| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
7. ධම්‌මදෙසනාසික්‌ඛාපදවණ්‌ණනා
7. Dhammadesanāsikkhāpadavaṇṇanā
60. සත්‌තමෙ න යක්‌ඛෙනාතිආදීනං ‘‘අඤ්‌ඤත්‍ර විඤ්‌ඤුනා’’ති ඉමිනා සම්‌බන්‌ධො. අඤ්‌ඤත්‍ර විඤ්‌ඤුනා පුරිසවිග්‌ගහෙන, න යක්‌ඛාදිනාපීති එවමත්‌ථො ගහෙතබ්‌බොති අධිප්‌පායො. තාදිසෙනපි හි සහ ඨිතාය දෙසෙතුං න වට්‌ටති. තංතංදෙසභාසාය අත්‌ථං යථාරුචි වට්‌ටති එව.
60. Sattame na yakkhenātiādīnaṃ ‘‘aññatra viññunā’’ti iminā sambandho. Aññatra viññunā purisaviggahena, na yakkhādināpīti evamattho gahetabboti adhippāyo. Tādisenapi hi saha ṭhitāya desetuṃ na vaṭṭati. Taṃtaṃdesabhāsāya atthaṃ yathāruci vaṭṭati eva.
ඉරියාපථාපරිවත්‌තනං, පුරිසං වා ද්‌වාදසහත්‌ථූපචාරෙ අපක්‌කොසාපනං එත්‌ථ අකිරියා. වුත්‌තලක්‌ඛණස්‌ස ධම්‌මස්‌ස ඡන්‌නං වාචානං උපරි දෙසනා, වුත්‌තලක්‌ඛණො මාතුගාමො, ඉරියාපථපඅවත්‌තනාභාවො, විඤ්‌ඤූපුරිසාභාවො, අපඤ්‌හවිස්‌සජ්‌ජනාති ඉමානෙත්‌ථ පඤ්‌ච අඞ්‌ගානි.
Iriyāpathāparivattanaṃ, purisaṃ vā dvādasahatthūpacāre apakkosāpanaṃ ettha akiriyā. Vuttalakkhaṇassa dhammassa channaṃ vācānaṃ upari desanā, vuttalakkhaṇo mātugāmo, iriyāpathapaavattanābhāvo, viññūpurisābhāvo, apañhavissajjanāti imānettha pañca aṅgāni.
ධම්‌මදෙසනාසික්‌ඛාපදවණ්‌ණනා නිට්‌ඨිතා.
Dhammadesanāsikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 1. මුසාවාදවග්‌ගො • 1. Musāvādavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 7. ධම්‌මදෙසනාසික්‌ඛාපදවණ්‌ණනා • 7. Dhammadesanāsikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 7. ධම්‌මදෙසනාසික්‌ඛාපදවණ්‌ණනා • 7. Dhammadesanāsikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 7. ධම්‌මදෙසනාසික්‌ඛාපදං • 7. Dhammadesanāsikkhāpadaṃ
