| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. д̇хаммад̣̇иннасуд̇д̇аван̣н̣анаа
3. Dhammadinnasuttavaṇṇanā
1049. сад̇д̇асу ж̇анзсууд̇и сад̇д̇асу гид̇д̇ияамаанзсу убаасагаж̇анзсу. г̇амбхийраад̇иаад̣̇ийсу д̇хаммаг̇амбхийраад̇и баал̣иг̇ад̇ияаа г̇амбхийраа, д̇ат̇аа жа салласуд̇д̇ам̣ хздтаа багаасид̇амзва. ‘‘жзд̇анаахам̣, бхигкавз, гаммам̣ вад̣̇аамий’’д̇иаад̣̇инаа (а. ни. 6.63; гат̇аа. 539) ааг̇ад̇ам̣ жзд̇анаасуд̇д̇ам̣ . д̇ад̇т̇а ‘‘жзд̇анаасахаж̇аад̇ам̣ наанаагкан̣ига’’нд̇иаад̣̇инаа бадтаанз ааг̇ад̇анаязна, суд̇д̇зсу (а. ни. 3.101) жа ‘‘д̣̇идтад̇хаммавзд̣̇анийяа’’нд̇иаад̣̇инаа ааг̇ад̇анаязна г̇амбхийрабхааво взд̣̇ид̇аб̣б̣о, ниб̣б̣аанасса жзва арияамаг̇г̇асса жа багаасанад̇о асан̇кад̇асам̣яуд̇д̇асса логуд̇д̇арад̇т̇ад̣̇ийбагад̇аа. ‘‘ад̇ийд̇ам̣баахам̣ руубзна каж̇ж̇им̣, зд̇арахи каж̇ж̇аамий’’д̇иаад̣̇инаа бан̃жаннам̣ канд̇хаанам̣ каад̣̇агабхаавасса, буг̇г̇аласса каад̣̇ид̇аб̣б̣ад̇ааяа вибхааванзна каж̇ж̇анийяабарияааяз (сам̣. ни. 3.79) висзсад̇о ниссад̇д̇аниж̇ж̇ийвад̇аа д̣̇ийбид̇аад̇и вуд̇д̇ам̣ ‘‘сад̇д̇асун̃н̃ад̇аад̣̇ийбагаа каж̇ж̇анигасуд̇д̇анд̇аад̣̇аяо’’д̇и. убасамбаж̇ж̇а вихариссаамаад̇и яз д̇зсу суд̇д̇зсу вуд̇д̇абадибад̣̇ам̣ саммад̣̇зва барибуурзнд̇и, д̇з д̇зсу убасамбаж̇ж̇а вихаранд̇и наама . зд̇т̇аад̇и ‘‘на ко нзд̇а’’нд̇и зд̇т̇а на-гааро ‘‘ан̃н̃аман̃н̃а’’нд̇и зд̇т̇а ма-гааро вияа б̣яан̃ж̇анасанд̇химад̇д̇амзва, наасса гожи ад̇т̇о.
1049.Sattasu janesūti sattasu kittiyamānesu upāsakajanesu. Gambhīrātiādīsu dhammagambhīrāti pāḷigatiyā gambhīrā, tathā ca sallasuttaṃ heṭṭhā pakāsitameva. ‘‘Cetanāhaṃ, bhikkhave, kammaṃ vadāmī’’tiādinā (a. ni. 6.63; kathā. 539) āgataṃ cetanāsuttaṃ. Tattha ‘‘cetanāsahajātaṃ nānākkhaṇika’’ntiādinā paṭṭhāne āgatanayena, suttesu (a. ni. 3.101) ca ‘‘diṭṭhadhammavedanīya’’ntiādinā āgatanayena gambhīrabhāvo veditabbo, nibbānassa ceva ariyamaggassa ca pakāsanato asaṅkhatasaṃyuttassa lokuttaratthadīpakatā. ‘‘Atītaṃpāhaṃ rūpena khajjiṃ, etarahi khajjāmī’’tiādinā pañcannaṃ khandhānaṃ khādakabhāvassa, puggalassa khāditabbatāya vibhāvanena khajjanīyapariyāye (saṃ. ni. 3.79) visesato nissattanijjīvatā dīpitāti vuttaṃ ‘‘sattasuññatādīpakā khajjanikasuttantādayo’’ti. Upasampajja viharissāmāti ye tesu suttesu vuttapaṭipadaṃ sammadeva paripūrenti, te tesu upasampajja viharanti nāma . Etthāti ‘‘na kho neta’’nti ettha na-kāro ‘‘aññamañña’’nti ettha ma-kāro viya byañjanasandhimattameva, nāssa koci attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. д̇хаммад̣̇иннасуд̇д̇ам̣ • 3. Dhammadinnasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̇хаммад̣̇иннасуд̇д̇аван̣н̣анаа • 3. Dhammadinnasuttavaṇṇanā
