| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
ධම්‌මදෙසනාසමුට්‌ඨානවණ්‌ණනා
Dhammadesanāsamuṭṭhānavaṇṇanā
267. ධම්‌මදෙසනාසමුට්‌ඨානෙ සමුට්‌ඨානසීසං නත්‌ථි, සබ්‌බානි එකදස සික්‌ඛාපදානි සම්‌පිණ්‌ඩෙත්‌වා ධම්‌මදෙසනාසමුට්‌ඨානානීති වුත්‌තානි. එවන්‌තිආදි නිගමනං. තෙසන්‌ති තෙසං සික්‌ඛාපදානං . සම්‌භින්‌නසමුට්‌ඨානන්‌ති සංසග්‌ගසමුට්‌ඨානං. තිවිධන්‌ති භූතාරොචනචොරිවුට්‌ඨාපනඅනනුඤ්‌ඤාතසමුට්‌ඨානවසෙන තිප්‌පකාරං. තන්‌ති නියතසමුට්‌ඨානං, හොතීති සම්‌බන්‌ධො. පුන තන්‌ති නියතසමුට්‌ඨානං, දස්‌සෙතුන්‌ති සම්‌බන්‌ධො. පුන තන්‌ති වචනං. නෙත්‌තිධම්‌මානුලොමිකන්‌ති එත්‌ථ කායවාචං නෙති විනෙතීති නෙත්‌ති, කායවාචං නෙති විනෙති එත්‌ථ, එතායාති වා නෙත්‌ති. ධම්‌මොති පාළි. සා හි යස්‌මා අත්‌ථං ධාරෙති, තස්‌මා ධම්‌මොති වුච්‌චති. නෙත්‌තියෙව ධම්‌මො නෙත්‌තිධම්‌මො, තස්‌ස අනුලොමිකං නෙත්‌තිධම්‌මානුලොමිකං. තෙන වුත්‌තං ‘‘විනයපාළිධම්‌මස්‌ස අනුලොම’’න්‌ති.
267. Dhammadesanāsamuṭṭhāne samuṭṭhānasīsaṃ natthi, sabbāni ekadasa sikkhāpadāni sampiṇḍetvā dhammadesanāsamuṭṭhānānīti vuttāni. Evantiādi nigamanaṃ. Tesanti tesaṃ sikkhāpadānaṃ . Sambhinnasamuṭṭhānanti saṃsaggasamuṭṭhānaṃ. Tividhanti bhūtārocanacorivuṭṭhāpanaananuññātasamuṭṭhānavasena tippakāraṃ. Tanti niyatasamuṭṭhānaṃ, hotīti sambandho. Puna tanti niyatasamuṭṭhānaṃ, dassetunti sambandho. Puna tanti vacanaṃ. Nettidhammānulomikanti ettha kāyavācaṃ neti vinetīti netti, kāyavācaṃ neti vineti ettha, etāyāti vā netti. Dhammoti pāḷi. Sā hi yasmā atthaṃ dhāreti, tasmā dhammoti vuccati. Nettiyeva dhammo nettidhammo, tassa anulomikaṃ nettidhammānulomikaṃ. Tena vuttaṃ ‘‘vinayapāḷidhammassa anuloma’’nti.
ඉති සමුට්‌ඨානසීසවණ්‌ණනාය යොජනා සමත්‌තා.
Iti samuṭṭhānasīsavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 10. ධම්‌මදෙසනාසමුට්‌ඨානං • 10. Dhammadesanāsamuṭṭhānaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / ධම්‌මදෙසනාසමුට්‌ඨානවණ්‌ණනා • Dhammadesanāsamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සමුට්‌ඨානසීසවණ්‌ණනා • Samuṭṭhānasīsavaṇṇanā
