| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៥៧. ធម្មទេវបុត្តជាតកំ (៣)
457. Dhammadevaputtajātakaṃ (3)
២៦.
26.
យសោករោ បុញ្ញករោហមស្មិ, សទាត្ថុតោ សមណព្រាហ្មណានំ;
Yasokaro puññakarohamasmi, sadātthuto samaṇabrāhmaṇānaṃ;
មគ្គារហោ ទេវមនុស្សបូជិតោ, ធម្មោ អហំ ទេហិ អធម្ម មគ្គំ។
Maggāraho devamanussapūjito, dhammo ahaṃ dehi adhamma maggaṃ.
២៧.
27.
អធម្មយានំ ទឡ្ហមារុហិត្វា, អសន្តសន្តោ ពលវាហមស្មិ;
Adhammayānaṃ daḷhamāruhitvā, asantasanto balavāhamasmi;
ស កិស្ស ហេតុម្ហិ តវជ្ជ ទជ្ជំ, មគ្គំ អហំ ធម្ម អទិន្នបុព្ពំ។
Sa kissa hetumhi tavajja dajjaṃ, maggaṃ ahaṃ dhamma adinnapubbaṃ.
២៨.
28.
ធម្មោ ហវេ បាតុរហោសិ បុព្ពេ, បច្ឆា អធម្មោ ឧទបាទិ លោកេ;
Dhammo have pāturahosi pubbe, pacchā adhammo udapādi loke;
ជេដ្ឋោ ច សេដ្ឋោ ច សនន្តនោ ច, ឧយ្យាហិ ជេដ្ឋស្ស កនិដ្ឋ មគ្គា។
Jeṭṭho ca seṭṭho ca sanantano ca, uyyāhi jeṭṭhassa kaniṭṭha maggā.
២៩.
29.
ន យាចនាយ នបិ បាតិរូបា, ន អរហតា 1 តេហំ ទទេយ្យំ មគ្គំ;
Na yācanāya napi pātirūpā, na arahatā 2 tehaṃ dadeyyaṃ maggaṃ;
យុទ្ធញ្ច នោ ហោតុ ឧភិន្នមជ្ជ, យុទ្ធម្ហិ យោ ជេស្សតិ តស្ស មគ្គោ។
Yuddhañca no hotu ubhinnamajja, yuddhamhi yo jessati tassa maggo.
៣០.
30.
សព្ពា ទិសា អនុវិសដោហមស្មិ, មហព្ពលោ អមិតយសោ អតុល្យោ;
Sabbā disā anuvisaṭohamasmi, mahabbalo amitayaso atulyo;
គុណេហិ សព្ពេហិ ឧបេតរូបោ, ធម្មោ អធម្ម ត្វំ កថំ វិជេស្សសិ។
Guṇehi sabbehi upetarūpo, dhammo adhamma tvaṃ kathaṃ vijessasi.
៣១.
31.
លោហេន វេ ហញ្ញតិ ជាតរូបំ, ន ជាតរូបេន ហនន្តិ លោហំ;
Lohena ve haññati jātarūpaṃ, na jātarūpena hananti lohaṃ;
សចេ អធម្មោ ហញ្ឆតិ 3 ធម្មមជ្ជ, អយោ សុវណ្ណំ វិយ ទស្សនេយ្យំ។
Sace adhammo hañchati 4 dhammamajja, ayo suvaṇṇaṃ viya dassaneyyaṃ.
៣២.
32.
មគ្គញ្ច តេ ទម្មិ បិយាប្បិយេន, វាចាទុរុត្តានិបិ តេ ខមាមិ។
Maggañca te dammi piyāppiyena, vācāduruttānipi te khamāmi.
៣៣.
33.
ឥទញ្ច សុត្វា វចនំ អធម្មោ, អវំសិរោ បតិតោ ឧទ្ធបាទោ;
Idañca sutvā vacanaṃ adhammo, avaṃsiro patito uddhapādo;
‘‘យុទ្ធត្ថិកោ ចេ ន លភាមិ យុទ្ធំ’’, ឯត្តាវតា ហោតិ ហតោ អធម្មោ។
‘‘Yuddhatthiko ce na labhāmi yuddhaṃ’’, ettāvatā hoti hato adhammo.
៣៤.
34.
ខន្តីពលោ យុទ្ធពលំ វិជេត្វា, ហន្ត្វា អធម្មំ និហនិត្វ 9 ភូម្យា;
Khantībalo yuddhabalaṃ vijetvā, hantvā adhammaṃ nihanitva 10 bhūmyā;
បាយាសិ វិត្តោ 11 អភិរុយ្ហ សន្ទនំ, មគ្គេនេវ អតិពលោ សច្ចនិក្កមោ។
Pāyāsi vitto 12 abhiruyha sandanaṃ, maggeneva atibalo saccanikkamo.
៣៥.
35.
មាតា បិតា សមណព្រាហ្មណា ច, អសម្មានិតា យស្ស សកេ អគារេ;
Mātā pitā samaṇabrāhmaṇā ca, asammānitā yassa sake agāre;
ឥធេវ និក្ខិប្ប សរីរទេហំ, កាយស្ស ភេទា និរយំ វជន្តិ តេ 13;
Idheva nikkhippa sarīradehaṃ, kāyassa bhedā nirayaṃ vajanti te 14;
យថា អធម្មោ បតិតោ អវំសិរោ។
Yathā adhammo patito avaṃsiro.
៣៦.
36.
មាតា បិតា សមណព្រាហ្មណា ច, សុសម្មានិតា យស្ស សកេ អគារេ;
Mātā pitā samaṇabrāhmaṇā ca, susammānitā yassa sake agāre;
ឥធេវ និក្ខិប្ប សរីរទេហំ, កាយស្ស ភេទា សុគតិំ វជន្តិ តេ;
Idheva nikkhippa sarīradehaṃ, kāyassa bhedā sugatiṃ vajanti te;
យថាបិ ធម្មោ អភិរុយ្ហ សន្ទនន្តិ។
Yathāpi dhammo abhiruyha sandananti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៥៧] ៣. ធម្មទេវបុត្តជាតកវណ្ណនា • [457] 3. Dhammadevaputtajātakavaṇṇanā
