| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. д̇хаммад̣̇иннасуд̇д̇аван̣н̣анаа
3. Dhammadinnasuttavaṇṇanā
1049. д̇ад̇ияз д̇хаммад̣̇иннод̇и сад̇д̇асу ж̇анзсу зго. б̣уд̣̇д̇хагааласмин̃хи д̇хаммад̣̇инно убаасаго, висаако убаасаго, уг̇г̇о г̇ахабад̇и, жид̇д̇о г̇ахабад̇и, хад̇т̇аго аал̣аваго, жуул̣аанаат̇абин̣д̣иго, махааанаат̇абин̣д̣игод̇и имз сад̇д̇а ж̇анаа бан̃жасад̇аубаасагабариваараа ахзсум̣. зд̇зсу зса ан̃н̃ад̇аро.
1049. Tatiye dhammadinnoti sattasu janesu eko. Buddhakālasmiñhi dhammadinno upāsako, visākho upāsako, uggo gahapati, citto gahapati, hatthako āḷavako, cūḷaanāthapiṇḍiko, mahāanāthapiṇḍikoti ime satta janā pañcasataupāsakaparivārā ahesuṃ. Etesu esa aññataro.
г̇амбхийраад̇и д̇хаммаг̇амбхийраа салласуд̇д̇аад̣̇аяо. г̇амбхийрад̇т̇аад̇и ад̇т̇аг̇амбхийраа жзд̇анаасуд̇д̇анд̇аад̣̇аяо. логуд̇д̇араад̇и логуд̇д̇арад̇т̇ад̣̇ийбагаа асан̇кад̇асам̣яуд̇д̇аад̣̇аяо. сун̃н̃ад̇аббадисам̣яуд̇д̇аад̇и сад̇д̇асун̃н̃ад̇аад̣̇ийбагаа каж̇ж̇анигасуд̇д̇анд̇аад̣̇аяо. убасамбаж̇ж̇а вихариссаамаад̇и бадилабхид̇ваа вихариссаама. зван̃хи во, д̇хаммад̣̇инна, сигкид̇аб̣б̣анд̇и звам̣ д̇умхзхи жанд̣̇обамабадибад̣̇ам̣ рат̇авинийд̇абадибад̣̇ам̣ монзяяабадибад̣̇ам̣ махааарияавам̣сабадибад̣̇ам̣ буурзнд̇зхи сигкид̇аб̣б̣ам̣. ид̇и сад̇т̇аа имзсам̣ убаасагаанам̣ асаяхабхаарам̣ ааробзси. гасмаа ? зд̇з гира на ад̇д̇ано бхуумияам̣ тад̇ваа оваад̣̇ам̣ яаажим̣су, ависзсзна бана саб̣б̣абхаарам̣ угкибид̇ум̣ самад̇т̇аа вияа ‘‘овад̣̇ад̇у но, бханд̇з, бхаг̇аваа’’д̇и яаажим̣су. д̇зна д̇зсам̣ сад̇т̇аа асаяхабхаарам̣ ааробзнд̇о звамааха. на ко нзд̇анд̇и на ко зд̇ам̣. нагааро банзд̇т̇а б̣яан̃ж̇анасанд̇химад̇д̇амзваад̇и взд̣̇ид̇аб̣б̣о. д̇асмаад̇и яасмаа ид̣̇аани ад̇д̇ано бхуумияам̣ тад̇ваа оваад̣̇ам̣ яаажат̇а, д̇асмаа.
Gambhīrāti dhammagambhīrā sallasuttādayo. Gambhīratthāti atthagambhīrā cetanāsuttantādayo. Lokuttarāti lokuttaratthadīpakā asaṅkhatasaṃyuttādayo. Suññatappaṭisaṃyuttāti sattasuññatādīpakā khajjanikasuttantādayo. Upasampajja viharissāmāti paṭilabhitvā viharissāma. Evañhi vo, dhammadinna, sikkhitabbanti evaṃ tumhehi candopamapaṭipadaṃ rathavinītapaṭipadaṃ moneyyapaṭipadaṃ mahāariyavaṃsapaṭipadaṃ pūrentehi sikkhitabbaṃ. Iti satthā imesaṃ upāsakānaṃ asayhabhāraṃ āropesi. Kasmā ? Ete kira na attano bhūmiyaṃ ṭhatvā ovādaṃ yāciṃsu, avisesena pana sabbabhāraṃ ukkhipituṃ samatthā viya ‘‘ovadatu no, bhante, bhagavā’’ti yāciṃsu. Tena tesaṃ satthā asayhabhāraṃ āropento evamāha. Na kho netanti na kho etaṃ. Nakāro panettha byañjanasandhimattamevāti veditabbo. Tasmāti yasmā idāni attano bhūmiyaṃ ṭhatvā ovādaṃ yācatha, tasmā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. д̇хаммад̣̇иннасуд̇д̇ам̣ • 3. Dhammadinnasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̇хаммад̣̇иннасуд̇д̇аван̣н̣анаа • 3. Dhammadinnasuttavaṇṇanā
