| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
д̇хаммад̣̇зсанаасамудтаанаван̣н̣анаа
Dhammadesanāsamuṭṭhānavaṇṇanā
267. д̇хаммад̣̇зсанаасамудтаанз самудтаанасийсам̣ над̇т̇и, саб̣б̣аани згад̣̇аса сигкаабад̣̇аани самбин̣д̣зд̇ваа д̇хаммад̣̇зсанаасамудтаанаанийд̇и вуд̇д̇аани. званд̇иаад̣̇и ниг̇аманам̣. д̇зсанд̇и д̇зсам̣ сигкаабад̣̇аанам̣ . самбхиннасамудтаананд̇и сам̣саг̇г̇асамудтаанам̣. д̇ивид̇ханд̇и бхууд̇аарожанажоривудтаабанаананун̃н̃аад̇асамудтаанавасзна д̇иббагаарам̣. д̇анд̇и нияад̇асамудтаанам̣, ход̇ийд̇и самб̣анд̇хо. буна д̇анд̇и нияад̇асамудтаанам̣, д̣̇ассзд̇унд̇и самб̣анд̇хо. буна д̇анд̇и важанам̣. нзд̇д̇ид̇хаммаануломиганд̇и зд̇т̇а гааяаваажам̣ нзд̇и винзд̇ийд̇и нзд̇д̇и, гааяаваажам̣ нзд̇и винзд̇и зд̇т̇а, зд̇ааяаад̇и ваа нзд̇д̇и. д̇хаммод̇и баал̣и. саа хи яасмаа ад̇т̇ам̣ д̇хаарзд̇и, д̇асмаа д̇хаммод̇и вужжад̇и. нзд̇д̇иязва д̇хаммо нзд̇д̇ид̇хаммо, д̇асса ануломигам̣ нзд̇д̇ид̇хаммаануломигам̣. д̇зна вуд̇д̇ам̣ ‘‘винаяабаал̣ид̇хаммасса анулома’’нд̇и.
267. Dhammadesanāsamuṭṭhāne samuṭṭhānasīsaṃ natthi, sabbāni ekadasa sikkhāpadāni sampiṇḍetvā dhammadesanāsamuṭṭhānānīti vuttāni. Evantiādi nigamanaṃ. Tesanti tesaṃ sikkhāpadānaṃ . Sambhinnasamuṭṭhānanti saṃsaggasamuṭṭhānaṃ. Tividhanti bhūtārocanacorivuṭṭhāpanaananuññātasamuṭṭhānavasena tippakāraṃ. Tanti niyatasamuṭṭhānaṃ, hotīti sambandho. Puna tanti niyatasamuṭṭhānaṃ, dassetunti sambandho. Puna tanti vacanaṃ. Nettidhammānulomikanti ettha kāyavācaṃ neti vinetīti netti, kāyavācaṃ neti vineti ettha, etāyāti vā netti. Dhammoti pāḷi. Sā hi yasmā atthaṃ dhāreti, tasmā dhammoti vuccati. Nettiyeva dhammo nettidhammo, tassa anulomikaṃ nettidhammānulomikaṃ. Tena vuttaṃ ‘‘vinayapāḷidhammassa anuloma’’nti.
ид̇и самудтаанасийсаван̣н̣анааяа яож̇анаа самад̇д̇аа.
Iti samuṭṭhānasīsavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 10. д̇хаммад̣̇зсанаасамудтаанам̣ • 10. Dhammadesanāsamuṭṭhānaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̇хаммад̣̇зсанаасамудтаанаван̣н̣анаа • Dhammadesanāsamuṭṭhānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
