| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
8. д̇хаммад̣̇звабуд̇д̇ажарияааван̣н̣анаа
8. Dhammadevaputtacariyāvaṇṇanā
66. адтамз махаабагкод̇и махаабаривааро. махид̣̇д̇хигод̇и махад̇ияаа д̣̇звид̣̇д̇хияаа саманнааг̇ад̇о. д̇хаммо наама махааяагкод̇и наамзна д̇хаммо наама махаанубхааво д̣̇звабуд̇д̇о. саб̣б̣алогаанугамбагод̇и вибхааг̇ам̣ агад̇ваа махаагарун̣ааяа саб̣б̣алогам̣ ануг̇г̇ан̣ханаго.
66. Aṭṭhame mahāpakkhoti mahāparivāro. Mahiddhikoti mahatiyā deviddhiyā samannāgato. Dhammo nāma mahāyakkhoti nāmena dhammo nāma mahānubhāvo devaputto. Sabbalokānukampakoti vibhāgaṃ akatvā mahākaruṇāya sabbalokaṃ anuggaṇhanako.
махаасад̇д̇о хи д̇ад̣̇аа гаамааважарад̣̇звалогз д̇хаммо наама д̣̇звабуд̇д̇о худ̇ваа ниб̣б̣ад̇д̇и. со д̣̇иб̣б̣аалан̇гаарабадиман̣д̣ид̇о д̣̇иб̣б̣арат̇амабхируяха ажчарааг̇ан̣абаривуд̇о мануссзсу сааяамаасам̣ бхун̃ж̇ид̇ваа ад̇д̇ано ад̇д̇ано гхарад̣̇ваарзсу сукагат̇ааяа нисиннзсу бун̣н̣амубосат̇ад̣̇ивасз г̇ааманиг̇амарааж̇ад̇хаанийсу аагаасз тад̇ваа ‘‘баан̣аад̇ибаад̇аад̣̇ийхи д̣̇асахи агусалагаммабат̇зхи вирамид̇ваа д̇ивид̇хасужарид̇ад̇хаммам̣ буурзт̇а, мад̇д̇зяяаа бзд̇д̇зяяаа сааман̃н̃аа б̣рахман̃н̃аа гулз ж̇здтаабажааяино бхават̇а, саг̇г̇абарааяанаа худ̇ваа маханд̇ам̣ яасам̣ анубхависсат̇аа’’д̇и мануссз д̣̇асагусалагаммабат̇з самаад̣̇абзнд̇о ж̇амб̣уд̣̇ийбам̣ бад̣̇агкин̣ам̣ гарод̇и. д̇зна вуд̇д̇ам̣ –
Mahāsatto hi tadā kāmāvacaradevaloke dhammo nāma devaputto hutvā nibbatti. So dibbālaṅkārapaṭimaṇḍito dibbarathamabhiruyha accharāgaṇaparivuto manussesu sāyamāsaṃ bhuñjitvā attano attano gharadvāresu sukhakathāya nisinnesu puṇṇamuposathadivase gāmanigamarājadhānīsu ākāse ṭhatvā ‘‘pāṇātipātādīhi dasahi akusalakammapathehi viramitvā tividhasucaritadhammaṃ pūretha, matteyyā petteyyā sāmaññā brahmaññā kule jeṭṭhāpacāyino bhavatha, saggaparāyanā hutvā mahantaṃ yasaṃ anubhavissathā’’ti manusse dasakusalakammapathe samādapento jambudīpaṃ padakkhiṇaṃ karoti. Tena vuttaṃ –
67.
67.
‘‘д̣̇асагусалагаммабат̇з, самаад̣̇абзнд̇о махааж̇анам̣;
‘‘Dasakusalakammapathe, samādapento mahājanaṃ;
жараами г̇ааманиг̇амам̣, самид̇д̇о сабариж̇ж̇ано’’д̇и.
Carāmi gāmanigamaṃ, samitto saparijjano’’ti.
д̇ад̇т̇а самид̇д̇од̇и д̇хаммигзхи д̇хаммаваад̣̇ийхи сахааязхи сасахааяо.
Tattha samittoti dhammikehi dhammavādīhi sahāyehi sasahāyo.
д̇зна жа самаязна ад̇хаммо наамзго д̣̇звабуд̇д̇о гаамааважарад̣̇звалогз ниб̣б̣ад̇д̇и. ‘‘со баан̣ам̣ ханат̇а, ад̣̇иннам̣ аад̣̇ияат̇аа’’д̇иаад̣̇инаа наязна сад̇д̇з агусалагаммабат̇з самаад̣̇абзнд̇о махад̇ияаа барисааяа баривуд̇о ж̇амб̣уд̣̇ийбам̣ ваамам̣ гарод̇и. д̇зна вуд̇д̇ам̣ –
Tena ca samayena adhammo nāmeko devaputto kāmāvacaradevaloke nibbatti. ‘‘So pāṇaṃ hanatha, adinnaṃ ādiyathā’’tiādinā nayena satte akusalakammapathe samādapento mahatiyā parisāya parivuto jambudīpaṃ vāmaṃ karoti. Tena vuttaṃ –
68.
68.
‘‘баабо гад̣̇арияо яагко, д̣̇ийбзнд̇о д̣̇аса баабагз;
‘‘Pāpo kadariyo yakkho, dīpento dasa pāpake;
собзд̇т̇а махияаа жарад̇и, самид̇д̇о сабариж̇ж̇ано’’д̇и.
Sopettha mahiyā carati, samitto saparijjano’’ti.
д̇ад̇т̇а баабод̇и баабад̇хаммзхи саманнааг̇ад̇о. гад̣̇арияод̇и т̇ад̣̇д̇хамажчарий. яагкод̇и д̣̇звабуд̇д̇о. д̣̇ийбзнд̇о д̣̇аса баабагзд̇и саб̣б̣алогз г̇ожарам̣ наама сад̇д̇аанам̣ убабхог̇абарибхог̇ааяа ж̇аад̇ам̣. д̇асмаа сад̇д̇з вад̇хид̇ваа яам̣гин̃жи гад̇ваа жа ад̇д̇аа бийн̣зд̇аб̣б̣о, инд̣̇рияаани санд̇аббзд̇аб̣б̣аанийд̇иаад̣̇инаа наязна баан̣аад̇ибаад̇аад̣̇игз д̣̇аса лаамагад̇хаммз гад̇д̇аб̣б̣з гад̇ваа багаасзнд̇о. собзд̇т̇аад̇и соби ад̇хаммо д̣̇звабуд̇д̇о имасмим̣ ж̇амб̣уд̣̇ийбз. махияаад̇и бхуумияаа аасаннз, мануссаанам̣ д̣̇ассанасавануубажаарзд̇и ад̇т̇о.
Tattha pāpoti pāpadhammehi samannāgato. Kadariyoti thaddhamaccharī. Yakkhoti devaputto. Dīpento dasa pāpaketi sabbaloke gocaraṃ nāma sattānaṃ upabhogaparibhogāya jātaṃ. Tasmā satte vadhitvā yaṃkiñci katvā ca attā pīṇetabbo, indriyāni santappetabbānītiādinā nayena pāṇātipātādike dasa lāmakadhamme kattabbe katvā pakāsento. Sopetthāti sopi adhammo devaputto imasmiṃ jambudīpe. Mahiyāti bhūmiyā āsanne, manussānaṃ dassanasavanūpacāreti attho.
69. д̇ад̇т̇а яз сад̇д̇аа саад̇хугаммигаа д̇хаммаг̇аруно, д̇з д̇хаммам̣ д̣̇звабуд̇д̇ам̣ д̇ат̇аа ааг̇ажчанд̇амзва д̣̇исваа аасанаа вудтааяа г̇анд̇хамаалаад̣̇ийхи бууж̇знд̇аа яаава жагкубат̇асамад̇иггаманаа д̇аава абхид̇т̇аванд̇и , бан̃ж̇алигаа намассамаанаа д̇идтанд̇и, д̇асса важанам̣ суд̇ваа аббамад̇д̇аа саггажжам̣ бун̃н̃аани гаронд̇и. яз бана сад̇д̇аа баабасамаажаараа гуруурагамманд̇аа, д̇з ад̇хаммасса важанам̣ суд̇ваа аб̣бханумод̣̇анд̇и , бхияяосомад̇д̇ааяа баабаани самаажаранд̇и. звам̣ д̇з д̇ад̣̇аа ан̃н̃аман̃н̃асса уж̇увибажжанийгаваад̣̇аа жзва уж̇увибажжанийгагирияаа жа худ̇ваа логз вижаранд̇и. д̇знааха бхаг̇аваа ‘‘д̇хаммаваад̣̇ий ад̇хаммо жа, убхо бажжанигаа маяа’’нд̇и.
69. Tattha ye sattā sādhukammikā dhammagaruno, te dhammaṃ devaputtaṃ tathā āgacchantameva disvā āsanā vuṭṭhāya gandhamālādīhi pūjentā yāva cakkhupathasamatikkamanā tāva abhitthavanti , pañjalikā namassamānā tiṭṭhanti, tassa vacanaṃ sutvā appamattā sakkaccaṃ puññāni karonti. Ye pana sattā pāpasamācārā kurūrakammantā, te adhammassa vacanaṃ sutvā abbhanumodanti , bhiyyosomattāya pāpāni samācaranti. Evaṃ te tadā aññamaññassa ujuvipaccanīkavādā ceva ujuvipaccanīkakiriyā ca hutvā loke vicaranti. Tenāha bhagavā ‘‘dhammavādī adhammo ca, ubho paccanikā maya’’nti.
звам̣ бана г̇ажчанд̇з гаалз ат̇згад̣̇ивасам̣ д̇зсам̣ рат̇аа аагаасз саммукаа ахзсум̣. ат̇а нзсам̣ барисаа ‘‘д̇умхз гасса, д̇умхз гассаа’’д̇и бужчид̇ваа ‘‘маяам̣ д̇хаммасса, маяам̣ ад̇хаммассаа’’д̇и вад̇ваа маг̇г̇аа оггамид̇ваа д̣̇вид̇хаа ж̇аад̇аа. д̇хаммасса бана ад̇хаммасса жа рат̇аа абхимукаа худ̇ваа ийсааяа ийсам̣ аахажжа адтам̣су. ‘‘д̇ава рат̇ам̣ оггамаабзд̇ваа маяхам̣ маг̇г̇ам̣ д̣̇зхи, д̇ава рат̇ам̣ оггамаабзд̇ваа маяхам̣ маг̇г̇ам̣ д̣̇зхий’’д̇и ан̃н̃аман̃н̃ам̣ маг̇г̇ад̣̇аабанад̇т̇ам̣ виваад̣̇ам̣ агам̣су. барисаа жа нзсам̣ аавуд̇хаани абхихарид̇ваа яуд̣̇д̇хасаж̇ж̇аа ахзсум̣. яам̣ санд̇хааяа вуд̇д̇ам̣ –
Evaṃ pana gacchante kāle athekadivasaṃ tesaṃ rathā ākāse sammukhā ahesuṃ. Atha nesaṃ parisā ‘‘tumhe kassa, tumhe kassā’’ti pucchitvā ‘‘mayaṃ dhammassa, mayaṃ adhammassā’’ti vatvā maggā okkamitvā dvidhā jātā. Dhammassa pana adhammassa ca rathā abhimukhā hutvā īsāya īsaṃ āhacca aṭṭhaṃsu. ‘‘Tava rathaṃ okkamāpetvā mayhaṃ maggaṃ dehi, tava rathaṃ okkamāpetvā mayhaṃ maggaṃ dehī’’ti aññamaññaṃ maggadāpanatthaṃ vivādaṃ akaṃsu. Parisā ca nesaṃ āvudhāni abhiharitvā yuddhasajjā ahesuṃ. Yaṃ sandhāya vuttaṃ –
‘‘д̇хурз д̇хурам̣ гхаддаяанд̇аа, самимхаа бадибат̇з убхо’’.
‘‘Dhure dhuraṃ ghaṭṭayantā, samimhā paṭipathe ubho’’.
70.
70.
‘‘галахо вад̇д̇ад̇ий бхзсмаа, галяаан̣абаабагасса жа;
‘‘Kalaho vattatī bhesmā, kalyāṇapāpakassa ca;
маг̇г̇аа оггаманад̇т̇ааяа, махааяуд̣̇д̇хо убадтид̇о’’д̇и.
Maggā okkamanatthāya, mahāyuddho upaṭṭhito’’ti.
д̇ад̇т̇а д̇хурз д̇хуранд̇и згасса рат̇ийсааяа ид̇арасса рат̇ийсам̣ гхаддаяанд̇аа. самимхаад̇и самааг̇ад̇аа саммукийбхууд̇аа. буна убход̇и важанам̣ убхоби маяам̣ ан̃н̃аман̃н̃асса бажжанийгаа худ̇ваа логз вижаранд̇аа згад̣̇ивасам̣ бадимукам̣ ааг̇ажчанд̇аа д̣̇вийсу барисаасу убхосу бассзсу маг̇г̇ад̇о огганд̇аасу саха рат̇зна маяам̣ убхо зва самааг̇ад̇аад̇и д̣̇ассанад̇т̇ам̣ вуд̇д̇ам̣. бхзсмаад̇и бхаяаж̇анаго. галяаан̣абаабагасса жаад̇и галяаан̣асса жа баабагасса жа. махааяуд̣̇д̇хо убадтид̇од̇и махаасан̇г̇аамо бажжубадтид̇о ааси.
Tattha dhure dhuranti ekassa rathīsāya itarassa rathīsaṃ ghaṭṭayantā. Samimhāti samāgatā sammukhībhūtā. Puna ubhoti vacanaṃ ubhopi mayaṃ aññamaññassa paccanīkā hutvā loke vicarantā ekadivasaṃ paṭimukhaṃ āgacchantā dvīsu parisāsu ubhosu passesu maggato okkantāsu saha rathena mayaṃ ubho eva samāgatāti dassanatthaṃ vuttaṃ. Bhesmāti bhayajanako. Kalyāṇapāpakassa cāti kalyāṇassa ca pāpakassa ca. Mahāyuddho upaṭṭhitoti mahāsaṅgāmo paccupaṭṭhito āsi.
ан̃н̃аман̃н̃асса хи барисааяа жа яуж̇жхид̇угаамад̇аа ж̇аад̇аа. д̇ад̇т̇а хи д̇хаммо ад̇хаммам̣ ааха – ‘‘самма, д̇вам̣ ад̇хаммо, ахам̣ д̇хаммо, маг̇г̇о маяхам̣ анужчавиго, д̇ава рат̇ам̣ оггамаабзд̇ваа маяхам̣ маг̇г̇ам̣ д̣̇зхий’’д̇и. ид̇аро ‘‘ахам̣ д̣̇ал̣хаяаано б̣алаваа асанд̇аасий, д̇асмаа маг̇г̇ам̣ на д̣̇зми, яуд̣̇д̇хам̣ бана гариссаами, яо яуд̣̇д̇хз ж̇иниссад̇и, д̇асса маг̇г̇о ход̇уу’’д̇и ааха. д̇знзвааха –
Aññamaññassa hi parisāya ca yujjhitukāmatā jātā. Tattha hi dhammo adhammaṃ āha – ‘‘samma, tvaṃ adhammo, ahaṃ dhammo, maggo mayhaṃ anucchaviko, tava rathaṃ okkamāpetvā mayhaṃ maggaṃ dehī’’ti. Itaro ‘‘ahaṃ daḷhayāno balavā asantāsī, tasmā maggaṃ na demi, yuddhaṃ pana karissāmi, yo yuddhe jinissati, tassa maggo hotū’’ti āha. Tenevāha –
‘‘яасогаро бун̃н̃агарохамасми, сад̣̇аад̇т̇уд̇о саман̣аб̣раахман̣аанам̣;
‘‘Yasokaro puññakarohamasmi, sadātthuto samaṇabrāhmaṇānaṃ;
маг̇г̇аарахо д̣̇звамануссабууж̇ид̇о, д̇хаммо ахам̣ д̣̇зхи ад̇хамма маг̇г̇ам̣.
Maggāraho devamanussapūjito, dhammo ahaṃ dehi adhamma maggaṃ.
‘‘ад̇хаммаяаанам̣ д̣̇ал̣хамаарухид̇ваа, асанд̇асанд̇о б̣алаваахамасми;
‘‘Adhammayānaṃ daḷhamāruhitvā, asantasanto balavāhamasmi;
са гисса хзд̇умхи д̇аваж̇ж̇а д̣̇аж̇ж̇ам̣, маг̇г̇ам̣ ахам̣ д̇хамма ад̣̇иннабуб̣б̣ам̣.
Sa kissa hetumhi tavajja dajjaṃ, maggaṃ ahaṃ dhamma adinnapubbaṃ.
‘‘д̇хаммо хавз баад̇урахоси буб̣б̣з, бажчаа ад̇хаммо уд̣̇абаад̣̇и логз;
‘‘Dhammo have pāturahosi pubbe, pacchā adhammo udapādi loke;
ж̇здто жа сздто жа сананд̇ано жа, уяяаахи ж̇здтасса ганидта маг̇г̇аа.
Jeṭṭho ca seṭṭho ca sanantano ca, uyyāhi jeṭṭhassa kaniṭṭha maggā.
‘‘на яаажанааяа наби баад̇ируубаа, на арахад̇аа д̇зхам̣ д̣̇ад̣̇зяяа маг̇г̇ам̣;
‘‘Na yācanāya napi pātirūpā, na arahatā tehaṃ dadeyya maggaṃ;
яуд̣̇д̇хан̃жа но ход̇у убхиннамаж̇ж̇а, яуд̣̇д̇хамхи яо ж̇зссад̇и д̇асса маг̇г̇о.
Yuddhañca no hotu ubhinnamajja, yuddhamhi yo jessati tassa maggo.
‘‘саб̣б̣аа д̣̇исаа анувисадохамасми, махаб̣б̣ало амид̇аяасо ад̇уляо;
‘‘Sabbā disā anuvisaṭohamasmi, mahabbalo amitayaso atulyo;
г̇ун̣зхи саб̣б̣зхи убзд̇аруубо, д̇хаммо ад̇хамма д̇вам̣ гат̇ам̣ виж̇зссаси.
Guṇehi sabbehi upetarūpo, dhammo adhamma tvaṃ kathaṃ vijessasi.
‘‘лохзна вз хан̃н̃ад̇и ж̇аад̇аруубам̣, на ж̇аад̇аруубзна хананд̇и лохам̣;
‘‘Lohena ve haññati jātarūpaṃ, na jātarūpena hananti lohaṃ;
сажз ад̇хаммо хан̃чад̇и д̇хаммамаж̇ж̇а, аяо суван̣н̣ам̣ вияа д̣̇ассанзяяам̣.
Sace adhammo hañchati dhammamajja, ayo suvaṇṇaṃ viya dassaneyyaṃ.
‘‘сажз д̇увам̣ яуд̣̇д̇хаб̣ало ад̇хамма, на д̇уяхам̣ вуд̣дхаа жа г̇аруу жа ад̇т̇и;
‘‘Sace tuvaṃ yuddhabalo adhamma, na tuyhaṃ vuḍḍhā ca garū ca atthi;
маг̇г̇ан̃жа д̇з д̣̇амми бияааббиязна, ваажаа д̣̇уруд̇д̇ааниби д̇з камаамий’’д̇и. (ж̇аа. 1.11.26-32);
Maggañca te dammi piyāppiyena, vācā duruttānipi te khamāmī’’ti. (jā. 1.11.26-32);
имаа хи д̇зсам̣ важанабадиважанагат̇аа.
Imā hi tesaṃ vacanapaṭivacanakathā.
д̇ад̇т̇а яасогарод̇и д̇хаммз нияож̇анавасзна д̣̇звамануссаанам̣ яасад̣̇ааяаго. д̣̇уд̇ияабад̣̇зби зсзва наяо. сад̣̇аад̇т̇уд̇од̇и сад̣̇аа т̇уд̇о нижжаббасад̇т̇о. са гисса хзд̇умхи д̇аваж̇ж̇а д̣̇аж̇ж̇анд̇и сомхи ахам̣ ад̇хаммо ад̇хаммаяаанарат̇ам̣ абхирул̣хо абхийд̇о б̣алаваа, гим̣гааран̣аа аж̇ж̇а, бхо д̇хамма, гассажи ад̣̇иннабуб̣б̣ам̣ маг̇г̇ам̣ д̇уяхам̣ д̣̇амми. баад̇урахосийд̇и батамагаббигагаалз имасмим̣ логз д̣̇асагусалагаммабат̇ад̇хаммо буб̣б̣з баад̇урахоси, бажчаа ад̇хаммо. ж̇здто жаад̇и бурз ниб̣б̣ад̇д̇абхаавзна ахам̣ ж̇здто жа сздто жа бораан̣аго жа, д̇вам̣ бана ганидто, д̇асмаа ‘‘маг̇г̇аа уяяаахий’’д̇и вад̣̇ад̇и.
Tattha yasokaroti dhamme niyojanavasena devamanussānaṃ yasadāyako. Dutiyapadepi eseva nayo. Sadātthutoti sadā thuto niccappasattho. Sa kissa hetumhi tavajja dajjanti somhi ahaṃ adhammo adhammayānarathaṃ abhiruḷho abhīto balavā, kiṃkāraṇā ajja, bho dhamma, kassaci adinnapubbaṃ maggaṃ tuyhaṃ dammi. Pāturahosīti paṭhamakappikakāle imasmiṃ loke dasakusalakammapathadhammo pubbe pāturahosi, pacchā adhammo. Jeṭṭho cāti pure nibbattabhāvena ahaṃ jeṭṭho ca seṭṭho ca porāṇako ca, tvaṃ pana kaniṭṭho, tasmā ‘‘maggā uyyāhī’’ti vadati.
наби баад̇ируубаад̇и ахан̃хи бход̇о нзва яаажанааяа на бадируубаважанзна на маг̇г̇аарахад̇ааяа маг̇г̇ам̣ д̣̇ад̣̇зяяам̣. анувисадод̇и ахам̣ жад̇ассо д̣̇исаа жад̇ассо ануд̣̇исаад̇и саб̣б̣аа д̣̇исаа ад̇д̇ано г̇ун̣зна бад̇т̇адо бан̃н̃аад̇о. лохзнаад̇и аяомудтигзна. хан̃чад̇ийд̇и ханиссад̇и. яуд̣̇д̇хаб̣ало ад̇хаммаад̇и сажз д̇увам̣ яуд̣̇д̇хаб̣ало аси ад̇хамма. вуд̣дхаа жа г̇аруу жаад̇и яад̣̇и д̇уяхам̣ имз вуд̣дхаа имз г̇аруу бан̣д̣ид̇аад̇и зд̇ам̣ над̇т̇и. бияааббиязнаад̇и биязна вияа аббиязна, аббиязнаби д̣̇ад̣̇анд̇о (ж̇аа. адта. 4.11.32) биязна вияа д̇з маг̇г̇ам̣ д̣̇ад̣̇аамийд̇и ад̇т̇о.
Napipātirūpāti ahañhi bhoto neva yācanāya na paṭirūpavacanena na maggārahatāya maggaṃ dadeyyaṃ. Anuvisaṭoti ahaṃ catasso disā catasso anudisāti sabbā disā attano guṇena patthaṭo paññāto. Lohenāti ayomuṭṭhikena. Hañchatīti hanissati. Yuddhabalo adhammāti sace tuvaṃ yuddhabalo asi adhamma. Vuḍḍhā ca garū cāti yadi tuyhaṃ ime vuḍḍhā ime garū paṇḍitāti etaṃ natthi. Piyāppiyenāti piyena viya appiyena, appiyenapi dadanto (jā. aṭṭha. 4.11.32) piyena viya te maggaṃ dadāmīti attho.
71. махаасад̇д̇о хи д̇ад̣̇аа жинд̇зси – ‘‘сажаахам̣ имам̣ баабабуг̇г̇алам̣ саб̣б̣алогасса ахид̇ааяа бадибаннам̣ звам̣ маяаа виломаг̇г̇аахам̣ г̇ахзд̇ваа тид̇ам̣ ажчарам̣ бахарид̇ваа ‘анаажаара маа ид̇ха д̇идта, сийгхам̣ бадиггама винассаа’д̇и вад̣̇зяяам̣, со д̇ан̇кан̣ан̃н̃зва мама д̇хаммад̇зж̇зна бхусамудти вияа вигирзяяа, на ко бана мзд̇ам̣ бад̇ируубам̣, сваахам̣ саб̣б̣алогам̣ анугамбанд̇о ‘логад̇т̇ажарияам̣ мад̇т̇агам̣ баабзссаамий’д̇и бадибаж̇ж̇аами, аяам̣ ко бана баабо ааяад̇им̣ махаад̣̇угкабхааг̇ий, свааяам̣ маяаа висзсад̇о анугамбид̇аб̣б̣о, д̇асмаасса маг̇г̇ам̣ д̣̇ассаами, звам̣ мз сийлам̣ сувисуд̣̇д̇хам̣ акан̣д̣ид̇ам̣ бхависсад̇ий’’д̇и. звам̣ бана жинд̇зд̇ваа б̣од̇хисад̇д̇з ‘‘сажз д̇увам̣ яуд̣̇д̇хаб̣ало’’д̇и г̇аат̇ам̣ вад̇ваа т̇огам̣ маг̇г̇ад̇о огганд̇амад̇д̇з зва ад̇хаммо рат̇з таад̇ум̣ асаггонд̇о авам̣сиро бат̇авияам̣ бад̇ид̇ваа бат̇авияаа виварз д̣̇иннз г̇анд̇ваа авийжимхи зва ниб̣б̣ад̇д̇и. д̇зна вуд̇д̇ам̣ ‘‘яад̣̇ихам̣ д̇асса губбзяяа’’нд̇иаад̣̇и.
71. Mahāsatto hi tadā cintesi – ‘‘sacāhaṃ imaṃ pāpapuggalaṃ sabbalokassa ahitāya paṭipannaṃ evaṃ mayā vilomaggāhaṃ gahetvā ṭhitaṃ accharaṃ paharitvā ‘anācāra mā idha tiṭṭha, sīghaṃ paṭikkama vinassā’ti vadeyyaṃ, so taṅkhaṇaññeva mama dhammatejena bhusamuṭṭhi viya vikireyya, na kho pana metaṃ patirūpaṃ, svāhaṃ sabbalokaṃ anukampanto ‘lokatthacariyaṃ matthakaṃ pāpessāmī’ti paṭipajjāmi, ayaṃ kho pana pāpo āyatiṃ mahādukkhabhāgī, svāyaṃ mayā visesato anukampitabbo, tasmāssa maggaṃ dassāmi, evaṃ me sīlaṃ suvisuddhaṃ akhaṇḍitaṃ bhavissatī’’ti. Evaṃ pana cintetvā bodhisatte ‘‘sace tuvaṃ yuddhabalo’’ti gāthaṃ vatvā thokaṃ maggato okkantamatte eva adhammo rathe ṭhātuṃ asakkonto avaṃsiro pathaviyaṃ patitvā pathaviyā vivare dinne gantvā avīcimhi eva nibbatti. Tena vuttaṃ ‘‘yadihaṃ tassa kuppeyya’’ntiādi.
д̇ад̇т̇а яад̣̇ихам̣ д̇асса губбзяяанд̇и д̇асса ад̇хаммасса яад̣̇и ахам̣ гуж̇жхзяяам̣. яад̣̇и бхинд̣̇з д̇абог̇ун̣анд̇и д̇знзвасса гуж̇жханзна маяхам̣ д̇абог̇ун̣ам̣ сийласам̣варам̣ яад̣̇и винаасзяяам̣. сахабариж̇анам̣ д̇ассаад̇и сабариж̇анам̣ д̇ам̣ ад̇хаммам̣. раж̇абхууд̇анд̇и раж̇амива бхууд̇ам̣, раж̇абхаавам̣ бад̇д̇ам̣ ахам̣ гарзяяам̣.
Tattha yadihaṃ tassa kuppeyyanti tassa adhammassa yadi ahaṃ kujjheyyaṃ. Yadi bhinde tapoguṇanti tenevassa kujjhanena mayhaṃ tapoguṇaṃ sīlasaṃvaraṃ yadi vināseyyaṃ. Sahaparijanaṃ tassāti saparijanaṃ taṃ adhammaṃ. Rajabhūtanti rajamiva bhūtaṃ, rajabhāvaṃ pattaṃ ahaṃ kareyyaṃ.
72. абижааханд̇и зд̇т̇а аханд̇и нибаад̇амад̇д̇ам̣. сийларагкааяаад̇и сийларагкан̣ад̇т̇ам̣. ниб̣б̣аабзд̇ваанаад̇и бадигажжзва канд̇имзд̇д̇аануд̣̇д̣̇аяасса убадтаабид̇ад̇д̇аа д̇асмим̣ ад̇хаммз уббаж̇ж̇анагагод̇хасса ануббаад̣̇анзнзва д̣̇осабарил̣аахавуубасаманзна маанасам̣ вуубасамзд̇ваа. саха ж̇анзноггамид̇ваад̇и маяхам̣ бариж̇анзна сад̣̇д̇хим̣ маг̇г̇аа оггамид̇ваа д̇асса баабасса ад̇хаммасса ахам̣ маг̇г̇ам̣ ад̣̇аасим̣.
72.Apicāhanti ettha ahanti nipātamattaṃ. Sīlarakkhāyāti sīlarakkhaṇatthaṃ. Nibbāpetvānāti paṭikacceva khantimettānuddayassa upaṭṭhāpitattā tasmiṃ adhamme uppajjanakakodhassa anuppādaneneva dosapariḷāhavūpasamanena mānasaṃ vūpasametvā. Saha janenokkamitvāti mayhaṃ parijanena saddhiṃ maggā okkamitvā tassa pāpassa adhammassa ahaṃ maggaṃ adāsiṃ.
73. саха бат̇ад̇о огганд̇зд̇и вуд̇д̇анаязна жид̇д̇асса вуубасамам̣ гад̇ваа ‘‘маг̇г̇ам̣ д̇з д̣̇аммий’’д̇и жа вад̇ваа т̇огам̣ маг̇г̇ад̇о саха оггаманзна. баабаяагкассаад̇и ад̇хаммад̣̇звабуд̇д̇асса. д̇аавад̣̇зд̇и д̇ан̇кан̣ам̣ зва махаабат̇авий виварамад̣̇ааси. ж̇аад̇агадтагат̇ааяам̣ бана ‘‘маг̇г̇ан̃жа д̇з д̣̇аммий’’д̇и г̇аат̇ааяа гат̇ид̇агкан̣зязваад̇и вуд̇д̇ам̣.
73.Sahapathato okkanteti vuttanayena cittassa vūpasamaṃ katvā ‘‘maggaṃ te dammī’’ti ca vatvā thokaṃ maggato saha okkamanena. Pāpayakkhassāti adhammadevaputtassa. Tāvadeti taṅkhaṇaṃ eva mahāpathavī vivaramadāsi. Jātakaṭṭhakathāyaṃ pana ‘‘maggañca te dammī’’ti gāthāya kathitakkhaṇeyevāti vuttaṃ.
звам̣ д̇асмим̣ бхуумияам̣ бад̇ид̇з жад̇унахуд̇аад̇хигад̣̇вияож̇анасад̇асахассаб̣ахалаа сагалам̣ варааварам̣ д̇хаарзнд̇ийби махаабат̇авий ‘‘наахамимам̣ баабабурисам̣ д̇хаарзмий’’д̇и гат̇знд̇ий вияа д̇зна тид̇адтаанз д̣̇вид̇хаа бхиж̇ж̇и. махаасад̇д̇о бана д̇асмим̣ нибад̇ид̇ваа авийжимхи ниб̣б̣ад̇д̇з рат̇ад̇хурз яат̇аатид̇ова сабариж̇ано махад̇аа д̣̇зваанубхаавзна г̇аманамаг̇г̇знзва г̇анд̇ваа ад̇д̇ано бхаванам̣ баависи. д̇знааха бхаг̇аваа –
Evaṃ tasmiṃ bhūmiyaṃ patite catunahutādhikadviyojanasatasahassabahalā sakalaṃ varāvaraṃ dhārentīpi mahāpathavī ‘‘nāhamimaṃ pāpapurisaṃ dhāremī’’ti kathentī viya tena ṭhitaṭṭhāne dvidhā bhijji. Mahāsatto pana tasmiṃ nipatitvā avīcimhi nibbatte rathadhure yathāṭhitova saparijano mahatā devānubhāvena gamanamaggeneva gantvā attano bhavanaṃ pāvisi. Tenāha bhagavā –
‘‘канд̇ийб̣ало яуд̣̇д̇хаб̣алам̣ виж̇зд̇ваа, ханд̇ваа ад̇хаммам̣ ниханид̇ва бхуумяаа;
‘‘Khantībalo yuddhabalaṃ vijetvā, hantvā adhammaṃ nihanitva bhūmyā;
бааяааси вид̇д̇о абхируяха санд̣̇анам̣, маг̇г̇знзва ад̇иб̣ало сажжаниггамо’’д̇и. (ж̇аа. 1.11.34);
Pāyāsi vitto abhiruyha sandanaṃ, maggeneva atibalo saccanikkamo’’ti. (jā. 1.11.34);
д̇ад̣̇аа ад̇хаммо д̣̇звад̣̇ад̇д̇о ахоси, д̇асса барисаа д̣̇звад̣̇ад̇д̇абарисаа, д̇хаммо логанаат̇о, д̇асса барисаа б̣уд̣̇д̇хабарисаа.
Tadā adhammo devadatto ahosi, tassa parisā devadattaparisā, dhammo lokanātho, tassa parisā buddhaparisā.
ид̇хааби хздтаа вуд̇д̇анаязнзва сзсабаарамияо яат̇аарахам̣ нид̣̇д̇хаарзд̇аб̣б̣аа. д̇ат̇аа ид̇хааби д̣̇иб̣б̣зхи ааяуван̣н̣аяасасукааад̇хибад̇зяязхи д̣̇иб̣б̣зхзва ул̣аарзхи гаамаг̇ун̣зхи самаббид̇асса саман̇г̇ийбхууд̇асса анзгасахассасан̇каахи ажчараахи саб̣б̣агаалам̣ барижаарияамаанасса махад̇и бамаад̣̇адтаанз тид̇асса сад̇о ийсагамби бамаад̣̇ам̣ анаабаж̇ж̇ид̇ваа ‘‘логад̇т̇ажарияам̣ мад̇т̇агам̣ баабзссаамий’’д̇и маасз маасз бун̣н̣амияам̣ д̇хаммам̣ д̣̇ийбзнд̇о сабариж̇ано мануссабат̇з вижарид̇ваа махаагарун̣ааяа саб̣б̣асад̇д̇з ад̇хаммад̇о вивзжзд̇ваа д̇хаммз нияож̇анам̣, ад̇хаммзна самааг̇ад̇оби д̇зна гад̇ам̣ анаажаарам̣ аг̇ан̣зд̇ваа д̇ад̇т̇а жид̇д̇ам̣ агобзд̇ваа канд̇имзд̇д̇аануд̣̇д̣̇аяамзва бажжубадтабзд̇ваа акан̣д̣ам̣ сувисуд̣̇д̇хан̃жа гад̇ваа ад̇д̇ано сийласса рагкан̣анд̇и звамаад̣̇аяо махаасад̇д̇асса г̇ун̣аанубхааваа вибхаавзд̇аб̣б̣аад̇и.
Idhāpi heṭṭhā vuttanayeneva sesapāramiyo yathārahaṃ niddhāretabbā. Tathā idhāpi dibbehi āyuvaṇṇayasasukhaādhipateyyehi dibbeheva uḷārehi kāmaguṇehi samappitassa samaṅgībhūtassa anekasahassasaṅkhāhi accharāhi sabbakālaṃ paricāriyamānassa mahati pamādaṭṭhāne ṭhitassa sato īsakampi pamādaṃ anāpajjitvā ‘‘lokatthacariyaṃ matthakaṃ pāpessāmī’’ti māse māse puṇṇamiyaṃ dhammaṃ dīpento saparijano manussapathe vicaritvā mahākaruṇāya sabbasatte adhammato vivecetvā dhamme niyojanaṃ, adhammena samāgatopi tena kataṃ anācāraṃ agaṇetvā tattha cittaṃ akopetvā khantimettānuddayameva paccupaṭṭhapetvā akhaṇḍaṃ suvisuddhañca katvā attano sīlassa rakkhaṇanti evamādayo mahāsattassa guṇānubhāvā vibhāvetabbāti.
д̇хаммад̣̇звабуд̇д̇ажарияааван̣н̣анаа нидтид̇аа.
Dhammadevaputtacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 8. д̇хаммад̣̇звабуд̇д̇ажарияаа • 8. Dhammadevaputtacariyā
