| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
7. த⁴ம்மதே³ஸனாஸிக்கா²பத³வண்ணனா
7. Dhammadesanāsikkhāpadavaṇṇanā
66. ‘‘விஞ்ஞூ படிப³லா’’தி வசனதோ அவிஞ்ஞூ இத்தி²யாபி தே³ஸெந்தஸ்ஸ அனாபத்தி. இத⁴ யக்கீ²ஆத³யோ மனுஸ்ஸித்தீ² விய அனோளாரிகத்தா து³க்கடவத்து²கா ஜாதா. திரச்சா²னக³தமனுஸ்ஸவிக்³க³ஹித்தி²யா படிப³லதாய வுத்தத்தா இதராபி து³க்கடவத்து²யேவாதி ஏகே. ‘‘மாதுகா³மாயா’’தி லிங்க³விபல்லாஸேன வுத்தங். ‘‘அட்ட²கதா²தி³பாட²ங் ட²பெத்வா த³மிளாதி³னா யதா²ருசி கதே²துங் லப⁴தி கிரா’’தி லிகி²தங், யதா² யக்கீ²ஆத³யோ து³க்கடவத்து²கா ஜாதா, ததா² புரிஸவிக்³க³ஹங் க³ஹெத்வா டி²தேன யக்கா²தி³னா ஸத்³தி⁴ங் டி²தஸ்ஸ மாதுகா³மஸ்ஸ த⁴ம்மங் தே³ஸெந்தோ து³க்கடங் அனாபஜ்ஜித்வா கஸ்மா பாசித்தியமாபஜ்ஜதீதி சே? ஈஸகம்பி து³தியபக்க²ங் அப⁴ஜனதோ. மனுஸ்ஸமாதுகா³மோபி ந து³தியோ, பகே³வ யக்கா²த³யோதி. ந து³தியானியதே தஸ்ஸ து³தியத்தாதி சே? ந தத்த² து³ட்டு²ல்லவாசாபெக்கா² து³தியதா, கிந்து நிஸஜ்ஜாபெக்கா², இத⁴ ச ந நிஸஜ்ஜமத்தங், கிந்து தே³ஸனா இதா⁴தி⁴ப்பேதா. ஸா ச நிபஜ்ஜனதோ ஓளாரிகா, தஸ்மா அஸமத்த²னித³ஸ்ஸனங்.
66. ‘‘Viññū paṭibalā’’ti vacanato aviññū itthiyāpi desentassa anāpatti. Idha yakkhīādayo manussitthī viya anoḷārikattā dukkaṭavatthukā jātā. Tiracchānagatamanussaviggahitthiyā paṭibalatāya vuttattā itarāpi dukkaṭavatthuyevāti eke. ‘‘Mātugāmāyā’’ti liṅgavipallāsena vuttaṃ. ‘‘Aṭṭhakathādipāṭhaṃ ṭhapetvā damiḷādinā yathāruci kathetuṃ labhati kirā’’ti likhitaṃ, yathā yakkhīādayo dukkaṭavatthukā jātā, tathā purisaviggahaṃ gahetvā ṭhitena yakkhādinā saddhiṃ ṭhitassa mātugāmassa dhammaṃ desento dukkaṭaṃ anāpajjitvā kasmā pācittiyamāpajjatīti ce? Īsakampi dutiyapakkhaṃ abhajanato. Manussamātugāmopi na dutiyo, pageva yakkhādayoti. Na dutiyāniyate tassa dutiyattāti ce? Na tattha duṭṭhullavācāpekkhā dutiyatā, kintu nisajjāpekkhā, idha ca na nisajjamattaṃ, kintu desanā idhādhippetā. Sā ca nipajjanato oḷārikā, tasmā asamatthanidassanaṃ.
த⁴ம்மதே³ஸனாஸிக்கா²பத³வண்ணனா நிட்டி²தா.
Dhammadesanāsikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 1. முஸாவாத³வக்³கோ³ • 1. Musāvādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 7. த⁴ம்மதே³ஸனாஸிக்கா²பத³வண்ணனா • 7. Dhammadesanāsikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 7. த⁴ம்மதே³ஸனாஸிக்கா²பத³வண்ணனா • 7. Dhammadesanāsikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. த⁴ம்மதே³ஸனாஸிக்கா²பத³ங் • 7. Dhammadesanāsikkhāpadaṃ
