| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
10. д̇хаммад̣̇зсанааяа аббоссуггабан̃хо
10. Dhammadesanāya appossukkapañho
10. ‘‘бханд̇з нааг̇асзна, д̇умхз бхан̣ат̇а ‘д̇ат̇ааг̇ад̇зна жад̇уухи жа асан̇кязяязхи габбаанам̣ сад̇асахассзна жа зд̇т̇анд̇арз саб̣б̣ан̃н̃уд̇ан̃аан̣ам̣ барибаажид̇ам̣ махад̇о ж̇анагааяасса самуд̣̇д̇харан̣ааяаа’д̇и. буна жа ‘саб̣б̣ан̃н̃уд̇ам̣ бад̇д̇асса аббоссуггад̇ааяа жид̇д̇ам̣ нами, но д̇хаммад̣̇зсанааяаа’д̇и.
10. ‘‘Bhante nāgasena, tumhe bhaṇatha ‘tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ paripācitaṃ mahato janakāyassa samuddharaṇāyā’ti. Puna ca ‘sabbaññutaṃ pattassa appossukkatāya cittaṃ nami, no dhammadesanāyā’ti.
‘‘яат̇аа наама, бханд̇з нааг̇асзна, иссаасо ваа иссаасанд̇зваасий ваа б̣ахугз д̣̇ивасз сан̇г̇аамад̇т̇ааяа убаасанам̣ сигкид̇ваа самбад̇д̇з махааяуд̣̇д̇хз осаггзяяа, звамзва ко, бханд̇з нааг̇асзна, д̇ат̇ааг̇ад̇зна жад̇уухи жа асан̇кязяязхи габбаанам̣ сад̇асахассзна жа зд̇т̇анд̇арз саб̣б̣ан̃н̃уд̇ан̃аан̣ам̣ барибаажзд̇ваа махад̇о ж̇анагааяасса самуд̣̇д̇харан̣ааяа саб̣б̣ан̃н̃уд̇ам̣ бад̇д̇зна д̇хаммад̣̇зсанааяа осаггид̇ам̣.
‘‘Yathā nāma, bhante nāgasena, issāso vā issāsantevāsī vā bahuke divase saṅgāmatthāya upāsanaṃ sikkhitvā sampatte mahāyuddhe osakkeyya, evameva kho, bhante nāgasena, tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ paripācetvā mahato janakāyassa samuddharaṇāya sabbaññutaṃ pattena dhammadesanāya osakkitaṃ.
‘‘яат̇аа ваа бана, бханд̇з нааг̇асзна, малло ваа малланд̇зваасий ваа б̣ахугз д̣̇ивасз ниб̣б̣уд̣̇д̇хам̣ сигкид̇ваа самбад̇д̇з маллаяуд̣̇д̇хз осаггзяяа, звамзва ко, бханд̇з нааг̇асзна, д̇ат̇ааг̇ад̇зна жад̇уухи жа асан̇кязяязхи габбаанам̣ сад̇асахассзна жа зд̇т̇анд̇арз саб̣б̣ан̃н̃уд̇ан̃аан̣ам̣ барибаажзд̇ваа махад̇о ж̇анагааяасса самуд̣̇д̇харан̣ааяа саб̣б̣ан̃н̃уд̇ам̣ бад̇д̇зна д̇хаммад̣̇зсанааяа осаггид̇ам̣.
‘‘Yathā vā pana, bhante nāgasena, mallo vā mallantevāsī vā bahuke divase nibbuddhaṃ sikkhitvā sampatte mallayuddhe osakkeyya, evameva kho, bhante nāgasena, tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ paripācetvā mahato janakāyassa samuddharaṇāya sabbaññutaṃ pattena dhammadesanāya osakkitaṃ.
‘‘гим̣ ну ко, бханд̇з нааг̇асзна, д̇ат̇ааг̇ад̇зна бхаяаа осаггид̇ам̣, уд̣̇ааху абаагадад̇ааяа осаггид̇ам̣, уд̣̇ааху д̣̇уб̣б̣алад̇ааяа осаггид̇ам̣, уд̣̇ааху асаб̣б̣ан̃н̃уд̇ааяа осаггид̇ам̣, гим̣ д̇ад̇т̇а гааран̣ам̣, ин̇гха мз д̇вам̣ гааран̣ам̣ б̣руухи ган̇каавид̇аран̣ааяа. яад̣̇и, бханд̇з нааг̇асзна, д̇ат̇ааг̇ад̇зна жад̇уухи жа асан̇кязяязхи габбаанам̣ сад̇асахассзна жа зд̇т̇анд̇арз саб̣б̣ан̃н̃уд̇ан̃аан̣ам̣ барибаажид̇ам̣ махад̇о ж̇анагааяасса самуд̣̇д̇харан̣ааяа, д̇зна хи ‘саб̣б̣ан̃н̃уд̇ам̣ бад̇д̇асса аббоссуггад̇ааяа жид̇д̇ам̣ нами, но д̇хаммад̣̇зсанааяаа’д̇и яам̣ важанам̣, д̇ам̣ мижчаа. яад̣̇и саб̣б̣ан̃н̃уд̇ам̣ бад̇д̇асса аббоссуггад̇ааяа жид̇д̇ам̣ нами но д̇хаммад̣̇зсанааяа, д̇зна хи ‘д̇ат̇ааг̇ад̇зна жад̇уухи жа асан̇кязяязд̇и габбаанам̣ сад̇асахассзна жа зд̇т̇анд̇арз саб̣б̣ан̃н̃уд̇ан̃аан̣ам̣ барибаажид̇ам̣ махад̇о ж̇анагааяасса самуд̣̇д̇харан̣ааяаа’д̇и д̇амби важанам̣ мижчаа. аяамби убхад̇о годиго бан̃хо г̇амбхийро д̣̇унниб̣б̣зто д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
‘‘Kiṃ nu kho, bhante nāgasena, tathāgatena bhayā osakkitaṃ, udāhu apākaṭatāya osakkitaṃ, udāhu dubbalatāya osakkitaṃ, udāhu asabbaññutāya osakkitaṃ, kiṃ tattha kāraṇaṃ, iṅgha me tvaṃ kāraṇaṃ brūhi kaṅkhāvitaraṇāya. Yadi, bhante nāgasena, tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ paripācitaṃ mahato janakāyassa samuddharaṇāya, tena hi ‘sabbaññutaṃ pattassa appossukkatāya cittaṃ nami, no dhammadesanāyā’ti yaṃ vacanaṃ, taṃ micchā. Yadi sabbaññutaṃ pattassa appossukkatāya cittaṃ nami no dhammadesanāya, tena hi ‘tathāgatena catūhi ca asaṅkhyeyyeti kappānaṃ satasahassena ca etthantare sabbaññutañāṇaṃ paripācitaṃ mahato janakāyassa samuddharaṇāyā’ti tampi vacanaṃ micchā. Ayampi ubhato koṭiko pañho gambhīro dunnibbeṭho tavānuppatto, so tayā nibbāhitabbo’’ti.
‘‘барибаажид̇ан̃жа, махаарааж̇а, д̇ат̇ааг̇ад̇зна жад̇уухи жа асан̇кязяязхи габбаанам̣ сад̇асахассзна жа зд̇т̇анд̇арз саб̣б̣ан̃н̃уд̇ан̃аан̣ам̣ махад̇о ж̇анагааяасса самуд̣̇д̇харан̣ааяа, бад̇д̇асаб̣б̣ан̃н̃уд̇асса жа аббоссуггад̇ааяа жид̇д̇ам̣ нами, но д̇хаммад̣̇зсанааяа. д̇ан̃жа бана д̇хаммасса г̇амбхийранибун̣ад̣̇уд̣̇д̣̇асад̣̇урануб̣од̇хасукумад̣̇уббадивзд̇хад̇ам̣ сад̇д̇аанан̃жа аалаяаараамад̇ам̣ саггааяад̣̇идтияаа д̣̇ал̣хасуг̇г̇ахид̇ад̇ан̃жа д̣̇исваа ‘гим̣ ну ко, гат̇ам̣ ну ко’д̇и аббоссуггад̇ааяа жид̇д̇ам̣ нами, но д̇хаммад̣̇зсанааяа, сад̇д̇аанам̣ бадивзд̇хажинд̇анамаанасам̣ язвзд̇ам̣.
‘‘Paripācitañca, mahārāja, tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ mahato janakāyassa samuddharaṇāya, pattasabbaññutassa ca appossukkatāya cittaṃ nami, no dhammadesanāya. Tañca pana dhammassa gambhīranipuṇaduddasaduranubodhasukhumaduppaṭivedhataṃ sattānañca ālayārāmataṃ sakkāyadiṭṭhiyā daḷhasuggahitatañca disvā ‘kiṃ nu kho, kathaṃ nu kho’ti appossukkatāya cittaṃ nami, no dhammadesanāya, sattānaṃ paṭivedhacintanamānasaṃ yevetaṃ.
‘‘яат̇аа, махаарааж̇а, бхисагго саллагад̇д̇о анзгаб̣яаад̇хибарибийл̣ид̇ам̣ нарам̣ убасан̇гамид̇ваа звам̣ жинд̇аяад̇и ‘гзна ну ко убаггамзна гад̇амзна ваа бхзсаж̇ж̇зна имасса б̣яаад̇хи вуубасамзяяаа’д̇и, звамзва ко, махаарааж̇а, д̇ат̇ааг̇ад̇асса саб̣б̣агилзсаб̣яаад̇хибарибийл̣ид̇ам̣ ж̇анам̣ д̇хаммасса жа г̇амбхийранибун̣ад̣̇уд̣̇д̣̇асад̣̇урануб̣од̇хасукумад̣̇уббадивзд̇хад̇ам̣ д̣̇исваа ‘гим̣ ну ко, гат̇ам̣ ну ко’д̇и аббоссуггад̇ааяа жид̇д̇ам̣ нами, но д̇хаммад̣̇зсанааяа, сад̇д̇аанам̣ бадивзд̇хажинд̇анамаанасам̣ язвзд̇ам̣.
‘‘Yathā, mahārāja, bhisakko sallakatto anekabyādhiparipīḷitaṃ naraṃ upasaṅkamitvā evaṃ cintayati ‘kena nu kho upakkamena katamena vā bhesajjena imassa byādhi vūpasameyyā’ti, evameva kho, mahārāja, tathāgatassa sabbakilesabyādhiparipīḷitaṃ janaṃ dhammassa ca gambhīranipuṇaduddasaduranubodhasukhumaduppaṭivedhataṃ disvā ‘kiṃ nu kho, kathaṃ nu kho’ti appossukkatāya cittaṃ nami, no dhammadesanāya, sattānaṃ paṭivedhacintanamānasaṃ yevetaṃ.
‘‘яат̇аа, махаарааж̇а, ран̃н̃о кад̇д̇ияасса муд̣̇д̇хаавасид̇д̇асса д̣̇овааригаанийгадтабаарисаж̇ж̇анзг̇амабхадаб̣ала 1 амажжарааж̇ан̃н̃арааж̇уубаж̇ийвинз ж̇анз д̣̇исваа звам̣ жид̇д̇амуббаж̇ж̇зяяа ‘гим̣ ну ко, гат̇ам̣ ну ко имз сан̇г̇ан̣хиссаамий’д̇и, звамзва ко, махаарааж̇а, д̇ат̇ааг̇ад̇асса д̇хаммасса г̇амбхийранибун̣ад̣̇уд̣̇д̣̇асад̣̇урануб̣од̇хасукумад̣̇уббадивзд̇хад̇ам̣ сад̇д̇аанан̃жа аалаяаараамад̇ам̣ саггааяад̣̇идтияаа д̣̇ал̣хасуг̇г̇ахид̇ад̇ан̃жа д̣̇исваа ‘гим̣ ну ко, гат̇ам̣ ну ко’д̇и аббоссуггад̇ааяа жид̇д̇ам̣ нами, но д̇хаммад̣̇зсанааяа, сад̇д̇аанам̣ бадивзд̇хажинд̇анамаанасам̣ язвзд̇ам̣.
‘‘Yathā, mahārāja, rañño khattiyassa muddhāvasittassa dovārikaanīkaṭṭhapārisajjanegamabhaṭabala 2 amaccarājaññarājūpajīvine jane disvā evaṃ cittamuppajjeyya ‘kiṃ nu kho, kathaṃ nu kho ime saṅgaṇhissāmī’ti, evameva kho, mahārāja, tathāgatassa dhammassa gambhīranipuṇaduddasaduranubodhasukhumaduppaṭivedhataṃ sattānañca ālayārāmataṃ sakkāyadiṭṭhiyā daḷhasuggahitatañca disvā ‘kiṃ nu kho, kathaṃ nu kho’ti appossukkatāya cittaṃ nami, no dhammadesanāya, sattānaṃ paṭivedhacintanamānasaṃ yevetaṃ.
‘‘аби жа, махаарааж̇а, саб̣б̣зсам̣ д̇ат̇ааг̇ад̇аанам̣ д̇хаммад̇аа зсаа, яам̣ б̣рахмунаа ааяаажид̇аа д̇хаммам̣ д̣̇зсзнд̇и. д̇ад̇т̇а бана гим̣ гааран̣ам̣? яз д̇зна самаязна мануссаа д̇аабасабариб̣б̣ааж̇агаа саман̣аб̣раахман̣аа, саб̣б̣зд̇з б̣рахмад̣̇звад̇аа хонд̇и б̣рахмаг̇аругаа б̣рахмабарааяан̣аа, д̇асмаа д̇асса б̣алавад̇о яасавад̇о н̃аад̇асса бан̃н̃аад̇асса уд̇д̇арасса ажжуг̇г̇ад̇асса онаманзна сад̣̇зваго лого онамиссад̇и огаббзссад̇и ад̇химужжиссад̇ийд̇и иминаа жа, махаарааж̇а, гааран̣зна д̇ат̇ааг̇ад̇аа б̣рахмунаа ааяаажид̇аа д̇хаммам̣ д̣̇зсзнд̇и.
‘‘Api ca, mahārāja, sabbesaṃ tathāgatānaṃ dhammatā esā, yaṃ brahmunā āyācitā dhammaṃ desenti. Tattha pana kiṃ kāraṇaṃ? Ye tena samayena manussā tāpasaparibbājakā samaṇabrāhmaṇā, sabbete brahmadevatā honti brahmagarukā brahmaparāyaṇā, tasmā tassa balavato yasavato ñātassa paññātassa uttarassa accuggatassa onamanena sadevako loko onamissati okappessati adhimuccissatīti iminā ca, mahārāja, kāraṇena tathāgatā brahmunā āyācitā dhammaṃ desenti.
‘‘яат̇аа, махаарааж̇а, гожи рааж̇аа ваа рааж̇амахаамад̇д̇о ваа яасса онамад̇и абажид̇им̣ гарод̇и, б̣алавад̇арасса д̇асса онаманзна авасзсаа ж̇анад̇аа онамад̇и абажид̇им̣ гарод̇и, звамзва ко, махаарааж̇а, б̣рахмз онамид̇з д̇ат̇ааг̇ад̇аанам̣ сад̣̇зваго лого онамиссад̇и, бууж̇ид̇абууж̇аго махаарааж̇а, лого, д̇асмаа со б̣рахмаа саб̣б̣зсам̣ д̇ат̇ааг̇ад̇аанам̣ ааяаажад̇и д̇хаммад̣̇зсанааяа, д̇зна жа гааран̣зна д̇ат̇ааг̇ад̇аа б̣рахмунаа ааяаажид̇аа д̇хаммам̣ д̣̇зсзнд̇ий’’д̇и. ‘‘саад̇ху, бханд̇з нааг̇асзна, суниб̣б̣зтид̇о бан̃хо, ад̇ибхад̣̇рагам̣ взяяаагаран̣ам̣, звамзд̇ам̣ д̇ат̇аа самбадижчаамий’’д̇и.
‘‘Yathā, mahārāja, koci rājā vā rājamahāmatto vā yassa onamati apacitiṃ karoti, balavatarassa tassa onamanena avasesā janatā onamati apacitiṃ karoti, evameva kho, mahārāja, brahme onamite tathāgatānaṃ sadevako loko onamissati, pūjitapūjako mahārāja, loko, tasmā so brahmā sabbesaṃ tathāgatānaṃ āyācati dhammadesanāya, tena ca kāraṇena tathāgatā brahmunā āyācitā dhammaṃ desentī’’ti. ‘‘Sādhu, bhante nāgasena, sunibbeṭhito pañho, atibhadrakaṃ veyyākaraṇaṃ, evametaṃ tathā sampaṭicchāmī’’ti.
д̇хаммад̣̇зсанааяа аббоссуггабан̃хо д̣̇асамо.
Dhammadesanāya appossukkapañho dasamo.
Footnotes:
