Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā)

    3. д̇хаммад̣̇ааяаад̣̇асуд̇д̇аван̣н̣анаа

    3. Dhammadāyādasuttavaṇṇanā

    29. звам̣ мз суд̇анд̇и д̇хаммад̣̇ааяаад̣̇асуд̇д̇ам̣. яасмаа банасса адтуббад̇д̇иго нигкзбо, д̇асмаа д̇ам̣ д̣̇ассзд̇ваа васса абуб̣б̣абад̣̇аван̣н̣анам̣ гариссаама. гад̇арааяа жа банид̣̇ам̣ адтуббад̇д̇ияаа нигкид̇д̇анд̇и. лаабхасаггаарз. бхаг̇авад̇о гира махаалаабхасаггааро уббаж̇ж̇и. яат̇аа д̇ам̣ жад̇д̇ааро асан̇кязяяз буурид̇ад̣̇аанабаарамийсан̃жаяасса. саб̣б̣ад̣̇исаасу яамагамахаамзгхо вудтахид̇ваа махогхам̣ вияа саб̣б̣абаарамияо згасмим̣ ад̇д̇абхаавз вибаагам̣ д̣̇ассаамаад̇и самбин̣д̣ид̇аа вияа лаабхасаггаарамахогхам̣ ниб̣б̣ад̇д̇аяим̣су. д̇ад̇о д̇ад̇о аннабаанаяаанавад̇т̇амаалааг̇анд̇хавилзбанаад̣̇ихад̇т̇аа кад̇д̇ияаб̣раахман̣аад̣̇аяо ааг̇анд̇ваа – ‘‘гахам̣ б̣уд̣̇д̇хо, гахам̣ бхаг̇аваа, гахам̣ д̣̇звад̣̇зво, нараасабхо, бурисасийхо’’д̇и бхаг̇аванд̇ам̣ бариязсанд̇и. сагадасад̇зхиби бажжаяз аахарид̇ваа огаасам̣ алабхамаанаа саманд̇аа г̇аавуд̇аббамаан̣амби сагадад̇хурзна сагадад̇хурамаахажжад̇идтанд̇и жзва ануб̣анд̇ханд̇и жа. анд̇хагавинд̣̇аб̣раахман̣аад̣̇аяо вияа. саб̣б̣ам̣ канд̇хагз д̇зсу д̇зсу суд̇д̇зсу жа ааг̇ад̇анаязнзва взд̣̇ид̇аб̣б̣ам̣. яат̇аа жа бхаг̇авад̇о, звам̣ бхигкусан̇гхассааби.

    29.Evaṃme sutanti dhammadāyādasuttaṃ. Yasmā panassa aṭṭhuppattiko nikkhepo, tasmā taṃ dassetvā vassa apubbapadavaṇṇanaṃ karissāma. Katarāya ca panidaṃ aṭṭhuppattiyā nikkhittanti. Lābhasakkāre. Bhagavato kira mahālābhasakkāro uppajji. Yathā taṃ cattāro asaṅkhyeyye pūritadānapāramīsañcayassa. Sabbadisāsu yamakamahāmegho vuṭṭhahitvā mahoghaṃ viya sabbapāramiyo ekasmiṃ attabhāve vipākaṃ dassāmāti sampiṇḍitā viya lābhasakkāramahoghaṃ nibbattayiṃsu. Tato tato annapānayānavatthamālāgandhavilepanādihatthā khattiyabrāhmaṇādayo āgantvā – ‘‘kahaṃ buddho, kahaṃ bhagavā, kahaṃ devadevo, narāsabho, purisasīho’’ti bhagavantaṃ pariyesanti. Sakaṭasatehipi paccaye āharitvā okāsaṃ alabhamānā samantā gāvutappamāṇampi sakaṭadhurena sakaṭadhuramāhaccatiṭṭhanti ceva anubandhanti ca. Andhakavindabrāhmaṇādayo viya. Sabbaṃ khandhake tesu tesu suttesu ca āgatanayeneva veditabbaṃ. Yathā ca bhagavato, evaṃ bhikkhusaṅghassāpi.

    вуд̇д̇амби жзд̇ам̣ – ‘‘д̇зна ко бана самаязна бхаг̇аваа саггад̇о ход̇и г̇аругад̇о маанид̇о бууж̇ид̇о абажид̇о лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣, бхигкусан̇гхоби ко саггад̇о ход̇и…бз… баригкаараана’’нд̇и (уд̣̇аа. 14). д̇ат̇аа – ‘‘яаавад̇аа ко, жунд̣̇а, зд̇арахи сан̇гхо ваа г̇ан̣о ваа логз уббанно, наахам̣, жунд̣̇а, ан̃н̃ам̣ згасан̇гхамби саманубассаами, звам̣ лаабхаг̇г̇аяасаг̇г̇абад̇д̇ам̣, яат̇арива, жунд̣̇а, бхигкусан̇гхо’’д̇и (д̣̇ий. ни. 3.176).

    Vuttampi cetaṃ – ‘‘tena kho pana samayena bhagavā sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ, bhikkhusaṅghopi kho sakkato hoti…pe… parikkhārāna’’nti (udā. 14). Tathā – ‘‘yāvatā kho, cunda, etarahi saṅgho vā gaṇo vā loke uppanno, nāhaṃ, cunda, aññaṃ ekasaṅghampi samanupassāmi, evaṃ lābhaggayasaggapattaṃ, yathariva, cunda, bhikkhusaṅgho’’ti (dī. ni. 3.176).

    свааяам̣ бхаг̇авад̇о жа бхигкусан̇гхасса жа уббанно лаабхасаггааро згад̇о худ̇ваа д̣̇виннам̣ махаанад̣̇ийнам̣ уд̣̇агамива аббамзяяо ахоси. гамзна бхигкуу бажжаяаг̇аругаа бажжаяаб̣аахулигаа ахзсум̣. бажчаабхад̇д̇амби д̇зламад̇хупаан̣ид̇аад̣̇ийсу аахадзсу г̇ан̣д̣им̣язва бахарид̇ваа ‘‘амхаагам̣ аажарияасса д̣̇зт̇а, убаж̇жхааяасса д̣̇зт̇аа’’д̇и ужжаасад̣̇д̣̇амахаасад̣̇д̣̇ам̣ гаронд̇и. саа жа нзсам̣ бавад̇д̇и бхаг̇авад̇оби баагадаа ахоси. д̇ад̇о бхаг̇аваа ананужчавиганд̇и д̇хаммасам̣взг̇ам̣ уббаад̣̇зд̇ваа жинд̇зси –

    Svāyaṃ bhagavato ca bhikkhusaṅghassa ca uppanno lābhasakkāro ekato hutvā dvinnaṃ mahānadīnaṃ udakamiva appameyyo ahosi. Kamena bhikkhū paccayagarukā paccayabāhulikā ahesuṃ. Pacchābhattampi telamadhuphāṇitādīsu āhaṭesu gaṇḍiṃyeva paharitvā ‘‘amhākaṃ ācariyassa detha, upajjhāyassa dethā’’ti uccāsaddamahāsaddaṃ karonti. Sā ca nesaṃ pavatti bhagavatopi pākaṭā ahosi. Tato bhagavā ananucchavikanti dhammasaṃvegaṃ uppādetvā cintesi –

    ‘‘бажжаяаа агаббияаад̇и на саггаа сигкаабад̣̇ам̣ бан̃н̃абзд̇ум̣. бажжаяабадиб̣ад̣̇д̇хаа хи гулабуд̇д̇аанам̣ саман̣ад̇хаммавуд̇д̇и. ханд̣̇аахам̣ д̇хаммад̣̇ааяаад̣̇абадибад̣̇ам̣ д̣̇зсзми. саа сигкаагаамаанам̣ гулабуд̇д̇аанам̣ сигкаабад̣̇абан̃н̃ад̇д̇и вияа бхависсад̇и наг̇арад̣̇ваарз табид̇асаб̣б̣агааяигааад̣̇аасо вияа жа, яат̇аа хи наг̇арад̣̇ваарз табид̇з саб̣б̣агааяигз аад̣̇аасз жад̇д̇ааро ван̣н̣аа ад̇д̇ано чааяам̣ д̣̇исваа важ̇ж̇ам̣ бахааяа нид̣̇д̣̇осаа хонд̇и, звамзва сигкаагаамаа гулабуд̇д̇аа баяог̇аман̣д̣анзна ад̇д̇аанам̣ ман̣д̣зд̇угаамаа имам̣ саб̣б̣агааяигаад̣̇аасуубамам̣ д̣̇зсанам̣ ааваж̇ж̇ид̇ваа аамисад̣̇ааяаад̣̇абадибад̣̇ам̣ важ̇ж̇зд̇ваа д̇хаммад̣̇ааяаад̣̇абадибад̣̇ам̣ буурзнд̇аа киббамзва ж̇аад̇иж̇араамаран̣асса анд̇ам̣ гариссанд̇ий’’д̇и. имиссаа адтуббад̇д̇ияаа ид̣̇ам̣ суд̇д̇ам̣ абхааси.

    ‘‘Paccayā akappiyāti na sakkā sikkhāpadaṃ paññapetuṃ. Paccayapaṭibaddhā hi kulaputtānaṃ samaṇadhammavutti. Handāhaṃ dhammadāyādapaṭipadaṃ desemi. Sā sikkhākāmānaṃ kulaputtānaṃ sikkhāpadapaññatti viya bhavissati nagaradvāre ṭhapitasabbakāyikaādāso viya ca, yathā hi nagaradvāre ṭhapite sabbakāyike ādāse cattāro vaṇṇā attano chāyaṃ disvā vajjaṃ pahāya niddosā honti, evameva sikkhākāmā kulaputtā payogamaṇḍanena attānaṃ maṇḍetukāmā imaṃ sabbakāyikādāsūpamaṃ desanaṃ āvajjitvā āmisadāyādapaṭipadaṃ vajjetvā dhammadāyādapaṭipadaṃ pūrentā khippameva jātijarāmaraṇassa antaṃ karissantī’’ti. Imissā aṭṭhuppattiyā idaṃ suttaṃ abhāsi.

    д̇ад̇т̇а д̇хаммад̣̇ааяаад̣̇аа мз, бхигкавз, бхават̇а, маа аамисад̣̇ааяаад̣̇аад̇и д̇хаммасса мз д̣̇ааяаад̣̇аа, бхигкавз, бхават̇а, маа аамисасса. яо маяхам̣ д̇хаммо, д̇асса бадиг̇г̇аахагаа бхават̇а, яан̃жа ко маяхам̣ аамисам̣, д̇асса маа бадиг̇г̇аахагаа бхават̇аад̇и вуд̇д̇ам̣ ход̇и. д̇ад̇т̇а д̇хаммоби д̣̇увид̇хо – ниббарияааяад̇хаммо, барияааяад̇хаммод̇и. аамисамби д̣̇увид̇хам̣ – ниббарияааяаамисам̣, барияааяаамисанд̇и. гат̇ам̣? маг̇г̇апаланиб̣б̣аанабхзд̣̇о хи нававид̇хоби логуд̇д̇арад̇хаммо ниббарияааяад̇хаммо ниб̣б̣ад̇д̇ид̇ад̇хаммо, на язна гзнажи барияааязна гааран̣зна ваа лзсзна ваа д̇хаммо. яам̣ банид̣̇ам̣ виваддуубаниссид̇ам̣ гусалам̣, сзяяат̇ид̣̇ам̣, ид̇хзгажжо виваддам̣ бад̇т̇знд̇о д̣̇аанам̣ д̣̇зд̇и, сийлам̣ самаад̣̇ияад̇и, убосат̇агаммам̣ гарод̇и, г̇анд̇хамаалаад̣̇ийхи вад̇т̇убууж̇ам̣ гарод̇и, д̇хаммам̣ сун̣аад̇и д̣̇зсзд̇и жхаанасамаабад̇д̇ияо ниб̣б̣ад̇д̇зд̇и, звам̣ гаронд̇о анубуб̣б̣зна ниббарияааяад̇хаммам̣ амад̇ам̣ ниб̣б̣аанам̣ бадилабхад̇и, аяам̣ барияааяад̇хаммо. д̇ат̇аа жийвараад̣̇аяо жад̇д̇ааро бажжаяаа ниббарияааяаамисамзва, на ан̃н̃зна барияааязна гааран̣зна ваа лзсзна ваа аамисам̣. яам̣ банид̣̇ам̣ ваддаг̇аамигусалам̣, сзяяат̇ид̣̇ам̣, ид̇хзгажжо ваддам̣ бад̇т̇знд̇о самбад̇д̇ибхавам̣ ижчамаано д̣̇аанам̣ д̣̇зд̇и…бз… самаабад̇д̇ияо ниб̣б̣ад̇д̇зд̇и, звам̣ гаронд̇о анубуб̣б̣зна д̣̇звамануссасамбад̇д̇им̣ бадилабхад̇и, ид̣̇ам̣ барияааяаамисам̣ наама.

    Tattha dhammadāyādā me, bhikkhave, bhavatha, mā āmisadāyādāti dhammassa me dāyādā, bhikkhave, bhavatha, mā āmisassa. Yo mayhaṃ dhammo, tassa paṭiggāhakā bhavatha, yañca kho mayhaṃ āmisaṃ, tassa mā paṭiggāhakā bhavathāti vuttaṃ hoti. Tattha dhammopi duvidho – nippariyāyadhammo, pariyāyadhammoti. Āmisampi duvidhaṃ – nippariyāyāmisaṃ, pariyāyāmisanti. Kathaṃ? Maggaphalanibbānabhedo hi navavidhopi lokuttaradhammo nippariyāyadhammo nibbattitadhammo, na yena kenaci pariyāyena kāraṇena vā lesena vā dhammo. Yaṃ panidaṃ vivaṭṭūpanissitaṃ kusalaṃ, seyyathidaṃ, idhekacco vivaṭṭaṃ patthento dānaṃ deti, sīlaṃ samādiyati, uposathakammaṃ karoti, gandhamālādīhi vatthupūjaṃ karoti, dhammaṃ suṇāti deseti jhānasamāpattiyo nibbatteti, evaṃ karonto anupubbena nippariyāyadhammaṃ amataṃ nibbānaṃ paṭilabhati, ayaṃ pariyāyadhammo. Tathā cīvarādayo cattāro paccayā nippariyāyāmisameva, na aññena pariyāyena kāraṇena vā lesena vā āmisaṃ. Yaṃ panidaṃ vaṭṭagāmikusalaṃ, seyyathidaṃ, idhekacco vaṭṭaṃ patthento sampattibhavaṃ icchamāno dānaṃ deti…pe… samāpattiyo nibbatteti, evaṃ karonto anupubbena devamanussasampattiṃ paṭilabhati, idaṃ pariyāyāmisaṃ nāma.

    д̇ад̇т̇а ниббарияааяад̇хаммоби бхаг̇авад̇оязва санд̇аго. бхаг̇авад̇аа хи гат̇ид̇ад̇д̇аа бхигкуу маг̇г̇апаланиб̣б̣аанаани ад̇хиг̇ажчанд̇и. вуд̇д̇амби жзд̇ам̣ ‘‘со хи б̣раахман̣а бхаг̇аваа ануббаннасса маг̇г̇асса уббаад̣̇зд̇аа, асан̃ж̇аад̇асса маг̇г̇асса сан̃ж̇анзд̇аа, анагкаад̇асса маг̇г̇асса агкаад̇аа, маг̇г̇ан̃н̃уу маг̇г̇авид̣̇уу маг̇г̇аговид̣̇о. маг̇г̇аануг̇аа жа бана зд̇арахи саавагаа вихаранд̇и бажчаа саманнааг̇ад̇аа’’д̇и (ма. ни. 3.79) жа – ‘‘со хаавусо, бхаг̇аваа ж̇аанам̣ ж̇аанаад̇и, бассам̣ бассад̇и жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о’’д̇и (ма. ни. 1.203) жа. барияааяад̇хаммоби бхаг̇авад̇оязва санд̇аго. бхаг̇авад̇аа хи гат̇ид̇ад̇д̇аа звам̣ ж̇аананд̇и ‘‘виваддам̣ бад̇т̇зд̇ваа д̣̇аанам̣ д̣̇знд̇о…бз… самаабад̇д̇ияо ниб̣б̣ад̇д̇знд̇о ануггамзна амад̇ам̣ ниб̣б̣аанам̣ бадилабхад̇ий’’д̇и. ниббарияааяаамисамби жа бхаг̇авад̇оязва санд̇агам̣. бхаг̇авад̇аа хи анун̃н̃аад̇ад̇д̇ааязва бхигкуухи ж̇ийвагавад̇т̇ум̣ аад̣̇им̣ гад̇ваа бан̣ийд̇ажийварам̣ лад̣̇д̇хам̣. яат̇ааха ‘‘ануж̇аанаами, бхигкавз, г̇ахабад̇ижийварам̣. яо ижчад̇и, бам̣сугуулиго ход̇у, яо ижчад̇и, г̇ахабад̇ижийварам̣ саад̣̇ияад̇у. ид̇арийд̇арзнабаахам̣, бхигкавз, санд̇удтим̣язва ван̣н̣змий’’д̇и (махаава. 337).

    Tattha nippariyāyadhammopi bhagavatoyeva santako. Bhagavatā hi kathitattā bhikkhū maggaphalanibbānāni adhigacchanti. Vuttampi cetaṃ ‘‘so hi brāhmaṇa bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū maggavidū maggakovido. Maggānugā ca pana etarahi sāvakā viharanti pacchā samannāgatā’’ti (ma. ni. 3.79) ca – ‘‘so hāvuso, bhagavā jānaṃ jānāti, passaṃ passati cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato’’ti (ma. ni. 1.203) ca. Pariyāyadhammopi bhagavatoyeva santako. Bhagavatā hi kathitattā evaṃ jānanti ‘‘vivaṭṭaṃ patthetvā dānaṃ dento…pe… samāpattiyo nibbattento anukkamena amataṃ nibbānaṃ paṭilabhatī’’ti. Nippariyāyāmisampi ca bhagavatoyeva santakaṃ. Bhagavatā hi anuññātattāyeva bhikkhūhi jīvakavatthuṃ ādiṃ katvā paṇītacīvaraṃ laddhaṃ. Yathāha ‘‘anujānāmi, bhikkhave, gahapaticīvaraṃ. Yo icchati, paṃsukūliko hotu, yo icchati, gahapaticīvaraṃ sādiyatu. Itarītarenapāhaṃ, bhikkhave, santuṭṭhiṃyeva vaṇṇemī’’ti (mahāva. 337).

    буб̣б̣з жа бхигкуу бан̣ийд̇абин̣д̣абаад̇ам̣ наалад̇т̇ум̣. сабад̣̇аанабин̣д̣ияаалобабхож̇анаа зваахзсум̣. д̇зхи рааж̇аг̇ахз вихаранд̇зна бхаг̇авад̇аа – ‘‘ануж̇аанаами, бхигкавз, сан̇гхабхад̇д̇ам̣ уд̣̇д̣̇зсабхад̇д̇ам̣ ниманд̇анам̣ салаагабхад̇д̇ам̣ багкигам̣ убосат̇игам̣ баадибад̣̇ига’’нд̇и (жуул̣ава. 325) звам̣ анун̃н̃аад̇ад̇д̇ааязва бан̣ийд̇абхож̇анам̣ лад̣̇д̇хам̣. д̇ат̇аа сзнаасанам̣. буб̣б̣з хи агад̇абаб̣бхаараругкамуулаад̣̇исзнаасанааязва бхигкуу ахзсум̣. д̇з ‘‘ануж̇аанаами, бхигкавз, бан̃жа лзн̣ааний’’д̇и (жуул̣ава. 294) звам̣ бхаг̇авад̇аа анун̃н̃аад̇ад̇д̇ааязва вихааро ад̣дхаяог̇о баасаад̣̇о хаммияам̣ г̇ухаад̇и имаани сзнаасанаани лабхим̣су. буб̣б̣з жа муд̇д̇ахарийд̇агзнзва бхзсаж̇ж̇ам̣ агам̣су. д̇з бхаг̇авад̇ааязва – ‘‘ануж̇аанаами, бхигкавз, бан̃жа бхзсаж̇ж̇аани, сзяяат̇ид̣̇ам̣, сабби, наванийд̇ам̣, д̇злам̣, мад̇ху, паан̣ид̇а’’нд̇и (махаава. 260) звамаад̣̇инаа наязна анун̃н̃аад̇ад̇д̇аа наанаабхзсаж̇ж̇аани лабхим̣су.

    Pubbe ca bhikkhū paṇītapiṇḍapātaṃ nālatthuṃ. Sapadānapiṇḍiyālopabhojanā evāhesuṃ. Tehi rājagahe viharantena bhagavatā – ‘‘anujānāmi, bhikkhave, saṅghabhattaṃ uddesabhattaṃ nimantanaṃ salākabhattaṃ pakkhikaṃ uposathikaṃ pāṭipadika’’nti (cūḷava. 325) evaṃ anuññātattāyeva paṇītabhojanaṃ laddhaṃ. Tathā senāsanaṃ. Pubbe hi akatapabbhārarukkhamūlādisenāsanāyeva bhikkhū ahesuṃ. Te ‘‘anujānāmi, bhikkhave, pañca leṇānī’’ti (cūḷava. 294) evaṃ bhagavatā anuññātattāyeva vihāro aḍḍhayogo pāsādo hammiyaṃ guhāti imāni senāsanāni labhiṃsu. Pubbe ca muttaharītakeneva bhesajjaṃ akaṃsu. Te bhagavatāyeva – ‘‘anujānāmi, bhikkhave, pañca bhesajjāni, seyyathidaṃ, sappi, navanītaṃ, telaṃ, madhu, phāṇita’’nti (mahāva. 260) evamādinā nayena anuññātattā nānābhesajjāni labhiṃsu.

    барияааяаамисамби бхаг̇авад̇оязва санд̇агам̣. бхаг̇авад̇аа хи гат̇ид̇ад̇д̇аа язва ж̇аананд̇и – ‘‘самбад̇д̇ибхавам̣ бад̇т̇знд̇о д̣̇аанам̣ д̣̇ад̇ваа сийлам̣…бз… самаабад̇д̇ияо ниб̣б̣ад̇д̇зд̇ваа ануггамзна барияааяаамисам̣ д̣̇иб̣б̣асамбад̇д̇им̣ мануссасамбад̇д̇им̣ бадилабхад̇ий’’д̇и. д̇ад̣̇зва, яасмаа ниббарияааяад̇хаммоби барияааяад̇хаммоби ниббарияааяаамисамби барияааяаамисамби бхаг̇авад̇оязва санд̇агам̣, д̇асмаа д̇ад̇т̇а ад̇д̇ано саамибхаавам̣ д̣̇ассзнд̇о ааха – ‘‘д̇хаммад̣̇ааяаад̣̇аа мз, бхигкавз, бхават̇а маа аамисад̣̇ааяаад̣̇аа’’д̇и.

    Pariyāyāmisampi bhagavatoyeva santakaṃ. Bhagavatā hi kathitattā yeva jānanti – ‘‘sampattibhavaṃ patthento dānaṃ datvā sīlaṃ…pe… samāpattiyo nibbattetvā anukkamena pariyāyāmisaṃ dibbasampattiṃ manussasampattiṃ paṭilabhatī’’ti. Tadeva, yasmā nippariyāyadhammopi pariyāyadhammopi nippariyāyāmisampi pariyāyāmisampi bhagavatoyeva santakaṃ, tasmā tattha attano sāmibhāvaṃ dassento āha – ‘‘dhammadāyādā me, bhikkhave, bhavatha mā āmisadāyādā’’ti.

    яо маяхам̣ санд̇аго д̣̇увид̇хоби д̇хаммо, д̇асса д̣̇ааяаад̣̇аа бхават̇а. яан̃жа ко зд̇ам̣ маяхамзва санд̇агам̣ аамисам̣, д̇асса д̣̇ааяаад̣̇аа маа бхават̇а. д̇хаммагодтаасассзва саамино бхават̇а, маа аамисагодтаасасса. яо хи ж̇инасаасанз баб̣б̣аж̇ид̇ваа бажжаяабарамо вихарад̇и жад̇уусу д̇ан̣хуббаад̣̇зсу санд̣̇иссамаано нигкид̇д̇ад̇хуро д̇хаммаануд̇хаммаббадибад̇д̇ияам̣, аяам̣ аамисад̣̇ааяаад̣̇о наама. д̇аад̣̇исаа маа бхават̇а. яо бана анун̃н̃аад̇абажжаязсу аббижчад̇аад̣̇ийни ниссааяа бадисан̇каа сзвамаано бадибад̇д̇ибарамо вихарад̇и жад̇уусу арияавам̣сзсу санд̣̇иссамаано, аяам̣ д̇хаммад̣̇ааяаад̣̇о наама. д̇аад̣̇исаа бхават̇аад̇и вуд̇д̇ам̣ ход̇и.

    Yo mayhaṃ santako duvidhopi dhammo, tassa dāyādā bhavatha. Yañca kho etaṃ mayhameva santakaṃ āmisaṃ, tassa dāyādā mā bhavatha. Dhammakoṭṭhāsasseva sāmino bhavatha, mā āmisakoṭṭhāsassa. Yo hi jinasāsane pabbajitvā paccayaparamo viharati catūsu taṇhuppādesu sandissamāno nikkhittadhuro dhammānudhammappaṭipattiyaṃ, ayaṃ āmisadāyādo nāma. Tādisā mā bhavatha. Yo pana anuññātapaccayesu appicchatādīni nissāya paṭisaṅkhā sevamāno paṭipattiparamo viharati catūsu ariyavaṃsesu sandissamāno, ayaṃ dhammadāyādo nāma. Tādisā bhavathāti vuttaṃ hoti.

    ид̣̇аани язсам̣ д̇ад̇т̇а зд̇ад̣̇ахоси, бхависсад̇и ваа анааг̇ад̇амад̣̇д̇хаанам̣ ‘‘гим̣ ну ко бхаг̇аваа саавагаанам̣ алаабхад̇т̇иго звамаахаа’’д̇и, д̇зсам̣ ад̇ибан̣ийд̇алаабхад̇т̇иго ахам̣ звам̣ вад̣̇аамийд̇и д̣̇ассзд̇умааха ад̇т̇и мз д̇умхзсу…бз… но аамисад̣̇ааяаад̣̇аад̇и.

    Idāni yesaṃ tattha etadahosi, bhavissati vā anāgatamaddhānaṃ ‘‘kiṃ nu kho bhagavā sāvakānaṃ alābhatthiko evamāhā’’ti, tesaṃ atipaṇītalābhatthiko ahaṃ evaṃ vadāmīti dassetumāha atthi me tumhesu…pe… no āmisadāyādāti.

    д̇ассааяамад̇т̇о – ад̇т̇и мз д̇умхзсу анугамбаа ануд̣̇д̣̇аяаа хид̇зсид̇аа, гзна ну ко гааран̣зна гзна убааязна саавагаа д̇хаммад̣̇ааяаад̣̇аа ассу д̇хаммагодтаасасаамино, но аамисад̣̇ааяаад̣̇аад̇и. аяам̣ бана ад̇хиббааяо, бассад̇и гира бхаг̇аваа аамисаг̇аругаанам̣ аамисз убагкалид̇аанам̣ ад̇ийд̇агаалз д̇аава габиласса бхигкуно, ‘‘сан̇гхаадиби аад̣̇ид̇д̇аа ход̇ий’’д̇иаад̣̇инаа (баараа. 230; сам̣. ни. 2.218) наязна ааг̇ад̇абаабабхигкубхигкунийсигкамаанаад̣̇ийнан̃жа анзгасад̇аанам̣ абааяабарибууран̣ад̇д̇ам̣ ад̇д̇ано саасанз баб̣б̣аж̇ид̇аанан̃жа д̣̇звад̣̇ад̇д̇аад̣̇ийнам̣. д̇хаммаг̇аругаанам̣ бана саарибуд̇д̇амог̇г̇аллаанамахаагассабаад̣̇ийнам̣ абхин̃н̃аабадисамбхид̣̇аад̣̇иг̇ун̣аббадилаабхам̣. д̇асмаа д̇зсам̣ абааяаа баримуд̇д̇им̣ саб̣б̣аг̇ун̣асамбад̇д̇ин̃жа ижчанд̇о ааха – ‘‘ад̇т̇и мз д̇умхзсу анугамбаа гинд̇и мз саавагаа д̇хаммад̣̇ааяаад̣̇аа бхавзяяум̣, но аамисад̣̇ааяаад̣̇аа’’д̇и. бажжаяаг̇аруго жа жад̇убарисанд̇арз гуудагахаабан̣о вияа ниб̣б̣уд̇ан̇г̇ааро вияа жа нид̇д̇зж̇о ниббабхо ход̇и. д̇ад̇о вивад̇д̇ид̇ажид̇д̇о д̇хаммаг̇аруго д̇зж̇аваа сийхова абхибхуяяажаарий, д̇асмааби звамааха – ‘‘ад̇т̇и мз…бз… но аамисад̣̇ааяаад̣̇аа’’д̇и.

    Tassāyamattho – atthi me tumhesu anukampā anuddayā hitesitā, kena nu kho kāraṇena kena upāyena sāvakā dhammadāyādā assu dhammakoṭṭhāsasāmino, no āmisadāyādāti. Ayaṃ pana adhippāyo, passati kira bhagavā āmisagarukānaṃ āmise upakkhalitānaṃ atītakāle tāva kapilassa bhikkhuno, ‘‘saṅghāṭipi ādittā hotī’’tiādinā (pārā. 230; saṃ. ni. 2.218) nayena āgatapāpabhikkhubhikkhunīsikkhamānādīnañca anekasatānaṃ apāyaparipūraṇattaṃ attano sāsane pabbajitānañca devadattādīnaṃ. Dhammagarukānaṃ pana sāriputtamoggallānamahākassapādīnaṃ abhiññāpaṭisambhidādiguṇappaṭilābhaṃ. Tasmā tesaṃ apāyā parimuttiṃ sabbaguṇasampattiñca icchanto āha – ‘‘atthi me tumhesu anukampā kinti me sāvakā dhammadāyādā bhaveyyuṃ, no āmisadāyādā’’ti. Paccayagaruko ca catuparisantare kūṭakahāpaṇo viya nibbutaṅgāro viya ca nittejo nippabho hoti. Tato vivattitacitto dhammagaruko tejavā sīhova abhibhuyyacārī, tasmāpi evamāha – ‘‘atthi me…pe… no āmisadāyādā’’ti.

    звам̣ ‘‘д̇хаммад̣̇ааяаад̣̇аа мз, бхигкавз, бхават̇а, маа аамисад̣̇ааяаад̣̇аа’’д̇и ид̣̇ам̣ анугамбааяа бан̣ийд̇ад̇арам̣ лаабхам̣ ижчанд̇зна вуд̇д̇ам̣, но алаабхад̇т̇игзнаад̇и саавзд̇ваа ид̣̇аани имасса оваад̣̇асса агаран̣з аад̣̇ийнавам̣ д̣̇ассзнд̇о ааха ‘‘д̇умхз жа мз, бхигкавз…бз… но д̇хаммад̣̇ааяаад̣̇аа’’д̇и. д̇ад̇т̇а д̇умхзби д̇зна аад̣̇ияаа бхавзяяаат̇аад̇и д̇умхзби д̇зна аамисад̣̇ааяаад̣̇абхаавзна но д̇хаммад̣̇ааяаад̣̇абхаавзна аад̣̇ияаа бхавзяяаат̇а. абад̣̇исид̇аб̣б̣аа висум̣ гаад̇аб̣б̣аа вавад̇т̇абзд̇аб̣б̣аа, вин̃н̃уухи г̇аараяхаа бхавзяяаат̇аад̇и вуд̇д̇ам̣ ход̇и. гинд̇и? аамисад̣̇ааяаад̣̇аа сад̇т̇усаавагаа вихаранд̇и, но д̇хаммад̣̇ааяаад̣̇аад̇и.

    Evaṃ ‘‘dhammadāyādā me, bhikkhave, bhavatha, mā āmisadāyādā’’ti idaṃ anukampāya paṇītataraṃ lābhaṃ icchantena vuttaṃ, no alābhatthikenāti sāvetvā idāni imassa ovādassa akaraṇe ādīnavaṃ dassento āha ‘‘tumhe ca me, bhikkhave…pe… no dhammadāyādā’’ti. Tattha tumhepi tena ādiyā bhaveyyāthāti tumhepi tena āmisadāyādabhāvena no dhammadāyādabhāvena ādiyā bhaveyyātha. Apadisitabbā visuṃ kātabbā vavatthapetabbā, viññūhi gārayhā bhaveyyāthāti vuttaṃ hoti. Kinti? Āmisadāyādā satthusāvakā viharanti, no dhammadāyādāti.

    ахамби д̇зна аад̣̇ияо бхавзяяанд̇и ахамби д̇зна д̇умхаагам̣ аамисад̣̇ааяаад̣̇абхаавзна но д̇хаммад̣̇ааяаад̣̇абхаавзна г̇аараяхо бхавзяяам̣. гинд̇и? аамиса…бз… д̣̇ааяаад̣̇аад̇и. ид̣̇ам̣ бхаг̇аваа д̇зсам̣ ад̇ийва муд̣̇угаран̣ад̇т̇амааха. аяан̃хи зд̇т̇а ад̇хиббааяо – сажз, бхигкавз, д̇умхз аамисалолаа жариссат̇а, д̇ад̇т̇а вин̃н̃уу мам̣ г̇арахиссанд̇и ‘‘гат̇ан̃хи наама саб̣б̣ан̃н̃уу самаано ад̇д̇ано саавагз д̇хаммад̣̇ааяаад̣̇з но аамисад̣̇ааяаад̣̇з гаад̇ум̣ на саггод̇ий’’д̇и. сзяяат̇ааби наама анаагаббасамбаннз бхигкуу д̣̇исваа аажарияубаж̇жхааяз г̇араханд̇и ‘‘гассимз сад̣̇д̇хивихааригаа, гассанд̇зваасигаа’’д̇и; сзяяат̇аа ваа бана гулагумаарагз ваа гулагумааригааяо ваа д̣̇уссийлз баабад̇хаммз д̣̇исваа маад̇аабид̇аро г̇араханд̇и ‘‘гассимз буд̇д̇аа, гасса д̇хийд̇аро’’д̇и; звамзва мам̣ вин̃н̃уу г̇арахиссанд̇и ‘‘гат̇ан̃хи наама саб̣б̣ан̃н̃уу самаано ад̇д̇ано саавагз д̇хаммад̣̇ааяаад̣̇з но аамисад̣̇ааяаад̣̇з гаад̇ум̣ на саггод̇ий’’д̇и.

    Ahampi tena ādiyo bhaveyyanti ahampi tena tumhākaṃ āmisadāyādabhāvena no dhammadāyādabhāvena gārayho bhaveyyaṃ. Kinti? Āmisa…pe… dāyādāti. Idaṃ bhagavā tesaṃ atīva mudukaraṇatthamāha. Ayañhi ettha adhippāyo – sace, bhikkhave, tumhe āmisalolā carissatha, tattha viññū maṃ garahissanti ‘‘kathañhi nāma sabbaññū samāno attano sāvake dhammadāyāde no āmisadāyāde kātuṃ na sakkotī’’ti. Seyyathāpi nāma anākappasampanne bhikkhū disvā ācariyupajjhāye garahanti ‘‘kassime saddhivihārikā, kassantevāsikā’’ti; seyyathā vā pana kulakumārake vā kulakumārikāyo vā dussīle pāpadhamme disvā mātāpitaro garahanti ‘‘kassime puttā, kassa dhītaro’’ti; evameva maṃ viññū garahissanti ‘‘kathañhi nāma sabbaññū samāno attano sāvake dhammadāyāde no āmisadāyāde kātuṃ na sakkotī’’ti.

    звам̣ имасса оваад̣̇асса агаран̣з аад̣̇ийнавам̣ д̣̇ассзд̇ваа гаран̣з аанисам̣сам̣ д̣̇ассзнд̇о д̇умхз жа мзд̇иаад̣̇имааха. д̇ад̇т̇а ахамби д̇зна на аад̣̇ияо бхавзяяанд̇и сзяяат̇ааби наама вад̇д̇абарибуурагз д̣̇ахарабхигкуу уд̣̇д̣̇зсабарибужчаасамбаннз вассасад̇игад̇т̇зрз вияа аагаббасамбаннз д̣̇исваа, гасса сад̣̇д̇хивихааригаа, гассанд̇зваасигаад̇и, асугассаад̇и, ‘‘бад̇ируубам̣ т̇зрасса, бадиб̣ало вад̇а овад̣̇ид̇ум̣ анусаасид̇у’’нд̇и аажарияубаж̇жхааяаа на аад̣̇ияаа на г̇аараяхаа бхаванд̇и, звамзва ахамби д̇зна д̇умхаагам̣ д̇хаммад̣̇ааяаад̣̇абхаавзна но аамисад̣̇ааяаад̣̇абхаавзна гасса саавагаа наалагабадибад̣̇ам̣ д̇уваддагабадибад̣̇ам̣ жанд̣̇уубамабадибад̣̇ам̣ рат̇авинийд̇абадибад̣̇ам̣ махааг̇осин̇г̇асаалабадибад̣̇ам̣ махаасун̃н̃ад̇абадибад̣̇ам̣ бадибаннаа жад̇убажжаяасанд̇осабхааванаараамаарияавам̣сзсу сагкибхууд̇аа бажжаяаг̇зд̇хад̇о вивад̇д̇амаанасаа аб̣бхаа муд̇д̇ажанд̣̇асамаа вихаранд̇ийд̇и; ‘‘саман̣асса г̇од̇амассаа’’д̇и вуд̇д̇з ‘‘саб̣б̣ан̃н̃уу вад̇а бхаг̇аваа, асагки вад̇а саавагз аамисад̣̇ааяаад̣̇абадибад̣̇ам̣ чад̣д̣аабзд̇ваа д̇хаммад̣̇ааяаад̣̇абадибад̇д̇ибуурагз гаад̇у’’нд̇и вин̃н̃уунам̣ на аад̣̇ияо на г̇аараяхо бхавзяяанд̇и. звамимасмим̣ бад̣̇з ад̇хиббааяам̣ н̃ад̇ваа сзсам̣ ган̣хабагкз вуд̇д̇анаяабажжанийгзна взд̣̇ид̇аб̣б̣ам̣. звам̣ имасса оваад̣̇асса гаран̣з аанисам̣сам̣ д̣̇ассзд̇ваа ид̣̇аани д̇ам̣ оваад̣̇ам̣ нияяаад̇знд̇о ааха – ‘‘д̇асмаа д̇иха мз, бхигкавз…бз… но аамисад̣̇ааяаад̣̇аа’’д̇и.

    Evaṃ imassa ovādassa akaraṇe ādīnavaṃ dassetvā karaṇe ānisaṃsaṃ dassento tumhe ca metiādimāha. Tattha ahampi tena na ādiyo bhaveyyanti seyyathāpi nāma vattaparipūrake daharabhikkhū uddesaparipucchāsampanne vassasatikatthere viya ākappasampanne disvā, kassa saddhivihārikā, kassantevāsikāti, asukassāti, ‘‘patirūpaṃ therassa, paṭibalo vata ovadituṃ anusāsitu’’nti ācariyupajjhāyā na ādiyā na gārayhā bhavanti, evameva ahampi tena tumhākaṃ dhammadāyādabhāvena no āmisadāyādabhāvena kassa sāvakā nālakapaṭipadaṃ tuvaṭṭakapaṭipadaṃ candūpamapaṭipadaṃ rathavinītapaṭipadaṃ mahāgosiṅgasālapaṭipadaṃ mahāsuññatapaṭipadaṃ paṭipannā catupaccayasantosabhāvanārāmaariyavaṃsesu sakkhibhūtā paccayagedhato vivattamānasā abbhā muttacandasamā viharantīti; ‘‘samaṇassa gotamassā’’ti vutte ‘‘sabbaññū vata bhagavā, asakkhi vata sāvake āmisadāyādapaṭipadaṃ chaḍḍāpetvā dhammadāyādapaṭipattipūrake kātu’’nti viññūnaṃ na ādiyo na gārayho bhaveyyanti. Evamimasmiṃ pade adhippāyaṃ ñatvā sesaṃ kaṇhapakkhe vuttanayapaccanīkena veditabbaṃ. Evaṃ imassa ovādassa karaṇe ānisaṃsaṃ dassetvā idāni taṃ ovādaṃ niyyātento āha – ‘‘tasmā tiha me, bhikkhave…pe… no āmisadāyādā’’ti.

    30. звамимам̣ оваад̣̇ам̣ нияяаад̇зд̇ваа ид̣̇аани д̇ассаа д̇хаммад̣̇ааяаад̣̇абадибад̇д̇ияаа барибуурагаарим̣ т̇омзд̇ум̣ ид̇хаахам̣, бхигкавзд̇иаад̣̇имааха. бхаг̇авад̇о хи т̇оманам̣ суд̇вааби хонд̇иязва д̇ад̣̇ад̇т̇ааяа бадибаж̇ж̇ид̇ааро.

    30. Evamimaṃ ovādaṃ niyyātetvā idāni tassā dhammadāyādapaṭipattiyā paripūrakāriṃ thometuṃ idhāhaṃ, bhikkhavetiādimāha. Bhagavato hi thomanaṃ sutvāpi hontiyeva tadatthāya paṭipajjitāro.

    д̇ад̇т̇а ид̇хаад̇и нибаад̇абад̣̇амзд̇ам̣. бхуд̇д̇аавийд̇и бхуд̇д̇аваа, гад̇абхад̇д̇агижжод̇и вуд̇д̇ам̣ ход̇и. баваарид̇од̇и яаавад̣̇ад̇т̇абавааран̣ааяа баваарид̇о, яаавад̣̇ад̇т̇ам̣ бхун̃ж̇ид̇ваа бадигкид̇д̇абхож̇ано д̇ид̇д̇оваад̇и вуд̇д̇ам̣ ход̇и. жад̇уб̣б̣ид̇хаа хи бавааран̣аа вассам̣вудтабавааран̣аа бажжаяабавааран̣аа анад̇ирид̇д̇абавааран̣аа яаавад̣̇ад̇т̇абавааран̣аад̇и. д̇ад̇т̇а, ‘‘ануж̇аанаами бхигкавз, вассам̣вудтаанам̣ бхигкуунам̣ д̇ийхи таанзхи баваарзд̇у’’нд̇и (махаава. 209) аяам̣ вассам̣вудтабавааран̣аа. ‘‘ижчаамахам̣, бханд̇з, сан̇гхам̣ жад̇умаасам̣ бхзсаж̇ж̇зна баваарзд̇у’’нд̇и (баажи. 303) жа ‘‘ан̃н̃ад̇ра бунабавааран̣ааяа ан̃н̃ад̇ра нижжабавааран̣ааяаа’’д̇и (баажи. 307) жа аяам̣ бажжаяабавааран̣аа. ‘‘баваарид̇о наама асанам̣ бан̃н̃ааяад̇и, бхож̇анам̣ бан̃н̃ааяад̇и, хад̇т̇абаасз тид̇о абхихарад̇и, бадигкзбо бан̃н̃ааяад̇и, зсо баваарид̇о наамаа’’д̇и (баажи. 239) аяам̣ анад̇ирид̇д̇абавааран̣аа. ‘‘бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзсий’’д̇и (д̣̇ий. ни. 1.297, 358) аяам̣ яаавад̣̇ад̇т̇абавааран̣аа. аяамид̇ха ад̇хиббзд̇аа. д̇зна вуд̇д̇ам̣ ‘‘баваарид̇од̇и яаавад̣̇ад̇т̇абавааран̣ааяа баваарид̇о’’д̇и.

    Tattha idhāti nipātapadametaṃ. Bhuttāvīti bhuttavā, katabhattakiccoti vuttaṃ hoti. Pavāritoti yāvadatthapavāraṇāya pavārito, yāvadatthaṃ bhuñjitvā paṭikkhittabhojano tittovāti vuttaṃ hoti. Catubbidhā hi pavāraṇā vassaṃvuṭṭhapavāraṇā paccayapavāraṇā anatirittapavāraṇā yāvadatthapavāraṇāti. Tattha, ‘‘anujānāmi bhikkhave, vassaṃvuṭṭhānaṃ bhikkhūnaṃ tīhi ṭhānehi pavāretu’’nti (mahāva. 209) ayaṃ vassaṃvuṭṭhapavāraṇā. ‘‘Icchāmahaṃ, bhante, saṅghaṃ catumāsaṃ bhesajjena pavāretu’’nti (pāci. 303) ca ‘‘aññatra punapavāraṇāya aññatra niccapavāraṇāyā’’ti (pāci. 307) ca ayaṃ paccayapavāraṇā. ‘‘Pavārito nāma asanaṃ paññāyati, bhojanaṃ paññāyati, hatthapāse ṭhito abhiharati, paṭikkhepo paññāyati, eso pavārito nāmā’’ti (pāci. 239) ayaṃ anatirittapavāraṇā. ‘‘Paṇītena khādanīyena bhojanīyena sahatthā santappesi sampavāresī’’ti (dī. ni. 1.297, 358) ayaṃ yāvadatthapavāraṇā. Ayamidha adhippetā. Tena vuttaṃ ‘‘pavāritoti yāvadatthapavāraṇāya pavārito’’ti.

    барибун̣н̣од̇и бхож̇анзна барибун̣н̣о. барияосид̇од̇и барияосид̇абхож̇ано, уд̇д̇арабад̣̇алобо д̣̇адтаб̣б̣о . яаавад̇агам̣ бхун̃ж̇ид̇аб̣б̣ам̣, д̇аавад̇агам̣ бхуд̇д̇ам̣ ход̇и, авасид̇аа мз бхож̇анагирияаад̇и ад̇т̇о. сухид̇од̇и д̇хаад̇о, ж̇игхажчаад̣̇угкаабхаавзна ваа сукид̇од̇и вуд̇д̇ам̣ ход̇и. яаавад̣̇ад̇т̇од̇и яаавад̇аго мз бхож̇анзна ад̇т̇о, со саб̣б̣о бад̇д̇од̇и. зд̇т̇а жа буримаанам̣ д̇ин̣н̣ам̣ бажчимаани саад̇хагаани. яо хи барияосид̇о, со бхуд̇д̇аавий ход̇и. яо жа сухид̇о, со яаавад̣̇ад̇т̇абавааран̣ааяа баваарид̇о. яо яаавад̣̇ад̇т̇о, со барибун̣н̣од̇и. буримаани ваа бажчимаанам̣. яасмаа хи бхуд̇д̇аавий, д̇асмаа барияосид̇о. яасмаа баваарид̇о, д̇асмаа сухид̇о. яасмаа барибун̣н̣о, д̇асмаа яаавад̣̇ад̇т̇од̇и. саб̣б̣ан̃жзд̇ам̣ баригаббзд̇ваа вуд̇д̇анд̇и взд̣̇ид̇аб̣б̣ам̣.

    Paripuṇṇoti bhojanena paripuṇṇo. Pariyositoti pariyositabhojano, uttarapadalopo daṭṭhabbo . Yāvatakaṃ bhuñjitabbaṃ, tāvatakaṃ bhuttaṃ hoti, avasitā me bhojanakiriyāti attho. Suhitoti dhāto, jighacchādukkhābhāvena vā sukhitoti vuttaṃ hoti. Yāvadatthoti yāvatako me bhojanena attho, so sabbo pattoti. Ettha ca purimānaṃ tiṇṇaṃ pacchimāni sādhakāni. Yo hi pariyosito, so bhuttāvī hoti. Yo ca suhito, so yāvadatthapavāraṇāya pavārito. Yo yāvadattho, so paripuṇṇoti. Purimāni vā pacchimānaṃ. Yasmā hi bhuttāvī, tasmā pariyosito. Yasmā pavārito, tasmā suhito. Yasmā paripuṇṇo, tasmā yāvadatthoti. Sabbañcetaṃ parikappetvā vuttanti veditabbaṃ.

    сияаад̇и згам̣сз жа вигаббанз жа. ‘‘бат̇авийд̇хаад̇у сияаа аж̇жхад̇д̇игаа, сияаа б̣аахираа’’д̇и (ма. ни. 3.349) згам̣сз. ‘‘сияаа ан̃н̃ад̇арасса бхигкуно аабад̇д̇и вийд̇иггамо’’д̇и (ма. ни. 3.39) вигаббанз. ид̇ха убхаяамби ваддад̇и. ад̇ирзгова ад̇ирзгад̇хаммо. д̇ат̇аа чад̣д̣анийяа д̇хаммо. ад̇хиго жа чад̣д̣зд̇аб̣б̣о жа, на ан̃н̃ам̣ гин̃жи гаад̇аб̣б̣од̇и ад̇т̇о. ат̇аад̇и д̇амхи гаалз. ж̇игхажчаад̣̇уб̣б̣аляабарзд̇аад̇и ж̇игхажчааяа жа д̣̇уб̣б̣алязна жа барзд̇аа пудтаа ануг̇ад̇аа жа адтаби д̣̇асаби д̣̇ивасаани. д̇ад̇т̇а гзжи ж̇игхажчид̇ааби на д̣̇уб̣б̣алаа хонд̇и, саггонд̇и ж̇игхажчам̣ сахид̇ум̣. имз бана на д̇аад̣̇исаад̇и д̣̇ассзд̇ум̣ убхаяамааха. д̇яааханд̇и д̇з ахам̣. сажз ааган̇кат̇аад̇и яад̣̇и ижчат̇а.

    Siyāti ekaṃse ca vikappane ca. ‘‘Pathavīdhātu siyā ajjhattikā, siyā bāhirā’’ti (ma. ni. 3.349) ekaṃse. ‘‘Siyā aññatarassa bhikkhuno āpatti vītikkamo’’ti (ma. ni. 3.39) vikappane. Idha ubhayampi vaṭṭati. Atirekova atirekadhammo. Tathā chaḍḍanīya dhammo. Adhiko ca chaḍḍetabbo ca, na aññaṃ kiñci kātabboti attho. Athāti tamhi kāle. Jighacchādubbalyaparetāti jighacchāya ca dubbalyena ca paretā phuṭṭhā anugatā ca aṭṭhapi dasapi divasāni. Tattha keci jighacchitāpi na dubbalā honti, sakkonti jighacchaṃ sahituṃ. Ime pana na tādisāti dassetuṃ ubhayamāha. Tyāhanti te ahaṃ. Sace ākaṅkhathāti yadi icchatha.

    аббахарид̇зд̇и аббарул̣хахарид̇з, яасмим̣ таанз бин̣д̣абаад̇аж̇жход̇т̇аран̣зна винассанад̇хаммаани д̇ин̣аани над̇т̇и, д̇асминд̇и ад̇т̇о. д̇зна нид̇д̇ин̣ан̃жа махаад̇ин̣аг̇аханам̣ жа, яад̇т̇а сагадзнаби чад̣д̣ид̇з бин̣д̣абаад̇з д̇ин̣аани на винассанд̇и, д̇ан̃жа таанам̣ бариг̇г̇ахид̇ам̣ ход̇и. бхууд̇аг̇аамасигкаабад̣̇асса хи авигобанад̇т̇амзд̇ам̣ вуд̇д̇ам̣.

    Appahariteti apparuḷhaharite, yasmiṃ ṭhāne piṇḍapātajjhottharaṇena vinassanadhammāni tiṇāni natthi, tasminti attho. Tena nittiṇañca mahātiṇagahanaṃ ca, yattha sakaṭenapi chaḍḍite piṇḍapāte tiṇāni na vinassanti, tañca ṭhānaṃ pariggahitaṃ hoti. Bhūtagāmasikkhāpadassa hi avikopanatthametaṃ vuttaṃ.

    аббаан̣агзд̇и ниббаан̣агз бин̣д̣абаад̇аж̇жход̇т̇аран̣зна марид̇аб̣б̣абаан̣агарахид̇з ваа махаауд̣̇агагканд̇хз. барид̇д̇од̣̇агз зва хи бхад̇д̇абагкзбзна аал̣улид̇з сукумабаан̣агаа маранд̇и, на махаад̇ал̣аагаад̣̇ийсууд̇и. баан̣агаанурагкан̣ад̇т̇ан̃хи зд̇ам̣ вуд̇д̇ам̣. обилаабзссаамийд̇и нимуж̇ж̇аабзссаами.

    Appāṇaketi nippāṇake piṇḍapātajjhottharaṇena maritabbapāṇakarahite vā mahāudakakkhandhe. Parittodake eva hi bhattapakkhepena āḷulite sukhumapāṇakā maranti, na mahātaḷākādīsūti. Pāṇakānurakkhaṇatthañhi etaṃ vuttaṃ. Opilāpessāmīti nimujjāpessāmi.

    д̇ад̇рзгассаад̇и д̇зсу д̣̇вийсу згасса. яо имам̣ д̇хаммад̣̇зсанам̣ судту суд̇аваа бунаббунам̣ ааваж̇ж̇зд̇и жа , д̇ам̣ санд̇хааяааха вуд̇д̇ам̣ ко банзд̇анд̇и. аяам̣ вуд̇д̇а-сад̣̇д̣̇о гзсохааран̣зби д̣̇иссад̇и ‘‘гаабадиго маан̣аво д̣̇ахаро вуд̇д̇асиро’’д̇иаад̣̇ийсу (ма. ни. 2.426). робид̇зби ‘‘яат̇аа саарад̣̇игам̣ б̣ийж̇ам̣, кзд̇д̇з вуд̇д̇ам̣ вируухад̇ий’’д̇иаад̣̇ийсу (ж̇аа. 1.3.31). гат̇ид̇зби ‘‘вуд̇д̇амид̣̇ам̣ бхаг̇авад̇аа, вуд̇д̇амид̣̇ам̣ арахад̇аа’’д̇иаад̣̇ийсу. ид̇ха бана гат̇ид̇з д̣̇адтаб̣б̣о. гат̇ид̇ам̣ ко банзд̇анд̇и аяан̃хисса ад̇т̇о. аамисан̃н̃ад̇аранд̇и жад̇уннам̣ бажжаяаамисаанам̣ ан̃н̃ад̇арам̣, зганд̇и ад̇т̇о. яад̣̇ид̣̇анд̇и нибаад̇о, саб̣б̣алин̇г̇авибхад̇д̇иважанзсу д̇аад̣̇исова д̇ад̇т̇а д̇ад̇т̇а ад̇т̇ад̇о барин̣аамзд̇аб̣б̣о. ид̇ха банаасса яо зсод̇и ад̇т̇о. яо зсо бин̣д̣абаад̇о наама. ид̣̇ам̣ аамисан̃н̃ад̇аранд̇и вуд̇д̇ам̣ ход̇и. яам̣нуунааханд̇и саад̇ху вад̇аахам̣. званд̇и яат̇аа ид̣̇аани имам̣ кан̣ам̣ вийд̇инаамзми, звамзва рад̇д̇инд̣̇ивам̣. вийд̇инаамзяяанд̇и кзбзяяам̣ ад̇ивад̇д̇аабзяяам̣.

    Tatrekassāti tesu dvīsu ekassa. Yo imaṃ dhammadesanaṃ suṭṭhu sutavā punappunaṃ āvajjeti ca , taṃ sandhāyāha vuttaṃ kho panetanti. Ayaṃ vutta-saddo kesohāraṇepi dissati ‘‘kāpaṭiko māṇavo daharo vuttasiro’’tiādīsu (ma. ni. 2.426). Ropitepi ‘‘yathā sāradikaṃ bījaṃ, khette vuttaṃ virūhatī’’tiādīsu (jā. 1.3.31). Kathitepi ‘‘vuttamidaṃ bhagavatā, vuttamidaṃ arahatā’’tiādīsu. Idha pana kathite daṭṭhabbo. Kathitaṃ kho panetanti ayañhissa attho. Āmisaññataranti catunnaṃ paccayāmisānaṃ aññataraṃ, ekanti attho. Yadidanti nipāto, sabbaliṅgavibhattivacanesu tādisova tattha tattha atthato pariṇāmetabbo. Idha panāssa yo esoti attho. Yo eso piṇḍapāto nāma. Idaṃ āmisaññataranti vuttaṃ hoti. Yaṃnūnāhanti sādhu vatāhaṃ. Evanti yathā idāni imaṃ khaṇaṃ vītināmemi, evameva rattindivaṃ. Vītināmeyyanti khepeyyaṃ ativattāpeyyaṃ.

    со д̇ам̣ бин̣д̣абаад̇анд̇и со д̇ам̣ сад̣̇звагзна логзна сирасаа самбадижчид̇аб̣б̣аруубам̣ суг̇ад̇аад̇ирид̇д̇амби бин̣д̣абаад̇ам̣ абхун̃ж̇ид̇ваа д̇хаммад̣̇ааяаад̣̇абхаавам̣ ааган̇камаано аад̣̇ид̇д̇асийсуубамам̣ бажжавзгкид̇ваа д̇знзва ж̇игхажчаад̣̇уб̣б̣алязна звам̣ д̇ам̣ рад̇д̇инд̣̇ивам̣ вийд̇инаамзяяа.

    So taṃ piṇḍapātanti so taṃ sadevakena lokena sirasā sampaṭicchitabbarūpaṃ sugatātirittampi piṇḍapātaṃ abhuñjitvā dhammadāyādabhāvaṃ ākaṅkhamāno ādittasīsūpamaṃ paccavekkhitvā teneva jighacchādubbalyena evaṃ taṃ rattindivaṃ vītināmeyya.

    ат̇а д̣̇уд̇ияассаад̇и имасмим̣ бана ваарз зса сан̇кзбо, сажз со бхигку, яам̣нуунаахам̣…бз… вийд̇инаамзяяанд̇и жинд̇знд̇о звамби жинд̇зяяа, баб̣б̣аж̇ид̇зна ко ваал̣амиг̇аагулз аран̃н̃з бхзсаж̇ж̇ам̣ вияа бан̃жагаамаг̇ун̣аваал̣аагулз г̇аамз бин̣д̣абаад̇оби д̣̇угкам̣ бариязсид̇ум̣. аяам̣ бана бин̣д̣абаад̇о ид̇и бариязсанаад̣̇ийнававимуд̇д̇о жа суг̇ад̇аад̇ирид̇д̇о жаад̇и убхад̇о суж̇аад̇акад̇д̇ияагумааро вияа ход̇и, язхи жа бан̃жахи гааран̣зхи бин̣д̣абаад̇о на барибхун̃ж̇ид̇аб̣б̣о ход̇и. сзяяат̇ид̣̇ам̣, буг̇г̇алам̣ г̇арахид̇ваа на барибхун̃ж̇ид̇аб̣б̣о ход̇и ‘‘алаж̇ж̇ибуг̇г̇аласса санд̇аго’’д̇и. абарисуд̣̇д̇хауббад̇д̇ид̇ааяа на барибхун̃ж̇ид̇аб̣б̣о ход̇и ‘‘бхигкунибарибаажанаасанд̇асамбхаавануббанно’’д̇и. саамигаанугамбааяа на барибхун̃ж̇ид̇аб̣б̣о ход̇и ‘‘бин̣д̣абаад̇асаамиго бхигку ж̇игхажчид̇о’’д̇и. со д̇хаад̇о д̇ассзва анд̇зваасигаад̣̇ийсу анугамбааяа на барибхун̃ж̇ид̇аб̣б̣о ход̇и ‘‘анд̇зваасигаа ан̃н̃з ваа д̇аббадиб̣ад̣̇д̇хаа ж̇игхажчид̇аа’’д̇и, д̇зби д̇хаад̇аа сухид̇аа, абижа ко ассад̣̇д̇хад̇ааяа на барибхун̃ж̇ид̇аб̣б̣о ход̇и ‘‘бин̣д̣абаад̇асаамиго бхигку ассад̣̇д̇хо’’д̇и. д̇зхи жа гааран̣зхи аяам̣ вимуд̇д̇о. бхаг̇аваа хи лаж̇ж̇ийнам̣ аг̇г̇о, барисуд̣̇д̇хуббад̇д̇иго бин̣д̣абаад̇о, бхаг̇аваа жа д̇хаад̇о сухид̇о, бажжаасийсагоби ан̃н̃о буг̇г̇ало над̇т̇и, яз логз сад̣̇д̇хаа, бхаг̇аваа д̇зсам̣ аг̇г̇од̇и звам̣ жинд̇зд̇ваа жа со д̇ам̣ бин̣д̣абаад̇ам̣ бхун̃ж̇ид̇ваа…бз… вийд̇инаамзяяа. зд̇д̇аавад̇аа яоби абхун̃ж̇ид̇ваа саман̣ад̇хаммам̣ гарод̇и, соби бхун̃ж̇ид̇аб̣б̣агамзва бин̣д̣абаад̇ам̣ на бхуд̇д̇о ход̇и. яоби бхун̃ж̇ид̇ваа саман̣ад̇хаммам̣ гарод̇и, соби бхун̃ж̇ид̇аб̣б̣агамзва бхуд̇д̇о ход̇и. над̇т̇и бин̣д̣абаад̇з висзсо. буг̇г̇алз бана ад̇т̇и висзсо. д̇асмаа д̇ам̣ д̣̇ассзнд̇о гин̃жааби сод̇иаад̣̇имааха.

    Atha dutiyassāti imasmiṃ pana vāre esa saṅkhepo, sace so bhikkhu, yaṃnūnāhaṃ…pe… vītināmeyyanti cintento evampi cinteyya, pabbajitena kho vāḷamigākule araññe bhesajjaṃ viya pañcakāmaguṇavāḷākule gāme piṇḍapātopi dukkhaṃ pariyesituṃ. Ayaṃ pana piṇḍapāto iti pariyesanādīnavavimutto ca sugatātiritto cāti ubhato sujātakhattiyakumāro viya hoti, yehi ca pañcahi kāraṇehi piṇḍapāto na paribhuñjitabbo hoti. Seyyathidaṃ, puggalaṃ garahitvā na paribhuñjitabbo hoti ‘‘alajjipuggalassa santako’’ti. Aparisuddhauppattitāya na paribhuñjitabbo hoti ‘‘bhikkhuniparipācanaasantasambhāvanuppanno’’ti. Sāmikānukampāya na paribhuñjitabbo hoti ‘‘piṇḍapātasāmiko bhikkhu jighacchito’’ti. So dhāto tasseva antevāsikādīsu anukampāya na paribhuñjitabbo hoti ‘‘antevāsikā aññe vā tappaṭibaddhā jighacchitā’’ti, tepi dhātā suhitā, apica kho assaddhatāya na paribhuñjitabbo hoti ‘‘piṇḍapātasāmiko bhikkhu assaddho’’ti. Tehi ca kāraṇehi ayaṃ vimutto. Bhagavā hi lajjīnaṃ aggo, parisuddhuppattiko piṇḍapāto, bhagavā ca dhāto suhito, paccāsīsakopi añño puggalo natthi, ye loke saddhā, bhagavā tesaṃ aggoti evaṃ cintetvā ca so taṃ piṇḍapātaṃ bhuñjitvā…pe… vītināmeyya. Ettāvatā yopi abhuñjitvā samaṇadhammaṃ karoti, sopi bhuñjitabbakameva piṇḍapātaṃ na bhutto hoti. Yopi bhuñjitvā samaṇadhammaṃ karoti, sopi bhuñjitabbakameva bhutto hoti. Natthi piṇḍapāte viseso. Puggale pana atthi viseso. Tasmā taṃ dassento kiñcāpi sotiādimāha.

    д̇ад̇т̇а гин̃жаабийд̇и ануж̇аананаббасам̣санад̇т̇з нибаад̇о. гим̣ ануж̇аанаад̇и? д̇асса бхигкуно д̇ам̣ анаваж̇ж̇абарибхог̇ам̣. гим̣ басам̣сад̇и? бхуд̇ваа саман̣ад̇хаммагаран̣ам̣. ид̣̇ам̣ вуд̇д̇ам̣ ход̇и яад̣̇иби со бхигку звам̣ бхун̃ж̇ид̇аб̣б̣амзва бхун̃ж̇ид̇ваа гаад̇аб̣б̣амзва гарзяяа. ат̇а ко асуязва мз буримо бхигкууд̇и яо буримо бхигку д̇амби бин̣д̣абаад̇ам̣ бадигкибид̇ваа саман̣ад̇хаммам̣ гарод̇и, соязва мама д̣̇вийсу суурзсу суурад̇аро вияа д̣̇вийсу бан̣д̣ид̇зсу бан̣д̣ид̇ад̇аро вияа жа буж̇ж̇ад̇аро жа баасам̣сад̇аро жа, д̣̇уд̇ияабхигкуд̇о ад̇ирзгзна бууж̇анийяо жа басам̣санийяо жаад̇и вуд̇д̇ам̣ ход̇и.

    Tattha kiñcāpīti anujānanappasaṃsanatthe nipāto. Kiṃ anujānāti? Tassa bhikkhuno taṃ anavajjaparibhogaṃ. Kiṃ pasaṃsati? Bhutvā samaṇadhammakaraṇaṃ. Idaṃ vuttaṃ hoti yadipi so bhikkhu evaṃ bhuñjitabbameva bhuñjitvā kātabbameva kareyya. Atha kho asuyeva me purimo bhikkhūti yo purimo bhikkhu tampi piṇḍapātaṃ paṭikkhipitvā samaṇadhammaṃ karoti, soyeva mama dvīsu sūresu sūrataro viya dvīsu paṇḍitesu paṇḍitataro viya ca pujjataro ca pāsaṃsataro ca, dutiyabhikkhuto atirekena pūjanīyo ca pasaṃsanīyo cāti vuttaṃ hoti.

    ид̣̇аани д̇амад̇т̇ам̣ гааран̣зна саад̇хзнд̇о д̇ам̣ гисса хзд̇ууд̇иаад̣̇имааха. д̇ассад̇т̇о, д̇ад̇т̇а сияаа д̇умхаагам̣, гасмаа со бхигку бхаг̇авад̇о буж̇ж̇ад̇аро жа баасам̣сад̇аро жаад̇и? д̇ан̃хи д̇ассаад̇и яасмаа д̇ам̣ бин̣д̣абаад̇абадигкибанам̣ д̇асса бхигкуно д̣̇ийгхарад̇д̇ам̣ аббижчад̇ааяа…бз… вийрияаарамбхааяа сам̣вад̇д̇иссад̇и. гат̇ам̣? д̇асса хи сажз абарзна самаязна бажжаязсу ад̇рижчад̇аа ваа баабижчад̇аа ваа махижчад̇аа ваа уббаж̇ж̇иссад̇и. д̇ад̇о нам̣ иминаа бин̣д̣абаад̇абадигкзбан̇гусзна ниваарзссад̇и ‘‘арз д̇вам̣ суг̇ад̇аад̇ирид̇д̇амби бин̣д̣абаад̇ам̣ бадигкибид̇ваа ийд̣̇исам̣ ижчам̣ уббаад̣̇зсий’’д̇и звам̣ бажжавзгкамаано. зса наяо асанд̇удтияаа асам̣лзкасса жуббаннасса нивааран̣з. звам̣ д̇аавасса аббижчад̇ааяа санд̇удтияаа сам̣лзкааяа сам̣вад̇д̇иссад̇и.

    Idāni tamatthaṃ kāraṇena sādhento taṃ kissa hetūtiādimāha. Tassattho, tattha siyā tumhākaṃ, kasmā so bhikkhu bhagavato pujjataro ca pāsaṃsataro cāti? Tañhi tassāti yasmā taṃ piṇḍapātapaṭikkhipanaṃ tassa bhikkhuno dīgharattaṃ appicchatāya…pe… vīriyārambhāya saṃvattissati. Kathaṃ? Tassa hi sace aparena samayena paccayesu atricchatā vā pāpicchatā vā mahicchatā vā uppajjissati. Tato naṃ iminā piṇḍapātapaṭikkhepaṅkusena nivāressati ‘‘are tvaṃ sugatātirittampi piṇḍapātaṃ paṭikkhipitvā īdisaṃ icchaṃ uppādesī’’ti evaṃ paccavekkhamāno. Esa nayo asantuṭṭhiyā asaṃlekhassa cuppannassa nivāraṇe. Evaṃ tāvassa appicchatāya santuṭṭhiyā saṃlekhāya saṃvattissati.

    субхарад̇ааяаад̇и зд̇т̇а аяам̣ сам̣ван̣н̣анаа – ид̇хзгажжо ад̇д̇аноби убадтаагаанамби д̣̇уб̣бхаро ход̇и д̣̇уббосо. згажжо ад̇д̇аноби убадтаагаанамби субхаро ход̇и субосо. гат̇ам̣? яо хи амб̣илаад̣̇ийни лад̣̇д̇хаа анамб̣илаад̣̇ийни бариязсад̇и, ан̃н̃асса гхарз лад̣̇д̇хам̣ ан̃н̃асса гхарз чад̣д̣знд̇о саб̣б̣ам̣ г̇аамам̣ вижарид̇ваа рид̇д̇абад̇д̇ова вихаарам̣ бависид̇ваа нибаж̇ж̇ад̇и, аяам̣ ад̇д̇ано д̣̇уб̣бхаро. яо бана саалимам̣сод̣̇анаад̣̇ийнам̣ бад̇д̇з буурзд̇ваа д̣̇иннзби д̣̇уммукабхаавам̣ анад̇д̇аманабхаавамзва жа д̣̇ассзд̇и, д̇зсам̣ ваа саммукаава д̇ам̣ бин̣д̣абаад̇ам̣ ‘‘гим̣ д̇умхзхи д̣̇инна’’нд̇и абасаад̣̇знд̇о сааман̣зраг̇ахадтаад̣̇ийнамби д̣̇зд̇и , аяам̣ убадтаагаанам̣ д̣̇уб̣бхаро. зд̇ам̣ д̣̇исваа мануссаа д̣̇уурад̇о бариваж̇ж̇анд̇и д̣̇уб̣бхаро бхигку на саггаа босид̇унд̇и. яо бана яам̣гин̃жи луукам̣ ваа бан̣ийд̇ам̣ ваа лад̣̇д̇хаа д̇удтажид̇д̇ова бхун̃ж̇ид̇ваа вихаарам̣ г̇анд̇ваа ад̇д̇ано гаммам̣ гарод̇и, аяам̣ ад̇д̇ано субхаро. яо жа барзсамби аббам̣ ваа б̣ахум̣ ваа луукам̣ ваа бан̣ийд̇ам̣ ваа д̣̇аанам̣ ахийл̣зд̇ваа ад̇д̇амано виббасаннамуко худ̇ваа д̇зсам̣ саммукаава барибхун̃ж̇ид̇ваа яаад̇и, аяам̣ убадтаагаанам̣ субхаро. зд̇ам̣ д̣̇исваа мануссаа ад̇ивияа виссад̇т̇аа хонд̇и – ‘‘амхаагам̣ бхад̣̇анд̇о субхаро т̇огзнаби д̇уссад̇и, маяамзва нам̣ босиссаамаа’’д̇и бадин̃н̃ам̣ гад̇ваа босзнд̇и.

    Subharatāyāti ettha ayaṃ saṃvaṇṇanā – idhekacco attanopi upaṭṭhākānampi dubbharo hoti dupposo. Ekacco attanopi upaṭṭhākānampi subharo hoti suposo. Kathaṃ? Yo hi ambilādīni laddhā anambilādīni pariyesati, aññassa ghare laddhaṃ aññassa ghare chaḍḍento sabbaṃ gāmaṃ vicaritvā rittapattova vihāraṃ pavisitvā nipajjati, ayaṃ attano dubbharo. Yo pana sālimaṃsodanādīnaṃ patte pūretvā dinnepi dummukhabhāvaṃ anattamanabhāvameva ca dasseti, tesaṃ vā sammukhāva taṃ piṇḍapātaṃ ‘‘kiṃ tumhehi dinna’’nti apasādento sāmaṇeragahaṭṭhādīnampi deti , ayaṃ upaṭṭhākānaṃ dubbharo. Etaṃ disvā manussā dūrato parivajjanti dubbharo bhikkhu na sakkā positunti. Yo pana yaṃkiñci lūkhaṃ vā paṇītaṃ vā laddhā tuṭṭhacittova bhuñjitvā vihāraṃ gantvā attano kammaṃ karoti, ayaṃ attano subharo. Yo ca paresampi appaṃ vā bahuṃ vā lūkhaṃ vā paṇītaṃ vā dānaṃ ahīḷetvā attamano vippasannamukho hutvā tesaṃ sammukhāva paribhuñjitvā yāti, ayaṃ upaṭṭhākānaṃ subharo. Etaṃ disvā manussā ativiya vissatthā honti – ‘‘amhākaṃ bhadanto subharo thokenapi tussati, mayameva naṃ posissāmā’’ti paṭiññaṃ katvā posenti.

    д̇ад̇т̇а сажз абарзна самаязна асса ад̇д̇ано ваа убадтаагаанам̣ ваа д̣̇уб̣бхарад̇аанаязна жид̇д̇ам̣ уббаж̇ж̇иссад̇и. д̇ад̇о нам̣ иминаа бин̣д̣абаад̇абадигкзбан̇гусзна ниваарзссад̇и – ‘‘арз д̇вам̣ суг̇ад̇аад̇ирид̇д̇амби бин̣д̣абаад̇ам̣ бадигкибид̇ваа ийд̣̇исам̣ жид̇д̇ам̣ уббаад̣̇зсий’’д̇и звам̣ бажжавзгкамаано, звамасса субхарад̇ааяа сам̣вад̇д̇иссад̇и. сажз банасса госаж̇ж̇ам̣ уббаж̇ж̇иссад̇и, д̇амби зд̇знзван̇гусзна ниваарзссад̇и – ‘‘арз д̇вам̣ наама д̇ад̣̇аа суг̇ад̇аад̇ирид̇д̇амби бин̣д̣абаад̇ам̣ бадигкибид̇ваа д̇ат̇аа ж̇игхажчаад̣̇уб̣б̣аляабарзд̇оби саман̣ад̇хаммам̣ гад̇ваа аж̇ж̇а госаж̇ж̇амануяун̃ж̇асий’’д̇и звам̣ бажжавзгкамаано, звамасса вийрияаарамбхааяа сам̣вад̇д̇иссад̇и. звамасса ид̣̇ам̣ бин̣д̣абаад̇абадигкибанам̣ д̣̇ийгхарад̇д̇ам̣ аббижчад̇ааяа…бз… вийрияаарамбхааяа сам̣вад̇д̇иссад̇и. звамассимз бан̃жа г̇ун̣аа барибуураа д̣̇аса гат̇аавад̇т̇ууни барибуурзссанд̇и.

    Tattha sace aparena samayena assa attano vā upaṭṭhākānaṃ vā dubbharatānayena cittaṃ uppajjissati. Tato naṃ iminā piṇḍapātapaṭikkhepaṅkusena nivāressati – ‘‘are tvaṃ sugatātirittampi piṇḍapātaṃ paṭikkhipitvā īdisaṃ cittaṃ uppādesī’’ti evaṃ paccavekkhamāno, evamassa subharatāya saṃvattissati. Sace panassa kosajjaṃ uppajjissati, tampi etenevaṅkusena nivāressati – ‘‘are tvaṃ nāma tadā sugatātirittampi piṇḍapātaṃ paṭikkhipitvā tathā jighacchādubbalyaparetopi samaṇadhammaṃ katvā ajja kosajjamanuyuñjasī’’ti evaṃ paccavekkhamāno, evamassa vīriyārambhāya saṃvattissati. Evamassa idaṃ piṇḍapātapaṭikkhipanaṃ dīgharattaṃ appicchatāya…pe… vīriyārambhāya saṃvattissati. Evamassime pañca guṇā paripūrā dasa kathāvatthūni paripūressanti.

    гат̇ам̣? ад̇ра хи баал̣ияам̣язва аббижчад̇аасанд̇удтид̇аавийрияаарамбхавасзна д̇ийн̣и ааг̇ад̇аани, сзсаани саллзкзна сан̇г̇ахид̇аани. ид̣̇ан̃хи саб̣б̣агат̇аавад̇т̇уунам̣ наамамзва, яад̣̇ид̣̇ам̣ саллзко. яат̇ааха – ‘‘яаа жа ко аяам̣, аананд̣̇а, гат̇аа абхисаллзкигаа жзд̇овинийваран̣асаббааяаа зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. сзяяат̇ид̣̇ам̣, аббижчагат̇аа’’д̇и (ма. ни. 3.189, 192) вид̇т̇ааро. звам̣ имз бан̃жа г̇ун̣аа барибуураа д̣̇аса гат̇аавад̇т̇ууни барибуурзссанд̇и. д̣̇аса гат̇аавад̇т̇ууни барибуураани д̇иссо сигкаа барибуурзссанд̇и.

    Kathaṃ? Atra hi pāḷiyaṃyeva appicchatāsantuṭṭhitāvīriyārambhavasena tīṇi āgatāni, sesāni sallekhena saṅgahitāni. Idañhi sabbakathāvatthūnaṃ nāmameva, yadidaṃ sallekho. Yathāha – ‘‘yā ca kho ayaṃ, ānanda, kathā abhisallekhikā cetovinīvaraṇasappāyā ekantanibbidāya virāgāya nirodhāya upasamāya abhiññāya sambodhāya nibbānāya saṃvattati. Seyyathidaṃ, appicchakathā’’ti (ma. ni. 3.189, 192) vitthāro. Evaṃ ime pañca guṇā paripūrā dasa kathāvatthūni paripūressanti. Dasa kathāvatthūni paripūrāni tisso sikkhā paripūressanti.

    гат̇ам̣? зд̇зсу хи аббижчагат̇аа санд̇осагат̇аа асам̣саг̇г̇агат̇аа сийлагат̇аад̇и имаа жад̇ассо гат̇аа ад̇хисийласигкаасан̇г̇ахид̇ааязва . бавивзгагат̇аа вийрияаарамбхагат̇аа самаад̇хигат̇аад̇и имаа д̇иссо ад̇хижид̇д̇асигкасан̇г̇ахид̇аа . бан̃н̃аагат̇аа вимуд̇д̇игат̇аа вимуд̇д̇ин̃аан̣ад̣̇ассанагат̇аад̇и имаа д̇иссо ад̇хибан̃н̃аасигкаасан̇г̇ахид̇аад̇и. звам̣ д̣̇аса гат̇аавад̇т̇ууни барибуураани д̇иссо сигкаа барибуурзссанд̇и. д̇иссо сигкаа барибуураа бан̃жа асзгкад̇хаммагканд̇хз барибуурзссанд̇и.

    Kathaṃ? Etesu hi appicchakathā santosakathā asaṃsaggakathā sīlakathāti imā catasso kathā adhisīlasikkhāsaṅgahitāyeva . Pavivekakathā vīriyārambhakathā samādhikathāti imā tisso adhicittasikkhasaṅgahitā . Paññākathā vimuttikathā vimuttiñāṇadassanakathāti imā tisso adhipaññāsikkhāsaṅgahitāti. Evaṃ dasa kathāvatthūni paripūrāni tisso sikkhā paripūressanti. Tisso sikkhā paripūrā pañca asekkhadhammakkhandhe paripūressanti.

    гат̇ам̣? барибуураа хи ад̇хисийласигкаа асзгко сийлагканд̇хоязва ход̇и, ад̇хижид̇д̇асигкаа асзгко самаад̇хигканд̇хо, ад̇хибан̃н̃аасигкаа асзгкаа бан̃н̃аа-вимуд̇д̇и-вимуд̇д̇ин̃аан̣ад̣̇ассанагканд̇хаа зваад̇и звам̣ д̇иссо сигкаа барибуураа бан̃жа асзгкад̇хаммагканд̇хз барибуурзссанд̇и. бан̃жа д̇хаммагканд̇хаа барибуураа амад̇ам̣ ниб̣б̣аанам̣ барибуурзссанд̇и. сзяяат̇ааби убарибаб̣б̣ад̇з баавуссаго махаамзгхо абхивудто баб̣б̣ад̇аганд̣̇арасарасаакаа барибуурзд̇и. д̇аа барибуураа гусоб̣бхз, гусоб̣бхаа махаасоб̣бхз, махаасоб̣бхаа гуннад̣̇ияо, гуннад̣̇ияо махаанад̣̇ияо, махаанад̣̇ияо махаасамуд̣̇д̣̇асааг̇арам̣ барибуурзнд̇и; звамзва д̇асса бхигкуно имз бан̃жа г̇ун̣аа барибуураа д̣̇аса гат̇аавад̇т̇уни аад̣̇им̣ гад̇ваа яаава амад̇ам̣ ниб̣б̣аанам̣ барибуурзссанд̇и. звамаяам̣ бхигку д̇хаммад̣̇ааяаад̣̇абадибад̣̇ам̣ бадибанно барамад̇хаммад̣̇ааяаад̣̇ам̣ лабхад̇ийд̇и зд̇амад̇т̇ам̣ самбассамаано бхаг̇аваа ‘‘д̇ам̣ гисса хзд̇у д̇ан̃хи д̇асса, бхигкавз, бхигкуно’’д̇иаад̣̇имааха.

    Kathaṃ? Paripūrā hi adhisīlasikkhā asekkho sīlakkhandhoyeva hoti, adhicittasikkhā asekkho samādhikkhandho, adhipaññāsikkhā asekkhā paññā-vimutti-vimuttiñāṇadassanakkhandhā evāti evaṃ tisso sikkhā paripūrā pañca asekkhadhammakkhandhe paripūressanti. Pañca dhammakkhandhā paripūrā amataṃ nibbānaṃ paripūressanti. Seyyathāpi uparipabbate pāvussako mahāmegho abhivuṭṭho pabbatakandarasarasākhā paripūreti. Tā paripūrā kusobbhe, kusobbhā mahāsobbhe, mahāsobbhā kunnadiyo, kunnadiyo mahānadiyo, mahānadiyo mahāsamuddasāgaraṃ paripūrenti; evameva tassa bhikkhuno ime pañca guṇā paripūrā dasa kathāvatthuni ādiṃ katvā yāva amataṃ nibbānaṃ paripūressanti. Evamayaṃ bhikkhu dhammadāyādapaṭipadaṃ paṭipanno paramadhammadāyādaṃ labhatīti etamatthaṃ sampassamāno bhagavā ‘‘taṃ kissa hetu tañhi tassa, bhikkhave, bhikkhuno’’tiādimāha.

    звам̣ д̇асса бхигкуно буж̇ж̇ад̇арабаасам̣сад̇арабхаавам̣ гааран̣зна саад̇хзд̇ваа ид̣̇аани д̇з бхигкуу д̇ат̇ад̇д̇ааяа саннияож̇знд̇о д̇асмаа д̇иха мз бхигкавзд̇иаад̣̇имааха. гим̣ вуд̇д̇ам̣ ход̇и, яасмаа яо д̇ам̣ бин̣д̣абаад̇ам̣ бхун̃ж̇ид̇ваа саман̣ад̇хаммам̣ гарзяяа, со имзхи бан̃жахи муулаг̇ун̣зхи бариб̣аахиро. яо бана абхун̃ж̇ид̇ваа гарзяяа, со имзсам̣ бхааг̇ий ход̇и – ‘‘д̇асмаа д̇иха мз, бхигкавз…бз… но аамисад̣̇ааяаад̣̇аа’’д̇и.

    Evaṃ tassa bhikkhuno pujjatarapāsaṃsatarabhāvaṃ kāraṇena sādhetvā idāni te bhikkhū tathattāya sanniyojento tasmā tiha me bhikkhavetiādimāha. Kiṃ vuttaṃ hoti, yasmā yo taṃ piṇḍapātaṃ bhuñjitvā samaṇadhammaṃ kareyya, so imehi pañcahi mūlaguṇehi paribāhiro. Yo pana abhuñjitvā kareyya, so imesaṃ bhāgī hoti – ‘‘tasmā tiha me, bhikkhave…pe… no āmisadāyādā’’ti.

    ид̣̇амавожа бхаг̇аваад̇и ид̣̇ам̣ нид̣̇аанабарияосаанад̇о бабхуд̇и яаава но аамисад̣̇ааяаад̣̇аад̇и суд̇д̇аббад̣̇зсам̣ бхаг̇аваа авожа. ид̣̇ам̣ вад̇ваана суг̇ад̇од̇и ид̣̇ан̃жа суд̇д̇аббад̣̇зсам̣ вад̇ваава собханааяа бадибад̣̇ааяа г̇ад̇ад̇д̇аа суг̇ад̇од̇и сан̇кам̣ бад̇д̇оязва бхаг̇аваа. удтааяаасанаа вихаарам̣ баависий бан̃н̃ад̇д̇авараб̣уд̣̇д̇хаасанад̇о удтахид̇ваа вихаарам̣ ад̇д̇ано махааг̇анд̇хагудим̣ баависи асамбхиннааяа зва барисааяа. гасмаа д̇хаммат̇оманад̇т̇ам̣.

    Idamavoca bhagavāti idaṃ nidānapariyosānato pabhuti yāva no āmisadāyādāti suttappadesaṃ bhagavā avoca. Idaṃ vatvāna sugatoti idañca suttappadesaṃ vatvāva sobhanāya paṭipadāya gatattā sugatoti saṅkhaṃ pattoyeva bhagavā. Uṭṭhāyāsanā vihāraṃ pāvisī paññattavarabuddhāsanato uṭṭhahitvā vihāraṃ attano mahāgandhakuṭiṃ pāvisi asambhinnāya eva parisāya. Kasmā dhammathomanatthaṃ.

    б̣уд̣̇д̇хаа гира абаринидтид̇ааяа д̣̇зсанааяа вихаарам̣ бависанд̇аа д̣̇вийхи гааран̣зхи бависанд̇и буг̇г̇алат̇оманад̇т̇ам̣ ваа д̇хаммат̇оманад̇т̇ам̣ ваа. буг̇г̇алат̇оманад̇т̇ам̣ бависанд̇о звам̣ жинд̇зси – ‘‘имам̣ маяаа сам̣кид̇д̇зна уд̣̇д̣̇зсам̣ уд̣̇д̣̇идтам̣, вид̇т̇аарзна авибхад̇д̇ам̣, д̇хаммабадиг̇г̇аахагаа бхигкуу уг̇г̇ахзд̇ваа аананд̣̇ам̣ ваа гажжаанам̣ ваа убасан̇гамид̇ваа бужчиссанд̇и, д̇з маяхам̣ н̃аан̣зна сам̣санд̣̇зд̇ваа гат̇зссанд̇и, д̇ад̇о д̇хаммабадиг̇г̇аахагаа буна мам̣ бужчиссанд̇и, д̇зсам̣ ахам̣ сугат̇ид̇ам̣, бхигкавз, аананд̣̇зна сугат̇ид̇ам̣ гажжаанзна, мам̣ жзби д̇умхз зд̇амад̇т̇ам̣ бужчзяяаат̇а, ахамби нам̣ звамзва б̣яаагарзяяанд̇и звам̣ д̇з буг̇г̇алз т̇омзссаами, д̇ад̇о д̇зсу г̇ааравам̣ ж̇анзд̇ваа бхигкуу убасан̇гамиссанд̇и, д̇зби бхигкуу ад̇т̇з жа д̇хаммз жа нияож̇зссанд̇и, д̇з д̇зхи нияож̇ид̇аа д̇иссо сигкаа барибуурзнд̇аа д̣̇угкассанд̇ам̣ гариссанд̇ий’’д̇и.

    Buddhā kira apariniṭṭhitāya desanāya vihāraṃ pavisantā dvīhi kāraṇehi pavisanti puggalathomanatthaṃ vā dhammathomanatthaṃ vā. Puggalathomanatthaṃ pavisanto evaṃ cintesi – ‘‘imaṃ mayā saṃkhittena uddesaṃ uddiṭṭhaṃ, vitthārena avibhattaṃ, dhammapaṭiggāhakā bhikkhū uggahetvā ānandaṃ vā kaccānaṃ vā upasaṅkamitvā pucchissanti, te mayhaṃ ñāṇena saṃsandetvā kathessanti, tato dhammapaṭiggāhakā puna maṃ pucchissanti, tesaṃ ahaṃ sukathitaṃ, bhikkhave, ānandena sukathitaṃ kaccānena, maṃ cepi tumhe etamatthaṃ puccheyyātha, ahampi naṃ evameva byākareyyanti evaṃ te puggale thomessāmi, tato tesu gāravaṃ janetvā bhikkhū upasaṅkamissanti, tepi bhikkhū atthe ca dhamme ca niyojessanti, te tehi niyojitā tisso sikkhā paripūrentā dukkhassantaṃ karissantī’’ti.

    д̇хаммат̇оманад̇т̇ам̣ бависанд̇о звам̣ жинд̇зси, яат̇аа ид̇хзва жинд̇зси – ‘‘маяи вихаарам̣ бавидтз д̇амзва аамисад̣̇ааяаад̣̇ам̣ г̇араханд̇о д̇хаммад̣̇ааяаад̣̇ан̃жа т̇омзнд̇о имиссам̣язва барисад̇и нисинно саарибуд̇д̇о д̇хаммам̣ д̣̇зсзссад̇и, звам̣ д̣̇виннамби амхаагам̣ згаж̇жхаасаяааяа мад̇ияаа д̣̇зсид̇аа аяам̣ д̣̇зсанаа аг̇г̇аа жа г̇аругаа жа бхависсад̇и баасаан̣ажчад̇д̇асад̣̇исаа. жад̇урогханид̇т̇аран̣адтзна д̇ид̇т̇з табид̇аа нааваа вияа маг̇г̇аг̇аманадтзна жад̇уяуд̇д̇аааж̇ан̃н̃арат̇о вияа жа бхависсад̇и. яат̇аа жа ‘звам̣ гаронд̇асса аяам̣ д̣̇ан̣д̣о’д̇и барисад̇и аан̣ам̣ табзд̇ваа удтааяаасанаа баасаад̣̇ам̣ аарул̣хз рааж̇ини д̇ад̇т̇зва нисинно сзнаабад̇и д̇ам̣ ран̃н̃аа табид̇ам̣ аан̣ам̣ бавад̇д̇зд̇и; звамби маяаа табид̇ам̣ д̣̇зсанам̣ имиссам̣язва барисад̇и нисинно саарибуд̇д̇о т̇омзд̇ваа д̣̇зсзссад̇и, звам̣ д̣̇виннамби амхаагам̣ мад̇ияаа д̣̇зсид̇аа аяам̣ д̣̇зсанаа б̣алавад̇араа маж̇жханхигасуурияо вияа баж̇ж̇алиссад̇ий’’д̇и. звамид̇ха д̇хаммат̇оманад̇т̇ам̣ удтааяаасанаа вихаарам̣ баависи.

    Dhammathomanatthaṃ pavisanto evaṃ cintesi, yathā idheva cintesi – ‘‘mayi vihāraṃ paviṭṭhe tameva āmisadāyādaṃ garahanto dhammadāyādañca thomento imissaṃyeva parisati nisinno sāriputto dhammaṃ desessati, evaṃ dvinnampi amhākaṃ ekajjhāsayāya matiyā desitā ayaṃ desanā aggā ca garukā ca bhavissati pāsāṇacchattasadisā. Caturoghanittharaṇaṭṭhena titthe ṭhapitā nāvā viya maggagamanaṭṭhena catuyuttaājaññaratho viya ca bhavissati. Yathā ca ‘evaṃ karontassa ayaṃ daṇḍo’ti parisati āṇaṃ ṭhapetvā uṭṭhāyāsanā pāsādaṃ āruḷhe rājini tattheva nisinno senāpati taṃ raññā ṭhapitaṃ āṇaṃ pavatteti; evampi mayā ṭhapitaṃ desanaṃ imissaṃyeva parisati nisinno sāriputto thometvā desessati, evaṃ dvinnampi amhākaṃ matiyā desitā ayaṃ desanā balavatarā majjhanhikasūriyo viya pajjalissatī’’ti. Evamidha dhammathomanatthaṃ uṭṭhāyāsanā vihāraṃ pāvisi.

    ийд̣̇исзсу жа таанзсу бхаг̇аваа нисиннаасанзязва анд̇арахид̇о жид̇д̇аг̇ад̇ияаа вихаарам̣ бависад̇ийд̇и взд̣̇ид̇аб̣б̣о. яад̣̇и хи гааяаг̇ад̇ияаа г̇ажчзяяа, саб̣б̣аа барисаа бхаг̇аванд̇ам̣ бариваарзд̇ваа г̇ажчзяяа, саа згаваарам̣ бхиннаа буна д̣̇уссаннибаад̇аа бхавзяяаад̇и бхаг̇аваа жид̇д̇аг̇ад̇ияаа зва баависи.

    Īdisesu ca ṭhānesu bhagavā nisinnāsaneyeva antarahito cittagatiyā vihāraṃ pavisatīti veditabbo. Yadi hi kāyagatiyā gaccheyya, sabbā parisā bhagavantaṃ parivāretvā gaccheyya, sā ekavāraṃ bhinnā puna dussannipātā bhaveyyāti bhagavā cittagatiyā eva pāvisi.

    31. звам̣ бавидтз бана бхаг̇авад̇и бхаг̇авад̇о ад̇хиббааяаануруубам̣ д̇ам̣ д̇хаммам̣ т̇омзд̇угаамо д̇ад̇ра ко ааяасмаа саарибуд̇д̇о…бз…зд̇ад̣̇авожа. д̇ад̇т̇а ааяасмаад̇и бияаважанамзд̇ам̣. саарибуд̇д̇од̇и д̇асса т̇зрасса наамам̣, д̇ан̃жа ко маад̇ид̇о, на бид̇ид̇о. руубасаарияаа хи б̣раахман̣ияаа со буд̇д̇о, д̇асмаа саарибуд̇д̇од̇и вужжад̇и. ажирабагганд̇ассаад̇и багганд̇асса сад̇о нажирзна. аавусо, бхигкавзд̇и зд̇т̇а бана б̣уд̣̇д̇хаа бхаг̇аванд̇о саавагз аалабанд̇аа бхигкавзд̇и аалабанд̇и. саавагаа бана б̣уд̣̇д̇хзхи сад̣̇исаа маа хомаад̇и аавусод̇и батамам̣ вад̇ваа бажчаа бхигкавзд̇и бхан̣анд̇и. б̣уд̣̇д̇хзхи жа аалабид̇о бхигкусан̇гхо бхад̣̇анд̇зд̇и бадиважанам̣ д̣̇зд̇и, саавагзхи аавусод̇и.

    31. Evaṃ paviṭṭhe pana bhagavati bhagavato adhippāyānurūpaṃ taṃ dhammaṃ thometukāmo tatra khoāyasmā sāriputto…pe…etadavoca. Tattha āyasmāti piyavacanametaṃ. Sāriputtoti tassa therassa nāmaṃ, tañca kho mātito, na pitito. Rūpasāriyā hi brāhmaṇiyā so putto, tasmā sāriputtoti vuccati. Acirapakkantassāti pakkantassa sato nacirena. Āvuso, bhikkhaveti ettha pana buddhā bhagavanto sāvake ālapantā bhikkhaveti ālapanti. Sāvakā pana buddhehi sadisā mā homāti āvusoti paṭhamaṃ vatvā pacchā bhikkhaveti bhaṇanti. Buddhehi ca ālapito bhikkhusaṅgho bhadanteti paṭivacanaṃ deti, sāvakehi āvusoti.

    гид̇д̇аавад̇аа ну ко, аавусод̇и зд̇т̇а гид̇д̇аавад̇аад̇и барижчзд̣̇аважанам̣, гид̇д̇агзнаад̇и вуд̇д̇ам̣ ход̇и. нугааро бужчааяам̣. когааро нибаад̇амад̇д̇ам̣. сад̇т̇у бавивид̇д̇асса вихарад̇од̇и, д̇ийхи вивзгзхи гааяажид̇д̇аубад̇хививзгзхи сад̇т̇уно вихаранд̇асса. вивзгам̣ наанусигканд̇ийд̇и д̇ин̣н̣ам̣ вивзгаанам̣ ан̃н̃ад̇арамби наанусигканд̇и, аамисад̣̇ааяаад̣̇аава хонд̇ийд̇и имамад̇т̇ам̣ ааяасмаа саарибуд̇д̇о бхигкуу бужчи. зса наяо суггабагкзби.

    Kittāvatānu kho, āvusoti ettha kittāvatāti paricchedavacanaṃ, kittakenāti vuttaṃ hoti. Nukāro pucchāyaṃ. Khokāro nipātamattaṃ. Satthu pavivittassa viharatoti, tīhi vivekehi kāyacittaupadhivivekehi satthuno viharantassa. Vivekaṃ nānusikkhantīti tiṇṇaṃ vivekānaṃ aññatarampi nānusikkhanti, āmisadāyādāva hontīti imamatthaṃ āyasmā sāriputto bhikkhū pucchi. Esa nayo sukkapakkhepi.

    звам̣ вуд̇д̇з д̇амад̇т̇ам̣ сод̇угаамаа бхигкуу д̣̇уурад̇оби код̇иаад̣̇имаахам̣су. д̇ад̇т̇а д̣̇уурад̇обийд̇и д̇ирорадтад̇оби д̇ирож̇анабад̣̇ад̇оби анзгаяож̇анаг̇ан̣анад̇обийд̇и вуд̇д̇ам̣ ход̇и. санд̇игзд̇и самийбз. ан̃н̃аад̇унд̇и ж̇аанид̇ум̣ б̣уж̇жхид̇ум̣. ааяасманд̇ам̣язва саарибуд̇д̇ам̣ бадибхаад̇ууд̇и ааяасмад̇оязва саарибуд̇д̇асса бхааг̇о ход̇у, ааяасмаа бана саарибуд̇д̇о ад̇д̇ано бхааг̇ам̣ гад̇ваа вибхаж̇ад̇ууд̇и вуд̇д̇ам̣ ход̇и. ааяасмад̇о хи бхааг̇о яад̣̇ид̣̇ам̣ ад̇т̇агкаанам̣, амхаагам̣ бана саванам̣ бхааг̇од̇и аяамзд̇т̇а ад̇хиббааяо, звам̣ сад̣̇д̣̇алагкан̣зна самзд̇и. гзжи бана бхан̣анд̇и ‘‘бадибхаад̇ууд̇и д̣̇иссад̇уу’’д̇и. абарз ‘‘убадтаад̇уу’’д̇и. д̇хаарзссанд̇ийд̇и уг̇г̇ахзссанд̇и барияаабун̣иссанд̇и. д̇ад̇о нзсам̣ гат̇зд̇угаамо т̇зро д̇зна хийд̇иаад̣̇имааха. д̇ад̇т̇а д̇знаад̇и гааран̣аважанам̣. хигааро нибаад̇о. яасмаа сод̇угаамаад̇т̇а, яасмаа жа маяхам̣ бхаарам̣ ааробаяид̇т̇а, д̇асмаа сун̣аат̇аад̇и вуд̇д̇ам̣ ход̇и. д̇зби бхигкуу т̇зрасса важанам̣ самбадижчим̣су, д̇знааха ‘‘звамаавусод̇и…бз…бажжассосу’’нд̇и.

    Evaṃ vutte tamatthaṃ sotukāmā bhikkhū dūratopi khotiādimāhaṃsu. Tattha dūratopīti tiroraṭṭhatopi tirojanapadatopi anekayojanagaṇanatopīti vuttaṃ hoti. Santiketi samīpe. Aññātunti jānituṃ bujjhituṃ. Āyasmantaṃyeva sāriputtaṃ paṭibhātūti āyasmatoyeva sāriputtassa bhāgo hotu, āyasmā pana sāriputto attano bhāgaṃ katvā vibhajatūti vuttaṃ hoti. Āyasmato hi bhāgo yadidaṃ atthakkhānaṃ, amhākaṃ pana savanaṃ bhāgoti ayamettha adhippāyo, evaṃ saddalakkhaṇena sameti. Keci pana bhaṇanti ‘‘paṭibhātūti dissatū’’ti. Apare ‘‘upaṭṭhātū’’ti. Dhāressantīti uggahessanti pariyāpuṇissanti. Tato nesaṃ kathetukāmo thero tena hītiādimāha. Tattha tenāti kāraṇavacanaṃ. Hikāro nipāto. Yasmā sotukāmāttha, yasmā ca mayhaṃ bhāraṃ āropayittha, tasmā suṇāthāti vuttaṃ hoti. Tepi bhikkhū therassa vacanaṃ sampaṭicchiṃsu, tenāha ‘‘evamāvusoti…pe…paccassosu’’nti.

    ат̇а нзсам̣, аамисад̣̇ааяаад̣̇ам̣ г̇араханд̇зна бхаг̇авад̇аа ‘‘д̇умхзби д̇зна аад̣̇ияаа бхавзяяаат̇аа’’д̇и згзнзваагаарзна вуд̇д̇амад̇т̇ам̣ д̇ийхи аагаарзхи д̣̇ассзнд̇о ааяасмаа саарибуд̇д̇о зд̇ад̣̇авожа – ‘‘ид̇хаавусо , сад̇т̇у бавивид̇д̇асса вихарад̇о…бз… зд̇д̇аавад̇аа ко, аавусо, сад̇т̇у бавивид̇д̇асса вихарад̇о саавагаа вивзгам̣ наанусигканд̇ий’’д̇и.

    Atha nesaṃ, āmisadāyādaṃ garahantena bhagavatā ‘‘tumhepi tena ādiyā bhaveyyāthā’’ti ekenevākārena vuttamatthaṃ tīhi ākārehi dassento āyasmā sāriputto etadavoca – ‘‘idhāvuso , satthu pavivittassa viharato…pe… ettāvatā kho, āvuso, satthu pavivittassa viharato sāvakā vivekaṃ nānusikkhantī’’ti.

    зд̇д̇аавад̇аа яан̃жа бхаг̇аваа аамисад̣̇ааяаад̣̇абадибад̣̇ам̣ г̇араханд̇о ‘‘д̇умхзби д̇зна аад̣̇ияаа бхавзяяаат̇аа’’д̇и ааха, яан̃жа ад̇д̇анаа бужчам̣ бужчи ‘‘гид̇д̇аавад̇аа ну ко…бз… наанусигканд̇ий’’д̇и, д̇асса вид̇т̇аарад̇о ад̇т̇о сувибхад̇д̇о ход̇и. со жа ко бхаг̇авад̇о аад̣̇ияабхаавам̣ анаамасид̇ваава. бхаг̇авад̇оязва хи яуд̇д̇ам̣ саавагз ануг̇г̇ан̣ханд̇асса ‘‘ахамби д̇зна аад̣̇ияо бхависсаамий’’д̇и вад̇д̇ум̣, на саавагаанам̣. зса наяо суггабагкзби, аяам̣ д̇аавзд̇т̇а анусанд̇хиггамаяож̇анаа.

    Ettāvatā yañca bhagavā āmisadāyādapaṭipadaṃ garahanto ‘‘tumhepi tena ādiyā bhaveyyāthā’’ti āha, yañca attanā pucchaṃ pucchi ‘‘kittāvatā nu kho…pe… nānusikkhantī’’ti, tassa vitthārato attho suvibhatto hoti. So ca kho bhagavato ādiyabhāvaṃ anāmasitvāva. Bhagavatoyeva hi yuttaṃ sāvake anuggaṇhantassa ‘‘ahampi tena ādiyo bhavissāmī’’ti vattuṃ, na sāvakānaṃ. Esa nayo sukkapakkhepi, ayaṃ tāvettha anusandhikkamayojanā.

    аяам̣ банад̇т̇аван̣н̣анаа ид̇хаад̇и имасмим̣ саасанз, сад̇т̇у бавивид̇д̇ассаад̇и сад̇т̇уно д̇ийхи вивзгзхи ажжанд̇абавивид̇д̇асса. вивзгам̣ наанусигканд̇ийд̇и гааяавивзгам̣ наанусигканд̇и, на барибуурзнд̇ийд̇и вуд̇д̇ам̣ ход̇и. яад̣̇и бана д̇ивид̇хам̣ вивзгам̣ санд̇хааяа вад̣̇зяяа, бужчааяа ависзсо сияаа. б̣яаагаран̣абагко хи аяам̣. д̇асмаа иминаа бад̣̇зна гааяавивзгам̣, ‘‘язсан̃жа д̇хаммаана’’нд̇иаад̣̇инаа жид̇д̇авивзгам̣, ‘‘б̣аахулигаа’’д̇иаад̣̇инаа убад̇хививзган̃жа д̣̇ассзд̇ийд̇и звамзд̇т̇а сан̇кзбад̇о ад̇т̇о взд̣̇ид̇аб̣б̣о.

    Ayaṃ panatthavaṇṇanā idhāti imasmiṃ sāsane, satthu pavivittassāti satthuno tīhi vivekehi accantapavivittassa. Vivekaṃ nānusikkhantīti kāyavivekaṃ nānusikkhanti, na paripūrentīti vuttaṃ hoti. Yadi pana tividhaṃ vivekaṃ sandhāya vadeyya, pucchāya aviseso siyā. Byākaraṇapakkho hi ayaṃ. Tasmā iminā padena kāyavivekaṃ, ‘‘yesañca dhammāna’’ntiādinā cittavivekaṃ, ‘‘bāhulikā’’tiādinā upadhivivekañca dassetīti evamettha saṅkhepato attho veditabbo.

    язсан̃жа д̇хаммаананд̇и лобхаад̣̇аяо санд̇хааяааха, яз барад̇о ‘‘д̇ад̇раавусо лобхо жа баабаго’’д̇иаад̣̇инаа наязна вагкад̇и. наббаж̇аханд̇ийд̇и на барижжаж̇анд̇и, жид̇д̇авивзгам̣ на барибуурзнд̇ийд̇и вуд̇д̇ам̣ ход̇и. б̣аахулигаад̇и жийвараад̣̇иб̣аахуллааяа бадибаннаа. саасанам̣ сит̇илам̣ г̇ан̣ханд̇ийд̇и саат̇алигаа. оггаманз буб̣б̣ан̇г̇амаад̇и зд̇т̇а оггаманам̣ вужжанд̇и аваг̇аманадтзна бан̃жа нийваран̣аани, д̇зна бан̃жанийваран̣абуб̣б̣ан̇г̇амаад̇и вуд̇д̇ам̣ ход̇и. бавивзгзд̇и убад̇хививзгз ниб̣б̣аанз. нигкид̇д̇ад̇хураад̇и оробид̇ад̇хураа, д̇ад̣̇ад̇хиг̇амааяа аарамбхамби агурумаанаад̇и, зд̇д̇аавад̇аа убад̇хививзгам̣ на барибуурзнд̇ийд̇и вуд̇д̇ам̣ ход̇и.

    Yesañca dhammānanti lobhādayo sandhāyāha, ye parato ‘‘tatrāvuso lobho ca pāpako’’tiādinā nayena vakkhati. Nappajahantīti na pariccajanti, cittavivekaṃ na paripūrentīti vuttaṃ hoti. Bāhulikāti cīvarādibāhullāya paṭipannā. Sāsanaṃ sithilaṃ gaṇhantīti sāthalikā. Okkamane pubbaṅgamāti ettha okkamanaṃ vuccanti avagamanaṭṭhena pañca nīvaraṇāni, tena pañcanīvaraṇapubbaṅgamāti vuttaṃ hoti. Paviveketi upadhiviveke nibbāne. Nikkhittadhurāti oropitadhurā, tadadhigamāya ārambhampi akurumānāti, ettāvatā upadhivivekaṃ na paripūrentīti vuttaṃ hoti.

    зд̇д̇аавад̇аа анияамзнзва вад̇ваа ид̣̇аани д̣̇зсанам̣ нияамзнд̇о ‘‘д̇ад̇раавусо’’д̇иаад̣̇имааха. гасмаа? саавагаа ‘‘д̇ийхи таанзхий’’д̇и зван̃хи анияамзд̇ваава вужжамаанз ‘‘гамби ман̃н̃з бхан̣ад̇и , на амхз’’д̇и уд̣̇аасинааби хонд̇и. ‘‘т̇зраа наваа маж̇жхимаа’’д̇и звам̣ бана нияамзд̇ваа вужжамаанз амхз бхан̣ад̇ийд̇и аад̣̇арам̣ гаронд̇и . яат̇аа ран̃н̃аа ‘‘амажжзхи наг̇аравийт̇ияо сод̇хзд̇аб̣б̣аа’’д̇и вуд̇д̇зби ‘‘гзна ну ко сод̇хзд̇аб̣б̣аа’’д̇и ман̃н̃амаанаа на сод̇хзнд̇и, ад̇д̇ано ад̇д̇ано гхарад̣̇ваарам̣ сод̇хзд̇аб̣б̣анд̇и бана бхзрияаа нигканд̇ааяа саб̣б̣з мухуд̇д̇зна сод̇хзнд̇и жа алан̇гаронд̇и жа, звам̣самбад̣̇амид̣̇ам̣ взд̣̇ид̇аб̣б̣ам̣.

    Ettāvatā aniyameneva vatvā idāni desanaṃ niyamento ‘‘tatrāvuso’’tiādimāha. Kasmā? Sāvakā ‘‘tīhi ṭhānehī’’ti evañhi aniyametvāva vuccamāne ‘‘kampi maññe bhaṇati , na amhe’’ti udāsināpi honti. ‘‘Therā navā majjhimā’’ti evaṃ pana niyametvā vuccamāne amhe bhaṇatīti ādaraṃ karonti . Yathā raññā ‘‘amaccehi nagaravīthiyo sodhetabbā’’ti vuttepi ‘‘kena nu kho sodhetabbā’’ti maññamānā na sodhenti, attano attano gharadvāraṃ sodhetabbanti pana bheriyā nikkhantāya sabbe muhuttena sodhenti ca alaṅkaronti ca, evaṃsampadamidaṃ veditabbaṃ.

    д̇ад̇т̇а д̇ад̇раад̇и д̇зсу саавагзсу. т̇зраад̇и д̣̇асавассз убаад̣̇ааяа вужжанд̇и. д̇ийхи таанзхийд̇и д̇ийхи гааран̣зхи. аяан̃хи таанасад̣̇д̣̇о иссарияадтид̇икан̣агааран̣зсу д̣̇иссад̇и. ‘‘гим̣ банааяасмаа д̣̇зваанаминд̣̇о гаммам̣ гад̇ваа имам̣ таанам̣ бад̇д̇о’’д̇иаад̣̇ийсу хи иссарияз д̣̇иссад̇и. ‘‘таанагусало ход̇и агкан̣авзд̇хий’’д̇иаад̣̇ийсу тид̇ияам̣. ‘‘таанасовзд̇ам̣ д̇ат̇ааг̇ад̇ам̣ бадибхаад̇ий’’д̇иаад̣̇ийсу (ма. ни. 2.87) кан̣з. ‘‘таанан̃жа таанад̇о адтаанан̃жа адтаанад̇о’’д̇иаад̣̇ийсу (вибха. 809; ма. ни. 1.148) гааран̣з. ид̇ха бана гааран̣зязва. гааран̣ан̃хи яасмаа д̇ад̇т̇а палам̣ д̇идтад̇и д̇ад̣̇ааяад̇д̇авуд̇д̇ибхаавзна, д̇асмаа таананд̇и вужжад̇и.

    Tattha tatrāti tesu sāvakesu. Therāti dasavasse upādāya vuccanti. Tīhi ṭhānehīti tīhi kāraṇehi. Ayañhi ṭhānasaddo issariyaṭṭhitikhaṇakāraṇesu dissati. ‘‘Kiṃ panāyasmā devānamindo kammaṃ katvā imaṃ ṭhānaṃ patto’’tiādīsu hi issariye dissati. ‘‘Ṭhānakusalo hoti akkhaṇavedhī’’tiādīsu ṭhitiyaṃ. ‘‘Ṭhānasovetaṃ tathāgataṃ paṭibhātī’’tiādīsu (ma. ni. 2.87) khaṇe. ‘‘Ṭhānañca ṭhānato aṭṭhānañca aṭṭhānato’’tiādīsu (vibha. 809; ma. ni. 1.148) kāraṇe. Idha pana kāraṇeyeva. Kāraṇañhi yasmā tattha phalaṃ tiṭṭhati tadāyattavuttibhāvena, tasmā ṭhānanti vuccati.

    иминаа батамзна таанзна т̇зраа бхигкуу г̇аараяхаад̇и зд̇т̇а г̇аараяхаад̇и г̇арахид̇аб̣б̣аа. т̇зраа наама самаанаа аран̃н̃аванабад̇т̇аани банд̇аани сзнаасанаани на убзнд̇и, г̇ааманд̇асзнаасанам̣ на мун̃жанд̇и, сан̇г̇ан̣игаараамад̇ам̣ вад̣дхзнд̇аа вихаранд̇и, гааяавивзгамби на барибуурзнд̇и, навамаж̇жхимагаалз гийд̣̇исаа ахзсунд̇и звам̣ нинд̣̇ид̇аб̣б̣аа хонд̇и, имам̣ нинд̣̇ам̣ аавусо лабханд̇ийд̇и д̣̇ассзд̇и. д̣̇уд̇иязна таанзнаад̇и зд̇т̇ааби имз наама аавусо т̇зрааби самаанаа язсам̣ д̇хаммаанам̣ сад̇т̇аа бахаанамааха, д̇з лобхаад̣̇ид̇хаммз на ж̇аханд̇и, ажчараасан̇гхаад̇амад̇д̇амби згаманд̇ам̣ нисийд̣̇ид̇ваа жид̇д̇згаг̇г̇ад̇ам̣ на лабханд̇и, навамаж̇жхимагаалз гийд̣̇исаа ахзсунд̇и звам̣ нинд̣̇ид̇аб̣б̣аа хонд̇и, имам̣ нинд̣̇ам̣ аавусо лабханд̇ийд̇и д̣̇ассзд̇ийд̇и звам̣ яож̇анаа гаад̇аб̣б̣аа. д̇ад̇иязна таанзнаад̇и зд̇т̇ааби имз наамаавусо, т̇зрааби самаанаа ид̇арийд̇арзна на яаабзнд̇и, жийварабад̇д̇асзнаасанабууд̇игааяаман̣д̣анаануяог̇амануяуд̇д̇аа вихаранд̇и убад̇хививзгам̣ абуураяамаанаа, навамаж̇жхимагаалз гийд̣̇исаа ахзсунд̇и звам̣ нинд̣̇ид̇аб̣б̣аа хонд̇и, имам̣ нинд̣̇ам̣, аавусо, лабханд̇ийд̇и д̣̇ассзд̇ийд̇и звам̣ яож̇анаа взд̣̇ид̇аб̣б̣аа. зса наяо маж̇жхиманававаарзсу.

    Iminā paṭhamena ṭhānena therā bhikkhū gārayhāti ettha gārayhāti garahitabbā. Therā nāma samānā araññavanapatthāni pantāni senāsanāni na upenti, gāmantasenāsanaṃ na muñcanti, saṅgaṇikārāmataṃ vaḍḍhentā viharanti, kāyavivekampi na paripūrenti, navamajjhimakāle kīdisā ahesunti evaṃ ninditabbā honti, imaṃ nindaṃ āvuso labhantīti dasseti. Dutiyena ṭhānenāti etthāpi ime nāma āvuso therāpi samānā yesaṃ dhammānaṃ satthā pahānamāha, te lobhādidhamme na jahanti, accharāsaṅghātamattampi ekamantaṃ nisīditvā cittekaggataṃ na labhanti, navamajjhimakāle kīdisā ahesunti evaṃ ninditabbā honti, imaṃ nindaṃ āvuso labhantīti dassetīti evaṃ yojanā kātabbā. Tatiyena ṭhānenāti etthāpi ime nāmāvuso, therāpi samānā itarītarena na yāpenti, cīvarapattasenāsanapūtikāyamaṇḍanānuyogamanuyuttā viharanti upadhivivekaṃ apūrayamānā, navamajjhimakāle kīdisā ahesunti evaṃ ninditabbā honti, imaṃ nindaṃ, āvuso, labhantīti dassetīti evaṃ yojanā veditabbā. Esa nayo majjhimanavavāresu.

    аяам̣ бана висзсо. маж̇жхимаад̇и бан̃жавассз убаад̣̇ааяа яаава нава вассаа вужжанд̇и. наваад̇и уунабан̃жавассаа вужжанд̇и. яат̇аа жа д̇ад̇т̇а навамаж̇жхимагаалз гийд̣̇исаа ахзсунд̇и вуд̇д̇ам̣, звамид̇ха навагаалз гийд̣̇исаа ахзсум̣, т̇зрагаалз гийд̣̇исаа бхависсанд̇и, маж̇жхимат̇зрагаалз гийд̣̇исаа бхависсанд̇ийд̇и вад̇ваа яож̇зд̇аб̣б̣ам̣.

    Ayaṃ pana viseso. Majjhimāti pañcavasse upādāya yāva nava vassā vuccanti. Navāti ūnapañcavassā vuccanti. Yathā ca tattha navamajjhimakāle kīdisā ahesunti vuttaṃ, evamidha navakāle kīdisā ahesuṃ, therakāle kīdisā bhavissanti, majjhimatherakāle kīdisā bhavissantīti vatvā yojetabbaṃ.

    32. имасмин̃жа ган̣хабагкз вуд̇д̇абажжанийганаязна суггабагкз ад̇т̇о взд̣̇ид̇аб̣б̣о. аяам̣ банзд̇т̇а сан̇кзбо. имз вад̇а т̇зрааби самаанаа яож̇анабарамбарааяа аран̃н̃аванабад̇т̇аани банд̇аани сзнаасанаани сзванд̇и, г̇ааманд̇асзнаасанам̣ убаг̇анд̇ум̣ яуд̇д̇агаалзби на убаг̇ажчанд̇и, звам̣ ж̇ин̣н̣асарийрааби аарад̣̇д̇хавийрияаа бажжаяад̣̇ааяагаанам̣ басаад̣̇ам̣ ж̇анзнд̇и, навамаж̇жхимагаалз гийд̣̇исаа ахзсунд̇и иминаа батамзна таанзна т̇зраа баасам̣саа бхаванд̇и, басам̣сам̣ лабханд̇и. лобхаад̣̇аяо бахааяа жид̇д̇авивзгам̣ буурзнд̇и, аяамби махаат̇зро сад̣̇д̇хивихааригаанд̇зваасигабариваарид̇о худ̇ваа нисийд̣̇ид̇ум̣ яуд̇д̇агаалзби ийд̣̇исзби ваяз вад̇д̇амаанз бхад̇д̇агижжам̣ гад̇ваа бавидто сааяам̣ нигкамад̇и, сааяам̣ бавидто баад̇о нигкамад̇и, гасин̣абаригаммам̣ гарод̇и, самаабад̇д̇ияо ниб̣б̣ад̇д̇зд̇и, маг̇г̇апалаани ад̇хиг̇ажчад̇и, саб̣б̣ат̇ааби жид̇д̇авивзгам̣ буурзд̇ийд̇и иминаа д̣̇уд̇иязна таанзна т̇зраа бхигкуу баасам̣саа бхаванд̇и, басам̣сам̣ лабханд̇и. яасмим̣ гаалз т̇зрасса баддад̣̇угуулагосзяяаад̣̇ийни сукасампассаани лахужийвараад̣̇ийни яуд̇д̇аани, д̇асмимби наама гаалз аяам̣ махаат̇зро бам̣сугуулаани д̇хаарзд̇и, асит̇илам̣ саасанам̣ г̇ахзд̇ваа виг̇ад̇анийваран̣о паласамаабад̇д̇им̣ аббзд̇ваа убад̇хививзгам̣ барибуураяамаано вихарад̇и, навамаж̇жхимагаалз гийд̣̇исо ахосийд̇и иминаа д̇ад̇иязна таанзна т̇зраа баасам̣саа бхаванд̇и, басам̣сам̣ лабханд̇ийд̇и. зса наяо маж̇жхиманававаарзсу.

    32. Imasmiñca kaṇhapakkhe vuttapaccanīkanayena sukkapakkhe attho veditabbo. Ayaṃ panettha saṅkhepo. Ime vata therāpi samānā yojanaparamparāya araññavanapatthāni pantāni senāsanāni sevanti, gāmantasenāsanaṃ upagantuṃ yuttakālepi na upagacchanti, evaṃ jiṇṇasarīrāpi āraddhavīriyā paccayadāyakānaṃ pasādaṃ janenti, navamajjhimakāle kīdisā ahesunti iminā paṭhamena ṭhānena therā pāsaṃsā bhavanti, pasaṃsaṃ labhanti. Lobhādayo pahāya cittavivekaṃ pūrenti, ayampi mahāthero saddhivihārikaantevāsikaparivārito hutvā nisīdituṃ yuttakālepi īdisepi vaye vattamāne bhattakiccaṃ katvā paviṭṭho sāyaṃ nikkhamati, sāyaṃ paviṭṭho pāto nikkhamati, kasiṇaparikammaṃ karoti, samāpattiyo nibbatteti, maggaphalāni adhigacchati, sabbathāpi cittavivekaṃ pūretīti iminā dutiyena ṭhānena therā bhikkhū pāsaṃsā bhavanti, pasaṃsaṃ labhanti. Yasmiṃ kāle therassa paṭṭadukūlakoseyyādīni sukhasamphassāni lahucīvarādīni yuttāni, tasmimpi nāma kāle ayaṃ mahāthero paṃsukūlāni dhāreti, asithilaṃ sāsanaṃ gahetvā vigatanīvaraṇo phalasamāpattiṃ appetvā upadhivivekaṃ paripūrayamāno viharati, navamajjhimakāle kīdiso ahosīti iminā tatiyena ṭhānena therā pāsaṃsā bhavanti, pasaṃsaṃ labhantīti. Esa nayo majjhimanavavāresu.

    33. д̇ад̇раавусод̇и го анусанд̇хи, звам̣ навахаагаарзхи аамисад̣̇ааяаад̣̇абадибад̣̇ам̣ г̇араханд̇о, навахи д̇хаммад̣̇ааяаад̣̇абадибад̣̇ам̣ т̇омзнд̇о, адтаарасахаагаарзхи д̣̇зсанам̣ нидтаабзд̇ваа, яз д̇з ‘‘язсан̃жа д̇хаммаанам̣ сад̇т̇аа бахаанамааха, д̇з жа д̇хаммз на баж̇аханд̇ий’’д̇и звам̣ бахаад̇аб̣б̣ад̇хаммаа вуд̇д̇аа. д̇з саруубад̇о ‘‘имз д̇з’’д̇и д̣̇ассзд̇умид̣̇ам̣ ‘‘д̇ад̇раавусо, лобхо жаа’’д̇иаад̣̇имааха, аяам̣ анусанд̇хи.

    33.Tatrāvusoti ko anusandhi, evaṃ navahākārehi āmisadāyādapaṭipadaṃ garahanto, navahi dhammadāyādapaṭipadaṃ thomento, aṭṭhārasahākārehi desanaṃ niṭṭhāpetvā, ye te ‘‘yesañca dhammānaṃ satthā pahānamāha, te ca dhamme na pajahantī’’ti evaṃ pahātabbadhammā vuttā. Te sarūpato ‘‘ime te’’ti dassetumidaṃ ‘‘tatrāvuso, lobho cā’’tiādimāha, ayaṃ anusandhi.

    абижа хздтаа барияааязнзва д̇хаммо гат̇ид̇о. аамисам̣ бана барияааязнаби ниббарияааязнаби гат̇ид̇ам̣. ид̣̇аани ниббарияааяад̇хаммам̣ логуд̇д̇арамаг̇г̇ам̣ гат̇зд̇умид̣̇амааха. аяам̣ бзд̇т̇а анусанд̇хи.

    Apica heṭṭhā pariyāyeneva dhammo kathito. Āmisaṃ pana pariyāyenapi nippariyāyenapi kathitaṃ. Idāni nippariyāyadhammaṃ lokuttaramaggaṃ kathetumidamāha. Ayaṃ pettha anusandhi.

    д̇ад̇т̇а д̇ад̇раад̇и ад̇ийд̇ад̣̇зсанаанид̣̇ассанам̣, ‘‘сад̇т̇у бавивид̇д̇асса вихарад̇о саавагаа вивзгам̣ наанусигканд̇ий’’д̇иаад̣̇инаа наязна вуд̇д̇ад̣̇зсанааяанд̇и вуд̇д̇ам̣ ход̇и. лобхо жа баабаго, д̣̇осо жа баабагод̇и имз д̣̇вз д̇хаммаа баабагаа лаамагаа, имз бахаад̇аб̣б̣аад̇и д̣̇ассзд̇и. д̇ад̇т̇а луб̣бханалагкан̣о лобхо. д̣̇уссаналагкан̣о д̣̇осо. д̇зсу лобхо аамисад̣̇ааяаад̣̇асса бажжаяаанам̣ лаабхз ход̇и, д̣̇осо алаабхз. лобхзна алад̣̇д̇хам̣ бад̇т̇зд̇и, д̣̇осзна алабханд̇о вигхаад̇аваа ход̇и. лобхо жа д̣̇зяяад̇хаммз ход̇и, д̣̇осо ад̣̇ааяагз ваа аманун̃н̃ад̣̇ааяагз ваа. лобхзна навад̇ан̣хаамуулагз д̇хаммз барибуурзд̇и, д̣̇осзна бан̃жа мажчарияаани.

    Tattha tatrāti atītadesanānidassanaṃ, ‘‘satthu pavivittassa viharato sāvakā vivekaṃ nānusikkhantī’’tiādinā nayena vuttadesanāyanti vuttaṃ hoti. Lobho ca pāpako, doso ca pāpakoti ime dve dhammā pāpakā lāmakā, ime pahātabbāti dasseti. Tattha lubbhanalakkhaṇo lobho. Dussanalakkhaṇo doso. Tesu lobho āmisadāyādassa paccayānaṃ lābhe hoti, doso alābhe. Lobhena aladdhaṃ pattheti, dosena alabhanto vighātavā hoti. Lobho ca deyyadhamme hoti, doso adāyake vā amanuññadāyake vā. Lobhena navataṇhāmūlake dhamme paripūreti, dosena pañca macchariyāni.

    ид̣̇аани д̇зсам̣ бахаануубааяам̣ д̣̇ассзнд̇о лобхасса жа бахаанааяаад̇иаад̣̇имааха. д̇ассад̇т̇о, д̇асса бана баабагасса лобхасса жа д̣̇осасса жа бахаанааяа. ад̇т̇и маж̇жхимаа бадибад̣̇аад̇и маг̇г̇ам̣ санд̇хааяа ид̣̇ам̣ вуд̇д̇ам̣. маг̇г̇о хи лобхо зго анд̇о, д̣̇осо зго анд̇од̇и зд̇з д̣̇вз анд̇з на убзд̇и, на убаг̇ажчад̇и, вимуд̇д̇о зд̇зхи анд̇зхи, д̇асмаа ‘‘маж̇жхимаа бадибад̣̇аа’’д̇и вужжад̇и. зд̇зсам̣ маж̇жхз бхавад̇д̇аа ‘‘маж̇жхимаа, бадибаж̇ж̇ид̇аб̣б̣ад̇о жа бадибад̣̇аад̇и. д̇ат̇аа гаамасукаллигаануяог̇о зго анд̇о, ад̇д̇агиламат̇аануяог̇о зго анд̇о, сассад̇ам̣ зго анд̇о, ужчзд̣̇о зго анд̇од̇и буриманаязнзва вид̇т̇аарзд̇аб̣б̣ам̣.

    Idāni tesaṃ pahānūpāyaṃ dassento lobhassa ca pahānāyātiādimāha. Tassattho, tassa pana pāpakassa lobhassa ca dosassa ca pahānāya. Atthi majjhimā paṭipadāti maggaṃ sandhāya idaṃ vuttaṃ. Maggo hi lobho eko anto, doso eko antoti ete dve ante na upeti, na upagacchati, vimutto etehi antehi, tasmā ‘‘majjhimā paṭipadā’’ti vuccati. Etesaṃ majjhe bhavattā ‘‘majjhimā, paṭipajjitabbato ca paṭipadāti. Tathā kāmasukhallikānuyogo eko anto, attakilamathānuyogo eko anto, sassataṃ eko anto, ucchedo eko antoti purimanayeneva vitthāretabbaṃ.

    жагкугаран̣ийд̇иаад̣̇ийхи бана д̇амзва бадибад̣̇ам̣ т̇омзд̇и. саа хи сажжаанам̣ д̣̇ассанааяа сам̣вад̇д̇ад̇и д̣̇ассанабарин̣ааяагадтзнаад̇и жагкугаран̣ий. сажжаанам̣ н̃аан̣ааяа сам̣вад̇д̇ад̇и вид̣̇ид̇агаран̣адтзнаад̇и н̃аан̣агаран̣ий. рааг̇аад̣̇ийнан̃жа вуубасаманад̇о убасамааяа сам̣вад̇д̇ад̇и. жад̇уннамби сажжаанам̣ абхин̃н̃зяяабхаавад̣̇ассанад̇о абхин̃н̃ааяа сам̣вад̇д̇ад̇и. самб̣од̇ход̇и маг̇г̇о, д̇ассад̇т̇ааяа сам̣вад̇д̇анад̇о самб̣од̇хааяа сам̣вад̇д̇ад̇и. маг̇г̇оязва хи маг̇г̇ад̇т̇ааяа сам̣вад̇д̇ад̇и маг̇г̇зна гаад̇аб̣б̣агижжагаран̣ад̇о. ниб̣б̣аанам̣ наама аббажжаяам̣ д̇асса бана сажчигирияааяа бажжагкагаммааяа сам̣вад̇д̇анад̇о ниб̣б̣аанааяа сам̣вад̇д̇ад̇ийд̇и вужжад̇и. аяамзд̇т̇а сааро. ид̇о ан̃н̃ат̇аа ван̣н̣анаа бабан̃жаа.

    Cakkhukaraṇītiādīhi pana tameva paṭipadaṃ thometi. Sā hi saccānaṃ dassanāya saṃvattati dassanapariṇāyakaṭṭhenāti cakkhukaraṇī. Saccānaṃ ñāṇāya saṃvattati viditakaraṇaṭṭhenāti ñāṇakaraṇī. Rāgādīnañca vūpasamanato upasamāya saṃvattati. Catunnampi saccānaṃ abhiññeyyabhāvadassanato abhiññāya saṃvattati. Sambodhoti maggo, tassatthāya saṃvattanato sambodhāya saṃvattati. Maggoyeva hi maggatthāya saṃvattati maggena kātabbakiccakaraṇato. Nibbānaṃ nāma appaccayaṃ tassa pana sacchikiriyāya paccakkhakammāya saṃvattanato nibbānāya saṃvattatīti vuccati. Ayamettha sāro. Ito aññathā vaṇṇanā papañcā.

    ид̣̇аани д̇ам̣ маж̇жхимам̣ бадибад̣̇ам̣ саруубад̇о д̣̇ассзд̇угаамо ‘‘гад̇амаа жа саа’’д̇и бужчид̇ваа ‘‘аяамзваа’’д̇иаад̣̇инаа наязна виссаж̇ж̇зд̇и.

    Idāni taṃ majjhimaṃ paṭipadaṃ sarūpato dassetukāmo ‘‘katamā ca sā’’ti pucchitvā ‘‘ayamevā’’tiādinā nayena vissajjeti.

    д̇ад̇т̇а аяамзваад̇и авад̇хааран̣аважанам̣, ан̃н̃амаг̇г̇аббадисзд̇ханад̇т̇ам̣, б̣уд̣̇д̇хабажжзгаб̣уд̣̇д̇хаб̣уд̣̇д̇хасаавагаанам̣ саад̇хааран̣абхаавад̣̇ассанад̇т̇ан̃жа. вуд̇д̇ан̃жзд̇ам̣ ‘‘зсзва маг̇г̇о над̇т̇ан̃н̃о д̣̇ассанасса висуд̣̇д̇хияаа’’д̇и (д̇ха. ба. 274). свааяам̣ гилзсаанам̣ аарагад̇д̇ааби арияо. арибахаанааяа сам̣вад̇д̇ад̇ийд̇иби ариязна д̣̇зсид̇од̇иби арияабхааваббадилаабхааяа сам̣вад̇д̇ад̇ийд̇иби арияо. адтахи ан̇г̇зхи убзд̇ад̇д̇аа адтан̇г̇иго, на жа ан̇г̇авинимуд̇д̇о бан̃жан̇г̇игад̇уурияаад̣̇ийни вияа. гилзсз маарзнд̇о г̇ажчад̇и, маг̇г̇ад̇и ваа ниб̣б̣аанам̣, маг̇г̇ийяад̇и ваа ниб̣б̣аанад̇т̇игзхи, г̇аммад̇и ваа д̇зхи бадибаж̇ж̇ийяад̇ийд̇и маг̇г̇о. сзяяат̇ид̣̇анд̇и нибаад̇о, д̇асса гад̇амо со ид̇и жзд̇и ад̇т̇о, гад̇амаани ваа д̇аани адтан̇г̇аанийд̇и. згамзган̃хи ан̇г̇ам̣ маг̇г̇оязва. яат̇ааха ‘‘саммаад̣̇идти маг̇г̇о жзва хзд̇у жаа’’д̇и (д̇ха. са. 1039). бораан̣ааби бхан̣анд̇и – ‘‘д̣̇ассанамаг̇г̇о саммаад̣̇идти, абхиниробанамаг̇г̇о саммаасан̇габбо…бз… авигкзбамаг̇г̇о саммаасамаад̇хий’’д̇и.

    Tattha ayamevāti avadhāraṇavacanaṃ, aññamaggappaṭisedhanatthaṃ, buddhapaccekabuddhabuddhasāvakānaṃ sādhāraṇabhāvadassanatthañca. Vuttañcetaṃ ‘‘eseva maggo natthañño dassanassa visuddhiyā’’ti (dha. pa. 274). Svāyaṃ kilesānaṃ ārakattāpi ariyo. Aripahānāya saṃvattatītipi ariyena desitotipi ariyabhāvappaṭilābhāya saṃvattatītipi ariyo. Aṭṭhahi aṅgehi upetattā aṭṭhaṅgiko, na ca aṅgavinimutto pañcaṅgikatūriyādīni viya. Kilese mārento gacchati, maggati vā nibbānaṃ, maggīyati vā nibbānatthikehi, gammati vā tehi paṭipajjīyatīti maggo. Seyyathidanti nipāto, tassa katamo so iti ceti attho, katamāni vā tāni aṭṭhaṅgānīti. Ekamekañhi aṅgaṃ maggoyeva. Yathāha ‘‘sammādiṭṭhi maggo ceva hetu cā’’ti (dha. sa. 1039). Porāṇāpi bhaṇanti – ‘‘dassanamaggo sammādiṭṭhi, abhiniropanamaggo sammāsaṅkappo…pe… avikkhepamaggo sammāsamādhī’’ti.

    саммаад̣̇идтаад̣̇ийсу жзд̇зсу саммаа д̣̇ассаналагкан̣аа саммаад̣̇идти. саммаа абхиниробаналагкан̣о саммаасан̇габбо. саммаа бариг̇г̇ахалагкан̣аа саммааваажаа. саммаа самудтааналагкан̣о саммаагамманд̇о. саммаа вод̣̇ааналагкан̣о саммааааж̇ийво. саммаа баг̇г̇ахалагкан̣о саммаавааяаамо. саммаа убадтааналагкан̣аа саммаасад̇и. саммаа самаад̇хааналагкан̣о саммаасамаад̇хи. ниб̣б̣ажанамби нзсам̣ саммаа бассад̇ийд̇и саммаад̣̇идтийд̇и зд̇знзва наязна взд̣̇ид̇аб̣б̣ам̣.

    Sammādiṭṭhādīsu cetesu sammā dassanalakkhaṇā sammādiṭṭhi. Sammā abhiniropanalakkhaṇo sammāsaṅkappo. Sammā pariggahalakkhaṇā sammāvācā. Sammā samuṭṭhānalakkhaṇo sammākammanto. Sammā vodānalakkhaṇo sammāājīvo. Sammā paggahalakkhaṇo sammāvāyāmo. Sammā upaṭṭhānalakkhaṇā sammāsati. Sammā samādhānalakkhaṇo sammāsamādhi. Nibbacanampi nesaṃ sammā passatīti sammādiṭṭhīti eteneva nayena veditabbaṃ.

    д̇ад̇т̇а саммаад̣̇идти уббаж̇ж̇амаанаа мижчаад̣̇идтим̣ д̇аббажжанийяагилзсз жа авиж̇ж̇ан̃жа баж̇ахад̇и, ниб̣б̣аанан̃жа аарамман̣ам̣ гарод̇и, самбаяуд̇д̇ад̇хаммз жа бассад̇и, д̇з жа ко асаммохад̇о, но аарамман̣ад̇о, д̇асмаа ‘‘саммаад̣̇идтий’’д̇и вужжад̇и.

    Tattha sammādiṭṭhi uppajjamānā micchādiṭṭhiṃ tappaccanīyakilese ca avijjañca pajahati, nibbānañca ārammaṇaṃ karoti, sampayuttadhamme ca passati, te ca kho asammohato, no ārammaṇato, tasmā ‘‘sammādiṭṭhī’’ti vuccati.

    саммаасан̇габбо мижчаасан̇габбам̣ д̇аббажжанийяагилзсз жа баж̇ахад̇и, ниб̣б̣аанан̃жа аарамман̣ам̣ гарод̇и, самбаяуд̇д̇ад̇хаммз жа саммаа абхиниробзд̇и, д̇асмаа ‘‘саммаасан̇габбо’’д̇и вужжад̇и.

    Sammāsaṅkappo micchāsaṅkappaṃ tappaccanīyakilese ca pajahati, nibbānañca ārammaṇaṃ karoti, sampayuttadhamme ca sammā abhiniropeti, tasmā ‘‘sammāsaṅkappo’’ti vuccati.

    саммааваажаа мижчааваажам̣ д̇аббажжанийяагилзсз жа баж̇ахад̇и, ниб̣б̣аанан̃жа аарамман̣ам̣ гарод̇и, самбаяуд̇д̇ад̇хаммз жа саммаа бариг̇г̇ан̣хаад̇и, д̇асмаа ‘‘саммааваажаа’’д̇и вужжад̇и.

    Sammāvācā micchāvācaṃ tappaccanīyakilese ca pajahati, nibbānañca ārammaṇaṃ karoti, sampayuttadhamme ca sammā pariggaṇhāti, tasmā ‘‘sammāvācā’’ti vuccati.

    саммаагамманд̇о мижчаагамманд̇ам̣ д̇аббажжанийяагилзсз жа баж̇ахад̇и, ниб̣б̣аанан̃жа аарамман̣ам̣ гарод̇и, самбаяуд̇д̇ад̇хаммз жа саммаа самудтаабзд̇и, д̇асмаа ‘‘саммаагамманд̇о’’д̇и вужжад̇и.

    Sammākammanto micchākammantaṃ tappaccanīyakilese ca pajahati, nibbānañca ārammaṇaṃ karoti, sampayuttadhamme ca sammā samuṭṭhāpeti, tasmā ‘‘sammākammanto’’ti vuccati.

    саммааааж̇ийво мижчааааж̇ийвам̣ д̇аббажжанийяагилзсз жа баж̇ахад̇и, ниб̣б̣аанан̃жа аарамман̣ам̣ гарод̇и, самбаяуд̇д̇ад̇хаммз жа саммаа вод̣̇аабзд̇и, д̇асмаа ‘‘саммааааж̇ийво’’д̇и вужжад̇и.

    Sammāājīvo micchāājīvaṃ tappaccanīyakilese ca pajahati, nibbānañca ārammaṇaṃ karoti, sampayuttadhamme ca sammā vodāpeti, tasmā ‘‘sammāājīvo’’ti vuccati.

    саммаавааяаамо мижчаавааяаамам̣ д̇аббажжанийяагилзсз жа госаж̇ж̇ан̃жа баж̇ахад̇и, ниб̣б̣аанан̃жа аарамман̣ам̣ гарод̇и, самбаяуд̇д̇ад̇хаммз жа саммаа баг̇г̇ан̣хаад̇и, д̇асмаа ‘‘саммаавааяаамо’’д̇и вужжад̇и.

    Sammāvāyāmo micchāvāyāmaṃ tappaccanīyakilese ca kosajjañca pajahati, nibbānañca ārammaṇaṃ karoti, sampayuttadhamme ca sammā paggaṇhāti, tasmā ‘‘sammāvāyāmo’’ti vuccati.

    саммаасад̇и мижчаасад̇им̣ д̇аббажжанийяагилзсз жа баж̇ахад̇и, ниб̣б̣аанан̃жа аарамман̣ам̣ гарод̇и, самбаяуд̇д̇ад̇хаммз жа саммаа убадтаабзд̇и, д̇асмаа ‘‘саммаасад̇ий’’д̇и вужжад̇и.

    Sammāsati micchāsatiṃ tappaccanīyakilese ca pajahati, nibbānañca ārammaṇaṃ karoti, sampayuttadhamme ca sammā upaṭṭhāpeti, tasmā ‘‘sammāsatī’’ti vuccati.

    саммаасамаад̇хи мижчаасамаад̇хим̣ д̇аббажжанийяагилзсз жа уд̣̇д̇хажжан̃жа баж̇ахад̇и, ниб̣б̣аанан̃жа аарамман̣ам̣ гарод̇и, самбаяуд̇д̇ад̇хаммз жа саммаа самаад̇хияад̇и, д̇асмаа ‘‘саммаасамаад̇хий’’д̇и вужжад̇и.

    Sammāsamādhi micchāsamādhiṃ tappaccanīyakilese ca uddhaccañca pajahati, nibbānañca ārammaṇaṃ karoti, sampayuttadhamme ca sammā samādhiyati, tasmā ‘‘sammāsamādhī’’ti vuccati.

    ид̣̇аани аяам̣ ко саа, аавусод̇и д̇амзва бадибад̣̇ам̣ ниг̇амзнд̇о ааха. д̇ассад̇т̇о, явааяам̣ жад̇д̇аароби логуд̇д̇арамаг̇г̇з згад̇о гад̇ваа гат̇ид̇о ‘‘адтан̇г̇иго маг̇г̇о’’, аяам̣ ко саа, аавусо…бз… ниб̣б̣аанааяа сам̣вад̇д̇ад̇ийд̇и.

    Idāni ayaṃ kho sā, āvusoti tameva paṭipadaṃ nigamento āha. Tassattho, yvāyaṃ cattāropi lokuttaramagge ekato katvā kathito ‘‘aṭṭhaṅgiko maggo’’, ayaṃ kho sā, āvuso…pe… nibbānāya saṃvattatīti.

    звам̣ бахаад̇аб̣б̣ад̇хаммзсу лобхад̣̇осз д̇аббахаанубааяан̃жа д̣̇ассзд̇ваа ид̣̇аани ан̃н̃зби бахаад̇аб̣б̣ад̇хаммз д̇зсам̣ бахаанубааяан̃жа д̣̇ассзнд̇о д̇ад̇раавусо, год̇хо жаад̇иаад̣̇имааха. д̇ад̇т̇а гуж̇жханалагкан̣о год̇хо, жан̣д̣иггалагкан̣о ваа, аагхаад̇агаран̣арасо, д̣̇уссанабажжубадтаано. убананд̇ханалагкан̣о убанаахо, взра аббадиниссаж̇ж̇анарасо, год̇хаанубаб̣анд̇хабхаавабажжубадтаано. вуд̇д̇ан̃жзд̇ам̣ – ‘‘буб̣б̣агаалз год̇хо, абарагаалз убанаахо’’д̇иаад̣̇и (вибха. 891).

    Evaṃ pahātabbadhammesu lobhadose tappahānupāyañca dassetvā idāni aññepi pahātabbadhamme tesaṃ pahānupāyañca dassento tatrāvuso, kodho cātiādimāha. Tattha kujjhanalakkhaṇo kodho, caṇḍikkalakkhaṇo vā, āghātakaraṇaraso, dussanapaccupaṭṭhāno. Upanandhanalakkhaṇo upanāho, vera appaṭinissajjanaraso, kodhānupabandhabhāvapaccupaṭṭhāno. Vuttañcetaṃ – ‘‘pubbakāle kodho, aparakāle upanāho’’tiādi (vibha. 891).

    бараг̇ун̣амагканалагкан̣о магко, д̇зсам̣ винаасанарасо, д̇ад̣̇аважчаад̣̇анабажжубадтаано. яуг̇аг̇г̇аахалагкан̣о бал̣аасо, бараг̇ун̣зхи ад̇д̇ано г̇ун̣аанам̣ самийгаран̣арасо, барзсам̣ г̇ун̣аббамаан̣зна убадтаанабажжубадтаано.

    Paraguṇamakkhanalakkhaṇo makkho, tesaṃ vināsanaraso, tadavacchādanapaccupaṭṭhāno. Yugaggāhalakkhaṇo paḷāso, paraguṇehi attano guṇānaṃ samīkaraṇaraso, paresaṃ guṇappamāṇena upaṭṭhānapaccupaṭṭhāno.

    барасамбад̇д̇икийяаналагкан̣аа иссаа, д̇ассаа агкаманалагкан̣аа ваа, д̇ад̇т̇а анабхирад̇ирасаа, д̇ад̇о вимукабхаавабажжубадтаанаа. ад̇д̇ано самбад̇д̇иниг̇ууханалагкан̣ам̣ мажчзрам̣, ад̇д̇ано самбад̇д̇ияаа барзхи саад̇хааран̣абхааваасукааяанарасам̣, сан̇гожанабажжубадтаанам̣.

    Parasampattikhīyanalakkhaṇā issā, tassā akkhamanalakkhaṇā vā, tattha anabhiratirasā, tato vimukhabhāvapaccupaṭṭhānā. Attano sampattinigūhanalakkhaṇaṃ maccheraṃ, attano sampattiyā parehi sādhāraṇabhāvaasukhāyanarasaṃ, saṅkocanapaccupaṭṭhānaṃ.

    гад̇абаабабадижчаад̣̇аналагкан̣аа мааяаа, д̇асса ниг̇ууханарасаа, д̇ад̣̇ааваран̣абажжубадтаанаа. ад̇д̇ано авиж̇ж̇амаанаг̇ун̣абагаасаналагкан̣ам̣ саатзяяам̣, д̇зсам̣ самуд̣̇аахаран̣арасам̣, сарийраагаарзхиби д̇зсам̣ вибхууд̇агаран̣абажжубадтаанам̣.

    Katapāpapaṭicchādanalakkhaṇā māyā, tassa nigūhanarasā, tadāvaraṇapaccupaṭṭhānā. Attano avijjamānaguṇapakāsanalakkhaṇaṃ sāṭheyyaṃ, tesaṃ samudāharaṇarasaṃ, sarīrākārehipi tesaṃ vibhūtakaraṇapaccupaṭṭhānaṃ.

    жид̇д̇асса уд̣̇д̇хумаад̇абхаавалагкан̣о т̇амбхо, аббад̇иссаяавуд̇д̇ирасо, амад̣̇д̣̇авад̇аабажжубадтаано. гаран̣уд̇д̇арияалагкан̣о саарамбхо, вибажжанийгад̇аарасо, аг̇ааравабажжубадтаано.

    Cittassa uddhumātabhāvalakkhaṇo thambho, appatissayavuttiraso, amaddavatāpaccupaṭṭhāno. Karaṇuttariyalakkhaṇo sārambho, vipaccanīkatāraso, agāravapaccupaṭṭhāno.

    ун̣н̣ад̇илагкан̣о маано, ахам̣гаарарасо, уд̣̇д̇хумаад̇абхаавабажжубадтаано. аб̣бхун̣н̣ад̇илагкан̣о ад̇имаано, ад̇ивияа ахан̇гаарарасо. ажжуд̣̇д̇хумаад̇абхаавабажжубадтаано.

    Uṇṇatilakkhaṇo māno, ahaṃkāraraso, uddhumātabhāvapaccupaṭṭhāno. Abbhuṇṇatilakkhaṇo atimāno, ativiya ahaṅkāraraso. Accuddhumātabhāvapaccupaṭṭhāno.

    мад̇д̇абхаавалагкан̣о мад̣̇о, мад̣̇аг̇г̇аахан̣арасо, уммаад̣̇абажжубадтаано. бан̃жасу гаамаг̇ун̣зсу жид̇д̇авоссаг̇г̇алагкан̣о бамаад̣̇о, воссаг̇г̇аануббад̣̇аанарасо, сад̇ивиббаваасабажжубадтаанод̇и звам̣ имзсам̣ д̇хаммаанам̣ лагкан̣аад̣̇ийни взд̣̇ид̇аб̣б̣аани. аяамзд̇т̇а сан̇кзбо, вид̇т̇ааро бана ‘‘д̇ад̇т̇а гад̇амо год̇хо’’д̇иаад̣̇инаа вибхан̇г̇з (вибха. 891) вуд̇д̇анаязнзва взд̣̇ид̇аб̣б̣о.

    Mattabhāvalakkhaṇo mado, madaggāhaṇaraso, ummādapaccupaṭṭhāno. Pañcasu kāmaguṇesu cittavossaggalakkhaṇo pamādo, vossaggānuppadānaraso, sativippavāsapaccupaṭṭhānoti evaṃ imesaṃ dhammānaṃ lakkhaṇādīni veditabbāni. Ayamettha saṅkhepo, vitthāro pana ‘‘tattha katamo kodho’’tiādinā vibhaṅge (vibha. 891) vuttanayeneva veditabbo.

    висзсад̇о жзд̇т̇а аамисад̣̇ааяаад̣̇о ад̇д̇анаа алабханд̇о ан̃н̃асса лаабхино гуж̇жхад̇и, д̇асса сагим̣ уббанно год̇хо год̇хоязва, д̇ад̇уд̇д̇ари убанаахо. со звам̣ гуд̣̇д̇хо убанаяханд̇о жа санд̇зби ан̃н̃асса лаабхино г̇ун̣з магкзд̇и, ахамби д̇аад̣̇исод̇и жа яуг̇аг̇г̇аахам̣ г̇ан̣хаад̇и, аяамасса магко жа бал̣аасо жа, звам̣ магкий бал̣аасий д̇асса лаабхасаггаараад̣̇ийсу гим̣ имасса иминаад̇и иссад̇и бад̣̇уссад̇и, аяамасса иссаа. сажз банасса гаажи самбад̇д̇и ход̇и, д̇ассаа д̇зна саад̇хааран̣абхаавам̣ на сахад̇и, ид̣̇амасса мажчзрам̣. лаабхахзд̇у ко бана ад̇д̇ано санд̇зби д̣̇осз бадижчаад̣̇зд̇и, аяамасса мааяаа. асанд̇зби г̇ун̣з багаасзд̇и. ид̣̇амасса саатзяяам̣. со звам̣ бадибанно сажз яат̇аад̇хиббааяам̣ лаабхам̣ лабхад̇и, д̇зна т̇ад̣̇д̇хо ход̇и амуд̣̇ужид̇д̇о, наяид̣̇ам̣ звам̣ гаад̇аб̣б̣анд̇и овад̣̇ид̇ум̣ асаггун̣зяяо, аяамасса т̇амбхо. сажз бана нам̣ гожи гин̃жи вад̣̇ад̇и ‘‘наяид̣̇ам̣ звам̣ гаад̇аб̣б̣а’’нд̇и, д̇зна саарад̣̇д̇хажид̇д̇о ход̇и бхаагудигамуко ‘‘го мз д̇ва’’нд̇и басаяха бхаан̣ий, аяамасса саарамбхо. д̇ад̇о т̇амбхзна ‘‘ахамзва сзяяо’’д̇и ад̇д̇аанам̣ ман̃н̃анд̇о мааний ход̇и. саарамбхзна ‘‘гз имз’’д̇и барз ад̇иман̃н̃анд̇о ад̇имааний, аяамасса маано жа ад̇имаано жа. со д̇зхи маанаад̇имаанзхи ж̇аад̇имад̣̇аад̣̇ианзгаруубам̣ мад̣̇ам̣ ж̇анзд̇и. мад̇д̇о самаано гаамаг̇ун̣аад̣̇ибхзд̣̇зсу вад̇т̇уусу бамаж̇ж̇ад̇и, аяамасса мад̣̇о жа бамаад̣̇о жаад̇и.

    Visesato cettha āmisadāyādo attanā alabhanto aññassa lābhino kujjhati, tassa sakiṃ uppanno kodho kodhoyeva, tatuttari upanāho. So evaṃ kuddho upanayhanto ca santepi aññassa lābhino guṇe makkheti, ahampi tādisoti ca yugaggāhaṃ gaṇhāti, ayamassa makkho ca paḷāso ca, evaṃ makkhī paḷāsī tassa lābhasakkārādīsu kiṃ imassa imināti issati padussati, ayamassa issā. Sace panassa kāci sampatti hoti, tassā tena sādhāraṇabhāvaṃ na sahati, idamassa maccheraṃ. Lābhahetu kho pana attano santepi dose paṭicchādeti, ayamassa māyā. Asantepi guṇe pakāseti. Idamassa sāṭheyyaṃ. So evaṃ paṭipanno sace yathādhippāyaṃ lābhaṃ labhati, tena thaddho hoti amuducitto, nayidaṃ evaṃ kātabbanti ovadituṃ asakkuṇeyyo, ayamassa thambho. Sace pana naṃ koci kiñci vadati ‘‘nayidaṃ evaṃ kātabba’’nti, tena sāraddhacitto hoti bhākuṭikamukho ‘‘ko me tva’’nti pasayha bhāṇī, ayamassa sārambho. Tato thambhena ‘‘ahameva seyyo’’ti attānaṃ maññanto mānī hoti. Sārambhena ‘‘ke ime’’ti pare atimaññanto atimānī, ayamassa māno ca atimāno ca. So tehi mānātimānehi jātimadādianekarūpaṃ madaṃ janeti. Matto samāno kāmaguṇādibhedesu vatthūsu pamajjati, ayamassa mado ca pamādo cāti.

    звам̣ аамисад̣̇ааяаад̣̇о абаримуд̇д̇о ход̇и имзхи баабагзхи д̇хаммзхи ан̃н̃зхи жа зваруубзхи. звам̣ д̇аавзд̇т̇а бахаад̇аб̣б̣ад̇хаммаа взд̣̇ид̇аб̣б̣аа. бахаанубааяо баатад̇о жа ад̇т̇ад̇о жа саб̣б̣ад̇т̇а ниб̣б̣исзсоязва.

    Evaṃ āmisadāyādo aparimutto hoti imehi pāpakehi dhammehi aññehi ca evarūpehi. Evaṃ tāvettha pahātabbadhammā veditabbā. Pahānupāyo pāṭhato ca atthato ca sabbattha nibbisesoyeva.

    н̃аан̣абарижаяабаадавад̇т̇ам̣ банзд̇т̇а аяам̣ бхзд̣̇о жа гамо жа бхааванаанаяо жа взд̣̇ид̇аб̣б̣о. д̇ад̇т̇а бхзд̣̇о д̇аава, аяан̃хи маж̇жхимаа бадибад̣̇аа гад̣̇аажи арияо адтан̇г̇иго маг̇г̇о ход̇и, гад̣̇аажи сад̇д̇ан̇г̇иго. аяан̃хи логуд̇д̇арабатамаж̇жхаанавасзна уббаж̇ж̇амаано адтан̇г̇иго маг̇г̇о ход̇и, авасзсаж̇жхаанавасзна сад̇д̇ан̇г̇иго. уггадтанид̣̇д̣̇зсад̇о банид̇ха адтан̇г̇игод̇и вуд̇д̇о. ид̇о баран̃хи маг̇г̇ан̇г̇ам̣ над̇т̇и. звам̣ д̇аавзд̇т̇а бхзд̣̇о взд̣̇ид̇аб̣б̣о.

    Ñāṇaparicayapāṭavatthaṃ panettha ayaṃ bhedo ca kamo ca bhāvanānayo ca veditabbo. Tattha bhedo tāva, ayañhi majjhimā paṭipadā kadāci ariyo aṭṭhaṅgiko maggo hoti, kadāci sattaṅgiko. Ayañhi lokuttarapaṭhamajjhānavasena uppajjamāno aṭṭhaṅgiko maggo hoti, avasesajjhānavasena sattaṅgiko. Ukkaṭṭhaniddesato panidha aṭṭhaṅgikoti vutto. Ito parañhi maggaṅgaṃ natthi. Evaṃ tāvettha bhedo veditabbo.

    яасмаа бана саб̣б̣агусалаанам̣ саммаад̣̇идти сздтаа, яат̇ааха ‘‘бан̃н̃аа хи сздтаа гусалаа вад̣̇анд̇ий’’д̇и (ж̇аа. 2.17.81). гусалаваарз жа буб̣б̣ан̇г̇амаа, яат̇ааха ‘‘гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и, саммаад̣̇идтим̣ саммаад̣̇идтийд̇и баж̇аанаад̇и, мижчаад̣̇идтим̣ мижчаад̣̇идтийд̇и баж̇аанаад̇ий’’д̇и (ма. ни. 3.136) вид̇т̇ааро. яат̇аа жааха ‘‘виж̇ж̇аа жа ко, бхигкавз, буб̣б̣ан̇г̇амаа гусалаанам̣ д̇хаммаанам̣ самаабад̇д̇ияаа’’д̇и. д̇аббабхаваабхиниб̣б̣ад̇д̇аани сзсан̇г̇аани, яат̇ааха ‘‘саммаад̣̇идтисса саммаасан̇габбо баход̇и…бз… саммаасад̇исса саммаасамаад̇хи баход̇ий’’д̇и (ма. ни. 3.141). д̇асмаа иминаа гамзна зд̇аани ан̇г̇аани вуд̇д̇аанийд̇и звамзд̇т̇а гамо взд̣̇ид̇аб̣б̣о.

    Yasmā pana sabbakusalānaṃ sammādiṭṭhi seṭṭhā, yathāha ‘‘paññā hi seṭṭhā kusalā vadantī’’ti (jā. 2.17.81). Kusalavāre ca pubbaṅgamā, yathāha ‘‘kathañca, bhikkhave, sammādiṭṭhi pubbaṅgamā hoti, sammādiṭṭhiṃ sammādiṭṭhīti pajānāti, micchādiṭṭhiṃ micchādiṭṭhīti pajānātī’’ti (ma. ni. 3.136) vitthāro. Yathā cāha ‘‘vijjā ca kho, bhikkhave, pubbaṅgamā kusalānaṃ dhammānaṃ samāpattiyā’’ti. Tappabhavābhinibbattāni sesaṅgāni, yathāha ‘‘sammādiṭṭhissa sammāsaṅkappo pahoti…pe… sammāsatissa sammāsamādhi pahotī’’ti (ma. ni. 3.141). Tasmā iminā kamena etāni aṅgāni vuttānīti evamettha kamo veditabbo.

    бхааванаанаяод̇и гожи самат̇абуб̣б̣ан̇г̇амам̣ вибассанам̣ бхаавзд̇и, гожи вибассанаабуб̣б̣ан̇г̇амам̣ самат̇ам̣. гат̇ам̣? ид̇хзгажжо батамам̣ убажаарасамаад̇хим̣ ваа аббанаасамаад̇хим̣ ваа уббаад̣̇зд̇и, аяам̣ самат̇о; со д̇ан̃жа д̇ам̣самбаяуд̇д̇з жа д̇хаммз анижжаад̣̇ийхи вибассад̇и, аяам̣ вибассанаа. ид̇и батамам̣ самат̇о, бажчаа вибассанаа. д̇зна вужжад̇и ‘‘самат̇абуб̣б̣ан̇г̇амам̣ вибассанам̣ бхаавзд̇ий’’д̇и. д̇асса самат̇абуб̣б̣ан̇г̇амам̣ вибассанам̣ бхааваяад̇о маг̇г̇о сан̃ж̇ааяад̇и, со д̇ам̣ маг̇г̇ам̣ аасзвад̇и бхаавзд̇и б̣ахулийгарод̇и, д̇асса д̇ам̣ маг̇г̇ам̣ аасзвад̇о бхааваяад̇о б̣ахулийгарод̇о сам̣яож̇анаани бахийяанд̇и, анусаяаа б̣яанд̇ийхонд̇и, звам̣ самат̇абуб̣б̣ан̇г̇амам̣ вибассанам̣ бхаавзд̇и.

    Bhāvanānayoti koci samathapubbaṅgamaṃ vipassanaṃ bhāveti, koci vipassanāpubbaṅgamaṃ samathaṃ. Kathaṃ? Idhekacco paṭhamaṃ upacārasamādhiṃ vā appanāsamādhiṃ vā uppādeti, ayaṃ samatho; so tañca taṃsampayutte ca dhamme aniccādīhi vipassati, ayaṃ vipassanā. Iti paṭhamaṃ samatho, pacchā vipassanā. Tena vuccati ‘‘samathapubbaṅgamaṃ vipassanaṃ bhāvetī’’ti. Tassa samathapubbaṅgamaṃ vipassanaṃ bhāvayato maggo sañjāyati, so taṃ maggaṃ āsevati bhāveti bahulīkaroti, tassa taṃ maggaṃ āsevato bhāvayato bahulīkaroto saṃyojanāni pahīyanti, anusayā byantīhonti, evaṃ samathapubbaṅgamaṃ vipassanaṃ bhāveti.

    ид̇ха банзгажжо вуд̇д̇аббагаарам̣ самат̇ам̣ ануббаад̣̇зд̇ваава бан̃жубаад̣̇аанагканд̇хз анижжаад̣̇ийхи вибассад̇и, аяам̣ вибассанаа. д̇асса вибассанаабаарибуурияаа д̇ад̇т̇а ж̇аад̇аанам̣ д̇хаммаанам̣ воссаг̇г̇аарамман̣ад̇о уббаж̇ж̇ад̇и жид̇д̇асса згаг̇г̇ад̇аа, аяам̣ самат̇о. ид̇и батамам̣ вибассанаа бажчаа самат̇о. д̇зна вужжад̇и ‘‘вибассанаабуб̣б̣ан̇г̇амам̣ самат̇ам̣ бхаавзд̇ий’’д̇и. д̇асса вибассанаабуб̣б̣ан̇г̇амам̣ самат̇ам̣ бхааваяад̇о маг̇г̇о сан̃ж̇ааяад̇и, со д̇ам̣ маг̇г̇ам̣ аасзвад̇и…бз… б̣ахулийгарод̇и, д̇асса д̇ам̣ маг̇г̇ам̣ аасзвад̇о…бз… анусаяаа б̣яанд̇ийхонд̇и (а. ни. 4.170; бади. ма. 2.1), звам̣ вибассанаабуб̣б̣ан̇г̇амам̣ самат̇ам̣ бхаавзд̇и.

    Idha panekacco vuttappakāraṃ samathaṃ anuppādetvāva pañcupādānakkhandhe aniccādīhi vipassati, ayaṃ vipassanā. Tassa vipassanāpāripūriyā tattha jātānaṃ dhammānaṃ vossaggārammaṇato uppajjati cittassa ekaggatā, ayaṃ samatho. Iti paṭhamaṃ vipassanā pacchā samatho. Tena vuccati ‘‘vipassanāpubbaṅgamaṃ samathaṃ bhāvetī’’ti. Tassa vipassanāpubbaṅgamaṃ samathaṃ bhāvayato maggo sañjāyati, so taṃ maggaṃ āsevati…pe… bahulīkaroti, tassa taṃ maggaṃ āsevato…pe… anusayā byantīhonti (a. ni. 4.170; paṭi. ma. 2.1), evaṃ vipassanāpubbaṅgamaṃ samathaṃ bhāveti.

    самат̇абуб̣б̣ан̇г̇амам̣ бана вибассанам̣ бхааваяад̇оби вибассанаабуб̣б̣ан̇г̇амам̣ самат̇ам̣ бхааваяад̇оби логуд̇д̇арамаг̇г̇агкан̣з самат̇авибассанаа яуг̇анад̣̇д̇хаава хонд̇и. звамзд̇т̇а бхааванаанаяо взд̣̇ид̇аб̣б̣од̇и.

    Samathapubbaṅgamaṃ pana vipassanaṃ bhāvayatopi vipassanāpubbaṅgamaṃ samathaṃ bhāvayatopi lokuttaramaggakkhaṇe samathavipassanā yuganaddhāva honti. Evamettha bhāvanānayo veditabboti.

    бабан̃жасууд̣̇анияаа маж̇жхиманигааяадтагат̇ааяа

    Papañcasūdaniyā majjhimanikāyaṭṭhakathāya

    д̇хаммад̣̇ааяаад̣̇асуд̇д̇аван̣н̣анаа нидтид̇аа.

    Dhammadāyādasuttavaṇṇanā niṭṭhitā.




    Next: 4. бхаяабхзравасуд̇д̇аван̣н̣анаа • 4. Bhayabheravasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. д̇хаммад̣̇ааяаад̣̇асуд̇д̇ам̣ • 3. Dhammadāyādasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. д̇хаммад̣̇ааяаад̣̇асуд̇д̇аван̣н̣анаа • 3. Dhammadāyādasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact