| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
༧. དྷམྨདེསནཱསིཀྑཱཔདཝཎྞནཱ
7. Dhammadesanāsikkhāpadavaṇṇanā
༦༠-༦༤. སཏྟམེ གྷརཾ ནཡཏཱིཏི གྷརཎཱི, གྷརནཱཡིཀཱ། ཏེནཱཧ ‘‘གྷརསཱམིནཱི’’ཏི། སུཎྷཱཏི སུཎིསཱ། ན ཡཀྑེནཱཏིཨཱདཱིནཾ ‘‘ཨཉྙཏྲཱ’’ཏི ཨིམིནཱ སམྦནྡྷོ། པུརིསཝིགྒཧཾ གཧེཏྭཱ ཋིཏེན ཡཀྑེན ཝཱ པེཏེན ཝཱ ཏིརཙྪཱནེན ཝཱ སདྡྷིཾ ཋིཏཱཡཔི དེསེཏུཾ ན ཝཊྚཏི། ཨཀྑརཱཡ དེསེཏཱིཏི ཨེཏྠ ‘‘ཚཔྤཉྩཝཱཙཏོ ཨུཏྟརི ‘ཨིམཾ པདཾ བྷཱསིསྶཱམཱི’ཏི ཨེཀམྤི ཨཀྑརཾ ཝཏྭཱ ཏིཊྛཏི, ཨཱཔཏྟིཡེཝཱ’’ཏི ཝདནྟི།
60-64. Sattame gharaṃ nayatīti gharaṇī, gharanāyikā. Tenāha ‘‘gharasāminī’’ti. Suṇhāti suṇisā. Na yakkhenātiādīnaṃ ‘‘aññatrā’’ti iminā sambandho. Purisaviggahaṃ gahetvā ṭhitena yakkhena vā petena vā tiracchānena vā saddhiṃ ṭhitāyapi desetuṃ na vaṭṭati. Akkharāya desetīti ettha ‘‘chappañcavācato uttari ‘imaṃ padaṃ bhāsissāmī’ti ekampi akkharaṃ vatvā tiṭṭhati, āpattiyevā’’ti vadanti.
༦༦. ‘‘ཨེཀོ གཱཐཱཔཱདོཏི ཨིདཾ གཱཐཱབནྡྷམེཝ སནྡྷཱཡ ཝུཏྟཾ, ཨཉྙཏྠ པན ཝིབྷཏྟིཨནྟཔདམེཝ གཧེཏབྦ’’ནྟི ཝདནྟི། ‘‘ཨཊྛཀཐཾ དྷམྨཔདཾ ཛཱཏཀཱདིཝཏྠུཾ ཝཱཏི ཨིམིནཱཔི པོརཱཎཾ སངྒཱིཏིཨཱརུལ༹ྷམེཝ ཨཊྛཀཐཱདི ཝུཏྟ’’ནྟི ཝདནྟི། ཨཊྛཀཐཱདིཔཱཋཾ ཋཔེཏྭཱ དམིལཱ༹དིབྷཱསནྟརེན ཡཐཱརུཙི ཀཐེཏུཾ ཝཊྚཏི། པདསོདྷམྨེ ཝུཏྟཔྤབྷེདོཏི ཨིམིནཱ ཨཉྙཏྠ ཨནཱཔཏྟཱིཏི དཱིཔེཏི། ཨུཊྛཧིཏྭཱ པུན ནིསཱིདིཏྭཱཏི ཨིརིཡཱཔཐཔརིཝཏྟནནཡེན ནཱནཱཨིརིཡཱཔཐེནཔི ཨནཱཔཏྟཱིཏི དཱིཔེཏི། སབྦཾ ཙེཔི དཱིགྷནིཀཱཡཾ ཀཐེཏཱིཏི ཡཱཝ ན ནིཊྛཱཏི, ཏཱཝ པུནདིཝསེཔི ཀཐེཏི།
66.‘‘Eko gāthāpādoti idaṃ gāthābandhameva sandhāya vuttaṃ, aññattha pana vibhattiantapadameva gahetabba’’nti vadanti. ‘‘Aṭṭhakathaṃ dhammapadaṃ jātakādivatthuṃ vāti imināpi porāṇaṃ saṅgītiāruḷhameva aṭṭhakathādi vutta’’nti vadanti. Aṭṭhakathādipāṭhaṃ ṭhapetvā damiḷādibhāsantarena yathāruci kathetuṃ vaṭṭati. Padasodhamme vuttappabhedoti iminā aññattha anāpattīti dīpeti. Uṭṭhahitvā puna nisīditvāti iriyāpathaparivattananayena nānāiriyāpathenapi anāpattīti dīpeti. Sabbaṃ cepi dīghanikāyaṃ kathetīti yāva na niṭṭhāti, tāva punadivasepi katheti.
དུཏིཡསྶ ཝིཉྙཱུཔུརིསསྶ ཨགྒཧཎཾ ཨཀིརིཡཱ། མཱཏུགཱམེན སདྡྷིཾ ཋིཏསྶ ཙ ཝིཉྙཱུཔུརིསསྶ ཙ ཨུཔཙཱརོ ཨནིཡཏེསུ ཝུཏྟནཡེནེཝ གཧེཏབྦོ། སེསཾ ཨུཏྟཱནམེཝ། ཝུཏྟལཀྑཎསྶ དྷམྨསྶ ཚནྣཾ ཝཱཙཱནཾ ཨུཔརི དེསནཱ, ཝུཏྟལཀྑཎོ མཱཏུགཱམོ, ཨིརིཡཱཔཐཔཨཝཏྟནཱབྷཱཝོ, ཝིཉྙཱུཔུརིསཱབྷཱཝོ, ཨཔཉྷཝིསྶཛྫནཱཏི ཨིམཱནི པནེཏྠ པཉྩ ཨངྒཱནི།
Dutiyassa viññūpurisassa aggahaṇaṃ akiriyā. Mātugāmena saddhiṃ ṭhitassa ca viññūpurisassa ca upacāro aniyatesu vuttanayeneva gahetabbo. Sesaṃ uttānameva. Vuttalakkhaṇassa dhammassa channaṃ vācānaṃ upari desanā, vuttalakkhaṇo mātugāmo, iriyāpathapaavattanābhāvo, viññūpurisābhāvo, apañhavissajjanāti imāni panettha pañca aṅgāni.
དྷམྨདེསནཱསིཀྑཱཔདཝཎྞནཱ ནིཊྛིཏཱ།
Dhammadesanāsikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༡. མུསཱཝཱདཝགྒོ • 1. Musāvādavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༧. དྷམྨདེསནཱསིཀྑཱཔདཝཎྞནཱ • 7. Dhammadesanāsikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༧. དྷམྨདེསནཱསིཀྑཱཔདཝཎྞནཱ • 7. Dhammadesanāsikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༧. དྷམྨདེསནཱསིཀྑཱཔདཝཎྞནཱ • 7. Dhammadesanāsikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༧. དྷམྨདེསནཱསིཀྑཱཔདཾ • 7. Dhammadesanāsikkhāpadaṃ
