| Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā |
18. д̇хаммахад̣̇аяавибхан̇г̇о
18. Dhammahadayavibhaṅgo
1. саб̣б̣асан̇г̇аахигаваараван̣н̣анаа
1. Sabbasaṅgāhikavāravaṇṇanā
978. ‘‘бан̃жагканд̇хаа’’д̇иаад̣̇инаа канд̇хаад̣̇ийнам̣ д̇хаад̇усамбхавабарияаабаннабаад̇убхаава бхууманд̇арад̇ийсу д̇хаад̇уусууббаад̣̇агад̣̇аанаад̣̇игусала гаммад̇аб̣б̣ибаагаабхин̃н̃зяяаад̣̇иаарамман̣ад̣̇угад̣̇ваяад̣̇идтаад̣̇игусалад̇д̇игаад̣̇ид̇игабан̃жагаруубалогияад̣̇угад̣̇ваяабхзд̣̇абхиннаанам̣ ниравасзсад̇о сан̇г̇ахид̇ад̇д̇аа д̣̇уд̇ияаваараад̣̇ийнан̃жа зд̇т̇а ануббавзсад̇о саб̣б̣асааман̃н̃зна вуд̇д̇о батамо саб̣б̣асан̇г̇аахигавааро наама, д̣̇уд̇ияо уббад̇д̇аануббад̇д̇ид̣̇ассанавааро наамаад̇и вуд̇д̇ам̣. д̇ад̇т̇а бана ‘‘гаамад̇хаад̇уяаа гад̇и канд̇хаа гад̇и ааяад̇анааний’’д̇иаад̣̇инаа (вибха. 991) д̇зсам̣ ад̇т̇ид̇аа зва вуд̇д̇аа, гирияаависзсасса аббаяог̇о ‘‘ад̇т̇и бхавад̇и сам̣виж̇ж̇ад̇ий’’д̇и сааман̃н̃агирияааяа вин̃н̃зяяабхаавад̇о, д̇знааяам̣ ‘‘самбхаваасамбхавад̣̇ассанавааро’’д̇и вад̇д̇ум̣ яуд̇д̇о, жад̇уд̇т̇о жа убабад̇д̇игкан̣з уббад̇д̇аануббад̇д̇ид̣̇ассанаваарод̇и д̇ад̇т̇а баад̇убхааваабаад̇убхаававажанад̇о.
978. ‘‘Pañcakkhandhā’’tiādinā khandhādīnaṃ dhātusambhavapariyāpannapātubhāva bhūmantaratīsu dhātūsuuppādakadānādikusala kammatabbipākaabhiññeyyādiārammaṇadukadvayadiṭṭhādikusalattikāditikapañcakarūpalokiyadukadvayabhedabhinnānaṃ niravasesato saṅgahitattā dutiyavārādīnañca ettha anuppavesato sabbasāmaññena vutto paṭhamo sabbasaṅgāhikavāro nāma, dutiyo uppattānuppattidassanavāro nāmāti vuttaṃ. Tattha pana ‘‘kāmadhātuyā kati khandhā kati āyatanānī’’tiādinā (vibha. 991) tesaṃ atthitā eva vuttā, kiriyāvisesassa appayogo ‘‘atthi bhavati saṃvijjatī’’ti sāmaññakiriyāya viññeyyabhāvato, tenāyaṃ ‘‘sambhavāsambhavadassanavāro’’ti vattuṃ yutto, catuttho ca upapattikkhaṇe uppattānuppattidassanavāroti tattha pātubhāvāpātubhāvavacanato.
979. яат̇аабужчанд̇и бужчаануруубам̣ авид̇ат̇аб̣яаагаран̣ам̣ барзхи гад̇амби саб̣б̣ан̃н̃уважанам̣ вин̃н̃ааяа гад̇ад̇д̇аа саб̣б̣ан̃н̃уб̣яаагаран̣амзва наама ход̇и, го бана ваад̣̇о саб̣б̣ан̃н̃унаа зва гад̇зд̇и ад̇хиббааяо.
979. Yathāpucchanti pucchānurūpaṃ avitathabyākaraṇaṃ parehi katampi sabbaññuvacanaṃ viññāya katattā sabbaññubyākaraṇameva nāma hoti, ko pana vādo sabbaññunā eva kateti adhippāyo.
2. уббад̇д̇аануббад̇д̇иваараван̣н̣анаа
2. Uppattānuppattivāravaṇṇanā
991. гаамад̇хаад̇усамбхууд̇аанан̃жаад̇и ид̣̇д̇хияаа руубад̇хаад̇уг̇ад̇аанам̣ гаамааважарасад̇д̇аанан̃жаад̇и ад̇т̇о. гхаанааяад̇анаад̣̇ийнам̣ абхаавзнаад̇и зд̇т̇а яад̣̇и д̇ад̣̇абхаавзна г̇анд̇хааяад̇анаад̣̇ийни ааяад̇анаад̣̇игижжам̣ на гаронд̇и , асан̃н̃асад̇д̇зсу жагкааяад̇анасса абхаавзна руубааяад̇анам̣ ааяад̇анаад̣̇игижжам̣ на гарзяяа. д̇ад̇о ‘‘асан̃н̃асад̇д̇аанам̣ д̣̇зваанам̣ убабад̇д̇игкан̣з д̣̇вааяад̇анаани баад̇убхаванд̇ий’’д̇иаад̣̇иважанам̣ на вад̇д̇аб̣б̣ам̣ сияаа. гаамааважараад̣̇иогаасаа д̇ад̇т̇а уббаж̇ж̇амаанасад̇д̇аанам̣, д̇ад̇т̇а барияаабаннад̇хаммаанам̣ ваа ад̇хидтаанабхаавзна ‘‘д̇хаад̇уу’’д̇и вужжанд̇и, д̇ат̇аа язсу гаамааважараад̣̇исад̇д̇анигааязсу гаамааважараад̣̇исад̇д̇аа уббаж̇ж̇анд̇и, д̇зсам̣ сад̇д̇аанам̣ уббад̇д̇и зд̇т̇аад̇и сад̇д̇уббад̇д̇ийд̇и вужжамаанаа д̇з сад̇д̇анигааяаа жа, на банзд̇т̇а абарияаабанногаасо абарияаабаннасад̇д̇анигааяо жа ад̇т̇и, яо ‘‘д̇хаад̇уу’’д̇и вужжзяяаад̇и имамад̇т̇ам̣ д̣̇ассзнд̇о ‘‘огаасавасзна ваа сад̇д̇уббад̇д̇ивасзна ваа абарияаабаннад̇хаад̇у наама над̇т̇ий’’д̇и ааха. сад̇д̇уббад̇д̇ивасзнаад̇и иминаа ваа огаасасад̇д̇алогад̣̇ваяам̣ саха г̇ахзд̇ваа д̇аад̣̇исааяа абарияаабаннад̇хаад̇уяаа абхаавам̣ д̣̇ассзд̇и, сад̇д̇абхаавзна ваа уббад̇д̇и сад̇д̇уббад̇д̇и, сад̇д̇ааваасавасзна д̇ам̣д̇ам̣бхававасзна уббаж̇ж̇амаанаа убаад̣̇иннагагканд̇хаа д̇ам̣д̇ам̣барияаабаннаанам̣ сад̣̇исаад̇хидтаанабхаавзна д̇хаад̇ууд̇и вужжанд̇ийд̇и звам̣ абарияаабаннад̇хаад̇у над̇т̇ийд̇и ад̇т̇о.
991. Kāmadhātusambhūtānañcāti iddhiyā rūpadhātugatānaṃ kāmāvacarasattānañcāti attho. Ghānāyatanādīnaṃ abhāvenāti ettha yadi tadabhāvena gandhāyatanādīni āyatanādikiccaṃ na karonti , asaññasattesu cakkhāyatanassa abhāvena rūpāyatanaṃ āyatanādikiccaṃ na kareyya. Tato ‘‘asaññasattānaṃ devānaṃ upapattikkhaṇe dvāyatanāni pātubhavantī’’tiādivacanaṃ na vattabbaṃ siyā. Kāmāvacarādiokāsā tattha uppajjamānasattānaṃ, tattha pariyāpannadhammānaṃ vā adhiṭṭhānabhāvena ‘‘dhātū’’ti vuccanti, tathā yesu kāmāvacarādisattanikāyesu kāmāvacarādisattā uppajjanti, tesaṃ sattānaṃ uppatti etthāti sattuppattīti vuccamānā te sattanikāyā ca, na panettha apariyāpannokāso apariyāpannasattanikāyo ca atthi, yo ‘‘dhātū’’ti vucceyyāti imamatthaṃ dassento ‘‘okāsavasena vā sattuppattivasena vā apariyāpannadhātu nāma natthī’’ti āha. Sattuppattivasenāti iminā vā okāsasattalokadvayaṃ saha gahetvā tādisāya apariyāpannadhātuyā abhāvaṃ dasseti, sattabhāvena vā uppatti sattuppatti, sattāvāsavasena taṃtaṃbhavavasena uppajjamānā upādinnakakkhandhā taṃtaṃpariyāpannānaṃ sadisādhiṭṭhānabhāvena dhātūti vuccantīti evaṃ apariyāpannadhātu natthīti attho.
3. барияаабаннаабарияаабаннаваараван̣н̣анаа
3. Pariyāpannāpariyāpannavāravaṇṇanā
999. бхававасзна огаасавасзна жа барижчиннаад̇и д̇ад̇т̇а ан̃н̃ад̇т̇а жа уббаж̇ж̇амаанаа убаад̣̇иннагагканд̇хаа д̇ам̣д̇ам̣барияаабаннаа саб̣б̣з д̣̇адтаб̣б̣аа.
999. Bhavavasena okāsavasena ca paricchinnāti tattha aññattha ca uppajjamānā upādinnakakkhandhā taṃtaṃpariyāpannā sabbe daṭṭhabbā.
6. уббаад̣̇агагаммаааяуббамаан̣авааро
6. Uppādakakammaāyuppamāṇavāro
(1.) уббаад̣̇агагаммаван̣н̣анаа
(1.) Uppādakakammavaṇṇanā
1021. канд̇хаад̣̇ийнам̣ д̇хаад̇усамбхаваад̣̇ивасзна бабхзд̣̇ам̣ вад̇ваа яз сад̇д̇аа д̇хаад̇уббабхзд̣̇аванд̇о, яан̃жа д̇зсам̣ уббаад̣̇агагаммам̣, яо жа д̇асса вибааго, д̇зсам̣ васзна бабхзд̣̇ам̣ д̣̇ассзд̇ум̣ ‘‘д̇аяо д̣̇зваа’’д̇иаад̣̇иго чадтавааро аарад̣̇д̇хо. канд̇хаад̣̇аяо зва хи д̇хаад̇уд̇д̇аяабхууд̇ад̣̇звавасзна д̣̇аанаад̣̇игаммавасзна д̇ам̣д̇ам̣ааяуббамаан̣абарижчиннаубаад̣̇иннагагканд̇хавасзна жа бхиннаад̇и. жад̇уд̣̇он̣ам̣ амб̣ан̣ам̣, чад̣̇он̣анд̇и згз.
1021. Khandhādīnaṃ dhātusambhavādivasena pabhedaṃ vatvā ye sattā dhātuppabhedavanto, yañca tesaṃ uppādakakammaṃ, yo ca tassa vipāko, tesaṃ vasena pabhedaṃ dassetuṃ ‘‘tayo devā’’tiādiko chaṭṭhavāro āraddho. Khandhādayo eva hi dhātuttayabhūtadevavasena dānādikammavasena taṃtaṃāyuppamāṇaparicchinnaupādinnakakkhandhavasena ca bhinnāti. Catudoṇaṃ ambaṇaṃ, chadoṇanti eke.
уббаад̣̇агагаммаван̣н̣анаа нидтид̇аа.
Uppādakakammavaṇṇanā niṭṭhitā.
(2.) ааяуббамаан̣аван̣н̣анаа
(2.) Āyuppamāṇavaṇṇanā
1024. д̇аяоби ж̇анаад̇и д̇аяо ж̇анасамуухаад̇и ад̇хиббааяо.
1024. Tayopijanāti tayo janasamūhāti adhippāyo.
1025. аабхаад̇и собханаа бабхаа.
1025. Ābhāti sobhanā pabhā.
1026. ган̃жанабин̣д̣о вияа сассиригаа ган̃жанабин̣д̣асассиригаа. д̇ад̇т̇а бана собханабабхааяа гин̣н̣аа субхаагин̣н̣аад̇и вад̇д̇аб̣б̣з аа-гаарасса рассад̇д̇ам̣ анд̇иман̣а-гаарасса ха-гааран̃жа гад̇ваа ‘‘субхагин̣хаа’’д̇и вуд̇д̇аа, ат̇а бана субхзна гин̣н̣аа субхагин̣н̣аа. буримабад̣̇зсуби барид̇д̇ам̣ субхам̣ зд̇зсанд̇и барид̇д̇асубхаа, аббамаан̣ам̣ субхам̣ зд̇зсанд̇и аббамаан̣асубхаад̇и субха-сад̣̇д̣̇зна самаасо яож̇зд̇аб̣б̣о ход̇и.
1026. Kañcanapiṇḍo viya sassirikā kañcanapiṇḍasassirikā. Tattha pana sobhanapabhāya kiṇṇā subhākiṇṇāti vattabbe ā-kārassa rassattaṃ antimaṇa-kārassa ha-kārañca katvā ‘‘subhakiṇhā’’ti vuttā, atha pana subhena kiṇṇā subhakiṇṇā. Purimapadesupi parittaṃ subhaṃ etesanti parittasubhā, appamāṇaṃ subhaṃ etesanti appamāṇasubhāti subha-saddena samāso yojetabbo hoti.
1027. аарамман̣аманасигаараа буб̣б̣абхааг̇зна гат̇ид̇аад̇и жхаанагкан̣з д̇ад̇о бажчаа ваа барид̇д̇аад̣̇игасин̣аарамман̣абхааванааяа ааваж̇ж̇анзна жа жхаанасса аарамман̣аманасигааранаанад̇д̇ад̇аа на ход̇и, буб̣б̣абхааг̇абхааванааяа бана буб̣б̣абхааг̇ааваж̇ж̇анзна жа ход̇ийд̇и ад̇т̇о. буб̣б̣абхааг̇абхааванааяа васзна хи жхаанам̣ барид̇д̇абат̇авийгасин̣аад̣̇ийсу д̇ам̣д̇ад̣̇аарамман̣ам̣ ход̇и, буб̣б̣абхааг̇зна д̇ам̣д̇ам̣гасин̣ааваж̇ж̇анзна д̇ам̣д̇ам̣манасигааранд̇и. чанд̣̇аад̣̇аяо бана аббанаагкан̣зби виж̇ж̇анд̇и. д̇ад̇т̇а бан̣ид̇хийд̇и на д̇ан̣хаабад̇т̇анаа, ат̇а ко чанд̣̇абад̇т̇анаава д̣̇адтаб̣б̣аа. ад̇химогко нижчаяо. абхинийхааро жид̇д̇аббавад̇д̇иязва. яад̣̇и бана бхавачанд̣̇абхавабад̇т̇анаад̣̇аяо д̇ам̣д̇ам̣бхавависзсанияаамагаа ад̇хиббзд̇аа. ‘‘аббанааяаби вадданд̇ий’’д̇и зд̇асса аббанааяа бавад̇д̇ааяа д̇ад̇о бажчааби вадданд̇ийд̇и ад̇т̇о д̣̇адтаб̣б̣о. сан̃н̃аавирааг̇аад̣̇ийхи бана висзсияамаанам̣ аарамман̣ам̣ д̇ат̇аа д̇ат̇аа д̇ад̇т̇а бавад̇д̇о манасигааро жа бхавависзсанияаамаго буб̣б̣абхааг̇ова ваддад̇ийд̇и ‘‘аарамман̣аманасигаараа буб̣б̣абхааг̇зна гат̇ид̇аа’’д̇и вуд̇д̇ам̣.
1027. Ārammaṇamanasikārā pubbabhāgena kathitāti jhānakkhaṇe tato pacchā vā parittādikasiṇārammaṇabhāvanāya āvajjanena ca jhānassa ārammaṇamanasikāranānattatā na hoti, pubbabhāgabhāvanāya pana pubbabhāgāvajjanena ca hotīti attho. Pubbabhāgabhāvanāya vasena hi jhānaṃ parittapathavīkasiṇādīsu taṃtadārammaṇaṃ hoti, pubbabhāgena taṃtaṃkasiṇāvajjanena taṃtaṃmanasikāranti. Chandādayo pana appanākkhaṇepi vijjanti. Tattha paṇidhīti na taṇhāpatthanā, atha kho chandapatthanāva daṭṭhabbā. Adhimokkho nicchayo. Abhinīhāro cittappavattiyeva. Yadi pana bhavachandabhavapatthanādayo taṃtaṃbhavavisesaniyāmakā adhippetā. ‘‘Appanāyapi vaṭṭantī’’ti etassa appanāya pavattāya tato pacchāpi vaṭṭantīti attho daṭṭhabbo. Saññāvirāgādīhi pana visesiyamānaṃ ārammaṇaṃ tathā tathā tattha pavatto manasikāro ca bhavavisesaniyāmako pubbabhāgova vaṭṭatīti ‘‘ārammaṇamanasikārā pubbabhāgena kathitā’’ti vuttaṃ.
вибулаа палаад̇и вибуласанд̇асукааяуван̣н̣аад̣̇ипалаа. судту бассанд̇и бан̃н̃аажагкунаа мам̣сад̣̇иб̣б̣ажагкуухи жа.
Vipulā phalāti vipulasantasukhāyuvaṇṇādiphalā. Suṭṭhu passanti paññācakkhunā maṃsadibbacakkhūhi ca.
1028. ‘‘яаава на д̇ам̣ баабагаммам̣ б̣яанд̇ий ход̇ий’’д̇и (ма. ни. 3.250) важанад̇о ‘‘гаммамзва бамаан̣а’’нд̇и ааха, аб̣б̣уд̣̇аад̣̇иааяуббамаан̣абарижчзд̣̇о бана гаммавасзнзва гад̇од̇и ад̇хиббааяо.
1028. ‘‘Yāva na taṃ pāpakammaṃ byantī hotī’’ti (ma. ni. 3.250) vacanato ‘‘kammamevapamāṇa’’nti āha, abbudādiāyuppamāṇaparicchedo pana kammavaseneva katoti adhippāyo.
нилийяаногаасасса абхааваад̇и самаанаж̇аад̇игзна ажчарааг̇ан̣зна саб̣б̣ад̣̇аа бариваарияамаанасса гаамаг̇ун̣аагин̣н̣асса д̇аб̣б̣ирахид̇адтаанасса абхааваад̇и ад̇т̇о.
Nilīyanokāsassa abhāvāti samānajātikena accharāgaṇena sabbadā parivāriyamānassa kāmaguṇākiṇṇassa tabbirahitaṭṭhānassa abhāvāti attho.
гим̣ нияамзд̇ийд̇и гим̣ жхаанам̣ убабад̇д̇им̣ нияамзд̇ийд̇и ад̇т̇о. нава б̣рахмалогзд̇и б̣рахмабаарисаж̇ж̇аад̣̇аяо наваби сод̇хзд̇ваа. мад̇т̇агзд̇и взхабпалзсууд̇и ад̇т̇о. сздтабхаваа наамаад̇и д̇ад̇о барам̣ аг̇аманад̇о уд̇д̇амабхаваад̇и ад̇хиббааяо. д̇знзва бхавасийсаанийд̇и г̇ахид̇аа. имзсу д̇ийсу таанзсууд̇и взхабпалаад̣̇идтаанаани зва санд̇хааяа вуд̇д̇ам̣. взхабпалад̇о бана буримзсу навасу ниб̣б̣ад̇д̇аанааг̇аамий аруубад̇хаад̇ум̣ убабаж̇ж̇ад̇ийд̇и гад̇ваа ‘‘руубад̇хаад̇уяаа жуд̇асса аруубад̇хаад̇ум̣ убабаж̇ж̇анд̇асса гассажи сад̇д̇а анусаяаа анусзнд̇и, гассажи бан̃жа, гассажи д̇аяо анусзнд̇ий’’д̇и (яама. 2.анусаяаяамага.311) ид̣̇ам̣ вуд̇д̇ам̣, на взхабпалаад̣̇ийсу убабаннам̣ санд̇хааяаад̇и аяамзд̇т̇а ад̇хиббааяо сияаа. яам̣ бана вуд̇д̇ам̣ ‘‘навасу б̣рахмалогзсу ниб̣б̣ад̇д̇аарияасаавагаанам̣ д̇ад̇руубабад̇д̇иязва ход̇и, на хздтуубабад̇д̇ий’’д̇и, зд̇зна хздтуубабад̇д̇и зва ниваарид̇аа, на д̇зсвзва убаруубари взхабпалз жа убабад̇д̇и аруубад̇хаад̇уубабад̇д̇и жа. ‘‘батамаж̇жхаанабхуумияам̣ ниб̣б̣ад̇д̇о анааг̇аамий нава б̣рахмалогз сод̇хзд̇ваа мад̇т̇агз тид̇о бариниб̣б̣аад̇ий’’д̇и ид̣̇амби анубуб̣б̣зна аароханд̇ам̣ санд̇хааяа вуд̇д̇анд̇и на д̇зна д̇асса мад̇т̇агам̣ аббад̇д̇асса аруубад̇хаад̇ум̣ убабад̇д̇и ниваарид̇аад̇и д̣̇адтаб̣б̣аа.
Kiṃ niyametīti kiṃ jhānaṃ upapattiṃ niyametīti attho. Nava brahmaloketi brahmapārisajjādayo navapi sodhetvā. Matthaketi vehapphalesūti attho. Seṭṭhabhavā nāmāti tato paraṃ agamanato uttamabhavāti adhippāyo. Teneva bhavasīsānīti gahitā. Imesu tīsu ṭhānesūti vehapphalādiṭṭhānāni eva sandhāya vuttaṃ. Vehapphalato pana purimesu navasu nibbattaanāgāmī arūpadhātuṃ upapajjatīti katvā ‘‘rūpadhātuyā cutassa arūpadhātuṃ upapajjantassa kassaci satta anusayā anusenti, kassaci pañca, kassaci tayo anusentī’’ti (yama. 2.anusayayamaka.311) idaṃ vuttaṃ, na vehapphalādīsu upapannaṃ sandhāyāti ayamettha adhippāyo siyā. Yaṃ pana vuttaṃ ‘‘navasu brahmalokesu nibbattaariyasāvakānaṃ tatrūpapattiyeva hoti, na heṭṭhūpapattī’’ti, etena heṭṭhūpapatti eva nivāritā, na tesveva uparūpari vehapphale ca upapatti arūpadhātūpapatti ca. ‘‘Paṭhamajjhānabhūmiyaṃ nibbatto anāgāmī nava brahmaloke sodhetvā matthake ṭhito parinibbātī’’ti idampi anupubbena ārohantaṃ sandhāya vuttanti na tena tassa matthakaṃ appattassa arūpadhātuṃ upapatti nivāritāti daṭṭhabbā.
яо ваа ан̃н̃ад̇т̇а д̇ад̇т̇а ваа маг̇г̇ам̣ бхаавзд̇ваа жавид̇ваа д̇ад̇т̇а убабанно авигкамбхид̇аруубарааг̇о арияасааваго, д̇ам̣ санд̇хааяа аяам̣ адтагат̇аа вуд̇д̇аа. д̇знзва ‘‘навасу б̣рахмалогзсу ниб̣б̣ад̇д̇аарияасаавагаана’’нд̇и, ‘‘батамаж̇жхаанабхуумияам̣ ниб̣б̣ад̇д̇о анааг̇аамий’’д̇и, ‘‘имзсу д̇ийсу таанзсу ниб̣б̣ад̇д̇аанааг̇аамино’’д̇и жа саб̣б̣ад̇т̇а ниб̣б̣ад̇д̇аг̇г̇ахан̣ам̣ гад̇ам̣. д̇асса бана язна д̇ад̇т̇а убабанно, д̇асмим̣ руубарааг̇з вигкамбхид̇з буна бхаваабхилаасо на бхависсад̇ийд̇и аруубарааг̇убажчзд̣̇о жа бхависсад̇иязва. яо бана бут̇уж̇ж̇ано д̇ад̇т̇а ниб̣б̣ад̇д̇о арияамаг̇г̇ам̣ бхаавзд̇ваа аруубзхи вигкамбхид̇аруубарааг̇о уббаннз маг̇г̇з ниб̣б̣ад̇д̇абхаваад̣̇ийнавад̣̇ассанавасзна анивад̇д̇ид̇абхаваабхилаасо, д̇асса васзна яамагабаал̣и бавад̇д̇аад̇и ваа аяамад̇т̇о ад̇хиббзд̇о сияаа.
Yo vā aññattha tattha vā maggaṃ bhāvetvā cavitvā tattha upapanno avikkhambhitarūparāgo ariyasāvako, taṃ sandhāya ayaṃ aṭṭhakathā vuttā. Teneva ‘‘navasu brahmalokesu nibbattaariyasāvakāna’’nti, ‘‘paṭhamajjhānabhūmiyaṃ nibbatto anāgāmī’’ti, ‘‘imesu tīsu ṭhānesu nibbattaanāgāmino’’ti ca sabbattha nibbattaggahaṇaṃ kataṃ. Tassa pana yena tattha upapanno, tasmiṃ rūparāge vikkhambhite puna bhavābhilāso na bhavissatīti arūparāgupacchedo ca bhavissatiyeva. Yo pana puthujjano tattha nibbatto ariyamaggaṃ bhāvetvā arūpehi vikkhambhitarūparāgo uppanne magge nibbattabhavādīnavadassanavasena anivattitabhavābhilāso, tassa vasena yamakapāḷi pavattāti vā ayamattho adhippeto siyā.
ааяуббамаан̣аван̣н̣анаа нидтид̇аа.
Āyuppamāṇavaṇṇanā niṭṭhitā.
7. абхин̃н̃зяяаад̣̇иваараван̣н̣анаа
7. Abhiññeyyādivāravaṇṇanā
1030. ‘‘руббаналагкан̣ам̣ руубам̣, пусаналагкан̣о пассо’’д̇иаад̣̇инаа сааман̃н̃ависзсалагкан̣абариг̇г̇аахигаа салагкан̣абариг̇г̇аахигаа д̣̇идтиган̇каавид̇аран̣ависуд̣̇д̇хияо н̃аад̇абарин̃н̃аа, д̇ад̇о барам̣ яаава ануломаа д̇ийран̣абарин̃н̃аа, уд̣̇аяаб̣б̣аяаанубассанад̇о бадтааяа яаава маг̇г̇аа бахаанабарин̃н̃аа.
1030. ‘‘Ruppanalakkhaṇaṃ rūpaṃ, phusanalakkhaṇo phasso’’tiādinā sāmaññavisesalakkhaṇapariggāhikā salakkhaṇapariggāhikā diṭṭhikaṅkhāvitaraṇavisuddhiyo ñātapariññā, tato paraṃ yāva anulomā tīraṇapariññā, udayabbayānupassanato paṭṭhāya yāva maggā pahānapariññā.
д̇ад̇т̇а д̇ад̇т̇аад̇и канд̇хаад̣̇ийнам̣ д̇аава канд̇хавибхан̇г̇аад̣̇ийсу бан̃хабужчагаваарз вад̇д̇аб̣б̣ам̣ вуд̇д̇ам̣, хзд̇уаад̣̇ийнан̃жа канд̇хаад̣̇ийсу анд̇ог̇ад̇хад̇д̇аа д̇ад̇т̇а д̇ад̇т̇а бан̃хабужчагаваарз вад̇д̇аб̣б̣ам̣ вуд̇д̇амзваад̇и д̣̇адтаб̣б̣ам̣.
Tattha tatthāti khandhādīnaṃ tāva khandhavibhaṅgādīsu pañhapucchakavāre vattabbaṃ vuttaṃ, hetuādīnañca khandhādīsu antogadhattā tattha tattha pañhapucchakavāre vattabbaṃ vuttamevāti daṭṭhabbaṃ.
абхин̃н̃зяяаад̣̇иваараван̣н̣анаа нидтид̇аа.
Abhiññeyyādivāravaṇṇanā niṭṭhitā.
д̇хаммахад̣̇аяавибхан̇г̇аван̣н̣анаа нидтид̇аа.
Dhammahadayavibhaṅgavaṇṇanā niṭṭhitā.
ид̇и саммохавинод̣̇анияаа лийнад̇т̇абад̣̇аван̣н̣анаа
Iti sammohavinodaniyā līnatthapadavaṇṇanā
вибхан̇г̇а-мууладийгаа самад̇д̇аа.
Vibhaṅga-mūlaṭīkā samattā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 18. д̇хаммахад̣̇аяавибхан̇г̇о • 18. Dhammahadayavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. саб̣б̣асан̇г̇аахигаваараван̣н̣анаа • 1. Sabbasaṅgāhikavāravaṇṇanā
2. уббад̇д̇аануббад̇д̇иваараван̣н̣анаа • 2. Uppattānuppattivāravaṇṇanā
3. барияаабаннаабарияаабаннаваараван̣н̣анаа • 3. Pariyāpannāpariyāpannavāravaṇṇanā
6. уббаад̣̇агагаммаааяуббамаан̣аваараван̣н̣анаа • 6. Uppādakakammaāyuppamāṇavāravaṇṇanā
7. абхин̃н̃зяяаад̣̇иваараван̣н̣анаа • 7. Abhiññeyyādivāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 18. д̇хаммахад̣̇аяавибхан̇г̇о • 18. Dhammahadayavibhaṅgo
