| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
3. ධම්‌මදින්‌නසුත්‌තවණ්‌ණනා
3. Dhammadinnasuttavaṇṇanā
1049. සත්‌තසු ජනෙසූති සත්‌තසු කිත්‌තියමානෙසු උපාසකජනෙසු. ගම්‌භීරාතිආදීසු ධම්‌මගම්‌භීරාති පාළිගතියා ගම්‌භීරා, තථා ච සල්‌ලසුත්‌තං හෙට්‌ඨා පකාසිතමෙව. ‘‘චෙතනාහං, භික්‌ඛවෙ, කම්‌මං වදාමී’’තිආදිනා (අ. නි. 6.63; කථා. 539) ආගතං චෙතනාසුත්‌තං . තත්‌ථ ‘‘චෙතනාසහජාතං නානාක්‌ඛණික’’න්‌තිආදිනා පට්‌ඨානෙ ආගතනයෙන, සුත්‌තෙසු (අ. නි. 3.101) ච ‘‘දිට්‌ඨධම්‌මවෙදනීය’’න්‌තිආදිනා ආගතනයෙන ගම්‌භීරභාවො වෙදිතබ්‌බො, නිබ්‌බානස්‌ස චෙව අරියමග්‌ගස්‌ස ච පකාසනතො අසඞ්‌ඛතසංයුත්‌තස්‌ස ලොකුත්‌තරත්‌ථදීපකතා. ‘‘අතීතංපාහං රූපෙන ඛජ්‌ජිං, එතරහි ඛජ්‌ජාමී’’තිආදිනා පඤ්‌චන්‌නං ඛන්‌ධානං ඛාදකභාවස්‌ස, පුග්‌ගලස්‌ස ඛාදිතබ්‌බතාය විභාවනෙන ඛජ්‌ජනීයපරියායෙ (සං. නි. 3.79) විසෙසතො නිස්‌සත්‌තනිජ්‌ජීවතා දීපිතාති වුත්‌තං ‘‘සත්‌තසුඤ්‌ඤතාදීපකා ඛජ්‌ජනිකසුත්‌තන්‌තාදයො’’ති. උපසම්‌පජ්‌ජ විහරිස්‌සාමාති යෙ තෙසු සුත්‌තෙසු වුත්‌තපටිපදං සම්‌මදෙව පරිපූරෙන්‌ති, තෙ තෙසු උපසම්‌පජ්‌ජ විහරන්‌ති නාම . එත්‌ථාති ‘‘න ඛො නෙත’’න්‌ති එත්‌ථ න-කාරො ‘‘අඤ්‌ඤමඤ්‌ඤ’’න්‌ති එත්‌ථ ම-කාරො විය බ්‍යඤ්‌ජනසන්‌ධිමත්‌තමෙව, නාස්‌ස කොචි අත්‌ථො.
1049.Sattasu janesūti sattasu kittiyamānesu upāsakajanesu. Gambhīrātiādīsu dhammagambhīrāti pāḷigatiyā gambhīrā, tathā ca sallasuttaṃ heṭṭhā pakāsitameva. ‘‘Cetanāhaṃ, bhikkhave, kammaṃ vadāmī’’tiādinā (a. ni. 6.63; kathā. 539) āgataṃ cetanāsuttaṃ. Tattha ‘‘cetanāsahajātaṃ nānākkhaṇika’’ntiādinā paṭṭhāne āgatanayena, suttesu (a. ni. 3.101) ca ‘‘diṭṭhadhammavedanīya’’ntiādinā āgatanayena gambhīrabhāvo veditabbo, nibbānassa ceva ariyamaggassa ca pakāsanato asaṅkhatasaṃyuttassa lokuttaratthadīpakatā. ‘‘Atītaṃpāhaṃ rūpena khajjiṃ, etarahi khajjāmī’’tiādinā pañcannaṃ khandhānaṃ khādakabhāvassa, puggalassa khāditabbatāya vibhāvanena khajjanīyapariyāye (saṃ. ni. 3.79) visesato nissattanijjīvatā dīpitāti vuttaṃ ‘‘sattasuññatādīpakā khajjanikasuttantādayo’’ti. Upasampajja viharissāmāti ye tesu suttesu vuttapaṭipadaṃ sammadeva paripūrenti, te tesu upasampajja viharanti nāma . Etthāti ‘‘na kho neta’’nti ettha na-kāro ‘‘aññamañña’’nti ettha ma-kāro viya byañjanasandhimattameva, nāssa koci attho.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 3. ධම්‌මදින්‌නසුත්‌තං • 3. Dhammadinnasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. ධම්‌මදින්‌නසුත්‌තවණ්‌ණනා • 3. Dhammadinnasuttavaṇṇanā
