| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[384] 9. д̇хаммад̇хаж̇аж̇аад̇агаван̣н̣анаа
[384] 9. Dhammadhajajātakavaṇṇanā
д̇хаммам̣ жарат̇а н̃аад̇аяод̇и ид̣̇ам̣ сад̇т̇аа ж̇зд̇аванз вихаранд̇о згам̣ гухагабхигкум̣ аараб̣бха гат̇зси. д̇ад̣̇аа хи сад̇т̇аа ‘‘на, бхигкавз, аяам̣ ид̣̇аанзва гухаго, буб̣б̣зби гухагоязваа’’д̇и вад̇ваа ад̇ийд̇ам̣ аахари.
Dhammaṃ caratha ñātayoti idaṃ satthā jetavane viharanto ekaṃ kuhakabhikkhuṃ ārabbha kathesi. Tadā hi satthā ‘‘na, bhikkhave, ayaṃ idāneva kuhako, pubbepi kuhakoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сагун̣аяонияам̣ ниб̣б̣ад̇д̇ид̇ваа ваяаббад̇д̇о сагун̣асан̇гхабаривуд̇о самуд̣̇д̣̇амаж̇жхз д̣̇ийбагз васи. ат̇згажжз гаасирадтаваасино ваан̣иж̇аа д̣̇исаагаагам̣ г̇ахзд̇ваа наавааяа самуд̣̇д̣̇ам̣ багканд̣̇им̣су, самуд̣̇д̣̇амаж̇жхз нааваа бхиж̇ж̇и. со д̣̇исаагааго д̇ам̣ д̣̇ийбагам̣ г̇анд̇ваа жинд̇зси ‘‘аяам̣ махаасагун̣асан̇гхо, маяаа гухагагаммам̣ гад̇ваа зд̇зсам̣ ан̣д̣агаани жзва чаабагз жа варам̣ варам̣ каад̣̇ид̇ум̣ ваддад̇ий’’д̇и. со од̇арид̇ваа сагун̣асан̇гхасса маж̇жхз мукам̣ виварид̇ваа згзна баад̣̇зна бат̇авияам̣ адтааси. ‘‘го наама д̇вам̣, саамий’’д̇и сагун̣зхи будто ‘‘ахам̣ д̇хаммиго наамаа’’д̇и ааха. ‘‘гасмаа бана згзна баад̣̇зна тид̇осий’’д̇и? ‘‘маяаа д̣̇уд̇ияз баад̣̇з нигкид̇д̇з бат̇авий д̇хаарзд̇ум̣ на саггод̇ий’’д̇и. ‘‘ат̇а гасмаа мукам̣ виварид̇ваа д̇идтасий’’д̇и? ‘‘ахам̣ ан̃н̃ам̣ аахаарам̣ на каад̣̇аами, ваад̇амзва каад̣̇аамий’’д̇и. зван̃жа бана вад̇ваа д̇з сагун̣з ааманд̇зд̇ваа ‘‘оваад̣̇ам̣ во д̣̇ассаами, д̇ам̣ сун̣аат̇аа’’д̇и д̇зсам̣ оваад̣̇авасзна батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto sakuṇayoniyaṃ nibbattitvā vayappatto sakuṇasaṅghaparivuto samuddamajjhe dīpake vasi. Athekacce kāsiraṭṭhavāsino vāṇijā disākākaṃ gahetvā nāvāya samuddaṃ pakkhandiṃsu, samuddamajjhe nāvā bhijji. So disākāko taṃ dīpakaṃ gantvā cintesi ‘‘ayaṃ mahāsakuṇasaṅgho, mayā kuhakakammaṃ katvā etesaṃ aṇḍakāni ceva chāpake ca varaṃ varaṃ khādituṃ vaṭṭatī’’ti. So otaritvā sakuṇasaṅghassa majjhe mukhaṃ vivaritvā ekena pādena pathaviyaṃ aṭṭhāsi. ‘‘Ko nāma tvaṃ, sāmī’’ti sakuṇehi puṭṭho ‘‘ahaṃ dhammiko nāmā’’ti āha. ‘‘Kasmā pana ekena pādena ṭhitosī’’ti? ‘‘Mayā dutiye pāde nikkhitte pathavī dhāretuṃ na sakkotī’’ti. ‘‘Atha kasmā mukhaṃ vivaritvā tiṭṭhasī’’ti? ‘‘Ahaṃ aññaṃ āhāraṃ na khādāmi, vātameva khādāmī’’ti. Evañca pana vatvā te sakuṇe āmantetvā ‘‘ovādaṃ vo dassāmi, taṃ suṇāthā’’ti tesaṃ ovādavasena paṭhamaṃ gāthamāha –
65.
65.
‘‘д̇хаммам̣ жарат̇а н̃аад̇аяо, д̇хаммам̣ жарат̇а бхад̣̇д̣̇ам̣ во;
‘‘Dhammaṃ caratha ñātayo, dhammaṃ caratha bhaddaṃ vo;
д̇хаммажаарий сукам̣ сзд̇и, асмим̣ логз барамхи жаа’’д̇и.
Dhammacārī sukhaṃ seti, asmiṃ loke paramhi cā’’ti.
д̇ад̇т̇а д̇хаммам̣ жарат̇аад̇и гааяасужарид̇аад̣̇ибхзд̣̇ам̣ д̇хаммам̣ гарот̇а. н̃аад̇аяод̇и д̇з аалабад̇и. д̇хаммам̣ жарат̇а бхад̣̇д̣̇ам̣ вод̇и згаваарам̣ жарид̇ваа маа осаггат̇а, бунаббунам̣ жарат̇а, звам̣ бхад̣̇д̣̇ам̣ во бхависсад̇и. сукам̣ сзд̇ийд̇и д̣̇зсанаасийсамзд̇ам̣, д̇хаммажаарий бана сукам̣ д̇идтад̇и г̇ажчад̇и нисийд̣̇ад̇и сзд̇и, саб̣б̣ирияаабат̇зсу сукид̇о ход̇ийд̇и д̣̇ийбзд̇и.
Tattha dhammaṃ carathāti kāyasucaritādibhedaṃ dhammaṃ karotha. Ñātayoti te ālapati. Dhammaṃ caratha bhaddaṃ voti ekavāraṃ caritvā mā osakkatha, punappunaṃ caratha, evaṃ bhaddaṃ vo bhavissati. Sukhaṃ setīti desanāsīsametaṃ, dhammacārī pana sukhaṃ tiṭṭhati gacchati nisīdati seti, sabbiriyāpathesu sukhito hotīti dīpeti.
сагун̣аа ‘‘аяам̣ гааго гохан̃н̃зна ан̣д̣агаани каад̣̇ид̇ум̣ звам̣ вад̣̇ад̇ий’’д̇и аж̇аанид̇ваа д̇ам̣ д̣̇уссийлам̣ ван̣н̣знд̇аа д̣̇уд̇ияам̣ г̇аат̇амаахам̣су –
Sakuṇā ‘‘ayaṃ kāko kohaññena aṇḍakāni khādituṃ evaṃ vadatī’’ti ajānitvā taṃ dussīlaṃ vaṇṇentā dutiyaṃ gāthamāhaṃsu –
66.
66.
‘‘бхад̣̇д̣̇аго вад̇аяам̣ багкий, д̣̇иж̇о барамад̇хаммиго;
‘‘Bhaddako vatayaṃ pakkhī, dijo paramadhammiko;
згабаад̣̇зна д̇идтанд̇о, д̇хаммамзваанусаасад̇ий’’д̇и.
Ekapādena tiṭṭhanto, dhammamevānusāsatī’’ti.
д̇ад̇т̇а д̇хаммамзваад̇и сабхаавамзва. анусаасад̇ийд̇и гат̇зси.
Tattha dhammamevāti sabhāvameva. Anusāsatīti kathesi.
сагун̣аа д̇асса д̣̇уссийласса сад̣̇д̣̇ахид̇ваа ‘‘д̇вам̣ гира саами ан̃н̃ам̣ г̇ожарам̣ на г̇ан̣хаси, ваад̇амзва бхагкаси, д̇зна хи амхаагам̣ ан̣д̣агаани жа чаабагз жа ологзяяаасий’’д̇и вад̇ваа г̇ожарааяа г̇ажчанд̇и. со баабо д̇зсам̣ г̇ад̇агаалз ан̣д̣агаани жа чаабагз жа гужчибуурам̣ каад̣̇ид̇ваа д̇зсам̣ ааг̇аманагаалз убасанд̇уубасанд̇о худ̇ваа мукам̣ виварид̇ваа згзна баад̣̇зна д̇идтад̇и. сагун̣аа ааг̇анд̇ваа буд̇д̇агз абассанд̇аа ‘‘го ну ко каад̣̇ад̇ий’’д̇и махаасад̣̇д̣̇зна вираванд̇и, ‘‘аяам̣ гааго д̇хаммиго’’д̇и д̇асмим̣ аасан̇гаамад̇д̇амби на гаронд̇и. ат̇згад̣̇ивасам̣ махаасад̇д̇о жинд̇зси ‘‘ид̇ха буб̣б̣з гожи барибант̇о над̇т̇и, имасса ааг̇ад̇агаалад̇о бадтааяа ж̇аад̇о, имам̣ бариг̇г̇ан̣хид̇ум̣ ваддад̇ий’’д̇и. со сагун̣зхи сад̣̇д̇хим̣ г̇ожарааяа г̇ажчанд̇о вияа худ̇ваа нивад̇д̇ид̇ваа бадижчаннадтаанз адтааси. гаагоби ‘‘г̇ад̇аа сагун̣аа’’д̇и нираасан̇го худ̇ваа удтааяа г̇анд̇ваа ан̣д̣агаани жа чаабагз жа каад̣̇ид̇ваа бунааг̇анд̇ваа мукам̣ виварид̇ваа згзна баад̣̇зна адтааси.
Sakuṇā tassa dussīlassa saddahitvā ‘‘tvaṃ kira sāmi aññaṃ gocaraṃ na gaṇhasi, vātameva bhakkhasi, tena hi amhākaṃ aṇḍakāni ca chāpake ca olokeyyāsī’’ti vatvā gocarāya gacchanti. So pāpo tesaṃ gatakāle aṇḍakāni ca chāpake ca kucchipūraṃ khāditvā tesaṃ āgamanakāle upasantūpasanto hutvā mukhaṃ vivaritvā ekena pādena tiṭṭhati. Sakuṇā āgantvā puttake apassantā ‘‘ko nu kho khādatī’’ti mahāsaddena viravanti, ‘‘ayaṃ kāko dhammiko’’ti tasmiṃ āsaṅkāmattampi na karonti. Athekadivasaṃ mahāsatto cintesi ‘‘idha pubbe koci paripantho natthi, imassa āgatakālato paṭṭhāya jāto, imaṃ pariggaṇhituṃ vaṭṭatī’’ti. So sakuṇehi saddhiṃ gocarāya gacchanto viya hutvā nivattitvā paṭicchannaṭṭhāne aṭṭhāsi. Kākopi ‘‘gatā sakuṇā’’ti nirāsaṅko hutvā uṭṭhāya gantvā aṇḍakāni ca chāpake ca khāditvā punāgantvā mukhaṃ vivaritvā ekena pādena aṭṭhāsi.
сагун̣арааж̇аа сагун̣зсу ааг̇ад̇зсу саб̣б̣з саннибаад̇аабзд̇ваа ‘‘ахам̣ во аж̇ж̇а буд̇д̇агаанам̣ барибант̇ам̣ бариг̇г̇ан̣ханд̇о имам̣ баабагаагам̣ каад̣̇анд̇ам̣ ад̣̇д̣̇асам̣, зт̇а нам̣ г̇ан̣хаамаа’’д̇и сагун̣асан̇гхам̣ ааманд̇зд̇ваа бариваарзд̇ваа ‘‘сажз балааяад̇и, г̇ан̣хзяяаат̇а на’’нд̇и вад̇ваа сзсаг̇аат̇аа абхааси –
Sakuṇarājā sakuṇesu āgatesu sabbe sannipātāpetvā ‘‘ahaṃ vo ajja puttakānaṃ paripanthaṃ pariggaṇhanto imaṃ pāpakākaṃ khādantaṃ addasaṃ, etha naṃ gaṇhāmā’’ti sakuṇasaṅghaṃ āmantetvā parivāretvā ‘‘sace palāyati, gaṇheyyātha na’’nti vatvā sesagāthā abhāsi –
67.
67.
‘‘наасса сийлам̣ виж̇аанаат̇а, анан̃н̃ааяа басам̣сат̇а;
‘‘Nāssa sīlaṃ vijānātha, anaññāya pasaṃsatha;
бхуд̇ваа ан̣д̣ан̃жа бод̇ан̃жа, д̇хаммо д̇хаммод̇и бхаасад̇и.
Bhutvā aṇḍañca potañca, dhammo dhammoti bhāsati.
68.
68.
‘‘ан̃н̃ам̣ бхан̣ад̇и ваажааяа, ан̃н̃ам̣ гааязна губ̣б̣ад̇и;
‘‘Aññaṃ bhaṇati vācāya, aññaṃ kāyena kubbati;
ваажааяа но жа гааязна, на д̇ам̣ д̇хаммам̣ ад̇хидтид̇о.
Vācāya no ca kāyena, na taṃ dhammaṃ adhiṭṭhito.
69.
69.
‘‘ваажааяа сакило мановид̣̇уг̇г̇о, чанно гуубасаяова ган̣хасаббо;
‘‘Vācāya sakhilo manoviduggo, channo kūpasayova kaṇhasappo;
д̇хаммад̇хаж̇о г̇ааманиг̇амаасу саад̇ху, д̣̇уж̇ж̇аано бурисзна б̣аалисзна.
Dhammadhajo gāmanigamāsu sādhu, dujjāno purisena bālisena.
70.
70.
‘‘имам̣ д̇ун̣д̣зхи багкзхи, баад̣̇аа жимам̣ вихзтат̇а;
‘‘Imaṃ tuṇḍehi pakkhehi, pādā cimaṃ viheṭhatha;
чаван̃химам̣ винаасзт̇а, нааяам̣ сам̣ваасанаарахо’’д̇и.
Chavañhimaṃ vināsetha, nāyaṃ saṃvāsanāraho’’ti.
д̇ад̇т̇а наасса сийланд̇и на асса сийлам̣. анан̃н̃ааяаад̇и аж̇аанид̇ваа. бхуд̇ваад̇и каад̣̇ид̇ваа. ваажааяа но жа гааязнаад̇и аяан̃хи важанзнзва д̇хаммам̣ жарад̇и, гааязна бана на гарод̇и. на д̇ам̣ д̇хаммам̣ ад̇хидтид̇од̇и д̇асмаа ж̇аанид̇аб̣б̣о яат̇ааяам̣ д̇хаммам̣ бхан̣ад̇и, на д̇ам̣ ад̇хидтид̇о, д̇асмим̣ д̇хаммз на ад̇хидтид̇о. ваажааяа сакилод̇и важанзна муд̣̇у. мановид̣̇уг̇г̇од̇и манасаа вид̣̇уг̇г̇о д̣̇уббавзсо висамо. чаннод̇и яасмим̣ б̣илз саяад̇и, д̇зна чанно. гуубасаяод̇и б̣илаасаяо. д̇хаммад̇хаж̇од̇и сужарид̇ад̇хаммам̣ д̇хаж̇ам̣ гад̇ваа вижаран̣зна д̇хаммад̣̇д̇хаж̇о. г̇ааманиг̇амаасу саад̇хууд̇и г̇аамзсу жа ниг̇амзсу жа саад̇ху бхад̣̇д̣̇аго самбхаавид̇о. д̣̇уж̇ж̇аанод̇и аяам̣ зваруубо д̣̇уссийло бадижчаннагамманд̇о б̣аалисзна ан̃н̃аан̣зна бурисзна на саггаа ж̇аанид̇ум̣. баад̣̇аа жиманд̇и ад̇д̇ано ад̇д̇ано баад̣̇зна жа имам̣. вихзтат̇аад̇и бахарат̇а ханат̇а. чаванд̇и лаамагам̣. нааяанд̇и аяам̣ амхзхи сад̣̇д̇хим̣ згасмим̣ таанз сам̣ваасам̣ на арахад̇ийд̇и.
Tattha nāssa sīlanti na assa sīlaṃ. Anaññāyāti ajānitvā. Bhutvāti khāditvā. Vācāya no ca kāyenāti ayañhi vacaneneva dhammaṃ carati, kāyena pana na karoti. Na taṃ dhammaṃ adhiṭṭhitoti tasmā jānitabbo yathāyaṃ dhammaṃ bhaṇati, na taṃ adhiṭṭhito, tasmiṃ dhamme na adhiṭṭhito. Vācāya sakhiloti vacanena mudu. Manoviduggoti manasā viduggo duppaveso visamo. Channoti yasmiṃ bile sayati, tena channo. Kūpasayoti bilāsayo. Dhammadhajoti sucaritadhammaṃ dhajaṃ katvā vicaraṇena dhammaddhajo. Gāmanigamāsu sādhūti gāmesu ca nigamesu ca sādhu bhaddako sambhāvito. Dujjānoti ayaṃ evarūpo dussīlo paṭicchannakammanto bālisena aññāṇena purisena na sakkā jānituṃ. Pādā cimanti attano attano pādena ca imaṃ. Viheṭhathāti paharatha hanatha. Chavanti lāmakaṃ. Nāyanti ayaṃ amhehi saddhiṃ ekasmiṃ ṭhāne saṃvāsaṃ na arahatīti.
зван̃жа бана вад̇ваа сагун̣аж̇здтаго саяамзва лан̇гхид̇ваа д̇асса сийсам̣ д̇ун̣д̣зна бахари, авасзсаа сагун̣аа д̇ун̣д̣анакабаад̣̇абагкзхи бахарим̣су. со д̇ад̇т̇зва ж̇ийвид̇агкаяам̣ баабун̣и.
Evañca pana vatvā sakuṇajeṭṭhako sayameva laṅghitvā tassa sīsaṃ tuṇḍena pahari, avasesā sakuṇā tuṇḍanakhapādapakkhehi pahariṃsu. So tattheva jīvitakkhayaṃ pāpuṇi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гухагагааго ид̣̇аани гухагабхигку ахоси, сагун̣арааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kuhakakāko idāni kuhakabhikkhu ahosi, sakuṇarājā pana ahameva ahosi’’nti.
д̇хаммад̇хаж̇аж̇аад̇агаван̣н̣анаа навамаа.
Dhammadhajajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 384. д̇хаммад̇хаж̇аж̇аад̇агам̣ • 384. Dhammadhajajātakaṃ
