾ 15 ਚ ਹੋਨ੍ਤਿ, ਸਾਥਲਿਕਾ, ਓਕ੍ਕਮਨੇ ਪੁਬ੍ਬਙ੍ਗਮਾ, ਪવਿવੇਕੇ ਨਿਕ੍ਖਿਤ੍ਤਧੁਰਾ। ਤਤ੍ਰਾવੁਸੋ, ਥੇਰਾ ਭਿਕ੍ਖੂ ਤੀਹਿ ਠਾਨੇਹਿ ਗਾਰਯ੍ਹਾ ਭવਨ੍ਤਿ। ‘ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਂ ਨਾਨੁਸਿਕ੍ਖਨ੍ਤੀ’ਤਿ – ਇਮਿਨਾ ਪਠਮੇਨ ਠਾਨੇਨ ਥੇਰਾ ਭਿਕ੍ਖੂ ਗਾਰਯ੍ਹਾ ਭવਨ੍ਤਿ। ‘ਯੇਸਞ੍ਚ ਧਮ੍ਮਾਨਂ ਸਤ੍ਥਾ ਪਹਾਨਮਾਹ ਤੇ ਚ ਧਮ੍ਮੇ ਨਪ੍ਪਜਹਨ੍ਤੀ’ਤਿ – ਇਮਿਨਾ ਦੁਤਿਯੇਨ ਠਾਨੇਨ ਥੇਰਾ ਭਿਕ੍ਖੂ ਗਾਰਯ੍ਹਾ ਭવਨ੍ਤਿ। ‘ਬਾਹੁਲਿਕਾ ਚ, ਸਾਥਲਿਕਾ, ਓਕ੍ਕਮਨੇ ਪੁਬ੍ਬਙ੍ਗਮਾ, ਪવਿવੇਕੇ ਨਿਕ੍ਖਿਤ੍ਤਧੁਰਾ’ਤਿ – ਇਮਿਨਾ ਤਤਿਯੇਨ ਠਾਨੇਨ ਥੇਰਾ ਭਿਕ੍ਖੂ ਗਾਰਯ੍ਹਾ ਭવਨ੍ਤਿ। ਥੇਰਾ, ਆવੁਸੋ, ਭਿਕ੍ਖੂ ਇਮੇਹਿ ਤੀਹਿ ਠਾਨੇਹਿ ਗਾਰਯ੍ਹਾ ਭવਨ੍ਤਿ। ਤਤ੍ਰਾવੁਸੋ, ਮਜ੍ਝਿਮਾ ਭਿਕ੍ਖੂ…ਪੇ॰… ਨવਾ ਭਿਕ੍ਖੂ ਤੀਹਿ ਠਾਨੇਹਿ ਗਾਰਯ੍ਹਾ ਭવਨ੍ਤਿ। ‘ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਂ ਨਾਨੁਸਿਕ੍ਖਨ੍ਤੀ’ਤਿ – ਇਮਿਨਾ ਪਠਮੇਨ ਠਾਨੇਨ ਨવਾ ਭਿਕ੍ਖੂ ਗਾਰਯ੍ਹਾ ਭવਨ੍ਤਿ। ‘ਯੇਸਞ੍ਚ ਧਮ੍ਮਾਨਂ ਸਤ੍ਥਾ ਪਹਾਨਮਾਹ ਤੇ ਚ ਧਮ੍ਮੇ ਨਪ੍ਪਜਹਨ੍ਤੀ’ਤਿ – ਇਮਿਨਾ ਦੁਤਿਯੇਨ ਠਾਨੇਨ ਨવਾ ਭਿਕ੍ਖੂ ਗਾਰਯ੍ਹਾ ਭવਨ੍ਤਿ। ‘ਬਾਹੁਲਿਕਾ ਚ ਹੋਨ੍ਤਿ, ਸਾਥਲਿਕਾ, ਓਕ੍ਕਮਨੇ ਪੁਬ੍ਬਙ੍ਗਮਾ, ਪવਿવੇਕੇ ਨਿਕ੍ਖਿਤ੍ਤਧੁਰਾ’ਤਿ – ਇਮਿਨਾ ਤਤਿਯੇਨ ਠਾਨੇਨ ਨવਾ ਭਿਕ੍ਖੂ ਗਾਰਯ੍ਹਾ ਭવਨ੍ਤਿ। ਨવਾ, ਆવੁਸੋ, ਭਿਕ੍ਖੂ ਇਮੇਹਿ ਤੀਹਿ ਠਾਨੇਹਿ ਗਾਰਯ੍ਹਾ ਭવਨ੍ਤਿ। ਏਤ੍ਤਾવਤਾ ਖੋ, ਆવੁਸੋ, ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਂ ਨਾਨੁਸਿਕ੍ਖਨ੍ਤਿ।
‘‘Kittāvatā nu kho, āvuso, satthu pavivittassa viharato sāvakā vivekaṃ nānusikkhanti? Idhāvuso, satthu pavivittassa viharato sāvakā vivekaṃ nānusikkhanti, yesañca dhammānaṃ satthā pahānamāha, te ca dhamme nappajahanti, bāhulikā 16 ca honti, sāthalikā, okkamane pubbaṅgamā, paviveke nikkhittadhurā. Tatrāvuso, therā bhikkhū tīhi ṭhānehi gārayhā bhavanti. ‘Satthu pavivittassa viharato sāvakā vivekaṃ nānusikkhantī’ti – iminā paṭhamena ṭhānena therā bhikkhū gārayhā bhavanti. ‘Yesañca dhammānaṃ satthā pahānamāha te ca dhamme nappajahantī’ti – iminā dutiyena ṭhānena therā bhikkhū gārayhā bhavanti. ‘Bāhulikā ca, sāthalikā, okkamane pubbaṅgamā, paviveke nikkhittadhurā’ti – iminā tatiyena ṭhānena therā bhikkhū gārayhā bhavanti. Therā, āvuso, bhikkhū imehi tīhi ṭhānehi gārayhā bhavanti. Tatrāvuso, majjhimā bhikkhū…pe… navā bhikkhū tīhi ṭhānehi gārayhā bhavanti. ‘Satthu pavivittassa viharato sāvakā vivekaṃ nānusikkhantī’ti – iminā paṭhamena ṭhānena navā bhikkhū gārayhā bhavanti. ‘Yesañca dhammānaṃ satthā pahānamāha te ca dhamme nappajahantī’ti – iminā dutiyena ṭhānena navā bhikkhū gārayhā bhavanti. ‘Bāhulikā ca honti, sāthalikā, okkamane pubbaṅgamā, paviveke nikkhittadhurā’ti – iminā tatiyena ṭhānena navā bhikkhū gārayhā bhavanti. Navā, āvuso, bhikkhū imehi tīhi ṭhānehi gārayhā bhavanti. Ettāvatā kho, āvuso, satthu pavivittassa viharato sāvakā vivekaṃ nānusikkhanti.
੩੨. ‘‘ਕਿਤ੍ਤਾવਤਾ ਚ, ਪਨਾવੁਸੋ, ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਮਨੁਸਿਕ੍ਖਨ੍ਤਿ ? ਇਧਾવੁਸੋ, ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਮਨੁਸਿਕ੍ਖਨ੍ਤਿ – ਯੇਸਞ੍ਚ ਧਮ੍ਮਾਨਂ ਸਤ੍ਥਾ ਪਹਾਨਮਾਹ ਤੇ ਚ ਧਮ੍ਮੇ ਪਜਹਨ੍ਤਿ; ਨ ਚ ਬਾਹੁਲਿਕਾ ਹੋਨ੍ਤਿ, ਨ ਸਾਥਲਿਕਾ ਓਕ੍ਕਮਨੇ ਨਿਕ੍ਖਿਤ੍ਤਧੁਰਾ ਪવਿવੇਕੇ ਪੁਬ੍ਬਙ੍ਗਮਾ। ਤਤ੍ਰਾવੁਸੋ, ਥੇਰਾ ਭਿਕ੍ਖੂ ਤੀਹਿ ਠਾਨੇਹਿ ਪਾਸਂਸਾ ਭવਨ੍ਤਿ। ‘ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਮਨੁਸਿਕ੍ਖਨ੍ਤੀ’ਤਿ – ਇਮਿਨਾ ਪਠਮੇਨ ਠਾਨੇਨ ਥੇਰਾ ਭਿਕ੍ਖੂ ਪਾਸਂਸਾ ਭવਨ੍ਤਿ। ‘ਯੇਸਞ੍ਚ ਧਮ੍ਮਾਨਂ ਸਤ੍ਥਾ ਪਹਾਨਮਾਹ ਤੇ ਚ ਧਮ੍ਮੇ ਪਜਹਨ੍ਤੀ’ਤਿ – ਇਮਿਨਾ ਦੁਤਿਯੇਨ ਠਾਨੇਨ ਥੇਰਾ ਭਿਕ੍ਖੂ ਪਾਸਂਸਾ ਭવਨ੍ਤਿ। ‘ਨ ਚ ਬਾਹੁਲਿਕਾ, ਨ ਸਾਥਲਿਕਾ ਓਕ੍ਕਮਨੇ ਨਿਕ੍ਖਿਤ੍ਤਧੁਰਾ ਪવਿવੇਕੇ ਪੁਬ੍ਬਙ੍ਗਮਾ’ਤਿ – ਇਮਿਨਾ ਤਤਿਯੇਨ ਠਾਨੇਨ ਥੇਰਾ ਭਿਕ੍ਖੂ ਪਾਸਂਸਾ ਭવਨ੍ਤਿ। ਥੇਰਾ, ਆવੁਸੋ, ਭਿਕ੍ਖੂ ਇਮੇਹਿ ਤੀਹਿ ਠਾਨੇਹਿ ਪਾਸਂਸਾ ਭવਨ੍ਤਿ । ਤਤ੍ਰਾવੁਸੋ, ਮਜ੍ਝਿਮਾ ਭਿਕ੍ਖੂ…ਪੇ॰… ਨવਾ ਭਿਕ੍ਖੂ ਤੀਹਿ ਠਾਨੇਹਿ ਪਾਸਂਸਾ ਭવਨ੍ਤਿ। ‘ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਮਨੁਸਿਕ੍ਖਨ੍ਤੀ’ਤਿ – ਇਮਿਨਾ ਪਠਮੇਨ ਠਾਨੇਨ ਨવਾ ਭਿਕ੍ਖੂ ਪਾਸਂਸਾ ਭવਨ੍ਤਿ। ‘ਯੇਸਞ੍ਚ ਧਮ੍ਮਾਨਂ ਸਤ੍ਥਾ ਪਹਾਨਮਾਹ ਤੇ ਚ ਧਮ੍ਮੇ ਪਜਹਨ੍ਤੀ’ਤਿ – ਇਮਿਨਾ ਦੁਤਿਯੇਨ ਠਾਨੇਨ ਨવਾ ਭਿਕ੍ਖੂ ਪਾਸਂਸਾ ਭવਨ੍ਤਿ। ‘ਨ ਚ ਬਾਹੁਲਿਕਾ, ਨ ਸਾਥਲਿਕਾ ਓਕ੍ਕਮਨੇ ਨਿਕ੍ਖਿਤ੍ਤਧੁਰਾ ਪવਿવੇਕੇ ਪੁਬ੍ਬਙ੍ਗਮਾ’ਤਿ – ਇਮਿਨਾ ਤਤਿਯੇਨ ਠਾਨੇਨ ਨવਾ ਭਿਕ੍ਖੂ ਪਾਸਂਸਾ ਭવਨ੍ਤਿ। ਨવਾ, ਆવੁਸੋ, ਭਿਕ੍ਖੂ ਇਮੇਹਿ ਤੀਹਿ ਠਾਨੇਹਿ ਪਾਸਂਸਾ ਭવਨ੍ਤਿ। ਏਤ੍ਤਾવਤਾ ਖੋ, ਆવੁਸੋ, ਸਤ੍ਥੁ ਪવਿવਿਤ੍ਤਸ੍ਸ વਿਹਰਤੋ ਸਾવਕਾ વਿવੇਕਮਨੁਸਿਕ੍ਖਨ੍ਤਿ।
32. ‘‘Kittāvatā ca, panāvuso, satthu pavivittassa viharato sāvakā vivekamanusikkhanti ? Idhāvuso, satthu pavivittassa viharato sāvakā vivekamanusikkhanti – yesañca dhammānaṃ satthā pahānamāha te ca dhamme pajahanti; na ca bāhulikā honti, na sāthalikā okkamane nikkhittadhurā paviveke pubbaṅgamā. Tatrāvuso, therā bhikkhū tīhi ṭhānehi pāsaṃsā bhavanti. ‘Satthu pavivittassa viharato sāvakā vivekamanusikkhantī’ti – iminā paṭhamena ṭhānena therā bhikkhū pāsaṃsā bhavanti. ‘Yesañca dhammānaṃ satthā pahānamāha te ca dhamme pajahantī’ti – iminā dutiyena ṭhānena therā bhikkhū pāsaṃsā bhavanti. ‘Na ca bāhulikā, na sāthalikā okkamane nikkhittadhurā paviveke pubbaṅgamā’ti – iminā tatiyena ṭhānena therā bhikkhū pāsaṃsā bhavanti. Therā, āvuso, bhikkhū imehi tīhi ṭhānehi pāsaṃsā bhavanti . Tatrāvuso, majjhimā bhikkhū…pe… navā bhikkhū tīhi ṭhānehi pāsaṃsā bhavanti. ‘Satthu pavivittassa viharato sāvakā vivekamanusikkhantī’ti – iminā paṭhamena ṭhānena navā bhikkhū pāsaṃsā bhavanti. ‘Yesañca dhammānaṃ satthā pahānamāha te ca dhamme pajahantī’ti – iminā dutiyena ṭhānena navā bhikkhū pāsaṃsā bhavanti. ‘Na ca bāhulikā, na sāthalikā okkamane nikkhittadhurā paviveke pubbaṅgamā’ti – iminā tatiyena ṭhānena navā bhikkhū pāsaṃsā bhavanti. Navā, āvuso, bhikkhū imehi tīhi ṭhānehi pāsaṃsā bhavanti. Ettāvatā kho, āvuso, satthu pavivittassa viharato sāvakā vivekamanusikkhanti.
੩੩. ‘‘ਤਤ੍ਰਾવੁਸੋ, ਲੋਭੋ ਚ ਪਾਪਕੋ ਦੋਸੋ ਚ ਪਾਪਕੋ। ਲੋਭਸ੍ਸ ਚ ਪਹਾਨਾਯ ਦੋਸਸ੍ਸ ਚ ਪਹਾਨਾਯ ਅਤ੍ਥਿ ਮਜ੍ਝਿਮਾ ਪਟਿਪਦਾ ਚਕ੍ਖੁਕਰਣੀ ਞਾਣਕਰਣੀ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਤਿ। ਕਤਮਾ ਚ ਸਾ, ਆવੁਸੋ, ਮਜ੍ਝਿਮਾ ਪਟਿਪਦਾ ਚਕ੍ਖੁਕਰਣੀ ਞਾਣਕਰਣੀ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਤਿ? ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ, ਸੇਯ੍ਯਥਿਦਂ 17 – ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾવਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀવੋ ਸਮ੍ਮਾવਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ। ਅਯਂ ਖੋ ਸਾ, ਆવੁਸੋ, ਮਜ੍ਝਿਮਾ ਪਟਿਪਦਾ ਚਕ੍ਖੁਕਰਣੀ ਞਾਣਕਰਣੀ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਤਿ।
33. ‘‘Tatrāvuso, lobho ca pāpako doso ca pāpako. Lobhassa ca pahānāya dosassa ca pahānāya atthi majjhimā paṭipadā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati. Katamā ca sā, āvuso, majjhimā paṭipadā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati? Ayameva ariyo aṭṭhaṅgiko maggo, seyyathidaṃ 18 – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho sā, āvuso, majjhimā paṭipadā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati.
‘‘ਤਤ੍ਰਾવੁਸੋ, ਕੋਧੋ ਚ ਪਾਪਕੋ ਉਪਨਾਹੋ ਚ ਪਾਪਕੋ…ਪੇ॰… ਮਕ੍ਖੋ ਚ ਪਾਪਕੋ ਪਲ਼ਾਸੋ ਚ ਪਾਪਕੋ, ਇਸ੍ਸਾ ਚ ਪਾਪਿਕਾ ਮਚ੍ਛੇਰਞ੍ਚ ਪਾਪਕਂ, ਮਾਯਾ ਚ ਪਾਪਿਕਾ ਸਾਠੇਯ੍ਯਞ੍ਚ ਪਾਪਕਂ, ਥਮ੍ਭੋ ਚ ਪਾਪਕੋ ਸਾਰਮ੍ਭੋ ਚ ਪਾਪਕੋ, ਮਾਨੋ ਚ ਪਾਪਕੋ ਅਤਿਮਾਨੋ ਚ ਪਾਪਕੋ, ਮਦੋ ਚ ਪਾਪਕੋ ਪਮਾਦੋ ਚ ਪਾਪਕੋ। ਮਦਸ੍ਸ ਚ ਪਹਾਨਾਯ ਪਮਾਦਸ੍ਸ ਚ ਪਹਾਨਾਯ ਅਤ੍ਥਿ ਮਜ੍ਝਿਮਾ ਪਟਿਪਦਾ ਚਕ੍ਖੁਕਰਣੀ ਞਾਣਕਰਣੀ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਤਿ। ਕਤਮਾ ਚ ਸਾ, ਆવੁਸੋ, ਮਜ੍ਝਿਮਾ ਪਟਿਪਦਾ ਚਕ੍ਖੁਕਰਣੀ ਞਾਣਕਰਣੀ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਤਿ? ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾવਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀવੋ ਸਮ੍ਮਾવਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ। ਅਯਂ ਖੋ ਸਾ, ਆવੁਸੋ, ਮਜ੍ਝਿਮਾ ਪਟਿਪਦਾ ਚਕ੍ਖੁਕਰਣੀ ਞਾਣਕਰਣੀ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਤੀ’’ਤਿ।
‘‘Tatrāvuso, kodho ca pāpako upanāho ca pāpako…pe… makkho ca pāpako paḷāso ca pāpako, issā ca pāpikā maccherañca pāpakaṃ, māyā ca pāpikā sāṭheyyañca pāpakaṃ, thambho ca pāpako sārambho ca pāpako, māno ca pāpako atimāno ca pāpako, mado ca pāpako pamādo ca pāpako. Madassa ca pahānāya pamādassa ca pahānāya atthi majjhimā paṭipadā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati. Katamā ca sā, āvuso, majjhimā paṭipadā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati? Ayameva ariyo aṭṭhaṅgiko maggo, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho sā, āvuso, majjhimā paṭipadā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattatī’’ti.
ਇਦਮવੋਚਾਯਸ੍ਮਾ ਸਾਰਿਪੁਤ੍ਤੋ। ਅਤ੍ਤਮਨਾ ਤੇ ਭਿਕ੍ਖੂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਭਾਸਿਤਂ ਅਭਿਨਨ੍ਦੁਨ੍ਤਿ।
Idamavocāyasmā sāriputto. Attamanā te bhikkhū āyasmato sāriputtassa bhāsitaṃ abhinandunti.
ਧਮ੍ਮਦਾਯਾਦਸੁਤ੍ਤਂ ਨਿਟ੍ਠਿਤਂ ਤਤਿਯਂ।
Dhammadāyādasuttaṃ niṭṭhitaṃ tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੩. ਧਮ੍ਮਦਾਯਾਦਸੁਤ੍ਤવਣ੍ਣਨਾ • 3. Dhammadāyādasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੩. ਧਮ੍ਮਦਾਯਾਦਸੁਤ੍ਤવਣ੍ਣਨਾ • 3. Dhammadāyādasuttavaṇṇanā
