| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๓. ธมฺมทินฺนสุตฺตวณฺณนา
3. Dhammadinnasuttavaṇṇanā
๑๐๔๙. ตติเย ธมฺมทิโนฺนติ สตฺตสุ ชเนสุ เอโกฯ พุทฺธกาลสฺมิญฺหิ ธมฺมทิโนฺน อุปาสโก, วิสาโข อุปาสโก, อุโคฺค คหปติ, จิโตฺต คหปติ, หตฺถโก อาฬวโก, จูฬอนาถปิณฺฑิโก, มหาอนาถปิณฺฑิโกติ อิเม สตฺต ชนา ปญฺจสตอุปาสกปริวารา อเหสุํฯ เอเตสุ เอส อญฺญตโรฯ
1049. Tatiye dhammadinnoti sattasu janesu eko. Buddhakālasmiñhi dhammadinno upāsako, visākho upāsako, uggo gahapati, citto gahapati, hatthako āḷavako, cūḷaanāthapiṇḍiko, mahāanāthapiṇḍikoti ime satta janā pañcasataupāsakaparivārā ahesuṃ. Etesu esa aññataro.
คมฺภีราติ ธมฺมคมฺภีรา สลฺลสุตฺตาทโยฯ คมฺภีรตฺถาติ อตฺถคมฺภีรา เจตนาสุตฺตนฺตาทโยฯ โลกุตฺตราติ โลกุตฺตรตฺถทีปกา อสงฺขตสํยุตฺตาทโยฯ สุญฺญตปฺปฎิสํยุตฺตาติ สตฺตสุญฺญตาทีปกา ขชฺชนิกสุตฺตนฺตาทโยฯ อุปสมฺปชฺช วิหริสฺสามาติ ปฎิลภิตฺวา วิหริสฺสามฯ เอวญฺหิ โว, ธมฺมทินฺน, สิกฺขิตพฺพนฺติ เอวํ ตุเมฺหหิ จโนฺทปมปฎิปทํ รถวินีตปฎิปทํ โมเนยฺยปฎิปทํ มหาอริยวํสปฎิปทํ ปูเรเนฺตหิ สิกฺขิตพฺพํฯ อิติ สตฺถา อิเมสํ อุปาสกานํ อสยฺหภารํ อาโรเปสิฯ กสฺมา ? เอเต กิร น อตฺตโน ภูมิยํ ฐตฺวา โอวาทํ ยาจิํสุ, อวิเสเสน ปน สพฺพภารํ อุกฺขิปิตุํ สมตฺถา วิย ‘‘โอวทตุ โน, ภเนฺต, ภควา’’ติ ยาจิํสุฯ เตน เตสํ สตฺถา อสยฺหภารํ อาโรเปโนฺต เอวมาหฯ น โข เนตนฺติ น โข เอตํฯ นกาโร ปเนตฺถ พฺยญฺชนสนฺธิมตฺตเมวาติ เวทิตโพฺพฯ ตสฺมาติ ยสฺมา อิทานิ อตฺตโน ภูมิยํ ฐตฺวา โอวาทํ ยาจถ, ตสฺมาฯ
Gambhīrāti dhammagambhīrā sallasuttādayo. Gambhīratthāti atthagambhīrā cetanāsuttantādayo. Lokuttarāti lokuttaratthadīpakā asaṅkhatasaṃyuttādayo. Suññatappaṭisaṃyuttāti sattasuññatādīpakā khajjanikasuttantādayo. Upasampajja viharissāmāti paṭilabhitvā viharissāma. Evañhi vo, dhammadinna, sikkhitabbanti evaṃ tumhehi candopamapaṭipadaṃ rathavinītapaṭipadaṃ moneyyapaṭipadaṃ mahāariyavaṃsapaṭipadaṃ pūrentehi sikkhitabbaṃ. Iti satthā imesaṃ upāsakānaṃ asayhabhāraṃ āropesi. Kasmā ? Ete kira na attano bhūmiyaṃ ṭhatvā ovādaṃ yāciṃsu, avisesena pana sabbabhāraṃ ukkhipituṃ samatthā viya ‘‘ovadatu no, bhante, bhagavā’’ti yāciṃsu. Tena tesaṃ satthā asayhabhāraṃ āropento evamāha. Na kho netanti na kho etaṃ. Nakāro panettha byañjanasandhimattamevāti veditabbo. Tasmāti yasmā idāni attano bhūmiyaṃ ṭhatvā ovādaṃ yācatha, tasmā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. ธมฺมทินฺนสุตฺตํ • 3. Dhammadinnasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓. ธมฺมทินฺนสุตฺตวณฺณนา • 3. Dhammadinnasuttavaṇṇanā
