| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๕๗. ธมฺมเทวปุตฺตชาตกํ (๓)
457. Dhammadevaputtajātakaṃ (3)
๒๖.
26.
ยโสกโร ปุญฺญกโรหมสฺมิ, สทาตฺถุโต สมณพฺราหฺมณานํ;
Yasokaro puññakarohamasmi, sadātthuto samaṇabrāhmaṇānaṃ;
มคฺคารโห เทวมนุสฺสปูชิโต, ธโมฺม อหํ เทหิ อธมฺม มคฺคํฯ
Maggāraho devamanussapūjito, dhammo ahaṃ dehi adhamma maggaṃ.
๒๗.
27.
อธมฺมยานํ ทฬฺหมารุหิตฺวา, อสนฺตสโนฺต พลวาหมสฺมิ;
Adhammayānaṃ daḷhamāruhitvā, asantasanto balavāhamasmi;
ส กิสฺส เหตุมฺหิ ตวชฺช ทชฺชํ, มคฺคํ อหํ ธมฺม อทินฺนปุพฺพํฯ
Sa kissa hetumhi tavajja dajjaṃ, maggaṃ ahaṃ dhamma adinnapubbaṃ.
๒๘.
28.
ธโมฺม หเว ปาตุรโหสิ ปุเพฺพ, ปจฺฉา อธโมฺม อุทปาทิ โลเก;
Dhammo have pāturahosi pubbe, pacchā adhammo udapādi loke;
เชโฎฺฐ จ เสโฎฺฐ จ สนนฺตโน จ, อุยฺยาหิ เชฎฺฐสฺส กนิฎฺฐ มคฺคาฯ
Jeṭṭho ca seṭṭho ca sanantano ca, uyyāhi jeṭṭhassa kaniṭṭha maggā.
๒๙.
29.
น ยาจนาย นปิ ปาติรูปา, น อรหตา 1 เตหํ ทเทยฺยํ มคฺคํ;
Na yācanāya napi pātirūpā, na arahatā 2 tehaṃ dadeyyaṃ maggaṃ;
ยุทฺธญฺจ โน โหตุ อุภินฺนมชฺช, ยุทฺธมฺหิ โย เชสฺสติ ตสฺส มโคฺคฯ
Yuddhañca no hotu ubhinnamajja, yuddhamhi yo jessati tassa maggo.
๓๐.
30.
สพฺพา ทิสา อนุวิสโฎหมสฺมิ, มหพฺพโล อมิตยโส อตุโลฺย;
Sabbā disā anuvisaṭohamasmi, mahabbalo amitayaso atulyo;
คุเณหิ สเพฺพหิ อุเปตรูโป, ธโมฺม อธมฺม ตฺวํ กถํ วิเชสฺสสิฯ
Guṇehi sabbehi upetarūpo, dhammo adhamma tvaṃ kathaṃ vijessasi.
๓๑.
31.
โลเหน เว หญฺญติ ชาตรูปํ, น ชาตรูเปน หนนฺติ โลหํ;
Lohena ve haññati jātarūpaṃ, na jātarūpena hananti lohaṃ;
สเจ อธโมฺม หญฺฉติ 3 ธมฺมมชฺช, อโย สุวณฺณํ วิย ทสฺสเนยฺยํฯ
Sace adhammo hañchati 4 dhammamajja, ayo suvaṇṇaṃ viya dassaneyyaṃ.
๓๒.
32.
มคฺคญฺจ เต ทมฺมิ ปิยาปฺปิเยน, วาจาทุรุตฺตานิปิ เต ขมามิฯ
Maggañca te dammi piyāppiyena, vācāduruttānipi te khamāmi.
๓๓.
33.
อิทญฺจ สุตฺวา วจนํ อธโมฺม, อวํสิโร ปติโต อุทฺธปาโท;
Idañca sutvā vacanaṃ adhammo, avaṃsiro patito uddhapādo;
‘‘ยุทฺธตฺถิโก เจ น ลภามิ ยุทฺธํ’’, เอตฺตาวตา โหติ หโต อธโมฺมฯ
‘‘Yuddhatthiko ce na labhāmi yuddhaṃ’’, ettāvatā hoti hato adhammo.
๓๔.
34.
ขนฺตีพโล ยุทฺธพลํ วิเชตฺวา, หนฺตฺวา อธมฺมํ นิหนิตฺว 9 ภูมฺยา;
Khantībalo yuddhabalaṃ vijetvā, hantvā adhammaṃ nihanitva 10 bhūmyā;
ปายาสิ วิโตฺต 11 อภิรุยฺห สนฺทนํ, มเคฺคเนว อติพโล สจฺจนิกฺกโมฯ
Pāyāsi vitto 12 abhiruyha sandanaṃ, maggeneva atibalo saccanikkamo.
๓๕.
35.
มาตา ปิตา สมณพฺราหฺมณา จ, อสมฺมานิตา ยสฺส สเก อคาเร;
Mātā pitā samaṇabrāhmaṇā ca, asammānitā yassa sake agāre;
อิเธว นิกฺขิปฺป สรีรเทหํ, กายสฺส เภทา นิรยํ วชนฺติ เต 13;
Idheva nikkhippa sarīradehaṃ, kāyassa bhedā nirayaṃ vajanti te 14;
ยถา อธโมฺม ปติโต อวํสิโรฯ
Yathā adhammo patito avaṃsiro.
๓๖.
36.
มาตา ปิตา สมณพฺราหฺมณา จ, สุสมฺมานิตา ยสฺส สเก อคาเร;
Mātā pitā samaṇabrāhmaṇā ca, susammānitā yassa sake agāre;
อิเธว นิกฺขิปฺป สรีรเทหํ, กายสฺส เภทา สุคติํ วชนฺติ เต;
Idheva nikkhippa sarīradehaṃ, kāyassa bhedā sugatiṃ vajanti te;
ยถาปิ ธโมฺม อภิรุยฺห สนฺทนนฺติฯ
Yathāpi dhammo abhiruyha sandananti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๕๗] ๓. ธมฺมเทวปุตฺตชาตกวณฺณนา • [457] 3. Dhammadevaputtajātakavaṇṇanā
