| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
7. д̇хаммад̣̇зсанаасигкаабад̣̇аван̣н̣анаа
7. Dhammadesanāsikkhāpadavaṇṇanā
60-64. сад̇д̇амз гхарам̣ наяад̇ийд̇и гхаран̣ий, гхаранааяигаа. д̇знааха ‘‘гхарасааминий’’д̇и. сун̣хаад̇и сун̣исаа. на яагкзнаад̇иаад̣̇ийнам̣ ‘‘ан̃н̃ад̇раа’’д̇и иминаа самб̣анд̇хо. бурисавиг̇г̇ахам̣ г̇ахзд̇ваа тид̇зна яагкзна ваа бзд̇зна ваа д̇иражчаанзна ваа сад̣̇д̇хим̣ тид̇ааяаби д̣̇зсзд̇ум̣ на ваддад̇и. агкарааяа д̣̇зсзд̇ийд̇и зд̇т̇а ‘‘чаббан̃жаваажад̇о уд̇д̇ари ‘имам̣ бад̣̇ам̣ бхаасиссаамий’д̇и згамби агкарам̣ вад̇ваа д̇идтад̇и, аабад̇д̇иязваа’’д̇и вад̣̇анд̇и.
60-64. Sattame gharaṃ nayatīti gharaṇī, gharanāyikā. Tenāha ‘‘gharasāminī’’ti. Suṇhāti suṇisā. Na yakkhenātiādīnaṃ ‘‘aññatrā’’ti iminā sambandho. Purisaviggahaṃ gahetvā ṭhitena yakkhena vā petena vā tiracchānena vā saddhiṃ ṭhitāyapi desetuṃ na vaṭṭati. Akkharāya desetīti ettha ‘‘chappañcavācato uttari ‘imaṃ padaṃ bhāsissāmī’ti ekampi akkharaṃ vatvā tiṭṭhati, āpattiyevā’’ti vadanti.
66. ‘‘зго г̇аат̇аабаад̣̇од̇и ид̣̇ам̣ г̇аат̇ааб̣анд̇хамзва санд̇хааяа вуд̇д̇ам̣, ан̃н̃ад̇т̇а бана вибхад̇д̇ианд̇абад̣̇амзва г̇ахзд̇аб̣б̣а’’нд̇и вад̣̇анд̇и. ‘‘адтагат̇ам̣ д̇хаммабад̣̇ам̣ ж̇аад̇агаад̣̇ивад̇т̇ум̣ ваад̇и иминааби бораан̣ам̣ сан̇г̇ийд̇иаарул̣хамзва адтагат̇аад̣̇и вуд̇д̇а’’нд̇и вад̣̇анд̇и. адтагат̇аад̣̇ибаатам̣ табзд̇ваа д̣̇амил̣аад̣̇ибхаасанд̇арзна яат̇ааружи гат̇зд̇ум̣ ваддад̇и. бад̣̇асод̇хаммз вуд̇д̇аббабхзд̣̇од̇и иминаа ан̃н̃ад̇т̇а анаабад̇д̇ийд̇и д̣̇ийбзд̇и. удтахид̇ваа буна нисийд̣̇ид̇ваад̇и ирияаабат̇абаривад̇д̇ананаязна наанааирияаабат̇знаби анаабад̇д̇ийд̇и д̣̇ийбзд̇и. саб̣б̣ам̣ жзби д̣̇ийгханигааяам̣ гат̇зд̇ийд̇и яаава на нидтаад̇и, д̇аава бунад̣̇ивасзби гат̇зд̇и.
66.‘‘Eko gāthāpādoti idaṃ gāthābandhameva sandhāya vuttaṃ, aññattha pana vibhattiantapadameva gahetabba’’nti vadanti. ‘‘Aṭṭhakathaṃ dhammapadaṃ jātakādivatthuṃ vāti imināpi porāṇaṃ saṅgītiāruḷhameva aṭṭhakathādi vutta’’nti vadanti. Aṭṭhakathādipāṭhaṃ ṭhapetvā damiḷādibhāsantarena yathāruci kathetuṃ vaṭṭati. Padasodhamme vuttappabhedoti iminā aññattha anāpattīti dīpeti. Uṭṭhahitvā puna nisīditvāti iriyāpathaparivattananayena nānāiriyāpathenapi anāpattīti dīpeti. Sabbaṃ cepi dīghanikāyaṃ kathetīti yāva na niṭṭhāti, tāva punadivasepi katheti.
д̣̇уд̇ияасса вин̃н̃уубурисасса аг̇г̇ахан̣ам̣ агирияаа. маад̇уг̇аамзна сад̣̇д̇хим̣ тид̇асса жа вин̃н̃уубурисасса жа убажааро анияад̇зсу вуд̇д̇анаязнзва г̇ахзд̇аб̣б̣о. сзсам̣ уд̇д̇аанамзва. вуд̇д̇алагкан̣асса д̇хаммасса чаннам̣ ваажаанам̣ убари д̣̇зсанаа, вуд̇д̇алагкан̣о маад̇уг̇аамо, ирияаабат̇абаавад̇д̇анаабхааво, вин̃н̃уубурисаабхааво, абан̃хависсаж̇ж̇анаад̇и имаани банзд̇т̇а бан̃жа ан̇г̇аани.
Dutiyassa viññūpurisassa aggahaṇaṃ akiriyā. Mātugāmena saddhiṃ ṭhitassa ca viññūpurisassa ca upacāro aniyatesu vuttanayeneva gahetabbo. Sesaṃ uttānameva. Vuttalakkhaṇassa dhammassa channaṃ vācānaṃ upari desanā, vuttalakkhaṇo mātugāmo, iriyāpathapaavattanābhāvo, viññūpurisābhāvo, apañhavissajjanāti imāni panettha pañca aṅgāni.
д̇хаммад̣̇зсанаасигкаабад̣̇аван̣н̣анаа нидтид̇аа.
Dhammadesanāsikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. д̇хаммад̣̇зсанаасигкаабад̣̇аван̣н̣анаа • 7. Dhammadesanāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. д̇хаммад̣̇зсанаасигкаабад̣̇аван̣н̣анаа • 7. Dhammadesanāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. д̇хаммад̣̇зсанаасигкаабад̣̇аван̣н̣анаа • 7. Dhammadesanāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. д̇хаммад̣̇зсанаасигкаабад̣̇ам̣ • 7. Dhammadesanāsikkhāpadaṃ
