| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
12. д̇хаммад̣̇иннаат̇зрийг̇аат̇ааван̣н̣анаа
12. Dhammadinnātherīgāthāvaṇṇanā
чанд̣̇аж̇аад̇аа авасааяийд̇и д̇хаммад̣̇иннаат̇зрияаа г̇аат̇аа. саа гира бад̣̇умуд̇д̇араб̣уд̣̇д̇хагаалз хам̣савад̇ийнаг̇арз бараад̇хийнавуд̇д̇игаа худ̇ваа ж̇ийванд̇ий нирод̇хад̇о вудтид̇асса аг̇г̇асаавагасса бууж̇аасаггаарабуб̣б̣агам̣ д̣̇аанам̣ д̣̇ад̇ваа д̣̇звалогз ниб̣б̣ад̇д̇аа. д̇ад̇о жавид̇ваа д̣̇звамануссзсу сам̣саранд̇ий пуссасса бхаг̇авад̇о гаалз сад̇т̇у взмаад̇игабхаад̇игаанам̣ гаммигасса г̇зхз васамаанаа д̣̇аанам̣ бадижжа ‘‘згам̣ д̣̇зхий’’д̇и саамигзна вуд̇д̇з д̣̇вз д̣̇знд̇ий, б̣ахум̣ бун̃н̃ам̣ гад̇ваа гассабаб̣уд̣̇д̇хагаалз гигисса гаасигаран̃н̃о г̇зхз бадисанд̇хим̣ г̇ахзд̇ваа сад̇д̇аннам̣ бхаг̇инийнам̣ аб̣бханд̇араа худ̇ваа вийсад̇ивассасахассаани б̣рахмажарияам̣ жарид̇ваа згам̣ б̣уд̣̇д̇ханд̇арам̣ д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з рааж̇аг̇ахз гулаг̇зхз ниб̣б̣ад̇д̇ид̇ваа ваяаббад̇д̇аа висаакасса сздтино г̇зхам̣ г̇ад̇аа.
Chandajātā avasāyīti dhammadinnātheriyā gāthā. Sā kira padumuttarabuddhakāle haṃsavatīnagare parādhīnavuttikā hutvā jīvantī nirodhato vuṭṭhitassa aggasāvakassa pūjāsakkārapubbakaṃ dānaṃ datvā devaloke nibbattā. Tato cavitvā devamanussesu saṃsarantī phussassa bhagavato kāle satthu vemātikabhātikānaṃ kammikassa gehe vasamānā dānaṃ paṭicca ‘‘ekaṃ dehī’’ti sāmikena vutte dve dentī, bahuṃ puññaṃ katvā kassapabuddhakāle kikissa kāsikarañño gehe paṭisandhiṃ gahetvā sattannaṃ bhaginīnaṃ abbhantarā hutvā vīsativassasahassāni brahmacariyaṃ caritvā ekaṃ buddhantaraṃ devamanussesu saṃsarantī imasmiṃ buddhuppāde rājagahe kulagehe nibbattitvā vayappattā visākhassa seṭṭhino gehaṃ gatā.
ат̇згад̣̇ивасам̣ висаако сздти сад̇т̇у санд̇игз д̇хаммам̣ суд̇ваа анааг̇аамий худ̇ваа гхарам̣ г̇анд̇ваа баасаад̣̇ам̣ абхируханд̇о собаанамад̇т̇агз тид̇ааяа д̇хаммад̣̇иннааяа басаарид̇ахад̇т̇ам̣ анааламб̣ид̇ваава баасаад̣̇ам̣ абхирухид̇ваа бхун̃ж̇амааноби д̇ун̣хийбхууд̇ова бхун̃ж̇и. д̇хаммад̣̇иннаа д̇ам̣ убад̇хаарзд̇ваа, ‘‘аяяабуд̇д̇а, гасмаа д̇вам̣ аж̇ж̇а мама хад̇т̇ам̣ нааламб̣и, бхун̃ж̇амааноби на гин̃жи гат̇зси, ад̇т̇и ну ко гожи маяхам̣ д̣̇осо’’д̇и ааха. висаако ‘‘д̇хаммад̣̇иннз, на д̇з д̣̇осо ад̇т̇и, ахам̣ бана аж̇ж̇а бадтааяа ид̇т̇исарийрам̣ пусид̇ум̣ аахаарз жа лолабхаавам̣ гаад̇ум̣ анарахо, д̇аад̣̇исо маяаа д̇хаммо бадивид̣̇д̇хо. д̇вам̣ бана сажз ижчаси, имасмим̣язва г̇зхз васа. но жз ижчаси, яад̇д̇агзна д̇ханзна д̇з ад̇т̇о, д̇ад̇д̇агам̣ г̇ахзд̇ваа гулагхарам̣ г̇ажчаахий’’д̇и ааха. ‘‘наахам̣, аяяабуд̇д̇а, д̇аяаа ванд̇аваманам̣ аажамиссаами, баб̣б̣аж̇ж̇ам̣ мз ануж̇аанаахий’’д̇и. висаако ‘‘саад̇ху, д̇хаммад̣̇иннз’’д̇и д̇ам̣ суван̣н̣асивигааяа бхигкуниубассаяам̣ бзсзси. саа баб̣б̣аж̇ид̇ваа гаммадтаанам̣ г̇ахзд̇ваа гад̇ибаахам̣ д̇ад̇т̇а васид̇ваа вивзгаваасам̣ васид̇угаамаа аажарияубаж̇жхааяаанам̣ санд̇игам̣ г̇анд̇ваа, ‘‘аяяаа, аагин̣н̣адтаанз маяхам̣ жид̇д̇ам̣ на рамад̇и, г̇аамагааваасам̣ г̇ажчаамий’’д̇и ааха. бхигкунияо д̇ам̣ г̇аамагааваасам̣ наяим̣су. саа д̇ад̇т̇а васанд̇ий ад̇ийд̇з мад̣̇д̣̇ид̇асан̇каарад̇ааяа на жирассзва саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.3.95-130) –
Athekadivasaṃ visākho seṭṭhi satthu santike dhammaṃ sutvā anāgāmī hutvā gharaṃ gantvā pāsādaṃ abhiruhanto sopānamatthake ṭhitāya dhammadinnāya pasāritahatthaṃ anālambitvāva pāsādaṃ abhiruhitvā bhuñjamānopi tuṇhībhūtova bhuñji. Dhammadinnā taṃ upadhāretvā, ‘‘ayyaputta, kasmā tvaṃ ajja mama hatthaṃ nālambi, bhuñjamānopi na kiñci kathesi, atthi nu kho koci mayhaṃ doso’’ti āha. Visākho ‘‘dhammadinne, na te doso atthi, ahaṃ pana ajja paṭṭhāya itthisarīraṃ phusituṃ āhāre ca lolabhāvaṃ kātuṃ anaraho, tādiso mayā dhammo paṭividdho. Tvaṃ pana sace icchasi, imasmiṃyeva gehe vasa. No ce icchasi, yattakena dhanena te attho, tattakaṃ gahetvā kulagharaṃ gacchāhī’’ti āha. ‘‘Nāhaṃ, ayyaputta, tayā vantavamanaṃ ācamissāmi, pabbajjaṃ me anujānāhī’’ti. Visākho ‘‘sādhu, dhammadinne’’ti taṃ suvaṇṇasivikāya bhikkhuniupassayaṃ pesesi. Sā pabbajitvā kammaṭṭhānaṃ gahetvā katipāhaṃ tattha vasitvā vivekavāsaṃ vasitukāmā ācariyupajjhāyānaṃ santikaṃ gantvā, ‘‘ayyā, ākiṇṇaṭṭhāne mayhaṃ cittaṃ na ramati, gāmakāvāsaṃ gacchāmī’’ti āha. Bhikkhuniyo taṃ gāmakāvāsaṃ nayiṃsu. Sā tattha vasantī atīte madditasaṅkhāratāya na cirasseva saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.3.95-130) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аахам̣ хам̣савад̇ияам̣, гулз ан̃н̃ад̇арз ахум̣;
‘‘Tadāhaṃ haṃsavatiyaṃ, kule aññatare ahuṃ;
барагаммагаарий аасим̣, нибагаа сийласам̣вуд̇аа.
Parakammakārī āsiṃ, nipakā sīlasaṃvutā.
‘‘бад̣̇умуд̇д̇араб̣уд̣̇д̇хасса, суж̇аад̇о аг̇г̇асааваго;
‘‘Padumuttarabuddhassa, sujāto aggasāvako;
вихаараа абхинигкамма, бин̣д̣абаад̇ааяа г̇ажчад̇и.
Vihārā abhinikkhamma, piṇḍapātāya gacchati.
‘‘гхадам̣ г̇ахзд̇ваа г̇ажчанд̇ий, д̇ад̣̇аа уд̣̇агахааригаа;
‘‘Ghaṭaṃ gahetvā gacchantī, tadā udakahārikā;
д̇ам̣ д̣̇исваа ад̣̇ад̣̇ам̣ буубам̣, басаннаа сзхи баан̣ибхи.
Taṃ disvā adadaṃ pūpaṃ, pasannā sehi pāṇibhi.
‘‘бадиг̇г̇ахзд̇ваа д̇ад̇т̇зва, нисинно барибхун̃ж̇и со;
‘‘Paṭiggahetvā tattheva, nisinno paribhuñji so;
д̇ад̇о нзд̇ваана д̇ам̣ г̇зхам̣, ад̣̇аасим̣ д̇асса бхож̇анам̣.
Tato netvāna taṃ gehaṃ, adāsiṃ tassa bhojanaṃ.
‘‘д̇ад̇о мз аяяаго д̇удто, агарий сун̣исам̣ сагам̣;
‘‘Tato me ayyako tuṭṭho, akarī suṇisaṃ sakaṃ;
сассуяаа саха г̇анд̇ваана, самб̣уд̣̇д̇хам̣ абхиваад̣̇аяим̣.
Sassuyā saha gantvāna, sambuddhaṃ abhivādayiṃ.
‘‘д̇ад̣̇аа со д̇хаммагат̇игам̣, бхигкуним̣ баригид̇д̇аяам̣;
‘‘Tadā so dhammakathikaṃ, bhikkhuniṃ parikittayaṃ;
табзси зд̇ад̣̇аг̇г̇амхи, д̇ам̣ суд̇ваа муд̣̇ид̇аа ахам̣.
Ṭhapesi etadaggamhi, taṃ sutvā muditā ahaṃ.
‘‘ниманд̇аяид̇ваа суг̇ад̇ам̣, сасан̇гхам̣ логанааяагам̣;
‘‘Nimantayitvā sugataṃ, sasaṅghaṃ lokanāyakaṃ;
махаад̣̇аанам̣ д̣̇ад̣̇ид̇ваана, д̇ам̣ таанамабхибад̇т̇аяим̣.
Mahādānaṃ daditvāna, taṃ ṭhānamabhipatthayiṃ.
‘‘д̇ад̇о мам̣ суг̇ад̇о ааха, гхананиннаад̣̇асуссаро;
‘‘Tato maṃ sugato āha, ghananinnādasussaro;
мамубадтаананирад̇з, сасан̇гхабаривзсигз.
Mamupaṭṭhānanirate, sasaṅghaparivesike.
‘‘сад̣̇д̇хаммассаванз яуд̇д̇з, г̇ун̣авад̣̇д̇хид̇амаанасз;
‘‘Saddhammassavane yutte, guṇavaddhitamānase;
бхад̣̇д̣̇з бхавассу муд̣̇ид̇аа, лажчасз бан̣ид̇хийпалам̣.
Bhadde bhavassu muditā, lacchase paṇidhīphalaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
д̇хаммад̣̇иннаад̇и наамзна, хзссад̇и сад̇т̇у саавигаа.
Dhammadinnāti nāmena, hessati satthu sāvikā.
‘‘д̇ам̣ суд̇ваа муд̣̇ид̇аа худ̇ваа, яааваж̇ийвам̣ махаамуним̣;
‘‘Taṃ sutvā muditā hutvā, yāvajīvaṃ mahāmuniṃ;
мзд̇д̇ажид̇д̇аа барижарим̣, бажжаязхи винааяагам̣.
Mettacittā paricariṃ, paccayehi vināyakaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘убадтааго махзсисса, д̇ад̣̇аа ааси нариссаро;
‘‘Upaṭṭhāko mahesissa, tadā āsi narissaro;
гаасирааж̇аа гигий наама, б̣аараан̣асибуруд̇д̇амз.
Kāsirājā kikī nāma, bārāṇasipuruttame.
‘‘чадтаа д̇ассаасахам̣ д̇хийд̇аа, суд̇хаммаа ид̇и виссуд̇аа;
‘‘Chaṭṭhā tassāsahaṃ dhītā, sudhammā iti vissutā;
д̇хаммам̣ суд̇ваа ж̇инаг̇г̇асса, баб̣б̣аж̇ж̇ам̣ самарожаяим̣.
Dhammaṃ sutvā jinaggassa, pabbajjaṃ samarocayiṃ.
‘‘ануж̇аани на но д̇аад̇о, аг̇аарзва д̇ад̣̇аа маяам̣;
‘‘Anujāni na no tāto, agāreva tadā mayaṃ;
вийсавассасахассаани , вижаримха ад̇анд̣̇ид̇аа.
Vīsavassasahassāni , vicarimha atanditā.
‘‘гомаариб̣рахмажарияам̣ , рааж̇аган̃н̃аа сукзд̇хид̇аа;
‘‘Komāribrahmacariyaṃ , rājakaññā sukhedhitā;
б̣уд̣̇д̇хобадтаананирад̇аа, муд̣̇ид̇аа сад̇д̇а д̇хийд̇аро.
Buddhopaṭṭhānaniratā, muditā satta dhītaro.
‘‘саман̣ий саман̣аг̇уд̇д̇аа жа, бхигкуний бхигкуд̣̇ааяигаа;
‘‘Samaṇī samaṇaguttā ca, bhikkhunī bhikkhudāyikā;
д̇хаммаа жзва суд̇хаммаа жа, сад̇д̇амий сан̇гхад̣̇ааяигаа.
Dhammā ceva sudhammā ca, sattamī saṅghadāyikā.
‘‘кзмаа уббалаван̣н̣аа жа, бадаажаараа жа гун̣д̣алаа;
‘‘Khemā uppalavaṇṇā ca, paṭācārā ca kuṇḍalā;
г̇од̇амий жа ахан̃жзва, висаакаа ход̇и сад̇д̇амий.
Gotamī ca ahañceva, visākhā hoti sattamī.
‘‘д̇зхи гаммзхи сугад̇зхи, жзд̇анаабан̣ид̇хийхи жа;
‘‘Tehi kammehi sukatehi, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, г̇ириб̣б̣аж̇абуруд̇д̇амз;
‘‘Pacchime ca bhave dāni, giribbajapuruttame;
ж̇аад̇аа сздтигулз пийд̇з, саб̣б̣агаамасамид̣̇д̇хинз.
Jātā seṭṭhikule phīte, sabbakāmasamiddhine.
‘‘яад̣̇аа руубаг̇ун̣уубзд̇аа, батамз яоб̣б̣анз тид̇аа;
‘‘Yadā rūpaguṇūpetā, paṭhame yobbane ṭhitā;
д̇ад̣̇аа барагулам̣ г̇анд̇ваа, васим̣ сукасамаббид̇аа.
Tadā parakulaṃ gantvā, vasiṃ sukhasamappitā.
‘‘убзд̇ваа логасаран̣ам̣, сун̣ид̇ваа д̇хаммад̣̇зсанам̣;
‘‘Upetvā lokasaraṇaṃ, suṇitvā dhammadesanaṃ;
анааг̇аамипалам̣ бад̇д̇о, саамиго мз суб̣уд̣̇д̇химаа.
Anāgāmiphalaṃ patto, sāmiko me subuddhimā.
‘‘д̇ад̣̇аахам̣ ануж̇аанзд̇ваа, баб̣б̣аж̇им̣ анаг̇аарияам̣;
‘‘Tadāhaṃ anujānetvā, pabbajiṃ anagāriyaṃ;
нажирзнзва гаалзна, арахад̇д̇амабаабун̣им̣.
Nacireneva kālena, arahattamapāpuṇiṃ.
‘‘д̇ад̣̇аа убаасаго со мам̣, убаг̇анд̇ваа абужчат̇а;
‘‘Tadā upāsako so maṃ, upagantvā apucchatha;
г̇амбхийрз нибун̣з бан̃хз, д̇з саб̣б̣з б̣яаагарим̣ ахам̣.
Gambhīre nipuṇe pañhe, te sabbe byākariṃ ahaṃ.
‘‘ж̇ино д̇асмим̣ г̇ун̣з д̇удто, зд̇ад̣̇аг̇г̇з табзси мам̣;
‘‘Jino tasmiṃ guṇe tuṭṭho, etadagge ṭhapesi maṃ;
бхигкуним̣ д̇хаммагат̇игам̣, наан̃н̃ам̣ бассаами зд̣̇исим̣.
Bhikkhuniṃ dhammakathikaṃ, nāññaṃ passāmi edisiṃ.
‘‘д̇хаммад̣̇иннаа яат̇аа д̇хийраа, звам̣ д̇хаарзт̇а бхигкаво;
‘‘Dhammadinnā yathā dhīrā, evaṃ dhāretha bhikkhavo;
зваахам̣ бан̣д̣ид̇аа хоми, нааяагзнаанугамбид̇аа.
Evāhaṃ paṇḍitā homi, nāyakenānukampitā.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇и самуухад̇аа.
Ohito garuko bhāro, bhavanetti samūhatā.
‘‘яассад̇т̇ааяа баб̣б̣аж̇ид̇аа, аг̇аарасмаанаг̇аарияам̣;
‘‘Yassatthāya pabbajitā, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
баражид̇д̇аани ж̇аанаами, сад̇т̇усаасанагааригаа.
Paracittāni jānāmi, satthusāsanakārikā.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
кзбзд̇ваа аасавз саб̣б̣з, висуд̣̇д̇хаасим̣ суниммалаа.
Khepetvā āsave sabbe, visuddhāsiṃ sunimmalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и. (аба. т̇зрий 2.3.95-130);
‘‘Kilesā jhāpitā mayhaṃ…pe… kataṃ buddhassa sāsana’’nti. (apa. therī 2.3.95-130);
арахад̇д̇ам̣ бана бад̇ваа ‘‘маяхам̣ манам̣ мад̇т̇агам̣ бад̇д̇ам̣, ид̣̇аани ид̇ха васид̇ваа гим̣ гариссаами, рааж̇аг̇ахамзва г̇анд̇ваа сад̇т̇ааран̃жа ванд̣̇иссаами, б̣ахуу жа мз н̃аад̇агаа бун̃н̃аани гариссанд̇ий’’д̇и бхигкунийхи сад̣̇д̇хим̣ рааж̇аг̇ахамзва бажжааг̇ад̇аа. висаако д̇ассаа ааг̇ад̇абхаавам̣ суд̇ваа д̇ассаа ад̇хиг̇амам̣ виймам̣санд̇о бан̃жагканд̇хаад̣̇ивасзна бан̃хам̣ бужчи. д̇хаммад̣̇иннаа сунисид̇зна сад̇т̇зна гумуд̣̇анаал̣з чинд̣̇анд̇ий вияа бужчид̇ам̣ бужчид̇ам̣ бан̃хам̣ виссаж̇ж̇зси. висаако саб̣б̣ам̣ бужчаависсаж̇ж̇ананаяам̣ сад̇т̇у аарожзси. сад̇т̇аа ‘‘бан̣д̣ид̇аа, висаака, д̇хаммад̣̇иннаа бхигкуний’’д̇иаад̣̇инаа д̇ам̣ басам̣санд̇о саб̣б̣ан̃н̃уд̇ан̃н̃аан̣зна сад̣̇д̇хим̣ сам̣санд̣̇зд̇ваа б̣яаагад̇абхаавам̣ бавзд̣̇зд̇ваа д̇амзва жуул̣авзд̣̇алласуд̇д̇ам̣ (ма. ни. 1.460) адтуббад̇д̇им̣ гад̇ваа д̇ам̣ д̇хаммагат̇игаанам̣ бхигкунийнам̣ аг̇г̇адтаанз табзси. яад̣̇аа бана саа д̇асмим̣ г̇аамагааваасз васанд̇ий хздтимамаг̇г̇з ад̇хиг̇анд̇ваа аг̇г̇амаг̇г̇ад̇т̇ааяа вибассанам̣ бадтабзси, д̇ад̣̇аа –
Arahattaṃ pana patvā ‘‘mayhaṃ manaṃ matthakaṃ pattaṃ, idāni idha vasitvā kiṃ karissāmi, rājagahameva gantvā satthārañca vandissāmi, bahū ca me ñātakā puññāni karissantī’’ti bhikkhunīhi saddhiṃ rājagahameva paccāgatā. Visākho tassā āgatabhāvaṃ sutvā tassā adhigamaṃ vīmaṃsanto pañcakkhandhādivasena pañhaṃ pucchi. Dhammadinnā sunisitena satthena kumudanāḷe chindantī viya pucchitaṃ pucchitaṃ pañhaṃ vissajjesi. Visākho sabbaṃ pucchāvissajjananayaṃ satthu ārocesi. Satthā ‘‘paṇḍitā, visākha, dhammadinnā bhikkhunī’’tiādinā taṃ pasaṃsanto sabbaññutaññāṇena saddhiṃ saṃsandetvā byākatabhāvaṃ pavedetvā tameva cūḷavedallasuttaṃ (ma. ni. 1.460) aṭṭhuppattiṃ katvā taṃ dhammakathikānaṃ bhikkhunīnaṃ aggaṭṭhāne ṭhapesi. Yadā pana sā tasmiṃ gāmakāvāse vasantī heṭṭhimamagge adhigantvā aggamaggatthāya vipassanaṃ paṭṭhapesi, tadā –
12.
12.
‘‘чанд̣̇аж̇аад̇аа авасааяий, манасаа жа пудаа сияаа;
‘‘Chandajātā avasāyī, manasā ca phuṭā siyā;
гаамзсу аббадиб̣ад̣̇д̇хажид̇д̇аа, уд̣̇д̇хам̣сод̇аад̇и вужжад̇ий’’д̇и. –
Kāmesu appaṭibaddhacittā, uddhaṃsotāti vuccatī’’ti. –
имам̣ г̇аат̇ам̣ абхааси.
Imaṃ gāthaṃ abhāsi.
д̇ад̇т̇а чанд̣̇аж̇аад̇аад̇и аг̇г̇апалад̇т̇ам̣ ж̇аад̇ажчанд̣̇аа. авасааяийд̇и авасааяо вужжад̇и авасаанам̣ нидтаанам̣, д̇амби гаамзсу аббадиб̣ад̣̇д̇хажид̇д̇ад̇ааяа ‘‘уд̣̇д̇хам̣сод̇аа’’д̇и вагкамаанад̇д̇аа саман̣агижжасса нидтаанам̣ взд̣̇ид̇аб̣б̣ам̣, на яасса гассажи, д̇асмаа бад̣̇ад̣̇ваязнааби аббад̇д̇амаанасаа ануд̇д̇арам̣ яог̇агкзмам̣ бад̇т̇аяамаанаад̇и аяамад̇т̇о вуд̇д̇о ход̇и. манасаа жа пудаа сияаад̇и хздтимзхи д̇ийхи маг̇г̇ажид̇д̇зхи ниб̣б̣аанам̣ пудаа пусид̇аа бхавзяяа. гаамзсу аббадиб̣ад̣̇д̇хажид̇д̇аад̇и анааг̇аамимаг̇г̇авасзна гаамзсу на бадиб̣ад̣̇д̇хажид̇д̇аа. уд̣̇д̇хам̣сод̇аад̇и уд̣̇д̇хамзва маг̇г̇асод̇о сам̣саарасод̇о жа зд̇иссаад̇и уд̣̇д̇хам̣сод̇аа. анааг̇аамино хи яат̇аа аг̇г̇амаг̇г̇о уббаж̇ж̇ад̇и, на ан̃н̃о, звам̣ авихаад̣̇ийсу уббаннасса яаава аганидтаа уд̣̇д̇хамзва уббад̇д̇и ход̇ийд̇и.
Tattha chandajātāti aggaphalatthaṃ jātacchandā. Avasāyīti avasāyo vuccati avasānaṃ niṭṭhānaṃ, tampi kāmesu appaṭibaddhacittatāya ‘‘uddhaṃsotā’’ti vakkhamānattā samaṇakiccassa niṭṭhānaṃ veditabbaṃ, na yassa kassaci, tasmā padadvayenāpi appattamānasā anuttaraṃ yogakkhemaṃ patthayamānāti ayamattho vutto hoti. Manasā ca phuṭā siyāti heṭṭhimehi tīhi maggacittehi nibbānaṃ phuṭā phusitā bhaveyya. Kāmesu appaṭibaddhacittāti anāgāmimaggavasena kāmesu na paṭibaddhacittā. Uddhaṃsotāti uddhameva maggasoto saṃsārasoto ca etissāti uddhaṃsotā. Anāgāmino hi yathā aggamaggo uppajjati, na añño, evaṃ avihādīsu uppannassa yāva akaniṭṭhā uddhameva uppatti hotīti.
д̇хаммад̣̇иннаат̇зрийг̇аат̇ааван̣н̣анаа нидтид̇аа.
Dhammadinnātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 12. д̇хаммад̣̇иннаат̇зрийг̇аат̇аа • 12. Dhammadinnātherīgāthā
