| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
ธมฺมเทสนาสมุฎฺฐานวณฺณนา
Dhammadesanāsamuṭṭhānavaṇṇanā
๒๖๗. ธมฺมเทสนาสมุฎฺฐาเน สมุฎฺฐานสีสํ นตฺถิ, สพฺพานิ เอกทส สิกฺขาปทานิ สมฺปิเณฺฑตฺวา ธมฺมเทสนาสมุฎฺฐานานีติ วุตฺตานิฯ เอวนฺติอาทิ นิคมนํฯ เตสนฺติ เตสํ สิกฺขาปทานํ ฯ สมฺภินฺนสมุฎฺฐานนฺติ สํสคฺคสมุฎฺฐานํฯ ติวิธนฺติ ภูตาโรจนโจริวุฎฺฐาปนอนนุญฺญาตสมุฎฺฐานวเสน ติปฺปการํฯ ตนฺติ นิยตสมุฎฺฐานํ, โหตีติ สมฺพโนฺธฯ ปุน ตนฺติ นิยตสมุฎฺฐานํ, ทเสฺสตุนฺติ สมฺพโนฺธฯ ปุน ตนฺติ วจนํฯ เนตฺติธมฺมานุโลมิกนฺติ เอตฺถ กายวาจํ เนติ วิเนตีติ เนตฺติ, กายวาจํ เนติ วิเนติ เอตฺถ, เอตายาติ วา เนตฺติฯ ธโมฺมติ ปาฬิฯ สา หิ ยสฺมา อตฺถํ ธาเรติ, ตสฺมา ธโมฺมติ วุจฺจติฯ เนตฺติเยว ธโมฺม เนตฺติธโมฺม, ตสฺส อนุโลมิกํ เนตฺติธมฺมานุโลมิกํฯ เตน วุตฺตํ ‘‘วินยปาฬิธมฺมสฺส อนุโลม’’นฺติฯ
267. Dhammadesanāsamuṭṭhāne samuṭṭhānasīsaṃ natthi, sabbāni ekadasa sikkhāpadāni sampiṇḍetvā dhammadesanāsamuṭṭhānānīti vuttāni. Evantiādi nigamanaṃ. Tesanti tesaṃ sikkhāpadānaṃ . Sambhinnasamuṭṭhānanti saṃsaggasamuṭṭhānaṃ. Tividhanti bhūtārocanacorivuṭṭhāpanaananuññātasamuṭṭhānavasena tippakāraṃ. Tanti niyatasamuṭṭhānaṃ, hotīti sambandho. Puna tanti niyatasamuṭṭhānaṃ, dassetunti sambandho. Puna tanti vacanaṃ. Nettidhammānulomikanti ettha kāyavācaṃ neti vinetīti netti, kāyavācaṃ neti vineti ettha, etāyāti vā netti. Dhammoti pāḷi. Sā hi yasmā atthaṃ dhāreti, tasmā dhammoti vuccati. Nettiyeva dhammo nettidhammo, tassa anulomikaṃ nettidhammānulomikaṃ. Tena vuttaṃ ‘‘vinayapāḷidhammassa anuloma’’nti.
อิติ สมุฎฺฐานสีสวณฺณนาย โยชนา สมตฺตาฯ
Iti samuṭṭhānasīsavaṇṇanāya yojanā samattā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๑๐. ธมฺมเทสนาสมุฎฺฐานํ • 10. Dhammadesanāsamuṭṭhānaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / ธมฺมเทสนาสมุฎฺฐานวณฺณนา • Dhammadesanāsamuṭṭhānavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / สมุฎฺฐานสีสวณฺณนา • Samuṭṭhānasīsavaṇṇanā
