| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
7. த⁴ம்மதே³ஸனாஸிக்கா²பத³வண்ணனா
7. Dhammadesanāsikkhāpadavaṇṇanā
ச²ப்பஞ்சவாசாஹீதி ச²ஹி பஞ்சஹி வாசாஹி. வாசாபரிச்சே²தோ³ பனெத்த² கத²ங் வேதி³தப்³போ³தி ஆஹ ‘‘உத்தரி ச²ப்பஞ்சவாசாஹீ’’திஆதி³. ஸப்³ப³த்தா²தி ஸுத்தே, அட்ட²கதா²யஞ்ச. ஸசே அட்ட²கத²ங், த⁴ம்மபத³ங், ஜாதகாதி³வத்து²ங் வா கதே²துகாமோ ஹோதி, ச²ப்பத³மத்தமேவ கதே²துங் வட்டதி. பாளியா ஸத்³தி⁴ங் கதெ²ந்தேன ஏகங் பத³ங் பாளிதோ, பஞ்ச அட்ட²கதா²தோதி ஏவங் ச² பதா³னி அனதிக்கமித்வாவ கதே²தப்³போ³. புரிஸேனாதி மனுஸ்ஸபுரிஸேன. தேனாஹ ‘‘மனுஸ்ஸவிக்³க³ஹங் க³ஹெத்வா பனா’’திஆதி³.
Chappañcavācāhīti chahi pañcahi vācāhi. Vācāparicchedo panettha kathaṃ veditabboti āha ‘‘uttari chappañcavācāhī’’tiādi. Sabbatthāti sutte, aṭṭhakathāyañca. Sace aṭṭhakathaṃ, dhammapadaṃ, jātakādivatthuṃ vā kathetukāmo hoti, chappadamattameva kathetuṃ vaṭṭati. Pāḷiyā saddhiṃ kathentena ekaṃ padaṃ pāḷito, pañca aṭṭhakathātoti evaṃ cha padāni anatikkamitvāva kathetabbo. Purisenāti manussapurisena. Tenāha ‘‘manussaviggahaṃ gahetvā panā’’tiādi.
திகபாசித்தியந்தி மாதுகா³மே மாதுகா³மஸஞ்ஞிவேமதிகஅமாதுகா³மஸஞ்ஞீனங் வஸேன தீணி பாசித்தியானி. அஞ்ஞஸ்ஸ வா மாதுகா³மஸ்ஸாதி ஏகஸ்ஸ மாதுகா³மஸ்ஸ தே³ஸெத்வா நிஸின்னே புன ஆக³தஸ்ஸ அஞ்ஞஸ்ஸ மாதுகா³மஸ்ஸ, ஏவங் பன ஏகாஸனே நிஸின்னேன மாதுகா³மஸதஸ்ஸாபி தே³ஸேதுங் வட்டதி . ‘‘விஞ்ஞுமனுஸ்ஸித்தி²யா’’தி வசனதோ அவிஞ்ஞித்தி²யாபி தே³ஸயதோ அனாபத்தி. இரியாபத²பரிவத்தாபா⁴வோதி அத்தனோ வா மாதுகா³மஸ்ஸ வா இரியாபத²பரிவத்தாபா⁴வோ. கப்பியகாரகஸ்ஸாபா⁴வோதி விஞ்ஞுஸ்ஸ கப்பியகாரகஸ்ஸாபா⁴வோ, து³தியானியதே வுத்தலக்க²ணஸ்ஸ மனுஸ்ஸஸ்ஸ அபா⁴வோதி வுத்தங் ஹோதி. கிரியாகிரியந்தி எத்த² உத்தரி ச²ப்பஞ்சவாசாஹி த⁴ம்மதே³ஸனா கிரியா, கப்பியகாரகஸ்ஸ அக்³க³ஹணங் அகிரியாதி த³ட்ட²ப்³ப³ங்.
Tikapācittiyanti mātugāme mātugāmasaññivematikaamātugāmasaññīnaṃ vasena tīṇi pācittiyāni. Aññassa vā mātugāmassāti ekassa mātugāmassa desetvā nisinne puna āgatassa aññassa mātugāmassa, evaṃ pana ekāsane nisinnena mātugāmasatassāpi desetuṃ vaṭṭati . ‘‘Viññumanussitthiyā’’ti vacanato aviññitthiyāpi desayato anāpatti. Iriyāpathaparivattābhāvoti attano vā mātugāmassa vā iriyāpathaparivattābhāvo. Kappiyakārakassābhāvoti viññussa kappiyakārakassābhāvo, dutiyāniyate vuttalakkhaṇassa manussassa abhāvoti vuttaṃ hoti. Kiriyākiriyanti ettha uttari chappañcavācāhi dhammadesanā kiriyā, kappiyakārakassa aggahaṇaṃ akiriyāti daṭṭhabbaṃ.
த⁴ம்மதே³ஸனாஸிக்கா²பத³வண்ணனா நிட்டி²தா.
Dhammadesanāsikkhāpadavaṇṇanā niṭṭhitā.
