| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੦. ਧਮ੍ਮਦੇਸਨਾਯ ਅਪ੍ਪੋਸ੍ਸੁਕ੍ਕਪਞ੍ਹੋ
10. Dhammadesanāya appossukkapañho
੧੦. ‘‘ਭਨ੍ਤੇ ਨਾਗਸੇਨ, ਤੁਮ੍ਹੇ ਭਣਥ ‘ਤਥਾਗਤੇਨ ਚਤੂਹਿ ਚ ਅਸਙ੍ਖ੍ਯੇਯ੍ਯੇਹਿ ਕਪ੍ਪਾਨਂ ਸਤਸਹਸ੍ਸੇਨ ਚ ਏਤ੍ਥਨ੍ਤਰੇ ਸਬ੍ਬਞ੍ਞੁਤਞਾਣਂ ਪਰਿਪਾਚਿਤਂ ਮਹਤੋ ਜਨਕਾਯਸ੍ਸ ਸਮੁਦ੍ਧਰਣਾਯਾ’ਤਿ। ਪੁਨ ਚ ‘ਸਬ੍ਬਞ੍ਞੁਤਂ ਪਤ੍ਤਸ੍ਸ ਅਪ੍ਪੋਸ੍ਸੁਕ੍ਕਤਾਯ ਚਿਤ੍ਤਂ ਨਮਿ, ਨੋ ਧਮ੍ਮਦੇਸਨਾਯਾ’ਤਿ।
10. ‘‘Bhante nāgasena, tumhe bhaṇatha ‘tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ paripācitaṃ mahato janakāyassa samuddharaṇāyā’ti. Puna ca ‘sabbaññutaṃ pattassa appossukkatāya cittaṃ nami, no dhammadesanāyā’ti.
‘‘ਯਥਾ ਨਾਮ, ਭਨ੍ਤੇ ਨਾਗਸੇਨ, ਇਸ੍ਸਾਸੋ વਾ ਇਸ੍ਸਾਸਨ੍ਤੇવਾਸੀ વਾ ਬਹੁਕੇ ਦਿવਸੇ ਸਙ੍ਗਾਮਤ੍ਥਾਯ ਉਪਾਸਨਂ ਸਿਕ੍ਖਿਤ੍વਾ ਸਮ੍ਪਤ੍ਤੇ ਮਹਾਯੁਦ੍ਧੇ ਓਸਕ੍ਕੇਯ੍ਯ, ਏવਮੇવ ਖੋ, ਭਨ੍ਤੇ ਨਾਗਸੇਨ, ਤਥਾਗਤੇਨ ਚਤੂਹਿ ਚ ਅਸਙ੍ਖ੍ਯੇਯ੍ਯੇਹਿ ਕਪ੍ਪਾਨਂ ਸਤਸਹਸ੍ਸੇਨ ਚ ਏਤ੍ਥਨ੍ਤਰੇ ਸਬ੍ਬਞ੍ਞੁਤਞਾਣਂ ਪਰਿਪਾਚੇਤ੍વਾ ਮਹਤੋ ਜਨਕਾਯਸ੍ਸ ਸਮੁਦ੍ਧਰਣਾਯ ਸਬ੍ਬਞ੍ਞੁਤਂ ਪਤ੍ਤੇਨ ਧਮ੍ਮਦੇਸਨਾਯ ਓਸਕ੍ਕਿਤਂ।
‘‘Yathā nāma, bhante nāgasena, issāso vā issāsantevāsī vā bahuke divase saṅgāmatthāya upāsanaṃ sikkhitvā sampatte mahāyuddhe osakkeyya, evameva kho, bhante nāgasena, tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ paripācetvā mahato janakāyassa samuddharaṇāya sabbaññutaṃ pattena dhammadesanāya osakkitaṃ.
‘‘ਯਥਾ વਾ ਪਨ, ਭਨ੍ਤੇ ਨਾਗਸੇਨ, ਮਲ੍ਲੋ વਾ ਮਲ੍ਲਨ੍ਤੇવਾਸੀ વਾ ਬਹੁਕੇ ਦਿવਸੇ ਨਿਬ੍ਬੁਦ੍ਧਂ ਸਿਕ੍ਖਿਤ੍વਾ ਸਮ੍ਪਤ੍ਤੇ ਮਲ੍ਲਯੁਦ੍ਧੇ ਓਸਕ੍ਕੇਯ੍ਯ, ਏવਮੇવ ਖੋ, ਭਨ੍ਤੇ ਨਾਗਸੇਨ, ਤਥਾਗਤੇਨ ਚਤੂਹਿ ਚ ਅਸਙ੍ਖ੍ਯੇਯ੍ਯੇਹਿ ਕਪ੍ਪਾਨਂ ਸਤਸਹਸ੍ਸੇਨ ਚ ਏਤ੍ਥਨ੍ਤਰੇ ਸਬ੍ਬਞ੍ਞੁਤਞਾਣਂ ਪਰਿਪਾਚੇਤ੍વਾ ਮਹਤੋ ਜਨਕਾਯਸ੍ਸ ਸਮੁਦ੍ਧਰਣਾਯ ਸਬ੍ਬਞ੍ਞੁਤਂ ਪਤ੍ਤੇਨ ਧਮ੍ਮਦੇਸਨਾਯ ਓਸਕ੍ਕਿਤਂ।
‘‘Yathā vā pana, bhante nāgasena, mallo vā mallantevāsī vā bahuke divase nibbuddhaṃ sikkhitvā sampatte mallayuddhe osakkeyya, evameva kho, bhante nāgasena, tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ paripācetvā mahato janakāyassa samuddharaṇāya sabbaññutaṃ pattena dhammadesanāya osakkitaṃ.
‘‘ਕਿਂ ਨੁ ਖੋ, ਭਨ੍ਤੇ ਨਾਗਸੇਨ, ਤਥਾਗਤੇਨ ਭਯਾ ਓਸਕ੍ਕਿਤਂ, ਉਦਾਹੁ ਅਪਾਕਟਤਾਯ ਓਸਕ੍ਕਿਤਂ, ਉਦਾਹੁ ਦੁਬ੍ਬਲਤਾਯ ਓਸਕ੍ਕਿਤਂ, ਉਦਾਹੁ ਅਸਬ੍ਬਞ੍ਞੁਤਾਯ ਓਸਕ੍ਕਿਤਂ, ਕਿਂ ਤਤ੍ਥ ਕਾਰਣਂ, ਇਙ੍ਘ ਮੇ ਤ੍વਂ ਕਾਰਣਂ ਬ੍ਰੂਹਿ ਕਙ੍ਖਾવਿਤਰਣਾਯ। ਯਦਿ, ਭਨ੍ਤੇ ਨਾਗਸੇਨ, ਤਥਾਗਤੇਨ ਚਤੂਹਿ ਚ ਅਸਙ੍ਖ੍ਯੇਯ੍ਯੇਹਿ ਕਪ੍ਪਾਨਂ ਸਤਸਹਸ੍ਸੇਨ ਚ ਏਤ੍ਥਨ੍ਤਰੇ ਸਬ੍ਬਞ੍ਞੁਤਞਾਣਂ ਪਰਿਪਾਚਿਤਂ ਮਹਤੋ ਜਨਕਾਯਸ੍ਸ ਸਮੁਦ੍ਧਰਣਾਯ, ਤੇਨ ਹਿ ‘ਸਬ੍ਬਞ੍ਞੁਤਂ ਪਤ੍ਤਸ੍ਸ ਅਪ੍ਪੋਸ੍ਸੁਕ੍ਕਤਾਯ ਚਿਤ੍ਤਂ ਨਮਿ, ਨੋ ਧਮ੍ਮਦੇਸਨਾਯਾ’ਤਿ ਯਂ વਚਨਂ, ਤਂ ਮਿਚ੍ਛਾ। ਯਦਿ ਸਬ੍ਬਞ੍ਞੁਤਂ ਪਤ੍ਤਸ੍ਸ ਅਪ੍ਪੋਸ੍ਸੁਕ੍ਕਤਾਯ ਚਿਤ੍ਤਂ ਨਮਿ ਨੋ ਧਮ੍ਮਦੇਸਨਾਯ, ਤੇਨ ਹਿ ‘ਤਥਾਗਤੇਨ ਚਤੂਹਿ ਚ ਅਸਙ੍ਖ੍ਯੇਯ੍ਯੇਤਿ ਕਪ੍ਪਾਨਂ ਸਤਸਹਸ੍ਸੇਨ ਚ ਏਤ੍ਥਨ੍ਤਰੇ ਸਬ੍ਬਞ੍ਞੁਤਞਾਣਂ ਪਰਿਪਾਚਿਤਂ ਮਹਤੋ ਜਨਕਾਯਸ੍ਸ ਸਮੁਦ੍ਧਰਣਾਯਾ’ਤਿ ਤਮ੍ਪਿ વਚਨਂ ਮਿਚ੍ਛਾ। ਅਯਮ੍ਪਿ ਉਭਤੋ ਕੋਟਿਕੋ ਪਞ੍ਹੋ ਗਮ੍ਭੀਰੋ ਦੁਨ੍ਨਿਬ੍ਬੇਠੋ ਤવਾਨੁਪ੍ਪਤ੍ਤੋ, ਸੋ ਤਯਾ ਨਿਬ੍ਬਾਹਿਤਬ੍ਬੋ’’ਤਿ।
‘‘Kiṃ nu kho, bhante nāgasena, tathāgatena bhayā osakkitaṃ, udāhu apākaṭatāya osakkitaṃ, udāhu dubbalatāya osakkitaṃ, udāhu asabbaññutāya osakkitaṃ, kiṃ tattha kāraṇaṃ, iṅgha me tvaṃ kāraṇaṃ brūhi kaṅkhāvitaraṇāya. Yadi, bhante nāgasena, tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ paripācitaṃ mahato janakāyassa samuddharaṇāya, tena hi ‘sabbaññutaṃ pattassa appossukkatāya cittaṃ nami, no dhammadesanāyā’ti yaṃ vacanaṃ, taṃ micchā. Yadi sabbaññutaṃ pattassa appossukkatāya cittaṃ nami no dhammadesanāya, tena hi ‘tathāgatena catūhi ca asaṅkhyeyyeti kappānaṃ satasahassena ca etthantare sabbaññutañāṇaṃ paripācitaṃ mahato janakāyassa samuddharaṇāyā’ti tampi vacanaṃ micchā. Ayampi ubhato koṭiko pañho gambhīro dunnibbeṭho tavānuppatto, so tayā nibbāhitabbo’’ti.
‘‘ਪਰਿਪਾਚਿਤਞ੍ਚ, ਮਹਾਰਾਜ, ਤਥਾਗਤੇਨ ਚਤੂਹਿ ਚ ਅਸਙ੍ਖ੍ਯੇਯ੍ਯੇਹਿ ਕਪ੍ਪਾਨਂ ਸਤਸਹਸ੍ਸੇਨ ਚ ਏਤ੍ਥਨ੍ਤਰੇ ਸਬ੍ਬਞ੍ਞੁਤਞਾਣਂ ਮਹਤੋ ਜਨਕਾਯਸ੍ਸ ਸਮੁਦ੍ਧਰਣਾਯ, ਪਤ੍ਤਸਬ੍ਬਞ੍ਞੁਤਸ੍ਸ ਚ ਅਪ੍ਪੋਸ੍ਸੁਕ੍ਕਤਾਯ ਚਿਤ੍ਤਂ ਨਮਿ, ਨੋ ਧਮ੍ਮਦੇਸਨਾਯ। ਤਞ੍ਚ ਪਨ ਧਮ੍ਮਸ੍ਸ ਗਮ੍ਭੀਰਨਿਪੁਣਦੁਦ੍ਦਸਦੁਰਨੁਬੋਧਸੁਖੁਮਦੁਪ੍ਪਟਿવੇਧਤਂ ਸਤ੍ਤਾਨਞ੍ਚ ਆਲਯਾਰਾਮਤਂ ਸਕ੍ਕਾਯਦਿਟ੍ਠਿਯਾ ਦਲ਼੍ਹਸੁਗ੍ਗਹਿਤਤਞ੍ਚ ਦਿਸ੍વਾ ‘ਕਿਂ ਨੁ ਖੋ, ਕਥਂ ਨੁ ਖੋ’ਤਿ ਅਪ੍ਪੋਸ੍ਸੁਕ੍ਕਤਾਯ ਚਿਤ੍ਤਂ ਨਮਿ, ਨੋ ਧਮ੍ਮਦੇਸਨਾਯ, ਸਤ੍ਤਾਨਂ ਪਟਿવੇਧਚਿਨ੍ਤਨਮਾਨਸਂ ਯੇવੇਤਂ।
‘‘Paripācitañca, mahārāja, tathāgatena catūhi ca asaṅkhyeyyehi kappānaṃ satasahassena ca etthantare sabbaññutañāṇaṃ mahato janakāyassa samuddharaṇāya, pattasabbaññutassa ca appossukkatāya cittaṃ nami, no dhammadesanāya. Tañca pana dhammassa gambhīranipuṇaduddasaduranubodhasukhumaduppaṭivedhataṃ sattānañca ālayārāmataṃ sakkāyadiṭṭhiyā daḷhasuggahitatañca disvā ‘kiṃ nu kho, kathaṃ nu kho’ti appossukkatāya cittaṃ nami, no dhammadesanāya, sattānaṃ paṭivedhacintanamānasaṃ yevetaṃ.
‘‘ਯਥਾ, ਮਹਾਰਾਜ, ਭਿਸਕ੍ਕੋ ਸਲ੍ਲਕਤ੍ਤੋ ਅਨੇਕਬ੍ਯਾਧਿਪਰਿਪੀਲ਼ਿਤਂ ਨਰਂ ਉਪਸਙ੍ਕਮਿਤ੍વਾ ਏવਂ ਚਿਨ੍ਤਯਤਿ ‘ਕੇਨ ਨੁ ਖੋ ਉਪਕ੍ਕਮੇਨ ਕਤਮੇਨ વਾ ਭੇਸਜ੍ਜੇਨ ਇਮਸ੍ਸ ਬ੍ਯਾਧਿ વੂਪਸਮੇਯ੍ਯਾ’ਤਿ, ਏવਮੇવ ਖੋ, ਮਹਾਰਾਜ, ਤਥਾਗਤਸ੍ਸ ਸਬ੍ਬਕਿਲੇਸਬ੍ਯਾਧਿਪਰਿਪੀਲ਼ਿਤਂ ਜਨਂ ਧਮ੍ਮਸ੍ਸ ਚ ਗਮ੍ਭੀਰਨਿਪੁਣਦੁਦ੍ਦਸਦੁਰਨੁਬੋਧਸੁਖੁਮਦੁਪ੍ਪਟਿવੇਧਤਂ ਦਿਸ੍વਾ ‘ਕਿਂ ਨੁ ਖੋ, ਕਥਂ ਨੁ ਖੋ’ਤਿ ਅਪ੍ਪੋਸ੍ਸੁਕ੍ਕਤਾਯ ਚਿਤ੍ਤਂ ਨਮਿ, ਨੋ ਧਮ੍ਮਦੇਸਨਾਯ, ਸਤ੍ਤਾਨਂ ਪਟਿવੇਧਚਿਨ੍ਤਨਮਾਨਸਂ ਯੇવੇਤਂ।
‘‘Yathā, mahārāja, bhisakko sallakatto anekabyādhiparipīḷitaṃ naraṃ upasaṅkamitvā evaṃ cintayati ‘kena nu kho upakkamena katamena vā bhesajjena imassa byādhi vūpasameyyā’ti, evameva kho, mahārāja, tathāgatassa sabbakilesabyādhiparipīḷitaṃ janaṃ dhammassa ca gambhīranipuṇaduddasaduranubodhasukhumaduppaṭivedhataṃ disvā ‘kiṃ nu kho, kathaṃ nu kho’ti appossukkatāya cittaṃ nami, no dhammadesanāya, sattānaṃ paṭivedhacintanamānasaṃ yevetaṃ.
‘‘ਯਥਾ, ਮਹਾਰਾਜ, ਰਞ੍ਞੋ ਖਤ੍ਤਿਯਸ੍ਸ ਮੁਦ੍ਧਾવਸਿਤ੍ਤਸ੍ਸ ਦੋવਾਰਿਕਅਨੀਕਟ੍ਠਪਾਰਿਸਜ੍ਜਨੇਗਮਭਟਬਲ 1 ਅਮਚ੍ਚਰਾਜਞ੍ਞਰਾਜੂਪਜੀવਿਨੇ ਜਨੇ ਦਿਸ੍વਾ ਏવਂ ਚਿਤ੍ਤਮੁਪ੍ਪਜ੍ਜੇਯ੍ਯ ‘ਕਿਂ ਨੁ ਖੋ, ਕਥਂ ਨੁ ਖੋ ਇਮੇ ਸਙ੍ਗਣ੍ਹਿਸ੍ਸਾਮੀ’ਤਿ, ਏવਮੇવ ਖੋ, ਮਹਾਰਾਜ, ਤਥਾਗਤਸ੍ਸ ਧਮ੍ਮਸ੍ਸ ਗਮ੍ਭੀਰਨਿਪੁਣਦੁਦ੍ਦਸਦੁਰਨੁਬੋਧਸੁਖੁਮਦੁਪ੍ਪਟਿવੇਧਤਂ ਸਤ੍ਤਾਨਞ੍ਚ ਆਲਯਾਰਾਮਤਂ ਸਕ੍ਕਾਯਦਿਟ੍ਠਿਯਾ ਦਲ਼੍ਹਸੁਗ੍ਗਹਿਤਤਞ੍ਚ ਦਿਸ੍વਾ ‘ਕਿਂ ਨੁ ਖੋ, ਕਥਂ ਨੁ ਖੋ’ਤਿ ਅਪ੍ਪੋਸ੍ਸੁਕ੍ਕਤਾਯ ਚਿਤ੍ਤਂ ਨਮਿ, ਨੋ ਧਮ੍ਮਦੇਸਨਾਯ, ਸਤ੍ਤਾਨਂ ਪਟਿવੇਧਚਿਨ੍ਤਨਮਾਨਸਂ ਯੇવੇਤਂ।
‘‘Yathā, mahārāja, rañño khattiyassa muddhāvasittassa dovārikaanīkaṭṭhapārisajjanegamabhaṭabala 2 amaccarājaññarājūpajīvine jane disvā evaṃ cittamuppajjeyya ‘kiṃ nu kho, kathaṃ nu kho ime saṅgaṇhissāmī’ti, evameva kho, mahārāja, tathāgatassa dhammassa gambhīranipuṇaduddasaduranubodhasukhumaduppaṭivedhataṃ sattānañca ālayārāmataṃ sakkāyadiṭṭhiyā daḷhasuggahitatañca disvā ‘kiṃ nu kho, kathaṃ nu kho’ti appossukkatāya cittaṃ nami, no dhammadesanāya, sattānaṃ paṭivedhacintanamānasaṃ yevetaṃ.
‘‘ਅਪਿ ਚ, ਮਹਾਰਾਜ, ਸਬ੍ਬੇਸਂ ਤਥਾਗਤਾਨਂ ਧਮ੍ਮਤਾ ਏਸਾ, ਯਂ ਬ੍ਰਹ੍ਮੁਨਾ ਆਯਾਚਿਤਾ ਧਮ੍ਮਂ ਦੇਸੇਨ੍ਤਿ। ਤਤ੍ਥ ਪਨ ਕਿਂ ਕਾਰਣਂ? ਯੇ ਤੇਨ ਸਮਯੇਨ ਮਨੁਸ੍ਸਾ ਤਾਪਸਪਰਿਬ੍ਬਾਜਕਾ ਸਮਣਬ੍ਰਾਹ੍ਮਣਾ, ਸਬ੍ਬੇਤੇ ਬ੍ਰਹ੍ਮਦੇવਤਾ ਹੋਨ੍ਤਿ ਬ੍ਰਹ੍ਮਗਰੁਕਾ ਬ੍ਰਹ੍ਮਪਰਾਯਣਾ, ਤਸ੍ਮਾ ਤਸ੍ਸ ਬਲવਤੋ ਯਸવਤੋ ਞਾਤਸ੍ਸ ਪਞ੍ਞਾਤਸ੍ਸ ਉਤ੍ਤਰਸ੍ਸ ਅਚ੍ਚੁਗ੍ਗਤਸ੍ਸ ਓਨਮਨੇਨ ਸਦੇવਕੋ ਲੋਕੋ ਓਨਮਿਸ੍ਸਤਿ ਓਕਪ੍ਪੇਸ੍ਸਤਿ ਅਧਿਮੁਚ੍ਚਿਸ੍ਸਤੀਤਿ ਇਮਿਨਾ ਚ, ਮਹਾਰਾਜ, ਕਾਰਣੇਨ ਤਥਾਗਤਾ ਬ੍ਰਹ੍ਮੁਨਾ ਆਯਾਚਿਤਾ ਧਮ੍ਮਂ ਦੇਸੇਨ੍ਤਿ।
‘‘Api ca, mahārāja, sabbesaṃ tathāgatānaṃ dhammatā esā, yaṃ brahmunā āyācitā dhammaṃ desenti. Tattha pana kiṃ kāraṇaṃ? Ye tena samayena manussā tāpasaparibbājakā samaṇabrāhmaṇā, sabbete brahmadevatā honti brahmagarukā brahmaparāyaṇā, tasmā tassa balavato yasavato ñātassa paññātassa uttarassa accuggatassa onamanena sadevako loko onamissati okappessati adhimuccissatīti iminā ca, mahārāja, kāraṇena tathāgatā brahmunā āyācitā dhammaṃ desenti.
‘‘ਯਥਾ, ਮਹਾਰਾਜ, ਕੋਚਿ ਰਾਜਾ વਾ ਰਾਜਮਹਾਮਤ੍ਤੋ વਾ ਯਸ੍ਸ ਓਨਮਤਿ ਅਪਚਿਤਿਂ ਕਰੋਤਿ, ਬਲવਤਰਸ੍ਸ ਤਸ੍ਸ ਓਨਮਨੇਨ ਅવਸੇਸਾ ਜਨਤਾ ਓਨਮਤਿ ਅਪਚਿਤਿਂ ਕਰੋਤਿ, ਏવਮੇવ ਖੋ, ਮਹਾਰਾਜ, ਬ੍ਰਹ੍ਮੇ ਓਨਮਿਤੇ ਤਥਾਗਤਾਨਂ ਸਦੇવਕੋ ਲੋਕੋ ਓਨਮਿਸ੍ਸਤਿ, ਪੂਜਿਤਪੂਜਕੋ ਮਹਾਰਾਜ, ਲੋਕੋ, ਤਸ੍ਮਾ ਸੋ ਬ੍ਰਹ੍ਮਾ ਸਬ੍ਬੇਸਂ ਤਥਾਗਤਾਨਂ ਆਯਾਚਤਿ ਧਮ੍ਮਦੇਸਨਾਯ, ਤੇਨ ਚ ਕਾਰਣੇਨ ਤਥਾਗਤਾ ਬ੍ਰਹ੍ਮੁਨਾ ਆਯਾਚਿਤਾ ਧਮ੍ਮਂ ਦੇਸੇਨ੍ਤੀ’’ਤਿ। ‘‘ਸਾਧੁ, ਭਨ੍ਤੇ ਨਾਗਸੇਨ, ਸੁਨਿਬ੍ਬੇਠਿਤੋ ਪਞ੍ਹੋ, ਅਤਿਭਦ੍ਰਕਂ વੇਯ੍ਯਾਕਰਣਂ, ਏવਮੇਤਂ ਤਥਾ ਸਮ੍ਪਟਿਚ੍ਛਾਮੀ’’ਤਿ।
‘‘Yathā, mahārāja, koci rājā vā rājamahāmatto vā yassa onamati apacitiṃ karoti, balavatarassa tassa onamanena avasesā janatā onamati apacitiṃ karoti, evameva kho, mahārāja, brahme onamite tathāgatānaṃ sadevako loko onamissati, pūjitapūjako mahārāja, loko, tasmā so brahmā sabbesaṃ tathāgatānaṃ āyācati dhammadesanāya, tena ca kāraṇena tathāgatā brahmunā āyācitā dhammaṃ desentī’’ti. ‘‘Sādhu, bhante nāgasena, sunibbeṭhito pañho, atibhadrakaṃ veyyākaraṇaṃ, evametaṃ tathā sampaṭicchāmī’’ti.
ਧਮ੍ਮਦੇਸਨਾਯ ਅਪ੍ਪੋਸ੍ਸੁਕ੍ਕਪਞ੍ਹੋ ਦਸਮੋ।
Dhammadesanāya appossukkapañho dasamo.
Footnotes:
