Library / Tipiṭaka / திபிடக • Tipiṭaka / விப⁴ங்க³பாளி • Vibhaṅgapāḷi

18. த⁴ம்மஹத³யவிப⁴ங்கோ³

18. Dhammahadayavibhaṅgo

1. ஸப்³ப³ஸங்கா³ஹிகவாரோ

1. Sabbasaṅgāhikavāro

978. கதி க²ந்தா⁴, கதி ஆயதனானி, கதி தா⁴துயோ, கதி ஸச்சானி, கதி இந்த்³ரியானி, கதி ஹேதூ, கதி ஆஹாரா, கதி ப²ஸ்ஸா, கதி வேத³னா, கதி ஸஞ்ஞா, கதி சேதனா, கதி சித்தானி?

978. Kati khandhā, kati āyatanāni, kati dhātuyo, kati saccāni, kati indriyāni, kati hetū, kati āhārā, kati phassā, kati vedanā, kati saññā, kati cetanā, kati cittāni?

பஞ்சக்க²ந்தா⁴, த்³வாத³ஸாயதனானி, அட்டா²ரஸ தா⁴துயோ, சத்தாரி ஸச்சானி, பா³வீஸதிந்த்³ரியானி, நவ ஹேதூ, சத்தாரோ ஆஹாரா, ஸத்த ப²ஸ்ஸா, ஸத்த வேத³னா, ஸத்த ஸஞ்ஞா, ஸத்த சேதனா, ஸத்த சித்தானி.

Pañcakkhandhā, dvādasāyatanāni, aṭṭhārasa dhātuyo, cattāri saccāni, bāvīsatindriyāni, nava hetū, cattāro āhārā, satta phassā, satta vedanā, satta saññā, satta cetanā, satta cittāni.

979. தத்த² கதமே பஞ்சக்க²ந்தா⁴? ரூபக்க²ந்தோ⁴, வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே வுச்சந்தி ‘‘பஞ்சக்க²ந்தா⁴’’.

979. Tattha katame pañcakkhandhā? Rūpakkhandho, vedanākkhandho, saññākkhandho, saṅkhārakkhandho, viññāṇakkhandho – ime vuccanti ‘‘pañcakkhandhā’’.

980. தத்த² கதமானி த்³வாத³ஸாயதனானி? சக்கா²யதனங், ரூபாயதனங், ஸோதாயதனங், ஸத்³தா³யதனங், கா⁴னாயதனங், க³ந்தா⁴யதனங், ஜிவ்ஹாயதனங், ரஸாயதனங், காயாயதனங், பொ²ட்ட²ப்³பா³யதனங், மனாயதனங், த⁴ம்மாயதனங் – இமானி வுச்சந்தி ‘‘த்³வாத³ஸாயதனானி’’.

980. Tattha katamāni dvādasāyatanāni? Cakkhāyatanaṃ, rūpāyatanaṃ, sotāyatanaṃ, saddāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ – imāni vuccanti ‘‘dvādasāyatanāni’’.

981. தத்த² கதமா அட்டா²ரஸ தா⁴துயோ? சக்கு²தா⁴து, ரூபதா⁴து, சக்கு²விஞ்ஞாணதா⁴து, ஸோததா⁴து, ஸத்³த³தா⁴து, ஸோதவிஞ்ஞாணதா⁴து, கா⁴னதா⁴து , க³ந்த⁴தா⁴து, கா⁴னவிஞ்ஞாணதா⁴து, ஜிவ்ஹாதா⁴து, ரஸதா⁴து, ஜிவ்ஹாவிஞ்ஞாணதா⁴து, காயதா⁴து, பொ²ட்ட²ப்³ப³தா⁴து, காயவிஞ்ஞாணதா⁴து, மனோதா⁴து, த⁴ம்மதா⁴து, மனோவிஞ்ஞாணதா⁴து – இமா வுச்சந்தி ‘‘அட்டா²ரஸ தா⁴துயோ’’.

981. Tattha katamā aṭṭhārasa dhātuyo? Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu , gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu, manoviññāṇadhātu – imā vuccanti ‘‘aṭṭhārasa dhātuyo’’.

982. தத்த² கதமானி சத்தாரி ஸச்சானி? து³க்க²ஸச்சங், ஸமுத³யஸச்சங், நிரோத⁴ஸச்சங், மக்³க³ஸச்சங் – இமானி வுச்சந்தி ‘‘சத்தாரி ஸச்சானி’’.

982. Tattha katamāni cattāri saccāni? Dukkhasaccaṃ, samudayasaccaṃ, nirodhasaccaṃ, maggasaccaṃ – imāni vuccanti ‘‘cattāri saccāni’’.

983. தத்த² கதமானி பா³வீஸதிந்த்³ரியானி? சக்கு²ந்த்³ரியங், ஸோதிந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங், மனிந்த்³ரியங், இத்தி²ந்த்³ரியங், புரிஸிந்த்³ரியங், ஜீவிதிந்த்³ரியங், ஸுகி²ந்த்³ரியங், து³க்கி²ந்த்³ரியங், ஸோமனஸ்ஸிந்த்³ரியங், தோ³மனஸ்ஸிந்த்³ரியங், உபெக்கி²ந்த்³ரியங் , ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங், அனஞ்ஞாதஞ்ஞஸ்ஸாமீதிந்த்³ரியங், அஞ்ஞிந்த்³ரியங், அஞ்ஞாதாவிந்த்³ரியங் – இமானி வுச்சந்தி ‘‘பா³வீஸதிந்த்³ரியானி’’.

983. Tattha katamāni bāvīsatindriyāni? Cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ, purisindriyaṃ, jīvitindriyaṃ, sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ , saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, anaññātaññassāmītindriyaṃ, aññindriyaṃ, aññātāvindriyaṃ – imāni vuccanti ‘‘bāvīsatindriyāni’’.

984. தத்த² கதமே நவ ஹேதூ? தயோ குஸலஹேதூ, தயோ அகுஸலஹேதூ, தயோ அப்³யாகதஹேதூ.

984. Tattha katame nava hetū? Tayo kusalahetū, tayo akusalahetū, tayo abyākatahetū.

தத்த² கதமே தயோ குஸலஹேதூ? அலோபோ⁴ குஸலஹேது, அதோ³ஸோ குஸலஹேது, அமோஹோ குஸலஹேது – இமே தயோ குஸலஹேதூ.

Tattha katame tayo kusalahetū? Alobho kusalahetu, adoso kusalahetu, amoho kusalahetu – ime tayo kusalahetū.

தத்த² கதமே தயோ அகுஸலஹேதூ? லோபோ⁴ அகுஸலஹேது, தோ³ஸோ அகுஸலஹேது, மோஹோ அகுஸலஹேது – இமே தயோ அகுஸலஹேதூ.

Tattha katame tayo akusalahetū? Lobho akusalahetu, doso akusalahetu, moho akusalahetu – ime tayo akusalahetū.

தத்த² கதமே தயோ அப்³யாகதஹேதூ? குஸலானங் வா த⁴ம்மானங் விபாகதோ கிரியாப்³யாகதேஸு வா த⁴ம்மேஸு அலோபோ⁴, அதோ³ஸோ, அமோஹோ – இமே தயோ அப்³யாகதஹேதூ. இமே வுச்சந்தி ‘‘நவ ஹேதூ’’.

Tattha katame tayo abyākatahetū? Kusalānaṃ vā dhammānaṃ vipākato kiriyābyākatesu vā dhammesu alobho, adoso, amoho – ime tayo abyākatahetū. Ime vuccanti ‘‘nava hetū’’.

985. தத்த² கதமே சத்தாரோ ஆஹாரா? கப³ளீகாராஹாரோ ¹, ப²ஸ்ஸாஹாரோ, மனோஸஞ்சேதனாஹாரோ , விஞ்ஞாணாஹாரோ – இமே வுச்சந்தி ‘‘சத்தாரோ ஆஹாரா’’.

985. Tattha katame cattāro āhārā? Kabaḷīkārāhāro ², phassāhāro, manosañcetanāhāro , viññāṇāhāro – ime vuccanti ‘‘cattāro āhārā’’.

986. தத்த² கதமே ஸத்த ப²ஸ்ஸா? சக்கு²ஸம்ப²ஸ்ஸோ, ஸோதஸம்ப²ஸ்ஸோ, கா⁴னஸம்ப²ஸ்ஸோ, ஜிவ்ஹாஸம்ப²ஸ்ஸோ, காயஸம்ப²ஸ்ஸோ, மனோதா⁴துஸம்ப²ஸ்ஸோ, மனோவிஞ்ஞாணதா⁴துஸம்ப²ஸ்ஸோ – இமே வுச்சந்தி ‘‘ஸத்த ப²ஸ்ஸா’’.

986. Tattha katame satta phassā? Cakkhusamphasso, sotasamphasso, ghānasamphasso, jivhāsamphasso, kāyasamphasso, manodhātusamphasso, manoviññāṇadhātusamphasso – ime vuccanti ‘‘satta phassā’’.

987. தத்த² கதமா ஸத்த வேத³னா? சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா வேத³னா, மனோதா⁴துஸம்ப²ஸ்ஸஜா வேத³னா, மனோவிஞ்ஞாணதா⁴துஸம்ப²ஸ்ஸஜா வேத³னா – இமா வுச்சந்தி ‘‘ஸத்த வேத³னா’’.

987. Tattha katamā satta vedanā? Cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā – imā vuccanti ‘‘satta vedanā’’.

988. தத்த² கதமா ஸத்த ஸஞ்ஞா? சக்கு²ஸம்ப²ஸ்ஸஜா ஸஞ்ஞா, ஸோதஸம்ப²ஸ்ஸஜா ஸஞ்ஞா, கா⁴னஸம்ப²ஸ்ஸஜா ஸஞ்ஞா, ஜிவ்ஹாஸம்ப²ஸ்ஸஜா ஸஞ்ஞா, காயஸம்ப²ஸ்ஸஜா ஸஞ்ஞா, மனோதா⁴துஸம்ப²ஸ்ஸஜா ஸஞ்ஞா, மனோவிஞ்ஞாணதா⁴துஸம்ப²ஸ்ஸஜா ஸஞ்ஞா – இமா வுச்சந்தி ‘‘ஸத்த ஸஞ்ஞா’’.

988. Tattha katamā satta saññā? Cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā – imā vuccanti ‘‘satta saññā’’.

989. தத்த² கதமா ஸத்த சேதனா? சக்கு²ஸம்ப²ஸ்ஸஜா சேதனா, ஸோதஸம்ப²ஸ்ஸஜா சேதனா, கா⁴னஸம்ப²ஸ்ஸஜா சேதனா, ஜிவ்ஹாஸம்ப²ஸ்ஸஜா சேதனா, காயஸம்ப²ஸ்ஸஜா சேதனா, மனோதா⁴துஸம்ப²ஸ்ஸஜா சேதனா, மனோவிஞ்ஞாணதா⁴துஸம்ப²ஸ்ஸஜா சேதனா – இமா வுச்சந்தி ‘‘ஸத்த சேதனா’’.

989. Tattha katamā satta cetanā? Cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā – imā vuccanti ‘‘satta cetanā’’.

990. தத்த² கதமானி ஸத்த சித்தானி? சக்கு²விஞ்ஞாணங், ஸோதவிஞ்ஞாணங், கா⁴னவிஞ்ஞாணங், ஜிவ்ஹாவிஞ்ஞாணங் , காயவிஞ்ஞாணங், மனோதா⁴து, மனோவிஞ்ஞாணதா⁴து – இமானி வுச்சந்தி ‘‘ஸத்த சித்தானி’’.

990. Tattha katamāni satta cittāni? Cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ , kāyaviññāṇaṃ, manodhātu, manoviññāṇadhātu – imāni vuccanti ‘‘satta cittāni’’.

2. உப்பத்தானுப்பத்திவாரோ

2. Uppattānuppattivāro

1. காமதா⁴து

1. Kāmadhātu

991. காமதா⁴துயா கதி க²ந்தா⁴, கதி ஆயதனானி, கதி தா⁴துயோ, கதி ஸச்சானி, கதி இந்த்³ரியானி, கதி ஹேதூ, கதி ஆஹாரா, கதி ப²ஸ்ஸா, கதி வேத³னா, கதி ஸஞ்ஞா, கதி சேதனா, கதி சித்தானி?

991. Kāmadhātuyā kati khandhā, kati āyatanāni, kati dhātuyo, kati saccāni, kati indriyāni, kati hetū, kati āhārā, kati phassā, kati vedanā, kati saññā, kati cetanā, kati cittāni?

காமதா⁴துயா பஞ்சக்க²ந்தா⁴, த்³வாத³ஸாயதனானி, அட்டா²ரஸ தா⁴துயோ, தீணி ஸச்சானி, பா³வீஸதிந்த்³ரியானி, நவ ஹேதூ, சத்தாரோ ஆஹாரா, ஸத்த ப²ஸ்ஸா, ஸத்த வேத³னா, ஸத்த ஸஞ்ஞா, ஸத்த சேதனா, ஸத்த சித்தானி.

Kāmadhātuyā pañcakkhandhā, dvādasāyatanāni, aṭṭhārasa dhātuyo, tīṇi saccāni, bāvīsatindriyāni, nava hetū, cattāro āhārā, satta phassā, satta vedanā, satta saññā, satta cetanā, satta cittāni.

992. தத்த² கதமே காமதா⁴துயா பஞ்சக்க²ந்தா⁴? ரூபக்க²ந்தோ⁴, வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே வுச்சந்தி ‘‘காமதா⁴துயா பஞ்சக்க²ந்தா⁴’’.

992. Tattha katame kāmadhātuyā pañcakkhandhā? Rūpakkhandho, vedanākkhandho, saññākkhandho, saṅkhārakkhandho, viññāṇakkhandho – ime vuccanti ‘‘kāmadhātuyā pañcakkhandhā’’.

தத்த² கதமானி காமதா⁴துயா த்³வாத³ஸாயதனானி? சக்கா²யதனங், ரூபாயதனங் , ஸோதாயதனங், ஸத்³தா³யதனங், கா⁴னாயதனங், க³ந்தா⁴யதனங், ஜிவ்ஹாயதனங், ரஸாயதனங், காயாயதனங், பொ²ட்ட²ப்³பா³யதனங், மனாயதனங், த⁴ம்மாயதனங் – இமானி வுச்சந்தி ‘‘காமதா⁴துயா த்³வாத³ஸாயதனானி’’.

Tattha katamāni kāmadhātuyā dvādasāyatanāni? Cakkhāyatanaṃ, rūpāyatanaṃ , sotāyatanaṃ, saddāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ – imāni vuccanti ‘‘kāmadhātuyā dvādasāyatanāni’’.

தத்த² கதமா காமதா⁴துயா அட்டா²ரஸ தா⁴துயோ? சக்கு²தா⁴து, ரூபதா⁴து, சக்கு²விஞ்ஞாணதா⁴து, ஸோததா⁴து, ஸத்³த³தா⁴து, ஸோதவிஞ்ஞாணதா⁴து, கா⁴னதா⁴து, க³ந்த⁴தா⁴து, கா⁴னவிஞ்ஞாணதா⁴து, ஜிவ்ஹாதா⁴து, ரஸதா⁴து, ஜிவ்ஹாவிஞ்ஞாணதா⁴து, காயதா⁴து, பொ²ட்ட²ப்³ப³தா⁴து, காயவிஞ்ஞாணதா⁴து, மனோதா⁴து, த⁴ம்மதா⁴து , மனோவிஞ்ஞாணதா⁴து – இமா வுச்சந்தி ‘‘காமதா⁴துயா அட்டா²ரஸ தா⁴துயோ’’.

Tattha katamā kāmadhātuyā aṭṭhārasa dhātuyo? Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu, gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu , manoviññāṇadhātu – imā vuccanti ‘‘kāmadhātuyā aṭṭhārasa dhātuyo’’.

தத்த² கதமானி காமதா⁴துயா தீணி ஸச்சானி? து³க்க²ஸச்சங், ஸமுத³யஸச்சங், மக்³க³ஸச்சங் – இமானி வுச்சந்தி ‘‘காமதா⁴துயா தீணி ஸச்சானி’’.

Tattha katamāni kāmadhātuyā tīṇi saccāni? Dukkhasaccaṃ, samudayasaccaṃ, maggasaccaṃ – imāni vuccanti ‘‘kāmadhātuyā tīṇi saccāni’’.

தத்த² கதமானி காமதா⁴துயா பா³வீஸதிந்த்³ரியானி? சக்கு²ந்த்³ரியங், ஸோதிந்த்³ரியங்…பே॰… அஞ்ஞாதாவிந்த்³ரியங் – இமானி வுச்சந்தி ‘‘காமதா⁴துயா பா³வீஸதிந்த்³ரியானி’’.

Tattha katamāni kāmadhātuyā bāvīsatindriyāni? Cakkhundriyaṃ, sotindriyaṃ…pe… aññātāvindriyaṃ – imāni vuccanti ‘‘kāmadhātuyā bāvīsatindriyāni’’.

தத்த² கதமே காமதா⁴துயா நவ ஹேதூ? தயோ குஸலஹேதூ, தயோ அகுஸலஹேதூ, தயோ அப்³யாகதஹேதூ…பே॰… இமே வுச்சந்தி ‘‘காமதா⁴துயா நவ ஹேதூ’’.

Tattha katame kāmadhātuyā nava hetū? Tayo kusalahetū, tayo akusalahetū, tayo abyākatahetū…pe… ime vuccanti ‘‘kāmadhātuyā nava hetū’’.

தத்த² கதமே காமதா⁴துயா சத்தாரோ ஆஹாரா? கப³ளீகாராஹாரோ, ப²ஸ்ஸாஹாரோ, மனோஸஞ்சேதனாஹாரோ, விஞ்ஞாணாஹாரோ – இமே வுச்சந்தி ‘‘காமதா⁴துயா சத்தாரோ ஆஹாரா’’.

Tattha katame kāmadhātuyā cattāro āhārā? Kabaḷīkārāhāro, phassāhāro, manosañcetanāhāro, viññāṇāhāro – ime vuccanti ‘‘kāmadhātuyā cattāro āhārā’’.

தத்த² கதமே காமதா⁴துயா ஸத்த ப²ஸ்ஸா? சக்கு²ஸம்ப²ஸ்ஸோ ஸோதஸம்ப²ஸ்ஸோ, கா⁴னஸம்ப²ஸ்ஸோ, ஜிவ்ஹாஸம்ப²ஸ்ஸோ, காயஸம்ப²ஸ்ஸோ, மனோதா⁴துஸம்ப²ஸ்ஸோ, மனோவிஞ்ஞாணதா⁴துஸம்ப²ஸ்ஸோ – இமே வுச்சந்தி ‘‘காமதா⁴துயா ஸத்த ப²ஸ்ஸா’’.

Tattha katame kāmadhātuyā satta phassā? Cakkhusamphasso sotasamphasso, ghānasamphasso, jivhāsamphasso, kāyasamphasso, manodhātusamphasso, manoviññāṇadhātusamphasso – ime vuccanti ‘‘kāmadhātuyā satta phassā’’.

தத்த² கதமா காமதா⁴துயா ஸத்த வேத³னா? சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா வேத³னா, மனோதா⁴துஸம்ப²ஸ்ஸஜா வேத³னா, மனோவிஞ்ஞாணதா⁴துஸம்ப²ஸ்ஸஜா வேத³னா – இமா வுச்சத்தி ‘‘காமதா⁴துயா ஸத்த வேத³னா’’.

Tattha katamā kāmadhātuyā satta vedanā? Cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā – imā vuccatti ‘‘kāmadhātuyā satta vedanā’’.

தத்த² கதமா காமதா⁴துயா ஸத்த ஸஞ்ஞா? சக்கு²ஸம்ப²ஸ்ஸஜா ஸஞ்ஞா, ஸோதஸம்ப²ஸ்ஸஜா ஸஞ்ஞா, கா⁴னஸம்ப²ஸ்ஸஜா ஸஞ்ஞா, ஜிவ்ஹாஸம்ப²ஸ்ஸஜா ஸஞ்ஞா, காயஸம்ப²ஸ்ஸஜா ஸஞ்ஞா, மனோதா⁴துஸம்ப²ஸ்ஸஜா ஸஞ்ஞா, மனோவிஞ்ஞாணதா⁴துஸம்ப²ஸ்ஸஜா ஸஞ்ஞா – இமா வுச்சந்தி ‘‘காமதா⁴துயா ஸத்த ஸஞ்ஞா’’.

Tattha katamā kāmadhātuyā satta saññā? Cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā – imā vuccanti ‘‘kāmadhātuyā satta saññā’’.

தத்த² கதமா காமதா⁴துயா ஸத்த சேதனா? சக்கு²ஸம்ப²ஸ்ஸஜா சேதனா, ஸோதஸம்ப²ஸ்ஸஜா சேதனா, கா⁴னஸம்ப²ஸ்ஸஜா சேதனா, ஜிவ்ஹாஸம்ப²ஸ்ஸஜா சேதனா, காயஸம்ப²ஸ்ஸஜா சேதனா, மனோதா⁴துஸம்ப²ஸ்ஸஜா சேதனா, மனோவிஞ்ஞாணதா⁴துஸம்ப²ஸ்ஸஜா சேதனா – இமா வுச்சந்தி ‘‘காமதா⁴துயா ஸத்த சேதனா’’.

Tattha katamā kāmadhātuyā satta cetanā? Cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā – imā vuccanti ‘‘kāmadhātuyā satta cetanā’’.

தத்த² கதமானி காமதா⁴துயா ஸத்த சித்தானி? சக்கு²விஞ்ஞாணங், ஸோதவிஞ்ஞாணங், கா⁴னவிஞ்ஞாணங், ஜிவ்ஹாவிஞ்ஞாணங், காயவிஞ்ஞாணங், மனோதா⁴து, மனோவிஞ்ஞாணதா⁴து – இமானி வுச்சந்தி ‘‘காமதா⁴துயா ஸத்த சித்தானி’’.

Tattha katamāni kāmadhātuyā satta cittāni? Cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu – imāni vuccanti ‘‘kāmadhātuyā satta cittāni’’.

2. ரூபதா⁴து

2. Rūpadhātu

993. ரூபதா⁴துயா கதி க²ந்தா⁴, கதி ஆயதனா, கதி தா⁴துயோ, கதி ஸச்சானி, கதி இந்த்³ரியானி…பே॰… கதி சித்தானி?

993. Rūpadhātuyā kati khandhā, kati āyatanā, kati dhātuyo, kati saccāni, kati indriyāni…pe… kati cittāni?

ரூபதா⁴துயா பஞ்சக்க²ந்தா⁴, ச² ஆயதனானி, நவ தா⁴துயோ, தீணி ஸச்சானி , சுத்³த³ஸிந்த்³ரியானி, அட்ட² ஹேதூ, தயோ ஆஹாரா, சத்தாரோ ப²ஸ்ஸா, சதஸ்ஸோ வேத³னா, சதஸ்ஸோ ஸஞ்ஞா, சதஸ்ஸோ சேதனா, சத்தாரி சித்தானி.

Rūpadhātuyā pañcakkhandhā, cha āyatanāni, nava dhātuyo, tīṇi saccāni , cuddasindriyāni, aṭṭha hetū, tayo āhārā, cattāro phassā, catasso vedanā, catasso saññā, catasso cetanā, cattāri cittāni.

994. தத்த² கதமே ரூபதா⁴துயா பஞ்சக்க²ந்தா⁴? ரூபக்க²ந்தோ⁴, வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே வுச்சந்தி ‘‘ரூபதா⁴துயா பஞ்சக்க²ந்தா⁴’’.

994. Tattha katame rūpadhātuyā pañcakkhandhā? Rūpakkhandho, vedanākkhandho, saññākkhandho, saṅkhārakkhandho, viññāṇakkhandho – ime vuccanti ‘‘rūpadhātuyā pañcakkhandhā’’.

தத்த² கதமானி ரூபதா⁴துயா ச² ஆயதனானி? சக்கா²யதனங், ரூபாயதனங், ஸோதாயதனங், ஸத்³தா³யதனங், மனாயதனங், த⁴ம்மாயதனங் – இமானி வுச்சந்தி ‘‘ரூபதா⁴துயா ச² ஆயதனானி’’.

Tattha katamāni rūpadhātuyā cha āyatanāni? Cakkhāyatanaṃ, rūpāyatanaṃ, sotāyatanaṃ, saddāyatanaṃ, manāyatanaṃ, dhammāyatanaṃ – imāni vuccanti ‘‘rūpadhātuyā cha āyatanāni’’.

தத்த² கதமா ரூபதா⁴துயா நவ தா⁴துயோ? சக்கு²தா⁴து, ரூபதா⁴து, சக்கு²விஞ்ஞாணதா⁴து, ஸோததா⁴து, ஸத்³த³தா⁴து, ஸோதவிஞ்ஞாணதா⁴து, மனோதா⁴து, த⁴ம்மதா⁴து, மனோவிஞ்ஞாணதா⁴து – இமா வுச்சந்தி ‘‘ரூபதா⁴துயா நவ தா⁴துயோ’’.

Tattha katamā rūpadhātuyā nava dhātuyo? Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, manodhātu, dhammadhātu, manoviññāṇadhātu – imā vuccanti ‘‘rūpadhātuyā nava dhātuyo’’.

தத்த² கதமானி ரூபதா⁴துயா தீணி ஸச்சானி? து³க்க²ஸச்சங், ஸமுத³யஸச்சங், மக்³க³ஸச்சங் – இமானி வுச்சந்தி ‘‘ரூபதா⁴துயா தீணி ஸச்சானி’’.

Tattha katamāni rūpadhātuyā tīṇi saccāni? Dukkhasaccaṃ, samudayasaccaṃ, maggasaccaṃ – imāni vuccanti ‘‘rūpadhātuyā tīṇi saccāni’’.

தத்த² கதமானி ரூபதா⁴துயா சுத்³த³ஸிந்த்³ரியானி? சக்கு²ந்த்³ரியங், ஸோதிந்த்³ரியங், மனிந்த்³ரியங், ஜீவிதிந்த்³ரியங், ஸோமனஸ்ஸிந்த்³ரியங் , உபெக்கி²ந்த்³ரியங், ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங், அனஞ்ஞாதஞ்ஞஸ்ஸாமீதிந்த்³ரியங், அஞ்ஞிந்த்³ரியங், அஞ்ஞாதாவிந்த்³ரியங் – இமானி வுச்சந்தி ‘‘ரூபதா⁴துயா சுத்³த³ஸிந்த்³ரியானி’’.

Tattha katamāni rūpadhātuyā cuddasindriyāni? Cakkhundriyaṃ, sotindriyaṃ, manindriyaṃ, jīvitindriyaṃ, somanassindriyaṃ , upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, anaññātaññassāmītindriyaṃ, aññindriyaṃ, aññātāvindriyaṃ – imāni vuccanti ‘‘rūpadhātuyā cuddasindriyāni’’.

தத்த² கதமே ரூபதா⁴துயா அட்ட² ஹேதூ? தயோ குஸலஹேதூ, த்³வே அகுஸலஹேதூ, தயோ அப்³யாகதஹேதூ.

Tattha katame rūpadhātuyā aṭṭha hetū? Tayo kusalahetū, dve akusalahetū, tayo abyākatahetū.

Tattha katame tayo kusalahetū? Alobho kusalahetu, adoso kusalahetu, amoho kusalahetu – ime tayo kusalahetū.

தத்த² கதமே த்³வே அகுஸலஹேதூ? லோபோ⁴ அகுஸலஹேது, மோஹோ அகுஸலஹேது – இமே த்³வே அகுஸலஹேதூ.

Tattha katame dve akusalahetū? Lobho akusalahetu, moho akusalahetu – ime dve akusalahetū.

தத்த² கதமே தயோ அப்³யாகதஹேதூ? குஸலானங் வா த⁴ம்மானங் விபாகதோ கிரியாப்³யாகதேஸு வா த⁴ம்மேஸு அலோபோ⁴, அதோ³ஸோ, அமோஹோ – இமே தயோ அப்³யாகதஹேதூ. இமே வுச்சந்தி ரூபதா⁴துயா அட்ட² ஹேதூ.

Tattha katame tayo abyākatahetū? Kusalānaṃ vā dhammānaṃ vipākato kiriyābyākatesu vā dhammesu alobho, adoso, amoho – ime tayo abyākatahetū. Ime vuccanti rūpadhātuyā aṭṭha hetū.

தத்த² கதமே ரூபதா⁴துயா தயோ ஆஹாரா? ப²ஸ்ஸாஹாரோ, மனோஸஞ்சேதனாஹாரோ, விஞ்ஞாணாஹாரோ – இமே வுச்சந்தி ‘‘ரூபதா⁴துயா தயோ ஆஹாரா’’.

Tattha katame rūpadhātuyā tayo āhārā? Phassāhāro, manosañcetanāhāro, viññāṇāhāro – ime vuccanti ‘‘rūpadhātuyā tayo āhārā’’.

தத்த² கதமே ரூபதா⁴துயா சத்தாரோ ப²ஸ்ஸா? சக்கு²ஸம்ப²ஸ்ஸோ, ஸோதஸம்ப²ஸ்ஸோ, மனோதா⁴துஸம்ப²ஸ்ஸோ, மனோவிஞ்ஞாணதா⁴துஸம்ப²ஸ்ஸோ – இமே வுச்சந்தி ‘‘ரூபதா⁴துயா சத்தாரோ ப²ஸ்ஸா’’.

Tattha katame rūpadhātuyā cattāro phassā? Cakkhusamphasso, sotasamphasso, manodhātusamphasso, manoviññāṇadhātusamphasso – ime vuccanti ‘‘rūpadhātuyā cattāro phassā’’.

தத்த² கதமா ரூபதா⁴துயா சதஸ்ஸோ வேத³னா…பே॰… சதஸ்ஸோ ஸஞ்ஞா…பே॰… சதஸ்ஸோ சேதனா…பே॰… சத்தாரி சித்தானி? சக்கு²விஞ்ஞாணங், ஸோதவிஞ்ஞாணங், மனோதா⁴து, மனோவிஞ்ஞாணதா⁴து – இமானி வுச்சந்தி ‘‘ரூபதா⁴துயா சத்தாரி சித்தானி’’.

Tattha katamā rūpadhātuyā catasso vedanā…pe… catasso saññā…pe… catasso cetanā…pe… cattāri cittāni? Cakkhuviññāṇaṃ, sotaviññāṇaṃ, manodhātu, manoviññāṇadhātu – imāni vuccanti ‘‘rūpadhātuyā cattāri cittāni’’.

3. அரூபதா⁴து

3. Arūpadhātu

995. அரூபதா⁴துயா கதி க²ந்தா⁴…பே॰… கதி சித்தானி?

995. Arūpadhātuyā kati khandhā…pe… kati cittāni?

அரூபதா⁴துயா சத்தாரோ க²ந்தா⁴, த்³வே ஆயதனானி, த்³வே தா⁴துயோ, தீணி ஸச்சானி, ஏகாத³ஸிந்த்³ரியானி , அட்ட² ஹேதூ, தயோ ஆஹாரா, ஏகோ ப²ஸ்ஸோ, ஏகா வேத³னா, ஏகா ஸஞ்ஞா, ஏகா சேதனா, ஏகங் சித்தங்.

Arūpadhātuyā cattāro khandhā, dve āyatanāni, dve dhātuyo, tīṇi saccāni, ekādasindriyāni , aṭṭha hetū, tayo āhārā, eko phasso, ekā vedanā, ekā saññā, ekā cetanā, ekaṃ cittaṃ.

996. தத்த² கதமே அரூபதா⁴துயா சத்தாரோ க²ந்தா⁴? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே வுச்சந்தி ‘‘அரூபதா⁴துயா சத்தாரோ க²ந்தா⁴’’.

996. Tattha katame arūpadhātuyā cattāro khandhā? Vedanākkhandho, saññākkhandho, saṅkhārakkhandho, viññāṇakkhandho – ime vuccanti ‘‘arūpadhātuyā cattāro khandhā’’.

தத்த² கதமானி அரூபதா⁴துயா த்³வே ஆயதனானி? மனாயதனங், த⁴ம்மாயதனங் – இமானி வுச்சந்தி ‘‘அரூபதா⁴துயா த்³வே ஆயதனானி’’.

Tattha katamāni arūpadhātuyā dve āyatanāni? Manāyatanaṃ, dhammāyatanaṃ – imāni vuccanti ‘‘arūpadhātuyā dve āyatanāni’’.

தத்த² கதமா அரூபதா⁴துயா த்³வே தா⁴துயோ? மனோவிஞ்ஞாணதா⁴து , த⁴ம்மதா⁴து – இமா வுச்சந்தி ‘‘அரூபதா⁴துயா த்³வே தா⁴துயோ’’.

Tattha katamā arūpadhātuyā dve dhātuyo? Manoviññāṇadhātu , dhammadhātu – imā vuccanti ‘‘arūpadhātuyā dve dhātuyo’’.

தத்த² கதமானி அரூபதா⁴துயா தீணி ஸச்சானி? து³க்க²ஸச்சங், ஸமுத³யஸச்சங், மக்³க³ஸச்சங் – இமானி வுச்சந்தி ‘‘அரூபதா⁴துயா தீணி ஸச்சானி’’.

Tattha katamāni arūpadhātuyā tīṇi saccāni? Dukkhasaccaṃ, samudayasaccaṃ, maggasaccaṃ – imāni vuccanti ‘‘arūpadhātuyā tīṇi saccāni’’.

தத்த² கதமானி அரூபதா⁴துயா ஏகாத³ஸிந்த்³ரியானி? மனிந்த்³ரியங், ஜீவிதிந்த்³ரியங், ஸோமனஸ்ஸிந்த்³ரியங், உபெக்கி²ந்த்³ரியங், ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங், அஞ்ஞிந்த்³ரியங், அஞ்ஞாதாவிந்த்³ரியங் – இமானி வுச்சந்தி ‘‘அரூபதா⁴துயா ஏகாத³ஸிந்த்³ரியானி’’.

Tattha katamāni arūpadhātuyā ekādasindriyāni? Manindriyaṃ, jīvitindriyaṃ, somanassindriyaṃ, upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, aññindriyaṃ, aññātāvindriyaṃ – imāni vuccanti ‘‘arūpadhātuyā ekādasindriyāni’’.

தத்த² கதமே அரூபதா⁴துயா அட்ட² ஹேதூ? தயோ குஸலஹேதூ, த்³வே அகுஸலஹேதூ, தயோ அப்³யாகதஹேதூ…பே॰… இமே வுச்சந்தி ‘‘அரூபதா⁴துயா அட்ட² ஹேதூ’’.

Tattha katame arūpadhātuyā aṭṭha hetū? Tayo kusalahetū, dve akusalahetū, tayo abyākatahetū…pe… ime vuccanti ‘‘arūpadhātuyā aṭṭha hetū’’.

தத்த² கதமே அரூபதா⁴துயா தயோ ஆஹாரா? ப²ஸ்ஸாஹாரோ, மனோஸஞ்சேதனாஹாரோ, விஞ்ஞாணாஹாரோ – இமே வுச்சந்தி ‘‘அரூபதா⁴துயா தயோ ஆஹாரா’’.

Tattha katame arūpadhātuyā tayo āhārā? Phassāhāro, manosañcetanāhāro, viññāṇāhāro – ime vuccanti ‘‘arūpadhātuyā tayo āhārā’’.

தத்த² கதமோ அரூபதா⁴துயா ஏகோ ப²ஸ்ஸோ? மனோவிஞ்ஞாணதா⁴துஸம்ப²ஸ்ஸோ – அயங் வுச்சதி ‘‘அரூபதா⁴துயா ஏகோ ப²ஸ்ஸோ’’.

Tattha katamo arūpadhātuyā eko phasso? Manoviññāṇadhātusamphasso – ayaṃ vuccati ‘‘arūpadhātuyā eko phasso’’.

தத்த² கதமா அரூபதா⁴துயா ஏகா வேத³னா…பே॰… ஏகா ஸஞ்ஞா…பே॰… ஏகா சேதனா…பே॰… ஏகங் சித்தங்? மனோவிஞ்ஞாணதா⁴து – இத³ங் வுச்சதி ‘‘அரூபதா⁴துயா ஏகங் சித்தங்’’.

Tattha katamā arūpadhātuyā ekā vedanā…pe… ekā saññā…pe… ekā cetanā…pe… ekaṃ cittaṃ? Manoviññāṇadhātu – idaṃ vuccati ‘‘arūpadhātuyā ekaṃ cittaṃ’’.

4. அபரியாபன்னங்

4. Apariyāpannaṃ

997. அபரியாபன்னே கதி க²ந்தா⁴…பே॰… கதி சித்தானி?

997. Apariyāpanne kati khandhā…pe… kati cittāni?

அபரியாபன்னே சத்தாரோ க²ந்தா⁴, த்³வே ஆயதனானி, த்³வே தா⁴துயோ, த்³வே ஸச்சானி, த்³வாத³ஸிந்த்³ரியானி, ச² ஹேதூ, தயோ ஆஹாரா, ஏகோ ப²ஸ்ஸோ, ஏகா வேத³னா, ஏகா ஸஞ்ஞா, ஏகா சேதனா, ஏகங் சித்தங்.

Apariyāpanne cattāro khandhā, dve āyatanāni, dve dhātuyo, dve saccāni, dvādasindriyāni, cha hetū, tayo āhārā, eko phasso, ekā vedanā, ekā saññā, ekā cetanā, ekaṃ cittaṃ.

998. தத்த² கதமே அபரியாபன்னே சத்தாரோ க²ந்தா⁴? வேத³னாக்க²ந்தோ⁴, ஸஞ்ஞாக்க²ந்தோ⁴ , ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே வுச்சந்தி ‘‘அபரியாபன்னே சத்தாரோ க²ந்தா⁴’’.

998. Tattha katame apariyāpanne cattāro khandhā? Vedanākkhandho, saññākkhandho , saṅkhārakkhandho, viññāṇakkhandho – ime vuccanti ‘‘apariyāpanne cattāro khandhā’’.

தத்த² கதமானி அபரியாபன்னே த்³வே ஆயதனானி? மனாயதனங், த⁴ம்மாயதனங் – இமானி வுச்சந்தி ‘‘அபரியாபன்னே த்³வே ஆயதனானி’’.

Tattha katamāni apariyāpanne dve āyatanāni? Manāyatanaṃ, dhammāyatanaṃ – imāni vuccanti ‘‘apariyāpanne dve āyatanāni’’.

தத்த² கதமா அபரியாபன்னே த்³வே தா⁴துயோ? மனோவிஞ்ஞாணதா⁴து, த⁴ம்மதா⁴து – இமா வுச்சந்தி ‘‘அபரியாபன்னே த்³வே தா⁴துயோ’’.

Tattha katamā apariyāpanne dve dhātuyo? Manoviññāṇadhātu, dhammadhātu – imā vuccanti ‘‘apariyāpanne dve dhātuyo’’.

தத்த² கதமானி அபரியாபன்னே த்³வே ஸச்சானி? மக்³க³ஸச்சங், நிரோத⁴ஸச்சங் – இமானி வுச்சந்தி ‘‘அபரியாபன்னே த்³வே ஸச்சானி’’.

Tattha katamāni apariyāpanne dve saccāni? Maggasaccaṃ, nirodhasaccaṃ – imāni vuccanti ‘‘apariyāpanne dve saccāni’’.

தத்த² கதமானி அபரியாபன்னே த்³வாத³ஸிந்த்³ரியானி? மனிந்த்³ரியங், ஜீவிதிந்த்³ரியங், ஸோமனஸ்ஸிந்த்³ரியங், உபெக்கி²ந்த்³ரியங், ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங், அனஞ்ஞாதஞ்ஞஸ்ஸாமீதிந்த்³ரியங், அஞ்ஞிந்த்³ரியங், அஞ்ஞாதாவிந்த்³ரியங் – இமானி வுச்சந்தி ‘‘அபரியாபன்னே த்³வாத³ஸிந்த்³ரியானி’’.

Tattha katamāni apariyāpanne dvādasindriyāni? Manindriyaṃ, jīvitindriyaṃ, somanassindriyaṃ, upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, anaññātaññassāmītindriyaṃ, aññindriyaṃ, aññātāvindriyaṃ – imāni vuccanti ‘‘apariyāpanne dvādasindriyāni’’.

தத்த² கதமே அபரியாபன்னே ச² ஹேதூ? தயோ குஸலஹேதூ, தயோ அப்³யாகதஹேதூ.

Tattha katame apariyāpanne cha hetū? Tayo kusalahetū, tayo abyākatahetū.

Tattha katame tayo kusalahetū? Alobho kusalahetu, adoso kusalahetu, amoho kusalahetu – ime tayo kusalahetū.

தத்த² கதமே தயோ அப்³யாகதஹேதூ? குஸலானங் த⁴ம்மானங் விபாகதோ அலோபோ⁴, அதோ³ஸோ, அமோஹோ – இமே தயோ அப்³யாகதஹேதூ. இமே வுச்சந்தி ‘‘அபரியாபன்னே ச² ஹேதூ’’.

Tattha katame tayo abyākatahetū? Kusalānaṃ dhammānaṃ vipākato alobho, adoso, amoho – ime tayo abyākatahetū. Ime vuccanti ‘‘apariyāpanne cha hetū’’.

தத்த² கதமே அபரியாபன்னே தயோ ஆஹாரா? ப²ஸ்ஸாஹாரோ, மனோஸஞ்சேதனாஹாரோ, விஞ்ஞாணாஹாரோ – இமே வுச்சந்தி ‘‘அபரியாபன்னே தயோ ஆஹாரா’’.

Tattha katame apariyāpanne tayo āhārā? Phassāhāro, manosañcetanāhāro, viññāṇāhāro – ime vuccanti ‘‘apariyāpanne tayo āhārā’’.

தத்த² கதமோ அபரியாபன்னே ஏகோ ப²ஸ்ஸோ? மனோவிஞ்ஞாணதா⁴துஸம்ப²ஸ்ஸோ – அயங் வுச்சதி ‘‘அபரியாபன்னே ஏகோ ப²ஸ்ஸோ’’.

Tattha katamo apariyāpanne eko phasso? Manoviññāṇadhātusamphasso – ayaṃ vuccati ‘‘apariyāpanne eko phasso’’.

தத்த² கதமா அபரியாபன்னே ஏகா வேத³னா…பே॰… ஏகா ஸஞ்ஞா…பே॰… ஏகா சேதனா…பே॰… ஏகங் சித்தங்? மனோவிஞ்ஞாணதா⁴து – இத³ங் வுச்சதி ‘‘அபரியாபன்னே ஏகங் சித்தங்’’.

Tattha katamā apariyāpanne ekā vedanā…pe… ekā saññā…pe… ekā cetanā…pe… ekaṃ cittaṃ? Manoviññāṇadhātu – idaṃ vuccati ‘‘apariyāpanne ekaṃ cittaṃ’’.

3. பரியாபன்னாபரியாபன்னவாரோ

3. Pariyāpannāpariyāpannavāro

1. காமதா⁴து

1. Kāmadhātu

999. பஞ்சன்னங் க²ந்தா⁴னங் கதி காமதா⁴துபரியாபன்னா, கதி ந காமதா⁴துபரியாபன்னா…பே॰… ஸத்தன்னங் சித்தானங் கதி காமதா⁴துபரியாபன்னா, கதி ந காமதா⁴துபரியாபன்னா?

999. Pañcannaṃ khandhānaṃ kati kāmadhātupariyāpannā, kati na kāmadhātupariyāpannā…pe… sattannaṃ cittānaṃ kati kāmadhātupariyāpannā, kati na kāmadhātupariyāpannā?

1000. ரூபக்க²ந்தோ⁴ காமதா⁴துபரியாபன்னோ; சத்தாரோ க²ந்தா⁴ ஸியா காமதா⁴துபரியாபன்னா, ஸியா ந காமதா⁴துபரியாபன்னா.

1000. Rūpakkhandho kāmadhātupariyāpanno; cattāro khandhā siyā kāmadhātupariyāpannā, siyā na kāmadhātupariyāpannā.

த³ஸாயதனா காமதா⁴துபரியாபன்னா; த்³வே ஆயதனா ஸியா காமதா⁴துபரியாபன்னா, ஸியா ந காமதா⁴துபரியாபன்னா.

Dasāyatanā kāmadhātupariyāpannā; dve āyatanā siyā kāmadhātupariyāpannā, siyā na kāmadhātupariyāpannā.

ஸோளஸ தா⁴துயோ காமதா⁴துபரியாபன்னா; த்³வே தா⁴துயோ ஸியா காமதா⁴துபரியாபன்னா, ஸியா ந காமதா⁴துபரியாபன்னா.

Soḷasa dhātuyo kāmadhātupariyāpannā; dve dhātuyo siyā kāmadhātupariyāpannā, siyā na kāmadhātupariyāpannā.

ஸமுத³யஸச்சங் காமதா⁴துபரியாபன்னங்; த்³வே ஸச்சா ந காமதா⁴துபரியாபன்னா; து³க்க²ஸச்சங் ஸியா காமதா⁴துபரியாபன்னங், ஸியா ந காமதா⁴துபரியாபன்னங்.

Samudayasaccaṃ kāmadhātupariyāpannaṃ; dve saccā na kāmadhātupariyāpannā; dukkhasaccaṃ siyā kāmadhātupariyāpannaṃ, siyā na kāmadhātupariyāpannaṃ.

த³ஸிந்த்³ரியா காமதா⁴துபரியாபன்னா; தீணிந்த்³ரியா ந காமதா⁴துபரியாபன்னா; நவிந்த்³ரியா ஸியா காமதா⁴துபரியாபன்னா, ஸியா ந காமதா⁴துபரியாபன்னா.

Dasindriyā kāmadhātupariyāpannā; tīṇindriyā na kāmadhātupariyāpannā; navindriyā siyā kāmadhātupariyāpannā, siyā na kāmadhātupariyāpannā.

தயோ அகுஸலஹேதூ காமதா⁴துபரியாபன்னா; ச² ஹேதூ ஸியா காமதா⁴துபரியாபன்னா, ஸியா ந காமதா⁴துபரியாபன்னா.

Tayo akusalahetū kāmadhātupariyāpannā; cha hetū siyā kāmadhātupariyāpannā, siyā na kāmadhātupariyāpannā.

கப³ளீகாரோ ஆஹாரோ காமதா⁴துபரியாபன்னோ; தயோ ஆஹாரா ஸியா காமதா⁴துபரியாபன்னா, ஸியா ந காமதா⁴துபரியாபன்னா.

Kabaḷīkāro āhāro kāmadhātupariyāpanno; tayo āhārā siyā kāmadhātupariyāpannā, siyā na kāmadhātupariyāpannā.

ச² ப²ஸ்ஸா காமதா⁴துபரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா காமதா⁴து பரியாபன்னோ, ஸியா ந காமதா⁴துபரியாபன்னோ.

Cha phassā kāmadhātupariyāpannā; manoviññāṇadhātusamphasso siyā kāmadhātu pariyāpanno, siyā na kāmadhātupariyāpanno.

ச² வேத³னா…பே॰… ச² ஸஞ்ஞா… ச² சேதனா… ச² சித்தா காமதா⁴துபரியாபன்னா; மனோவிஞ்ஞாணதா⁴து ஸியா காமதா⁴துபரியாபன்னா, ஸியா ந காமதா⁴துபரியாபன்னா.

Cha vedanā…pe… cha saññā… cha cetanā… cha cittā kāmadhātupariyāpannā; manoviññāṇadhātu siyā kāmadhātupariyāpannā, siyā na kāmadhātupariyāpannā.

2. ரூபதா⁴து

2. Rūpadhātu

1001. பஞ்சன்னங் க²ந்தா⁴னங் கதி ரூபதா⁴துபரியாபன்னா, கதி ந ரூபதா⁴துபரியாபன்னா …பே॰… ஸத்தன்னங் சித்தானங் கதி ரூபதா⁴துபரியாபன்னா, கதி ந ரூபதா⁴துபரியாபன்னா?

1001. Pañcannaṃ khandhānaṃ kati rūpadhātupariyāpannā, kati na rūpadhātupariyāpannā …pe… sattannaṃ cittānaṃ kati rūpadhātupariyāpannā, kati na rūpadhātupariyāpannā?

1002. ரூபக்க²ந்தோ⁴ ந ரூபதா⁴துபரியாபன்னோ; சத்தாரோ க²ந்தா⁴ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

1002. Rūpakkhandho na rūpadhātupariyāpanno; cattāro khandhā siyā rūpadhātupariyāpannā, siyā na rūpadhātupariyāpannā.

த³ஸாயதனா ந ரூபதா⁴துபரியாபன்னா; த்³வே ஆயதனா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

Dasāyatanā na rūpadhātupariyāpannā; dve āyatanā siyā rūpadhātupariyāpannā, siyā na rūpadhātupariyāpannā.

ஸோளஸ தா⁴துயோ ந ரூபதா⁴துபரியாபன்னா; த்³வே தா⁴துயோ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

Soḷasa dhātuyo na rūpadhātupariyāpannā; dve dhātuyo siyā rūpadhātupariyāpannā, siyā na rūpadhātupariyāpannā.

தீணி ஸச்சானி ந ரூபதா⁴துபரியாபன்னா; து³க்க²ஸச்சங் ஸியா ரூபதா⁴துபரியாபன்னங், ஸியா ந ரூபதா⁴துபரியாபன்னங்.

Tīṇi saccāni na rūpadhātupariyāpannā; dukkhasaccaṃ siyā rūpadhātupariyāpannaṃ, siyā na rūpadhātupariyāpannaṃ.

தேரஸிந்த்³ரியா ந ரூபதா⁴துபரியாபன்னா; நவிந்த்³ரியா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

Terasindriyā na rūpadhātupariyāpannā; navindriyā siyā rūpadhātupariyāpannā, siyā na rūpadhātupariyāpannā.

தயோ அகுஸலஹேதூ ந ரூபதா⁴துபரியாபன்னா; ச² ஹேதூ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

Tayo akusalahetū na rūpadhātupariyāpannā; cha hetū siyā rūpadhātupariyāpannā, siyā na rūpadhātupariyāpannā.

கப³ளீகாரோ ஆஹாரோ ந ரூபதா⁴துபரியாபன்னோ; தயோ ஆஹாரா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

Kabaḷīkāro āhāro na rūpadhātupariyāpanno; tayo āhārā siyā rūpadhātupariyāpannā, siyā na rūpadhātupariyāpannā.

ச² ப²ஸ்ஸா ந ரூபதா⁴துபரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா ரூபதா⁴துபரியாபன்னோ, ஸியா ந ரூபதா⁴துபரியாபன்னோ.

Cha phassā na rūpadhātupariyāpannā; manoviññāṇadhātusamphasso siyā rūpadhātupariyāpanno, siyā na rūpadhātupariyāpanno.

ச² வேத³னா…பே॰… ச² ஸஞ்ஞா… ச² சேதனா… ச² சித்தா ந ரூபதா⁴துபரியாபன்னா; மனோவிஞ்ஞாணதா⁴து ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

Cha vedanā…pe… cha saññā… cha cetanā… cha cittā na rūpadhātupariyāpannā; manoviññāṇadhātu siyā rūpadhātupariyāpannā, siyā na rūpadhātupariyāpannā.

3. அரூபதா⁴து

3. Arūpadhātu

1003. பஞ்சன்னங் க²ந்தா⁴னங் கதி அரூபதா⁴துபரியாபன்னா, கதி ந அரூபதா⁴துபரியாபன்னா…பே॰… ஸத்தன்னங் சித்தானங் கதி அரூபதா⁴துபரியாபன்னா, கதி ந அரூபதா⁴துபரியாபன்னா?

1003. Pañcannaṃ khandhānaṃ kati arūpadhātupariyāpannā, kati na arūpadhātupariyāpannā…pe… sattannaṃ cittānaṃ kati arūpadhātupariyāpannā, kati na arūpadhātupariyāpannā?

1004. ரூபக்க²ந்தோ⁴ ந அரூபதா⁴துபரியாபன்னோ; சத்தாரோ க²ந்தா⁴ ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

1004. Rūpakkhandho na arūpadhātupariyāpanno; cattāro khandhā siyā arūpadhātupariyāpannā, siyā na arūpadhātupariyāpannā.

த³ஸாயதனா ந அரூபதா⁴துபரியாபன்னா; த்³வே ஆயதனா ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

Dasāyatanā na arūpadhātupariyāpannā; dve āyatanā siyā arūpadhātupariyāpannā, siyā na arūpadhātupariyāpannā.

ஸோளஸ தா⁴துயோ ந அரூபதா⁴துபரியாபன்னா; த்³வே தா⁴துயோ ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

Soḷasa dhātuyo na arūpadhātupariyāpannā; dve dhātuyo siyā arūpadhātupariyāpannā, siyā na arūpadhātupariyāpannā.

தீணி ஸச்சானி ந அரூபதா⁴துபரியாபன்னானி.

Tīṇi saccāni na arūpadhātupariyāpannāni.

து³க்க²ஸச்சங் ஸியா அரூபதா⁴துபரியாபன்னங், ஸியா ந அரூபதா⁴துபரியாபன்னங்.

Dukkhasaccaṃ siyā arūpadhātupariyāpannaṃ, siyā na arūpadhātupariyāpannaṃ.

சுத்³த³ஸிந்த்³ரியா ந அரூபதா⁴துபரியாபன்னா; அட்டி²ந்த்³ரியா ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

Cuddasindriyā na arūpadhātupariyāpannā; aṭṭhindriyā siyā arūpadhātupariyāpannā, siyā na arūpadhātupariyāpannā.

தயோ அகுஸலஹேதூ ந அரூபதா⁴துபரியாபன்னா; ச² ஹேதூ ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

Tayo akusalahetū na arūpadhātupariyāpannā; cha hetū siyā arūpadhātupariyāpannā, siyā na arūpadhātupariyāpannā.

கப³ளீகாரோ ஆஹாரோ ந அரூபதா⁴துபரியாபன்னோ; தயோ ஆஹாரா ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

Kabaḷīkāro āhāro na arūpadhātupariyāpanno; tayo āhārā siyā arūpadhātupariyāpannā, siyā na arūpadhātupariyāpannā.

ச² ப²ஸ்ஸா ந அரூபதா⁴துபரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா அரூபதா⁴துபரியாபன்னோ, ஸியா ந அரூபதா⁴துபரியாபன்னோ.

Cha phassā na arūpadhātupariyāpannā; manoviññāṇadhātusamphasso siyā arūpadhātupariyāpanno, siyā na arūpadhātupariyāpanno.

ச² வேத³னா…பே॰… ச² ஸஞ்ஞா … ச² சேதனா… ச² சித்தா ந அரூபதா⁴துபரியாபன்னா; மனோவிஞ்ஞாணதா⁴து ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

Cha vedanā…pe… cha saññā … cha cetanā… cha cittā na arūpadhātupariyāpannā; manoviññāṇadhātu siyā arūpadhātupariyāpannā, siyā na arūpadhātupariyāpannā.

4. பரியாபன்னாபரியாபன்னங்

4. Pariyāpannāpariyāpannaṃ

1005. பஞ்சன்னங் க²ந்தா⁴னங் கதி பரியாபன்னா, கதி அபரியாபன்னா…பே॰… ஸத்தன்னங் சித்தானங் கதி பரியாபன்னா, கதி அபரியாபன்னா?

1005. Pañcannaṃ khandhānaṃ kati pariyāpannā, kati apariyāpannā…pe… sattannaṃ cittānaṃ kati pariyāpannā, kati apariyāpannā?

1006. ரூபக்க²ந்தோ⁴ பரியாபன்னோ; சத்தாரோ க²ந்தா⁴ ஸியா பரியாபன்னா, ஸியா அபரியாபன்னா.

1006. Rūpakkhandho pariyāpanno; cattāro khandhā siyā pariyāpannā, siyā apariyāpannā.

த³ஸாயதனா பரியாபன்னா; த்³வே ஆயதனா ஸியா பரியாபன்னா, ஸியா அபரியாபன்னா.

Dasāyatanā pariyāpannā; dve āyatanā siyā pariyāpannā, siyā apariyāpannā.

ஸோளஸ தா⁴துயோ பரியாபன்னா; த்³வே தா⁴துயோ ஸியா பரியாபன்னா, ஸியா அபரியாபன்னா.

Soḷasa dhātuyo pariyāpannā; dve dhātuyo siyā pariyāpannā, siyā apariyāpannā.

த்³வே ஸச்சா பரியாபன்னா; த்³வே ஸச்சா அபரியாபன்னா.

Dve saccā pariyāpannā; dve saccā apariyāpannā.

த³ஸிந்த்³ரியா பரியாபன்னா, தீணிந்த்³ரியா அபரியாபன்னா; நவிந்த்³ரியா ஸியா பரியாபன்னா, ஸியா அபரியாபன்னா.

Dasindriyā pariyāpannā, tīṇindriyā apariyāpannā; navindriyā siyā pariyāpannā, siyā apariyāpannā.

தயோ அகுஸலஹேதூ பரியாபன்னா; ச² ஹேதூ ஸியா பரியாபன்னா, ஸியா அபரியாபன்னா.

Tayo akusalahetū pariyāpannā; cha hetū siyā pariyāpannā, siyā apariyāpannā.

கப³ளீகாரோ ஆஹாரோ பரியாபன்னோ; தயோ ஆஹாரா ஸியா பரியாபன்னா, ஸியா அபரியாபன்னா.

Kabaḷīkāro āhāro pariyāpanno; tayo āhārā siyā pariyāpannā, siyā apariyāpannā.

ச² ப²ஸ்ஸா பரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா பரியாபன்னோ, ஸியா அபரியாபன்னோ.

Cha phassā pariyāpannā; manoviññāṇadhātusamphasso siyā pariyāpanno, siyā apariyāpanno.

ச² வேத³னா…பே॰… ச² ஸஞ்ஞா… ச² சேதனா… ச² சித்தா பரியாபன்னா; மனோவிஞ்ஞாணதா⁴து ஸியா பரியாபன்னா, ஸியா அபரியாபன்னா.

Cha vedanā…pe… cha saññā… cha cetanā… cha cittā pariyāpannā; manoviññāṇadhātu siyā pariyāpannā, siyā apariyāpannā.

4. த⁴ம்மத³ஸ்ஸனவாரோ

4. Dhammadassanavāro

1. காமதா⁴து

1. Kāmadhātu

1007. காமதா⁴துயா உபபத்திக்க²ணே கதி க²ந்தா⁴ பாதுப⁴வந்தி…பே॰… கதி சித்தானி பாதுப⁴வந்தி?

1007. Kāmadhātuyā upapattikkhaṇe kati khandhā pātubhavanti…pe… kati cittāni pātubhavanti?

காமதா⁴துயா உபபத்திக்க²ணே ஸப்³பே³ஸங் பஞ்சக்க²ந்தா⁴ பாதுப⁴வந்தி; கஸ்ஸசி ஏகாத³ஸாயதனானி பாதுப⁴வந்தி; கஸ்ஸசி த³ஸாயதனானி பாதுப⁴வந்தி; கஸ்ஸசி அபரானி த³ஸாயதனானி பாதுப⁴வந்தி; கஸ்ஸசி நவாயதனானி பாதுப⁴வந்தி; கஸ்ஸசி ஸத்தாயதனானி பாதுப⁴வந்தி; கஸ்ஸசி ஏகாத³ஸ தா⁴துயோ பாதுப⁴வந்தி; கஸ்ஸசி த³ஸ தா⁴துயோ பாதுப⁴வந்தி; கஸ்ஸசி அபரா த³ஸ தா⁴துயோ பாதுப⁴வந்தி; கஸ்ஸசி நவ தா⁴துயோ பாதுப⁴வந்தி; கஸ்ஸசி ஸத்த தா⁴துயோ பாதுப⁴வந்தி; ஸப்³பே³ஸங் ஏகங் ஸச்சங் பாதுப⁴வதி; கஸ்ஸசி சுத்³த³ஸிந்த்³ரியானி பாதுப⁴வந்தி; கஸ்ஸசி தேரஸிந்த்³ரியானி பாதுப⁴வந்தி; கஸ்ஸசி அபரானி தேரஸிந்த்³ரியானி பாதுப⁴வந்தி; கஸ்ஸசி த்³வாத³ஸிந்த்³ரியானி பாதுப⁴வந்தி; கஸ்ஸசி த³ஸிந்த்³ரியானி பாதுப⁴வந்தி; கஸ்ஸசி நவிந்த்³ரியானி பாதுப⁴வந்தி; கஸ்ஸசி அபரானி நவிந்த்³ரியானி பாதுப⁴வந்தி; கஸ்ஸசி அட்டி²ந்த்³ரியானி பாதுப⁴வந்தி; கஸ்ஸசி அபரானி அட்டி²ந்த்³ரியானி பாதுப⁴வந்தி; கஸ்ஸசி ஸத்திந்த்³ரியானி பாதுப⁴வந்தி; கஸ்ஸசி பஞ்சிந்த்³ரியானி பாதுப⁴வந்தி; கஸ்ஸசி சத்தாரிந்த்³ரியானி பாதுப⁴வந்தி; கஸ்ஸசி தயோ ஹேதூ பாதுப⁴வந்தி; கஸ்ஸசி த்³வே ஹேதூ பாதுப⁴வந்தி; கஸ்ஸசி ³ அஹேதுகா பாதுப⁴வந்தி ; ஸப்³பே³ஸங் சத்தாரோ ஆஹாரா பாதுப⁴வந்தி; ஸப்³பே³ஸங் ஏகோ ப²ஸ்ஸோ பாதுப⁴வதி; ஸப்³பே³ஸங் ஏகா வேத³னா… ஏகா ஸஞ்ஞா… ஏகா சேதனா… ஏகங் சித்தங் பாதுப⁴வதி.

Kāmadhātuyā upapattikkhaṇe sabbesaṃ pañcakkhandhā pātubhavanti; kassaci ekādasāyatanāni pātubhavanti; kassaci dasāyatanāni pātubhavanti; kassaci aparāni dasāyatanāni pātubhavanti; kassaci navāyatanāni pātubhavanti; kassaci sattāyatanāni pātubhavanti; kassaci ekādasa dhātuyo pātubhavanti; kassaci dasa dhātuyo pātubhavanti; kassaci aparā dasa dhātuyo pātubhavanti; kassaci nava dhātuyo pātubhavanti; kassaci satta dhātuyo pātubhavanti; sabbesaṃ ekaṃ saccaṃ pātubhavati; kassaci cuddasindriyāni pātubhavanti; kassaci terasindriyāni pātubhavanti; kassaci aparāni terasindriyāni pātubhavanti; kassaci dvādasindriyāni pātubhavanti; kassaci dasindriyāni pātubhavanti; kassaci navindriyāni pātubhavanti; kassaci aparāni navindriyāni pātubhavanti; kassaci aṭṭhindriyāni pātubhavanti; kassaci aparāni aṭṭhindriyāni pātubhavanti; kassaci sattindriyāni pātubhavanti; kassaci pañcindriyāni pātubhavanti; kassaci cattārindriyāni pātubhavanti; kassaci tayo hetū pātubhavanti; kassaci dve hetū pātubhavanti; kassaci ⁴ ahetukā pātubhavanti ; sabbesaṃ cattāro āhārā pātubhavanti; sabbesaṃ eko phasso pātubhavati; sabbesaṃ ekā vedanā… ekā saññā… ekā cetanā… ekaṃ cittaṃ pātubhavati.

1008. காமதா⁴துயா உபபத்திக்க²ணே ஸப்³பே³ஸங் கதமே பஞ்சக்க²ந்தா⁴ பாதுப⁴வந்தி? ரூபக்க²ந்தோ⁴…பே॰… விஞ்ஞாணக்க²ந்தோ⁴ – காமதா⁴துயா உபபத்திக்க²ணே ஸப்³பே³ஸங் இமே பஞ்சக்க²ந்தா⁴ பாதுப⁴வந்தி.

1008. Kāmadhātuyā upapattikkhaṇe sabbesaṃ katame pañcakkhandhā pātubhavanti? Rūpakkhandho…pe… viññāṇakkhandho – kāmadhātuyā upapattikkhaṇe sabbesaṃ ime pañcakkhandhā pātubhavanti.

1009. காமதா⁴துயா உபபத்திக்க²ணே கஸ்ஸ ஏகாத³ஸாயதனானி பாதுப⁴வந்தி? காமாவசரானங் தே³வானங், பட²மகப்பிகானங் மனுஸ்ஸானங், ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங், நேரயிகானங் பரிபுண்ணாயதனானங் உபபத்திக்க²ணே ஏகாத³ஸாயதனானி பாதுப⁴வந்தி – சக்கா²யதனங், ரூபாயதனங், ஸோதாயதனங், கா⁴னாயதனங், க³ந்தா⁴யதனங், ஜிவ்ஹாயதனங், ரஸாயதனங், காயாயதனங், பொ²ட்ட²ப்³பா³யதனங், மனாயதனங், த⁴ம்மாயதனங். காமதா⁴துயா உபபத்திக்க²ணே ஏதேஸங் இமானி ஏகாத³ஸாயதனானி பாதுப⁴வந்தி.

1009. Kāmadhātuyā upapattikkhaṇe kassa ekādasāyatanāni pātubhavanti? Kāmāvacarānaṃ devānaṃ, paṭhamakappikānaṃ manussānaṃ, opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ, nerayikānaṃ paripuṇṇāyatanānaṃ upapattikkhaṇe ekādasāyatanāni pātubhavanti – cakkhāyatanaṃ, rūpāyatanaṃ, sotāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni ekādasāyatanāni pātubhavanti.

காமதா⁴துயா உபபத்திக்க²ணே கஸ்ஸ த³ஸாயதனானி பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங், ஜச்சந்தா⁴னங் உபபத்திக்க²ணே த³ஸாயதனானி பாதுப⁴வந்தி – ரூபாயதனங், ஸோதாயதனங், கா⁴னாயதனங், க³ந்தா⁴யதனங், ஜிவ்ஹாயதனங், ரஸாயதனங் , காயாயதனங், பொ²ட்ட²ப்³பா³யதனங், மனாயதனங், த⁴ம்மாயதனங். காமதா⁴துயா உபபத்திக்க²ணே ஏதேஸங் இமானி த³ஸாயதனானி பாதுப⁴வந்தி.

Kāmadhātuyā upapattikkhaṇe kassa dasāyatanāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhānaṃ upapattikkhaṇe dasāyatanāni pātubhavanti – rūpāyatanaṃ, sotāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ , kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni dasāyatanāni pātubhavanti.

காமதா⁴துயா உபபத்திக்க²ணே கஸ்ஸ அபரானி த³ஸாயதனானி பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங், ஜச்சப³தி⁴ரானங் உபபத்திக்க²ணே த³ஸாயதனானி பாதுப⁴வந்தி – சக்கா²யதனங், ரூபாயதனங், கா⁴னாயதனங், க³ந்தா⁴யதனங், ஜிவ்ஹாயதனங், ரஸாயதனங், காயாயதனங், பொ²ட்ட²ப்³பா³யதனங், மனாயதனங், த⁴ம்மாயதனங். காமதா⁴துயா உபபத்திக்க²ணே ஏதேஸங் இமானி த³ஸாயதனானி பாதுப⁴வந்தி.

Kāmadhātuyā upapattikkhaṇe kassa aparāni dasāyatanāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccabadhirānaṃ upapattikkhaṇe dasāyatanāni pātubhavanti – cakkhāyatanaṃ, rūpāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni dasāyatanāni pātubhavanti.

காமதா⁴துயா உபபத்திக்க²ணே கஸ்ஸ நவாயதனானி பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங், ஜச்சந்த⁴ப³தி⁴ரானங் உபபத்திக்க²ணே நவாயதனானி பாதுப⁴வந்தி – ரூபாயதனங், கா⁴னாயதனங், க³ந்தா⁴யதனங், ஜிவ்ஹாயதனங், ரஸாயதனங், காயாயதனங், பொ²ட்ட²ப்³பா³யதனங், மனாயதனங், த⁴ம்மாயதனங். காமதா⁴துயா உபபத்திக்க²ணே ஏதேஸங் இமானி நவாயதனானி பாதுப⁴வந்தி.

Kāmadhātuyā upapattikkhaṇe kassa navāyatanāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhabadhirānaṃ upapattikkhaṇe navāyatanāni pātubhavanti – rūpāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni navāyatanāni pātubhavanti.

காமதா⁴துயா உபபத்திக்க²ணே கஸ்ஸ ஸத்தாயதனானி பாதுப⁴வந்தி? க³ப்³ப⁴ஸெய்யகானங் ஸத்தானங் உபபத்திக்க²ணே ஸத்தாயதனானி பாதுப⁴வந்தி – ரூபாயதனங், க³ந்தா⁴யதனங், ரஸாயதனங், காயாயதனங், பொ²ட்ட²ப்³பா³யதனங், மனாயதனங், த⁴ம்மாயதனங். காமதா⁴துயா உபபத்திக்க²ணே ஏதேஸங் இமானி ஸத்தாயதனானி பாதுப⁴வந்தி.

Kāmadhātuyā upapattikkhaṇe kassa sattāyatanāni pātubhavanti? Gabbhaseyyakānaṃ sattānaṃ upapattikkhaṇe sattāyatanāni pātubhavanti – rūpāyatanaṃ, gandhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni sattāyatanāni pātubhavanti.

1010. காமதா⁴துயா உபபத்திக்க²ணே கஸ்ஸ ஏகாத³ஸ தா⁴துயோ பாதுப⁴வந்தி? காமாவசரானங் தே³வானங், பட²மகப்பிகானங் மனுஸ்ஸானங், ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங் பரிபுண்ணாயதனானங் உபபத்திக்க²ணே ஏகாத³ஸ தா⁴துயோ பாதுப⁴வந்தி – சக்கு²தா⁴து, ரூபதா⁴து, ஸோததா⁴து, கா⁴னதா⁴து, க³ந்த⁴தா⁴து, ஜிவ்ஹாதா⁴து, ரஸதா⁴து, காயதா⁴து, பொ²ட்ட²ப்³ப³தா⁴து, மனோவிஞ்ஞாணதா⁴து, த⁴ம்மதா⁴து. காமதா⁴துயா உபபத்திக்க²ணே ஏதேஸங் இமா ஏகாத³ஸ தா⁴துயோ பாதுப⁴வந்தி.

1010. Kāmadhātuyā upapattikkhaṇe kassa ekādasa dhātuyo pātubhavanti? Kāmāvacarānaṃ devānaṃ, paṭhamakappikānaṃ manussānaṃ, opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ paripuṇṇāyatanānaṃ upapattikkhaṇe ekādasa dhātuyo pātubhavanti – cakkhudhātu, rūpadhātu, sotadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā ekādasa dhātuyo pātubhavanti.

காமதா⁴துயா உபபத்திக்க²ணே கஸ்ஸ த³ஸ தா⁴துயோ பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங் , ஜச்சந்தா⁴னங் உபபத்திக்க²ணே த³ஸ தா⁴துயோ பாதுப⁴வந்தி – ரூபதா⁴து, ஸோததா⁴து, கா⁴னதா⁴து, க³ந்த⁴தா⁴து, ஜிவ்ஹாதா⁴து, ரஸதா⁴து, காயதா⁴து, பொ²ட்ட²ப்³ப³தா⁴து, மனோவிஞ்ஞாணதா⁴து, த⁴ம்மதா⁴து. காமதா⁴துயா உபபத்திக்க²ணே ஏதேஸங் இமா த³ஸ தா⁴துயோ பாதுப⁴வந்தி.

Kāmadhātuyā upapattikkhaṇe kassa dasa dhātuyo pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ , jaccandhānaṃ upapattikkhaṇe dasa dhātuyo pātubhavanti – rūpadhātu, sotadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā dasa dhātuyo pātubhavanti.

காமதா⁴துயா உபபத்திக்க²ணே கஸ்ஸ அபரா த³ஸ தா⁴துயோ பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங், ஜச்சப³தி⁴ரானங் உபபத்திக்க²ணே த³ஸ தா⁴துயோ பாதுப⁴வந்தி – சக்கு²தா⁴து, ரூபதா⁴து, கா⁴னதா⁴து, க³ந்த⁴தா⁴து, ஜிவ்ஹாதா⁴து, ரஸதா⁴து, காயதா⁴து, பொ²ட்ட²ப்³ப³தா⁴து, மனோவிஞ்ஞாணதா⁴து, த⁴ம்மதா⁴து. காமதா⁴துயா உபபத்திக்க²ணே ஏதேஸங் இமா த³ஸ தா⁴துயோ பாதுப⁴வந்தி.

Kāmadhātuyā upapattikkhaṇe kassa aparā dasa dhātuyo pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccabadhirānaṃ upapattikkhaṇe dasa dhātuyo pātubhavanti – cakkhudhātu, rūpadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā dasa dhātuyo pātubhavanti.

காமதா⁴துயா உபபத்திக்க²ணே கஸ்ஸ நவ தா⁴துயோ பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங், ஜச்சந்த⁴ப³தி⁴ரானங் உபபத்திக்க²ணே நவ தா⁴துயோ பாதுப⁴வந்தி – ரூபதா⁴து, கா⁴னதா⁴து, க³ந்த⁴தா⁴து, ஜிவ்ஹாதா⁴து, ரஸதா⁴து, காயதா⁴து, பொ²ட்ட²ப்³ப³தா⁴து, மனோவிஞ்ஞாணதா⁴து, த⁴ம்மதா⁴து. காமதா⁴துயா உபபத்திக்க²ணே ஏதேஸங் இமா நவ தா⁴துயோ பாதுப⁴வந்தி.

Kāmadhātuyā upapattikkhaṇe kassa nava dhātuyo pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhabadhirānaṃ upapattikkhaṇe nava dhātuyo pātubhavanti – rūpadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā nava dhātuyo pātubhavanti.

காமதா⁴துயா உபபத்திக்க²ணே கஸ்ஸ ஸத்த தா⁴துயோ பாதுப⁴வந்தி? க³ப்³ப⁴ஸெய்யகானங் ஸத்தானங் உபபத்திக்க²ணே ஸத்த தா⁴துயோ பாதுப⁴வந்தி – ரூபதா⁴து, க³ந்த⁴தா⁴து, ரஸதா⁴து, காயதா⁴து, பொ²ட்ட²ப்³ப³தா⁴து, மனோவிஞ்ஞாணதா⁴து, த⁴ம்மதா⁴து. காமதா⁴துயா உபபத்திக்க²ணே ஏதேஸங் இமா ஸத்த தா⁴துயோ பாதுப⁴வந்தி.

Kāmadhātuyā upapattikkhaṇe kassa satta dhātuyo pātubhavanti? Gabbhaseyyakānaṃ sattānaṃ upapattikkhaṇe satta dhātuyo pātubhavanti – rūpadhātu, gandhadhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā satta dhātuyo pātubhavanti.

1011. காமதா⁴துயா உபபத்திக்க²ணே ஸப்³பே³ஸங் கதமங் ஏகங் ஸச்சங் பாதுப⁴வதி? து³க்க²ஸச்சங் – காமதா⁴துயா உபபத்திக்க²ணே ஸப்³பே³ஸங் இத³ங் ஏகங் ஸச்சங் பாதுப⁴வதி.

1011. Kāmadhātuyā upapattikkhaṇe sabbesaṃ katamaṃ ekaṃ saccaṃ pātubhavati? Dukkhasaccaṃ – kāmadhātuyā upapattikkhaṇe sabbesaṃ idaṃ ekaṃ saccaṃ pātubhavati.

1012. காமதா⁴துயா உபபத்திக்க²ணே கஸ்ஸ சுத்³த³ஸிந்த்³ரியானி பாதுப⁴வந்தி? காமாவசரானங் தே³வானங், ஸஹேதுகானங் ஞாணஸம்பயுத்தானங் உபபத்திக்க²ணே சுத்³த³ஸிந்த்³ரியானி பாதுப⁴வந்தி – சக்கு²ந்த்³ரியங், ஸோதிந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங் , மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங், ஸோமனஸ்ஸிந்த்³ரியங் வா உபெக்கி²ந்த்³ரியங் வா, ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங். காமதா⁴துயா உபபத்திக்க²ணே ஏதேஸங் இமானி சுத்³த³ஸிந்த்³ரியானி பாதுப⁴வந்தி.

1012. Kāmadhātuyā upapattikkhaṇe kassa cuddasindriyāni pātubhavanti? Kāmāvacarānaṃ devānaṃ, sahetukānaṃ ñāṇasampayuttānaṃ upapattikkhaṇe cuddasindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ , manindriyaṃ, itthindriyaṃ vā purisindriyaṃ vā, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. Kāmadhātuyā upapattikkhaṇe etesaṃ imāni cuddasindriyāni pātubhavanti.

காமதா⁴துயா உபபத்திக்க²ணே கஸ்ஸ தேரஸிந்த்³ரியானி பாதுப⁴வந்தி? காமாவசரானங் தே³வானங் ஸஹேதுகானங் ஞாணவிப்பயுத்தானங் உபபத்திக்க²ணே தேரஸிந்த்³ரியானி பாதுப⁴வந்தி – சக்கு²ந்த்³ரியங், ஸோதிந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங், மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங், ஸோமனஸ்ஸிந்த்³ரியங் வா உபெக்கி²ந்த்³ரியங் வா, ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங். காமதா⁴துயா உபபத்திக்க²ணே ஏதேஸங் இமானி தேரஸிந்த்³ரியானி பாதுப⁴வந்தி.

Kāmadhātuyā upapattikkhaṇe kassa terasindriyāni pātubhavanti? Kāmāvacarānaṃ devānaṃ sahetukānaṃ ñāṇavippayuttānaṃ upapattikkhaṇe terasindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ. Kāmadhātuyā upapattikkhaṇe etesaṃ imāni terasindriyāni pātubhavanti.

காமதா⁴துயா உபபத்திக்க²ணே கஸ்ஸ அபரானி தேரஸிந்த்³ரியானி பாதுப⁴வந்தி? பட²மகப்பிகானங் மனுஸ்ஸானங் ஸஹேதுகானங் ஞாணஸம்பயுத்தானங் உபபத்திக்க²ணே தேரஸிந்த்³ரியானி பாதுப⁴வந்தி – சக்கு²ந்த்³ரியங், ஸோதிந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங், மனிந்த்³ரியங், ஜீவிதிந்த்³ரியங், ஸோமனஸ்ஸிந்த்³ரியங் வா உபெக்கி²ந்த்³ரியங் வா, ஸத்³தி⁴ந்த்³ரியங் , வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங். காமதா⁴துயா உபபத்திக்க²ணே ஏதேஸங் இமானி தேரஸிந்த்³ரியானி பாதுப⁴வந்தி.

Kāmadhātuyā upapattikkhaṇe kassa aparāni terasindriyāni pātubhavanti? Paṭhamakappikānaṃ manussānaṃ sahetukānaṃ ñāṇasampayuttānaṃ upapattikkhaṇe terasindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, jīvitindriyaṃ, somanassindriyaṃ vā upekkhindriyaṃ vā, saddhindriyaṃ , vīriyindriyaṃ, satindriyaṃ, samādhindriyaṃ, paññindriyaṃ. Kāmadhātuyā upapattikkhaṇe etesaṃ imāni terasindriyāni pātubhavanti.

காமதா⁴துயா உபபத்திக்க²ணே கஸ்ஸ த்³வாத³ஸிந்த்³ரியானி பாதுப⁴வந்தி? பட²மகப்பிகானங் மனுஸ்ஸானங் ஸஹேதுகானங் ஞாணவிப்பயுத்தானங் உபபத்திக்க²ணே த்³வாத³ஸிந்த்³ரியானி பாதுப⁴வந்தி – சக்கு²ந்த்³ரியங், ஸோதிந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங், மனிந்த்³ரியங், ஜீவிதிந்த்³ரியங், ஸோமனஸ்ஸிந்த்³ரியங் வா உபெக்கி²ந்த்³ரியங் வா, ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங். காமதா⁴துயா உபபத்திக்க²ணே ஏதேஸங் இமானி த்³வாத³ஸிந்த்³ரியானி பாதுப⁴வந்தி.

Kāmadhātuyā upapattikkhaṇe kassa dvādasindriyāni pātubhavanti? Paṭhamakappikānaṃ manussānaṃ sahetukānaṃ ñāṇavippayuttānaṃ upapattikkhaṇe dvādasindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ. Kāmadhātuyā upapattikkhaṇe etesaṃ imāni dvādasindriyāni pātubhavanti.

காமதா⁴துயா உபபத்திக்க²ணே கஸ்ஸ த³ஸிந்த்³ரியானி பாதுப⁴வந்தி? க³ப்³ப⁴ஸெய்யகானங் ஸத்தானங் ஸஹேதுகானங் ஞாணஸம்பயுத்தானங் உபபத்திக்க²ணே த³ஸிந்த்³ரியானி பாதுப⁴வந்தி – காயிந்த்³ரியங், மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங், ஸோமனஸ்ஸிந்த்³ரியங் வா உபெக்கி²ந்த்³ரியங் வா, ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங். காமதா⁴துயா உபபத்திக்க²ணே ஏதேஸங் இமானி த³ஸிந்த்³ரியானி பாதுப⁴வந்தி.

Kāmadhātuyā upapattikkhaṇe kassa dasindriyāni pātubhavanti? Gabbhaseyyakānaṃ sattānaṃ sahetukānaṃ ñāṇasampayuttānaṃ upapattikkhaṇe dasindriyāni pātubhavanti – kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. Kāmadhātuyā upapattikkhaṇe etesaṃ imāni dasindriyāni pātubhavanti.

காமதா⁴துயா உபபத்திக்க²ணே கஸ்ஸ நவிந்த்³ரியானி பாதுப⁴வந்தி? க³ப்³ப⁴ஸெய்யகானங் ஸத்தானங் ஸஹேதுகானங் ஞாணவிப்பயுத்தானங் உபபத்திக்க²ணே நவிந்த்³ரியானி பாதுப⁴வந்தி – காயிந்த்³ரியங், மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங், ஸோமனஸ்ஸிந்த்³ரியங் வா உபெக்கி²ந்த்³ரியங் வா, ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங். காமதா⁴துயா உபபத்திக்க²ணே ஏதேஸங் இமானி நவிந்த்³ரியானி பாதுப⁴வந்தி.

Kāmadhātuyā upapattikkhaṇe kassa navindriyāni pātubhavanti? Gabbhaseyyakānaṃ sattānaṃ sahetukānaṃ ñāṇavippayuttānaṃ upapattikkhaṇe navindriyāni pātubhavanti – kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ. Kāmadhātuyā upapattikkhaṇe etesaṃ imāni navindriyāni pātubhavanti.

காமதா⁴துயா உபபத்திக்க²ணே கஸ்ஸ அபரானி நவிந்த்³ரியானி பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங் பரிபுண்ணாயதனானங் உபபத்திக்க²ணே நவிந்த்³ரியானி பாதுப⁴வந்தி – சக்கு²ந்த்³ரியங், ஸோதிந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங், மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங் , உபெக்கி²ந்த்³ரியங். காமதா⁴துயா உபபத்திக்க²ணே ஏதேஸங் இமானி நவிந்த்³ரியானி பாதுப⁴வந்தி.

Kāmadhātuyā upapattikkhaṇe kassa aparāni navindriyāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ paripuṇṇāyatanānaṃ upapattikkhaṇe navindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ , upekkhindriyaṃ. Kāmadhātuyā upapattikkhaṇe etesaṃ imāni navindriyāni pātubhavanti.

காமதா⁴துயா உபபத்திக்க²ணே கஸ்ஸ அட்டி²ந்த்³ரியானி பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங், ஜச்சந்தா⁴னங் உபபத்திக்க²ணே அட்டி²ந்த்³ரியானி பாதுப⁴வந்தி – ஸோதிந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங், மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங், உபெக்கி²ந்த்³ரியங். காமதா⁴துயா உபபத்திக்க²ணே ஏதேஸங் இமானி அட்டி²ந்த்³ரியானி பாதுப⁴வந்தி.

Kāmadhātuyā upapattikkhaṇe kassa aṭṭhindriyāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhānaṃ upapattikkhaṇe aṭṭhindriyāni pātubhavanti – sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, upekkhindriyaṃ. Kāmadhātuyā upapattikkhaṇe etesaṃ imāni aṭṭhindriyāni pātubhavanti.

காமதா⁴துயா உபபத்திக்க²ணே கஸ்ஸ அபரானி அட்டி²ந்த்³ரியானி பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங், ஜச்சப³தி⁴ரானங் உபபத்திக்க²ணே அட்டி²ந்த்³ரியானி பாதுப⁴வந்தி – சக்கு²ந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங் மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங், உபெக்கி²ந்த்³ரியங். காமதா⁴துயா உபபத்திக்க²ணே ஏதேஸங் இமானி அட்டி²ந்த்³ரியானி பாதுப⁴வந்தி.

Kāmadhātuyā upapattikkhaṇe kassa aparāni aṭṭhindriyāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccabadhirānaṃ upapattikkhaṇe aṭṭhindriyāni pātubhavanti – cakkhundriyaṃ, ghānindriyaṃ, jivhindriyaṃ, kāyindriyaṃ manindriyaṃ, itthindriyaṃ vā purisindriyaṃ vā, jīvitindriyaṃ, upekkhindriyaṃ. Kāmadhātuyā upapattikkhaṇe etesaṃ imāni aṭṭhindriyāni pātubhavanti.

காமதா⁴துயா உபபத்திக்க²ணே கஸ்ஸ ஸத்திந்த்³ரியானி பாதுப⁴வந்தி? ஓபபாதிகானங் பேதானங், ஓபபாதிகானங் அஸுரானங், ஓபபாதிகானங் திரச்சா²னக³தானங் நேரயிகானங், ஜச்சந்த⁴ப³தி⁴ரானங் உபபத்திக்க²ணே ஸத்திந்த்³ரியானி பாதுப⁴வந்தி – கா⁴னிந்த்³ரியங் , ஜிவ்ஹிந்த்³ரியங், காயிந்த்³ரியங், மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங், உபெக்கி²ந்த்³ரியங். காமதா⁴துயா உபபத்திக்க²ணே ஏதேஸங் இமானி ஸத்திந்த்³ரியானி பாதுப⁴வந்தி.

Kāmadhātuyā upapattikkhaṇe kassa sattindriyāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhabadhirānaṃ upapattikkhaṇe sattindriyāni pātubhavanti – ghānindriyaṃ , jivhindriyaṃ, kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, upekkhindriyaṃ. Kāmadhātuyā upapattikkhaṇe etesaṃ imāni sattindriyāni pātubhavanti.

காமதா⁴துயா உபபத்திக்க²ணே கஸ்ஸ பஞ்சிந்த்³ரியானி பாதுப⁴வந்தி? க³ப்³ப⁴ஸெய்யகானங் ஸத்தானங் அஹேதுகானங், ட²பெத்வா நபுங்ஸகானங், உபபத்திக்க²ணே பஞ்சிந்த்³ரியானி பாதுப⁴வந்தி – காயிந்த்³ரியங், மனிந்த்³ரியங், இத்தி²ந்த்³ரியங் வா புரிஸிந்த்³ரியங் வா, ஜீவிதிந்த்³ரியங், உபெக்கி²ந்த்³ரியங். காமதா⁴துயா உபபத்திக்க²ணே ஏதேஸங் இமானி பஞ்சிந்த்³ரியானி பாதுப⁴வந்தி.

Kāmadhātuyā upapattikkhaṇe kassa pañcindriyāni pātubhavanti? Gabbhaseyyakānaṃ sattānaṃ ahetukānaṃ, ṭhapetvā napuṃsakānaṃ, upapattikkhaṇe pañcindriyāni pātubhavanti – kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, upekkhindriyaṃ. Kāmadhātuyā upapattikkhaṇe etesaṃ imāni pañcindriyāni pātubhavanti.

காமதா⁴துயா உபபத்திக்க²ணே கஸ்ஸ சத்தாரிந்த்³ரியானி பாதுப⁴வந்தி? க³ப்³ப⁴ஸெய்யகானங் ஸத்தானங் அஹேதுகானங், நபுங்ஸகானங் உபபத்திக்க²ணே சத்தாரிந்த்³ரியானி பாதுப⁴வந்தி – காயிந்த்³ரியங், மனிந்த்³ரியங், ஜீவிதிந்த்³ரியங் , உபெக்கி²ந்த்³ரியங். காமதா⁴துயா உபபத்திக்க²ணே ஏதேஸங் இமானி சத்தாரிந்த்³ரியானி பாதுப⁴வந்தி.

Kāmadhātuyā upapattikkhaṇe kassa cattārindriyāni pātubhavanti? Gabbhaseyyakānaṃ sattānaṃ ahetukānaṃ, napuṃsakānaṃ upapattikkhaṇe cattārindriyāni pātubhavanti – kāyindriyaṃ, manindriyaṃ, jīvitindriyaṃ , upekkhindriyaṃ. Kāmadhātuyā upapattikkhaṇe etesaṃ imāni cattārindriyāni pātubhavanti.

1013. காமதா⁴துயா உபபத்திக்க²ணே கஸ்ஸ தயோ ஹேதூ பாதுப⁴வந்தி? காமாவசரானங் தே³வானங், பட²மகப்பிகானங் மனுஸ்ஸானங், க³ப்³ப⁴ஸெய்யகானங் ஸத்தானங் ஸஹேதுகானங் ஞாணஸம்பயுத்தானங் உபபத்திக்க²ணே தயோ ஹேதூ பாதுப⁴வந்தி – அலோபோ⁴ விபாகஹேது, அதோ³ஸோ விபாகஹேது, அமோஹோ விபாகஹேது. காமதா⁴துயா உபபத்திக்க²ணே ஏதேஸங் இமே தயோ ஹேதூ பாதுப⁴வந்தி.

1013. Kāmadhātuyā upapattikkhaṇe kassa tayo hetū pātubhavanti? Kāmāvacarānaṃ devānaṃ, paṭhamakappikānaṃ manussānaṃ, gabbhaseyyakānaṃ sattānaṃ sahetukānaṃ ñāṇasampayuttānaṃ upapattikkhaṇe tayo hetū pātubhavanti – alobho vipākahetu, adoso vipākahetu, amoho vipākahetu. Kāmadhātuyā upapattikkhaṇe etesaṃ ime tayo hetū pātubhavanti.

காமதா⁴துயா உபபத்திக்க²ணே கஸ்ஸ த்³வே ஹேதூ பாதுப⁴வந்தி? காமாவசரானங் தே³வானங், பட²மகப்பிகானங் மனுஸ்ஸானங், க³ப்³ப⁴ஸெய்யகானங் ஸத்தானங் ஸஹேதுகானங் ஞாணவிப்பயுத்தானங் உபபத்திக்க²ணே த்³வே ஹேதூ பாதுப⁴வந்தி – அலோபோ⁴ விபாகஹேது, அதோ³ஸோ விபாகஹேது. காமதா⁴துயா உபபத்திக்க²ணே ஏதேஸங் இமே த்³வே ஹேதூ பாதுப⁴வந்தி. அவஸேஸானங் ஸத்தானங் ⁵ அஹேதுகா பாதுப⁴வந்தி.

Kāmadhātuyā upapattikkhaṇe kassa dve hetū pātubhavanti? Kāmāvacarānaṃ devānaṃ, paṭhamakappikānaṃ manussānaṃ, gabbhaseyyakānaṃ sattānaṃ sahetukānaṃ ñāṇavippayuttānaṃ upapattikkhaṇe dve hetū pātubhavanti – alobho vipākahetu, adoso vipākahetu. Kāmadhātuyā upapattikkhaṇe etesaṃ ime dve hetū pātubhavanti. Avasesānaṃ sattānaṃ ⁶ ahetukā pātubhavanti.

1014. காமதா⁴துயா உபபத்திக்க²ணே ஸப்³பே³ஸங் கதமே சத்தாரோ ஆஹாரா பாதுப⁴வந்தி. கப³ளீகாரோ ஆஹாரோ, ப²ஸ்ஸாஹாரோ, மனோஸஞ்சேதனாஹாரோ, விஞ்ஞாணாஹாரோ – காமதா⁴துயா உபபத்திக்க²ணே ஸப்³பே³ஸங் இமே சத்தாரோ ஆஹாரா பாதுப⁴வந்தி.

1014. Kāmadhātuyā upapattikkhaṇe sabbesaṃ katame cattāro āhārā pātubhavanti. Kabaḷīkāro āhāro, phassāhāro, manosañcetanāhāro, viññāṇāhāro – kāmadhātuyā upapattikkhaṇe sabbesaṃ ime cattāro āhārā pātubhavanti.

காமதா⁴துயா உபபத்திக்க²ணே ஸப்³பே³ஸங் கதமோ ஏகோ ப²ஸ்ஸோ பாதுப⁴வதி? மனோவிஞ்ஞாணதா⁴துஸம்ப²ஸ்ஸோ – காமதா⁴துயா உபபத்திக்க²ணே ஸப்³பே³ஸங் அயங் ஏகோ ப²ஸ்ஸோ பாதுப⁴வதி.

Kāmadhātuyā upapattikkhaṇe sabbesaṃ katamo eko phasso pātubhavati? Manoviññāṇadhātusamphasso – kāmadhātuyā upapattikkhaṇe sabbesaṃ ayaṃ eko phasso pātubhavati.

காமதா⁴துயா உபபத்திக்க²ணே ஸப்³பே³ஸங் கதமா ஏகா வேத³னா … ஏகா ஸஞ்ஞா… ஏகா சேதனா… ஏகங் சித்தங் பாதுப⁴வதி? மனோவிஞ்ஞாணதா⁴து – காமதா⁴துயா உபபத்திக்க²ணே ஸப்³பே³ஸங் இத³ங் ஏகங் சித்தங் பாதுப⁴வதி.

Kāmadhātuyā upapattikkhaṇe sabbesaṃ katamā ekā vedanā … ekā saññā… ekā cetanā… ekaṃ cittaṃ pātubhavati? Manoviññāṇadhātu – kāmadhātuyā upapattikkhaṇe sabbesaṃ idaṃ ekaṃ cittaṃ pātubhavati.

2. ரூபதா⁴து

2. Rūpadhātu

1015. ரூபதா⁴துயா உபபத்திக்க²ணே கதி க²ந்தா⁴ பாதுப⁴வந்தி…பே॰… கதி சித்தானி பாதுப⁴வந்தி?

1015. Rūpadhātuyā upapattikkhaṇe kati khandhā pātubhavanti…pe… kati cittāni pātubhavanti?

ரூபதா⁴துயா உபபத்திக்க²ணே, ட²பெத்வா அஸஞ்ஞஸத்தானங் தே³வானங், பஞ்சக்க²ந்தா⁴ பாதுப⁴வந்தி, பஞ்சாயதனானி பாதுப⁴வந்தி, பஞ்ச தா⁴துயோ பாதுப⁴வந்தி, ஏகங் ஸச்சங் பாதுப⁴வதி, த³ஸிந்த்³ரியானி பாதுப⁴வந்தி, தயோ ஹேதூ பாதுப⁴வந்தி, தயோ ஆஹாரா பாதுப⁴வந்தி, ஏகோ ப²ஸ்ஸோ பாதுப⁴வதி, ஏகா வேத³னா… ஏகா ஸஞ்ஞா… ஏகா சேதனா… ஏகங் சித்தங் பாதுப⁴வதி.

Rūpadhātuyā upapattikkhaṇe, ṭhapetvā asaññasattānaṃ devānaṃ, pañcakkhandhā pātubhavanti, pañcāyatanāni pātubhavanti, pañca dhātuyo pātubhavanti, ekaṃ saccaṃ pātubhavati, dasindriyāni pātubhavanti, tayo hetū pātubhavanti, tayo āhārā pātubhavanti, eko phasso pātubhavati, ekā vedanā… ekā saññā… ekā cetanā… ekaṃ cittaṃ pātubhavati.

1016. ரூபதா⁴துயா உபபத்திக்க²ணே கதமே பஞ்சக்க²ந்தா⁴ பாதுப⁴வந்தி ? ரூபக்க²ந்தோ⁴, வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – ரூபதா⁴துயா உபபத்திக்க²ணே இமே பஞ்சக்க²ந்தா⁴ பாதுப⁴வந்தி.

1016. Rūpadhātuyā upapattikkhaṇe katame pañcakkhandhā pātubhavanti ? Rūpakkhandho, vedanākkhandho, saññākkhandho, saṅkhārakkhandho, viññāṇakkhandho – rūpadhātuyā upapattikkhaṇe ime pañcakkhandhā pātubhavanti.

ரூபதா⁴துயா உபபத்திக்க²ணே கதமானி பஞ்சாயதனானி பாதுப⁴வந்தி? சக்கா²யதனங், ரூபாயதனங், ஸோதாயதனங், மனாயதனங், த⁴ம்மாயதனங் – ரூபதா⁴துயா உபபத்திக்க²ணே இமானி பஞ்சாயதனானி பாதுப⁴வந்தி.

Rūpadhātuyā upapattikkhaṇe katamāni pañcāyatanāni pātubhavanti? Cakkhāyatanaṃ, rūpāyatanaṃ, sotāyatanaṃ, manāyatanaṃ, dhammāyatanaṃ – rūpadhātuyā upapattikkhaṇe imāni pañcāyatanāni pātubhavanti.

ரூபதா⁴துயா உபபத்திக்க²ணே கதமா பஞ்ச தா⁴துயோ பாதுப⁴வந்தி? சக்கு²தா⁴து, ரூபதா⁴து, ஸோததா⁴து, மனோவிஞ்ஞாணதா⁴து, த⁴ம்மதா⁴து – ரூபதா⁴துயா உபபத்திக்க²ணே இமா பஞ்ச தா⁴துயோ பாதுப⁴வந்தி.

Rūpadhātuyā upapattikkhaṇe katamā pañca dhātuyo pātubhavanti? Cakkhudhātu, rūpadhātu, sotadhātu, manoviññāṇadhātu, dhammadhātu – rūpadhātuyā upapattikkhaṇe imā pañca dhātuyo pātubhavanti.

ரூபதா⁴துயா உபபத்திக்க²ணே கதமங் ஏகங் ஸச்சங் பாதுப⁴வதி? து³க்க²ஸச்சங் – ரூபதா⁴துயா உபபத்திக்க²ணே இத³ங் ஏகங் ஸச்சங் பாதுப⁴வதி.

Rūpadhātuyā upapattikkhaṇe katamaṃ ekaṃ saccaṃ pātubhavati? Dukkhasaccaṃ – rūpadhātuyā upapattikkhaṇe idaṃ ekaṃ saccaṃ pātubhavati.

ரூபதா⁴துயா உபபத்திக்க²ணே கதமானி த³ஸிந்த்³ரியானி பாதுப⁴வந்தி? சக்கு²ந்த்³ரியங், ஸோதிந்த்³ரியங், மனிந்த்³ரியங், ஜீவிதிந்த்³ரியங், ஸோமனஸ்ஸிந்த்³ரியங் வா உபெக்கி²ந்த்³ரியங் வா, ஸத்³தி⁴ந்த்³ரியங், வீரியிந்த்³ரியங் , ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங் – ரூபதா⁴துயா உபபத்திக்க²ணே இமானி த³ஸிந்த்³ரியானி பாதுப⁴வந்தி.

Rūpadhātuyā upapattikkhaṇe katamāni dasindriyāni pātubhavanti? Cakkhundriyaṃ, sotindriyaṃ, manindriyaṃ, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ , satindriyaṃ, samādhindriyaṃ, paññindriyaṃ – rūpadhātuyā upapattikkhaṇe imāni dasindriyāni pātubhavanti.

ரூபதா⁴துயா உபபத்திக்க²ணே கதமே தயோ ஹேதூ பாதுப⁴வந்தி? அலோபோ⁴ விபாகஹேது, அதோ³ஸோ விபாகஹேது, அமோஹோ விபாகஹேது – ரூபதா⁴துயா உபபத்திக்க²ணே இமே தயோ ஹேதூ பாதுப⁴வந்தி.

Rūpadhātuyā upapattikkhaṇe katame tayo hetū pātubhavanti? Alobho vipākahetu, adoso vipākahetu, amoho vipākahetu – rūpadhātuyā upapattikkhaṇe ime tayo hetū pātubhavanti.

ரூபதா⁴துயா உபபத்திக்க²ணே கதமே தயோ ஆஹாரா பாதுப⁴வந்தி? ப²ஸ்ஸாஹாரோ, மனோஸஞ்சேதனாஹாரோ, விஞ்ஞாணாஹாரோ – ரூபதா⁴துயா உபபத்திக்க²ணே இமே தயோ ஆஹாரா பாதுப⁴வந்தி.

Rūpadhātuyā upapattikkhaṇe katame tayo āhārā pātubhavanti? Phassāhāro, manosañcetanāhāro, viññāṇāhāro – rūpadhātuyā upapattikkhaṇe ime tayo āhārā pātubhavanti.

ரூபதா⁴துயா உபபத்திக்க²ணே கதமோ ஏகோ ப²ஸ்ஸோ பாதுப⁴வதி? மனோவிஞ்ஞாணதா⁴துஸம்ப²ஸ்ஸோ – ரூபதா⁴துயா உபபத்திக்க²ணே அயங் ஏகோ ப²ஸ்ஸோ பாதுப⁴வதி.

Rūpadhātuyā upapattikkhaṇe katamo eko phasso pātubhavati? Manoviññāṇadhātusamphasso – rūpadhātuyā upapattikkhaṇe ayaṃ eko phasso pātubhavati.

ரூபதா⁴துயா உபபத்திக்க²ணே கதமா ஏகா வேத³னா… ஏகா ஸஞ்ஞா… ஏகா சேதனா… ஏகங் சித்தங் பாதுப⁴வதி? மனோவிஞ்ஞாணதா⁴து – ரூபதா⁴துயா உபபத்திக்க²ணே இத³ங் ஏகங் சித்தங் பாதுப⁴வதி.

Rūpadhātuyā upapattikkhaṇe katamā ekā vedanā… ekā saññā… ekā cetanā… ekaṃ cittaṃ pātubhavati? Manoviññāṇadhātu – rūpadhātuyā upapattikkhaṇe idaṃ ekaṃ cittaṃ pātubhavati.

3. அஸஞ்ஞஸத்தா

3. Asaññasattā

1017. அஸஞ்ஞஸத்தானங் தே³வானங் உபபத்திக்க²ணே கதி க²ந்தா⁴ பாதுப⁴வந்தி…பே॰… கதி சித்தானி பாதுப⁴வந்தி?

1017. Asaññasattānaṃ devānaṃ upapattikkhaṇe kati khandhā pātubhavanti…pe… kati cittāni pātubhavanti?

அஸஞ்ஞஸத்தானங் தே³வானங் உபபத்திக்க²ணே ஏகோ க²ந்தோ⁴ பாதுப⁴வதி – ரூபக்க²ந்தோ⁴; த்³வே ஆயதனானி பாதுப⁴வந்தி – ரூபாயதனங், த⁴ம்மாயதனங்; த்³வே தா⁴துயோ பாதுப⁴வந்தி – ரூபதா⁴து, த⁴ம்மதா⁴து; ஏகங் ஸச்சங் பாதுப⁴வதி – து³க்க²ஸச்சங்; ஏகிந்த்³ரியங் பாதுப⁴வதி – ரூபஜீவிதிந்த்³ரியங். அஸஞ்ஞஸத்தா தே³வா அஹேதுகா அனாஹாரா அப²ஸ்ஸகா அவேத³னகா அஸஞ்ஞகா அசேதனகா அசித்தகா பாதுப⁴வந்தி.

Asaññasattānaṃ devānaṃ upapattikkhaṇe eko khandho pātubhavati – rūpakkhandho; dve āyatanāni pātubhavanti – rūpāyatanaṃ, dhammāyatanaṃ; dve dhātuyo pātubhavanti – rūpadhātu, dhammadhātu; ekaṃ saccaṃ pātubhavati – dukkhasaccaṃ; ekindriyaṃ pātubhavati – rūpajīvitindriyaṃ. Asaññasattā devā ahetukā anāhārā aphassakā avedanakā asaññakā acetanakā acittakā pātubhavanti.

4. அரூபதா⁴து

4. Arūpadhātu

1018. அரூபதா⁴துயா உபபத்திக்க²ணே கதி க²ந்தா⁴ பாதுப⁴வந்தி…பே॰… கதி சித்தானி பாதுப⁴வந்தி?

1018. Arūpadhātuyā upapattikkhaṇe kati khandhā pātubhavanti…pe… kati cittāni pātubhavanti?

அரூபதா⁴துயா உபபத்திக்க²ணே சத்தாரோ க²ந்தா⁴ பாதுப⁴வந்தி, த்³வே ஆயதனானி பாதுப⁴வந்தி, த்³வே தா⁴துயோ பாதுப⁴வந்தி, ஏகங் ஸச்சங் பாதுப⁴வதி, அட்டி²ந்த்³ரியானி பாதுப⁴வந்தி, தயோ ஹேதூ பாதுப⁴வந்தி, தயோ ஆஹாரா பாதுப⁴வந்தி, ஏகோ ப²ஸ்ஸோ பாதுப⁴வதி, ஏகா வேத³னா… ஏகா ஸஞ்ஞா… ஏகா சேதனா… ஏகங் சித்தங் பாதுப⁴வதி.

Arūpadhātuyā upapattikkhaṇe cattāro khandhā pātubhavanti, dve āyatanāni pātubhavanti, dve dhātuyo pātubhavanti, ekaṃ saccaṃ pātubhavati, aṭṭhindriyāni pātubhavanti, tayo hetū pātubhavanti, tayo āhārā pātubhavanti, eko phasso pātubhavati, ekā vedanā… ekā saññā… ekā cetanā… ekaṃ cittaṃ pātubhavati.

1019. அரூபதா⁴துயா உபபத்திக்க²ணே கதமே சத்தாரோ க²ந்தா⁴ பாதுப⁴வந்தி? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – அரூபதா⁴துயா உபபத்திக்க²ணே இமே சத்தாரோ க²ந்தா⁴ பாதுப⁴வந்தி.

1019. Arūpadhātuyā upapattikkhaṇe katame cattāro khandhā pātubhavanti? Vedanākkhandho, saññākkhandho, saṅkhārakkhandho, viññāṇakkhandho – arūpadhātuyā upapattikkhaṇe ime cattāro khandhā pātubhavanti.

அரூபதா⁴துயா உபபத்திக்க²ணே கதமானி த்³வே ஆயதனானி பாதுப⁴வந்தி? மனாயதனங், த⁴ம்மாயதனங் – அரூபதா⁴துயா உபபத்திக்க²ணே இமானி த்³வே ஆயதனானி பாதுப⁴வந்தி.

Arūpadhātuyā upapattikkhaṇe katamāni dve āyatanāni pātubhavanti? Manāyatanaṃ, dhammāyatanaṃ – arūpadhātuyā upapattikkhaṇe imāni dve āyatanāni pātubhavanti.

அரூபதா⁴துயா உபபத்திக்க²ணே கதமா த்³வே தா⁴துயோ பாதுப⁴வந்தி? மனோவிஞ்ஞாணதா⁴து, த⁴ம்மதா⁴து – அரூபதா⁴துயா உபபத்திக்க²ணே இமா த்³வே தா⁴துயோ பாதுப⁴வந்தி.

Arūpadhātuyā upapattikkhaṇe katamā dve dhātuyo pātubhavanti? Manoviññāṇadhātu, dhammadhātu – arūpadhātuyā upapattikkhaṇe imā dve dhātuyo pātubhavanti.

அரூபதா⁴துயா உபபத்திக்க²ணே கதமங் ஏகங் ஸச்சங் பாதுப⁴வதி? து³க்க²ஸச்சங் – அரூபதா⁴துயா உபபத்திக்க²ணே இத³ங் ஏகங் ஸச்சங் பாதுப⁴வதி.

Arūpadhātuyā upapattikkhaṇe katamaṃ ekaṃ saccaṃ pātubhavati? Dukkhasaccaṃ – arūpadhātuyā upapattikkhaṇe idaṃ ekaṃ saccaṃ pātubhavati.

அரூபதா⁴துயா உபபத்திக்க²ணே கதமானி அட்டி²ந்த்³ரியானி பாதுப⁴வந்தி? மனிந்த்³ரியங், ஜீவிதிந்த்³ரியங், உபெக்கி²ந்த்³ரியங், ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங் – அரூபதா⁴துயா உபபத்திக்க²ணே இமானி அட்டி²ந்த்³ரியானி பாதுப⁴வந்தி.

Arūpadhātuyā upapattikkhaṇe katamāni aṭṭhindriyāni pātubhavanti? Manindriyaṃ, jīvitindriyaṃ, upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – arūpadhātuyā upapattikkhaṇe imāni aṭṭhindriyāni pātubhavanti.

அரூபதா⁴துயா உபபத்திக்க²ணே கதமே தயோ ஹேதூ பாதுப⁴வந்தி? அலோபோ⁴ விபாகஹேது, அதோ³ஸோ விபாகஹேது, அமோஹோ விபாகஹேது – அரூபதா⁴துயா உபபத்திக்க²ணே இமே தயோ ஹேதூ பாதுப⁴வந்தி.

Arūpadhātuyā upapattikkhaṇe katame tayo hetū pātubhavanti? Alobho vipākahetu, adoso vipākahetu, amoho vipākahetu – arūpadhātuyā upapattikkhaṇe ime tayo hetū pātubhavanti.

அரூபதா⁴துயா உபபத்திக்க²ணே கதமே தயோ ஆஹாரா பாதுப⁴வந்தி? ப²ஸ்ஸாஹாரோ, மனோஸஞ்சேதனாஹாரோ, விஞ்ஞாணாஹாரோ – அரூபதா⁴துயா உபபத்திக்க²ணே இமே தயோ ஆஹாரா பாதுப⁴வந்தி.

Arūpadhātuyā upapattikkhaṇe katame tayo āhārā pātubhavanti? Phassāhāro, manosañcetanāhāro, viññāṇāhāro – arūpadhātuyā upapattikkhaṇe ime tayo āhārā pātubhavanti.

அரூபதா⁴துயா உபபத்திக்க²ணே கதமோ ஏகோ ப²ஸ்ஸோ பாதுப⁴வதி? மனோவிஞ்ஞாணதா⁴துஸம்ப²ஸ்ஸோ – அரூபதா⁴துயா உபபத்திக்க²ணே அயங் ஏகோ ப²ஸ்ஸோ பாதுப⁴வதி.

Arūpadhātuyā upapattikkhaṇe katamo eko phasso pātubhavati? Manoviññāṇadhātusamphasso – arūpadhātuyā upapattikkhaṇe ayaṃ eko phasso pātubhavati.

அரூபதா⁴துயா உபபத்திக்க²ணே கதமா ஏகா வேத³னா…பே॰… ஏகா ஸஞ்ஞா… ஏகா சேதனா… ஏகங் சித்தங் பாதுப⁴வதி? மனோவிஞ்ஞாணதா⁴து – அரூபதா⁴துயா உபபத்திக்க²ணே இத³ங் ஏகங் சித்தங் பாதுப⁴வதி.

Arūpadhātuyā upapattikkhaṇe katamā ekā vedanā…pe… ekā saññā… ekā cetanā… ekaṃ cittaṃ pātubhavati? Manoviññāṇadhātu – arūpadhātuyā upapattikkhaṇe idaṃ ekaṃ cittaṃ pātubhavati.

5. பூ⁴மந்தரத³ஸ்ஸனவாரோ

5. Bhūmantaradassanavāro

1020. காமாவசரா த⁴ம்மா, ந காமாவசரா த⁴ம்மா, ரூபாவசரா த⁴ம்மா, ந ரூபாவசரா த⁴ம்மா, அரூபாவசரா த⁴ம்மா, ந அரூபாவசரா த⁴ம்மா, பரியாபன்னா த⁴ம்மா, அபரியாபன்னா த⁴ம்மா.

1020. Kāmāvacarā dhammā, na kāmāvacarā dhammā, rūpāvacarā dhammā, na rūpāvacarā dhammā, arūpāvacarā dhammā, na arūpāvacarā dhammā, pariyāpannā dhammā, apariyāpannā dhammā.

கதமே த⁴ம்மா காமாவசரா? ஹெட்ட²தோ அவீசினிரயங் பரியந்தங் கரித்வா, உபரிதோ பரனிம்மிதவஸவத்தீ தே³வே அந்தோகரித்வா, யங் ஏதஸ்மிங் அந்தரே எத்தா²வசரா எத்த² பரியாபன்னா க²ந்த⁴தா⁴துஆயதனா; ரூபங், வேத³னா, ஸஞ்ஞா, ஸங்கா²ரா, விஞ்ஞாணங் – இமே த⁴ம்மா காமாவசரா.

Katame dhammā kāmāvacarā? Heṭṭhato avīcinirayaṃ pariyantaṃ karitvā, uparito paranimmitavasavattī deve antokaritvā, yaṃ etasmiṃ antare etthāvacarā ettha pariyāpannā khandhadhātuāyatanā; rūpaṃ, vedanā, saññā, saṅkhārā, viññāṇaṃ – ime dhammā kāmāvacarā.

கதமே த⁴ம்மா ந காமாவசரா? ரூபாவசரா, அரூபாவசரா, அபரியாபன்னா – இமே த⁴ம்மா ந காமாவசரா.

Katame dhammā na kāmāvacarā? Rūpāvacarā, arūpāvacarā, apariyāpannā – ime dhammā na kāmāvacarā.

கதமே த⁴ம்மா ரூபாவசரா? ஹெட்ட²தோ ப்³ரஹ்மலோகங் பரியந்தங் கரித்வா, உபரிதோ அகனிட்டே² தே³வே அந்தோகரித்வா , யங் ஏதஸ்மிங் அந்தரே எத்தா²வசரா எத்த² பரியாபன்னா ஸமாபன்னஸ்ஸ வா உபபன்னஸ்ஸ வா தி³ட்ட²த⁴ம்மஸுக²விஹாரிஸ்ஸ வா சித்தசேதஸிகா த⁴ம்மா – இமே த⁴ம்மா ரூபாவசரா.

Katame dhammā rūpāvacarā? Heṭṭhato brahmalokaṃ pariyantaṃ karitvā, uparito akaniṭṭhe deve antokaritvā , yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā – ime dhammā rūpāvacarā.

கதமே த⁴ம்மா ந ரூபாவசரா? காமாவசரா, அரூபாவசரா, அபரியாபன்னா – இமே த⁴ம்மா ந ரூபாவசரா.

Katame dhammā na rūpāvacarā? Kāmāvacarā, arūpāvacarā, apariyāpannā – ime dhammā na rūpāvacarā.

கதமே த⁴ம்மா அரூபாவசரா? ஹெட்ட²தோ ஆகாஸானஞ்சாயதனூபகே³ தே³வே பரியந்தங் கரித்வா, உபரிதோ நேவஸஞ்ஞானாஸஞ்ஞாயதனூபகே³ தே³வே அந்தோகரித்வா, யங் ஏதஸ்மிங் அந்தரே எத்தா²வசரா எத்த² பரியாபன்னா ஸமாபன்னஸ்ஸ வா உபபன்னஸ்ஸ வா தி³ட்ட²த⁴ம்மஸுக²விஹாரிஸ்ஸ வா சித்தசேதஸிகா த⁴ம்மா – இமே த⁴ம்மா அரூபாவசரா.

Katame dhammā arūpāvacarā? Heṭṭhato ākāsānañcāyatanūpage deve pariyantaṃ karitvā, uparito nevasaññānāsaññāyatanūpage deve antokaritvā, yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā – ime dhammā arūpāvacarā.

கதமே த⁴ம்மா ந அரூபாவசரா? காமாவசரா, ரூபாவசரா, அபரியாபன்னா – இமே த⁴ம்மா ந அரூபாவசரா.

Katame dhammā na arūpāvacarā? Kāmāvacarā, rūpāvacarā, apariyāpannā – ime dhammā na arūpāvacarā.

கதமே த⁴ம்மா பரியாபன்னா? ஸாஸவா குஸலாகுஸலப்³யாகதா த⁴ம்மா காமாவசரா, ரூபாவசரா, அரூபாவசரா, ரூபக்க²ந்தோ⁴, வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே த⁴ம்மா பரியாபன்னா.

Katame dhammā pariyāpannā? Sāsavā kusalākusalabyākatā dhammā kāmāvacarā, rūpāvacarā, arūpāvacarā, rūpakkhandho, vedanākkhandho, saññākkhandho, saṅkhārakkhandho, viññāṇakkhandho – ime dhammā pariyāpannā.

கதமே த⁴ம்மா அபரியாபன்னா? மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அபரியாபன்னா.

Katame dhammā apariyāpannā? Maggā ca, maggaphalāni ca, asaṅkhatā ca dhātu – ime dhammā apariyāpannā.

6. உப்பாத³ககம்மஆயுப்பமாணவாரோ

6. Uppādakakammaāyuppamāṇavāro

1. உப்பாத³ககம்மங்

1. Uppādakakammaṃ

1021. தே³வாதி . தயோ தே³வா – ஸம்முதிதே³வா ⁷, உபபத்திதே³வா, விஸுத்³தி⁴தே³வா.

1021. Devāti . Tayo devā – sammutidevā ⁸, upapattidevā, visuddhidevā.

ஸம்முதிதே³வா நாம – ராஜானோ, தே³வியோ, குமாரா.

Sammutidevā nāma – rājāno, deviyo, kumārā.

உபபத்திதே³வா நாம – சாதுமஹாராஜிகே ⁹ தே³வே உபாதா³ய தது³பரி தே³வா.

Upapattidevā nāma – cātumahārājike ¹⁰ deve upādāya tadupari devā.

விஸுத்³தி⁴தே³வா நாம – அரஹந்தோ வுச்சந்தி.

Visuddhidevā nāma – arahanto vuccanti.

தா³னங் த³த்வா, ஸீலங் ஸமாதி³யித்வா, உபோஸத²கம்மங் கத்வா கத்த² உபபஜ்ஜந்தி? தா³னங் த³த்வா, ஸீலங் ஸமாதி³யித்வா, உபோஸத²கம்மங் கத்வா அப்பேகச்சே க²த்தியமஹாஸாலானங் ஸஹப்³யதங் உபபஜ்ஜந்தி, அப்பேகச்சே ப்³ராஹ்மணமஹாஸாலானங் ஸஹப்³யதங் உபபஜ்ஜந்தி, அப்பேகச்சே க³ஹபதிமஹாஸாலானங் ஸஹப்³யதங் உபபஜ்ஜந்தி, அப்பேகச்சே சாதுமஹாராஜிகானங் தே³வானங் ஸஹப்³யதங் உபபஜ்ஜந்தி, அப்பேகச்சே தாவதிங்ஸானங் தே³வானங் ஸஹப்³யதங் உபபஜ்ஜந்தி, அப்பேகச்சே யாமானங் தே³வானங் ஸஹப்³யதங் உபபஜ்ஜந்தி, அப்பேகச்சே துஸிதானங் தே³வானங் ஸஹப்³யதங் உபபஜ்ஜந்தி, அப்பேகச்சே நிம்மானரதீனங் தே³வானங் ஸஹப்³யதங் உபபஜ்ஜந்தி, அப்பேகச்சே பரனிம்மிதவஸவத்தீனங் தே³வானங் ஸஹப்³யதங் உபபஜ்ஜந்தி.

Dānaṃ datvā, sīlaṃ samādiyitvā, uposathakammaṃ katvā kattha upapajjanti? Dānaṃ datvā, sīlaṃ samādiyitvā, uposathakammaṃ katvā appekacce khattiyamahāsālānaṃ sahabyataṃ upapajjanti, appekacce brāhmaṇamahāsālānaṃ sahabyataṃ upapajjanti, appekacce gahapatimahāsālānaṃ sahabyataṃ upapajjanti, appekacce cātumahārājikānaṃ devānaṃ sahabyataṃ upapajjanti, appekacce tāvatiṃsānaṃ devānaṃ sahabyataṃ upapajjanti, appekacce yāmānaṃ devānaṃ sahabyataṃ upapajjanti, appekacce tusitānaṃ devānaṃ sahabyataṃ upapajjanti, appekacce nimmānaratīnaṃ devānaṃ sahabyataṃ upapajjanti, appekacce paranimmitavasavattīnaṃ devānaṃ sahabyataṃ upapajjanti.

2. ஆயுப்பமாணங்

2. Āyuppamāṇaṃ

1022. மனுஸ்ஸானங் கித்தகங் ஆயுப்பமாணங்? வஸ்ஸஸதங், அப்பங் வா பி⁴ய்யோ ¹¹.

1022. Manussānaṃ kittakaṃ āyuppamāṇaṃ? Vassasataṃ, appaṃ vā bhiyyo ¹².

1023. சாதுமஹாராஜிகானங் தே³வானங் கித்தகங் ஆயுப்பமாணங்? யானி மானுஸகானி பஞ்ஞாஸ வஸ்ஸானி, சாதும்மஹாராஜிகானங் தே³வானங் ஏஸோ ஏகோ ரத்திந்தி³வோ ¹³. தாய ரத்தியா திங்ஸ ரத்தியோ மாஸோ. தேன மாஸேன த்³வாத³ஸமாஸியோ ஸங்வச்ச²ரோ. தேன ஸங்வச்ச²ரேன தி³ப்³பா³னி பஞ்ச வஸ்ஸஸதானி சாதும்மஹாராஜிகானங் தே³வானங் ஆயுப்பமாணங். மனுஸ்ஸானங் க³ணனாய கித்தகங் ஹோதி? நவுதி வஸ்ஸஸதஸஹஸ்ஸானி.

1023. Cātumahārājikānaṃ devānaṃ kittakaṃ āyuppamāṇaṃ? Yāni mānusakāni paññāsa vassāni, cātummahārājikānaṃ devānaṃ eso eko rattindivo ¹⁴. Tāya rattiyā tiṃsa rattiyo māso. Tena māsena dvādasamāsiyo saṃvaccharo. Tena saṃvaccharena dibbāni pañca vassasatāni cātummahārājikānaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Navuti vassasatasahassāni.

தாவதிங்ஸானங் தே³வானங் கித்தகங் ஆயுப்பமாணங்? யங் மானுஸகங் வஸ்ஸஸதங், தாவதிங்ஸானங் தே³வானங் ஏஸோ ஏகோ ரத்திந்தி³வோ. தாய ரத்தியா திங்ஸ ரத்தியோ மாஸோ. தேன மாஸேன த்³வாத³ஸமாஸியோ ஸங்வச்ச²ரோ. தேன ஸங்வச்ச²ரேன தி³ப்³ப³ங் வஸ்ஸஸஹஸ்ஸங் தாவதிங்ஸானங் தே³வானங் ஆயுப்பமாணங். மனுஸ்ஸானங் க³ணனாய கித்தகங் ஹோதி? திஸ்ஸோ ச வஸ்ஸகோடியோ ஸட்டி² ச வஸ்ஸஸதஸஹஸ்ஸானி.

Tāvatiṃsānaṃ devānaṃ kittakaṃ āyuppamāṇaṃ? Yaṃ mānusakaṃ vassasataṃ, tāvatiṃsānaṃ devānaṃ eso eko rattindivo. Tāya rattiyā tiṃsa rattiyo māso. Tena māsena dvādasamāsiyo saṃvaccharo. Tena saṃvaccharena dibbaṃ vassasahassaṃ tāvatiṃsānaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Tisso ca vassakoṭiyo saṭṭhi ca vassasatasahassāni.

யாமானங் தே³வானங் கித்தகங் ஆயுப்பமாணங்? யானி மானுஸகானி த்³வே வஸ்ஸஸதானி, யாமானங் தே³வானங் ஏஸோ ஏகோ ரத்திந்தி³வோ. தாய ரத்தியா திங்ஸரத்தியோ மாஸோ . தேன மாஸேன த்³வாத³ஸமாஸியோ ஸங்வச்ச²ரோ. தேன ஸங்வச்ச²ரேன தி³ப்³பா³னி த்³வே வஸ்ஸஸஹஸ்ஸானி யாமானங் தே³வானங் ஆயுப்பமாணங். மனுஸ்ஸானங் க³ணனாய கித்தகங் ஹோதி? சுத்³த³ஸஞ்ச வஸ்ஸகோடியோ சத்தாரீஸஞ்ச வஸ்ஸஸதஸஹஸ்ஸானி.

Yāmānaṃ devānaṃ kittakaṃ āyuppamāṇaṃ? Yāni mānusakāni dve vassasatāni, yāmānaṃ devānaṃ eso eko rattindivo. Tāya rattiyā tiṃsarattiyo māso . Tena māsena dvādasamāsiyo saṃvaccharo. Tena saṃvaccharena dibbāni dve vassasahassāni yāmānaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Cuddasañca vassakoṭiyo cattārīsañca vassasatasahassāni.

துஸிதானங் தே³வானங் கித்தகங் ஆயுப்பமாணங்? யானி மானுஸகானி சத்தாரி வஸ்ஸஸதானி, துஸிதானங் தே³வானங் ஏஸோ ஏகோ ரத்திந்தி³வோ. தாய ரத்தியா திங்ஸரத்தியோ மாஸோ. தேன மாஸேன த்³வாத³ஸமாஸியோ ஸங்வச்ச²ரோ. தேன ஸங்வச்ச²ரேன தி³ப்³பா³னி சத்தாரி வஸ்ஸஸஹஸ்ஸானி துஸிதானங் தே³வானங் ஆயுப்பமாணங். மனுஸ்ஸானங் க³ணனாய கித்தகங் ஹோதி? ஸத்தபஞ்ஞாஸ வஸ்ஸகோடியோ ஸட்டி² ச வஸ்ஸஸதஸஹஸ்ஸானி.

Tusitānaṃ devānaṃ kittakaṃ āyuppamāṇaṃ? Yāni mānusakāni cattāri vassasatāni, tusitānaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni cattāri vassasahassāni tusitānaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Sattapaññāsa vassakoṭiyo saṭṭhi ca vassasatasahassāni.

நிம்மானரதீனங் தே³வானங் கித்தகங் ஆயுப்பமாணங்? யானி மானுஸகானி அட்ட² வஸ்ஸஸதானி, நிம்மானரதீனங் தே³வானங் ஏஸோ ஏகோ ரத்திந்தி³வோ. தாய ரத்தியா திங்ஸரத்தியோ மாஸோ. தேன மாஸேன த்³வாத³ஸமாஸியோ ஸங்வச்ச²ரோ. தேன ஸங்வச்ச²ரேன தி³ப்³பா³னி அட்ட² வஸ்ஸஸஹஸ்ஸானி நிம்மானரதீனங் தே³வானங் ஆயுப்பமாணங். மனுஸ்ஸானங் க³ணனாய கித்தகங் ஹோதி? த்³வே வஸ்ஸகோடிஸதானி திங்ஸஞ்ச வஸ்ஸகோடியோ சத்தாரீஸஞ்ச வஸ்ஸஸதஸஹஸ்ஸானி.

Nimmānaratīnaṃ devānaṃ kittakaṃ āyuppamāṇaṃ? Yāni mānusakāni aṭṭha vassasatāni, nimmānaratīnaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni aṭṭha vassasahassāni nimmānaratīnaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Dve vassakoṭisatāni tiṃsañca vassakoṭiyo cattārīsañca vassasatasahassāni.

பரனிம்மிதவஸவத்தீனங் தே³வானங் கித்தகங் ஆயுப்பமாணங்? யானி மானுஸகானி ஸோளஸ வஸ்ஸஸதானி, பரனிம்மிதவஸவத்தீனங் தே³வானங் ஏஸோ ஏகோ ரத்திந்தி³வோ. தாய ரத்தியா திங்ஸரத்தியோ மாஸோ. தேன மாஸேன த்³வாத³ஸமாஸியோ ஸங்வச்ச²ரோ. தேன ஸங்வச்ச²ரேன தி³ப்³பா³னி ஸோளஸ வஸ்ஸஸஹஸ்ஸானி பரனிம்மிதவஸவத்தீனங் தே³வானங் ஆயுப்பமாணங். மனுஸ்ஸானங் க³ணனாய கித்தகங் ஹோதி? நவ ச வஸ்ஸகோடிஸதானி ஏகவீஸஞ்ச வஸ்ஸகோடியோ ஸட்டி² ச வஸ்ஸஸதஸஹஸ்ஸானீதி.

Paranimmitavasavattīnaṃ devānaṃ kittakaṃ āyuppamāṇaṃ? Yāni mānusakāni soḷasa vassasatāni, paranimmitavasavattīnaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni soḷasa vassasahassāni paranimmitavasavattīnaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Nava ca vassakoṭisatāni ekavīsañca vassakoṭiyo saṭṭhi ca vassasatasahassānīti.

ச² ஏதே ¹⁵ காமாவசரா, ஸப்³ப³காமஸமித்³தி⁴னோ;

Cha ete ¹⁶ kāmāvacarā, sabbakāmasamiddhino;

ஸப்³பே³ஸங் ஏகஸங்கா²தோ, ஆயு ப⁴வதி கித்தகோ.

Sabbesaṃ ekasaṅkhāto, āyu bhavati kittako.

த்³வாத³ஸ கோடிஸதங் தேஸங், அட்ட²வீஸஞ்ச கோடியோ;

Dvādasa koṭisataṃ tesaṃ, aṭṭhavīsañca koṭiyo;

பஞ்ஞாஸ ஸதஸஹஸ்ஸானி, வஸ்ஸக்³கே³ன பகாஸிதாதி.

Paññāsa satasahassāni, vassaggena pakāsitāti.

1024. பட²மங் ஜா²னங் பரித்தங் பா⁴வெத்வா கத்த² உபபஜ்ஜந்தி? பட²மங் ஜா²னங் பரித்தங் பா⁴வெத்வா ப்³ரஹ்மபாரிஸஜ்ஜானங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? கப்பஸ்ஸ ததியோ பா⁴கோ³.

1024. Paṭhamaṃ jhānaṃ parittaṃ bhāvetvā kattha upapajjanti? Paṭhamaṃ jhānaṃ parittaṃ bhāvetvā brahmapārisajjānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Kappassa tatiyo bhāgo.

பட²மங் ஜா²னங் மஜ்ஜி²மங் பா⁴வெத்வா கத்த² உபபஜ்ஜந்தி? பட²மங் ஜா²னங் மஜ்ஜி²மங் பா⁴வெத்வா ப்³ரஹ்மபுரோஹிதானங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? உபட்³ட⁴கப்போ.

Paṭhamaṃ jhānaṃ majjhimaṃ bhāvetvā kattha upapajjanti? Paṭhamaṃ jhānaṃ majjhimaṃ bhāvetvā brahmapurohitānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Upaḍḍhakappo.

பட²மங் ஜா²னங் பணீதங் பா⁴வெத்வா கத்த² உபபஜ்ஜந்தி? பட²மங் ஜா²னங் பணீதங் பா⁴வெத்வா மஹாப்³ரஹ்மானங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? கப்போ ¹⁷.

Paṭhamaṃ jhānaṃ paṇītaṃ bhāvetvā kattha upapajjanti? Paṭhamaṃ jhānaṃ paṇītaṃ bhāvetvā mahābrahmānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Kappo ¹⁸.

1025. து³தியங் ஜா²னங் பரித்தங் பா⁴வெத்வா கத்த² உபபஜ்ஜந்தி? து³தியங் ஜா²னங் பரித்தங் பா⁴வெத்வா பரித்தாபா⁴னங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? த்³வே கப்பா.

1025. Dutiyaṃ jhānaṃ parittaṃ bhāvetvā kattha upapajjanti? Dutiyaṃ jhānaṃ parittaṃ bhāvetvā parittābhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Dve kappā.

து³தியங் ஜா²னங் மஜ்ஜி²மங் பா⁴வெத்வா கத்த² உபபஜ்ஜந்தி? து³தியங் ஜா²னங் மஜ்ஜி²மங் பா⁴வெத்வா அப்பமாணாபா⁴னங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? சத்தாரோ கப்பா.

Dutiyaṃ jhānaṃ majjhimaṃ bhāvetvā kattha upapajjanti? Dutiyaṃ jhānaṃ majjhimaṃ bhāvetvā appamāṇābhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Cattāro kappā.

து³தியங் ஜா²னங் பணீதங் பா⁴வெத்வா கத்த² உபபஜ்ஜந்தி? து³தியங் ஜா²னங் பணீதங் பா⁴வெத்வா ஆப⁴ஸ்ஸரானங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? அட்ட² கப்பா.

Dutiyaṃ jhānaṃ paṇītaṃ bhāvetvā kattha upapajjanti? Dutiyaṃ jhānaṃ paṇītaṃ bhāvetvā ābhassarānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Aṭṭha kappā.

1026. ததியங் ஜா²னங் பரித்தங் பா⁴வெத்வா கத்த² உபபஜ்ஜந்தி? ததியங் ஜா²னங் பரித்தங் பா⁴வெத்வா பரித்தஸுபா⁴னங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? ஸோளஸ கப்பா.

1026. Tatiyaṃ jhānaṃ parittaṃ bhāvetvā kattha upapajjanti? Tatiyaṃ jhānaṃ parittaṃ bhāvetvā parittasubhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Soḷasa kappā.

ததியங் ஜா²னங் மஜ்ஜி²மங் பா⁴வெத்வா கத்த² உபபஜ்ஜந்தி? ததியங் ஜா²னங் மஜ்ஜி²மங் பா⁴வெத்வா அப்பமாணஸுபா⁴னங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? பா³த்திங்ஸ கப்பா.

Tatiyaṃ jhānaṃ majjhimaṃ bhāvetvā kattha upapajjanti? Tatiyaṃ jhānaṃ majjhimaṃ bhāvetvā appamāṇasubhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Bāttiṃsa kappā.

ததியங் ஜா²னங் பணீதங் பா⁴வெத்வா கத்த² உபபஜ்ஜந்தி? ததியங் ஜா²னங் பணீதங் பா⁴வெத்வா ஸுப⁴கிண்ஹானங் தே³வானங் ஸஹப்³யதங் உபபஜ்ஜந்தி. தேஸங் கித்தகங் ஆயுப்பமாணங்? சதுஸட்டி² கப்பா.

Tatiyaṃ jhānaṃ paṇītaṃ bhāvetvā kattha upapajjanti? Tatiyaṃ jhānaṃ paṇītaṃ bhāvetvā subhakiṇhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Catusaṭṭhi kappā.

1027. சதுத்த²ங் ஜா²னங் பா⁴வெத்வா ஆரம்மணனானத்ததா மனஸிகாரனானத்ததா ச²ந்த³னானத்ததா பணிதி⁴னானத்ததா அதி⁴மொக்க²னானத்ததா அபி⁴னீஹாரனானத்ததா பஞ்ஞானானத்ததா அப்பேகச்சே அஸஞ்ஞஸத்தானங் தே³வானங் ஸஹப்³யதங் உபபஜ்ஜந்தி, அப்பேகச்சே வேஹப்ப²லானங் தே³வானங் ஸஹப்³யதங் உபபஜ்ஜந்தி, அப்பேகச்சே அவிஹானங் தே³வானங் ஸஹப்³யதங் உபபஜ்ஜந்தி, அப்பேகச்சே அதப்பானங் தே³வானங் ஸஹப்³யதங் உபபஜ்ஜந்தி, அப்பேகச்சே ஸுத³ஸ்ஸானங் தே³வானங் ஸஹப்³யதங் உபபஜ்ஜந்தி, அப்பேகச்சே ஸுத³ஸ்ஸீனங் தே³வானங் ஸஹப்³யதங் உபபஜ்ஜந்தி, அப்பேகச்சே அகனிட்டா²னங் தே³வானங் ஸஹப்³யதங் உபபஜ்ஜந்தி, அப்பேகச்சே ஆகாஸானஞ்சாயதனூபகா³னங் தே³வானங் ஸஹப்³யதங் உபபஜ்ஜந்தி, அப்பேகச்சே விஞ்ஞாணஞ்சாயதனூபகா³னங் தே³வானங் ஸஹப்³யதங் உபபஜ்ஜந்தி, அப்பேகச்சே ஆகிஞ்சஞ்ஞாயதனூபகா³னங் தே³வானங் ஸஹப்³யதங் உபபஜ்ஜந்தி, அப்பேகச்சே நேவஸஞ்ஞானாஸஞ்ஞாயதனூபகா³னங் தே³வானங் ஸஹப்³யதங் உபபஜ்ஜந்தி.

1027. Catutthaṃ jhānaṃ bhāvetvā ārammaṇanānattatā manasikāranānattatā chandanānattatā paṇidhinānattatā adhimokkhanānattatā abhinīhāranānattatā paññānānattatā appekacce asaññasattānaṃ devānaṃ sahabyataṃ upapajjanti, appekacce vehapphalānaṃ devānaṃ sahabyataṃ upapajjanti, appekacce avihānaṃ devānaṃ sahabyataṃ upapajjanti, appekacce atappānaṃ devānaṃ sahabyataṃ upapajjanti, appekacce sudassānaṃ devānaṃ sahabyataṃ upapajjanti, appekacce sudassīnaṃ devānaṃ sahabyataṃ upapajjanti, appekacce akaniṭṭhānaṃ devānaṃ sahabyataṃ upapajjanti, appekacce ākāsānañcāyatanūpagānaṃ devānaṃ sahabyataṃ upapajjanti, appekacce viññāṇañcāyatanūpagānaṃ devānaṃ sahabyataṃ upapajjanti, appekacce ākiñcaññāyatanūpagānaṃ devānaṃ sahabyataṃ upapajjanti, appekacce nevasaññānāsaññāyatanūpagānaṃ devānaṃ sahabyataṃ upapajjanti.

அஸஞ்ஞஸத்தானஞ்ச வேஹப்ப²லானஞ்ச தே³வானங் கித்தகங் ஆயுப்பமாணங்? பஞ்சகப்பஸதானி.

Asaññasattānañca vehapphalānañca devānaṃ kittakaṃ āyuppamāṇaṃ? Pañcakappasatāni.

அவிஹானங் தே³வானங் கித்தகங் ஆயுப்பமாணங்? கப்பஸஹஸ்ஸங்.

Avihānaṃ devānaṃ kittakaṃ āyuppamāṇaṃ? Kappasahassaṃ.

அதப்பானங் தே³வானங் கித்தகங் ஆயுப்பமாணங்? த்³வே கப்பஸஹஸ்ஸானி.

Atappānaṃ devānaṃ kittakaṃ āyuppamāṇaṃ? Dve kappasahassāni.

ஸுத³ஸ்ஸானங் தே³வானங் கித்தகங் ஆயுப்பமாணங்? சத்தாரி கப்பஸஹஸ்ஸானி.

Sudassānaṃ devānaṃ kittakaṃ āyuppamāṇaṃ? Cattāri kappasahassāni.

ஸுத³ஸ்ஸீனங் தே³வானங் கித்தகங் ஆயுப்பமாணங்? அட்ட² கப்பஸஹஸ்ஸானி.

Sudassīnaṃ devānaṃ kittakaṃ āyuppamāṇaṃ? Aṭṭha kappasahassāni.

அகனிட்டா²னங் தே³வானங் கித்தகங் ஆயுப்பமாணங்? ஸோளஸ கப்பஸஹஸ்ஸானி.

Akaniṭṭhānaṃ devānaṃ kittakaṃ āyuppamāṇaṃ? Soḷasa kappasahassāni.

1028. ஆகாஸானஞ்சாயதனூபகா³னங் தே³வானங் கித்தகங் ஆயுப்பமாணங்? வீஸதி கப்பஸஹஸ்ஸானி.

1028. Ākāsānañcāyatanūpagānaṃ devānaṃ kittakaṃ āyuppamāṇaṃ? Vīsati kappasahassāni.

விஞ்ஞாணஞ்சாயதனூபகா³னங் தே³வானங் கித்தகங் ஆயுப்பமாணங்? சத்தாரீஸ கப்பஸஹஸ்ஸானி.

Viññāṇañcāyatanūpagānaṃ devānaṃ kittakaṃ āyuppamāṇaṃ? Cattārīsa kappasahassāni.

ஆகிஞ்சஞ்ஞாயதனூபகா³னங் தே³வானங் கித்தகங் ஆயுப்பமாணங்? ஸட்டி² கப்பஸஹஸ்ஸானி.

Ākiñcaññāyatanūpagānaṃ devānaṃ kittakaṃ āyuppamāṇaṃ? Saṭṭhi kappasahassāni.

நேவஸஞ்ஞானாஸஞ்ஞாயதனூபகா³னங் தே³வானங் கித்தகங் ஆயுப்பமாணங்? சதுராஸீதி கப்பஸஹஸ்ஸானீதி.

Nevasaññānāsaññāyatanūpagānaṃ devānaṃ kittakaṃ āyuppamāṇaṃ? Caturāsīti kappasahassānīti.

1029. உக்கி²த்தா புஞ்ஞதேஜேன, காமரூபக³திங் க³தா.

1029. Ukkhittā puññatejena, kāmarūpagatiṃ gatā.

ப⁴வக்³க³தம்பி ¹⁹ ஸம்பத்தா, புனாக³ச்ச²ந்தி ²⁰ து³க்³க³திங்.

Bhavaggatampi ²¹ sampattā, punāgacchanti ²² duggatiṃ.

தாவ தீ³கா⁴யுகா ஸத்தா, சவந்தி ஆயுஸங்க²யா;

Tāva dīghāyukā sattā, cavanti āyusaṅkhayā;

நத்தி² கோசி ப⁴வோ நிச்சோ, இதி வுத்தங் மஹேஸினா.

Natthi koci bhavo nicco, iti vuttaṃ mahesinā.

தஸ்மா ஹி தீ⁴ரா நிபகா, நிபுணா அத்த²சிந்தகா;

Tasmā hi dhīrā nipakā, nipuṇā atthacintakā;

ஜராமரணமொக்கா²ய, பா⁴வெந்தி மக்³க³முத்தமங்.

Jarāmaraṇamokkhāya, bhāventi maggamuttamaṃ.

பா⁴வயித்வா ஸுசிங் மக்³க³ங், நிப்³பா³னோக³த⁴கா³மினங்;

Bhāvayitvā suciṃ maggaṃ, nibbānogadhagāminaṃ;

ஸப்³பா³ஸவே பரிஞ்ஞாய, பரினிப்³ப³ந்தி அனாஸவாதி.

Sabbāsave pariññāya, parinibbanti anāsavāti.

7. அபி⁴ஞ்ஞெய்யாதி³வாரோ

7. Abhiññeyyādivāro

1030. பஞ்சன்னங் க²ந்தா⁴னங் கதி அபி⁴ஞ்ஞெய்யா, கதி பரிஞ்ஞெய்யா, கதி பஹாதப்³பா³, கதி பா⁴வேதப்³பா³, கதி ஸச்சி²காதப்³பா³, கதி ந பஹாதப்³பா³, ந பா⁴வேதப்³பா³, ந ஸச்சி²காதப்³பா³…பே॰… ஸத்தன்னங் சித்தானங் கதி அபி⁴ஞ்ஞெய்யா, கதி பரிஞ்ஞெய்யா, கதி பஹாதப்³பா³, கதி பா⁴வேதப்³பா³, கதி ஸச்சி²காதப்³பா³, கதி ந பஹாதப்³பா³ ந பா⁴வேதப்³பா³ ந ஸச்சி²காதப்³பா³?

1030. Pañcannaṃ khandhānaṃ kati abhiññeyyā, kati pariññeyyā, kati pahātabbā, kati bhāvetabbā, kati sacchikātabbā, kati na pahātabbā, na bhāvetabbā, na sacchikātabbā…pe… sattannaṃ cittānaṃ kati abhiññeyyā, kati pariññeyyā, kati pahātabbā, kati bhāvetabbā, kati sacchikātabbā, kati na pahātabbā na bhāvetabbā na sacchikātabbā?

1031. ரூபக்க²ந்தோ⁴ அபி⁴ஞ்ஞெய்யோ பரிஞ்ஞெய்யோ ந பஹாதப்³போ³ ந பா⁴வேதப்³போ³ ந ஸச்சி²காதப்³போ³. சத்தாரோ க²ந்தா⁴ அபி⁴ஞ்ஞெய்யா பரிஞ்ஞெய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

1031. Rūpakkhandho abhiññeyyo pariññeyyo na pahātabbo na bhāvetabbo na sacchikātabbo. Cattāro khandhā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

த³ஸாயதனா அபி⁴ஞ்ஞெய்யா பரிஞ்ஞெய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. த்³வே ஆயதனா அபி⁴ஞ்ஞெய்யா பரிஞ்ஞெய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

Dasāyatanā abhiññeyyā pariññeyyā na pahātabbā na bhāvetabbā na sacchikātabbā. Dve āyatanā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

ஸோளஸ தா⁴துயோ அபி⁴ஞ்ஞெய்யா பரிஞ்ஞெய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. த்³வே தா⁴துயோ அபி⁴ஞ்ஞெய்யா பரிஞ்ஞெய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

Soḷasa dhātuyo abhiññeyyā pariññeyyā na pahātabbā na bhāvetabbā na sacchikātabbā. Dve dhātuyo abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

ஸமுத³யஸச்சங் அபி⁴ஞ்ஞெய்யங் பரிஞ்ஞெய்யங் பஹாதப்³ப³ங் ந பா⁴வேதப்³ப³ங் ந ஸச்சி²காதப்³ப³ங். மக்³க³ஸச்சங் அபி⁴ஞ்ஞெய்யங் பரிஞ்ஞெய்யங் ந பஹாதப்³ப³ங் பா⁴வேதப்³ப³ங் ந ஸச்சி²காதப்³ப³ங் . நிரோத⁴ஸச்சங் அபி⁴ஞ்ஞெய்யங் பரிஞ்ஞெய்யங் ந பஹாதப்³ப³ங் ந பா⁴வேதப்³ப³ங் ஸச்சி²காதப்³ப³ங். து³க்க²ஸச்சங் அபி⁴ஞ்ஞெய்யங் பரிஞ்ஞெய்யங், ஸியா பஹாதப்³ப³ங், ந பா⁴வேதப்³ப³ங், ந ஸச்சி²காதப்³ப³ங், ஸியா ந பஹாதப்³ப³ங்.

Samudayasaccaṃ abhiññeyyaṃ pariññeyyaṃ pahātabbaṃ na bhāvetabbaṃ na sacchikātabbaṃ. Maggasaccaṃ abhiññeyyaṃ pariññeyyaṃ na pahātabbaṃ bhāvetabbaṃ na sacchikātabbaṃ . Nirodhasaccaṃ abhiññeyyaṃ pariññeyyaṃ na pahātabbaṃ na bhāvetabbaṃ sacchikātabbaṃ. Dukkhasaccaṃ abhiññeyyaṃ pariññeyyaṃ, siyā pahātabbaṃ, na bhāvetabbaṃ, na sacchikātabbaṃ, siyā na pahātabbaṃ.

நவிந்த்³ரியா அபி⁴ஞ்ஞெய்யா பரிஞ்ஞெய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. தோ³மனஸ்ஸிந்த்³ரியங் அபி⁴ஞ்ஞெய்யங் பரிஞ்ஞெய்யங் பஹாதப்³ப³ங் ந பா⁴வேதப்³ப³ங் ந ஸச்சி²காதப்³ப³ங். அனஞ்ஞாதஞ்ஞஸ்ஸாமீதிந்த்³ரியங் அபி⁴ஞ்ஞெய்யங் பரிஞ்ஞெய்யங் ந பஹாதப்³ப³ங் பா⁴வேதப்³ப³ங் ந ஸச்சி²காதப்³ப³ங். அஞ்ஞிந்த்³ரியங் அபி⁴ஞ்ஞெய்யங் பரிஞ்ஞெய்யங் ந பஹாதப்³ப³ங், ஸியா பா⁴வேதப்³ப³ங், ஸியா ஸச்சி²காதப்³ப³ங். அஞ்ஞாதாவிந்த்³ரியங் அபி⁴ஞ்ஞெய்யங் பரிஞ்ஞெய்யங் ந பஹாதப்³ப³ங் ந பா⁴வேதப்³ப³ங் ஸச்சி²காதப்³ப³ங். தீணிந்த்³ரியா அபி⁴ஞ்ஞெய்யா பரிஞ்ஞெய்யா ந பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பா⁴வேதப்³பா³, ஸச்சி²காதப்³பா³. ச² இந்த்³ரியா அபி⁴ஞ்ஞெய்யா பரிஞ்ஞெய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

Navindriyā abhiññeyyā pariññeyyā na pahātabbā na bhāvetabbā na sacchikātabbā. Domanassindriyaṃ abhiññeyyaṃ pariññeyyaṃ pahātabbaṃ na bhāvetabbaṃ na sacchikātabbaṃ. Anaññātaññassāmītindriyaṃ abhiññeyyaṃ pariññeyyaṃ na pahātabbaṃ bhāvetabbaṃ na sacchikātabbaṃ. Aññindriyaṃ abhiññeyyaṃ pariññeyyaṃ na pahātabbaṃ, siyā bhāvetabbaṃ, siyā sacchikātabbaṃ. Aññātāvindriyaṃ abhiññeyyaṃ pariññeyyaṃ na pahātabbaṃ na bhāvetabbaṃ sacchikātabbaṃ. Tīṇindriyā abhiññeyyā pariññeyyā na pahātabbā, siyā bhāvetabbā, siyā sacchikātabbā, siyā na bhāvetabbā, sacchikātabbā. Cha indriyā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

தயோ அகுஸலஹேதூ அபி⁴ஞ்ஞெய்யா பரிஞ்ஞெய்யா பஹாதப்³பா³ ந பா⁴வேதப்³பா³ ந ஸச்சி²காதப்³பா³. தயோ குஸலஹேதூ அபி⁴ஞ்ஞெய்யா பரிஞ்ஞெய்யா ந பஹாதப்³பா³, ஸியா பா⁴வேதப்³பா³, ந ஸச்சி²காதப்³பா³, ஸியா ந பா⁴வேதப்³பா³. தயோ அப்³யாகதஹேதூ அபி⁴ஞ்ஞெய்யா பரிஞ்ஞெய்யா ந பஹாதப்³பா³ ந பா⁴வேதப்³பா³, ஸியா ஸச்சி²காதப்³பா³ , ஸியா ந ஸச்சி²காதப்³பா³.

Tayo akusalahetū abhiññeyyā pariññeyyā pahātabbā na bhāvetabbā na sacchikātabbā. Tayo kusalahetū abhiññeyyā pariññeyyā na pahātabbā, siyā bhāvetabbā, na sacchikātabbā, siyā na bhāvetabbā. Tayo abyākatahetū abhiññeyyā pariññeyyā na pahātabbā na bhāvetabbā, siyā sacchikātabbā , siyā na sacchikātabbā.

கப³ளீகாரோ ஆஹாரோ அபி⁴ஞ்ஞெய்யோ பரிஞ்ஞெய்யோ ந பஹாதப்³போ³ ந பா⁴வேதப்³போ³ ந ஸச்சி²காதப்³போ³. தயோ ஆஹாரா அபி⁴ஞ்ஞெய்யா பரிஞ்ஞெய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

Kabaḷīkāro āhāro abhiññeyyo pariññeyyo na pahātabbo na bhāvetabbo na sacchikātabbo. Tayo āhārā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

ச² ப²ஸ்ஸா அபி⁴ஞ்ஞெய்யா பரிஞ்ஞெய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. மனோவிஞ்ஞாணதா⁴துஸம்ப²ஸ்ஸோ அபி⁴ஞ்ஞெய்யோ பரிஞ்ஞெய்யோ, ஸியா பஹாதப்³போ³, ஸியா பா⁴வேதப்³போ³, ஸியா ஸச்சி²காதப்³போ³, ஸியா ந பஹாதப்³போ³ ந பா⁴வேதப்³போ³ ந ஸச்சி²காதப்³போ³.

Cha phassā abhiññeyyā pariññeyyā na pahātabbā na bhāvetabbā na sacchikātabbā. Manoviññāṇadhātusamphasso abhiññeyyo pariññeyyo, siyā pahātabbo, siyā bhāvetabbo, siyā sacchikātabbo, siyā na pahātabbo na bhāvetabbo na sacchikātabbo.

ச² வேத³னா…பே॰… ச² ஸஞ்ஞா… ச² சேதனா… ச² சித்தா அபி⁴ஞ்ஞெய்யா பரிஞ்ஞெய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. மனோவிஞ்ஞாணதா⁴து அபி⁴ஞ்ஞெய்யா பரிஞ்ஞெய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³ , ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

Cha vedanā…pe… cha saññā… cha cetanā… cha cittā abhiññeyyā pariññeyyā na pahātabbā na bhāvetabbā na sacchikātabbā. Manoviññāṇadhātu abhiññeyyā pariññeyyā, siyā pahātabbā, siyā bhāvetabbā, siyā sacchikātabbā , siyā na pahātabbā na bhāvetabbā na sacchikātabbā.

8. ஸாரம்மணானாரம்மணவாரோ

8. Sārammaṇānārammaṇavāro

1032. பஞ்சன்னங் க²ந்தா⁴னங் கதி ஸாரம்மணா, கதி அனாரம்மணா…பே॰… ஸத்தன்னங் சித்தானங் கதி ஸாரம்மணா, கதி அனாரம்மணா?

1032. Pañcannaṃ khandhānaṃ kati sārammaṇā, kati anārammaṇā…pe… sattannaṃ cittānaṃ kati sārammaṇā, kati anārammaṇā?

1033. ரூபக்க²ந்தோ⁴ அனாரம்மணோ. சத்தாரோ க²ந்தா⁴ ஸாரம்மணா.

1033. Rūpakkhandho anārammaṇo. Cattāro khandhā sārammaṇā.

த³ஸாயதனா அனாரம்மணா. மனாயதனங் ஸாரம்மணங். த⁴ம்மாயதனங் ஸியா ஸாரம்மணங், ஸியா அனாரம்மணங்.

Dasāyatanā anārammaṇā. Manāyatanaṃ sārammaṇaṃ. Dhammāyatanaṃ siyā sārammaṇaṃ, siyā anārammaṇaṃ.

த³ஸ தா⁴துயோ அனாரம்மணா. ஸத்த தா⁴துயோ ஸாரம்மணா. த⁴ம்மதா⁴து ஸியா ஸாரம்மணா, ஸியா அனாரம்மணா.

Dasa dhātuyo anārammaṇā. Satta dhātuyo sārammaṇā. Dhammadhātu siyā sārammaṇā, siyā anārammaṇā.

த்³வே ஸச்சா ஸாரம்மணா. நிரோத⁴ஸச்சங் அனாரம்மணங். து³க்க²ஸச்சங் ஸியா ஸாரம்மணங், ஸியா அனாரம்மணங்.

Dve saccā sārammaṇā. Nirodhasaccaṃ anārammaṇaṃ. Dukkhasaccaṃ siyā sārammaṇaṃ, siyā anārammaṇaṃ.

ஸத்திந்த்³ரியா அனாரம்மணா. சுத்³த³ஸிந்த்³ரியா ஸாரம்மணா. ஜீவிதிந்த்³ரியங் ஸியா ஸாரம்மணங், ஸியா அனாரம்மணங். நவ ஹேதூ ஸாரம்மணா. கப³ளீகாரோ ஆஹாரோ அனாரம்மணோ. தயோ ஆஹாரா ஸாரம்மணா. ஸத்த ப²ஸ்ஸா… ஸத்த வேத³னா… ஸத்த ஸஞ்ஞா… ஸத்த சேதனா… ஸத்த சித்தா ஸாரம்மணா.

Sattindriyā anārammaṇā. Cuddasindriyā sārammaṇā. Jīvitindriyaṃ siyā sārammaṇaṃ, siyā anārammaṇaṃ. Nava hetū sārammaṇā. Kabaḷīkāro āhāro anārammaṇo. Tayo āhārā sārammaṇā. Satta phassā… satta vedanā… satta saññā… satta cetanā… satta cittā sārammaṇā.

1034. பஞ்சன்னங் க²ந்தா⁴னங் கதி ஸாரம்மணாரம்மணா, கதி அனாரம்மணாரம்மணா…பே॰… ஸத்தன்னங் சித்தானங் கதி ஸாரம்மணாரம்மணா, கதி அனாரம்மணாரம்மணா?

1034. Pañcannaṃ khandhānaṃ kati sārammaṇārammaṇā, kati anārammaṇārammaṇā…pe… sattannaṃ cittānaṃ kati sārammaṇārammaṇā, kati anārammaṇārammaṇā?

1035. ரூபக்க²ந்தோ⁴ அனாரம்மணோ. சத்தாரோ க²ந்தா⁴ ஸியா ஸாரம்மணாரம்மணா, ஸியா அனாரம்மணாரம்மணா.

1035. Rūpakkhandho anārammaṇo. Cattāro khandhā siyā sārammaṇārammaṇā, siyā anārammaṇārammaṇā.

த³ஸாயதனா அனாரம்மணா. மனாயதனங் ஸியா ஸாரம்மணாரம்மணங், ஸியா அனாரம்மணாரம்மணங். த⁴ம்மாயதனங் ஸியா ஸாரம்மணாரம்மணங், ஸியா அனாரம்மணாரம்மணங், ஸியா அனாரம்மணங்.

Dasāyatanā anārammaṇā. Manāyatanaṃ siyā sārammaṇārammaṇaṃ, siyā anārammaṇārammaṇaṃ. Dhammāyatanaṃ siyā sārammaṇārammaṇaṃ, siyā anārammaṇārammaṇaṃ, siyā anārammaṇaṃ.

த³ஸ தா⁴துயோ அனாரம்மணா. ச² தா⁴துயோ அனாரம்மணாரம்மணா. மனோவிஞ்ஞாணதா⁴து ஸியா ஸாரம்மணாரம்மணா, ஸியா அனாரம்மணாரம்மணா. த⁴ம்மதா⁴து ஸியா ஸாரம்மணாரம்மணா, ஸியா அனாரம்மணாரம்மணா, ஸியா அனாரம்மணா.

Dasa dhātuyo anārammaṇā. Cha dhātuyo anārammaṇārammaṇā. Manoviññāṇadhātu siyā sārammaṇārammaṇā, siyā anārammaṇārammaṇā. Dhammadhātu siyā sārammaṇārammaṇā, siyā anārammaṇārammaṇā, siyā anārammaṇā.

நிரோத⁴ஸச்சங் அனாரம்மணங். மக்³க³ஸச்சங் அனாரம்மணாரம்மணங். ஸமுத³யஸச்சங் ஸியா ஸாரம்மணாரம்மணங், ஸியா அனாரம்மணாரம்மணங். து³க்க²ஸச்சங் ஸியா ஸாரம்மணாரம்மணங், ஸியா அனாரம்மணாரம்மணங், ஸியா அனாரம்மணங்.

Nirodhasaccaṃ anārammaṇaṃ. Maggasaccaṃ anārammaṇārammaṇaṃ. Samudayasaccaṃ siyā sārammaṇārammaṇaṃ, siyā anārammaṇārammaṇaṃ. Dukkhasaccaṃ siyā sārammaṇārammaṇaṃ, siyā anārammaṇārammaṇaṃ, siyā anārammaṇaṃ.

ஸத்திந்த்³ரியா அனாரம்மணா. பஞ்சிந்த்³ரியா அனாரம்மணாரம்மணா. நவிந்த்³ரியா ஸியா ஸாரம்மணாரம்மணா, ஸியா அனாரம்மணாரம்மணா. ஜீவிதிந்த்³ரியங் ஸியா ஸாரம்மணாரம்மணங், ஸியா அனாரம்மணாரம்மணங், ஸியா அனாரம்மணங்.

Sattindriyā anārammaṇā. Pañcindriyā anārammaṇārammaṇā. Navindriyā siyā sārammaṇārammaṇā, siyā anārammaṇārammaṇā. Jīvitindriyaṃ siyā sārammaṇārammaṇaṃ, siyā anārammaṇārammaṇaṃ, siyā anārammaṇaṃ.

நவ ஹேதூ ஸியா ஸாரம்மணாரம்மணா, ஸியா அனாரம்மணாரம்மணா. கப³ளீகாரோ ஆஹாரோ அனாரம்மணோ. தயோ ஆஹாரா ஸியா ஸாரம்மணாரம்மணா, ஸியா அனாரம்மணாரம்மணா. ச² ப²ஸ்ஸா அனாரம்மணாரம்மணா . மனோவிஞ்ஞாணதா⁴துஸம்ப²ஸ்ஸோ ஸியா ஸாரம்மணாரம்மணோ ஸியா அனாரம்மணாரம்மணோ. ச² வேத³னா… ச² ஸஞ்ஞா… ச² சேதனா… ச² சித்தா அனாரம்மணாரம்மணா. மனோவிஞ்ஞாணதா⁴து ஸியா ஸாரம்மணாரம்மணா, ஸியா அனாரம்மணாரம்மணா.

Nava hetū siyā sārammaṇārammaṇā, siyā anārammaṇārammaṇā. Kabaḷīkāro āhāro anārammaṇo. Tayo āhārā siyā sārammaṇārammaṇā, siyā anārammaṇārammaṇā. Cha phassā anārammaṇārammaṇā . Manoviññāṇadhātusamphasso siyā sārammaṇārammaṇo siyā anārammaṇārammaṇo. Cha vedanā… cha saññā… cha cetanā… cha cittā anārammaṇārammaṇā. Manoviññāṇadhātu siyā sārammaṇārammaṇā, siyā anārammaṇārammaṇā.

9. தி³ட்ட²ஸுதாதி³த³ஸ்ஸனவாரோ

9. Diṭṭhasutādidassanavāro

1036. பஞ்சன்னங் க²ந்தா⁴னங் கதி தி³ட்டா², கதி ஸுதா, கதி முதா, கதி விஞ்ஞாதா, கதி ந தி³ட்டா² ந ஸுதா ந முதா ந விஞ்ஞாதா…பே॰… ஸத்தன்னங் சித்தானங் கதி தி³ட்டா², கதி ஸுதா, கதி முதா, கதி விஞ்ஞாதா, கதி ந தி³ட்டா² ந ஸுதா ந முதா ந விஞ்ஞாதா?

1036. Pañcannaṃ khandhānaṃ kati diṭṭhā, kati sutā, kati mutā, kati viññātā, kati na diṭṭhā na sutā na mutā na viññātā…pe… sattannaṃ cittānaṃ kati diṭṭhā, kati sutā, kati mutā, kati viññātā, kati na diṭṭhā na sutā na mutā na viññātā?

1037. ரூபக்க²ந்தோ⁴ ஸியா தி³ட்டோ², ஸியா ஸுதோ, ஸியா முதோ, ஸியா விஞ்ஞாதோ, ஸியா ந தி³ட்டோ² ந ஸுதோ ந முதோ, விஞ்ஞாதோ. சத்தாரோ க²ந்தா⁴ ந தி³ட்டா² ந ஸுதா ந முதா, விஞ்ஞாதா.

1037. Rūpakkhandho siyā diṭṭho, siyā suto, siyā muto, siyā viññāto, siyā na diṭṭho na suto na muto, viññāto. Cattāro khandhā na diṭṭhā na sutā na mutā, viññātā.

ரூபாயதனங் தி³ட்ட²ங், ந ஸுதங் ந முதங், விஞ்ஞாதங். ஸத்³தா³யதனங் ந தி³ட்ட²ங், ஸுதங், ந முதங், விஞ்ஞாதங். க³ந்தா⁴யதனங்… ரஸாயதனங்… பொ²ட்ட²ப்³பா³யதனங் ந தி³ட்ட²ங் ந ஸுதங், முதங், விஞ்ஞாதங். ஸத்தாயதனா ந தி³ட்டா² ந ஸுதா ந முதா, விஞ்ஞாதா.

Rūpāyatanaṃ diṭṭhaṃ, na sutaṃ na mutaṃ, viññātaṃ. Saddāyatanaṃ na diṭṭhaṃ, sutaṃ, na mutaṃ, viññātaṃ. Gandhāyatanaṃ… rasāyatanaṃ… phoṭṭhabbāyatanaṃ na diṭṭhaṃ na sutaṃ, mutaṃ, viññātaṃ. Sattāyatanā na diṭṭhā na sutā na mutā, viññātā.

ரூபதா⁴து தி³ட்டா², ந ஸுதா ந முதா, விஞ்ஞாதா. ஸத்³த³தா⁴து ந தி³ட்டா², ஸுதா, ந முதா, விஞ்ஞாதா. க³ந்த⁴தா⁴து… ரஸதா⁴து… பொ²ட்ட²ப்³ப³தா⁴து ந தி³ட்டா² ந ஸுதா, முதா, விஞ்ஞாதா. தேரஸ தா⁴துயோ ந தி³ட்டா² ந ஸுதா ந முதா, விஞ்ஞாதா.

Rūpadhātu diṭṭhā, na sutā na mutā, viññātā. Saddadhātu na diṭṭhā, sutā, na mutā, viññātā. Gandhadhātu… rasadhātu… phoṭṭhabbadhātu na diṭṭhā na sutā, mutā, viññātā. Terasa dhātuyo na diṭṭhā na sutā na mutā, viññātā.

தீணி ஸச்சானி ந தி³ட்டா² ந ஸுதா ந முதா, விஞ்ஞாதா. து³க்க²ஸச்சங் ஸியா தி³ட்ட²ங், ஸியா ஸுதங், ஸியா முதங், ஸியா விஞ்ஞாதங், ஸியா ந தி³ட்ட²ங் ந ஸுதங் ந முதங், விஞ்ஞாதங்.

Tīṇi saccāni na diṭṭhā na sutā na mutā, viññātā. Dukkhasaccaṃ siyā diṭṭhaṃ, siyā sutaṃ, siyā mutaṃ, siyā viññātaṃ, siyā na diṭṭhaṃ na sutaṃ na mutaṃ, viññātaṃ.

பா³வீஸதிந்த்³ரியா ந தி³ட்டா² ந ஸுதா ந முதா, விஞ்ஞாதா. நவ ஹேதூ ந தி³ட்டா² ந ஸுதா ந முதா, விஞ்ஞாதா. சத்தாரோ ஆஹாரா ந தி³ட்டா² ந ஸுதா ந முதா, விஞ்ஞாதா. ஸத்த ப²ஸ்ஸா ந தி³ட்டா² ந ஸுதா ந முதா, விஞ்ஞாதா. ஸத்த வேத³னா… ஸத்த ஸஞ்ஞா… ஸத்த சேதனா… ஸத்த சித்தா ந தி³ட்டா² ந ஸுதா ந முதா, விஞ்ஞாதா.

Bāvīsatindriyā na diṭṭhā na sutā na mutā, viññātā. Nava hetū na diṭṭhā na sutā na mutā, viññātā. Cattāro āhārā na diṭṭhā na sutā na mutā, viññātā. Satta phassā na diṭṭhā na sutā na mutā, viññātā. Satta vedanā… satta saññā… satta cetanā… satta cittā na diṭṭhā na sutā na mutā, viññātā.

10. திகாதி³த³ஸ்ஸனவாரோ

10. Tikādidassanavāro

1. குஸலத்திகங்

1. Kusalattikaṃ

1038. பஞ்சன்னங் க²ந்தா⁴னங் கதி குஸலா, கதி அகுஸலா, கதி அப்³யாகதா…பே॰… ஸத்தன்னங் சித்தானங் கதி குஸலா, கதி அகுஸலா, கதி அப்³யாகதா?

1038. Pañcannaṃ khandhānaṃ kati kusalā, kati akusalā, kati abyākatā…pe… sattannaṃ cittānaṃ kati kusalā, kati akusalā, kati abyākatā?

ரூபக்க²ந்தோ⁴ அப்³யாகதோ. சத்தாரோ க²ந்தா⁴ ஸியா குஸலா, ஸியா அகுஸலா, ஸியா அப்³யாகதா. த³ஸாயதனா அப்³யாகதா. த்³வாயதனா ஸியா குஸலா, ஸியா அகுஸலா, ஸியா அப்³யாகதா. ஸோளஸ தா⁴துயோ அப்³யாகதா. த்³வே தா⁴துயோ ஸியா குஸலா, ஸியா அகுஸலா, ஸியா அப்³யாகதா. ஸமுத³யஸச்சங் அகுஸலங். மக்³க³ஸச்சங் குஸலங். நிரோத⁴ஸச்சங் அப்³யாகதங். து³க்க²ஸச்சங் ஸியா குஸலங், ஸியா அகுஸலங், ஸியா அப்³யாகதங்.

Rūpakkhandho abyākato. Cattāro khandhā siyā kusalā, siyā akusalā, siyā abyākatā. Dasāyatanā abyākatā. Dvāyatanā siyā kusalā, siyā akusalā, siyā abyākatā. Soḷasa dhātuyo abyākatā. Dve dhātuyo siyā kusalā, siyā akusalā, siyā abyākatā. Samudayasaccaṃ akusalaṃ. Maggasaccaṃ kusalaṃ. Nirodhasaccaṃ abyākataṃ. Dukkhasaccaṃ siyā kusalaṃ, siyā akusalaṃ, siyā abyākataṃ.

த³ஸிந்த்³ரியா அப்³யாகதா. தோ³மனஸ்ஸிந்த்³ரியங் அகுஸலங். அனஞ்ஞாதஞ்ஞஸ்ஸாமீதிந்த்³ரியங் குஸலங். சத்தாரிந்த்³ரியா ஸியா குஸலா, ஸியா அப்³யாகதா. ச² இந்த்³ரியா ஸியா குஸலா, ஸியா அகுஸலா, ஸியா அப்³யாகதா.

Dasindriyā abyākatā. Domanassindriyaṃ akusalaṃ. Anaññātaññassāmītindriyaṃ kusalaṃ. Cattārindriyā siyā kusalā, siyā abyākatā. Cha indriyā siyā kusalā, siyā akusalā, siyā abyākatā.

தயோ குஸலஹேதூ குஸலா. தயோ அகுஸலஹேதூ அகுஸலா. தயோ அப்³யாகதஹேதூ அப்³யாகதா. கப³ளீகாரோ ஆஹாரோ அப்³யாகதோ. தயோ ஆஹாரா ஸியா குஸலா, ஸியா அகுஸலா, ஸியா அப்³யாகதா. ச² ப²ஸ்ஸா அப்³யாகதா. மனோவிஞ்ஞாணதா⁴துஸம்ப²ஸ்ஸோ ஸியா குஸலோ, ஸியா அகுஸலோ, ஸியா அப்³யாகதோ. ச² வேத³னா… ச² ஸஞ்ஞா… ச² சேதனா… ச² சித்தா அப்³யாகதா. மனோவிஞ்ஞாணதா⁴து ஸியா குஸலா, ஸியா அகுஸலா, ஸியா அப்³யாகதா.

Tayo kusalahetū kusalā. Tayo akusalahetū akusalā. Tayo abyākatahetū abyākatā. Kabaḷīkāro āhāro abyākato. Tayo āhārā siyā kusalā, siyā akusalā, siyā abyākatā. Cha phassā abyākatā. Manoviññāṇadhātusamphasso siyā kusalo, siyā akusalo, siyā abyākato. Cha vedanā… cha saññā… cha cetanā… cha cittā abyākatā. Manoviññāṇadhātu siyā kusalā, siyā akusalā, siyā abyākatā.

2. வேத³னாதிகங்

2. Vedanātikaṃ

1039. பஞ்சன்னங் க²ந்தா⁴னங் கதி ஸுகா²ய வேத³னாய ஸம்பயுத்தா, கதி து³க்கா²ய வேத³னாய ஸம்பயுத்தா, கதி அது³க்க²மஸுகா²ய வேத³னாய ஸம்பயுத்தா…பே॰… ஸத்தன்னங் சித்தானங் கதி ஸுகா²ய வேத³னாய ஸம்பயுத்தா, கதி து³க்கா²ய வேத³னாய ஸம்பயுத்தா, கதி அது³க்க²மஸுகா²ய வேத³னாய ஸம்பயுத்தா?

1039. Pañcannaṃ khandhānaṃ kati sukhāya vedanāya sampayuttā, kati dukkhāya vedanāya sampayuttā, kati adukkhamasukhāya vedanāya sampayuttā…pe… sattannaṃ cittānaṃ kati sukhāya vedanāya sampayuttā, kati dukkhāya vedanāya sampayuttā, kati adukkhamasukhāya vedanāya sampayuttā?

த்³வே க²ந்தா⁴ ந வத்தப்³பா³ ஸுகா²ய வேத³னாய ஸம்பயுத்தாதிபி, து³க்கா²ய வேத³னாய ஸம்பயுத்தாதிபி, அது³க்க²மஸுகா²ய வேத³னாய ஸம்பயுத்தாதிபி. தயோ க²ந்தா⁴ ஸியா ஸுகா²ய வேத³னாய ஸம்பயுத்தா, ஸியா து³க்கா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா.

Dve khandhā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Tayo khandhā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.

த³ஸாயதனா ந வத்தப்³பா³ ஸுகா²ய வேத³னாய ஸம்பயுத்தாதிபி, து³க்கா²ய வேத³னாய ஸம்பயுத்தாதிபி, அது³க்க²மஸுகா²ய வேத³னாய ஸம்பயுத்தாதிபி. மனாயதனங் ஸியா ஸுகா²ய வேத³னாய ஸம்பயுத்தங், ஸியா து³க்கா²ய வேத³னாய ஸம்பயுத்தங், ஸியா அது³க்க²மஸுகா²ய வேத³னாய ஸம்பயுத்தங். த⁴ம்மாயதனங் ஸியா ஸுகா²ய வேத³னாய ஸம்பயுத்தங், ஸியா து³க்கா²ய வேத³னாய ஸம்பயுத்தங், ஸியா அது³க்க²மஸுகா²ய வேத³னாய ஸம்பயுத்தங், ஸியா ந வத்தப்³ப³ங் ஸுகா²ய வேத³னாய ஸம்பயுத்தந்திபி, து³க்கா²ய வேத³னாய ஸம்பயுத்தந்திபி, அது³க்க²மஸுகா²ய வேத³னாய ஸம்பயுத்தந்திபி.

Dasāyatanā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Manāyatanaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ. Dhammāyatanaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ, siyā na vattabbaṃ sukhāya vedanāya sampayuttantipi, dukkhāya vedanāya sampayuttantipi, adukkhamasukhāya vedanāya sampayuttantipi.

த³ஸ தா⁴துயோ ந வத்தப்³பா³ ஸுகா²ய வேத³னாய ஸம்பயுத்தாதிபி, து³க்கா²ய வேத³னாய ஸம்பயுத்தாதிபி, அது³க்க²மஸுகா²ய வேத³னாய ஸம்பயுத்தாதிபி. பஞ்ச தா⁴துயோ அது³க்க²மஸுகா²ய வேத³னாய ஸம்பயுத்தா, காயவிஞ்ஞாணதா⁴து ஸியா ஸுகா²ய வேத³னாய ஸம்பயுத்தா, ஸியா து³க்கா²ய வேத³னாய ஸம்பயுத்தா. மனோவிஞ்ஞாணதா⁴து ஸியா ஸுகா²ய வேத³னாய ஸம்பயுத்தா, ஸியா து³க்கா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா. த⁴ம்மதா⁴து ஸியா ஸுகா²ய வேத³னாய ஸம்பயுத்தா, ஸியா து³க்கா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா, ஸியா ந வத்தப்³பா³ ஸுகா²ய வேத³னாய ஸம்பயுத்தாதிபி, து³க்கா²ய வேத³னாய ஸம்பயுத்தாதிபி, அது³க்க²மஸுகா²ய வேத³னாய ஸம்பயுத்தாதிபி.

Dasa dhātuyo na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Pañca dhātuyo adukkhamasukhāya vedanāya sampayuttā, kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā. Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. Dhammadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā, siyā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi.

த்³வே ஸச்சா ஸியா ஸுகா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா. நிரோத⁴ஸச்சங் ந வத்தப்³ப³ங் ஸுகா²ய வேத³னாய ஸம்பயுத்தந்திபி, து³க்கா²ய வேத³னாய ஸம்பயுத்தந்திபி, அது³க்க²மஸுகா²ய வேத³னாய ஸம்பயுத்தந்திபி. து³க்க²ஸச்சங் ஸியா ஸுகா²ய வேத³னாய ஸம்பயுத்தங், ஸியா து³க்கா²ய வேத³னாய ஸம்பயுத்தங், ஸியா அது³க்க²மஸுகா²ய வேத³னாய ஸம்பயுத்தங், ஸியா ந வத்தப்³ப³ங் ஸுகா²ய வேத³னாய ஸம்பயுத்தந்திபி, து³க்கா²ய வேத³னாய ஸம்பயுத்தந்திபி, அது³க்க²மஸுகா²ய வேத³னாய ஸம்பயுத்தந்திபி.

Dve saccā siyā sukhāya vedanāya sampayuttā, siyā adukkhamasukhāya vedanāya sampayuttā. Nirodhasaccaṃ na vattabbaṃ sukhāya vedanāya sampayuttantipi, dukkhāya vedanāya sampayuttantipi, adukkhamasukhāya vedanāya sampayuttantipi. Dukkhasaccaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ, siyā na vattabbaṃ sukhāya vedanāya sampayuttantipi, dukkhāya vedanāya sampayuttantipi, adukkhamasukhāya vedanāya sampayuttantipi.

த்³வாத³ஸிந்த்³ரியா ந வத்தப்³பா³ ஸுகா²ய வேத³னாய ஸம்பயுத்தாதிபி, து³க்கா²ய வேத³னாய ஸம்பயுத்தாதிபி, அது³க்க²மஸுகா²ய வேத³னாய ஸம்பயுத்தாதிபி. ச² இந்த்³ரியா ஸியா ஸுகா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா. தீணிந்த்³ரியா ஸியா ஸுகா²ய வேத³னாய ஸம்பயுத்தா, ஸியா து³க்கா²ய வேத³னாய ஸம்பயுத்தா , ஸியா அது³க்க²மஸுகா²ய வேத³னாய ஸம்பயுத்தா. ஜீவிதிந்த்³ரியங் ஸியா ஸுகா²ய வேத³னாய ஸம்பயுத்தங், ஸியா து³க்கா²ய வேத³னாய ஸம்பயுத்தங், ஸியா அது³க்க²மஸுகா²ய வேத³னாய ஸம்பயுத்தங், ஸியா ந வத்தப்³ப³ங் ஸுகா²ய வேத³னாய ஸம்பயுத்தந்திபி, து³க்கா²ய வேத³னாய ஸம்பயுத்தந்திபி, அது³க்க²மஸுகா²ய வேத³னாய ஸம்பயுத்தந்திபி.

Dvādasindriyā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Cha indriyā siyā sukhāya vedanāya sampayuttā, siyā adukkhamasukhāya vedanāya sampayuttā. Tīṇindriyā siyā sukhāya vedanāya sampayuttā, siyā dukkhāya vedanāya sampayuttā , siyā adukkhamasukhāya vedanāya sampayuttā. Jīvitindriyaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ, siyā na vattabbaṃ sukhāya vedanāya sampayuttantipi, dukkhāya vedanāya sampayuttantipi, adukkhamasukhāya vedanāya sampayuttantipi.

தோ³ஸோ அகுஸலஹேது து³க்கா²ய வேத³னாய ஸம்பயுத்தோ. ஸத்த ஹேதூ ஸியா ஸுகா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா. மோஹோ அகுஸலஹேது ஸியா ஸுகா²ய வேத³னாய ஸம்பயுத்தோ, ஸியா து³க்கா²ய வேத³னாய ஸம்பயுத்தோ, ஸியா து³க்க²மஸுகா²ய வேத³னாய ஸம்பயுத்தோ.

Doso akusalahetu dukkhāya vedanāya sampayutto. Satta hetū siyā sukhāya vedanāya sampayuttā, siyā adukkhamasukhāya vedanāya sampayuttā. Moho akusalahetu siyā sukhāya vedanāya sampayutto, siyā dukkhāya vedanāya sampayutto, siyā dukkhamasukhāya vedanāya sampayutto.

கப³ளீகாரோ ஆஹாரோ ந வத்தப்³போ³ ஸுகா²ய வேத³னாய ஸம்பயுத்தோதி பி, து³க்கா²ய வேத³னாய ஸம்பயுத்தோதிபி, அது³க்க²மஸுகா²ய வேத³னாய ஸம்பயுத்தோதிபி. தயோ ஆஹாரா ஸியா ஸுகா²ய வேத³னாய ஸம்பயுத்தா, ஸியா து³க்கா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா.

Kabaḷīkāro āhāro na vattabbo sukhāya vedanāya sampayuttoti pi, dukkhāya vedanāya sampayuttotipi, adukkhamasukhāya vedanāya sampayuttotipi. Tayo āhārā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.

பஞ்ச ப²ஸ்ஸா அது³க்க²மஸுகா²ய வேத³னாய ஸம்பயுத்தா. காயவிஞ்ஞாணதா⁴துஸம்ப²ஸ்ஸோ ஸியா ஸுகா²ய வேத³னாய ஸம்பயுத்தோ, ஸியா து³க்கா²ய வேத³னாய ஸம்பயுத்தோ. மனோவிஞ்ஞாணதா⁴துஸம்ப²ஸ்ஸோ ஸியா ஸுகா²ய வேத³னாய ஸம்பயுத்தோ, ஸியா து³க்கா²ய வேத³னாய ஸம்பயுத்தோ, ஸியா அது³க்க²மஸுகா²ய வேத³னாய ஸம்பயுத்தோ.

Pañca phassā adukkhamasukhāya vedanāya sampayuttā. Kāyaviññāṇadhātusamphasso siyā sukhāya vedanāya sampayutto, siyā dukkhāya vedanāya sampayutto. Manoviññāṇadhātusamphasso siyā sukhāya vedanāya sampayutto, siyā dukkhāya vedanāya sampayutto, siyā adukkhamasukhāya vedanāya sampayutto.

ஸத்த வேத³னா ந வத்தப்³பா³ ஸுகா²ய வேத³னாய ஸம்பயுத்தாதிபி, து³க்கா²ய வேத³னாய ஸம்பயுத்தாதிபி, அது³க்க²மஸுகா²ய வேத³னாய ஸம்பயுத்தாதிபி. பஞ்ச ஸஞ்ஞா… பஞ்ச சேதனா… பஞ்ச சித்தா அது³க்க²மஸுகா²ய வேத³னாய ஸம்பயுத்தா, காயவிஞ்ஞாணதா⁴து ஸியா ஸுகா²ய வேத³னாய ஸம்பயுத்தா, ஸியா து³க்கா²ய வேத³னாய ஸம்பயுத்தா. மனோவிஞ்ஞாணதா⁴து ஸியா ஸுகா²ய வேத³னாய ஸம்பயுத்தா, ஸியா து³க்கா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா.

Satta vedanā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Pañca saññā… pañca cetanā… pañca cittā adukkhamasukhāya vedanāya sampayuttā, kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā. Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.

3. விபாகத்திகங்

3. Vipākattikaṃ

1040. பஞ்சன்னங் க²ந்தா⁴னங் கதி விபாகா, கதி விபாகத⁴ம்மத⁴ம்மா, கதி நேவவிபாகனவிபாகத⁴ம்மத⁴ம்மா…பே॰… ஸத்தன்னங் சித்தானங் கதி விபாகா, கதி விபாகத⁴ம்மத⁴ம்மா, கதி நேவவிபாகனவிபாகத⁴ம்மத⁴ம்மா?

1040. Pañcannaṃ khandhānaṃ kati vipākā, kati vipākadhammadhammā, kati nevavipākanavipākadhammadhammā…pe… sattannaṃ cittānaṃ kati vipākā, kati vipākadhammadhammā, kati nevavipākanavipākadhammadhammā?

ரூபக்க²ந்தோ⁴ நேவவிபாகனவிபாகத⁴ம்மத⁴ம்மோ. சத்தாரோ க²ந்தா⁴ ஸியா விபாகா, ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா.

Rūpakkhandho nevavipākanavipākadhammadhammo. Cattāro khandhā siyā vipākā, siyā vipākadhammadhammā, siyā nevavipākanavipākadhammadhammā.

த³ஸாயதனா நேவவிபாகனவிபாகத⁴ம்மத⁴ம்மா. த்³வாயதனா ஸியா விபாகா, ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா.

Dasāyatanā nevavipākanavipākadhammadhammā. Dvāyatanā siyā vipākā, siyā vipākadhammadhammā, siyā nevavipākanavipākadhammadhammā.

த³ஸ தா⁴துயோ நேவவிபாகனவிபாகத⁴ம்மத⁴ம்மா. பஞ்ச தா⁴துயோ விபாகா. மனோதா⁴து ஸியா விபாகா, ஸியா நேவவிபாகனவிபாகத⁴ம்மத⁴ம்மா. த்³வே தா⁴துயோ ஸியா விபாகா ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா.

Dasa dhātuyo nevavipākanavipākadhammadhammā. Pañca dhātuyo vipākā. Manodhātu siyā vipākā, siyā nevavipākanavipākadhammadhammā. Dve dhātuyo siyā vipākā siyā vipākadhammadhammā, siyā nevavipākanavipākadhammadhammā.

த்³வே ஸச்சா விபாகத⁴ம்மத⁴ம்மா. நிரோத⁴ஸச்சங் நேவவிபாகனவிபாகத⁴ம்மத⁴ம்மங். து³க்க²ஸச்சங் ஸியா விபாகங், ஸியா விபாகத⁴ம்மத⁴ம்மங், ஸியா நேவவிபாகனவிபாகத⁴ம்மத⁴ம்மங்.

Dve saccā vipākadhammadhammā. Nirodhasaccaṃ nevavipākanavipākadhammadhammaṃ. Dukkhasaccaṃ siyā vipākaṃ, siyā vipākadhammadhammaṃ, siyā nevavipākanavipākadhammadhammaṃ.

ஸத்திந்த்³ரியா நேவவிபாகனவிபாகத⁴ம்மத⁴ம்மா. தீணிந்த்³ரியா விபாகா. த்³விந்த்³ரியா விபாகத⁴ம்மத⁴ம்மா. அஞ்ஞிந்த்³ரியங் ஸியா விபாகங், ஸியா விபாகத⁴ம்மத⁴ம்மங். நவிந்த்³ரியா ஸியா விபாகா, ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா.

Sattindriyā nevavipākanavipākadhammadhammā. Tīṇindriyā vipākā. Dvindriyā vipākadhammadhammā. Aññindriyaṃ siyā vipākaṃ, siyā vipākadhammadhammaṃ. Navindriyā siyā vipākā, siyā vipākadhammadhammā, siyā nevavipākanavipākadhammadhammā.

ச² ஹேதூ விபாகத⁴ம்மத⁴ம்மா. தயோ அப்³யாகதஹேதூ ஸியா விபாகா, ஸியா நேவவிபாகனவிபாகத⁴ம்மத⁴ம்மா.

Cha hetū vipākadhammadhammā. Tayo abyākatahetū siyā vipākā, siyā nevavipākanavipākadhammadhammā.

கப³ளீகாரோ ஆஹாரோ நேவவிபாகனவிபாகத⁴ம்மத⁴ம்மோ. தயோ ஆஹாரா ஸியா விபாகா, ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா. பஞ்ச ப²ஸ்ஸா விபாகா. மனோதா⁴துஸம்ப²ஸ்ஸோ ஸியா விபாகோ, ஸியா நேவவிபாகனவிபாகத⁴ம்மத⁴ம்மோ. மனோவிஞ்ஞாணதா⁴துஸம்ப²ஸ்ஸோ ஸியா விபாகோ, ஸியா விபாகத⁴ம்மத⁴ம்மோ, ஸியா நேவவிபாகனவிபாகத⁴ம்மத⁴ம்மோ. பஞ்ச வேத³னா… பஞ்ச ஸஞ்ஞா… பஞ்ச சேதனா… பஞ்ச சித்தா விபாகா. மனோதா⁴து ஸியா விபாகா, ஸியா நேவவிபாகனவிபாகத⁴ம்மத⁴ம்மா. மனோவிஞ்ஞாணதா⁴து ஸியா விபாகா, ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா.

Kabaḷīkāro āhāro nevavipākanavipākadhammadhammo. Tayo āhārā siyā vipākā, siyā vipākadhammadhammā, siyā nevavipākanavipākadhammadhammā. Pañca phassā vipākā. Manodhātusamphasso siyā vipāko, siyā nevavipākanavipākadhammadhammo. Manoviññāṇadhātusamphasso siyā vipāko, siyā vipākadhammadhammo, siyā nevavipākanavipākadhammadhammo. Pañca vedanā… pañca saññā… pañca cetanā… pañca cittā vipākā. Manodhātu siyā vipākā, siyā nevavipākanavipākadhammadhammā. Manoviññāṇadhātu siyā vipākā, siyā vipākadhammadhammā, siyā nevavipākanavipākadhammadhammā.

4. உபாதி³ன்னத்திகங்

4. Upādinnattikaṃ

1041. பஞ்சன்னங் க²ந்தா⁴னங் கதி உபாதி³ன்னுபாதா³னியா, கதி அனுபாதி³ன்னுபாதா³னியா, கதி அனுபாதி³ன்னஅனுபாதா³னியா…பே॰… ஸத்தன்னங் சித்தானங் கதி உபாதி³ன்னுபாதா³னியா, கதி அனுபாதி³ன்னுபாதா³னியா, கதி அனுபாதி³ன்னஅனுபாதா³னியா?

1041. Pañcannaṃ khandhānaṃ kati upādinnupādāniyā, kati anupādinnupādāniyā, kati anupādinnaanupādāniyā…pe… sattannaṃ cittānaṃ kati upādinnupādāniyā, kati anupādinnupādāniyā, kati anupādinnaanupādāniyā?

ரூபக்க²ந்தோ⁴ ஸியா உபாதி³ன்னுபாதா³னியோ, ஸியா அனுபாதி³ன்னுபாதா³னியோ 4. சத்தாரோ க²ந்தா⁴ ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

Rūpakkhandho siyā upādinnupādāniyo, siyā anupādinnupādāniyo 4. Cattāro khandhā siyā upādinnupādāniyā, siyā anupādinnupādāniyā, siyā anupādinnaanupādāniyā.

பஞ்சாயதனா உபாதி³ன்னுபாதா³னியா. ஸத்³தா³யதனங் அனுபாதி³ன்னுபாதா³னியங். சத்தாரோ ஆயதனா ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா. த்³வாயதனா ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

Pañcāyatanā upādinnupādāniyā. Saddāyatanaṃ anupādinnupādāniyaṃ. Cattāro āyatanā siyā upādinnupādāniyā, siyā anupādinnupādāniyā. Dvāyatanā siyā upādinnupādāniyā, siyā anupādinnupādāniyā, siyā anupādinnaanupādāniyā.

த³ஸ தா⁴துயோ உபாதி³ன்னுபாதா³னியா. ஸத்³த³தா⁴து அனுபாதி³ன்னுபாதா³னியா. பஞ்ச தா⁴துயோ ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா. த்³வே தா⁴துயோ ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

Dasa dhātuyo upādinnupādāniyā. Saddadhātu anupādinnupādāniyā. Pañca dhātuyo siyā upādinnupādāniyā, siyā anupādinnupādāniyā. Dve dhātuyo siyā upādinnupādāniyā, siyā anupādinnupādāniyā, siyā anupādinnaanupādāniyā.

ஸமுத³யஸச்சங் அனுபாதி³ன்னுபாதா³னியங். த்³வே ஸச்சா அனுபாதி³ன்னஅனுபாதா³னியா. து³க்க²ஸச்சங் ஸியா உபாதி³ன்னுபாதா³னியங், ஸியா அனுபாதி³ன்னுபாதா³னியங்.

Samudayasaccaṃ anupādinnupādāniyaṃ. Dve saccā anupādinnaanupādāniyā. Dukkhasaccaṃ siyā upādinnupādāniyaṃ, siyā anupādinnupādāniyaṃ.

நவிந்த்³ரியா உபாதி³ன்னுபாதா³னியா. தோ³மனஸ்ஸிந்த்³ரியங் அனுபாதி³ன்னுபாதா³னியங். தீணிந்த்³ரியா அனுபாதி³ன்னஅனுபாதா³னியா. நவிந்த்³ரியா ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா. தயோ அகுஸலஹேதூ அனுபாதி³ன்னுபாதா³னியா. தயோ குஸலஹேதூ ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா. தயோ அப்³யாகதஹேதூ ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

Navindriyā upādinnupādāniyā. Domanassindriyaṃ anupādinnupādāniyaṃ. Tīṇindriyā anupādinnaanupādāniyā. Navindriyā siyā upādinnupādāniyā, siyā anupādinnupādāniyā, siyā anupādinnaanupādāniyā. Tayo akusalahetū anupādinnupādāniyā. Tayo kusalahetū siyā anupādinnupādāniyā, siyā anupādinnaanupādāniyā. Tayo abyākatahetū siyā upādinnupādāniyā, siyā anupādinnupādāniyā, siyā anupādinnaanupādāniyā.

கப³ளீகாரோ ஆஹாரோ ஸியா உபாதி³ன்னுபாதா³னியோ, ஸியா அனுபாதி³ன்னுபாதா³னியோ. தயோ ஆஹாரா ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா .

Kabaḷīkāro āhāro siyā upādinnupādāniyo, siyā anupādinnupādāniyo. Tayo āhārā siyā upādinnupādāniyā, siyā anupādinnupādāniyā, siyā anupādinnaanupādāniyā .

பஞ்ச ப²ஸ்ஸா உபாதி³ன்னுபாதா³னியா. மனோதா⁴துஸம்ப²ஸ்ஸோ ஸியா உபாதி³ன்னுபாதா³னியோ, ஸியா அனுபாதி³ன்னுபாதா³னியோ. மனோவிஞ்ஞாணதா⁴துஸம்ப²ஸ்ஸோ ஸியா உபாதி³ன்னுபாதா³னியோ, ஸியா அனுபாதி³ன்னுபாதா³னியோ, ஸியா அனுபாதி³ன்னஅனுபாதா³னியோ. பஞ்ச வேத³னா… பஞ்ச ஸஞ்ஞா… பஞ்ச சேதனா… பஞ்ச சித்தா உபாதி³ன்னுபாதா³னியா. மனோதா⁴து ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா. மனோவிஞ்ஞாணதா⁴து ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

Pañca phassā upādinnupādāniyā. Manodhātusamphasso siyā upādinnupādāniyo, siyā anupādinnupādāniyo. Manoviññāṇadhātusamphasso siyā upādinnupādāniyo, siyā anupādinnupādāniyo, siyā anupādinnaanupādāniyo. Pañca vedanā… pañca saññā… pañca cetanā… pañca cittā upādinnupādāniyā. Manodhātu siyā upādinnupādāniyā, siyā anupādinnupādāniyā. Manoviññāṇadhātu siyā upādinnupādāniyā, siyā anupādinnupādāniyā, siyā anupādinnaanupādāniyā.

5. விதக்கத்திகங்

5. Vitakkattikaṃ

1042. பஞ்சன்னங் க²ந்தா⁴னங் கதி ஸவிதக்கஸவிசாரா, கதி அவிதக்கவிசாரமத்தா, கதி அவிதக்கஅவிசாரா…பே॰… ஸத்தன்னங் சித்தானங் கதி ஸவிதக்கஸவிசாரா, கதி அவிதக்கவிசாரமத்தா, கதி அவிதக்கஅவிசாரா?

1042. Pañcannaṃ khandhānaṃ kati savitakkasavicārā, kati avitakkavicāramattā, kati avitakkaavicārā…pe… sattannaṃ cittānaṃ kati savitakkasavicārā, kati avitakkavicāramattā, kati avitakkaavicārā?

ரூபக்க²ந்தோ⁴ அவிதக்கஅவிசாரோ. தயோ க²ந்தா⁴ ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா. ஸங்கா²ரக்க²ந்தோ⁴ ஸியா ஸவிதக்கஸவிசாரோ, ஸியா அவிதக்கவிசாரமத்தோ, ஸியா அவிதக்கஅவிசாரோ ஸியா ந வத்தப்³போ³ ஸவிதக்கஸவிசாரோதிபி , அவிதக்கவிசாரமத்தோதிபி, அவிதக்கஅவிசாரோதிபி.

Rūpakkhandho avitakkaavicāro. Tayo khandhā siyā savitakkasavicārā, siyā avitakkavicāramattā, siyā avitakkaavicārā. Saṅkhārakkhandho siyā savitakkasavicāro, siyā avitakkavicāramatto, siyā avitakkaavicāro siyā na vattabbo savitakkasavicārotipi , avitakkavicāramattotipi, avitakkaavicārotipi.

த³ஸாயதனா அவிதக்கஅவிசாரா. மனாயதனங் ஸியா ஸவிதக்கஸவிசாரங், ஸியா அவிதக்கவிசாரமத்தங், ஸியா அவிதக்கஅவிசாரங். த⁴ம்மாயதனங் ஸியா ஸவிதக்கஸவிசாரங், ஸியா அவிதக்கவிசாரமத்தங், ஸியா அவிதக்கஅவிசாரங், ஸியா ந வத்தப்³ப³ங் ஸவிதக்கஸவிசாரந்திபி, அவிதக்கவிசாரமத்தந்திபி, அவிதக்கஅவிசாரந்திபி.

Dasāyatanā avitakkaavicārā. Manāyatanaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ. Dhammāyatanaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ, siyā na vattabbaṃ savitakkasavicārantipi, avitakkavicāramattantipi, avitakkaavicārantipi.

பன்னரஸ தா⁴துயோ அவிதக்கஅவிசாரா. மனோதா⁴து ஸவிதக்கஸவிசாரா. மனோவிஞ்ஞாணதா⁴து ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா. த⁴ம்மதா⁴து ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா, ஸியா ந வத்தப்³பா³ ஸவிதக்கஸவிசாராதிபி, அவிதக்கவிசாரமத்தாதிபி, அவிதக்கஅவிசாராதிபி.

Pannarasa dhātuyo avitakkaavicārā. Manodhātu savitakkasavicārā. Manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā. Dhammadhātu siyā savitakkasavicārā, siyā avitakkavicāramattā, siyā avitakkaavicārā, siyā na vattabbā savitakkasavicārātipi, avitakkavicāramattātipi, avitakkaavicārātipi.

ஸமுத³யஸச்சங் ஸவிதக்கஸவிசாரங். நிரோத⁴ஸச்சங் அவிதக்கஅவிசாரங். மக்³க³ஸச்சங் ஸியா ஸவிதக்கஸவிசாரங், ஸியா அவிதக்கவிசாரமத்தங், ஸியா அவிதக்கஅவிசாரங். து³க்க²ஸச்சங் ஸியா ஸவிதக்கஸவிசாரங், ஸியா அவிதக்கவிசாரமத்தங், ஸியா அவிதக்கஅவிசாரங், ஸியா ந வத்தப்³ப³ங் ஸவிதக்கஸவிசாரந்திபி, அவிதக்கவிசாரமத்தந்திபி, அவிதக்கஅவிசாரந்திபி.

Samudayasaccaṃ savitakkasavicāraṃ. Nirodhasaccaṃ avitakkaavicāraṃ. Maggasaccaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ. Dukkhasaccaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ, siyā na vattabbaṃ savitakkasavicārantipi, avitakkavicāramattantipi, avitakkaavicārantipi.

நவிந்த்³ரியா அவிதக்கஅவிசாரா. தோ³மனஸ்ஸிந்த்³ரியங் ஸவிதக்கஸவிசாரங். உபெக்கி²ந்த்³ரியங் ஸியா ஸவிதக்கஸவிசாரங், ஸியா அவிதக்கஅவிசாரங். ஏகாத³ஸிந்த்³ரியா ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா.

Navindriyā avitakkaavicārā. Domanassindriyaṃ savitakkasavicāraṃ. Upekkhindriyaṃ siyā savitakkasavicāraṃ, siyā avitakkaavicāraṃ. Ekādasindriyā siyā savitakkasavicārā, siyā avitakkavicāramattā, siyā avitakkaavicārā.

தயோ அகுஸலஹேதூ ஸவிதக்கஸவிசாரா. ச² ஹேதூ ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா. கப³ளீகாரோ ஆஹாரோ அவிதக்கஅவிசாரோ. தயோ ஆஹாரா ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா. பஞ்ச ப²ஸ்ஸா அவிதக்கஅவிசாரா. மனோதா⁴துஸம்ப²ஸ்ஸோ ஸவிதக்கஸவிசாரோ. மனோவிஞ்ஞாணதா⁴துஸம்ப²ஸ்ஸோ ஸியா ஸவிதக்கஸவிசாரோ, ஸியா அவிதக்கவிசாரமத்தோ, ஸியா அவிதக்கஅவிசாரோ. பஞ்ச வேத³னா… பஞ்ச ஸஞ்ஞா… பஞ்ச சேதனா… பஞ்ச சித்தா அவிதக்கஅவிசாரா மனோதா⁴து ஸவிதக்கஸவிசாரா , மனோவிஞ்ஞாணதா⁴து ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா.

Tayo akusalahetū savitakkasavicārā. Cha hetū siyā savitakkasavicārā, siyā avitakkavicāramattā, siyā avitakkaavicārā. Kabaḷīkāro āhāro avitakkaavicāro. Tayo āhārā siyā savitakkasavicārā, siyā avitakkavicāramattā, siyā avitakkaavicārā. Pañca phassā avitakkaavicārā. Manodhātusamphasso savitakkasavicāro. Manoviññāṇadhātusamphasso siyā savitakkasavicāro, siyā avitakkavicāramatto, siyā avitakkaavicāro. Pañca vedanā… pañca saññā… pañca cetanā… pañca cittā avitakkaavicārā manodhātu savitakkasavicārā , manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā.

(1) ரூபது³கங்

(1) Rūpadukaṃ

1043. பஞ்சன்னங் க²ந்தா⁴னங் கதி ரூபா, கதி அரூபா…பே॰… ஸத்தன்னங் சித்தானங் கதி ரூபா, கதி அரூபா?

1043. Pañcannaṃ khandhānaṃ kati rūpā, kati arūpā…pe… sattannaṃ cittānaṃ kati rūpā, kati arūpā?

ரூபக்க²ந்தோ⁴ ரூபங். சத்தாரோ க²ந்தா⁴ அரூபா. த³ஸாயதனா ரூபா. மனாயதனங் அரூபங். த⁴ம்மாயதனங் ஸியா ரூபங், ஸியா அரூபங். த³ஸ தா⁴துயோ ரூபா. ஸத்த தா⁴துயோ அரூபா. த⁴ம்மதா⁴து ஸியா ரூபா, ஸியா அரூபா. தீணி ஸச்சானி அரூபா. து³க்க²ஸச்சங் ஸியா ரூபங், ஸியா அரூபங். ஸத்திந்த்³ரியா ரூபா. சுத்³த³ஸிந்த்³ரியா அரூபா. ஜீவிதிந்த்³ரியங் ஸியா ரூபங், ஸியா அரூபங். நவ ஹேதூ அரூபா. கப³ளீகாரோ ஆஹாரோ ரூபங். தயோ ஆஹாரா அரூபா. ஸத்த ப²ஸ்ஸா அரூபா. ஸத்த வேத³னா… ஸத்த ஸஞ்ஞா… ஸத்த சேதனா ஸத்த சித்தா அரூபா.

Rūpakkhandho rūpaṃ. Cattāro khandhā arūpā. Dasāyatanā rūpā. Manāyatanaṃ arūpaṃ. Dhammāyatanaṃ siyā rūpaṃ, siyā arūpaṃ. Dasa dhātuyo rūpā. Satta dhātuyo arūpā. Dhammadhātu siyā rūpā, siyā arūpā. Tīṇi saccāni arūpā. Dukkhasaccaṃ siyā rūpaṃ, siyā arūpaṃ. Sattindriyā rūpā. Cuddasindriyā arūpā. Jīvitindriyaṃ siyā rūpaṃ, siyā arūpaṃ. Nava hetū arūpā. Kabaḷīkāro āhāro rūpaṃ. Tayo āhārā arūpā. Satta phassā arūpā. Satta vedanā… satta saññā… satta cetanā satta cittā arūpā.

(2) லோகியது³கங்

(2) Lokiyadukaṃ

1044. பஞ்சன்னங் க²ந்தா⁴னங் கதி லோகியா, கதி லோகுத்தரா? த்³வாத³ஸன்னங் ஆயதனானங் கதி லோகியா, கதி லோகுத்தரா? அட்டா²ரஸன்னங் தா⁴தூனங் கதி லோகியா, கதி லோகுத்தரா? சதுன்னங் ஸச்சானங் கதி லோகியா, கதி லோகுத்தரா…பே॰… ஸத்தன்னங் சித்தானங் கதி லோகியா, கதி லோகுத்தரா?

1044. Pañcannaṃ khandhānaṃ kati lokiyā, kati lokuttarā? Dvādasannaṃ āyatanānaṃ kati lokiyā, kati lokuttarā? Aṭṭhārasannaṃ dhātūnaṃ kati lokiyā, kati lokuttarā? Catunnaṃ saccānaṃ kati lokiyā, kati lokuttarā…pe… sattannaṃ cittānaṃ kati lokiyā, kati lokuttarā?

ரூபக்க²ந்தோ⁴ லோகியோ. சத்தாரோ க²ந்தா⁴ ஸியா லோகியா, ஸியா லோகுத்தரா. த³ஸாயதனா லோகியா . த்³வே ஆயதனா ஸியா லோகியா , ஸியா லோகுத்தரா. ஸோளஸ தா⁴துயோ லோகியா. த்³வே தா⁴துயோ ஸியா லோகியா, ஸியா லோகுத்தரா. த்³வே ஸச்சா லோகியா. த்³வே ஸச்சா லோகுத்தரா.

Rūpakkhandho lokiyo. Cattāro khandhā siyā lokiyā, siyā lokuttarā. Dasāyatanā lokiyā . Dve āyatanā siyā lokiyā , siyā lokuttarā. Soḷasa dhātuyo lokiyā. Dve dhātuyo siyā lokiyā, siyā lokuttarā. Dve saccā lokiyā. Dve saccā lokuttarā.

த³ஸிந்த்³ரியா லோகியா. தீணிந்த்³ரியா லோகுத்தரா. நவிந்த்³ரியா ஸியா லோகியா, ஸியா லோகுத்தரா. தயோ அகுஸலஹேதூ லோகியா. ச² ஹேதூ ஸியா லோகியா, ஸியா லோகுத்தரா. கப³ளீகாரோ ஆஹாரோ லோகியோ. தயோ ஆஹாரா ஸியா லோகியா, ஸியா லோகுத்தரா . ச² ப²ஸ்ஸா லோகியா. மனோவிஞ்ஞாணதா⁴துஸம்ப²ஸ்ஸோ ஸியா லோகியோ, ஸியா லோகுத்தரோ. ச² வேத³னா லோகியா. மனோவிஞ்ஞாணதா⁴துஸம்ப²ஸ்ஸஜா வேத³னா ஸியா லோகியா, ஸியா லோகுத்தரா. ச² ஸஞ்ஞா லோகியா. மனோவிஞ்ஞாணதா⁴துஸம்ப²ஸ்ஸஜா ஸஞ்ஞா ஸியா லோகியா, ஸியா லோகுத்தரா. ச² சேதனா லோகியா. மனோவிஞ்ஞாணதா⁴துஸம்ப²ஸ்ஸஜா சேதனா ஸியா லோகியா, ஸியா லோகுத்தரா. ச² சித்தா லோகியா. மனோவிஞ்ஞாணதா⁴து ஸியா லோகியா, ஸியா லோகுத்தராதி.

Dasindriyā lokiyā. Tīṇindriyā lokuttarā. Navindriyā siyā lokiyā, siyā lokuttarā. Tayo akusalahetū lokiyā. Cha hetū siyā lokiyā, siyā lokuttarā. Kabaḷīkāro āhāro lokiyo. Tayo āhārā siyā lokiyā, siyā lokuttarā . Cha phassā lokiyā. Manoviññāṇadhātusamphasso siyā lokiyo, siyā lokuttaro. Cha vedanā lokiyā. Manoviññāṇadhātusamphassajā vedanā siyā lokiyā, siyā lokuttarā. Cha saññā lokiyā. Manoviññāṇadhātusamphassajā saññā siyā lokiyā, siyā lokuttarā. Cha cetanā lokiyā. Manoviññāṇadhātusamphassajā cetanā siyā lokiyā, siyā lokuttarā. Cha cittā lokiyā. Manoviññāṇadhātu siyā lokiyā, siyā lokuttarāti.

அபி⁴ஞ்ஞா த்³வே ஸாரம்மணா, தி³ட்டா² குஸலவேத³னா;

Abhiññā dve sārammaṇā, diṭṭhā kusalavedanā;

விபாகா ச உபாதி³ன்னா, விதக்கங் ரூபலோகியாதி.

Vipākā ca upādinnā, vitakkaṃ rūpalokiyāti.

த⁴ம்மஹத³யவிப⁴ங்கோ³ நிட்டி²தோ.

Dhammahadayavibhaṅgo niṭṭhito.

விப⁴ங்க³பகரணங் நிட்டி²தங்.

Vibhaṅgapakaraṇaṃ niṭṭhitaṃ.

Footnotes:

1. கப³ளிங்காரோ ஆஹாரோ (ஸீ॰ ஸ்யா॰)

2. kabaḷiṃkāro āhāro (sī. syā.)

3. கேசி (ஸ்யா॰)

4. keci (syā.)

5. அவஸேஸா ஸத்தா (?)

6. avasesā sattā (?)

7. ஸம்மதிதே³வா (ஸ்யா॰)

8. sammatidevā (syā.)

9. சாதும்மஹாராஜிகே (ஸீ॰ ஸ்யா॰)

10. cātummahārājike (sī. syā.)

11. அப்பங் வா பி⁴ய்யோ வா (ஸ்யா॰ க॰) தீ³॰ நி॰ 2.7

12. appaṃ vā bhiyyo vā (syā. ka.) dī. ni. 2.7

13. ரத்திதி³வோ (க॰) அ॰ நி॰ 3.71

14. rattidivo (ka.) a. ni. 3.71

15. ச²பி தே (ஸ்யா॰)

16. chapi te (syā.)

17. ஏகோ கப்போ (ஸ்யா॰)

18. eko kappo (syā.)

19. ப⁴வக்³க³ங் வாபி (ஸ்யா॰)

20. புன க³ச்ச²ந்தி (ஸ்யா॰)

21. bhavaggaṃ vāpi (syā.)

22. puna gacchanti (syā.)

டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-மூலடீகா • Vibhaṅga-mūlaṭīkā / 18. த⁴ம்மஹத³யவிப⁴ங்கோ³ • 18. Dhammahadayavibhaṅgo

டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-அனுடீகா • Vibhaṅga-anuṭīkā / 18. த⁴ம்மஹத³யவிப⁴ங்கோ³ • 18. Dhammahadayavibhaṅgo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact