| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
7. த⁴ம்மதே³ஸனாஸிக்கா²பத³வண்ணனா
7. Dhammadesanāsikkhāpadavaṇṇanā
60. ஸத்தமஸிக்கா²பதே³ – க⁴ரணீதி க⁴ரஸாமினீ. நிவேஸனத்³வாரேதி நிவேஸனஸ்ஸ மஹாத்³வாரே. க⁴ரஸுண்ஹாதி தஸ்மிங் க⁴ரே ஸுண்ஹா. ஆவஸத²த்³வாரேதி ஓவரகத்³வாரே. விஸ்ஸட்டே²னாதி ஸுனிக்³க³தேன ஸத்³தே³ன. விவடேனாதி ஸுட்டு² பகாஸேன அஸங்வுதேன. த⁴ம்மோ தே³ஸேதப்³போ³தி அயங் ஸரணஸீலாதி³பே⁴தோ³ த⁴ம்மோ கதே²தப்³போ³. அஞ்ஞாதுந்தி ஆஜானிதுங். விஞ்ஞுனா புரிஸவிக்³க³ஹேனாதி விஞ்ஞுனா புரிஸேன, புரிஸவிக்³க³ஹங் க³ஹெத்வாபி டி²தேன ந யக்கே²ன ந பேதேன ந திரச்சா²னக³தேன.
60. Sattamasikkhāpade – gharaṇīti gharasāminī. Nivesanadvāreti nivesanassa mahādvāre. Gharasuṇhāti tasmiṃ ghare suṇhā. Āvasathadvāreti ovarakadvāre. Vissaṭṭhenāti suniggatena saddena. Vivaṭenāti suṭṭhu pakāsena asaṃvutena. Dhammo desetabboti ayaṃ saraṇasīlādibhedo dhammo kathetabbo. Aññātunti ājānituṃ. Viññunā purisaviggahenāti viññunā purisena, purisaviggahaṃ gahetvāpi ṭhitena na yakkhena na petena na tiracchānagatena.
66. அனாபத்தி விஞ்ஞுனா புரிஸவிக்³க³ஹேனாதி விஞ்ஞுனா புரிஸவிக்³க³ஹேன ஸத்³தி⁴ங் டி²தாய ப³ஹும்பி த⁴ம்மங் தே³ஸெந்தஸ்ஸ அனாபத்தி. ச²ப்பஞ்சவாசாஹீதி ச²ஹி பஞ்சஹி வாசாஹி யோ தே³ஸேதி, தஸ்ஸபி அனாபத்தி. தத்த² ஏகோ கா³தா²பாதோ³ ஏகவாசாதி ஏவங் ஸப்³ப³த்த² வாசாபமாணங் வேதி³தப்³ப³ங். ஸசே அட்ட²கத²ங் த⁴ம்மபத³ங் ஜாதகாதி³வத்து²ங் வா கதே²துகாமோ ஹோதி, ச²ப்பஞ்சபத³மத்தமேவ கதே²துங் வட்டதி. பாளியா ஸத்³தி⁴ங் கதெ²ந்தேன ஏகபத³ங் பாளிதோ பஞ்ச அட்ட²கதா²தோதி ஏவங் ச² பதா³னி அனதிக்காமெத்வாவ கதே²தப்³போ³. பத³ஸோத⁴ம்மே வுத்தப்பபே⁴தோ³ ஹி இதா⁴பி ஸப்³போ³ த⁴ம்மோயேவ. தஸ்மிங் தே³ஸேதீதி தஸ்மிங் க²ணே தே³ஸேதி. ஸம்பதா³னத்தே² வா ஏதங் பு⁴ம்மவசனங். தஸ்ஸா தே³ஸேதீதி அத்தோ². அஞ்ஞிஸ்ஸா மாதுகா³மஸ்ஸாதி ஏகிஸ்ஸா தே³ஸெத்வா புன ஆக³தாக³தாய அஞ்ஞிஸ்ஸாபி தே³ஸேதீதி ஏவங் ஏகாஸனே நிஸின்னோ மாதுகா³மஸதஸஹஸ்ஸன்னம்பி தே³ஸேதீதி அத்தோ². மஹாபச்சரியட்ட²கதா²யங் வுத்தங் ஸமங் நிஸின்னானங் மாதுகா³மானங் ‘‘தும்ஹாகங் ஏகேகிஸ்ஸா ஏகேகங் கா³த²ங் தே³ஸெஸ்ஸாமி, தங் ஸுணாதா²தி தே³ஸேதி, அனாபத்தி. பட²மங் ஏகேகிஸ்ஸா ஏகேகங் கா³த²ங் கதெ²ஸ்ஸாமீதி ஆபோ⁴க³ங் கத்வா ஜானாபெத்வா கதே²துங் வட்டதி, ந பச்சா²தி. பஞ்ஹங் புச்ச²தி பஞ்ஹங் புட்டோ² கதே²தீதி மாதுகா³மோ ‘‘தீ³க⁴னிகாயோ நாம ப⁴ந்தே கிமத்த²ங் தீ³பேதீ’’தி புச்ச²தி. ஏவங் பஞ்ஹங் புட்டோ² பி⁴க்கு² ஸப்³ப³ங் சேபி தீ³க⁴னிகாயங் கதே²தி, அனாபத்தி. ஸேஸமெத்த² உத்தானத்த²மேவ.
66.Anāpatti viññunā purisaviggahenāti viññunā purisaviggahena saddhiṃ ṭhitāya bahumpi dhammaṃ desentassa anāpatti. Chappañcavācāhīti chahi pañcahi vācāhi yo deseti, tassapi anāpatti. Tattha eko gāthāpādo ekavācāti evaṃ sabbattha vācāpamāṇaṃ veditabbaṃ. Sace aṭṭhakathaṃ dhammapadaṃ jātakādivatthuṃ vā kathetukāmo hoti, chappañcapadamattameva kathetuṃ vaṭṭati. Pāḷiyā saddhiṃ kathentena ekapadaṃ pāḷito pañca aṭṭhakathātoti evaṃ cha padāni anatikkāmetvāva kathetabbo. Padasodhamme vuttappabhedo hi idhāpi sabbo dhammoyeva. Tasmiṃ desetīti tasmiṃ khaṇe deseti. Sampadānatthe vā etaṃ bhummavacanaṃ. Tassā desetīti attho. Aññissā mātugāmassāti ekissā desetvā puna āgatāgatāya aññissāpi desetīti evaṃ ekāsane nisinno mātugāmasatasahassannampi desetīti attho. Mahāpaccariyaṭṭhakathāyaṃ vuttaṃ samaṃ nisinnānaṃ mātugāmānaṃ ‘‘tumhākaṃ ekekissā ekekaṃ gāthaṃ desessāmi, taṃ suṇāthāti deseti, anāpatti. Paṭhamaṃ ekekissā ekekaṃ gāthaṃ kathessāmīti ābhogaṃ katvā jānāpetvā kathetuṃ vaṭṭati, na pacchāti. Pañhaṃ pucchati pañhaṃ puṭṭho kathetīti mātugāmo ‘‘dīghanikāyo nāma bhante kimatthaṃ dīpetī’’ti pucchati. Evaṃ pañhaṃ puṭṭho bhikkhu sabbaṃ cepi dīghanikāyaṃ katheti, anāpatti. Sesamettha uttānatthameva.
பத³ஸோத⁴ம்மஸமுட்டா²னங் – வாசதோ ச வாசாசித்ததோ ச ஸமுட்டா²தி, கிரியாகிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், வசீகம்மங், திசித்தங், திவேத³னந்தி.
Padasodhammasamuṭṭhānaṃ – vācato ca vācācittato ca samuṭṭhāti, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, vacīkammaṃ, ticittaṃ, tivedananti.
த⁴ம்மதே³ஸனாஸிக்கா²பத³ங் ஸத்தமங்.
Dhammadesanāsikkhāpadaṃ sattamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 1. முஸாவாத³வக்³கோ³ • 1. Musāvādavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 7. த⁴ம்மதே³ஸனாஸிக்கா²பத³வண்ணனா • 7. Dhammadesanāsikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 7. த⁴ம்மதே³ஸனாஸிக்கா²பத³வண்ணனா • 7. Dhammadesanāsikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 7. த⁴ம்மதே³ஸனாஸிக்கா²பத³வண்ணனா • 7. Dhammadesanāsikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. த⁴ம்மதே³ஸனாஸிக்கா²பத³ங் • 7. Dhammadesanāsikkhāpadaṃ
