| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਧਮ੍ਮਦਿਨ੍ਨਸੁਤ੍ਤવਣ੍ਣਨਾ
3. Dhammadinnasuttavaṇṇanā
੧੦੪੯. ਤਤਿਯੇ ਧਮ੍ਮਦਿਨ੍ਨੋਤਿ ਸਤ੍ਤਸੁ ਜਨੇਸੁ ਏਕੋ। ਬੁਦ੍ਧਕਾਲਸ੍ਮਿਞ੍ਹਿ ਧਮ੍ਮਦਿਨ੍ਨੋ ਉਪਾਸਕੋ, વਿਸਾਖੋ ਉਪਾਸਕੋ, ਉਗ੍ਗੋ ਗਹਪਤਿ, ਚਿਤ੍ਤੋ ਗਹਪਤਿ, ਹਤ੍ਥਕੋ ਆਲ਼વਕੋ, ਚੂਲ਼ਅਨਾਥਪਿਣ੍ਡਿਕੋ, ਮਹਾਅਨਾਥਪਿਣ੍ਡਿਕੋਤਿ ਇਮੇ ਸਤ੍ਤ ਜਨਾ ਪਞ੍ਚਸਤਉਪਾਸਕਪਰਿવਾਰਾ ਅਹੇਸੁਂ। ਏਤੇਸੁ ਏਸ ਅਞ੍ਞਤਰੋ।
1049. Tatiye dhammadinnoti sattasu janesu eko. Buddhakālasmiñhi dhammadinno upāsako, visākho upāsako, uggo gahapati, citto gahapati, hatthako āḷavako, cūḷaanāthapiṇḍiko, mahāanāthapiṇḍikoti ime satta janā pañcasataupāsakaparivārā ahesuṃ. Etesu esa aññataro.
ਗਮ੍ਭੀਰਾਤਿ ਧਮ੍ਮਗਮ੍ਭੀਰਾ ਸਲ੍ਲਸੁਤ੍ਤਾਦਯੋ। ਗਮ੍ਭੀਰਤ੍ਥਾਤਿ ਅਤ੍ਥਗਮ੍ਭੀਰਾ ਚੇਤਨਾਸੁਤ੍ਤਨ੍ਤਾਦਯੋ। ਲੋਕੁਤ੍ਤਰਾਤਿ ਲੋਕੁਤ੍ਤਰਤ੍ਥਦੀਪਕਾ ਅਸਙ੍ਖਤਸਂਯੁਤ੍ਤਾਦਯੋ। ਸੁਞ੍ਞਤਪ੍ਪਟਿਸਂਯੁਤ੍ਤਾਤਿ ਸਤ੍ਤਸੁਞ੍ਞਤਾਦੀਪਕਾ ਖਜ੍ਜਨਿਕਸੁਤ੍ਤਨ੍ਤਾਦਯੋ। ਉਪਸਮ੍ਪਜ੍ਜ વਿਹਰਿਸ੍ਸਾਮਾਤਿ ਪਟਿਲਭਿਤ੍વਾ વਿਹਰਿਸ੍ਸਾਮ। ਏવਞ੍ਹਿ વੋ, ਧਮ੍ਮਦਿਨ੍ਨ, ਸਿਕ੍ਖਿਤਬ੍ਬਨ੍ਤਿ ਏવਂ ਤੁਮ੍ਹੇਹਿ ਚਨ੍ਦੋਪਮਪਟਿਪਦਂ ਰਥવਿਨੀਤਪਟਿਪਦਂ ਮੋਨੇਯ੍ਯਪਟਿਪਦਂ ਮਹਾਅਰਿਯવਂਸਪਟਿਪਦਂ ਪੂਰੇਨ੍ਤੇਹਿ ਸਿਕ੍ਖਿਤਬ੍ਬਂ। ਇਤਿ ਸਤ੍ਥਾ ਇਮੇਸਂ ਉਪਾਸਕਾਨਂ ਅਸਯ੍ਹਭਾਰਂ ਆਰੋਪੇਸਿ। ਕਸ੍ਮਾ ? ਏਤੇ ਕਿਰ ਨ ਅਤ੍ਤਨੋ ਭੂਮਿਯਂ ਠਤ੍વਾ ਓવਾਦਂ ਯਾਚਿਂਸੁ, ਅવਿਸੇਸੇਨ ਪਨ ਸਬ੍ਬਭਾਰਂ ਉਕ੍ਖਿਪਿਤੁਂ ਸਮਤ੍ਥਾ વਿਯ ‘‘ਓવਦਤੁ ਨੋ, ਭਨ੍ਤੇ, ਭਗવਾ’’ਤਿ ਯਾਚਿਂਸੁ। ਤੇਨ ਤੇਸਂ ਸਤ੍ਥਾ ਅਸਯ੍ਹਭਾਰਂ ਆਰੋਪੇਨ੍ਤੋ ਏવਮਾਹ। ਨ ਖੋ ਨੇਤਨ੍ਤਿ ਨ ਖੋ ਏਤਂ। ਨਕਾਰੋ ਪਨੇਤ੍ਥ ਬ੍ਯਞ੍ਜਨਸਨ੍ਧਿਮਤ੍ਤਮੇવਾਤਿ વੇਦਿਤਬ੍ਬੋ। ਤਸ੍ਮਾਤਿ ਯਸ੍ਮਾ ਇਦਾਨਿ ਅਤ੍ਤਨੋ ਭੂਮਿਯਂ ਠਤ੍વਾ ਓવਾਦਂ ਯਾਚਥ, ਤਸ੍ਮਾ।
Gambhīrāti dhammagambhīrā sallasuttādayo. Gambhīratthāti atthagambhīrā cetanāsuttantādayo. Lokuttarāti lokuttaratthadīpakā asaṅkhatasaṃyuttādayo. Suññatappaṭisaṃyuttāti sattasuññatādīpakā khajjanikasuttantādayo. Upasampajja viharissāmāti paṭilabhitvā viharissāma. Evañhi vo, dhammadinna, sikkhitabbanti evaṃ tumhehi candopamapaṭipadaṃ rathavinītapaṭipadaṃ moneyyapaṭipadaṃ mahāariyavaṃsapaṭipadaṃ pūrentehi sikkhitabbaṃ. Iti satthā imesaṃ upāsakānaṃ asayhabhāraṃ āropesi. Kasmā ? Ete kira na attano bhūmiyaṃ ṭhatvā ovādaṃ yāciṃsu, avisesena pana sabbabhāraṃ ukkhipituṃ samatthā viya ‘‘ovadatu no, bhante, bhagavā’’ti yāciṃsu. Tena tesaṃ satthā asayhabhāraṃ āropento evamāha. Na kho netanti na kho etaṃ. Nakāro panettha byañjanasandhimattamevāti veditabbo. Tasmāti yasmā idāni attano bhūmiyaṃ ṭhatvā ovādaṃ yācatha, tasmā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਧਮ੍ਮਦਿਨ੍ਨਸੁਤ੍ਤਂ • 3. Dhammadinnasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਧਮ੍ਮਦਿਨ੍ਨਸੁਤ੍ਤવਣ੍ਣਨਾ • 3. Dhammadinnasuttavaṇṇanā
