| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
དྷམྨདེསནཱསམུཊྛཱནཝཎྞནཱ
Dhammadesanāsamuṭṭhānavaṇṇanā
༢༦༧. དྷམྨདེསནཱསམུཊྛཱནེ སམུཊྛཱནསཱིསཾ ནཏྠི, སབྦཱནི ཨེཀདས སིཀྑཱཔདཱནི སམྤིཎྜེཏྭཱ དྷམྨདེསནཱསམུཊྛཱནཱནཱིཏི ཝུཏྟཱནི། ཨེཝནྟིཨཱདི ནིགམནཾ། ཏེསནྟི ཏེསཾ སིཀྑཱཔདཱནཾ ། སམྦྷིནྣསམུཊྛཱནནྟི སཾསགྒསམུཊྛཱནཾ། ཏིཝིདྷནྟི བྷཱུཏཱརོཙནཙོརིཝུཊྛཱཔནཨནནུཉྙཱཏསམུཊྛཱནཝསེན ཏིཔྤཀཱརཾ། ཏནྟི ནིཡཏསམུཊྛཱནཾ, ཧོཏཱིཏི སམྦནྡྷོ། པུན ཏནྟི ནིཡཏསམུཊྛཱནཾ, དསྶེཏུནྟི སམྦནྡྷོ། པུན ཏནྟི ཝཙནཾ། ནེཏྟིདྷམྨཱནུལོམིཀནྟི ཨེཏྠ ཀཱཡཝཱཙཾ ནེཏི ཝིནེཏཱིཏི ནེཏྟི, ཀཱཡཝཱཙཾ ནེཏི ཝིནེཏི ཨེཏྠ, ཨེཏཱཡཱཏི ཝཱ ནེཏྟི། དྷམྨོཏི པཱལི༹། སཱ ཧི ཡསྨཱ ཨཏྠཾ དྷཱརེཏི, ཏསྨཱ དྷམྨོཏི ཝུཙྩཏི། ནེཏྟིཡེཝ དྷམྨོ ནེཏྟིདྷམྨོ, ཏསྶ ཨནུལོམིཀཾ ནེཏྟིདྷམྨཱནུལོམིཀཾ། ཏེན ཝུཏྟཾ ‘‘ཝིནཡཔཱལི༹དྷམྨསྶ ཨནུལོམ’’ནྟི།
267. Dhammadesanāsamuṭṭhāne samuṭṭhānasīsaṃ natthi, sabbāni ekadasa sikkhāpadāni sampiṇḍetvā dhammadesanāsamuṭṭhānānīti vuttāni. Evantiādi nigamanaṃ. Tesanti tesaṃ sikkhāpadānaṃ . Sambhinnasamuṭṭhānanti saṃsaggasamuṭṭhānaṃ. Tividhanti bhūtārocanacorivuṭṭhāpanaananuññātasamuṭṭhānavasena tippakāraṃ. Tanti niyatasamuṭṭhānaṃ, hotīti sambandho. Puna tanti niyatasamuṭṭhānaṃ, dassetunti sambandho. Puna tanti vacanaṃ. Nettidhammānulomikanti ettha kāyavācaṃ neti vinetīti netti, kāyavācaṃ neti vineti ettha, etāyāti vā netti. Dhammoti pāḷi. Sā hi yasmā atthaṃ dhāreti, tasmā dhammoti vuccati. Nettiyeva dhammo nettidhammo, tassa anulomikaṃ nettidhammānulomikaṃ. Tena vuttaṃ ‘‘vinayapāḷidhammassa anuloma’’nti.
ཨིཏི སམུཊྛཱནསཱིསཝཎྞནཱཡ ཡོཛནཱ སམཏྟཱ།
Iti samuṭṭhānasīsavaṇṇanāya yojanā samattā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡༠. དྷམྨདེསནཱསམུཊྛཱནཾ • 10. Dhammadesanāsamuṭṭhānaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / དྷམྨདེསནཱསམུཊྛཱནཝཎྞནཱ • Dhammadesanāsamuṭṭhānavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སམུཊྛཱནསཱིསཝཎྞནཱ • Samuṭṭhānasīsavaṇṇanā
