Library / Tipiṭaka / ತಿಪಿಟಕ • Tipiṭaka / ವಿಭಙ್ಗಪಾಳಿ • Vibhaṅgapāḷi

೧೮. ಧಮ್ಮಹದಯವಿಭಙ್ಗೋ

18. Dhammahadayavibhaṅgo

೧. ಸಬ್ಬಸಙ್ಗಾಹಿಕವಾರೋ

1. Sabbasaṅgāhikavāro

೯೭೮. ಕತಿ ಖನ್ಧಾ, ಕತಿ ಆಯತನಾನಿ, ಕತಿ ಧಾತುಯೋ, ಕತಿ ಸಚ್ಚಾನಿ, ಕತಿ ಇನ್ದ್ರಿಯಾನಿ, ಕತಿ ಹೇತೂ, ಕತಿ ಆಹಾರಾ, ಕತಿ ಫಸ್ಸಾ, ಕತಿ ವೇದನಾ, ಕತಿ ಸಞ್ಞಾ, ಕತಿ ಚೇತನಾ, ಕತಿ ಚಿತ್ತಾನಿ?

978. Kati khandhā, kati āyatanāni, kati dhātuyo, kati saccāni, kati indriyāni, kati hetū, kati āhārā, kati phassā, kati vedanā, kati saññā, kati cetanā, kati cittāni?

ಪಞ್ಚಕ್ಖನ್ಧಾ, ದ್ವಾದಸಾಯತನಾನಿ, ಅಟ್ಠಾರಸ ಧಾತುಯೋ, ಚತ್ತಾರಿ ಸಚ್ಚಾನಿ, ಬಾವೀಸತಿನ್ದ್ರಿಯಾನಿ, ನವ ಹೇತೂ, ಚತ್ತಾರೋ ಆಹಾರಾ, ಸತ್ತ ಫಸ್ಸಾ, ಸತ್ತ ವೇದನಾ, ಸತ್ತ ಸಞ್ಞಾ, ಸತ್ತ ಚೇತನಾ, ಸತ್ತ ಚಿತ್ತಾನಿ।

Pañcakkhandhā, dvādasāyatanāni, aṭṭhārasa dhātuyo, cattāri saccāni, bāvīsatindriyāni, nava hetū, cattāro āhārā, satta phassā, satta vedanā, satta saññā, satta cetanā, satta cittāni.

೯೭೯. ತತ್ಥ ಕತಮೇ ಪಞ್ಚಕ್ಖನ್ಧಾ? ರೂಪಕ್ಖನ್ಧೋ, ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ – ಇಮೇ ವುಚ್ಚನ್ತಿ ‘‘ಪಞ್ಚಕ್ಖನ್ಧಾ’’।

979. Tattha katame pañcakkhandhā? Rūpakkhandho, vedanākkhandho, saññākkhandho, saṅkhārakkhandho, viññāṇakkhandho – ime vuccanti ‘‘pañcakkhandhā’’.

೯೮೦. ತತ್ಥ ಕತಮಾನಿ ದ್ವಾದಸಾಯತನಾನಿ? ಚಕ್ಖಾಯತನಂ, ರೂಪಾಯತನಂ, ಸೋತಾಯತನಂ, ಸದ್ದಾಯತನಂ, ಘಾನಾಯತನಂ, ಗನ್ಧಾಯತನಂ, ಜಿವ್ಹಾಯತನಂ, ರಸಾಯತನಂ, ಕಾಯಾಯತನಂ, ಫೋಟ್ಠಬ್ಬಾಯತನಂ, ಮನಾಯತನಂ, ಧಮ್ಮಾಯತನಂ – ಇಮಾನಿ ವುಚ್ಚನ್ತಿ ‘‘ದ್ವಾದಸಾಯತನಾನಿ’’।

980. Tattha katamāni dvādasāyatanāni? Cakkhāyatanaṃ, rūpāyatanaṃ, sotāyatanaṃ, saddāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ – imāni vuccanti ‘‘dvādasāyatanāni’’.

೯೮೧. ತತ್ಥ ಕತಮಾ ಅಟ್ಠಾರಸ ಧಾತುಯೋ? ಚಕ್ಖುಧಾತು, ರೂಪಧಾತು, ಚಕ್ಖುವಿಞ್ಞಾಣಧಾತು, ಸೋತಧಾತು, ಸದ್ದಧಾತು, ಸೋತವಿಞ್ಞಾಣಧಾತು, ಘಾನಧಾತು , ಗನ್ಧಧಾತು, ಘಾನವಿಞ್ಞಾಣಧಾತು, ಜಿವ್ಹಾಧಾತು, ರಸಧಾತು, ಜಿವ್ಹಾವಿಞ್ಞಾಣಧಾತು, ಕಾಯಧಾತು, ಫೋಟ್ಠಬ್ಬಧಾತು, ಕಾಯವಿಞ್ಞಾಣಧಾತು, ಮನೋಧಾತು, ಧಮ್ಮಧಾತು, ಮನೋವಿಞ್ಞಾಣಧಾತು – ಇಮಾ ವುಚ್ಚನ್ತಿ ‘‘ಅಟ್ಠಾರಸ ಧಾತುಯೋ’’।

981. Tattha katamā aṭṭhārasa dhātuyo? Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu , gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu, manoviññāṇadhātu – imā vuccanti ‘‘aṭṭhārasa dhātuyo’’.

೯೮೨. ತತ್ಥ ಕತಮಾನಿ ಚತ್ತಾರಿ ಸಚ್ಚಾನಿ? ದುಕ್ಖಸಚ್ಚಂ, ಸಮುದಯಸಚ್ಚಂ, ನಿರೋಧಸಚ್ಚಂ, ಮಗ್ಗಸಚ್ಚಂ – ಇಮಾನಿ ವುಚ್ಚನ್ತಿ ‘‘ಚತ್ತಾರಿ ಸಚ್ಚಾನಿ’’।

982. Tattha katamāni cattāri saccāni? Dukkhasaccaṃ, samudayasaccaṃ, nirodhasaccaṃ, maggasaccaṃ – imāni vuccanti ‘‘cattāri saccāni’’.

೯೮೩. ತತ್ಥ ಕತಮಾನಿ ಬಾವೀಸತಿನ್ದ್ರಿಯಾನಿ? ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ, ಪುರಿಸಿನ್ದ್ರಿಯಂ, ಜೀವಿತಿನ್ದ್ರಿಯಂ, ಸುಖಿನ್ದ್ರಿಯಂ, ದುಕ್ಖಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ, ದೋಮನಸ್ಸಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ , ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ, ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ, ಅಞ್ಞಿನ್ದ್ರಿಯಂ, ಅಞ್ಞಾತಾವಿನ್ದ್ರಿಯಂ – ಇಮಾನಿ ವುಚ್ಚನ್ತಿ ‘‘ಬಾವೀಸತಿನ್ದ್ರಿಯಾನಿ’’।

983. Tattha katamāni bāvīsatindriyāni? Cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ, purisindriyaṃ, jīvitindriyaṃ, sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ , saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, anaññātaññassāmītindriyaṃ, aññindriyaṃ, aññātāvindriyaṃ – imāni vuccanti ‘‘bāvīsatindriyāni’’.

೯೮೪. ತತ್ಥ ಕತಮೇ ನವ ಹೇತೂ? ತಯೋ ಕುಸಲಹೇತೂ, ತಯೋ ಅಕುಸಲಹೇತೂ, ತಯೋ ಅಬ್ಯಾಕತಹೇತೂ।

984. Tattha katame nava hetū? Tayo kusalahetū, tayo akusalahetū, tayo abyākatahetū.

ತತ್ಥ ಕತಮೇ ತಯೋ ಕುಸಲಹೇತೂ? ಅಲೋಭೋ ಕುಸಲಹೇತು, ಅದೋಸೋ ಕುಸಲಹೇತು, ಅಮೋಹೋ ಕುಸಲಹೇತು – ಇಮೇ ತಯೋ ಕುಸಲಹೇತೂ।

Tattha katame tayo kusalahetū? Alobho kusalahetu, adoso kusalahetu, amoho kusalahetu – ime tayo kusalahetū.

ತತ್ಥ ಕತಮೇ ತಯೋ ಅಕುಸಲಹೇತೂ? ಲೋಭೋ ಅಕುಸಲಹೇತು, ದೋಸೋ ಅಕುಸಲಹೇತು, ಮೋಹೋ ಅಕುಸಲಹೇತು – ಇಮೇ ತಯೋ ಅಕುಸಲಹೇತೂ।

Tattha katame tayo akusalahetū? Lobho akusalahetu, doso akusalahetu, moho akusalahetu – ime tayo akusalahetū.

ತತ್ಥ ಕತಮೇ ತಯೋ ಅಬ್ಯಾಕತಹೇತೂ? ಕುಸಲಾನಂ ವಾ ಧಮ್ಮಾನಂ ವಿಪಾಕತೋ ಕಿರಿಯಾಬ್ಯಾಕತೇಸು ವಾ ಧಮ್ಮೇಸು ಅಲೋಭೋ, ಅದೋಸೋ, ಅಮೋಹೋ – ಇಮೇ ತಯೋ ಅಬ್ಯಾಕತಹೇತೂ। ಇಮೇ ವುಚ್ಚನ್ತಿ ‘‘ನವ ಹೇತೂ’’।

Tattha katame tayo abyākatahetū? Kusalānaṃ vā dhammānaṃ vipākato kiriyābyākatesu vā dhammesu alobho, adoso, amoho – ime tayo abyākatahetū. Ime vuccanti ‘‘nava hetū’’.

೯೮೫. ತತ್ಥ ಕತಮೇ ಚತ್ತಾರೋ ಆಹಾರಾ? ಕಬಳೀಕಾರಾಹಾರೋ ¹, ಫಸ್ಸಾಹಾರೋ, ಮನೋಸಞ್ಚೇತನಾಹಾರೋ , ವಿಞ್ಞಾಣಾಹಾರೋ – ಇಮೇ ವುಚ್ಚನ್ತಿ ‘‘ಚತ್ತಾರೋ ಆಹಾರಾ’’।

985. Tattha katame cattāro āhārā? Kabaḷīkārāhāro ², phassāhāro, manosañcetanāhāro , viññāṇāhāro – ime vuccanti ‘‘cattāro āhārā’’.

೯೮೬. ತತ್ಥ ಕತಮೇ ಸತ್ತ ಫಸ್ಸಾ? ಚಕ್ಖುಸಮ್ಫಸ್ಸೋ, ಸೋತಸಮ್ಫಸ್ಸೋ, ಘಾನಸಮ್ಫಸ್ಸೋ, ಜಿವ್ಹಾಸಮ್ಫಸ್ಸೋ, ಕಾಯಸಮ್ಫಸ್ಸೋ, ಮನೋಧಾತುಸಮ್ಫಸ್ಸೋ, ಮನೋವಿಞ್ಞಾಣಧಾತುಸಮ್ಫಸ್ಸೋ – ಇಮೇ ವುಚ್ಚನ್ತಿ ‘‘ಸತ್ತ ಫಸ್ಸಾ’’।

986. Tattha katame satta phassā? Cakkhusamphasso, sotasamphasso, ghānasamphasso, jivhāsamphasso, kāyasamphasso, manodhātusamphasso, manoviññāṇadhātusamphasso – ime vuccanti ‘‘satta phassā’’.

೯೮೭. ತತ್ಥ ಕತಮಾ ಸತ್ತ ವೇದನಾ? ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಧಾತುಸಮ್ಫಸ್ಸಜಾ ವೇದನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ವೇದನಾ – ಇಮಾ ವುಚ್ಚನ್ತಿ ‘‘ಸತ್ತ ವೇದನಾ’’।

987. Tattha katamā satta vedanā? Cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā – imā vuccanti ‘‘satta vedanā’’.

೯೮೮. ತತ್ಥ ಕತಮಾ ಸತ್ತ ಸಞ್ಞಾ? ಚಕ್ಖುಸಮ್ಫಸ್ಸಜಾ ಸಞ್ಞಾ, ಸೋತಸಮ್ಫಸ್ಸಜಾ ಸಞ್ಞಾ, ಘಾನಸಮ್ಫಸ್ಸಜಾ ಸಞ್ಞಾ, ಜಿವ್ಹಾಸಮ್ಫಸ್ಸಜಾ ಸಞ್ಞಾ, ಕಾಯಸಮ್ಫಸ್ಸಜಾ ಸಞ್ಞಾ, ಮನೋಧಾತುಸಮ್ಫಸ್ಸಜಾ ಸಞ್ಞಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಸಞ್ಞಾ – ಇಮಾ ವುಚ್ಚನ್ತಿ ‘‘ಸತ್ತ ಸಞ್ಞಾ’’।

988. Tattha katamā satta saññā? Cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā – imā vuccanti ‘‘satta saññā’’.

೯೮೯. ತತ್ಥ ಕತಮಾ ಸತ್ತ ಚೇತನಾ? ಚಕ್ಖುಸಮ್ಫಸ್ಸಜಾ ಚೇತನಾ, ಸೋತಸಮ್ಫಸ್ಸಜಾ ಚೇತನಾ, ಘಾನಸಮ್ಫಸ್ಸಜಾ ಚೇತನಾ, ಜಿವ್ಹಾಸಮ್ಫಸ್ಸಜಾ ಚೇತನಾ, ಕಾಯಸಮ್ಫಸ್ಸಜಾ ಚೇತನಾ, ಮನೋಧಾತುಸಮ್ಫಸ್ಸಜಾ ಚೇತನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಚೇತನಾ – ಇಮಾ ವುಚ್ಚನ್ತಿ ‘‘ಸತ್ತ ಚೇತನಾ’’।

989. Tattha katamā satta cetanā? Cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā – imā vuccanti ‘‘satta cetanā’’.

೯೯೦. ತತ್ಥ ಕತಮಾನಿ ಸತ್ತ ಚಿತ್ತಾನಿ? ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ , ಕಾಯವಿಞ್ಞಾಣಂ, ಮನೋಧಾತು, ಮನೋವಿಞ್ಞಾಣಧಾತು – ಇಮಾನಿ ವುಚ್ಚನ್ತಿ ‘‘ಸತ್ತ ಚಿತ್ತಾನಿ’’।

990. Tattha katamāni satta cittāni? Cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ , kāyaviññāṇaṃ, manodhātu, manoviññāṇadhātu – imāni vuccanti ‘‘satta cittāni’’.

೨. ಉಪ್ಪತ್ತಾನುಪ್ಪತ್ತಿವಾರೋ

2. Uppattānuppattivāro

೧. ಕಾಮಧಾತು

1. Kāmadhātu

೯೯೧. ಕಾಮಧಾತುಯಾ ಕತಿ ಖನ್ಧಾ, ಕತಿ ಆಯತನಾನಿ, ಕತಿ ಧಾತುಯೋ, ಕತಿ ಸಚ್ಚಾನಿ, ಕತಿ ಇನ್ದ್ರಿಯಾನಿ, ಕತಿ ಹೇತೂ, ಕತಿ ಆಹಾರಾ, ಕತಿ ಫಸ್ಸಾ, ಕತಿ ವೇದನಾ, ಕತಿ ಸಞ್ಞಾ, ಕತಿ ಚೇತನಾ, ಕತಿ ಚಿತ್ತಾನಿ?

991. Kāmadhātuyā kati khandhā, kati āyatanāni, kati dhātuyo, kati saccāni, kati indriyāni, kati hetū, kati āhārā, kati phassā, kati vedanā, kati saññā, kati cetanā, kati cittāni?

ಕಾಮಧಾತುಯಾ ಪಞ್ಚಕ್ಖನ್ಧಾ, ದ್ವಾದಸಾಯತನಾನಿ, ಅಟ್ಠಾರಸ ಧಾತುಯೋ, ತೀಣಿ ಸಚ್ಚಾನಿ, ಬಾವೀಸತಿನ್ದ್ರಿಯಾನಿ, ನವ ಹೇತೂ, ಚತ್ತಾರೋ ಆಹಾರಾ, ಸತ್ತ ಫಸ್ಸಾ, ಸತ್ತ ವೇದನಾ, ಸತ್ತ ಸಞ್ಞಾ, ಸತ್ತ ಚೇತನಾ, ಸತ್ತ ಚಿತ್ತಾನಿ।

Kāmadhātuyā pañcakkhandhā, dvādasāyatanāni, aṭṭhārasa dhātuyo, tīṇi saccāni, bāvīsatindriyāni, nava hetū, cattāro āhārā, satta phassā, satta vedanā, satta saññā, satta cetanā, satta cittāni.

೯೯೨. ತತ್ಥ ಕತಮೇ ಕಾಮಧಾತುಯಾ ಪಞ್ಚಕ್ಖನ್ಧಾ? ರೂಪಕ್ಖನ್ಧೋ, ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ – ಇಮೇ ವುಚ್ಚನ್ತಿ ‘‘ಕಾಮಧಾತುಯಾ ಪಞ್ಚಕ್ಖನ್ಧಾ’’।

992. Tattha katame kāmadhātuyā pañcakkhandhā? Rūpakkhandho, vedanākkhandho, saññākkhandho, saṅkhārakkhandho, viññāṇakkhandho – ime vuccanti ‘‘kāmadhātuyā pañcakkhandhā’’.

ತತ್ಥ ಕತಮಾನಿ ಕಾಮಧಾತುಯಾ ದ್ವಾದಸಾಯತನಾನಿ? ಚಕ್ಖಾಯತನಂ, ರೂಪಾಯತನಂ , ಸೋತಾಯತನಂ, ಸದ್ದಾಯತನಂ, ಘಾನಾಯತನಂ, ಗನ್ಧಾಯತನಂ, ಜಿವ್ಹಾಯತನಂ, ರಸಾಯತನಂ, ಕಾಯಾಯತನಂ, ಫೋಟ್ಠಬ್ಬಾಯತನಂ, ಮನಾಯತನಂ, ಧಮ್ಮಾಯತನಂ – ಇಮಾನಿ ವುಚ್ಚನ್ತಿ ‘‘ಕಾಮಧಾತುಯಾ ದ್ವಾದಸಾಯತನಾನಿ’’।

Tattha katamāni kāmadhātuyā dvādasāyatanāni? Cakkhāyatanaṃ, rūpāyatanaṃ , sotāyatanaṃ, saddāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ – imāni vuccanti ‘‘kāmadhātuyā dvādasāyatanāni’’.

ತತ್ಥ ಕತಮಾ ಕಾಮಧಾತುಯಾ ಅಟ್ಠಾರಸ ಧಾತುಯೋ? ಚಕ್ಖುಧಾತು, ರೂಪಧಾತು, ಚಕ್ಖುವಿಞ್ಞಾಣಧಾತು, ಸೋತಧಾತು, ಸದ್ದಧಾತು, ಸೋತವಿಞ್ಞಾಣಧಾತು, ಘಾನಧಾತು, ಗನ್ಧಧಾತು, ಘಾನವಿಞ್ಞಾಣಧಾತು, ಜಿವ್ಹಾಧಾತು, ರಸಧಾತು, ಜಿವ್ಹಾವಿಞ್ಞಾಣಧಾತು, ಕಾಯಧಾತು, ಫೋಟ್ಠಬ್ಬಧಾತು, ಕಾಯವಿಞ್ಞಾಣಧಾತು, ಮನೋಧಾತು, ಧಮ್ಮಧಾತು , ಮನೋವಿಞ್ಞಾಣಧಾತು – ಇಮಾ ವುಚ್ಚನ್ತಿ ‘‘ಕಾಮಧಾತುಯಾ ಅಟ್ಠಾರಸ ಧಾತುಯೋ’’।

Tattha katamā kāmadhātuyā aṭṭhārasa dhātuyo? Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu, gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu , manoviññāṇadhātu – imā vuccanti ‘‘kāmadhātuyā aṭṭhārasa dhātuyo’’.

ತತ್ಥ ಕತಮಾನಿ ಕಾಮಧಾತುಯಾ ತೀಣಿ ಸಚ್ಚಾನಿ? ದುಕ್ಖಸಚ್ಚಂ, ಸಮುದಯಸಚ್ಚಂ, ಮಗ್ಗಸಚ್ಚಂ – ಇಮಾನಿ ವುಚ್ಚನ್ತಿ ‘‘ಕಾಮಧಾತುಯಾ ತೀಣಿ ಸಚ್ಚಾನಿ’’।

Tattha katamāni kāmadhātuyā tīṇi saccāni? Dukkhasaccaṃ, samudayasaccaṃ, maggasaccaṃ – imāni vuccanti ‘‘kāmadhātuyā tīṇi saccāni’’.

ತತ್ಥ ಕತಮಾನಿ ಕಾಮಧಾತುಯಾ ಬಾವೀಸತಿನ್ದ್ರಿಯಾನಿ? ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ…ಪೇ॰… ಅಞ್ಞಾತಾವಿನ್ದ್ರಿಯಂ – ಇಮಾನಿ ವುಚ್ಚನ್ತಿ ‘‘ಕಾಮಧಾತುಯಾ ಬಾವೀಸತಿನ್ದ್ರಿಯಾನಿ’’।

Tattha katamāni kāmadhātuyā bāvīsatindriyāni? Cakkhundriyaṃ, sotindriyaṃ…pe… aññātāvindriyaṃ – imāni vuccanti ‘‘kāmadhātuyā bāvīsatindriyāni’’.

ತತ್ಥ ಕತಮೇ ಕಾಮಧಾತುಯಾ ನವ ಹೇತೂ? ತಯೋ ಕುಸಲಹೇತೂ, ತಯೋ ಅಕುಸಲಹೇತೂ, ತಯೋ ಅಬ್ಯಾಕತಹೇತೂ…ಪೇ॰… ಇಮೇ ವುಚ್ಚನ್ತಿ ‘‘ಕಾಮಧಾತುಯಾ ನವ ಹೇತೂ’’।

Tattha katame kāmadhātuyā nava hetū? Tayo kusalahetū, tayo akusalahetū, tayo abyākatahetū…pe… ime vuccanti ‘‘kāmadhātuyā nava hetū’’.

ತತ್ಥ ಕತಮೇ ಕಾಮಧಾತುಯಾ ಚತ್ತಾರೋ ಆಹಾರಾ? ಕಬಳೀಕಾರಾಹಾರೋ, ಫಸ್ಸಾಹಾರೋ, ಮನೋಸಞ್ಚೇತನಾಹಾರೋ, ವಿಞ್ಞಾಣಾಹಾರೋ – ಇಮೇ ವುಚ್ಚನ್ತಿ ‘‘ಕಾಮಧಾತುಯಾ ಚತ್ತಾರೋ ಆಹಾರಾ’’।

Tattha katame kāmadhātuyā cattāro āhārā? Kabaḷīkārāhāro, phassāhāro, manosañcetanāhāro, viññāṇāhāro – ime vuccanti ‘‘kāmadhātuyā cattāro āhārā’’.

ತತ್ಥ ಕತಮೇ ಕಾಮಧಾತುಯಾ ಸತ್ತ ಫಸ್ಸಾ? ಚಕ್ಖುಸಮ್ಫಸ್ಸೋ ಸೋತಸಮ್ಫಸ್ಸೋ, ಘಾನಸಮ್ಫಸ್ಸೋ, ಜಿವ್ಹಾಸಮ್ಫಸ್ಸೋ, ಕಾಯಸಮ್ಫಸ್ಸೋ, ಮನೋಧಾತುಸಮ್ಫಸ್ಸೋ, ಮನೋವಿಞ್ಞಾಣಧಾತುಸಮ್ಫಸ್ಸೋ – ಇಮೇ ವುಚ್ಚನ್ತಿ ‘‘ಕಾಮಧಾತುಯಾ ಸತ್ತ ಫಸ್ಸಾ’’।

Tattha katame kāmadhātuyā satta phassā? Cakkhusamphasso sotasamphasso, ghānasamphasso, jivhāsamphasso, kāyasamphasso, manodhātusamphasso, manoviññāṇadhātusamphasso – ime vuccanti ‘‘kāmadhātuyā satta phassā’’.

ತತ್ಥ ಕತಮಾ ಕಾಮಧಾತುಯಾ ಸತ್ತ ವೇದನಾ? ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಧಾತುಸಮ್ಫಸ್ಸಜಾ ವೇದನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ವೇದನಾ – ಇಮಾ ವುಚ್ಚತ್ತಿ ‘‘ಕಾಮಧಾತುಯಾ ಸತ್ತ ವೇದನಾ’’।

Tattha katamā kāmadhātuyā satta vedanā? Cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā – imā vuccatti ‘‘kāmadhātuyā satta vedanā’’.

ತತ್ಥ ಕತಮಾ ಕಾಮಧಾತುಯಾ ಸತ್ತ ಸಞ್ಞಾ? ಚಕ್ಖುಸಮ್ಫಸ್ಸಜಾ ಸಞ್ಞಾ, ಸೋತಸಮ್ಫಸ್ಸಜಾ ಸಞ್ಞಾ, ಘಾನಸಮ್ಫಸ್ಸಜಾ ಸಞ್ಞಾ, ಜಿವ್ಹಾಸಮ್ಫಸ್ಸಜಾ ಸಞ್ಞಾ, ಕಾಯಸಮ್ಫಸ್ಸಜಾ ಸಞ್ಞಾ, ಮನೋಧಾತುಸಮ್ಫಸ್ಸಜಾ ಸಞ್ಞಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಸಞ್ಞಾ – ಇಮಾ ವುಚ್ಚನ್ತಿ ‘‘ಕಾಮಧಾತುಯಾ ಸತ್ತ ಸಞ್ಞಾ’’।

Tattha katamā kāmadhātuyā satta saññā? Cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā – imā vuccanti ‘‘kāmadhātuyā satta saññā’’.

ತತ್ಥ ಕತಮಾ ಕಾಮಧಾತುಯಾ ಸತ್ತ ಚೇತನಾ? ಚಕ್ಖುಸಮ್ಫಸ್ಸಜಾ ಚೇತನಾ, ಸೋತಸಮ್ಫಸ್ಸಜಾ ಚೇತನಾ, ಘಾನಸಮ್ಫಸ್ಸಜಾ ಚೇತನಾ, ಜಿವ್ಹಾಸಮ್ಫಸ್ಸಜಾ ಚೇತನಾ, ಕಾಯಸಮ್ಫಸ್ಸಜಾ ಚೇತನಾ, ಮನೋಧಾತುಸಮ್ಫಸ್ಸಜಾ ಚೇತನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಚೇತನಾ – ಇಮಾ ವುಚ್ಚನ್ತಿ ‘‘ಕಾಮಧಾತುಯಾ ಸತ್ತ ಚೇತನಾ’’।

Tattha katamā kāmadhātuyā satta cetanā? Cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā – imā vuccanti ‘‘kāmadhātuyā satta cetanā’’.

ತತ್ಥ ಕತಮಾನಿ ಕಾಮಧಾತುಯಾ ಸತ್ತ ಚಿತ್ತಾನಿ? ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ, ಮನೋಧಾತು, ಮನೋವಿಞ್ಞಾಣಧಾತು – ಇಮಾನಿ ವುಚ್ಚನ್ತಿ ‘‘ಕಾಮಧಾತುಯಾ ಸತ್ತ ಚಿತ್ತಾನಿ’’।

Tattha katamāni kāmadhātuyā satta cittāni? Cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu – imāni vuccanti ‘‘kāmadhātuyā satta cittāni’’.

೨. ರೂಪಧಾತು

2. Rūpadhātu

೯೯೩. ರೂಪಧಾತುಯಾ ಕತಿ ಖನ್ಧಾ, ಕತಿ ಆಯತನಾ, ಕತಿ ಧಾತುಯೋ, ಕತಿ ಸಚ್ಚಾನಿ, ಕತಿ ಇನ್ದ್ರಿಯಾನಿ…ಪೇ॰… ಕತಿ ಚಿತ್ತಾನಿ?

993. Rūpadhātuyā kati khandhā, kati āyatanā, kati dhātuyo, kati saccāni, kati indriyāni…pe… kati cittāni?

ರೂಪಧಾತುಯಾ ಪಞ್ಚಕ್ಖನ್ಧಾ, ಛ ಆಯತನಾನಿ, ನವ ಧಾತುಯೋ, ತೀಣಿ ಸಚ್ಚಾನಿ , ಚುದ್ದಸಿನ್ದ್ರಿಯಾನಿ, ಅಟ್ಠ ಹೇತೂ, ತಯೋ ಆಹಾರಾ, ಚತ್ತಾರೋ ಫಸ್ಸಾ, ಚತಸ್ಸೋ ವೇದನಾ, ಚತಸ್ಸೋ ಸಞ್ಞಾ, ಚತಸ್ಸೋ ಚೇತನಾ, ಚತ್ತಾರಿ ಚಿತ್ತಾನಿ।

Rūpadhātuyā pañcakkhandhā, cha āyatanāni, nava dhātuyo, tīṇi saccāni , cuddasindriyāni, aṭṭha hetū, tayo āhārā, cattāro phassā, catasso vedanā, catasso saññā, catasso cetanā, cattāri cittāni.

೯೯೪. ತತ್ಥ ಕತಮೇ ರೂಪಧಾತುಯಾ ಪಞ್ಚಕ್ಖನ್ಧಾ? ರೂಪಕ್ಖನ್ಧೋ, ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ – ಇಮೇ ವುಚ್ಚನ್ತಿ ‘‘ರೂಪಧಾತುಯಾ ಪಞ್ಚಕ್ಖನ್ಧಾ’’।

994. Tattha katame rūpadhātuyā pañcakkhandhā? Rūpakkhandho, vedanākkhandho, saññākkhandho, saṅkhārakkhandho, viññāṇakkhandho – ime vuccanti ‘‘rūpadhātuyā pañcakkhandhā’’.

ತತ್ಥ ಕತಮಾನಿ ರೂಪಧಾತುಯಾ ಛ ಆಯತನಾನಿ? ಚಕ್ಖಾಯತನಂ, ರೂಪಾಯತನಂ, ಸೋತಾಯತನಂ, ಸದ್ದಾಯತನಂ, ಮನಾಯತನಂ, ಧಮ್ಮಾಯತನಂ – ಇಮಾನಿ ವುಚ್ಚನ್ತಿ ‘‘ರೂಪಧಾತುಯಾ ಛ ಆಯತನಾನಿ’’।

Tattha katamāni rūpadhātuyā cha āyatanāni? Cakkhāyatanaṃ, rūpāyatanaṃ, sotāyatanaṃ, saddāyatanaṃ, manāyatanaṃ, dhammāyatanaṃ – imāni vuccanti ‘‘rūpadhātuyā cha āyatanāni’’.

ತತ್ಥ ಕತಮಾ ರೂಪಧಾತುಯಾ ನವ ಧಾತುಯೋ? ಚಕ್ಖುಧಾತು, ರೂಪಧಾತು, ಚಕ್ಖುವಿಞ್ಞಾಣಧಾತು, ಸೋತಧಾತು, ಸದ್ದಧಾತು, ಸೋತವಿಞ್ಞಾಣಧಾತು, ಮನೋಧಾತು, ಧಮ್ಮಧಾತು, ಮನೋವಿಞ್ಞಾಣಧಾತು – ಇಮಾ ವುಚ್ಚನ್ತಿ ‘‘ರೂಪಧಾತುಯಾ ನವ ಧಾತುಯೋ’’।

Tattha katamā rūpadhātuyā nava dhātuyo? Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, manodhātu, dhammadhātu, manoviññāṇadhātu – imā vuccanti ‘‘rūpadhātuyā nava dhātuyo’’.

ತತ್ಥ ಕತಮಾನಿ ರೂಪಧಾತುಯಾ ತೀಣಿ ಸಚ್ಚಾನಿ? ದುಕ್ಖಸಚ್ಚಂ, ಸಮುದಯಸಚ್ಚಂ, ಮಗ್ಗಸಚ್ಚಂ – ಇಮಾನಿ ವುಚ್ಚನ್ತಿ ‘‘ರೂಪಧಾತುಯಾ ತೀಣಿ ಸಚ್ಚಾನಿ’’।

Tattha katamāni rūpadhātuyā tīṇi saccāni? Dukkhasaccaṃ, samudayasaccaṃ, maggasaccaṃ – imāni vuccanti ‘‘rūpadhātuyā tīṇi saccāni’’.

ತತ್ಥ ಕತಮಾನಿ ರೂಪಧಾತುಯಾ ಚುದ್ದಸಿನ್ದ್ರಿಯಾನಿ? ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಮನಿನ್ದ್ರಿಯಂ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ , ಉಪೇಕ್ಖಿನ್ದ್ರಿಯಂ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ, ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ, ಅಞ್ಞಿನ್ದ್ರಿಯಂ, ಅಞ್ಞಾತಾವಿನ್ದ್ರಿಯಂ – ಇಮಾನಿ ವುಚ್ಚನ್ತಿ ‘‘ರೂಪಧಾತುಯಾ ಚುದ್ದಸಿನ್ದ್ರಿಯಾನಿ’’।

Tattha katamāni rūpadhātuyā cuddasindriyāni? Cakkhundriyaṃ, sotindriyaṃ, manindriyaṃ, jīvitindriyaṃ, somanassindriyaṃ , upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, anaññātaññassāmītindriyaṃ, aññindriyaṃ, aññātāvindriyaṃ – imāni vuccanti ‘‘rūpadhātuyā cuddasindriyāni’’.

ತತ್ಥ ಕತಮೇ ರೂಪಧಾತುಯಾ ಅಟ್ಠ ಹೇತೂ? ತಯೋ ಕುಸಲಹೇತೂ, ದ್ವೇ ಅಕುಸಲಹೇತೂ, ತಯೋ ಅಬ್ಯಾಕತಹೇತೂ।

Tattha katame rūpadhātuyā aṭṭha hetū? Tayo kusalahetū, dve akusalahetū, tayo abyākatahetū.

Tattha katame tayo kusalahetū? Alobho kusalahetu, adoso kusalahetu, amoho kusalahetu – ime tayo kusalahetū.

ತತ್ಥ ಕತಮೇ ದ್ವೇ ಅಕುಸಲಹೇತೂ? ಲೋಭೋ ಅಕುಸಲಹೇತು, ಮೋಹೋ ಅಕುಸಲಹೇತು – ಇಮೇ ದ್ವೇ ಅಕುಸಲಹೇತೂ।

Tattha katame dve akusalahetū? Lobho akusalahetu, moho akusalahetu – ime dve akusalahetū.

ತತ್ಥ ಕತಮೇ ತಯೋ ಅಬ್ಯಾಕತಹೇತೂ? ಕುಸಲಾನಂ ವಾ ಧಮ್ಮಾನಂ ವಿಪಾಕತೋ ಕಿರಿಯಾಬ್ಯಾಕತೇಸು ವಾ ಧಮ್ಮೇಸು ಅಲೋಭೋ, ಅದೋಸೋ, ಅಮೋಹೋ – ಇಮೇ ತಯೋ ಅಬ್ಯಾಕತಹೇತೂ। ಇಮೇ ವುಚ್ಚನ್ತಿ ರೂಪಧಾತುಯಾ ಅಟ್ಠ ಹೇತೂ।

Tattha katame tayo abyākatahetū? Kusalānaṃ vā dhammānaṃ vipākato kiriyābyākatesu vā dhammesu alobho, adoso, amoho – ime tayo abyākatahetū. Ime vuccanti rūpadhātuyā aṭṭha hetū.

ತತ್ಥ ಕತಮೇ ರೂಪಧಾತುಯಾ ತಯೋ ಆಹಾರಾ? ಫಸ್ಸಾಹಾರೋ, ಮನೋಸಞ್ಚೇತನಾಹಾರೋ, ವಿಞ್ಞಾಣಾಹಾರೋ – ಇಮೇ ವುಚ್ಚನ್ತಿ ‘‘ರೂಪಧಾತುಯಾ ತಯೋ ಆಹಾರಾ’’।

Tattha katame rūpadhātuyā tayo āhārā? Phassāhāro, manosañcetanāhāro, viññāṇāhāro – ime vuccanti ‘‘rūpadhātuyā tayo āhārā’’.

ತತ್ಥ ಕತಮೇ ರೂಪಧಾತುಯಾ ಚತ್ತಾರೋ ಫಸ್ಸಾ? ಚಕ್ಖುಸಮ್ಫಸ್ಸೋ, ಸೋತಸಮ್ಫಸ್ಸೋ, ಮನೋಧಾತುಸಮ್ಫಸ್ಸೋ, ಮನೋವಿಞ್ಞಾಣಧಾತುಸಮ್ಫಸ್ಸೋ – ಇಮೇ ವುಚ್ಚನ್ತಿ ‘‘ರೂಪಧಾತುಯಾ ಚತ್ತಾರೋ ಫಸ್ಸಾ’’।

Tattha katame rūpadhātuyā cattāro phassā? Cakkhusamphasso, sotasamphasso, manodhātusamphasso, manoviññāṇadhātusamphasso – ime vuccanti ‘‘rūpadhātuyā cattāro phassā’’.

ತತ್ಥ ಕತಮಾ ರೂಪಧಾತುಯಾ ಚತಸ್ಸೋ ವೇದನಾ…ಪೇ॰… ಚತಸ್ಸೋ ಸಞ್ಞಾ…ಪೇ॰… ಚತಸ್ಸೋ ಚೇತನಾ…ಪೇ॰… ಚತ್ತಾರಿ ಚಿತ್ತಾನಿ? ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಮನೋಧಾತು, ಮನೋವಿಞ್ಞಾಣಧಾತು – ಇಮಾನಿ ವುಚ್ಚನ್ತಿ ‘‘ರೂಪಧಾತುಯಾ ಚತ್ತಾರಿ ಚಿತ್ತಾನಿ’’।

Tattha katamā rūpadhātuyā catasso vedanā…pe… catasso saññā…pe… catasso cetanā…pe… cattāri cittāni? Cakkhuviññāṇaṃ, sotaviññāṇaṃ, manodhātu, manoviññāṇadhātu – imāni vuccanti ‘‘rūpadhātuyā cattāri cittāni’’.

೩. ಅರೂಪಧಾತು

3. Arūpadhātu

೯೯೫. ಅರೂಪಧಾತುಯಾ ಕತಿ ಖನ್ಧಾ…ಪೇ॰… ಕತಿ ಚಿತ್ತಾನಿ?

995. Arūpadhātuyā kati khandhā…pe… kati cittāni?

ಅರೂಪಧಾತುಯಾ ಚತ್ತಾರೋ ಖನ್ಧಾ, ದ್ವೇ ಆಯತನಾನಿ, ದ್ವೇ ಧಾತುಯೋ, ತೀಣಿ ಸಚ್ಚಾನಿ, ಏಕಾದಸಿನ್ದ್ರಿಯಾನಿ , ಅಟ್ಠ ಹೇತೂ, ತಯೋ ಆಹಾರಾ, ಏಕೋ ಫಸ್ಸೋ, ಏಕಾ ವೇದನಾ, ಏಕಾ ಸಞ್ಞಾ, ಏಕಾ ಚೇತನಾ, ಏಕಂ ಚಿತ್ತಂ।

Arūpadhātuyā cattāro khandhā, dve āyatanāni, dve dhātuyo, tīṇi saccāni, ekādasindriyāni , aṭṭha hetū, tayo āhārā, eko phasso, ekā vedanā, ekā saññā, ekā cetanā, ekaṃ cittaṃ.

೯೯೬. ತತ್ಥ ಕತಮೇ ಅರೂಪಧಾತುಯಾ ಚತ್ತಾರೋ ಖನ್ಧಾ? ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ – ಇಮೇ ವುಚ್ಚನ್ತಿ ‘‘ಅರೂಪಧಾತುಯಾ ಚತ್ತಾರೋ ಖನ್ಧಾ’’।

996. Tattha katame arūpadhātuyā cattāro khandhā? Vedanākkhandho, saññākkhandho, saṅkhārakkhandho, viññāṇakkhandho – ime vuccanti ‘‘arūpadhātuyā cattāro khandhā’’.

ತತ್ಥ ಕತಮಾನಿ ಅರೂಪಧಾತುಯಾ ದ್ವೇ ಆಯತನಾನಿ? ಮನಾಯತನಂ, ಧಮ್ಮಾಯತನಂ – ಇಮಾನಿ ವುಚ್ಚನ್ತಿ ‘‘ಅರೂಪಧಾತುಯಾ ದ್ವೇ ಆಯತನಾನಿ’’।

Tattha katamāni arūpadhātuyā dve āyatanāni? Manāyatanaṃ, dhammāyatanaṃ – imāni vuccanti ‘‘arūpadhātuyā dve āyatanāni’’.

ತತ್ಥ ಕತಮಾ ಅರೂಪಧಾತುಯಾ ದ್ವೇ ಧಾತುಯೋ? ಮನೋವಿಞ್ಞಾಣಧಾತು , ಧಮ್ಮಧಾತು – ಇಮಾ ವುಚ್ಚನ್ತಿ ‘‘ಅರೂಪಧಾತುಯಾ ದ್ವೇ ಧಾತುಯೋ’’।

Tattha katamā arūpadhātuyā dve dhātuyo? Manoviññāṇadhātu , dhammadhātu – imā vuccanti ‘‘arūpadhātuyā dve dhātuyo’’.

ತತ್ಥ ಕತಮಾನಿ ಅರೂಪಧಾತುಯಾ ತೀಣಿ ಸಚ್ಚಾನಿ? ದುಕ್ಖಸಚ್ಚಂ, ಸಮುದಯಸಚ್ಚಂ, ಮಗ್ಗಸಚ್ಚಂ – ಇಮಾನಿ ವುಚ್ಚನ್ತಿ ‘‘ಅರೂಪಧಾತುಯಾ ತೀಣಿ ಸಚ್ಚಾನಿ’’।

Tattha katamāni arūpadhātuyā tīṇi saccāni? Dukkhasaccaṃ, samudayasaccaṃ, maggasaccaṃ – imāni vuccanti ‘‘arūpadhātuyā tīṇi saccāni’’.

ತತ್ಥ ಕತಮಾನಿ ಅರೂಪಧಾತುಯಾ ಏಕಾದಸಿನ್ದ್ರಿಯಾನಿ? ಮನಿನ್ದ್ರಿಯಂ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ, ಅಞ್ಞಿನ್ದ್ರಿಯಂ, ಅಞ್ಞಾತಾವಿನ್ದ್ರಿಯಂ – ಇಮಾನಿ ವುಚ್ಚನ್ತಿ ‘‘ಅರೂಪಧಾತುಯಾ ಏಕಾದಸಿನ್ದ್ರಿಯಾನಿ’’।

Tattha katamāni arūpadhātuyā ekādasindriyāni? Manindriyaṃ, jīvitindriyaṃ, somanassindriyaṃ, upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, aññindriyaṃ, aññātāvindriyaṃ – imāni vuccanti ‘‘arūpadhātuyā ekādasindriyāni’’.

ತತ್ಥ ಕತಮೇ ಅರೂಪಧಾತುಯಾ ಅಟ್ಠ ಹೇತೂ? ತಯೋ ಕುಸಲಹೇತೂ, ದ್ವೇ ಅಕುಸಲಹೇತೂ, ತಯೋ ಅಬ್ಯಾಕತಹೇತೂ…ಪೇ॰… ಇಮೇ ವುಚ್ಚನ್ತಿ ‘‘ಅರೂಪಧಾತುಯಾ ಅಟ್ಠ ಹೇತೂ’’।

Tattha katame arūpadhātuyā aṭṭha hetū? Tayo kusalahetū, dve akusalahetū, tayo abyākatahetū…pe… ime vuccanti ‘‘arūpadhātuyā aṭṭha hetū’’.

ತತ್ಥ ಕತಮೇ ಅರೂಪಧಾತುಯಾ ತಯೋ ಆಹಾರಾ? ಫಸ್ಸಾಹಾರೋ, ಮನೋಸಞ್ಚೇತನಾಹಾರೋ, ವಿಞ್ಞಾಣಾಹಾರೋ – ಇಮೇ ವುಚ್ಚನ್ತಿ ‘‘ಅರೂಪಧಾತುಯಾ ತಯೋ ಆಹಾರಾ’’।

Tattha katame arūpadhātuyā tayo āhārā? Phassāhāro, manosañcetanāhāro, viññāṇāhāro – ime vuccanti ‘‘arūpadhātuyā tayo āhārā’’.

ತತ್ಥ ಕತಮೋ ಅರೂಪಧಾತುಯಾ ಏಕೋ ಫಸ್ಸೋ? ಮನೋವಿಞ್ಞಾಣಧಾತುಸಮ್ಫಸ್ಸೋ – ಅಯಂ ವುಚ್ಚತಿ ‘‘ಅರೂಪಧಾತುಯಾ ಏಕೋ ಫಸ್ಸೋ’’।

Tattha katamo arūpadhātuyā eko phasso? Manoviññāṇadhātusamphasso – ayaṃ vuccati ‘‘arūpadhātuyā eko phasso’’.

ತತ್ಥ ಕತಮಾ ಅರೂಪಧಾತುಯಾ ಏಕಾ ವೇದನಾ…ಪೇ॰… ಏಕಾ ಸಞ್ಞಾ…ಪೇ॰… ಏಕಾ ಚೇತನಾ…ಪೇ॰… ಏಕಂ ಚಿತ್ತಂ? ಮನೋವಿಞ್ಞಾಣಧಾತು – ಇದಂ ವುಚ್ಚತಿ ‘‘ಅರೂಪಧಾತುಯಾ ಏಕಂ ಚಿತ್ತಂ’’।

Tattha katamā arūpadhātuyā ekā vedanā…pe… ekā saññā…pe… ekā cetanā…pe… ekaṃ cittaṃ? Manoviññāṇadhātu – idaṃ vuccati ‘‘arūpadhātuyā ekaṃ cittaṃ’’.

೪. ಅಪರಿಯಾಪನ್ನಂ

4. Apariyāpannaṃ

೯೯೭. ಅಪರಿಯಾಪನ್ನೇ ಕತಿ ಖನ್ಧಾ…ಪೇ॰… ಕತಿ ಚಿತ್ತಾನಿ?

997. Apariyāpanne kati khandhā…pe… kati cittāni?

ಅಪರಿಯಾಪನ್ನೇ ಚತ್ತಾರೋ ಖನ್ಧಾ, ದ್ವೇ ಆಯತನಾನಿ, ದ್ವೇ ಧಾತುಯೋ, ದ್ವೇ ಸಚ್ಚಾನಿ, ದ್ವಾದಸಿನ್ದ್ರಿಯಾನಿ, ಛ ಹೇತೂ, ತಯೋ ಆಹಾರಾ, ಏಕೋ ಫಸ್ಸೋ, ಏಕಾ ವೇದನಾ, ಏಕಾ ಸಞ್ಞಾ, ಏಕಾ ಚೇತನಾ, ಏಕಂ ಚಿತ್ತಂ।

Apariyāpanne cattāro khandhā, dve āyatanāni, dve dhātuyo, dve saccāni, dvādasindriyāni, cha hetū, tayo āhārā, eko phasso, ekā vedanā, ekā saññā, ekā cetanā, ekaṃ cittaṃ.

೯೯೮. ತತ್ಥ ಕತಮೇ ಅಪರಿಯಾಪನ್ನೇ ಚತ್ತಾರೋ ಖನ್ಧಾ? ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ , ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ – ಇಮೇ ವುಚ್ಚನ್ತಿ ‘‘ಅಪರಿಯಾಪನ್ನೇ ಚತ್ತಾರೋ ಖನ್ಧಾ’’।

998. Tattha katame apariyāpanne cattāro khandhā? Vedanākkhandho, saññākkhandho , saṅkhārakkhandho, viññāṇakkhandho – ime vuccanti ‘‘apariyāpanne cattāro khandhā’’.

ತತ್ಥ ಕತಮಾನಿ ಅಪರಿಯಾಪನ್ನೇ ದ್ವೇ ಆಯತನಾನಿ? ಮನಾಯತನಂ, ಧಮ್ಮಾಯತನಂ – ಇಮಾನಿ ವುಚ್ಚನ್ತಿ ‘‘ಅಪರಿಯಾಪನ್ನೇ ದ್ವೇ ಆಯತನಾನಿ’’।

Tattha katamāni apariyāpanne dve āyatanāni? Manāyatanaṃ, dhammāyatanaṃ – imāni vuccanti ‘‘apariyāpanne dve āyatanāni’’.

ತತ್ಥ ಕತಮಾ ಅಪರಿಯಾಪನ್ನೇ ದ್ವೇ ಧಾತುಯೋ? ಮನೋವಿಞ್ಞಾಣಧಾತು, ಧಮ್ಮಧಾತು – ಇಮಾ ವುಚ್ಚನ್ತಿ ‘‘ಅಪರಿಯಾಪನ್ನೇ ದ್ವೇ ಧಾತುಯೋ’’।

Tattha katamā apariyāpanne dve dhātuyo? Manoviññāṇadhātu, dhammadhātu – imā vuccanti ‘‘apariyāpanne dve dhātuyo’’.

ತತ್ಥ ಕತಮಾನಿ ಅಪರಿಯಾಪನ್ನೇ ದ್ವೇ ಸಚ್ಚಾನಿ? ಮಗ್ಗಸಚ್ಚಂ, ನಿರೋಧಸಚ್ಚಂ – ಇಮಾನಿ ವುಚ್ಚನ್ತಿ ‘‘ಅಪರಿಯಾಪನ್ನೇ ದ್ವೇ ಸಚ್ಚಾನಿ’’।

Tattha katamāni apariyāpanne dve saccāni? Maggasaccaṃ, nirodhasaccaṃ – imāni vuccanti ‘‘apariyāpanne dve saccāni’’.

ತತ್ಥ ಕತಮಾನಿ ಅಪರಿಯಾಪನ್ನೇ ದ್ವಾದಸಿನ್ದ್ರಿಯಾನಿ? ಮನಿನ್ದ್ರಿಯಂ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ, ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ, ಅಞ್ಞಿನ್ದ್ರಿಯಂ, ಅಞ್ಞಾತಾವಿನ್ದ್ರಿಯಂ – ಇಮಾನಿ ವುಚ್ಚನ್ತಿ ‘‘ಅಪರಿಯಾಪನ್ನೇ ದ್ವಾದಸಿನ್ದ್ರಿಯಾನಿ’’।

Tattha katamāni apariyāpanne dvādasindriyāni? Manindriyaṃ, jīvitindriyaṃ, somanassindriyaṃ, upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, anaññātaññassāmītindriyaṃ, aññindriyaṃ, aññātāvindriyaṃ – imāni vuccanti ‘‘apariyāpanne dvādasindriyāni’’.

ತತ್ಥ ಕತಮೇ ಅಪರಿಯಾಪನ್ನೇ ಛ ಹೇತೂ? ತಯೋ ಕುಸಲಹೇತೂ, ತಯೋ ಅಬ್ಯಾಕತಹೇತೂ।

Tattha katame apariyāpanne cha hetū? Tayo kusalahetū, tayo abyākatahetū.

Tattha katame tayo kusalahetū? Alobho kusalahetu, adoso kusalahetu, amoho kusalahetu – ime tayo kusalahetū.

ತತ್ಥ ಕತಮೇ ತಯೋ ಅಬ್ಯಾಕತಹೇತೂ? ಕುಸಲಾನಂ ಧಮ್ಮಾನಂ ವಿಪಾಕತೋ ಅಲೋಭೋ, ಅದೋಸೋ, ಅಮೋಹೋ – ಇಮೇ ತಯೋ ಅಬ್ಯಾಕತಹೇತೂ। ಇಮೇ ವುಚ್ಚನ್ತಿ ‘‘ಅಪರಿಯಾಪನ್ನೇ ಛ ಹೇತೂ’’।

Tattha katame tayo abyākatahetū? Kusalānaṃ dhammānaṃ vipākato alobho, adoso, amoho – ime tayo abyākatahetū. Ime vuccanti ‘‘apariyāpanne cha hetū’’.

ತತ್ಥ ಕತಮೇ ಅಪರಿಯಾಪನ್ನೇ ತಯೋ ಆಹಾರಾ? ಫಸ್ಸಾಹಾರೋ, ಮನೋಸಞ್ಚೇತನಾಹಾರೋ, ವಿಞ್ಞಾಣಾಹಾರೋ – ಇಮೇ ವುಚ್ಚನ್ತಿ ‘‘ಅಪರಿಯಾಪನ್ನೇ ತಯೋ ಆಹಾರಾ’’।

Tattha katame apariyāpanne tayo āhārā? Phassāhāro, manosañcetanāhāro, viññāṇāhāro – ime vuccanti ‘‘apariyāpanne tayo āhārā’’.

ತತ್ಥ ಕತಮೋ ಅಪರಿಯಾಪನ್ನೇ ಏಕೋ ಫಸ್ಸೋ? ಮನೋವಿಞ್ಞಾಣಧಾತುಸಮ್ಫಸ್ಸೋ – ಅಯಂ ವುಚ್ಚತಿ ‘‘ಅಪರಿಯಾಪನ್ನೇ ಏಕೋ ಫಸ್ಸೋ’’।

Tattha katamo apariyāpanne eko phasso? Manoviññāṇadhātusamphasso – ayaṃ vuccati ‘‘apariyāpanne eko phasso’’.

ತತ್ಥ ಕತಮಾ ಅಪರಿಯಾಪನ್ನೇ ಏಕಾ ವೇದನಾ…ಪೇ॰… ಏಕಾ ಸಞ್ಞಾ…ಪೇ॰… ಏಕಾ ಚೇತನಾ…ಪೇ॰… ಏಕಂ ಚಿತ್ತಂ? ಮನೋವಿಞ್ಞಾಣಧಾತು – ಇದಂ ವುಚ್ಚತಿ ‘‘ಅಪರಿಯಾಪನ್ನೇ ಏಕಂ ಚಿತ್ತಂ’’।

Tattha katamā apariyāpanne ekā vedanā…pe… ekā saññā…pe… ekā cetanā…pe… ekaṃ cittaṃ? Manoviññāṇadhātu – idaṃ vuccati ‘‘apariyāpanne ekaṃ cittaṃ’’.

೩. ಪರಿಯಾಪನ್ನಾಪರಿಯಾಪನ್ನವಾರೋ

3. Pariyāpannāpariyāpannavāro

೧. ಕಾಮಧಾತು

1. Kāmadhātu

೯೯೯. ಪಞ್ಚನ್ನಂ ಖನ್ಧಾನಂ ಕತಿ ಕಾಮಧಾತುಪರಿಯಾಪನ್ನಾ, ಕತಿ ನ ಕಾಮಧಾತುಪರಿಯಾಪನ್ನಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಕಾಮಧಾತುಪರಿಯಾಪನ್ನಾ, ಕತಿ ನ ಕಾಮಧಾತುಪರಿಯಾಪನ್ನಾ?

999. Pañcannaṃ khandhānaṃ kati kāmadhātupariyāpannā, kati na kāmadhātupariyāpannā…pe… sattannaṃ cittānaṃ kati kāmadhātupariyāpannā, kati na kāmadhātupariyāpannā?

೧೦೦೦. ರೂಪಕ್ಖನ್ಧೋ ಕಾಮಧಾತುಪರಿಯಾಪನ್ನೋ; ಚತ್ತಾರೋ ಖನ್ಧಾ ಸಿಯಾ ಕಾಮಧಾತುಪರಿಯಾಪನ್ನಾ, ಸಿಯಾ ನ ಕಾಮಧಾತುಪರಿಯಾಪನ್ನಾ।

1000. Rūpakkhandho kāmadhātupariyāpanno; cattāro khandhā siyā kāmadhātupariyāpannā, siyā na kāmadhātupariyāpannā.

ದಸಾಯತನಾ ಕಾಮಧಾತುಪರಿಯಾಪನ್ನಾ; ದ್ವೇ ಆಯತನಾ ಸಿಯಾ ಕಾಮಧಾತುಪರಿಯಾಪನ್ನಾ, ಸಿಯಾ ನ ಕಾಮಧಾತುಪರಿಯಾಪನ್ನಾ।

Dasāyatanā kāmadhātupariyāpannā; dve āyatanā siyā kāmadhātupariyāpannā, siyā na kāmadhātupariyāpannā.

ಸೋಳಸ ಧಾತುಯೋ ಕಾಮಧಾತುಪರಿಯಾಪನ್ನಾ; ದ್ವೇ ಧಾತುಯೋ ಸಿಯಾ ಕಾಮಧಾತುಪರಿಯಾಪನ್ನಾ, ಸಿಯಾ ನ ಕಾಮಧಾತುಪರಿಯಾಪನ್ನಾ।

Soḷasa dhātuyo kāmadhātupariyāpannā; dve dhātuyo siyā kāmadhātupariyāpannā, siyā na kāmadhātupariyāpannā.

ಸಮುದಯಸಚ್ಚಂ ಕಾಮಧಾತುಪರಿಯಾಪನ್ನಂ; ದ್ವೇ ಸಚ್ಚಾ ನ ಕಾಮಧಾತುಪರಿಯಾಪನ್ನಾ; ದುಕ್ಖಸಚ್ಚಂ ಸಿಯಾ ಕಾಮಧಾತುಪರಿಯಾಪನ್ನಂ, ಸಿಯಾ ನ ಕಾಮಧಾತುಪರಿಯಾಪನ್ನಂ।

Samudayasaccaṃ kāmadhātupariyāpannaṃ; dve saccā na kāmadhātupariyāpannā; dukkhasaccaṃ siyā kāmadhātupariyāpannaṃ, siyā na kāmadhātupariyāpannaṃ.

ದಸಿನ್ದ್ರಿಯಾ ಕಾಮಧಾತುಪರಿಯಾಪನ್ನಾ; ತೀಣಿನ್ದ್ರಿಯಾ ನ ಕಾಮಧಾತುಪರಿಯಾಪನ್ನಾ; ನವಿನ್ದ್ರಿಯಾ ಸಿಯಾ ಕಾಮಧಾತುಪರಿಯಾಪನ್ನಾ, ಸಿಯಾ ನ ಕಾಮಧಾತುಪರಿಯಾಪನ್ನಾ।

Dasindriyā kāmadhātupariyāpannā; tīṇindriyā na kāmadhātupariyāpannā; navindriyā siyā kāmadhātupariyāpannā, siyā na kāmadhātupariyāpannā.

ತಯೋ ಅಕುಸಲಹೇತೂ ಕಾಮಧಾತುಪರಿಯಾಪನ್ನಾ; ಛ ಹೇತೂ ಸಿಯಾ ಕಾಮಧಾತುಪರಿಯಾಪನ್ನಾ, ಸಿಯಾ ನ ಕಾಮಧಾತುಪರಿಯಾಪನ್ನಾ।

Tayo akusalahetū kāmadhātupariyāpannā; cha hetū siyā kāmadhātupariyāpannā, siyā na kāmadhātupariyāpannā.

ಕಬಳೀಕಾರೋ ಆಹಾರೋ ಕಾಮಧಾತುಪರಿಯಾಪನ್ನೋ; ತಯೋ ಆಹಾರಾ ಸಿಯಾ ಕಾಮಧಾತುಪರಿಯಾಪನ್ನಾ, ಸಿಯಾ ನ ಕಾಮಧಾತುಪರಿಯಾಪನ್ನಾ।

Kabaḷīkāro āhāro kāmadhātupariyāpanno; tayo āhārā siyā kāmadhātupariyāpannā, siyā na kāmadhātupariyāpannā.

ಛ ಫಸ್ಸಾ ಕಾಮಧಾತುಪರಿಯಾಪನ್ನಾ; ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಕಾಮಧಾತು ಪರಿಯಾಪನ್ನೋ, ಸಿಯಾ ನ ಕಾಮಧಾತುಪರಿಯಾಪನ್ನೋ।

Cha phassā kāmadhātupariyāpannā; manoviññāṇadhātusamphasso siyā kāmadhātu pariyāpanno, siyā na kāmadhātupariyāpanno.

ಛ ವೇದನಾ…ಪೇ॰… ಛ ಸಞ್ಞಾ… ಛ ಚೇತನಾ… ಛ ಚಿತ್ತಾ ಕಾಮಧಾತುಪರಿಯಾಪನ್ನಾ; ಮನೋವಿಞ್ಞಾಣಧಾತು ಸಿಯಾ ಕಾಮಧಾತುಪರಿಯಾಪನ್ನಾ, ಸಿಯಾ ನ ಕಾಮಧಾತುಪರಿಯಾಪನ್ನಾ।

Cha vedanā…pe… cha saññā… cha cetanā… cha cittā kāmadhātupariyāpannā; manoviññāṇadhātu siyā kāmadhātupariyāpannā, siyā na kāmadhātupariyāpannā.

೨. ರೂಪಧಾತು

2. Rūpadhātu

೧೦೦೧. ಪಞ್ಚನ್ನಂ ಖನ್ಧಾನಂ ಕತಿ ರೂಪಧಾತುಪರಿಯಾಪನ್ನಾ, ಕತಿ ನ ರೂಪಧಾತುಪರಿಯಾಪನ್ನಾ …ಪೇ॰… ಸತ್ತನ್ನಂ ಚಿತ್ತಾನಂ ಕತಿ ರೂಪಧಾತುಪರಿಯಾಪನ್ನಾ, ಕತಿ ನ ರೂಪಧಾತುಪರಿಯಾಪನ್ನಾ?

1001. Pañcannaṃ khandhānaṃ kati rūpadhātupariyāpannā, kati na rūpadhātupariyāpannā …pe… sattannaṃ cittānaṃ kati rūpadhātupariyāpannā, kati na rūpadhātupariyāpannā?

೧೦೦೨. ರೂಪಕ್ಖನ್ಧೋ ನ ರೂಪಧಾತುಪರಿಯಾಪನ್ನೋ; ಚತ್ತಾರೋ ಖನ್ಧಾ ಸಿಯಾ ರೂಪಧಾತುಪರಿಯಾಪನ್ನಾ, ಸಿಯಾ ನ ರೂಪಧಾತುಪರಿಯಾಪನ್ನಾ।

1002. Rūpakkhandho na rūpadhātupariyāpanno; cattāro khandhā siyā rūpadhātupariyāpannā, siyā na rūpadhātupariyāpannā.

ದಸಾಯತನಾ ನ ರೂಪಧಾತುಪರಿಯಾಪನ್ನಾ; ದ್ವೇ ಆಯತನಾ ಸಿಯಾ ರೂಪಧಾತುಪರಿಯಾಪನ್ನಾ, ಸಿಯಾ ನ ರೂಪಧಾತುಪರಿಯಾಪನ್ನಾ।

Dasāyatanā na rūpadhātupariyāpannā; dve āyatanā siyā rūpadhātupariyāpannā, siyā na rūpadhātupariyāpannā.

ಸೋಳಸ ಧಾತುಯೋ ನ ರೂಪಧಾತುಪರಿಯಾಪನ್ನಾ; ದ್ವೇ ಧಾತುಯೋ ಸಿಯಾ ರೂಪಧಾತುಪರಿಯಾಪನ್ನಾ, ಸಿಯಾ ನ ರೂಪಧಾತುಪರಿಯಾಪನ್ನಾ।

Soḷasa dhātuyo na rūpadhātupariyāpannā; dve dhātuyo siyā rūpadhātupariyāpannā, siyā na rūpadhātupariyāpannā.

ತೀಣಿ ಸಚ್ಚಾನಿ ನ ರೂಪಧಾತುಪರಿಯಾಪನ್ನಾ; ದುಕ್ಖಸಚ್ಚಂ ಸಿಯಾ ರೂಪಧಾತುಪರಿಯಾಪನ್ನಂ, ಸಿಯಾ ನ ರೂಪಧಾತುಪರಿಯಾಪನ್ನಂ।

Tīṇi saccāni na rūpadhātupariyāpannā; dukkhasaccaṃ siyā rūpadhātupariyāpannaṃ, siyā na rūpadhātupariyāpannaṃ.

ತೇರಸಿನ್ದ್ರಿಯಾ ನ ರೂಪಧಾತುಪರಿಯಾಪನ್ನಾ; ನವಿನ್ದ್ರಿಯಾ ಸಿಯಾ ರೂಪಧಾತುಪರಿಯಾಪನ್ನಾ, ಸಿಯಾ ನ ರೂಪಧಾತುಪರಿಯಾಪನ್ನಾ।

Terasindriyā na rūpadhātupariyāpannā; navindriyā siyā rūpadhātupariyāpannā, siyā na rūpadhātupariyāpannā.

ತಯೋ ಅಕುಸಲಹೇತೂ ನ ರೂಪಧಾತುಪರಿಯಾಪನ್ನಾ; ಛ ಹೇತೂ ಸಿಯಾ ರೂಪಧಾತುಪರಿಯಾಪನ್ನಾ, ಸಿಯಾ ನ ರೂಪಧಾತುಪರಿಯಾಪನ್ನಾ।

Tayo akusalahetū na rūpadhātupariyāpannā; cha hetū siyā rūpadhātupariyāpannā, siyā na rūpadhātupariyāpannā.

ಕಬಳೀಕಾರೋ ಆಹಾರೋ ನ ರೂಪಧಾತುಪರಿಯಾಪನ್ನೋ; ತಯೋ ಆಹಾರಾ ಸಿಯಾ ರೂಪಧಾತುಪರಿಯಾಪನ್ನಾ, ಸಿಯಾ ನ ರೂಪಧಾತುಪರಿಯಾಪನ್ನಾ।

Kabaḷīkāro āhāro na rūpadhātupariyāpanno; tayo āhārā siyā rūpadhātupariyāpannā, siyā na rūpadhātupariyāpannā.

ಛ ಫಸ್ಸಾ ನ ರೂಪಧಾತುಪರಿಯಾಪನ್ನಾ; ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ರೂಪಧಾತುಪರಿಯಾಪನ್ನೋ, ಸಿಯಾ ನ ರೂಪಧಾತುಪರಿಯಾಪನ್ನೋ।

Cha phassā na rūpadhātupariyāpannā; manoviññāṇadhātusamphasso siyā rūpadhātupariyāpanno, siyā na rūpadhātupariyāpanno.

ಛ ವೇದನಾ…ಪೇ॰… ಛ ಸಞ್ಞಾ… ಛ ಚೇತನಾ… ಛ ಚಿತ್ತಾ ನ ರೂಪಧಾತುಪರಿಯಾಪನ್ನಾ; ಮನೋವಿಞ್ಞಾಣಧಾತು ಸಿಯಾ ರೂಪಧಾತುಪರಿಯಾಪನ್ನಾ, ಸಿಯಾ ನ ರೂಪಧಾತುಪರಿಯಾಪನ್ನಾ।

Cha vedanā…pe… cha saññā… cha cetanā… cha cittā na rūpadhātupariyāpannā; manoviññāṇadhātu siyā rūpadhātupariyāpannā, siyā na rūpadhātupariyāpannā.

೩. ಅರೂಪಧಾತು

3. Arūpadhātu

೧೦೦೩. ಪಞ್ಚನ್ನಂ ಖನ್ಧಾನಂ ಕತಿ ಅರೂಪಧಾತುಪರಿಯಾಪನ್ನಾ, ಕತಿ ನ ಅರೂಪಧಾತುಪರಿಯಾಪನ್ನಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಅರೂಪಧಾತುಪರಿಯಾಪನ್ನಾ, ಕತಿ ನ ಅರೂಪಧಾತುಪರಿಯಾಪನ್ನಾ?

1003. Pañcannaṃ khandhānaṃ kati arūpadhātupariyāpannā, kati na arūpadhātupariyāpannā…pe… sattannaṃ cittānaṃ kati arūpadhātupariyāpannā, kati na arūpadhātupariyāpannā?

೧೦೦೪. ರೂಪಕ್ಖನ್ಧೋ ನ ಅರೂಪಧಾತುಪರಿಯಾಪನ್ನೋ; ಚತ್ತಾರೋ ಖನ್ಧಾ ಸಿಯಾ ಅರೂಪಧಾತುಪರಿಯಾಪನ್ನಾ, ಸಿಯಾ ನ ಅರೂಪಧಾತುಪರಿಯಾಪನ್ನಾ।

1004. Rūpakkhandho na arūpadhātupariyāpanno; cattāro khandhā siyā arūpadhātupariyāpannā, siyā na arūpadhātupariyāpannā.

ದಸಾಯತನಾ ನ ಅರೂಪಧಾತುಪರಿಯಾಪನ್ನಾ; ದ್ವೇ ಆಯತನಾ ಸಿಯಾ ಅರೂಪಧಾತುಪರಿಯಾಪನ್ನಾ, ಸಿಯಾ ನ ಅರೂಪಧಾತುಪರಿಯಾಪನ್ನಾ।

Dasāyatanā na arūpadhātupariyāpannā; dve āyatanā siyā arūpadhātupariyāpannā, siyā na arūpadhātupariyāpannā.

ಸೋಳಸ ಧಾತುಯೋ ನ ಅರೂಪಧಾತುಪರಿಯಾಪನ್ನಾ; ದ್ವೇ ಧಾತುಯೋ ಸಿಯಾ ಅರೂಪಧಾತುಪರಿಯಾಪನ್ನಾ, ಸಿಯಾ ನ ಅರೂಪಧಾತುಪರಿಯಾಪನ್ನಾ।

Soḷasa dhātuyo na arūpadhātupariyāpannā; dve dhātuyo siyā arūpadhātupariyāpannā, siyā na arūpadhātupariyāpannā.

ತೀಣಿ ಸಚ್ಚಾನಿ ನ ಅರೂಪಧಾತುಪರಿಯಾಪನ್ನಾನಿ।

Tīṇi saccāni na arūpadhātupariyāpannāni.

ದುಕ್ಖಸಚ್ಚಂ ಸಿಯಾ ಅರೂಪಧಾತುಪರಿಯಾಪನ್ನಂ, ಸಿಯಾ ನ ಅರೂಪಧಾತುಪರಿಯಾಪನ್ನಂ।

Dukkhasaccaṃ siyā arūpadhātupariyāpannaṃ, siyā na arūpadhātupariyāpannaṃ.

ಚುದ್ದಸಿನ್ದ್ರಿಯಾ ನ ಅರೂಪಧಾತುಪರಿಯಾಪನ್ನಾ; ಅಟ್ಠಿನ್ದ್ರಿಯಾ ಸಿಯಾ ಅರೂಪಧಾತುಪರಿಯಾಪನ್ನಾ, ಸಿಯಾ ನ ಅರೂಪಧಾತುಪರಿಯಾಪನ್ನಾ।

Cuddasindriyā na arūpadhātupariyāpannā; aṭṭhindriyā siyā arūpadhātupariyāpannā, siyā na arūpadhātupariyāpannā.

ತಯೋ ಅಕುಸಲಹೇತೂ ನ ಅರೂಪಧಾತುಪರಿಯಾಪನ್ನಾ; ಛ ಹೇತೂ ಸಿಯಾ ಅರೂಪಧಾತುಪರಿಯಾಪನ್ನಾ, ಸಿಯಾ ನ ಅರೂಪಧಾತುಪರಿಯಾಪನ್ನಾ।

Tayo akusalahetū na arūpadhātupariyāpannā; cha hetū siyā arūpadhātupariyāpannā, siyā na arūpadhātupariyāpannā.

ಕಬಳೀಕಾರೋ ಆಹಾರೋ ನ ಅರೂಪಧಾತುಪರಿಯಾಪನ್ನೋ; ತಯೋ ಆಹಾರಾ ಸಿಯಾ ಅರೂಪಧಾತುಪರಿಯಾಪನ್ನಾ, ಸಿಯಾ ನ ಅರೂಪಧಾತುಪರಿಯಾಪನ್ನಾ।

Kabaḷīkāro āhāro na arūpadhātupariyāpanno; tayo āhārā siyā arūpadhātupariyāpannā, siyā na arūpadhātupariyāpannā.

ಛ ಫಸ್ಸಾ ನ ಅರೂಪಧಾತುಪರಿಯಾಪನ್ನಾ; ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಅರೂಪಧಾತುಪರಿಯಾಪನ್ನೋ, ಸಿಯಾ ನ ಅರೂಪಧಾತುಪರಿಯಾಪನ್ನೋ।

Cha phassā na arūpadhātupariyāpannā; manoviññāṇadhātusamphasso siyā arūpadhātupariyāpanno, siyā na arūpadhātupariyāpanno.

ಛ ವೇದನಾ…ಪೇ॰… ಛ ಸಞ್ಞಾ … ಛ ಚೇತನಾ… ಛ ಚಿತ್ತಾ ನ ಅರೂಪಧಾತುಪರಿಯಾಪನ್ನಾ; ಮನೋವಿಞ್ಞಾಣಧಾತು ಸಿಯಾ ಅರೂಪಧಾತುಪರಿಯಾಪನ್ನಾ, ಸಿಯಾ ನ ಅರೂಪಧಾತುಪರಿಯಾಪನ್ನಾ।

Cha vedanā…pe… cha saññā … cha cetanā… cha cittā na arūpadhātupariyāpannā; manoviññāṇadhātu siyā arūpadhātupariyāpannā, siyā na arūpadhātupariyāpannā.

೪. ಪರಿಯಾಪನ್ನಾಪರಿಯಾಪನ್ನಂ

4. Pariyāpannāpariyāpannaṃ

೧೦೦೫. ಪಞ್ಚನ್ನಂ ಖನ್ಧಾನಂ ಕತಿ ಪರಿಯಾಪನ್ನಾ, ಕತಿ ಅಪರಿಯಾಪನ್ನಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಪರಿಯಾಪನ್ನಾ, ಕತಿ ಅಪರಿಯಾಪನ್ನಾ?

1005. Pañcannaṃ khandhānaṃ kati pariyāpannā, kati apariyāpannā…pe… sattannaṃ cittānaṃ kati pariyāpannā, kati apariyāpannā?

೧೦೦೬. ರೂಪಕ್ಖನ್ಧೋ ಪರಿಯಾಪನ್ನೋ; ಚತ್ತಾರೋ ಖನ್ಧಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ।

1006. Rūpakkhandho pariyāpanno; cattāro khandhā siyā pariyāpannā, siyā apariyāpannā.

ದಸಾಯತನಾ ಪರಿಯಾಪನ್ನಾ; ದ್ವೇ ಆಯತನಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ।

Dasāyatanā pariyāpannā; dve āyatanā siyā pariyāpannā, siyā apariyāpannā.

ಸೋಳಸ ಧಾತುಯೋ ಪರಿಯಾಪನ್ನಾ; ದ್ವೇ ಧಾತುಯೋ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ।

Soḷasa dhātuyo pariyāpannā; dve dhātuyo siyā pariyāpannā, siyā apariyāpannā.

ದ್ವೇ ಸಚ್ಚಾ ಪರಿಯಾಪನ್ನಾ; ದ್ವೇ ಸಚ್ಚಾ ಅಪರಿಯಾಪನ್ನಾ।

Dve saccā pariyāpannā; dve saccā apariyāpannā.

ದಸಿನ್ದ್ರಿಯಾ ಪರಿಯಾಪನ್ನಾ, ತೀಣಿನ್ದ್ರಿಯಾ ಅಪರಿಯಾಪನ್ನಾ; ನವಿನ್ದ್ರಿಯಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ।

Dasindriyā pariyāpannā, tīṇindriyā apariyāpannā; navindriyā siyā pariyāpannā, siyā apariyāpannā.

ತಯೋ ಅಕುಸಲಹೇತೂ ಪರಿಯಾಪನ್ನಾ; ಛ ಹೇತೂ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ।

Tayo akusalahetū pariyāpannā; cha hetū siyā pariyāpannā, siyā apariyāpannā.

ಕಬಳೀಕಾರೋ ಆಹಾರೋ ಪರಿಯಾಪನ್ನೋ; ತಯೋ ಆಹಾರಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ।

Kabaḷīkāro āhāro pariyāpanno; tayo āhārā siyā pariyāpannā, siyā apariyāpannā.

ಛ ಫಸ್ಸಾ ಪರಿಯಾಪನ್ನಾ; ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಪರಿಯಾಪನ್ನೋ, ಸಿಯಾ ಅಪರಿಯಾಪನ್ನೋ।

Cha phassā pariyāpannā; manoviññāṇadhātusamphasso siyā pariyāpanno, siyā apariyāpanno.

ಛ ವೇದನಾ…ಪೇ॰… ಛ ಸಞ್ಞಾ… ಛ ಚೇತನಾ… ಛ ಚಿತ್ತಾ ಪರಿಯಾಪನ್ನಾ; ಮನೋವಿಞ್ಞಾಣಧಾತು ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ।

Cha vedanā…pe… cha saññā… cha cetanā… cha cittā pariyāpannā; manoviññāṇadhātu siyā pariyāpannā, siyā apariyāpannā.

೪. ಧಮ್ಮದಸ್ಸನವಾರೋ

4. Dhammadassanavāro

೧. ಕಾಮಧಾತು

1. Kāmadhātu

೧೦೦೭. ಕಾಮಧಾತುಯಾ ಉಪಪತ್ತಿಕ್ಖಣೇ ಕತಿ ಖನ್ಧಾ ಪಾತುಭವನ್ತಿ…ಪೇ॰… ಕತಿ ಚಿತ್ತಾನಿ ಪಾತುಭವನ್ತಿ?

1007. Kāmadhātuyā upapattikkhaṇe kati khandhā pātubhavanti…pe… kati cittāni pātubhavanti?

ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಪಞ್ಚಕ್ಖನ್ಧಾ ಪಾತುಭವನ್ತಿ; ಕಸ್ಸಚಿ ಏಕಾದಸಾಯತನಾನಿ ಪಾತುಭವನ್ತಿ; ಕಸ್ಸಚಿ ದಸಾಯತನಾನಿ ಪಾತುಭವನ್ತಿ; ಕಸ್ಸಚಿ ಅಪರಾನಿ ದಸಾಯತನಾನಿ ಪಾತುಭವನ್ತಿ; ಕಸ್ಸಚಿ ನವಾಯತನಾನಿ ಪಾತುಭವನ್ತಿ; ಕಸ್ಸಚಿ ಸತ್ತಾಯತನಾನಿ ಪಾತುಭವನ್ತಿ; ಕಸ್ಸಚಿ ಏಕಾದಸ ಧಾತುಯೋ ಪಾತುಭವನ್ತಿ; ಕಸ್ಸಚಿ ದಸ ಧಾತುಯೋ ಪಾತುಭವನ್ತಿ; ಕಸ್ಸಚಿ ಅಪರಾ ದಸ ಧಾತುಯೋ ಪಾತುಭವನ್ತಿ; ಕಸ್ಸಚಿ ನವ ಧಾತುಯೋ ಪಾತುಭವನ್ತಿ; ಕಸ್ಸಚಿ ಸತ್ತ ಧಾತುಯೋ ಪಾತುಭವನ್ತಿ; ಸಬ್ಬೇಸಂ ಏಕಂ ಸಚ್ಚಂ ಪಾತುಭವತಿ; ಕಸ್ಸಚಿ ಚುದ್ದಸಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ತೇರಸಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ಅಪರಾನಿ ತೇರಸಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ದ್ವಾದಸಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ದಸಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ನವಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ಅಪರಾನಿ ನವಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ಅಪರಾನಿ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ಸತ್ತಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ಪಞ್ಚಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ಚತ್ತಾರಿನ್ದ್ರಿಯಾನಿ ಪಾತುಭವನ್ತಿ; ಕಸ್ಸಚಿ ತಯೋ ಹೇತೂ ಪಾತುಭವನ್ತಿ; ಕಸ್ಸಚಿ ದ್ವೇ ಹೇತೂ ಪಾತುಭವನ್ತಿ; ಕಸ್ಸಚಿ ³ ಅಹೇತುಕಾ ಪಾತುಭವನ್ತಿ ; ಸಬ್ಬೇಸಂ ಚತ್ತಾರೋ ಆಹಾರಾ ಪಾತುಭವನ್ತಿ; ಸಬ್ಬೇಸಂ ಏಕೋ ಫಸ್ಸೋ ಪಾತುಭವತಿ; ಸಬ್ಬೇಸಂ ಏಕಾ ವೇದನಾ… ಏಕಾ ಸಞ್ಞಾ… ಏಕಾ ಚೇತನಾ… ಏಕಂ ಚಿತ್ತಂ ಪಾತುಭವತಿ।

Kāmadhātuyā upapattikkhaṇe sabbesaṃ pañcakkhandhā pātubhavanti; kassaci ekādasāyatanāni pātubhavanti; kassaci dasāyatanāni pātubhavanti; kassaci aparāni dasāyatanāni pātubhavanti; kassaci navāyatanāni pātubhavanti; kassaci sattāyatanāni pātubhavanti; kassaci ekādasa dhātuyo pātubhavanti; kassaci dasa dhātuyo pātubhavanti; kassaci aparā dasa dhātuyo pātubhavanti; kassaci nava dhātuyo pātubhavanti; kassaci satta dhātuyo pātubhavanti; sabbesaṃ ekaṃ saccaṃ pātubhavati; kassaci cuddasindriyāni pātubhavanti; kassaci terasindriyāni pātubhavanti; kassaci aparāni terasindriyāni pātubhavanti; kassaci dvādasindriyāni pātubhavanti; kassaci dasindriyāni pātubhavanti; kassaci navindriyāni pātubhavanti; kassaci aparāni navindriyāni pātubhavanti; kassaci aṭṭhindriyāni pātubhavanti; kassaci aparāni aṭṭhindriyāni pātubhavanti; kassaci sattindriyāni pātubhavanti; kassaci pañcindriyāni pātubhavanti; kassaci cattārindriyāni pātubhavanti; kassaci tayo hetū pātubhavanti; kassaci dve hetū pātubhavanti; kassaci ⁴ ahetukā pātubhavanti ; sabbesaṃ cattāro āhārā pātubhavanti; sabbesaṃ eko phasso pātubhavati; sabbesaṃ ekā vedanā… ekā saññā… ekā cetanā… ekaṃ cittaṃ pātubhavati.

೧೦೦೮. ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಕತಮೇ ಪಞ್ಚಕ್ಖನ್ಧಾ ಪಾತುಭವನ್ತಿ? ರೂಪಕ್ಖನ್ಧೋ…ಪೇ॰… ವಿಞ್ಞಾಣಕ್ಖನ್ಧೋ – ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಇಮೇ ಪಞ್ಚಕ್ಖನ್ಧಾ ಪಾತುಭವನ್ತಿ।

1008. Kāmadhātuyā upapattikkhaṇe sabbesaṃ katame pañcakkhandhā pātubhavanti? Rūpakkhandho…pe… viññāṇakkhandho – kāmadhātuyā upapattikkhaṇe sabbesaṃ ime pañcakkhandhā pātubhavanti.

೧೦೦೯. ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಏಕಾದಸಾಯತನಾನಿ ಪಾತುಭವನ್ತಿ? ಕಾಮಾವಚರಾನಂ ದೇವಾನಂ, ಪಠಮಕಪ್ಪಿಕಾನಂ ಮನುಸ್ಸಾನಂ, ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ, ನೇರಯಿಕಾನಂ ಪರಿಪುಣ್ಣಾಯತನಾನಂ ಉಪಪತ್ತಿಕ್ಖಣೇ ಏಕಾದಸಾಯತನಾನಿ ಪಾತುಭವನ್ತಿ – ಚಕ್ಖಾಯತನಂ, ರೂಪಾಯತನಂ, ಸೋತಾಯತನಂ, ಘಾನಾಯತನಂ, ಗನ್ಧಾಯತನಂ, ಜಿವ್ಹಾಯತನಂ, ರಸಾಯತನಂ, ಕಾಯಾಯತನಂ, ಫೋಟ್ಠಬ್ಬಾಯತನಂ, ಮನಾಯತನಂ, ಧಮ್ಮಾಯತನಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ಏಕಾದಸಾಯತನಾನಿ ಪಾತುಭವನ್ತಿ।

1009. Kāmadhātuyā upapattikkhaṇe kassa ekādasāyatanāni pātubhavanti? Kāmāvacarānaṃ devānaṃ, paṭhamakappikānaṃ manussānaṃ, opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ, nerayikānaṃ paripuṇṇāyatanānaṃ upapattikkhaṇe ekādasāyatanāni pātubhavanti – cakkhāyatanaṃ, rūpāyatanaṃ, sotāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni ekādasāyatanāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ದಸಾಯತನಾನಿ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ, ಜಚ್ಚನ್ಧಾನಂ ಉಪಪತ್ತಿಕ್ಖಣೇ ದಸಾಯತನಾನಿ ಪಾತುಭವನ್ತಿ – ರೂಪಾಯತನಂ, ಸೋತಾಯತನಂ, ಘಾನಾಯತನಂ, ಗನ್ಧಾಯತನಂ, ಜಿವ್ಹಾಯತನಂ, ರಸಾಯತನಂ , ಕಾಯಾಯತನಂ, ಫೋಟ್ಠಬ್ಬಾಯತನಂ, ಮನಾಯತನಂ, ಧಮ್ಮಾಯತನಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ದಸಾಯತನಾನಿ ಪಾತುಭವನ್ತಿ।

Kāmadhātuyā upapattikkhaṇe kassa dasāyatanāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhānaṃ upapattikkhaṇe dasāyatanāni pātubhavanti – rūpāyatanaṃ, sotāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ , kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni dasāyatanāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಅಪರಾನಿ ದಸಾಯತನಾನಿ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ, ಜಚ್ಚಬಧಿರಾನಂ ಉಪಪತ್ತಿಕ್ಖಣೇ ದಸಾಯತನಾನಿ ಪಾತುಭವನ್ತಿ – ಚಕ್ಖಾಯತನಂ, ರೂಪಾಯತನಂ, ಘಾನಾಯತನಂ, ಗನ್ಧಾಯತನಂ, ಜಿವ್ಹಾಯತನಂ, ರಸಾಯತನಂ, ಕಾಯಾಯತನಂ, ಫೋಟ್ಠಬ್ಬಾಯತನಂ, ಮನಾಯತನಂ, ಧಮ್ಮಾಯತನಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ದಸಾಯತನಾನಿ ಪಾತುಭವನ್ತಿ।

Kāmadhātuyā upapattikkhaṇe kassa aparāni dasāyatanāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccabadhirānaṃ upapattikkhaṇe dasāyatanāni pātubhavanti – cakkhāyatanaṃ, rūpāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni dasāyatanāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ನವಾಯತನಾನಿ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ, ಜಚ್ಚನ್ಧಬಧಿರಾನಂ ಉಪಪತ್ತಿಕ್ಖಣೇ ನವಾಯತನಾನಿ ಪಾತುಭವನ್ತಿ – ರೂಪಾಯತನಂ, ಘಾನಾಯತನಂ, ಗನ್ಧಾಯತನಂ, ಜಿವ್ಹಾಯತನಂ, ರಸಾಯತನಂ, ಕಾಯಾಯತನಂ, ಫೋಟ್ಠಬ್ಬಾಯತನಂ, ಮನಾಯತನಂ, ಧಮ್ಮಾಯತನಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ನವಾಯತನಾನಿ ಪಾತುಭವನ್ತಿ।

Kāmadhātuyā upapattikkhaṇe kassa navāyatanāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhabadhirānaṃ upapattikkhaṇe navāyatanāni pātubhavanti – rūpāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni navāyatanāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಸತ್ತಾಯತನಾನಿ ಪಾತುಭವನ್ತಿ? ಗಬ್ಭಸೇಯ್ಯಕಾನಂ ಸತ್ತಾನಂ ಉಪಪತ್ತಿಕ್ಖಣೇ ಸತ್ತಾಯತನಾನಿ ಪಾತುಭವನ್ತಿ – ರೂಪಾಯತನಂ, ಗನ್ಧಾಯತನಂ, ರಸಾಯತನಂ, ಕಾಯಾಯತನಂ, ಫೋಟ್ಠಬ್ಬಾಯತನಂ, ಮನಾಯತನಂ, ಧಮ್ಮಾಯತನಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ಸತ್ತಾಯತನಾನಿ ಪಾತುಭವನ್ತಿ।

Kāmadhātuyā upapattikkhaṇe kassa sattāyatanāni pātubhavanti? Gabbhaseyyakānaṃ sattānaṃ upapattikkhaṇe sattāyatanāni pātubhavanti – rūpāyatanaṃ, gandhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Kāmadhātuyā upapattikkhaṇe etesaṃ imāni sattāyatanāni pātubhavanti.

೧೦೧೦. ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಏಕಾದಸ ಧಾತುಯೋ ಪಾತುಭವನ್ತಿ? ಕಾಮಾವಚರಾನಂ ದೇವಾನಂ, ಪಠಮಕಪ್ಪಿಕಾನಂ ಮನುಸ್ಸಾನಂ, ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ ಪರಿಪುಣ್ಣಾಯತನಾನಂ ಉಪಪತ್ತಿಕ್ಖಣೇ ಏಕಾದಸ ಧಾತುಯೋ ಪಾತುಭವನ್ತಿ – ಚಕ್ಖುಧಾತು, ರೂಪಧಾತು, ಸೋತಧಾತು, ಘಾನಧಾತು, ಗನ್ಧಧಾತು, ಜಿವ್ಹಾಧಾತು, ರಸಧಾತು, ಕಾಯಧಾತು, ಫೋಟ್ಠಬ್ಬಧಾತು, ಮನೋವಿಞ್ಞಾಣಧಾತು, ಧಮ್ಮಧಾತು। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾ ಏಕಾದಸ ಧಾತುಯೋ ಪಾತುಭವನ್ತಿ।

1010. Kāmadhātuyā upapattikkhaṇe kassa ekādasa dhātuyo pātubhavanti? Kāmāvacarānaṃ devānaṃ, paṭhamakappikānaṃ manussānaṃ, opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ paripuṇṇāyatanānaṃ upapattikkhaṇe ekādasa dhātuyo pātubhavanti – cakkhudhātu, rūpadhātu, sotadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā ekādasa dhātuyo pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ದಸ ಧಾತುಯೋ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ , ಜಚ್ಚನ್ಧಾನಂ ಉಪಪತ್ತಿಕ್ಖಣೇ ದಸ ಧಾತುಯೋ ಪಾತುಭವನ್ತಿ – ರೂಪಧಾತು, ಸೋತಧಾತು, ಘಾನಧಾತು, ಗನ್ಧಧಾತು, ಜಿವ್ಹಾಧಾತು, ರಸಧಾತು, ಕಾಯಧಾತು, ಫೋಟ್ಠಬ್ಬಧಾತು, ಮನೋವಿಞ್ಞಾಣಧಾತು, ಧಮ್ಮಧಾತು। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾ ದಸ ಧಾತುಯೋ ಪಾತುಭವನ್ತಿ।

Kāmadhātuyā upapattikkhaṇe kassa dasa dhātuyo pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ , jaccandhānaṃ upapattikkhaṇe dasa dhātuyo pātubhavanti – rūpadhātu, sotadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā dasa dhātuyo pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಅಪರಾ ದಸ ಧಾತುಯೋ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ, ಜಚ್ಚಬಧಿರಾನಂ ಉಪಪತ್ತಿಕ್ಖಣೇ ದಸ ಧಾತುಯೋ ಪಾತುಭವನ್ತಿ – ಚಕ್ಖುಧಾತು, ರೂಪಧಾತು, ಘಾನಧಾತು, ಗನ್ಧಧಾತು, ಜಿವ್ಹಾಧಾತು, ರಸಧಾತು, ಕಾಯಧಾತು, ಫೋಟ್ಠಬ್ಬಧಾತು, ಮನೋವಿಞ್ಞಾಣಧಾತು, ಧಮ್ಮಧಾತು। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾ ದಸ ಧಾತುಯೋ ಪಾತುಭವನ್ತಿ।

Kāmadhātuyā upapattikkhaṇe kassa aparā dasa dhātuyo pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccabadhirānaṃ upapattikkhaṇe dasa dhātuyo pātubhavanti – cakkhudhātu, rūpadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā dasa dhātuyo pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ನವ ಧಾತುಯೋ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ, ಜಚ್ಚನ್ಧಬಧಿರಾನಂ ಉಪಪತ್ತಿಕ್ಖಣೇ ನವ ಧಾತುಯೋ ಪಾತುಭವನ್ತಿ – ರೂಪಧಾತು, ಘಾನಧಾತು, ಗನ್ಧಧಾತು, ಜಿವ್ಹಾಧಾತು, ರಸಧಾತು, ಕಾಯಧಾತು, ಫೋಟ್ಠಬ್ಬಧಾತು, ಮನೋವಿಞ್ಞಾಣಧಾತು, ಧಮ್ಮಧಾತು। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾ ನವ ಧಾತುಯೋ ಪಾತುಭವನ್ತಿ।

Kāmadhātuyā upapattikkhaṇe kassa nava dhātuyo pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhabadhirānaṃ upapattikkhaṇe nava dhātuyo pātubhavanti – rūpadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā nava dhātuyo pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಸತ್ತ ಧಾತುಯೋ ಪಾತುಭವನ್ತಿ? ಗಬ್ಭಸೇಯ್ಯಕಾನಂ ಸತ್ತಾನಂ ಉಪಪತ್ತಿಕ್ಖಣೇ ಸತ್ತ ಧಾತುಯೋ ಪಾತುಭವನ್ತಿ – ರೂಪಧಾತು, ಗನ್ಧಧಾತು, ರಸಧಾತು, ಕಾಯಧಾತು, ಫೋಟ್ಠಬ್ಬಧಾತು, ಮನೋವಿಞ್ಞಾಣಧಾತು, ಧಮ್ಮಧಾತು। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾ ಸತ್ತ ಧಾತುಯೋ ಪಾತುಭವನ್ತಿ।

Kāmadhātuyā upapattikkhaṇe kassa satta dhātuyo pātubhavanti? Gabbhaseyyakānaṃ sattānaṃ upapattikkhaṇe satta dhātuyo pātubhavanti – rūpadhātu, gandhadhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu. Kāmadhātuyā upapattikkhaṇe etesaṃ imā satta dhātuyo pātubhavanti.

೧೦೧೧. ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಕತಮಂ ಏಕಂ ಸಚ್ಚಂ ಪಾತುಭವತಿ? ದುಕ್ಖಸಚ್ಚಂ – ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಇದಂ ಏಕಂ ಸಚ್ಚಂ ಪಾತುಭವತಿ।

1011. Kāmadhātuyā upapattikkhaṇe sabbesaṃ katamaṃ ekaṃ saccaṃ pātubhavati? Dukkhasaccaṃ – kāmadhātuyā upapattikkhaṇe sabbesaṃ idaṃ ekaṃ saccaṃ pātubhavati.

೧೦೧೨. ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಚುದ್ದಸಿನ್ದ್ರಿಯಾನಿ ಪಾತುಭವನ್ತಿ? ಕಾಮಾವಚರಾನಂ ದೇವಾನಂ, ಸಹೇತುಕಾನಂ ಞಾಣಸಮ್ಪಯುತ್ತಾನಂ ಉಪಪತ್ತಿಕ್ಖಣೇ ಚುದ್ದಸಿನ್ದ್ರಿಯಾನಿ ಪಾತುಭವನ್ತಿ – ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ , ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ ವಾ ಉಪೇಕ್ಖಿನ್ದ್ರಿಯಂ ವಾ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ಚುದ್ದಸಿನ್ದ್ರಿಯಾನಿ ಪಾತುಭವನ್ತಿ।

1012. Kāmadhātuyā upapattikkhaṇe kassa cuddasindriyāni pātubhavanti? Kāmāvacarānaṃ devānaṃ, sahetukānaṃ ñāṇasampayuttānaṃ upapattikkhaṇe cuddasindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ , manindriyaṃ, itthindriyaṃ vā purisindriyaṃ vā, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. Kāmadhātuyā upapattikkhaṇe etesaṃ imāni cuddasindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ತೇರಸಿನ್ದ್ರಿಯಾನಿ ಪಾತುಭವನ್ತಿ? ಕಾಮಾವಚರಾನಂ ದೇವಾನಂ ಸಹೇತುಕಾನಂ ಞಾಣವಿಪ್ಪಯುತ್ತಾನಂ ಉಪಪತ್ತಿಕ್ಖಣೇ ತೇರಸಿನ್ದ್ರಿಯಾನಿ ಪಾತುಭವನ್ತಿ – ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ ವಾ ಉಪೇಕ್ಖಿನ್ದ್ರಿಯಂ ವಾ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ತೇರಸಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa terasindriyāni pātubhavanti? Kāmāvacarānaṃ devānaṃ sahetukānaṃ ñāṇavippayuttānaṃ upapattikkhaṇe terasindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ. Kāmadhātuyā upapattikkhaṇe etesaṃ imāni terasindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಅಪರಾನಿ ತೇರಸಿನ್ದ್ರಿಯಾನಿ ಪಾತುಭವನ್ತಿ? ಪಠಮಕಪ್ಪಿಕಾನಂ ಮನುಸ್ಸಾನಂ ಸಹೇತುಕಾನಂ ಞಾಣಸಮ್ಪಯುತ್ತಾನಂ ಉಪಪತ್ತಿಕ್ಖಣೇ ತೇರಸಿನ್ದ್ರಿಯಾನಿ ಪಾತುಭವನ್ತಿ – ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ ವಾ ಉಪೇಕ್ಖಿನ್ದ್ರಿಯಂ ವಾ, ಸದ್ಧಿನ್ದ್ರಿಯಂ , ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ತೇರಸಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa aparāni terasindriyāni pātubhavanti? Paṭhamakappikānaṃ manussānaṃ sahetukānaṃ ñāṇasampayuttānaṃ upapattikkhaṇe terasindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, jīvitindriyaṃ, somanassindriyaṃ vā upekkhindriyaṃ vā, saddhindriyaṃ , vīriyindriyaṃ, satindriyaṃ, samādhindriyaṃ, paññindriyaṃ. Kāmadhātuyā upapattikkhaṇe etesaṃ imāni terasindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ದ್ವಾದಸಿನ್ದ್ರಿಯಾನಿ ಪಾತುಭವನ್ತಿ? ಪಠಮಕಪ್ಪಿಕಾನಂ ಮನುಸ್ಸಾನಂ ಸಹೇತುಕಾನಂ ಞಾಣವಿಪ್ಪಯುತ್ತಾನಂ ಉಪಪತ್ತಿಕ್ಖಣೇ ದ್ವಾದಸಿನ್ದ್ರಿಯಾನಿ ಪಾತುಭವನ್ತಿ – ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ ವಾ ಉಪೇಕ್ಖಿನ್ದ್ರಿಯಂ ವಾ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ದ್ವಾದಸಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa dvādasindriyāni pātubhavanti? Paṭhamakappikānaṃ manussānaṃ sahetukānaṃ ñāṇavippayuttānaṃ upapattikkhaṇe dvādasindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ. Kāmadhātuyā upapattikkhaṇe etesaṃ imāni dvādasindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ದಸಿನ್ದ್ರಿಯಾನಿ ಪಾತುಭವನ್ತಿ? ಗಬ್ಭಸೇಯ್ಯಕಾನಂ ಸತ್ತಾನಂ ಸಹೇತುಕಾನಂ ಞಾಣಸಮ್ಪಯುತ್ತಾನಂ ಉಪಪತ್ತಿಕ್ಖಣೇ ದಸಿನ್ದ್ರಿಯಾನಿ ಪಾತುಭವನ್ತಿ – ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ ವಾ ಉಪೇಕ್ಖಿನ್ದ್ರಿಯಂ ವಾ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ದಸಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa dasindriyāni pātubhavanti? Gabbhaseyyakānaṃ sattānaṃ sahetukānaṃ ñāṇasampayuttānaṃ upapattikkhaṇe dasindriyāni pātubhavanti – kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. Kāmadhātuyā upapattikkhaṇe etesaṃ imāni dasindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ನವಿನ್ದ್ರಿಯಾನಿ ಪಾತುಭವನ್ತಿ? ಗಬ್ಭಸೇಯ್ಯಕಾನಂ ಸತ್ತಾನಂ ಸಹೇತುಕಾನಂ ಞಾಣವಿಪ್ಪಯುತ್ತಾನಂ ಉಪಪತ್ತಿಕ್ಖಣೇ ನವಿನ್ದ್ರಿಯಾನಿ ಪಾತುಭವನ್ತಿ – ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ ವಾ ಉಪೇಕ್ಖಿನ್ದ್ರಿಯಂ ವಾ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ನವಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa navindriyāni pātubhavanti? Gabbhaseyyakānaṃ sattānaṃ sahetukānaṃ ñāṇavippayuttānaṃ upapattikkhaṇe navindriyāni pātubhavanti – kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ, satindriyaṃ, samādhindriyaṃ. Kāmadhātuyā upapattikkhaṇe etesaṃ imāni navindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಅಪರಾನಿ ನವಿನ್ದ್ರಿಯಾನಿ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ ಪರಿಪುಣ್ಣಾಯತನಾನಂ ಉಪಪತ್ತಿಕ್ಖಣೇ ನವಿನ್ದ್ರಿಯಾನಿ ಪಾತುಭವನ್ತಿ – ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ , ಉಪೇಕ್ಖಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ನವಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa aparāni navindriyāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ paripuṇṇāyatanānaṃ upapattikkhaṇe navindriyāni pātubhavanti – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ , upekkhindriyaṃ. Kāmadhātuyā upapattikkhaṇe etesaṃ imāni navindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ, ಜಚ್ಚನ್ಧಾನಂ ಉಪಪತ್ತಿಕ್ಖಣೇ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ – ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa aṭṭhindriyāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhānaṃ upapattikkhaṇe aṭṭhindriyāni pātubhavanti – sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, upekkhindriyaṃ. Kāmadhātuyā upapattikkhaṇe etesaṃ imāni aṭṭhindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಅಪರಾನಿ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ, ಜಚ್ಚಬಧಿರಾನಂ ಉಪಪತ್ತಿಕ್ಖಣೇ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ – ಚಕ್ಖುನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa aparāni aṭṭhindriyāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccabadhirānaṃ upapattikkhaṇe aṭṭhindriyāni pātubhavanti – cakkhundriyaṃ, ghānindriyaṃ, jivhindriyaṃ, kāyindriyaṃ manindriyaṃ, itthindriyaṃ vā purisindriyaṃ vā, jīvitindriyaṃ, upekkhindriyaṃ. Kāmadhātuyā upapattikkhaṇe etesaṃ imāni aṭṭhindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಸತ್ತಿನ್ದ್ರಿಯಾನಿ ಪಾತುಭವನ್ತಿ? ಓಪಪಾತಿಕಾನಂ ಪೇತಾನಂ, ಓಪಪಾತಿಕಾನಂ ಅಸುರಾನಂ, ಓಪಪಾತಿಕಾನಂ ತಿರಚ್ಛಾನಗತಾನಂ ನೇರಯಿಕಾನಂ, ಜಚ್ಚನ್ಧಬಧಿರಾನಂ ಉಪಪತ್ತಿಕ್ಖಣೇ ಸತ್ತಿನ್ದ್ರಿಯಾನಿ ಪಾತುಭವನ್ತಿ – ಘಾನಿನ್ದ್ರಿಯಂ , ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ಸತ್ತಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa sattindriyāni pātubhavanti? Opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ nerayikānaṃ, jaccandhabadhirānaṃ upapattikkhaṇe sattindriyāni pātubhavanti – ghānindriyaṃ , jivhindriyaṃ, kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, upekkhindriyaṃ. Kāmadhātuyā upapattikkhaṇe etesaṃ imāni sattindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಪಞ್ಚಿನ್ದ್ರಿಯಾನಿ ಪಾತುಭವನ್ತಿ? ಗಬ್ಭಸೇಯ್ಯಕಾನಂ ಸತ್ತಾನಂ ಅಹೇತುಕಾನಂ, ಠಪೇತ್ವಾ ನಪುಂಸಕಾನಂ, ಉಪಪತ್ತಿಕ್ಖಣೇ ಪಞ್ಚಿನ್ದ್ರಿಯಾನಿ ಪಾತುಭವನ್ತಿ – ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಇತ್ಥಿನ್ದ್ರಿಯಂ ವಾ ಪುರಿಸಿನ್ದ್ರಿಯಂ ವಾ, ಜೀವಿತಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ಪಞ್ಚಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa pañcindriyāni pātubhavanti? Gabbhaseyyakānaṃ sattānaṃ ahetukānaṃ, ṭhapetvā napuṃsakānaṃ, upapattikkhaṇe pañcindriyāni pātubhavanti – kāyindriyaṃ, manindriyaṃ, itthindriyaṃ vā purisindriyaṃ vā, jīvitindriyaṃ, upekkhindriyaṃ. Kāmadhātuyā upapattikkhaṇe etesaṃ imāni pañcindriyāni pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ಚತ್ತಾರಿನ್ದ್ರಿಯಾನಿ ಪಾತುಭವನ್ತಿ? ಗಬ್ಭಸೇಯ್ಯಕಾನಂ ಸತ್ತಾನಂ ಅಹೇತುಕಾನಂ, ನಪುಂಸಕಾನಂ ಉಪಪತ್ತಿಕ್ಖಣೇ ಚತ್ತಾರಿನ್ದ್ರಿಯಾನಿ ಪಾತುಭವನ್ತಿ – ಕಾಯಿನ್ದ್ರಿಯಂ, ಮನಿನ್ದ್ರಿಯಂ, ಜೀವಿತಿನ್ದ್ರಿಯಂ , ಉಪೇಕ್ಖಿನ್ದ್ರಿಯಂ। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮಾನಿ ಚತ್ತಾರಿನ್ದ್ರಿಯಾನಿ ಪಾತುಭವನ್ತಿ।

Kāmadhātuyā upapattikkhaṇe kassa cattārindriyāni pātubhavanti? Gabbhaseyyakānaṃ sattānaṃ ahetukānaṃ, napuṃsakānaṃ upapattikkhaṇe cattārindriyāni pātubhavanti – kāyindriyaṃ, manindriyaṃ, jīvitindriyaṃ , upekkhindriyaṃ. Kāmadhātuyā upapattikkhaṇe etesaṃ imāni cattārindriyāni pātubhavanti.

೧೦೧೩. ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ತಯೋ ಹೇತೂ ಪಾತುಭವನ್ತಿ? ಕಾಮಾವಚರಾನಂ ದೇವಾನಂ, ಪಠಮಕಪ್ಪಿಕಾನಂ ಮನುಸ್ಸಾನಂ, ಗಬ್ಭಸೇಯ್ಯಕಾನಂ ಸತ್ತಾನಂ ಸಹೇತುಕಾನಂ ಞಾಣಸಮ್ಪಯುತ್ತಾನಂ ಉಪಪತ್ತಿಕ್ಖಣೇ ತಯೋ ಹೇತೂ ಪಾತುಭವನ್ತಿ – ಅಲೋಭೋ ವಿಪಾಕಹೇತು, ಅದೋಸೋ ವಿಪಾಕಹೇತು, ಅಮೋಹೋ ವಿಪಾಕಹೇತು। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮೇ ತಯೋ ಹೇತೂ ಪಾತುಭವನ್ತಿ।

1013. Kāmadhātuyā upapattikkhaṇe kassa tayo hetū pātubhavanti? Kāmāvacarānaṃ devānaṃ, paṭhamakappikānaṃ manussānaṃ, gabbhaseyyakānaṃ sattānaṃ sahetukānaṃ ñāṇasampayuttānaṃ upapattikkhaṇe tayo hetū pātubhavanti – alobho vipākahetu, adoso vipākahetu, amoho vipākahetu. Kāmadhātuyā upapattikkhaṇe etesaṃ ime tayo hetū pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಕಸ್ಸ ದ್ವೇ ಹೇತೂ ಪಾತುಭವನ್ತಿ? ಕಾಮಾವಚರಾನಂ ದೇವಾನಂ, ಪಠಮಕಪ್ಪಿಕಾನಂ ಮನುಸ್ಸಾನಂ, ಗಬ್ಭಸೇಯ್ಯಕಾನಂ ಸತ್ತಾನಂ ಸಹೇತುಕಾನಂ ಞಾಣವಿಪ್ಪಯುತ್ತಾನಂ ಉಪಪತ್ತಿಕ್ಖಣೇ ದ್ವೇ ಹೇತೂ ಪಾತುಭವನ್ತಿ – ಅಲೋಭೋ ವಿಪಾಕಹೇತು, ಅದೋಸೋ ವಿಪಾಕಹೇತು। ಕಾಮಧಾತುಯಾ ಉಪಪತ್ತಿಕ್ಖಣೇ ಏತೇಸಂ ಇಮೇ ದ್ವೇ ಹೇತೂ ಪಾತುಭವನ್ತಿ। ಅವಸೇಸಾನಂ ಸತ್ತಾನಂ ⁵ ಅಹೇತುಕಾ ಪಾತುಭವನ್ತಿ।

Kāmadhātuyā upapattikkhaṇe kassa dve hetū pātubhavanti? Kāmāvacarānaṃ devānaṃ, paṭhamakappikānaṃ manussānaṃ, gabbhaseyyakānaṃ sattānaṃ sahetukānaṃ ñāṇavippayuttānaṃ upapattikkhaṇe dve hetū pātubhavanti – alobho vipākahetu, adoso vipākahetu. Kāmadhātuyā upapattikkhaṇe etesaṃ ime dve hetū pātubhavanti. Avasesānaṃ sattānaṃ ⁶ ahetukā pātubhavanti.

೧೦೧೪. ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಕತಮೇ ಚತ್ತಾರೋ ಆಹಾರಾ ಪಾತುಭವನ್ತಿ। ಕಬಳೀಕಾರೋ ಆಹಾರೋ, ಫಸ್ಸಾಹಾರೋ, ಮನೋಸಞ್ಚೇತನಾಹಾರೋ, ವಿಞ್ಞಾಣಾಹಾರೋ – ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಇಮೇ ಚತ್ತಾರೋ ಆಹಾರಾ ಪಾತುಭವನ್ತಿ।

1014. Kāmadhātuyā upapattikkhaṇe sabbesaṃ katame cattāro āhārā pātubhavanti. Kabaḷīkāro āhāro, phassāhāro, manosañcetanāhāro, viññāṇāhāro – kāmadhātuyā upapattikkhaṇe sabbesaṃ ime cattāro āhārā pātubhavanti.

ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಕತಮೋ ಏಕೋ ಫಸ್ಸೋ ಪಾತುಭವತಿ? ಮನೋವಿಞ್ಞಾಣಧಾತುಸಮ್ಫಸ್ಸೋ – ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಅಯಂ ಏಕೋ ಫಸ್ಸೋ ಪಾತುಭವತಿ।

Kāmadhātuyā upapattikkhaṇe sabbesaṃ katamo eko phasso pātubhavati? Manoviññāṇadhātusamphasso – kāmadhātuyā upapattikkhaṇe sabbesaṃ ayaṃ eko phasso pātubhavati.

ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಕತಮಾ ಏಕಾ ವೇದನಾ … ಏಕಾ ಸಞ್ಞಾ… ಏಕಾ ಚೇತನಾ… ಏಕಂ ಚಿತ್ತಂ ಪಾತುಭವತಿ? ಮನೋವಿಞ್ಞಾಣಧಾತು – ಕಾಮಧಾತುಯಾ ಉಪಪತ್ತಿಕ್ಖಣೇ ಸಬ್ಬೇಸಂ ಇದಂ ಏಕಂ ಚಿತ್ತಂ ಪಾತುಭವತಿ।

Kāmadhātuyā upapattikkhaṇe sabbesaṃ katamā ekā vedanā … ekā saññā… ekā cetanā… ekaṃ cittaṃ pātubhavati? Manoviññāṇadhātu – kāmadhātuyā upapattikkhaṇe sabbesaṃ idaṃ ekaṃ cittaṃ pātubhavati.

೨. ರೂಪಧಾತು

2. Rūpadhātu

೧೦೧೫. ರೂಪಧಾತುಯಾ ಉಪಪತ್ತಿಕ್ಖಣೇ ಕತಿ ಖನ್ಧಾ ಪಾತುಭವನ್ತಿ…ಪೇ॰… ಕತಿ ಚಿತ್ತಾನಿ ಪಾತುಭವನ್ತಿ?

1015. Rūpadhātuyā upapattikkhaṇe kati khandhā pātubhavanti…pe… kati cittāni pātubhavanti?

ರೂಪಧಾತುಯಾ ಉಪಪತ್ತಿಕ್ಖಣೇ, ಠಪೇತ್ವಾ ಅಸಞ್ಞಸತ್ತಾನಂ ದೇವಾನಂ, ಪಞ್ಚಕ್ಖನ್ಧಾ ಪಾತುಭವನ್ತಿ, ಪಞ್ಚಾಯತನಾನಿ ಪಾತುಭವನ್ತಿ, ಪಞ್ಚ ಧಾತುಯೋ ಪಾತುಭವನ್ತಿ, ಏಕಂ ಸಚ್ಚಂ ಪಾತುಭವತಿ, ದಸಿನ್ದ್ರಿಯಾನಿ ಪಾತುಭವನ್ತಿ, ತಯೋ ಹೇತೂ ಪಾತುಭವನ್ತಿ, ತಯೋ ಆಹಾರಾ ಪಾತುಭವನ್ತಿ, ಏಕೋ ಫಸ್ಸೋ ಪಾತುಭವತಿ, ಏಕಾ ವೇದನಾ… ಏಕಾ ಸಞ್ಞಾ… ಏಕಾ ಚೇತನಾ… ಏಕಂ ಚಿತ್ತಂ ಪಾತುಭವತಿ।

Rūpadhātuyā upapattikkhaṇe, ṭhapetvā asaññasattānaṃ devānaṃ, pañcakkhandhā pātubhavanti, pañcāyatanāni pātubhavanti, pañca dhātuyo pātubhavanti, ekaṃ saccaṃ pātubhavati, dasindriyāni pātubhavanti, tayo hetū pātubhavanti, tayo āhārā pātubhavanti, eko phasso pātubhavati, ekā vedanā… ekā saññā… ekā cetanā… ekaṃ cittaṃ pātubhavati.

೧೦೧೬. ರೂಪಧಾತುಯಾ ಉಪಪತ್ತಿಕ್ಖಣೇ ಕತಮೇ ಪಞ್ಚಕ್ಖನ್ಧಾ ಪಾತುಭವನ್ತಿ ? ರೂಪಕ್ಖನ್ಧೋ, ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ – ರೂಪಧಾತುಯಾ ಉಪಪತ್ತಿಕ್ಖಣೇ ಇಮೇ ಪಞ್ಚಕ್ಖನ್ಧಾ ಪಾತುಭವನ್ತಿ।

1016. Rūpadhātuyā upapattikkhaṇe katame pañcakkhandhā pātubhavanti ? Rūpakkhandho, vedanākkhandho, saññākkhandho, saṅkhārakkhandho, viññāṇakkhandho – rūpadhātuyā upapattikkhaṇe ime pañcakkhandhā pātubhavanti.

ರೂಪಧಾತುಯಾ ಉಪಪತ್ತಿಕ್ಖಣೇ ಕತಮಾನಿ ಪಞ್ಚಾಯತನಾನಿ ಪಾತುಭವನ್ತಿ? ಚಕ್ಖಾಯತನಂ, ರೂಪಾಯತನಂ, ಸೋತಾಯತನಂ, ಮನಾಯತನಂ, ಧಮ್ಮಾಯತನಂ – ರೂಪಧಾತುಯಾ ಉಪಪತ್ತಿಕ್ಖಣೇ ಇಮಾನಿ ಪಞ್ಚಾಯತನಾನಿ ಪಾತುಭವನ್ತಿ।

Rūpadhātuyā upapattikkhaṇe katamāni pañcāyatanāni pātubhavanti? Cakkhāyatanaṃ, rūpāyatanaṃ, sotāyatanaṃ, manāyatanaṃ, dhammāyatanaṃ – rūpadhātuyā upapattikkhaṇe imāni pañcāyatanāni pātubhavanti.

ರೂಪಧಾತುಯಾ ಉಪಪತ್ತಿಕ್ಖಣೇ ಕತಮಾ ಪಞ್ಚ ಧಾತುಯೋ ಪಾತುಭವನ್ತಿ? ಚಕ್ಖುಧಾತು, ರೂಪಧಾತು, ಸೋತಧಾತು, ಮನೋವಿಞ್ಞಾಣಧಾತು, ಧಮ್ಮಧಾತು – ರೂಪಧಾತುಯಾ ಉಪಪತ್ತಿಕ್ಖಣೇ ಇಮಾ ಪಞ್ಚ ಧಾತುಯೋ ಪಾತುಭವನ್ತಿ।

Rūpadhātuyā upapattikkhaṇe katamā pañca dhātuyo pātubhavanti? Cakkhudhātu, rūpadhātu, sotadhātu, manoviññāṇadhātu, dhammadhātu – rūpadhātuyā upapattikkhaṇe imā pañca dhātuyo pātubhavanti.

ರೂಪಧಾತುಯಾ ಉಪಪತ್ತಿಕ್ಖಣೇ ಕತಮಂ ಏಕಂ ಸಚ್ಚಂ ಪಾತುಭವತಿ? ದುಕ್ಖಸಚ್ಚಂ – ರೂಪಧಾತುಯಾ ಉಪಪತ್ತಿಕ್ಖಣೇ ಇದಂ ಏಕಂ ಸಚ್ಚಂ ಪಾತುಭವತಿ।

Rūpadhātuyā upapattikkhaṇe katamaṃ ekaṃ saccaṃ pātubhavati? Dukkhasaccaṃ – rūpadhātuyā upapattikkhaṇe idaṃ ekaṃ saccaṃ pātubhavati.

ರೂಪಧಾತುಯಾ ಉಪಪತ್ತಿಕ್ಖಣೇ ಕತಮಾನಿ ದಸಿನ್ದ್ರಿಯಾನಿ ಪಾತುಭವನ್ತಿ? ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಮನಿನ್ದ್ರಿಯಂ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ ವಾ ಉಪೇಕ್ಖಿನ್ದ್ರಿಯಂ ವಾ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ , ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ – ರೂಪಧಾತುಯಾ ಉಪಪತ್ತಿಕ್ಖಣೇ ಇಮಾನಿ ದಸಿನ್ದ್ರಿಯಾನಿ ಪಾತುಭವನ್ತಿ।

Rūpadhātuyā upapattikkhaṇe katamāni dasindriyāni pātubhavanti? Cakkhundriyaṃ, sotindriyaṃ, manindriyaṃ, jīvitindriyaṃ, somanassindriyaṃ vā upekkhindriyaṃ vā, saddhindriyaṃ, vīriyindriyaṃ , satindriyaṃ, samādhindriyaṃ, paññindriyaṃ – rūpadhātuyā upapattikkhaṇe imāni dasindriyāni pātubhavanti.

ರೂಪಧಾತುಯಾ ಉಪಪತ್ತಿಕ್ಖಣೇ ಕತಮೇ ತಯೋ ಹೇತೂ ಪಾತುಭವನ್ತಿ? ಅಲೋಭೋ ವಿಪಾಕಹೇತು, ಅದೋಸೋ ವಿಪಾಕಹೇತು, ಅಮೋಹೋ ವಿಪಾಕಹೇತು – ರೂಪಧಾತುಯಾ ಉಪಪತ್ತಿಕ್ಖಣೇ ಇಮೇ ತಯೋ ಹೇತೂ ಪಾತುಭವನ್ತಿ।

Rūpadhātuyā upapattikkhaṇe katame tayo hetū pātubhavanti? Alobho vipākahetu, adoso vipākahetu, amoho vipākahetu – rūpadhātuyā upapattikkhaṇe ime tayo hetū pātubhavanti.

ರೂಪಧಾತುಯಾ ಉಪಪತ್ತಿಕ್ಖಣೇ ಕತಮೇ ತಯೋ ಆಹಾರಾ ಪಾತುಭವನ್ತಿ? ಫಸ್ಸಾಹಾರೋ, ಮನೋಸಞ್ಚೇತನಾಹಾರೋ, ವಿಞ್ಞಾಣಾಹಾರೋ – ರೂಪಧಾತುಯಾ ಉಪಪತ್ತಿಕ್ಖಣೇ ಇಮೇ ತಯೋ ಆಹಾರಾ ಪಾತುಭವನ್ತಿ।

Rūpadhātuyā upapattikkhaṇe katame tayo āhārā pātubhavanti? Phassāhāro, manosañcetanāhāro, viññāṇāhāro – rūpadhātuyā upapattikkhaṇe ime tayo āhārā pātubhavanti.

ರೂಪಧಾತುಯಾ ಉಪಪತ್ತಿಕ್ಖಣೇ ಕತಮೋ ಏಕೋ ಫಸ್ಸೋ ಪಾತುಭವತಿ? ಮನೋವಿಞ್ಞಾಣಧಾತುಸಮ್ಫಸ್ಸೋ – ರೂಪಧಾತುಯಾ ಉಪಪತ್ತಿಕ್ಖಣೇ ಅಯಂ ಏಕೋ ಫಸ್ಸೋ ಪಾತುಭವತಿ।

Rūpadhātuyā upapattikkhaṇe katamo eko phasso pātubhavati? Manoviññāṇadhātusamphasso – rūpadhātuyā upapattikkhaṇe ayaṃ eko phasso pātubhavati.

ರೂಪಧಾತುಯಾ ಉಪಪತ್ತಿಕ್ಖಣೇ ಕತಮಾ ಏಕಾ ವೇದನಾ… ಏಕಾ ಸಞ್ಞಾ… ಏಕಾ ಚೇತನಾ… ಏಕಂ ಚಿತ್ತಂ ಪಾತುಭವತಿ? ಮನೋವಿಞ್ಞಾಣಧಾತು – ರೂಪಧಾತುಯಾ ಉಪಪತ್ತಿಕ್ಖಣೇ ಇದಂ ಏಕಂ ಚಿತ್ತಂ ಪಾತುಭವತಿ।

Rūpadhātuyā upapattikkhaṇe katamā ekā vedanā… ekā saññā… ekā cetanā… ekaṃ cittaṃ pātubhavati? Manoviññāṇadhātu – rūpadhātuyā upapattikkhaṇe idaṃ ekaṃ cittaṃ pātubhavati.

೩. ಅಸಞ್ಞಸತ್ತಾ

3. Asaññasattā

೧೦೧೭. ಅಸಞ್ಞಸತ್ತಾನಂ ದೇವಾನಂ ಉಪಪತ್ತಿಕ್ಖಣೇ ಕತಿ ಖನ್ಧಾ ಪಾತುಭವನ್ತಿ…ಪೇ॰… ಕತಿ ಚಿತ್ತಾನಿ ಪಾತುಭವನ್ತಿ?

1017. Asaññasattānaṃ devānaṃ upapattikkhaṇe kati khandhā pātubhavanti…pe… kati cittāni pātubhavanti?

ಅಸಞ್ಞಸತ್ತಾನಂ ದೇವಾನಂ ಉಪಪತ್ತಿಕ್ಖಣೇ ಏಕೋ ಖನ್ಧೋ ಪಾತುಭವತಿ – ರೂಪಕ್ಖನ್ಧೋ; ದ್ವೇ ಆಯತನಾನಿ ಪಾತುಭವನ್ತಿ – ರೂಪಾಯತನಂ, ಧಮ್ಮಾಯತನಂ; ದ್ವೇ ಧಾತುಯೋ ಪಾತುಭವನ್ತಿ – ರೂಪಧಾತು, ಧಮ್ಮಧಾತು; ಏಕಂ ಸಚ್ಚಂ ಪಾತುಭವತಿ – ದುಕ್ಖಸಚ್ಚಂ; ಏಕಿನ್ದ್ರಿಯಂ ಪಾತುಭವತಿ – ರೂಪಜೀವಿತಿನ್ದ್ರಿಯಂ। ಅಸಞ್ಞಸತ್ತಾ ದೇವಾ ಅಹೇತುಕಾ ಅನಾಹಾರಾ ಅಫಸ್ಸಕಾ ಅವೇದನಕಾ ಅಸಞ್ಞಕಾ ಅಚೇತನಕಾ ಅಚಿತ್ತಕಾ ಪಾತುಭವನ್ತಿ।

Asaññasattānaṃ devānaṃ upapattikkhaṇe eko khandho pātubhavati – rūpakkhandho; dve āyatanāni pātubhavanti – rūpāyatanaṃ, dhammāyatanaṃ; dve dhātuyo pātubhavanti – rūpadhātu, dhammadhātu; ekaṃ saccaṃ pātubhavati – dukkhasaccaṃ; ekindriyaṃ pātubhavati – rūpajīvitindriyaṃ. Asaññasattā devā ahetukā anāhārā aphassakā avedanakā asaññakā acetanakā acittakā pātubhavanti.

೪. ಅರೂಪಧಾತು

4. Arūpadhātu

೧೦೧೮. ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಿ ಖನ್ಧಾ ಪಾತುಭವನ್ತಿ…ಪೇ॰… ಕತಿ ಚಿತ್ತಾನಿ ಪಾತುಭವನ್ತಿ?

1018. Arūpadhātuyā upapattikkhaṇe kati khandhā pātubhavanti…pe… kati cittāni pātubhavanti?

ಅರೂಪಧಾತುಯಾ ಉಪಪತ್ತಿಕ್ಖಣೇ ಚತ್ತಾರೋ ಖನ್ಧಾ ಪಾತುಭವನ್ತಿ, ದ್ವೇ ಆಯತನಾನಿ ಪಾತುಭವನ್ತಿ, ದ್ವೇ ಧಾತುಯೋ ಪಾತುಭವನ್ತಿ, ಏಕಂ ಸಚ್ಚಂ ಪಾತುಭವತಿ, ಅಟ್ಠಿನ್ದ್ರಿಯಾನಿ ಪಾತುಭವನ್ತಿ, ತಯೋ ಹೇತೂ ಪಾತುಭವನ್ತಿ, ತಯೋ ಆಹಾರಾ ಪಾತುಭವನ್ತಿ, ಏಕೋ ಫಸ್ಸೋ ಪಾತುಭವತಿ, ಏಕಾ ವೇದನಾ… ಏಕಾ ಸಞ್ಞಾ… ಏಕಾ ಚೇತನಾ… ಏಕಂ ಚಿತ್ತಂ ಪಾತುಭವತಿ।

Arūpadhātuyā upapattikkhaṇe cattāro khandhā pātubhavanti, dve āyatanāni pātubhavanti, dve dhātuyo pātubhavanti, ekaṃ saccaṃ pātubhavati, aṭṭhindriyāni pātubhavanti, tayo hetū pātubhavanti, tayo āhārā pātubhavanti, eko phasso pātubhavati, ekā vedanā… ekā saññā… ekā cetanā… ekaṃ cittaṃ pātubhavati.

೧೦೧೯. ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮೇ ಚತ್ತಾರೋ ಖನ್ಧಾ ಪಾತುಭವನ್ತಿ? ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ – ಅರೂಪಧಾತುಯಾ ಉಪಪತ್ತಿಕ್ಖಣೇ ಇಮೇ ಚತ್ತಾರೋ ಖನ್ಧಾ ಪಾತುಭವನ್ತಿ।

1019. Arūpadhātuyā upapattikkhaṇe katame cattāro khandhā pātubhavanti? Vedanākkhandho, saññākkhandho, saṅkhārakkhandho, viññāṇakkhandho – arūpadhātuyā upapattikkhaṇe ime cattāro khandhā pātubhavanti.

ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮಾನಿ ದ್ವೇ ಆಯತನಾನಿ ಪಾತುಭವನ್ತಿ? ಮನಾಯತನಂ, ಧಮ್ಮಾಯತನಂ – ಅರೂಪಧಾತುಯಾ ಉಪಪತ್ತಿಕ್ಖಣೇ ಇಮಾನಿ ದ್ವೇ ಆಯತನಾನಿ ಪಾತುಭವನ್ತಿ।

Arūpadhātuyā upapattikkhaṇe katamāni dve āyatanāni pātubhavanti? Manāyatanaṃ, dhammāyatanaṃ – arūpadhātuyā upapattikkhaṇe imāni dve āyatanāni pātubhavanti.

ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮಾ ದ್ವೇ ಧಾತುಯೋ ಪಾತುಭವನ್ತಿ? ಮನೋವಿಞ್ಞಾಣಧಾತು, ಧಮ್ಮಧಾತು – ಅರೂಪಧಾತುಯಾ ಉಪಪತ್ತಿಕ್ಖಣೇ ಇಮಾ ದ್ವೇ ಧಾತುಯೋ ಪಾತುಭವನ್ತಿ।

Arūpadhātuyā upapattikkhaṇe katamā dve dhātuyo pātubhavanti? Manoviññāṇadhātu, dhammadhātu – arūpadhātuyā upapattikkhaṇe imā dve dhātuyo pātubhavanti.

ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮಂ ಏಕಂ ಸಚ್ಚಂ ಪಾತುಭವತಿ? ದುಕ್ಖಸಚ್ಚಂ – ಅರೂಪಧಾತುಯಾ ಉಪಪತ್ತಿಕ್ಖಣೇ ಇದಂ ಏಕಂ ಸಚ್ಚಂ ಪಾತುಭವತಿ।

Arūpadhātuyā upapattikkhaṇe katamaṃ ekaṃ saccaṃ pātubhavati? Dukkhasaccaṃ – arūpadhātuyā upapattikkhaṇe idaṃ ekaṃ saccaṃ pātubhavati.

ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮಾನಿ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ? ಮನಿನ್ದ್ರಿಯಂ, ಜೀವಿತಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ – ಅರೂಪಧಾತುಯಾ ಉಪಪತ್ತಿಕ್ಖಣೇ ಇಮಾನಿ ಅಟ್ಠಿನ್ದ್ರಿಯಾನಿ ಪಾತುಭವನ್ತಿ।

Arūpadhātuyā upapattikkhaṇe katamāni aṭṭhindriyāni pātubhavanti? Manindriyaṃ, jīvitindriyaṃ, upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – arūpadhātuyā upapattikkhaṇe imāni aṭṭhindriyāni pātubhavanti.

ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮೇ ತಯೋ ಹೇತೂ ಪಾತುಭವನ್ತಿ? ಅಲೋಭೋ ವಿಪಾಕಹೇತು, ಅದೋಸೋ ವಿಪಾಕಹೇತು, ಅಮೋಹೋ ವಿಪಾಕಹೇತು – ಅರೂಪಧಾತುಯಾ ಉಪಪತ್ತಿಕ್ಖಣೇ ಇಮೇ ತಯೋ ಹೇತೂ ಪಾತುಭವನ್ತಿ।

Arūpadhātuyā upapattikkhaṇe katame tayo hetū pātubhavanti? Alobho vipākahetu, adoso vipākahetu, amoho vipākahetu – arūpadhātuyā upapattikkhaṇe ime tayo hetū pātubhavanti.

ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮೇ ತಯೋ ಆಹಾರಾ ಪಾತುಭವನ್ತಿ? ಫಸ್ಸಾಹಾರೋ, ಮನೋಸಞ್ಚೇತನಾಹಾರೋ, ವಿಞ್ಞಾಣಾಹಾರೋ – ಅರೂಪಧಾತುಯಾ ಉಪಪತ್ತಿಕ್ಖಣೇ ಇಮೇ ತಯೋ ಆಹಾರಾ ಪಾತುಭವನ್ತಿ।

Arūpadhātuyā upapattikkhaṇe katame tayo āhārā pātubhavanti? Phassāhāro, manosañcetanāhāro, viññāṇāhāro – arūpadhātuyā upapattikkhaṇe ime tayo āhārā pātubhavanti.

ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮೋ ಏಕೋ ಫಸ್ಸೋ ಪಾತುಭವತಿ? ಮನೋವಿಞ್ಞಾಣಧಾತುಸಮ್ಫಸ್ಸೋ – ಅರೂಪಧಾತುಯಾ ಉಪಪತ್ತಿಕ್ಖಣೇ ಅಯಂ ಏಕೋ ಫಸ್ಸೋ ಪಾತುಭವತಿ।

Arūpadhātuyā upapattikkhaṇe katamo eko phasso pātubhavati? Manoviññāṇadhātusamphasso – arūpadhātuyā upapattikkhaṇe ayaṃ eko phasso pātubhavati.

ಅರೂಪಧಾತುಯಾ ಉಪಪತ್ತಿಕ್ಖಣೇ ಕತಮಾ ಏಕಾ ವೇದನಾ…ಪೇ॰… ಏಕಾ ಸಞ್ಞಾ… ಏಕಾ ಚೇತನಾ… ಏಕಂ ಚಿತ್ತಂ ಪಾತುಭವತಿ? ಮನೋವಿಞ್ಞಾಣಧಾತು – ಅರೂಪಧಾತುಯಾ ಉಪಪತ್ತಿಕ್ಖಣೇ ಇದಂ ಏಕಂ ಚಿತ್ತಂ ಪಾತುಭವತಿ।

Arūpadhātuyā upapattikkhaṇe katamā ekā vedanā…pe… ekā saññā… ekā cetanā… ekaṃ cittaṃ pātubhavati? Manoviññāṇadhātu – arūpadhātuyā upapattikkhaṇe idaṃ ekaṃ cittaṃ pātubhavati.

೫. ಭೂಮನ್ತರದಸ್ಸನವಾರೋ

5. Bhūmantaradassanavāro

೧೦೨೦. ಕಾಮಾವಚರಾ ಧಮ್ಮಾ, ನ ಕಾಮಾವಚರಾ ಧಮ್ಮಾ, ರೂಪಾವಚರಾ ಧಮ್ಮಾ, ನ ರೂಪಾವಚರಾ ಧಮ್ಮಾ, ಅರೂಪಾವಚರಾ ಧಮ್ಮಾ, ನ ಅರೂಪಾವಚರಾ ಧಮ್ಮಾ, ಪರಿಯಾಪನ್ನಾ ಧಮ್ಮಾ, ಅಪರಿಯಾಪನ್ನಾ ಧಮ್ಮಾ।

1020. Kāmāvacarā dhammā, na kāmāvacarā dhammā, rūpāvacarā dhammā, na rūpāvacarā dhammā, arūpāvacarā dhammā, na arūpāvacarā dhammā, pariyāpannā dhammā, apariyāpannā dhammā.

ಕತಮೇ ಧಮ್ಮಾ ಕಾಮಾವಚರಾ? ಹೇಟ್ಠತೋ ಅವೀಚಿನಿರಯಂ ಪರಿಯನ್ತಂ ಕರಿತ್ವಾ, ಉಪರಿತೋ ಪರನಿಮ್ಮಿತವಸವತ್ತೀ ದೇವೇ ಅನ್ತೋಕರಿತ್ವಾ, ಯಂ ಏತಸ್ಮಿಂ ಅನ್ತರೇ ಏತ್ಥಾವಚರಾ ಏತ್ಥ ಪರಿಯಾಪನ್ನಾ ಖನ್ಧಧಾತುಆಯತನಾ; ರೂಪಂ, ವೇದನಾ, ಸಞ್ಞಾ, ಸಙ್ಖಾರಾ, ವಿಞ್ಞಾಣಂ – ಇಮೇ ಧಮ್ಮಾ ಕಾಮಾವಚರಾ।

Katame dhammā kāmāvacarā? Heṭṭhato avīcinirayaṃ pariyantaṃ karitvā, uparito paranimmitavasavattī deve antokaritvā, yaṃ etasmiṃ antare etthāvacarā ettha pariyāpannā khandhadhātuāyatanā; rūpaṃ, vedanā, saññā, saṅkhārā, viññāṇaṃ – ime dhammā kāmāvacarā.

ಕತಮೇ ಧಮ್ಮಾ ನ ಕಾಮಾವಚರಾ? ರೂಪಾವಚರಾ, ಅರೂಪಾವಚರಾ, ಅಪರಿಯಾಪನ್ನಾ – ಇಮೇ ಧಮ್ಮಾ ನ ಕಾಮಾವಚರಾ।

Katame dhammā na kāmāvacarā? Rūpāvacarā, arūpāvacarā, apariyāpannā – ime dhammā na kāmāvacarā.

ಕತಮೇ ಧಮ್ಮಾ ರೂಪಾವಚರಾ? ಹೇಟ್ಠತೋ ಬ್ರಹ್ಮಲೋಕಂ ಪರಿಯನ್ತಂ ಕರಿತ್ವಾ, ಉಪರಿತೋ ಅಕನಿಟ್ಠೇ ದೇವೇ ಅನ್ತೋಕರಿತ್ವಾ , ಯಂ ಏತಸ್ಮಿಂ ಅನ್ತರೇ ಏತ್ಥಾವಚರಾ ಏತ್ಥ ಪರಿಯಾಪನ್ನಾ ಸಮಾಪನ್ನಸ್ಸ ವಾ ಉಪಪನ್ನಸ್ಸ ವಾ ದಿಟ್ಠಧಮ್ಮಸುಖವಿಹಾರಿಸ್ಸ ವಾ ಚಿತ್ತಚೇತಸಿಕಾ ಧಮ್ಮಾ – ಇಮೇ ಧಮ್ಮಾ ರೂಪಾವಚರಾ।

Katame dhammā rūpāvacarā? Heṭṭhato brahmalokaṃ pariyantaṃ karitvā, uparito akaniṭṭhe deve antokaritvā , yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā – ime dhammā rūpāvacarā.

ಕತಮೇ ಧಮ್ಮಾ ನ ರೂಪಾವಚರಾ? ಕಾಮಾವಚರಾ, ಅರೂಪಾವಚರಾ, ಅಪರಿಯಾಪನ್ನಾ – ಇಮೇ ಧಮ್ಮಾ ನ ರೂಪಾವಚರಾ।

Katame dhammā na rūpāvacarā? Kāmāvacarā, arūpāvacarā, apariyāpannā – ime dhammā na rūpāvacarā.

ಕತಮೇ ಧಮ್ಮಾ ಅರೂಪಾವಚರಾ? ಹೇಟ್ಠತೋ ಆಕಾಸಾನಞ್ಚಾಯತನೂಪಗೇ ದೇವೇ ಪರಿಯನ್ತಂ ಕರಿತ್ವಾ, ಉಪರಿತೋ ನೇವಸಞ್ಞಾನಾಸಞ್ಞಾಯತನೂಪಗೇ ದೇವೇ ಅನ್ತೋಕರಿತ್ವಾ, ಯಂ ಏತಸ್ಮಿಂ ಅನ್ತರೇ ಏತ್ಥಾವಚರಾ ಏತ್ಥ ಪರಿಯಾಪನ್ನಾ ಸಮಾಪನ್ನಸ್ಸ ವಾ ಉಪಪನ್ನಸ್ಸ ವಾ ದಿಟ್ಠಧಮ್ಮಸುಖವಿಹಾರಿಸ್ಸ ವಾ ಚಿತ್ತಚೇತಸಿಕಾ ಧಮ್ಮಾ – ಇಮೇ ಧಮ್ಮಾ ಅರೂಪಾವಚರಾ।

Katame dhammā arūpāvacarā? Heṭṭhato ākāsānañcāyatanūpage deve pariyantaṃ karitvā, uparito nevasaññānāsaññāyatanūpage deve antokaritvā, yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā – ime dhammā arūpāvacarā.

ಕತಮೇ ಧಮ್ಮಾ ನ ಅರೂಪಾವಚರಾ? ಕಾಮಾವಚರಾ, ರೂಪಾವಚರಾ, ಅಪರಿಯಾಪನ್ನಾ – ಇಮೇ ಧಮ್ಮಾ ನ ಅರೂಪಾವಚರಾ।

Katame dhammā na arūpāvacarā? Kāmāvacarā, rūpāvacarā, apariyāpannā – ime dhammā na arūpāvacarā.

ಕತಮೇ ಧಮ್ಮಾ ಪರಿಯಾಪನ್ನಾ? ಸಾಸವಾ ಕುಸಲಾಕುಸಲಬ್ಯಾಕತಾ ಧಮ್ಮಾ ಕಾಮಾವಚರಾ, ರೂಪಾವಚರಾ, ಅರೂಪಾವಚರಾ, ರೂಪಕ್ಖನ್ಧೋ, ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ – ಇಮೇ ಧಮ್ಮಾ ಪರಿಯಾಪನ್ನಾ।

Katame dhammā pariyāpannā? Sāsavā kusalākusalabyākatā dhammā kāmāvacarā, rūpāvacarā, arūpāvacarā, rūpakkhandho, vedanākkhandho, saññākkhandho, saṅkhārakkhandho, viññāṇakkhandho – ime dhammā pariyāpannā.

ಕತಮೇ ಧಮ್ಮಾ ಅಪರಿಯಾಪನ್ನಾ? ಮಗ್ಗಾ ಚ, ಮಗ್ಗಫಲಾನಿ ಚ, ಅಸಙ್ಖತಾ ಚ ಧಾತು – ಇಮೇ ಧಮ್ಮಾ ಅಪರಿಯಾಪನ್ನಾ।

Katame dhammā apariyāpannā? Maggā ca, maggaphalāni ca, asaṅkhatā ca dhātu – ime dhammā apariyāpannā.

೬. ಉಪ್ಪಾದಕಕಮ್ಮಆಯುಪ್ಪಮಾಣವಾರೋ

6. Uppādakakammaāyuppamāṇavāro

೧. ಉಪ್ಪಾದಕಕಮ್ಮಂ

1. Uppādakakammaṃ

೧೦೨೧. ದೇವಾತಿ । ತಯೋ ದೇವಾ – ಸಮ್ಮುತಿದೇವಾ ⁷, ಉಪಪತ್ತಿದೇವಾ, ವಿಸುದ್ಧಿದೇವಾ।

1021. Devāti . Tayo devā – sammutidevā ⁸, upapattidevā, visuddhidevā.

ಸಮ್ಮುತಿದೇವಾ ನಾಮ – ರಾಜಾನೋ, ದೇವಿಯೋ, ಕುಮಾರಾ।

Sammutidevā nāma – rājāno, deviyo, kumārā.

ಉಪಪತ್ತಿದೇವಾ ನಾಮ – ಚಾತುಮಹಾರಾಜಿಕೇ ⁹ ದೇವೇ ಉಪಾದಾಯ ತದುಪರಿ ದೇವಾ।

Upapattidevā nāma – cātumahārājike ¹⁰ deve upādāya tadupari devā.

ವಿಸುದ್ಧಿದೇವಾ ನಾಮ – ಅರಹನ್ತೋ ವುಚ್ಚನ್ತಿ।

Visuddhidevā nāma – arahanto vuccanti.

ದಾನಂ ದತ್ವಾ, ಸೀಲಂ ಸಮಾದಿಯಿತ್ವಾ, ಉಪೋಸಥಕಮ್ಮಂ ಕತ್ವಾ ಕತ್ಥ ಉಪಪಜ್ಜನ್ತಿ? ದಾನಂ ದತ್ವಾ, ಸೀಲಂ ಸಮಾದಿಯಿತ್ವಾ, ಉಪೋಸಥಕಮ್ಮಂ ಕತ್ವಾ ಅಪ್ಪೇಕಚ್ಚೇ ಖತ್ತಿಯಮಹಾಸಾಲಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಬ್ರಾಹ್ಮಣಮಹಾಸಾಲಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಗಹಪತಿಮಹಾಸಾಲಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಚಾತುಮಹಾರಾಜಿಕಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ತಾವತಿಂಸಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಯಾಮಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ತುಸಿತಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ನಿಮ್ಮಾನರತೀನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಪರನಿಮ್ಮಿತವಸವತ್ತೀನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ।

Dānaṃ datvā, sīlaṃ samādiyitvā, uposathakammaṃ katvā kattha upapajjanti? Dānaṃ datvā, sīlaṃ samādiyitvā, uposathakammaṃ katvā appekacce khattiyamahāsālānaṃ sahabyataṃ upapajjanti, appekacce brāhmaṇamahāsālānaṃ sahabyataṃ upapajjanti, appekacce gahapatimahāsālānaṃ sahabyataṃ upapajjanti, appekacce cātumahārājikānaṃ devānaṃ sahabyataṃ upapajjanti, appekacce tāvatiṃsānaṃ devānaṃ sahabyataṃ upapajjanti, appekacce yāmānaṃ devānaṃ sahabyataṃ upapajjanti, appekacce tusitānaṃ devānaṃ sahabyataṃ upapajjanti, appekacce nimmānaratīnaṃ devānaṃ sahabyataṃ upapajjanti, appekacce paranimmitavasavattīnaṃ devānaṃ sahabyataṃ upapajjanti.

೨. ಆಯುಪ್ಪಮಾಣಂ

2. Āyuppamāṇaṃ

೧೦೨೨. ಮನುಸ್ಸಾನಂ ಕಿತ್ತಕಂ ಆಯುಪ್ಪಮಾಣಂ? ವಸ್ಸಸತಂ, ಅಪ್ಪಂ ವಾ ಭಿಯ್ಯೋ ¹¹।

1022. Manussānaṃ kittakaṃ āyuppamāṇaṃ? Vassasataṃ, appaṃ vā bhiyyo ¹².

೧೦೨೩. ಚಾತುಮಹಾರಾಜಿಕಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಯಾನಿ ಮಾನುಸಕಾನಿ ಪಞ್ಞಾಸ ವಸ್ಸಾನಿ, ಚಾತುಮ್ಮಹಾರಾಜಿಕಾನಂ ದೇವಾನಂ ಏಸೋ ಏಕೋ ರತ್ತಿನ್ದಿವೋ ¹³। ತಾಯ ರತ್ತಿಯಾ ತಿಂಸ ರತ್ತಿಯೋ ಮಾಸೋ। ತೇನ ಮಾಸೇನ ದ್ವಾದಸಮಾಸಿಯೋ ಸಂವಚ್ಛರೋ। ತೇನ ಸಂವಚ್ಛರೇನ ದಿಬ್ಬಾನಿ ಪಞ್ಚ ವಸ್ಸಸತಾನಿ ಚಾತುಮ್ಮಹಾರಾಜಿಕಾನಂ ದೇವಾನಂ ಆಯುಪ್ಪಮಾಣಂ। ಮನುಸ್ಸಾನಂ ಗಣನಾಯ ಕಿತ್ತಕಂ ಹೋತಿ? ನವುತಿ ವಸ್ಸಸತಸಹಸ್ಸಾನಿ।

1023. Cātumahārājikānaṃ devānaṃ kittakaṃ āyuppamāṇaṃ? Yāni mānusakāni paññāsa vassāni, cātummahārājikānaṃ devānaṃ eso eko rattindivo ¹⁴. Tāya rattiyā tiṃsa rattiyo māso. Tena māsena dvādasamāsiyo saṃvaccharo. Tena saṃvaccharena dibbāni pañca vassasatāni cātummahārājikānaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Navuti vassasatasahassāni.

ತಾವತಿಂಸಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಯಂ ಮಾನುಸಕಂ ವಸ್ಸಸತಂ, ತಾವತಿಂಸಾನಂ ದೇವಾನಂ ಏಸೋ ಏಕೋ ರತ್ತಿನ್ದಿವೋ। ತಾಯ ರತ್ತಿಯಾ ತಿಂಸ ರತ್ತಿಯೋ ಮಾಸೋ। ತೇನ ಮಾಸೇನ ದ್ವಾದಸಮಾಸಿಯೋ ಸಂವಚ್ಛರೋ। ತೇನ ಸಂವಚ್ಛರೇನ ದಿಬ್ಬಂ ವಸ್ಸಸಹಸ್ಸಂ ತಾವತಿಂಸಾನಂ ದೇವಾನಂ ಆಯುಪ್ಪಮಾಣಂ। ಮನುಸ್ಸಾನಂ ಗಣನಾಯ ಕಿತ್ತಕಂ ಹೋತಿ? ತಿಸ್ಸೋ ಚ ವಸ್ಸಕೋಟಿಯೋ ಸಟ್ಠಿ ಚ ವಸ್ಸಸತಸಹಸ್ಸಾನಿ।

Tāvatiṃsānaṃ devānaṃ kittakaṃ āyuppamāṇaṃ? Yaṃ mānusakaṃ vassasataṃ, tāvatiṃsānaṃ devānaṃ eso eko rattindivo. Tāya rattiyā tiṃsa rattiyo māso. Tena māsena dvādasamāsiyo saṃvaccharo. Tena saṃvaccharena dibbaṃ vassasahassaṃ tāvatiṃsānaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Tisso ca vassakoṭiyo saṭṭhi ca vassasatasahassāni.

ಯಾಮಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಯಾನಿ ಮಾನುಸಕಾನಿ ದ್ವೇ ವಸ್ಸಸತಾನಿ, ಯಾಮಾನಂ ದೇವಾನಂ ಏಸೋ ಏಕೋ ರತ್ತಿನ್ದಿವೋ। ತಾಯ ರತ್ತಿಯಾ ತಿಂಸರತ್ತಿಯೋ ಮಾಸೋ । ತೇನ ಮಾಸೇನ ದ್ವಾದಸಮಾಸಿಯೋ ಸಂವಚ್ಛರೋ। ತೇನ ಸಂವಚ್ಛರೇನ ದಿಬ್ಬಾನಿ ದ್ವೇ ವಸ್ಸಸಹಸ್ಸಾನಿ ಯಾಮಾನಂ ದೇವಾನಂ ಆಯುಪ್ಪಮಾಣಂ। ಮನುಸ್ಸಾನಂ ಗಣನಾಯ ಕಿತ್ತಕಂ ಹೋತಿ? ಚುದ್ದಸಞ್ಚ ವಸ್ಸಕೋಟಿಯೋ ಚತ್ತಾರೀಸಞ್ಚ ವಸ್ಸಸತಸಹಸ್ಸಾನಿ।

Yāmānaṃ devānaṃ kittakaṃ āyuppamāṇaṃ? Yāni mānusakāni dve vassasatāni, yāmānaṃ devānaṃ eso eko rattindivo. Tāya rattiyā tiṃsarattiyo māso . Tena māsena dvādasamāsiyo saṃvaccharo. Tena saṃvaccharena dibbāni dve vassasahassāni yāmānaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Cuddasañca vassakoṭiyo cattārīsañca vassasatasahassāni.

ತುಸಿತಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಯಾನಿ ಮಾನುಸಕಾನಿ ಚತ್ತಾರಿ ವಸ್ಸಸತಾನಿ, ತುಸಿತಾನಂ ದೇವಾನಂ ಏಸೋ ಏಕೋ ರತ್ತಿನ್ದಿವೋ। ತಾಯ ರತ್ತಿಯಾ ತಿಂಸರತ್ತಿಯೋ ಮಾಸೋ। ತೇನ ಮಾಸೇನ ದ್ವಾದಸಮಾಸಿಯೋ ಸಂವಚ್ಛರೋ। ತೇನ ಸಂವಚ್ಛರೇನ ದಿಬ್ಬಾನಿ ಚತ್ತಾರಿ ವಸ್ಸಸಹಸ್ಸಾನಿ ತುಸಿತಾನಂ ದೇವಾನಂ ಆಯುಪ್ಪಮಾಣಂ। ಮನುಸ್ಸಾನಂ ಗಣನಾಯ ಕಿತ್ತಕಂ ಹೋತಿ? ಸತ್ತಪಞ್ಞಾಸ ವಸ್ಸಕೋಟಿಯೋ ಸಟ್ಠಿ ಚ ವಸ್ಸಸತಸಹಸ್ಸಾನಿ।

Tusitānaṃ devānaṃ kittakaṃ āyuppamāṇaṃ? Yāni mānusakāni cattāri vassasatāni, tusitānaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni cattāri vassasahassāni tusitānaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Sattapaññāsa vassakoṭiyo saṭṭhi ca vassasatasahassāni.

ನಿಮ್ಮಾನರತೀನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಯಾನಿ ಮಾನುಸಕಾನಿ ಅಟ್ಠ ವಸ್ಸಸತಾನಿ, ನಿಮ್ಮಾನರತೀನಂ ದೇವಾನಂ ಏಸೋ ಏಕೋ ರತ್ತಿನ್ದಿವೋ। ತಾಯ ರತ್ತಿಯಾ ತಿಂಸರತ್ತಿಯೋ ಮಾಸೋ। ತೇನ ಮಾಸೇನ ದ್ವಾದಸಮಾಸಿಯೋ ಸಂವಚ್ಛರೋ। ತೇನ ಸಂವಚ್ಛರೇನ ದಿಬ್ಬಾನಿ ಅಟ್ಠ ವಸ್ಸಸಹಸ್ಸಾನಿ ನಿಮ್ಮಾನರತೀನಂ ದೇವಾನಂ ಆಯುಪ್ಪಮಾಣಂ। ಮನುಸ್ಸಾನಂ ಗಣನಾಯ ಕಿತ್ತಕಂ ಹೋತಿ? ದ್ವೇ ವಸ್ಸಕೋಟಿಸತಾನಿ ತಿಂಸಞ್ಚ ವಸ್ಸಕೋಟಿಯೋ ಚತ್ತಾರೀಸಞ್ಚ ವಸ್ಸಸತಸಹಸ್ಸಾನಿ।

Nimmānaratīnaṃ devānaṃ kittakaṃ āyuppamāṇaṃ? Yāni mānusakāni aṭṭha vassasatāni, nimmānaratīnaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni aṭṭha vassasahassāni nimmānaratīnaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Dve vassakoṭisatāni tiṃsañca vassakoṭiyo cattārīsañca vassasatasahassāni.

ಪರನಿಮ್ಮಿತವಸವತ್ತೀನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಯಾನಿ ಮಾನುಸಕಾನಿ ಸೋಳಸ ವಸ್ಸಸತಾನಿ, ಪರನಿಮ್ಮಿತವಸವತ್ತೀನಂ ದೇವಾನಂ ಏಸೋ ಏಕೋ ರತ್ತಿನ್ದಿವೋ। ತಾಯ ರತ್ತಿಯಾ ತಿಂಸರತ್ತಿಯೋ ಮಾಸೋ। ತೇನ ಮಾಸೇನ ದ್ವಾದಸಮಾಸಿಯೋ ಸಂವಚ್ಛರೋ। ತೇನ ಸಂವಚ್ಛರೇನ ದಿಬ್ಬಾನಿ ಸೋಳಸ ವಸ್ಸಸಹಸ್ಸಾನಿ ಪರನಿಮ್ಮಿತವಸವತ್ತೀನಂ ದೇವಾನಂ ಆಯುಪ್ಪಮಾಣಂ। ಮನುಸ್ಸಾನಂ ಗಣನಾಯ ಕಿತ್ತಕಂ ಹೋತಿ? ನವ ಚ ವಸ್ಸಕೋಟಿಸತಾನಿ ಏಕವೀಸಞ್ಚ ವಸ್ಸಕೋಟಿಯೋ ಸಟ್ಠಿ ಚ ವಸ್ಸಸತಸಹಸ್ಸಾನೀತಿ।

Paranimmitavasavattīnaṃ devānaṃ kittakaṃ āyuppamāṇaṃ? Yāni mānusakāni soḷasa vassasatāni, paranimmitavasavattīnaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni soḷasa vassasahassāni paranimmitavasavattīnaṃ devānaṃ āyuppamāṇaṃ. Manussānaṃ gaṇanāya kittakaṃ hoti? Nava ca vassakoṭisatāni ekavīsañca vassakoṭiyo saṭṭhi ca vassasatasahassānīti.

ಛ ಏತೇ ¹⁵ ಕಾಮಾವಚರಾ, ಸಬ್ಬಕಾಮಸಮಿದ್ಧಿನೋ।

Cha ete ¹⁶ kāmāvacarā, sabbakāmasamiddhino;

ಸಬ್ಬೇಸಂ ಏಕಸಙ್ಖಾತೋ, ಆಯು ಭವತಿ ಕಿತ್ತಕೋ॥

Sabbesaṃ ekasaṅkhāto, āyu bhavati kittako.

ದ್ವಾದಸ ಕೋಟಿಸತಂ ತೇಸಂ, ಅಟ್ಠವೀಸಞ್ಚ ಕೋಟಿಯೋ।

Dvādasa koṭisataṃ tesaṃ, aṭṭhavīsañca koṭiyo;

ಪಞ್ಞಾಸ ಸತಸಹಸ್ಸಾನಿ, ವಸ್ಸಗ್ಗೇನ ಪಕಾಸಿತಾತಿ॥

Paññāsa satasahassāni, vassaggena pakāsitāti.

೧೦೨೪. ಪಠಮಂ ಝಾನಂ ಪರಿತ್ತಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ಪಠಮಂ ಝಾನಂ ಪರಿತ್ತಂ ಭಾವೇತ್ವಾ ಬ್ರಹ್ಮಪಾರಿಸಜ್ಜಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ಕಪ್ಪಸ್ಸ ತತಿಯೋ ಭಾಗೋ।

1024. Paṭhamaṃ jhānaṃ parittaṃ bhāvetvā kattha upapajjanti? Paṭhamaṃ jhānaṃ parittaṃ bhāvetvā brahmapārisajjānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Kappassa tatiyo bhāgo.

ಪಠಮಂ ಝಾನಂ ಮಜ್ಝಿಮಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ಪಠಮಂ ಝಾನಂ ಮಜ್ಝಿಮಂ ಭಾವೇತ್ವಾ ಬ್ರಹ್ಮಪುರೋಹಿತಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ಉಪಡ್ಢಕಪ್ಪೋ।

Paṭhamaṃ jhānaṃ majjhimaṃ bhāvetvā kattha upapajjanti? Paṭhamaṃ jhānaṃ majjhimaṃ bhāvetvā brahmapurohitānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Upaḍḍhakappo.

ಪಠಮಂ ಝಾನಂ ಪಣೀತಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ಪಠಮಂ ಝಾನಂ ಪಣೀತಂ ಭಾವೇತ್ವಾ ಮಹಾಬ್ರಹ್ಮಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ಕಪ್ಪೋ ¹⁷।

Paṭhamaṃ jhānaṃ paṇītaṃ bhāvetvā kattha upapajjanti? Paṭhamaṃ jhānaṃ paṇītaṃ bhāvetvā mahābrahmānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Kappo ¹⁸.

೧೦೨೫. ದುತಿಯಂ ಝಾನಂ ಪರಿತ್ತಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ದುತಿಯಂ ಝಾನಂ ಪರಿತ್ತಂ ಭಾವೇತ್ವಾ ಪರಿತ್ತಾಭಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ದ್ವೇ ಕಪ್ಪಾ।

1025. Dutiyaṃ jhānaṃ parittaṃ bhāvetvā kattha upapajjanti? Dutiyaṃ jhānaṃ parittaṃ bhāvetvā parittābhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Dve kappā.

ದುತಿಯಂ ಝಾನಂ ಮಜ್ಝಿಮಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ದುತಿಯಂ ಝಾನಂ ಮಜ್ಝಿಮಂ ಭಾವೇತ್ವಾ ಅಪ್ಪಮಾಣಾಭಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ಚತ್ತಾರೋ ಕಪ್ಪಾ।

Dutiyaṃ jhānaṃ majjhimaṃ bhāvetvā kattha upapajjanti? Dutiyaṃ jhānaṃ majjhimaṃ bhāvetvā appamāṇābhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Cattāro kappā.

ದುತಿಯಂ ಝಾನಂ ಪಣೀತಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ದುತಿಯಂ ಝಾನಂ ಪಣೀತಂ ಭಾವೇತ್ವಾ ಆಭಸ್ಸರಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ಅಟ್ಠ ಕಪ್ಪಾ।

Dutiyaṃ jhānaṃ paṇītaṃ bhāvetvā kattha upapajjanti? Dutiyaṃ jhānaṃ paṇītaṃ bhāvetvā ābhassarānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Aṭṭha kappā.

೧೦೨೬. ತತಿಯಂ ಝಾನಂ ಪರಿತ್ತಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ತತಿಯಂ ಝಾನಂ ಪರಿತ್ತಂ ಭಾವೇತ್ವಾ ಪರಿತ್ತಸುಭಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ಸೋಳಸ ಕಪ್ಪಾ।

1026. Tatiyaṃ jhānaṃ parittaṃ bhāvetvā kattha upapajjanti? Tatiyaṃ jhānaṃ parittaṃ bhāvetvā parittasubhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Soḷasa kappā.

ತತಿಯಂ ಝಾನಂ ಮಜ್ಝಿಮಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ತತಿಯಂ ಝಾನಂ ಮಜ್ಝಿಮಂ ಭಾವೇತ್ವಾ ಅಪ್ಪಮಾಣಸುಭಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ಬಾತ್ತಿಂಸ ಕಪ್ಪಾ।

Tatiyaṃ jhānaṃ majjhimaṃ bhāvetvā kattha upapajjanti? Tatiyaṃ jhānaṃ majjhimaṃ bhāvetvā appamāṇasubhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Bāttiṃsa kappā.

ತತಿಯಂ ಝಾನಂ ಪಣೀತಂ ಭಾವೇತ್ವಾ ಕತ್ಥ ಉಪಪಜ್ಜನ್ತಿ? ತತಿಯಂ ಝಾನಂ ಪಣೀತಂ ಭಾವೇತ್ವಾ ಸುಭಕಿಣ್ಹಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ। ತೇಸಂ ಕಿತ್ತಕಂ ಆಯುಪ್ಪಮಾಣಂ? ಚತುಸಟ್ಠಿ ಕಪ್ಪಾ।

Tatiyaṃ jhānaṃ paṇītaṃ bhāvetvā kattha upapajjanti? Tatiyaṃ jhānaṃ paṇītaṃ bhāvetvā subhakiṇhānaṃ devānaṃ sahabyataṃ upapajjanti. Tesaṃ kittakaṃ āyuppamāṇaṃ? Catusaṭṭhi kappā.

೧೦೨೭. ಚತುತ್ಥಂ ಝಾನಂ ಭಾವೇತ್ವಾ ಆರಮ್ಮಣನಾನತ್ತತಾ ಮನಸಿಕಾರನಾನತ್ತತಾ ಛನ್ದನಾನತ್ತತಾ ಪಣಿಧಿನಾನತ್ತತಾ ಅಧಿಮೋಕ್ಖನಾನತ್ತತಾ ಅಭಿನೀಹಾರನಾನತ್ತತಾ ಪಞ್ಞಾನಾನತ್ತತಾ ಅಪ್ಪೇಕಚ್ಚೇ ಅಸಞ್ಞಸತ್ತಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ವೇಹಪ್ಫಲಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಅವಿಹಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಅತಪ್ಪಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಸುದಸ್ಸಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಸುದಸ್ಸೀನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಅಕನಿಟ್ಠಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಆಕಾಸಾನಞ್ಚಾಯತನೂಪಗಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ವಿಞ್ಞಾಣಞ್ಚಾಯತನೂಪಗಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಆಕಿಞ್ಚಞ್ಞಾಯತನೂಪಗಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ನೇವಸಞ್ಞಾನಾಸಞ್ಞಾಯತನೂಪಗಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತಿ।

1027. Catutthaṃ jhānaṃ bhāvetvā ārammaṇanānattatā manasikāranānattatā chandanānattatā paṇidhinānattatā adhimokkhanānattatā abhinīhāranānattatā paññānānattatā appekacce asaññasattānaṃ devānaṃ sahabyataṃ upapajjanti, appekacce vehapphalānaṃ devānaṃ sahabyataṃ upapajjanti, appekacce avihānaṃ devānaṃ sahabyataṃ upapajjanti, appekacce atappānaṃ devānaṃ sahabyataṃ upapajjanti, appekacce sudassānaṃ devānaṃ sahabyataṃ upapajjanti, appekacce sudassīnaṃ devānaṃ sahabyataṃ upapajjanti, appekacce akaniṭṭhānaṃ devānaṃ sahabyataṃ upapajjanti, appekacce ākāsānañcāyatanūpagānaṃ devānaṃ sahabyataṃ upapajjanti, appekacce viññāṇañcāyatanūpagānaṃ devānaṃ sahabyataṃ upapajjanti, appekacce ākiñcaññāyatanūpagānaṃ devānaṃ sahabyataṃ upapajjanti, appekacce nevasaññānāsaññāyatanūpagānaṃ devānaṃ sahabyataṃ upapajjanti.

ಅಸಞ್ಞಸತ್ತಾನಞ್ಚ ವೇಹಪ್ಫಲಾನಞ್ಚ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಪಞ್ಚಕಪ್ಪಸತಾನಿ।

Asaññasattānañca vehapphalānañca devānaṃ kittakaṃ āyuppamāṇaṃ? Pañcakappasatāni.

ಅವಿಹಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಕಪ್ಪಸಹಸ್ಸಂ।

Avihānaṃ devānaṃ kittakaṃ āyuppamāṇaṃ? Kappasahassaṃ.

ಅತಪ್ಪಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ದ್ವೇ ಕಪ್ಪಸಹಸ್ಸಾನಿ।

Atappānaṃ devānaṃ kittakaṃ āyuppamāṇaṃ? Dve kappasahassāni.

ಸುದಸ್ಸಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಚತ್ತಾರಿ ಕಪ್ಪಸಹಸ್ಸಾನಿ।

Sudassānaṃ devānaṃ kittakaṃ āyuppamāṇaṃ? Cattāri kappasahassāni.

ಸುದಸ್ಸೀನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಅಟ್ಠ ಕಪ್ಪಸಹಸ್ಸಾನಿ।

Sudassīnaṃ devānaṃ kittakaṃ āyuppamāṇaṃ? Aṭṭha kappasahassāni.

ಅಕನಿಟ್ಠಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಸೋಳಸ ಕಪ್ಪಸಹಸ್ಸಾನಿ।

Akaniṭṭhānaṃ devānaṃ kittakaṃ āyuppamāṇaṃ? Soḷasa kappasahassāni.

೧೦೨೮. ಆಕಾಸಾನಞ್ಚಾಯತನೂಪಗಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ವೀಸತಿ ಕಪ್ಪಸಹಸ್ಸಾನಿ।

1028. Ākāsānañcāyatanūpagānaṃ devānaṃ kittakaṃ āyuppamāṇaṃ? Vīsati kappasahassāni.

ವಿಞ್ಞಾಣಞ್ಚಾಯತನೂಪಗಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಚತ್ತಾರೀಸ ಕಪ್ಪಸಹಸ್ಸಾನಿ।

Viññāṇañcāyatanūpagānaṃ devānaṃ kittakaṃ āyuppamāṇaṃ? Cattārīsa kappasahassāni.

ಆಕಿಞ್ಚಞ್ಞಾಯತನೂಪಗಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಸಟ್ಠಿ ಕಪ್ಪಸಹಸ್ಸಾನಿ।

Ākiñcaññāyatanūpagānaṃ devānaṃ kittakaṃ āyuppamāṇaṃ? Saṭṭhi kappasahassāni.

ನೇವಸಞ್ಞಾನಾಸಞ್ಞಾಯತನೂಪಗಾನಂ ದೇವಾನಂ ಕಿತ್ತಕಂ ಆಯುಪ್ಪಮಾಣಂ? ಚತುರಾಸೀತಿ ಕಪ್ಪಸಹಸ್ಸಾನೀತಿ।

Nevasaññānāsaññāyatanūpagānaṃ devānaṃ kittakaṃ āyuppamāṇaṃ? Caturāsīti kappasahassānīti.

೧೦೨೯. ಉಕ್ಖಿತ್ತಾ ಪುಞ್ಞತೇಜೇನ, ಕಾಮರೂಪಗತಿಂ ಗತಾ।

1029. Ukkhittā puññatejena, kāmarūpagatiṃ gatā.

ಭವಗ್ಗತಮ್ಪಿ ¹⁹ ಸಮ್ಪತ್ತಾ, ಪುನಾಗಚ್ಛನ್ತಿ ²⁰ ದುಗ್ಗತಿಂ॥

Bhavaggatampi ²¹ sampattā, punāgacchanti ²² duggatiṃ.

ತಾವ ದೀಘಾಯುಕಾ ಸತ್ತಾ, ಚವನ್ತಿ ಆಯುಸಙ್ಖಯಾ।

Tāva dīghāyukā sattā, cavanti āyusaṅkhayā;

ನತ್ಥಿ ಕೋಚಿ ಭವೋ ನಿಚ್ಚೋ, ಇತಿ ವುತ್ತಂ ಮಹೇಸಿನಾ॥

Natthi koci bhavo nicco, iti vuttaṃ mahesinā.

ತಸ್ಮಾ ಹಿ ಧೀರಾ ನಿಪಕಾ, ನಿಪುಣಾ ಅತ್ಥಚಿನ್ತಕಾ।

Tasmā hi dhīrā nipakā, nipuṇā atthacintakā;

ಜರಾಮರಣಮೋಕ್ಖಾಯ, ಭಾವೇನ್ತಿ ಮಗ್ಗಮುತ್ತಮಂ॥

Jarāmaraṇamokkhāya, bhāventi maggamuttamaṃ.

ಭಾವಯಿತ್ವಾ ಸುಚಿಂ ಮಗ್ಗಂ, ನಿಬ್ಬಾನೋಗಧಗಾಮಿನಂ।

Bhāvayitvā suciṃ maggaṃ, nibbānogadhagāminaṃ;

ಸಬ್ಬಾಸವೇ ಪರಿಞ್ಞಾಯ, ಪರಿನಿಬ್ಬನ್ತಿ ಅನಾಸವಾತಿ॥

Sabbāsave pariññāya, parinibbanti anāsavāti.

೭. ಅಭಿಞ್ಞೇಯ್ಯಾದಿವಾರೋ

7. Abhiññeyyādivāro

೧೦೩೦. ಪಞ್ಚನ್ನಂ ಖನ್ಧಾನಂ ಕತಿ ಅಭಿಞ್ಞೇಯ್ಯಾ, ಕತಿ ಪರಿಞ್ಞೇಯ್ಯಾ, ಕತಿ ಪಹಾತಬ್ಬಾ, ಕತಿ ಭಾವೇತಬ್ಬಾ, ಕತಿ ಸಚ್ಛಿಕಾತಬ್ಬಾ, ಕತಿ ನ ಪಹಾತಬ್ಬಾ, ನ ಭಾವೇತಬ್ಬಾ, ನ ಸಚ್ಛಿಕಾತಬ್ಬಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಅಭಿಞ್ಞೇಯ್ಯಾ, ಕತಿ ಪರಿಞ್ಞೇಯ್ಯಾ, ಕತಿ ಪಹಾತಬ್ಬಾ, ಕತಿ ಭಾವೇತಬ್ಬಾ, ಕತಿ ಸಚ್ಛಿಕಾತಬ್ಬಾ, ಕತಿ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ?

1030. Pañcannaṃ khandhānaṃ kati abhiññeyyā, kati pariññeyyā, kati pahātabbā, kati bhāvetabbā, kati sacchikātabbā, kati na pahātabbā, na bhāvetabbā, na sacchikātabbā…pe… sattannaṃ cittānaṃ kati abhiññeyyā, kati pariññeyyā, kati pahātabbā, kati bhāvetabbā, kati sacchikātabbā, kati na pahātabbā na bhāvetabbā na sacchikātabbā?

೧೦೩೧. ರೂಪಕ್ಖನ್ಧೋ ಅಭಿಞ್ಞೇಯ್ಯೋ ಪರಿಞ್ಞೇಯ್ಯೋ ನ ಪಹಾತಬ್ಬೋ ನ ಭಾವೇತಬ್ಬೋ ನ ಸಚ್ಛಿಕಾತಬ್ಬೋ। ಚತ್ತಾರೋ ಖನ್ಧಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ, ಸಿಯಾ ಪಹಾತಬ್ಬಾ, ಸಿಯಾ ಭಾವೇತಬ್ಬಾ, ಸಿಯಾ ಸಚ್ಛಿಕಾತಬ್ಬಾ, ಸಿಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ।

1031. Rūpakkhandho abhiññeyyo pariññeyyo na pahātabbo na bhāvetabbo na sacchikātabbo. Cattāro khandhā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

ದಸಾಯತನಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ। ದ್ವೇ ಆಯತನಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ, ಸಿಯಾ ಪಹಾತಬ್ಬಾ, ಸಿಯಾ ಭಾವೇತಬ್ಬಾ, ಸಿಯಾ ಸಚ್ಛಿಕಾತಬ್ಬಾ, ಸಿಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ।

Dasāyatanā abhiññeyyā pariññeyyā na pahātabbā na bhāvetabbā na sacchikātabbā. Dve āyatanā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

ಸೋಳಸ ಧಾತುಯೋ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ। ದ್ವೇ ಧಾತುಯೋ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ, ಸಿಯಾ ಪಹಾತಬ್ಬಾ, ಸಿಯಾ ಭಾವೇತಬ್ಬಾ, ಸಿಯಾ ಸಚ್ಛಿಕಾತಬ್ಬಾ, ಸಿಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ।

Soḷasa dhātuyo abhiññeyyā pariññeyyā na pahātabbā na bhāvetabbā na sacchikātabbā. Dve dhātuyo abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

ಸಮುದಯಸಚ್ಚಂ ಅಭಿಞ್ಞೇಯ್ಯಂ ಪರಿಞ್ಞೇಯ್ಯಂ ಪಹಾತಬ್ಬಂ ನ ಭಾವೇತಬ್ಬಂ ನ ಸಚ್ಛಿಕಾತಬ್ಬಂ। ಮಗ್ಗಸಚ್ಚಂ ಅಭಿಞ್ಞೇಯ್ಯಂ ಪರಿಞ್ಞೇಯ್ಯಂ ನ ಪಹಾತಬ್ಬಂ ಭಾವೇತಬ್ಬಂ ನ ಸಚ್ಛಿಕಾತಬ್ಬಂ । ನಿರೋಧಸಚ್ಚಂ ಅಭಿಞ್ಞೇಯ್ಯಂ ಪರಿಞ್ಞೇಯ್ಯಂ ನ ಪಹಾತಬ್ಬಂ ನ ಭಾವೇತಬ್ಬಂ ಸಚ್ಛಿಕಾತಬ್ಬಂ। ದುಕ್ಖಸಚ್ಚಂ ಅಭಿಞ್ಞೇಯ್ಯಂ ಪರಿಞ್ಞೇಯ್ಯಂ, ಸಿಯಾ ಪಹಾತಬ್ಬಂ, ನ ಭಾವೇತಬ್ಬಂ, ನ ಸಚ್ಛಿಕಾತಬ್ಬಂ, ಸಿಯಾ ನ ಪಹಾತಬ್ಬಂ।

Samudayasaccaṃ abhiññeyyaṃ pariññeyyaṃ pahātabbaṃ na bhāvetabbaṃ na sacchikātabbaṃ. Maggasaccaṃ abhiññeyyaṃ pariññeyyaṃ na pahātabbaṃ bhāvetabbaṃ na sacchikātabbaṃ . Nirodhasaccaṃ abhiññeyyaṃ pariññeyyaṃ na pahātabbaṃ na bhāvetabbaṃ sacchikātabbaṃ. Dukkhasaccaṃ abhiññeyyaṃ pariññeyyaṃ, siyā pahātabbaṃ, na bhāvetabbaṃ, na sacchikātabbaṃ, siyā na pahātabbaṃ.

ನವಿನ್ದ್ರಿಯಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ। ದೋಮನಸ್ಸಿನ್ದ್ರಿಯಂ ಅಭಿಞ್ಞೇಯ್ಯಂ ಪರಿಞ್ಞೇಯ್ಯಂ ಪಹಾತಬ್ಬಂ ನ ಭಾವೇತಬ್ಬಂ ನ ಸಚ್ಛಿಕಾತಬ್ಬಂ। ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಅಭಿಞ್ಞೇಯ್ಯಂ ಪರಿಞ್ಞೇಯ್ಯಂ ನ ಪಹಾತಬ್ಬಂ ಭಾವೇತಬ್ಬಂ ನ ಸಚ್ಛಿಕಾತಬ್ಬಂ। ಅಞ್ಞಿನ್ದ್ರಿಯಂ ಅಭಿಞ್ಞೇಯ್ಯಂ ಪರಿಞ್ಞೇಯ್ಯಂ ನ ಪಹಾತಬ್ಬಂ, ಸಿಯಾ ಭಾವೇತಬ್ಬಂ, ಸಿಯಾ ಸಚ್ಛಿಕಾತಬ್ಬಂ। ಅಞ್ಞಾತಾವಿನ್ದ್ರಿಯಂ ಅಭಿಞ್ಞೇಯ್ಯಂ ಪರಿಞ್ಞೇಯ್ಯಂ ನ ಪಹಾತಬ್ಬಂ ನ ಭಾವೇತಬ್ಬಂ ಸಚ್ಛಿಕಾತಬ್ಬಂ। ತೀಣಿನ್ದ್ರಿಯಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ನ ಪಹಾತಬ್ಬಾ, ಸಿಯಾ ಭಾವೇತಬ್ಬಾ, ಸಿಯಾ ಸಚ್ಛಿಕಾತಬ್ಬಾ, ಸಿಯಾ ನ ಭಾವೇತಬ್ಬಾ, ಸಚ್ಛಿಕಾತಬ್ಬಾ। ಛ ಇನ್ದ್ರಿಯಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ, ಸಿಯಾ ಪಹಾತಬ್ಬಾ, ಸಿಯಾ ಭಾವೇತಬ್ಬಾ, ಸಿಯಾ ಸಚ್ಛಿಕಾತಬ್ಬಾ, ಸಿಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ।

Navindriyā abhiññeyyā pariññeyyā na pahātabbā na bhāvetabbā na sacchikātabbā. Domanassindriyaṃ abhiññeyyaṃ pariññeyyaṃ pahātabbaṃ na bhāvetabbaṃ na sacchikātabbaṃ. Anaññātaññassāmītindriyaṃ abhiññeyyaṃ pariññeyyaṃ na pahātabbaṃ bhāvetabbaṃ na sacchikātabbaṃ. Aññindriyaṃ abhiññeyyaṃ pariññeyyaṃ na pahātabbaṃ, siyā bhāvetabbaṃ, siyā sacchikātabbaṃ. Aññātāvindriyaṃ abhiññeyyaṃ pariññeyyaṃ na pahātabbaṃ na bhāvetabbaṃ sacchikātabbaṃ. Tīṇindriyā abhiññeyyā pariññeyyā na pahātabbā, siyā bhāvetabbā, siyā sacchikātabbā, siyā na bhāvetabbā, sacchikātabbā. Cha indriyā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

ತಯೋ ಅಕುಸಲಹೇತೂ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ। ತಯೋ ಕುಸಲಹೇತೂ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ನ ಪಹಾತಬ್ಬಾ, ಸಿಯಾ ಭಾವೇತಬ್ಬಾ, ನ ಸಚ್ಛಿಕಾತಬ್ಬಾ, ಸಿಯಾ ನ ಭಾವೇತಬ್ಬಾ। ತಯೋ ಅಬ್ಯಾಕತಹೇತೂ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ನ ಪಹಾತಬ್ಬಾ ನ ಭಾವೇತಬ್ಬಾ, ಸಿಯಾ ಸಚ್ಛಿಕಾತಬ್ಬಾ , ಸಿಯಾ ನ ಸಚ್ಛಿಕಾತಬ್ಬಾ।

Tayo akusalahetū abhiññeyyā pariññeyyā pahātabbā na bhāvetabbā na sacchikātabbā. Tayo kusalahetū abhiññeyyā pariññeyyā na pahātabbā, siyā bhāvetabbā, na sacchikātabbā, siyā na bhāvetabbā. Tayo abyākatahetū abhiññeyyā pariññeyyā na pahātabbā na bhāvetabbā, siyā sacchikātabbā , siyā na sacchikātabbā.

ಕಬಳೀಕಾರೋ ಆಹಾರೋ ಅಭಿಞ್ಞೇಯ್ಯೋ ಪರಿಞ್ಞೇಯ್ಯೋ ನ ಪಹಾತಬ್ಬೋ ನ ಭಾವೇತಬ್ಬೋ ನ ಸಚ್ಛಿಕಾತಬ್ಬೋ। ತಯೋ ಆಹಾರಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ, ಸಿಯಾ ಪಹಾತಬ್ಬಾ, ಸಿಯಾ ಭಾವೇತಬ್ಬಾ, ಸಿಯಾ ಸಚ್ಛಿಕಾತಬ್ಬಾ, ಸಿಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ।

Kabaḷīkāro āhāro abhiññeyyo pariññeyyo na pahātabbo na bhāvetabbo na sacchikātabbo. Tayo āhārā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.

ಛ ಫಸ್ಸಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ। ಮನೋವಿಞ್ಞಾಣಧಾತುಸಮ್ಫಸ್ಸೋ ಅಭಿಞ್ಞೇಯ್ಯೋ ಪರಿಞ್ಞೇಯ್ಯೋ, ಸಿಯಾ ಪಹಾತಬ್ಬೋ, ಸಿಯಾ ಭಾವೇತಬ್ಬೋ, ಸಿಯಾ ಸಚ್ಛಿಕಾತಬ್ಬೋ, ಸಿಯಾ ನ ಪಹಾತಬ್ಬೋ ನ ಭಾವೇತಬ್ಬೋ ನ ಸಚ್ಛಿಕಾತಬ್ಬೋ।

Cha phassā abhiññeyyā pariññeyyā na pahātabbā na bhāvetabbā na sacchikātabbā. Manoviññāṇadhātusamphasso abhiññeyyo pariññeyyo, siyā pahātabbo, siyā bhāvetabbo, siyā sacchikātabbo, siyā na pahātabbo na bhāvetabbo na sacchikātabbo.

ಛ ವೇದನಾ…ಪೇ॰… ಛ ಸಞ್ಞಾ… ಛ ಚೇತನಾ… ಛ ಚಿತ್ತಾ ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ। ಮನೋವಿಞ್ಞಾಣಧಾತು ಅಭಿಞ್ಞೇಯ್ಯಾ ಪರಿಞ್ಞೇಯ್ಯಾ, ಸಿಯಾ ಪಹಾತಬ್ಬಾ, ಸಿಯಾ ಭಾವೇತಬ್ಬಾ, ಸಿಯಾ ಸಚ್ಛಿಕಾತಬ್ಬಾ , ಸಿಯಾ ನ ಪಹಾತಬ್ಬಾ ನ ಭಾವೇತಬ್ಬಾ ನ ಸಚ್ಛಿಕಾತಬ್ಬಾ।

Cha vedanā…pe… cha saññā… cha cetanā… cha cittā abhiññeyyā pariññeyyā na pahātabbā na bhāvetabbā na sacchikātabbā. Manoviññāṇadhātu abhiññeyyā pariññeyyā, siyā pahātabbā, siyā bhāvetabbā, siyā sacchikātabbā , siyā na pahātabbā na bhāvetabbā na sacchikātabbā.

೮. ಸಾರಮ್ಮಣಾನಾರಮ್ಮಣವಾರೋ

8. Sārammaṇānārammaṇavāro

೧೦೩೨. ಪಞ್ಚನ್ನಂ ಖನ್ಧಾನಂ ಕತಿ ಸಾರಮ್ಮಣಾ, ಕತಿ ಅನಾರಮ್ಮಣಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಸಾರಮ್ಮಣಾ, ಕತಿ ಅನಾರಮ್ಮಣಾ?

1032. Pañcannaṃ khandhānaṃ kati sārammaṇā, kati anārammaṇā…pe… sattannaṃ cittānaṃ kati sārammaṇā, kati anārammaṇā?

೧೦೩೩. ರೂಪಕ್ಖನ್ಧೋ ಅನಾರಮ್ಮಣೋ। ಚತ್ತಾರೋ ಖನ್ಧಾ ಸಾರಮ್ಮಣಾ।

1033. Rūpakkhandho anārammaṇo. Cattāro khandhā sārammaṇā.

ದಸಾಯತನಾ ಅನಾರಮ್ಮಣಾ। ಮನಾಯತನಂ ಸಾರಮ್ಮಣಂ। ಧಮ್ಮಾಯತನಂ ಸಿಯಾ ಸಾರಮ್ಮಣಂ, ಸಿಯಾ ಅನಾರಮ್ಮಣಂ।

Dasāyatanā anārammaṇā. Manāyatanaṃ sārammaṇaṃ. Dhammāyatanaṃ siyā sārammaṇaṃ, siyā anārammaṇaṃ.

ದಸ ಧಾತುಯೋ ಅನಾರಮ್ಮಣಾ। ಸತ್ತ ಧಾತುಯೋ ಸಾರಮ್ಮಣಾ। ಧಮ್ಮಧಾತು ಸಿಯಾ ಸಾರಮ್ಮಣಾ, ಸಿಯಾ ಅನಾರಮ್ಮಣಾ।

Dasa dhātuyo anārammaṇā. Satta dhātuyo sārammaṇā. Dhammadhātu siyā sārammaṇā, siyā anārammaṇā.

ದ್ವೇ ಸಚ್ಚಾ ಸಾರಮ್ಮಣಾ। ನಿರೋಧಸಚ್ಚಂ ಅನಾರಮ್ಮಣಂ। ದುಕ್ಖಸಚ್ಚಂ ಸಿಯಾ ಸಾರಮ್ಮಣಂ, ಸಿಯಾ ಅನಾರಮ್ಮಣಂ।

Dve saccā sārammaṇā. Nirodhasaccaṃ anārammaṇaṃ. Dukkhasaccaṃ siyā sārammaṇaṃ, siyā anārammaṇaṃ.

ಸತ್ತಿನ್ದ್ರಿಯಾ ಅನಾರಮ್ಮಣಾ। ಚುದ್ದಸಿನ್ದ್ರಿಯಾ ಸಾರಮ್ಮಣಾ। ಜೀವಿತಿನ್ದ್ರಿಯಂ ಸಿಯಾ ಸಾರಮ್ಮಣಂ, ಸಿಯಾ ಅನಾರಮ್ಮಣಂ। ನವ ಹೇತೂ ಸಾರಮ್ಮಣಾ। ಕಬಳೀಕಾರೋ ಆಹಾರೋ ಅನಾರಮ್ಮಣೋ। ತಯೋ ಆಹಾರಾ ಸಾರಮ್ಮಣಾ। ಸತ್ತ ಫಸ್ಸಾ… ಸತ್ತ ವೇದನಾ… ಸತ್ತ ಸಞ್ಞಾ… ಸತ್ತ ಚೇತನಾ… ಸತ್ತ ಚಿತ್ತಾ ಸಾರಮ್ಮಣಾ।

Sattindriyā anārammaṇā. Cuddasindriyā sārammaṇā. Jīvitindriyaṃ siyā sārammaṇaṃ, siyā anārammaṇaṃ. Nava hetū sārammaṇā. Kabaḷīkāro āhāro anārammaṇo. Tayo āhārā sārammaṇā. Satta phassā… satta vedanā… satta saññā… satta cetanā… satta cittā sārammaṇā.

೧೦೩೪. ಪಞ್ಚನ್ನಂ ಖನ್ಧಾನಂ ಕತಿ ಸಾರಮ್ಮಣಾರಮ್ಮಣಾ, ಕತಿ ಅನಾರಮ್ಮಣಾರಮ್ಮಣಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಸಾರಮ್ಮಣಾರಮ್ಮಣಾ, ಕತಿ ಅನಾರಮ್ಮಣಾರಮ್ಮಣಾ?

1034. Pañcannaṃ khandhānaṃ kati sārammaṇārammaṇā, kati anārammaṇārammaṇā…pe… sattannaṃ cittānaṃ kati sārammaṇārammaṇā, kati anārammaṇārammaṇā?

೧೦೩೫. ರೂಪಕ್ಖನ್ಧೋ ಅನಾರಮ್ಮಣೋ। ಚತ್ತಾರೋ ಖನ್ಧಾ ಸಿಯಾ ಸಾರಮ್ಮಣಾರಮ್ಮಣಾ, ಸಿಯಾ ಅನಾರಮ್ಮಣಾರಮ್ಮಣಾ।

1035. Rūpakkhandho anārammaṇo. Cattāro khandhā siyā sārammaṇārammaṇā, siyā anārammaṇārammaṇā.

ದಸಾಯತನಾ ಅನಾರಮ್ಮಣಾ। ಮನಾಯತನಂ ಸಿಯಾ ಸಾರಮ್ಮಣಾರಮ್ಮಣಂ, ಸಿಯಾ ಅನಾರಮ್ಮಣಾರಮ್ಮಣಂ। ಧಮ್ಮಾಯತನಂ ಸಿಯಾ ಸಾರಮ್ಮಣಾರಮ್ಮಣಂ, ಸಿಯಾ ಅನಾರಮ್ಮಣಾರಮ್ಮಣಂ, ಸಿಯಾ ಅನಾರಮ್ಮಣಂ।

Dasāyatanā anārammaṇā. Manāyatanaṃ siyā sārammaṇārammaṇaṃ, siyā anārammaṇārammaṇaṃ. Dhammāyatanaṃ siyā sārammaṇārammaṇaṃ, siyā anārammaṇārammaṇaṃ, siyā anārammaṇaṃ.

ದಸ ಧಾತುಯೋ ಅನಾರಮ್ಮಣಾ। ಛ ಧಾತುಯೋ ಅನಾರಮ್ಮಣಾರಮ್ಮಣಾ। ಮನೋವಿಞ್ಞಾಣಧಾತು ಸಿಯಾ ಸಾರಮ್ಮಣಾರಮ್ಮಣಾ, ಸಿಯಾ ಅನಾರಮ್ಮಣಾರಮ್ಮಣಾ। ಧಮ್ಮಧಾತು ಸಿಯಾ ಸಾರಮ್ಮಣಾರಮ್ಮಣಾ, ಸಿಯಾ ಅನಾರಮ್ಮಣಾರಮ್ಮಣಾ, ಸಿಯಾ ಅನಾರಮ್ಮಣಾ।

Dasa dhātuyo anārammaṇā. Cha dhātuyo anārammaṇārammaṇā. Manoviññāṇadhātu siyā sārammaṇārammaṇā, siyā anārammaṇārammaṇā. Dhammadhātu siyā sārammaṇārammaṇā, siyā anārammaṇārammaṇā, siyā anārammaṇā.

ನಿರೋಧಸಚ್ಚಂ ಅನಾರಮ್ಮಣಂ। ಮಗ್ಗಸಚ್ಚಂ ಅನಾರಮ್ಮಣಾರಮ್ಮಣಂ। ಸಮುದಯಸಚ್ಚಂ ಸಿಯಾ ಸಾರಮ್ಮಣಾರಮ್ಮಣಂ, ಸಿಯಾ ಅನಾರಮ್ಮಣಾರಮ್ಮಣಂ। ದುಕ್ಖಸಚ್ಚಂ ಸಿಯಾ ಸಾರಮ್ಮಣಾರಮ್ಮಣಂ, ಸಿಯಾ ಅನಾರಮ್ಮಣಾರಮ್ಮಣಂ, ಸಿಯಾ ಅನಾರಮ್ಮಣಂ।

Nirodhasaccaṃ anārammaṇaṃ. Maggasaccaṃ anārammaṇārammaṇaṃ. Samudayasaccaṃ siyā sārammaṇārammaṇaṃ, siyā anārammaṇārammaṇaṃ. Dukkhasaccaṃ siyā sārammaṇārammaṇaṃ, siyā anārammaṇārammaṇaṃ, siyā anārammaṇaṃ.

ಸತ್ತಿನ್ದ್ರಿಯಾ ಅನಾರಮ್ಮಣಾ। ಪಞ್ಚಿನ್ದ್ರಿಯಾ ಅನಾರಮ್ಮಣಾರಮ್ಮಣಾ। ನವಿನ್ದ್ರಿಯಾ ಸಿಯಾ ಸಾರಮ್ಮಣಾರಮ್ಮಣಾ, ಸಿಯಾ ಅನಾರಮ್ಮಣಾರಮ್ಮಣಾ। ಜೀವಿತಿನ್ದ್ರಿಯಂ ಸಿಯಾ ಸಾರಮ್ಮಣಾರಮ್ಮಣಂ, ಸಿಯಾ ಅನಾರಮ್ಮಣಾರಮ್ಮಣಂ, ಸಿಯಾ ಅನಾರಮ್ಮಣಂ।

Sattindriyā anārammaṇā. Pañcindriyā anārammaṇārammaṇā. Navindriyā siyā sārammaṇārammaṇā, siyā anārammaṇārammaṇā. Jīvitindriyaṃ siyā sārammaṇārammaṇaṃ, siyā anārammaṇārammaṇaṃ, siyā anārammaṇaṃ.

ನವ ಹೇತೂ ಸಿಯಾ ಸಾರಮ್ಮಣಾರಮ್ಮಣಾ, ಸಿಯಾ ಅನಾರಮ್ಮಣಾರಮ್ಮಣಾ। ಕಬಳೀಕಾರೋ ಆಹಾರೋ ಅನಾರಮ್ಮಣೋ। ತಯೋ ಆಹಾರಾ ಸಿಯಾ ಸಾರಮ್ಮಣಾರಮ್ಮಣಾ, ಸಿಯಾ ಅನಾರಮ್ಮಣಾರಮ್ಮಣಾ। ಛ ಫಸ್ಸಾ ಅನಾರಮ್ಮಣಾರಮ್ಮಣಾ । ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಸಾರಮ್ಮಣಾರಮ್ಮಣೋ ಸಿಯಾ ಅನಾರಮ್ಮಣಾರಮ್ಮಣೋ। ಛ ವೇದನಾ… ಛ ಸಞ್ಞಾ… ಛ ಚೇತನಾ… ಛ ಚಿತ್ತಾ ಅನಾರಮ್ಮಣಾರಮ್ಮಣಾ। ಮನೋವಿಞ್ಞಾಣಧಾತು ಸಿಯಾ ಸಾರಮ್ಮಣಾರಮ್ಮಣಾ, ಸಿಯಾ ಅನಾರಮ್ಮಣಾರಮ್ಮಣಾ।

Nava hetū siyā sārammaṇārammaṇā, siyā anārammaṇārammaṇā. Kabaḷīkāro āhāro anārammaṇo. Tayo āhārā siyā sārammaṇārammaṇā, siyā anārammaṇārammaṇā. Cha phassā anārammaṇārammaṇā . Manoviññāṇadhātusamphasso siyā sārammaṇārammaṇo siyā anārammaṇārammaṇo. Cha vedanā… cha saññā… cha cetanā… cha cittā anārammaṇārammaṇā. Manoviññāṇadhātu siyā sārammaṇārammaṇā, siyā anārammaṇārammaṇā.

೯. ದಿಟ್ಠಸುತಾದಿದಸ್ಸನವಾರೋ

9. Diṭṭhasutādidassanavāro

೧೦೩೬. ಪಞ್ಚನ್ನಂ ಖನ್ಧಾನಂ ಕತಿ ದಿಟ್ಠಾ, ಕತಿ ಸುತಾ, ಕತಿ ಮುತಾ, ಕತಿ ವಿಞ್ಞಾತಾ, ಕತಿ ನ ದಿಟ್ಠಾ ನ ಸುತಾ ನ ಮುತಾ ನ ವಿಞ್ಞಾತಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ದಿಟ್ಠಾ, ಕತಿ ಸುತಾ, ಕತಿ ಮುತಾ, ಕತಿ ವಿಞ್ಞಾತಾ, ಕತಿ ನ ದಿಟ್ಠಾ ನ ಸುತಾ ನ ಮುತಾ ನ ವಿಞ್ಞಾತಾ?

1036. Pañcannaṃ khandhānaṃ kati diṭṭhā, kati sutā, kati mutā, kati viññātā, kati na diṭṭhā na sutā na mutā na viññātā…pe… sattannaṃ cittānaṃ kati diṭṭhā, kati sutā, kati mutā, kati viññātā, kati na diṭṭhā na sutā na mutā na viññātā?

೧೦೩೭. ರೂಪಕ್ಖನ್ಧೋ ಸಿಯಾ ದಿಟ್ಠೋ, ಸಿಯಾ ಸುತೋ, ಸಿಯಾ ಮುತೋ, ಸಿಯಾ ವಿಞ್ಞಾತೋ, ಸಿಯಾ ನ ದಿಟ್ಠೋ ನ ಸುತೋ ನ ಮುತೋ, ವಿಞ್ಞಾತೋ। ಚತ್ತಾರೋ ಖನ್ಧಾ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ।

1037. Rūpakkhandho siyā diṭṭho, siyā suto, siyā muto, siyā viññāto, siyā na diṭṭho na suto na muto, viññāto. Cattāro khandhā na diṭṭhā na sutā na mutā, viññātā.

ರೂಪಾಯತನಂ ದಿಟ್ಠಂ, ನ ಸುತಂ ನ ಮುತಂ, ವಿಞ್ಞಾತಂ। ಸದ್ದಾಯತನಂ ನ ದಿಟ್ಠಂ, ಸುತಂ, ನ ಮುತಂ, ವಿಞ್ಞಾತಂ। ಗನ್ಧಾಯತನಂ… ರಸಾಯತನಂ… ಫೋಟ್ಠಬ್ಬಾಯತನಂ ನ ದಿಟ್ಠಂ ನ ಸುತಂ, ಮುತಂ, ವಿಞ್ಞಾತಂ। ಸತ್ತಾಯತನಾ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ।

Rūpāyatanaṃ diṭṭhaṃ, na sutaṃ na mutaṃ, viññātaṃ. Saddāyatanaṃ na diṭṭhaṃ, sutaṃ, na mutaṃ, viññātaṃ. Gandhāyatanaṃ… rasāyatanaṃ… phoṭṭhabbāyatanaṃ na diṭṭhaṃ na sutaṃ, mutaṃ, viññātaṃ. Sattāyatanā na diṭṭhā na sutā na mutā, viññātā.

ರೂಪಧಾತು ದಿಟ್ಠಾ, ನ ಸುತಾ ನ ಮುತಾ, ವಿಞ್ಞಾತಾ। ಸದ್ದಧಾತು ನ ದಿಟ್ಠಾ, ಸುತಾ, ನ ಮುತಾ, ವಿಞ್ಞಾತಾ। ಗನ್ಧಧಾತು… ರಸಧಾತು… ಫೋಟ್ಠಬ್ಬಧಾತು ನ ದಿಟ್ಠಾ ನ ಸುತಾ, ಮುತಾ, ವಿಞ್ಞಾತಾ। ತೇರಸ ಧಾತುಯೋ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ।

Rūpadhātu diṭṭhā, na sutā na mutā, viññātā. Saddadhātu na diṭṭhā, sutā, na mutā, viññātā. Gandhadhātu… rasadhātu… phoṭṭhabbadhātu na diṭṭhā na sutā, mutā, viññātā. Terasa dhātuyo na diṭṭhā na sutā na mutā, viññātā.

ತೀಣಿ ಸಚ್ಚಾನಿ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ। ದುಕ್ಖಸಚ್ಚಂ ಸಿಯಾ ದಿಟ್ಠಂ, ಸಿಯಾ ಸುತಂ, ಸಿಯಾ ಮುತಂ, ಸಿಯಾ ವಿಞ್ಞಾತಂ, ಸಿಯಾ ನ ದಿಟ್ಠಂ ನ ಸುತಂ ನ ಮುತಂ, ವಿಞ್ಞಾತಂ।

Tīṇi saccāni na diṭṭhā na sutā na mutā, viññātā. Dukkhasaccaṃ siyā diṭṭhaṃ, siyā sutaṃ, siyā mutaṃ, siyā viññātaṃ, siyā na diṭṭhaṃ na sutaṃ na mutaṃ, viññātaṃ.

ಬಾವೀಸತಿನ್ದ್ರಿಯಾ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ। ನವ ಹೇತೂ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ। ಚತ್ತಾರೋ ಆಹಾರಾ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ। ಸತ್ತ ಫಸ್ಸಾ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ। ಸತ್ತ ವೇದನಾ… ಸತ್ತ ಸಞ್ಞಾ… ಸತ್ತ ಚೇತನಾ… ಸತ್ತ ಚಿತ್ತಾ ನ ದಿಟ್ಠಾ ನ ಸುತಾ ನ ಮುತಾ, ವಿಞ್ಞಾತಾ।

Bāvīsatindriyā na diṭṭhā na sutā na mutā, viññātā. Nava hetū na diṭṭhā na sutā na mutā, viññātā. Cattāro āhārā na diṭṭhā na sutā na mutā, viññātā. Satta phassā na diṭṭhā na sutā na mutā, viññātā. Satta vedanā… satta saññā… satta cetanā… satta cittā na diṭṭhā na sutā na mutā, viññātā.

೧೦. ತಿಕಾದಿದಸ್ಸನವಾರೋ

10. Tikādidassanavāro

೧. ಕುಸಲತ್ತಿಕಂ

1. Kusalattikaṃ

೧೦೩೮. ಪಞ್ಚನ್ನಂ ಖನ್ಧಾನಂ ಕತಿ ಕುಸಲಾ, ಕತಿ ಅಕುಸಲಾ, ಕತಿ ಅಬ್ಯಾಕತಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಕುಸಲಾ, ಕತಿ ಅಕುಸಲಾ, ಕತಿ ಅಬ್ಯಾಕತಾ?

1038. Pañcannaṃ khandhānaṃ kati kusalā, kati akusalā, kati abyākatā…pe… sattannaṃ cittānaṃ kati kusalā, kati akusalā, kati abyākatā?

ರೂಪಕ್ಖನ್ಧೋ ಅಬ್ಯಾಕತೋ। ಚತ್ತಾರೋ ಖನ್ಧಾ ಸಿಯಾ ಕುಸಲಾ, ಸಿಯಾ ಅಕುಸಲಾ, ಸಿಯಾ ಅಬ್ಯಾಕತಾ। ದಸಾಯತನಾ ಅಬ್ಯಾಕತಾ। ದ್ವಾಯತನಾ ಸಿಯಾ ಕುಸಲಾ, ಸಿಯಾ ಅಕುಸಲಾ, ಸಿಯಾ ಅಬ್ಯಾಕತಾ। ಸೋಳಸ ಧಾತುಯೋ ಅಬ್ಯಾಕತಾ। ದ್ವೇ ಧಾತುಯೋ ಸಿಯಾ ಕುಸಲಾ, ಸಿಯಾ ಅಕುಸಲಾ, ಸಿಯಾ ಅಬ್ಯಾಕತಾ। ಸಮುದಯಸಚ್ಚಂ ಅಕುಸಲಂ। ಮಗ್ಗಸಚ್ಚಂ ಕುಸಲಂ। ನಿರೋಧಸಚ್ಚಂ ಅಬ್ಯಾಕತಂ। ದುಕ್ಖಸಚ್ಚಂ ಸಿಯಾ ಕುಸಲಂ, ಸಿಯಾ ಅಕುಸಲಂ, ಸಿಯಾ ಅಬ್ಯಾಕತಂ।

Rūpakkhandho abyākato. Cattāro khandhā siyā kusalā, siyā akusalā, siyā abyākatā. Dasāyatanā abyākatā. Dvāyatanā siyā kusalā, siyā akusalā, siyā abyākatā. Soḷasa dhātuyo abyākatā. Dve dhātuyo siyā kusalā, siyā akusalā, siyā abyākatā. Samudayasaccaṃ akusalaṃ. Maggasaccaṃ kusalaṃ. Nirodhasaccaṃ abyākataṃ. Dukkhasaccaṃ siyā kusalaṃ, siyā akusalaṃ, siyā abyākataṃ.

ದಸಿನ್ದ್ರಿಯಾ ಅಬ್ಯಾಕತಾ। ದೋಮನಸ್ಸಿನ್ದ್ರಿಯಂ ಅಕುಸಲಂ। ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಕುಸಲಂ। ಚತ್ತಾರಿನ್ದ್ರಿಯಾ ಸಿಯಾ ಕುಸಲಾ, ಸಿಯಾ ಅಬ್ಯಾಕತಾ। ಛ ಇನ್ದ್ರಿಯಾ ಸಿಯಾ ಕುಸಲಾ, ಸಿಯಾ ಅಕುಸಲಾ, ಸಿಯಾ ಅಬ್ಯಾಕತಾ।

Dasindriyā abyākatā. Domanassindriyaṃ akusalaṃ. Anaññātaññassāmītindriyaṃ kusalaṃ. Cattārindriyā siyā kusalā, siyā abyākatā. Cha indriyā siyā kusalā, siyā akusalā, siyā abyākatā.

ತಯೋ ಕುಸಲಹೇತೂ ಕುಸಲಾ। ತಯೋ ಅಕುಸಲಹೇತೂ ಅಕುಸಲಾ। ತಯೋ ಅಬ್ಯಾಕತಹೇತೂ ಅಬ್ಯಾಕತಾ। ಕಬಳೀಕಾರೋ ಆಹಾರೋ ಅಬ್ಯಾಕತೋ। ತಯೋ ಆಹಾರಾ ಸಿಯಾ ಕುಸಲಾ, ಸಿಯಾ ಅಕುಸಲಾ, ಸಿಯಾ ಅಬ್ಯಾಕತಾ। ಛ ಫಸ್ಸಾ ಅಬ್ಯಾಕತಾ। ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಕುಸಲೋ, ಸಿಯಾ ಅಕುಸಲೋ, ಸಿಯಾ ಅಬ್ಯಾಕತೋ। ಛ ವೇದನಾ… ಛ ಸಞ್ಞಾ… ಛ ಚೇತನಾ… ಛ ಚಿತ್ತಾ ಅಬ್ಯಾಕತಾ। ಮನೋವಿಞ್ಞಾಣಧಾತು ಸಿಯಾ ಕುಸಲಾ, ಸಿಯಾ ಅಕುಸಲಾ, ಸಿಯಾ ಅಬ್ಯಾಕತಾ।

Tayo kusalahetū kusalā. Tayo akusalahetū akusalā. Tayo abyākatahetū abyākatā. Kabaḷīkāro āhāro abyākato. Tayo āhārā siyā kusalā, siyā akusalā, siyā abyākatā. Cha phassā abyākatā. Manoviññāṇadhātusamphasso siyā kusalo, siyā akusalo, siyā abyākato. Cha vedanā… cha saññā… cha cetanā… cha cittā abyākatā. Manoviññāṇadhātu siyā kusalā, siyā akusalā, siyā abyākatā.

೨. ವೇದನಾತಿಕಂ

2. Vedanātikaṃ

೧೦೩೯. ಪಞ್ಚನ್ನಂ ಖನ್ಧಾನಂ ಕತಿ ಸುಖಾಯ ವೇದನಾಯ ಸಮ್ಪಯುತ್ತಾ, ಕತಿ ದುಕ್ಖಾಯ ವೇದನಾಯ ಸಮ್ಪಯುತ್ತಾ, ಕತಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಸುಖಾಯ ವೇದನಾಯ ಸಮ್ಪಯುತ್ತಾ, ಕತಿ ದುಕ್ಖಾಯ ವೇದನಾಯ ಸಮ್ಪಯುತ್ತಾ, ಕತಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ?

1039. Pañcannaṃ khandhānaṃ kati sukhāya vedanāya sampayuttā, kati dukkhāya vedanāya sampayuttā, kati adukkhamasukhāya vedanāya sampayuttā…pe… sattannaṃ cittānaṃ kati sukhāya vedanāya sampayuttā, kati dukkhāya vedanāya sampayuttā, kati adukkhamasukhāya vedanāya sampayuttā?

ದ್ವೇ ಖನ್ಧಾ ನ ವತ್ತಬ್ಬಾ ಸುಖಾಯ ವೇದನಾಯ ಸಮ್ಪಯುತ್ತಾತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತಾತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾತಿಪಿ। ತಯೋ ಖನ್ಧಾ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ।

Dve khandhā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Tayo khandhā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.

ದಸಾಯತನಾ ನ ವತ್ತಬ್ಬಾ ಸುಖಾಯ ವೇದನಾಯ ಸಮ್ಪಯುತ್ತಾತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತಾತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾತಿಪಿ। ಮನಾಯತನಂ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ। ಧಮ್ಮಾಯತನಂ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ನ ವತ್ತಬ್ಬಂ ಸುಖಾಯ ವೇದನಾಯ ಸಮ್ಪಯುತ್ತನ್ತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತನ್ತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತನ್ತಿಪಿ।

Dasāyatanā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Manāyatanaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ. Dhammāyatanaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ, siyā na vattabbaṃ sukhāya vedanāya sampayuttantipi, dukkhāya vedanāya sampayuttantipi, adukkhamasukhāya vedanāya sampayuttantipi.

ದಸ ಧಾತುಯೋ ನ ವತ್ತಬ್ಬಾ ಸುಖಾಯ ವೇದನಾಯ ಸಮ್ಪಯುತ್ತಾತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತಾತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾತಿಪಿ। ಪಞ್ಚ ಧಾತುಯೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ, ಕಾಯವಿಞ್ಞಾಣಧಾತು ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ। ಮನೋವಿಞ್ಞಾಣಧಾತು ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ। ಧಮ್ಮಧಾತು ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ನ ವತ್ತಬ್ಬಾ ಸುಖಾಯ ವೇದನಾಯ ಸಮ್ಪಯುತ್ತಾತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತಾತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾತಿಪಿ।

Dasa dhātuyo na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Pañca dhātuyo adukkhamasukhāya vedanāya sampayuttā, kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā. Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. Dhammadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā, siyā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi.

ದ್ವೇ ಸಚ್ಚಾ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ। ನಿರೋಧಸಚ್ಚಂ ನ ವತ್ತಬ್ಬಂ ಸುಖಾಯ ವೇದನಾಯ ಸಮ್ಪಯುತ್ತನ್ತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತನ್ತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತನ್ತಿಪಿ। ದುಕ್ಖಸಚ್ಚಂ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ನ ವತ್ತಬ್ಬಂ ಸುಖಾಯ ವೇದನಾಯ ಸಮ್ಪಯುತ್ತನ್ತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತನ್ತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತನ್ತಿಪಿ।

Dve saccā siyā sukhāya vedanāya sampayuttā, siyā adukkhamasukhāya vedanāya sampayuttā. Nirodhasaccaṃ na vattabbaṃ sukhāya vedanāya sampayuttantipi, dukkhāya vedanāya sampayuttantipi, adukkhamasukhāya vedanāya sampayuttantipi. Dukkhasaccaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ, siyā na vattabbaṃ sukhāya vedanāya sampayuttantipi, dukkhāya vedanāya sampayuttantipi, adukkhamasukhāya vedanāya sampayuttantipi.

ದ್ವಾದಸಿನ್ದ್ರಿಯಾ ನ ವತ್ತಬ್ಬಾ ಸುಖಾಯ ವೇದನಾಯ ಸಮ್ಪಯುತ್ತಾತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತಾತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾತಿಪಿ। ಛ ಇನ್ದ್ರಿಯಾ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ। ತೀಣಿನ್ದ್ರಿಯಾ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ , ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ। ಜೀವಿತಿನ್ದ್ರಿಯಂ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ, ಸಿಯಾ ನ ವತ್ತಬ್ಬಂ ಸುಖಾಯ ವೇದನಾಯ ಸಮ್ಪಯುತ್ತನ್ತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತನ್ತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತನ್ತಿಪಿ।

Dvādasindriyā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Cha indriyā siyā sukhāya vedanāya sampayuttā, siyā adukkhamasukhāya vedanāya sampayuttā. Tīṇindriyā siyā sukhāya vedanāya sampayuttā, siyā dukkhāya vedanāya sampayuttā , siyā adukkhamasukhāya vedanāya sampayuttā. Jīvitindriyaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ, siyā na vattabbaṃ sukhāya vedanāya sampayuttantipi, dukkhāya vedanāya sampayuttantipi, adukkhamasukhāya vedanāya sampayuttantipi.

ದೋಸೋ ಅಕುಸಲಹೇತು ದುಕ್ಖಾಯ ವೇದನಾಯ ಸಮ್ಪಯುತ್ತೋ। ಸತ್ತ ಹೇತೂ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ। ಮೋಹೋ ಅಕುಸಲಹೇತು ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತೋ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಸಿಯಾ ದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ।

Doso akusalahetu dukkhāya vedanāya sampayutto. Satta hetū siyā sukhāya vedanāya sampayuttā, siyā adukkhamasukhāya vedanāya sampayuttā. Moho akusalahetu siyā sukhāya vedanāya sampayutto, siyā dukkhāya vedanāya sampayutto, siyā dukkhamasukhāya vedanāya sampayutto.

ಕಬಳೀಕಾರೋ ಆಹಾರೋ ನ ವತ್ತಬ್ಬೋ ಸುಖಾಯ ವೇದನಾಯ ಸಮ್ಪಯುತ್ತೋತಿ ಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತೋತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋತಿಪಿ। ತಯೋ ಆಹಾರಾ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ।

Kabaḷīkāro āhāro na vattabbo sukhāya vedanāya sampayuttoti pi, dukkhāya vedanāya sampayuttotipi, adukkhamasukhāya vedanāya sampayuttotipi. Tayo āhārā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.

ಪಞ್ಚ ಫಸ್ಸಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ। ಕಾಯವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತೋ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತೋ। ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತೋ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ।

Pañca phassā adukkhamasukhāya vedanāya sampayuttā. Kāyaviññāṇadhātusamphasso siyā sukhāya vedanāya sampayutto, siyā dukkhāya vedanāya sampayutto. Manoviññāṇadhātusamphasso siyā sukhāya vedanāya sampayutto, siyā dukkhāya vedanāya sampayutto, siyā adukkhamasukhāya vedanāya sampayutto.

ಸತ್ತ ವೇದನಾ ನ ವತ್ತಬ್ಬಾ ಸುಖಾಯ ವೇದನಾಯ ಸಮ್ಪಯುತ್ತಾತಿಪಿ, ದುಕ್ಖಾಯ ವೇದನಾಯ ಸಮ್ಪಯುತ್ತಾತಿಪಿ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾತಿಪಿ। ಪಞ್ಚ ಸಞ್ಞಾ… ಪಞ್ಚ ಚೇತನಾ… ಪಞ್ಚ ಚಿತ್ತಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ, ಕಾಯವಿಞ್ಞಾಣಧಾತು ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ। ಮನೋವಿಞ್ಞಾಣಧಾತು ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ।

Satta vedanā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi. Pañca saññā… pañca cetanā… pañca cittā adukkhamasukhāya vedanāya sampayuttā, kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā. Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.

೩. ವಿಪಾಕತ್ತಿಕಂ

3. Vipākattikaṃ

೧೦೪೦. ಪಞ್ಚನ್ನಂ ಖನ್ಧಾನಂ ಕತಿ ವಿಪಾಕಾ, ಕತಿ ವಿಪಾಕಧಮ್ಮಧಮ್ಮಾ, ಕತಿ ನೇವವಿಪಾಕನವಿಪಾಕಧಮ್ಮಧಮ್ಮಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ವಿಪಾಕಾ, ಕತಿ ವಿಪಾಕಧಮ್ಮಧಮ್ಮಾ, ಕತಿ ನೇವವಿಪಾಕನವಿಪಾಕಧಮ್ಮಧಮ್ಮಾ?

1040. Pañcannaṃ khandhānaṃ kati vipākā, kati vipākadhammadhammā, kati nevavipākanavipākadhammadhammā…pe… sattannaṃ cittānaṃ kati vipākā, kati vipākadhammadhammā, kati nevavipākanavipākadhammadhammā?

ರೂಪಕ್ಖನ್ಧೋ ನೇವವಿಪಾಕನವಿಪಾಕಧಮ್ಮಧಮ್ಮೋ। ಚತ್ತಾರೋ ಖನ್ಧಾ ಸಿಯಾ ವಿಪಾಕಾ, ಸಿಯಾ ವಿಪಾಕಧಮ್ಮಧಮ್ಮಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ।

Rūpakkhandho nevavipākanavipākadhammadhammo. Cattāro khandhā siyā vipākā, siyā vipākadhammadhammā, siyā nevavipākanavipākadhammadhammā.

ದಸಾಯತನಾ ನೇವವಿಪಾಕನವಿಪಾಕಧಮ್ಮಧಮ್ಮಾ। ದ್ವಾಯತನಾ ಸಿಯಾ ವಿಪಾಕಾ, ಸಿಯಾ ವಿಪಾಕಧಮ್ಮಧಮ್ಮಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ।

Dasāyatanā nevavipākanavipākadhammadhammā. Dvāyatanā siyā vipākā, siyā vipākadhammadhammā, siyā nevavipākanavipākadhammadhammā.

ದಸ ಧಾತುಯೋ ನೇವವಿಪಾಕನವಿಪಾಕಧಮ್ಮಧಮ್ಮಾ। ಪಞ್ಚ ಧಾತುಯೋ ವಿಪಾಕಾ। ಮನೋಧಾತು ಸಿಯಾ ವಿಪಾಕಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ। ದ್ವೇ ಧಾತುಯೋ ಸಿಯಾ ವಿಪಾಕಾ ಸಿಯಾ ವಿಪಾಕಧಮ್ಮಧಮ್ಮಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ।

Dasa dhātuyo nevavipākanavipākadhammadhammā. Pañca dhātuyo vipākā. Manodhātu siyā vipākā, siyā nevavipākanavipākadhammadhammā. Dve dhātuyo siyā vipākā siyā vipākadhammadhammā, siyā nevavipākanavipākadhammadhammā.

ದ್ವೇ ಸಚ್ಚಾ ವಿಪಾಕಧಮ್ಮಧಮ್ಮಾ। ನಿರೋಧಸಚ್ಚಂ ನೇವವಿಪಾಕನವಿಪಾಕಧಮ್ಮಧಮ್ಮಂ। ದುಕ್ಖಸಚ್ಚಂ ಸಿಯಾ ವಿಪಾಕಂ, ಸಿಯಾ ವಿಪಾಕಧಮ್ಮಧಮ್ಮಂ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಂ।

Dve saccā vipākadhammadhammā. Nirodhasaccaṃ nevavipākanavipākadhammadhammaṃ. Dukkhasaccaṃ siyā vipākaṃ, siyā vipākadhammadhammaṃ, siyā nevavipākanavipākadhammadhammaṃ.

ಸತ್ತಿನ್ದ್ರಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ। ತೀಣಿನ್ದ್ರಿಯಾ ವಿಪಾಕಾ। ದ್ವಿನ್ದ್ರಿಯಾ ವಿಪಾಕಧಮ್ಮಧಮ್ಮಾ। ಅಞ್ಞಿನ್ದ್ರಿಯಂ ಸಿಯಾ ವಿಪಾಕಂ, ಸಿಯಾ ವಿಪಾಕಧಮ್ಮಧಮ್ಮಂ। ನವಿನ್ದ್ರಿಯಾ ಸಿಯಾ ವಿಪಾಕಾ, ಸಿಯಾ ವಿಪಾಕಧಮ್ಮಧಮ್ಮಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ।

Sattindriyā nevavipākanavipākadhammadhammā. Tīṇindriyā vipākā. Dvindriyā vipākadhammadhammā. Aññindriyaṃ siyā vipākaṃ, siyā vipākadhammadhammaṃ. Navindriyā siyā vipākā, siyā vipākadhammadhammā, siyā nevavipākanavipākadhammadhammā.

ಛ ಹೇತೂ ವಿಪಾಕಧಮ್ಮಧಮ್ಮಾ। ತಯೋ ಅಬ್ಯಾಕತಹೇತೂ ಸಿಯಾ ವಿಪಾಕಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ।

Cha hetū vipākadhammadhammā. Tayo abyākatahetū siyā vipākā, siyā nevavipākanavipākadhammadhammā.

ಕಬಳೀಕಾರೋ ಆಹಾರೋ ನೇವವಿಪಾಕನವಿಪಾಕಧಮ್ಮಧಮ್ಮೋ। ತಯೋ ಆಹಾರಾ ಸಿಯಾ ವಿಪಾಕಾ, ಸಿಯಾ ವಿಪಾಕಧಮ್ಮಧಮ್ಮಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ। ಪಞ್ಚ ಫಸ್ಸಾ ವಿಪಾಕಾ। ಮನೋಧಾತುಸಮ್ಫಸ್ಸೋ ಸಿಯಾ ವಿಪಾಕೋ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮೋ। ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ವಿಪಾಕೋ, ಸಿಯಾ ವಿಪಾಕಧಮ್ಮಧಮ್ಮೋ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮೋ। ಪಞ್ಚ ವೇದನಾ… ಪಞ್ಚ ಸಞ್ಞಾ… ಪಞ್ಚ ಚೇತನಾ… ಪಞ್ಚ ಚಿತ್ತಾ ವಿಪಾಕಾ। ಮನೋಧಾತು ಸಿಯಾ ವಿಪಾಕಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ। ಮನೋವಿಞ್ಞಾಣಧಾತು ಸಿಯಾ ವಿಪಾಕಾ, ಸಿಯಾ ವಿಪಾಕಧಮ್ಮಧಮ್ಮಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ।

Kabaḷīkāro āhāro nevavipākanavipākadhammadhammo. Tayo āhārā siyā vipākā, siyā vipākadhammadhammā, siyā nevavipākanavipākadhammadhammā. Pañca phassā vipākā. Manodhātusamphasso siyā vipāko, siyā nevavipākanavipākadhammadhammo. Manoviññāṇadhātusamphasso siyā vipāko, siyā vipākadhammadhammo, siyā nevavipākanavipākadhammadhammo. Pañca vedanā… pañca saññā… pañca cetanā… pañca cittā vipākā. Manodhātu siyā vipākā, siyā nevavipākanavipākadhammadhammā. Manoviññāṇadhātu siyā vipākā, siyā vipākadhammadhammā, siyā nevavipākanavipākadhammadhammā.

೪. ಉಪಾದಿನ್ನತ್ತಿಕಂ

4. Upādinnattikaṃ

೧೦೪೧. ಪಞ್ಚನ್ನಂ ಖನ್ಧಾನಂ ಕತಿ ಉಪಾದಿನ್ನುಪಾದಾನಿಯಾ, ಕತಿ ಅನುಪಾದಿನ್ನುಪಾದಾನಿಯಾ, ಕತಿ ಅನುಪಾದಿನ್ನಅನುಪಾದಾನಿಯಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಉಪಾದಿನ್ನುಪಾದಾನಿಯಾ, ಕತಿ ಅನುಪಾದಿನ್ನುಪಾದಾನಿಯಾ, ಕತಿ ಅನುಪಾದಿನ್ನಅನುಪಾದಾನಿಯಾ?

1041. Pañcannaṃ khandhānaṃ kati upādinnupādāniyā, kati anupādinnupādāniyā, kati anupādinnaanupādāniyā…pe… sattannaṃ cittānaṃ kati upādinnupādāniyā, kati anupādinnupādāniyā, kati anupādinnaanupādāniyā?

ರೂಪಕ್ಖನ್ಧೋ ಸಿಯಾ ಉಪಾದಿನ್ನುಪಾದಾನಿಯೋ, ಸಿಯಾ ಅನುಪಾದಿನ್ನುಪಾದಾನಿಯೋ ೪। ಚತ್ತಾರೋ ಖನ್ಧಾ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ।

Rūpakkhandho siyā upādinnupādāniyo, siyā anupādinnupādāniyo 4. Cattāro khandhā siyā upādinnupādāniyā, siyā anupādinnupādāniyā, siyā anupādinnaanupādāniyā.

ಪಞ್ಚಾಯತನಾ ಉಪಾದಿನ್ನುಪಾದಾನಿಯಾ। ಸದ್ದಾಯತನಂ ಅನುಪಾದಿನ್ನುಪಾದಾನಿಯಂ। ಚತ್ತಾರೋ ಆಯತನಾ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ। ದ್ವಾಯತನಾ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ।

Pañcāyatanā upādinnupādāniyā. Saddāyatanaṃ anupādinnupādāniyaṃ. Cattāro āyatanā siyā upādinnupādāniyā, siyā anupādinnupādāniyā. Dvāyatanā siyā upādinnupādāniyā, siyā anupādinnupādāniyā, siyā anupādinnaanupādāniyā.

ದಸ ಧಾತುಯೋ ಉಪಾದಿನ್ನುಪಾದಾನಿಯಾ। ಸದ್ದಧಾತು ಅನುಪಾದಿನ್ನುಪಾದಾನಿಯಾ। ಪಞ್ಚ ಧಾತುಯೋ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ। ದ್ವೇ ಧಾತುಯೋ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ।

Dasa dhātuyo upādinnupādāniyā. Saddadhātu anupādinnupādāniyā. Pañca dhātuyo siyā upādinnupādāniyā, siyā anupādinnupādāniyā. Dve dhātuyo siyā upādinnupādāniyā, siyā anupādinnupādāniyā, siyā anupādinnaanupādāniyā.

ಸಮುದಯಸಚ್ಚಂ ಅನುಪಾದಿನ್ನುಪಾದಾನಿಯಂ। ದ್ವೇ ಸಚ್ಚಾ ಅನುಪಾದಿನ್ನಅನುಪಾದಾನಿಯಾ। ದುಕ್ಖಸಚ್ಚಂ ಸಿಯಾ ಉಪಾದಿನ್ನುಪಾದಾನಿಯಂ, ಸಿಯಾ ಅನುಪಾದಿನ್ನುಪಾದಾನಿಯಂ।

Samudayasaccaṃ anupādinnupādāniyaṃ. Dve saccā anupādinnaanupādāniyā. Dukkhasaccaṃ siyā upādinnupādāniyaṃ, siyā anupādinnupādāniyaṃ.

ನವಿನ್ದ್ರಿಯಾ ಉಪಾದಿನ್ನುಪಾದಾನಿಯಾ। ದೋಮನಸ್ಸಿನ್ದ್ರಿಯಂ ಅನುಪಾದಿನ್ನುಪಾದಾನಿಯಂ। ತೀಣಿನ್ದ್ರಿಯಾ ಅನುಪಾದಿನ್ನಅನುಪಾದಾನಿಯಾ। ನವಿನ್ದ್ರಿಯಾ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ। ತಯೋ ಅಕುಸಲಹೇತೂ ಅನುಪಾದಿನ್ನುಪಾದಾನಿಯಾ। ತಯೋ ಕುಸಲಹೇತೂ ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ। ತಯೋ ಅಬ್ಯಾಕತಹೇತೂ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ।

Navindriyā upādinnupādāniyā. Domanassindriyaṃ anupādinnupādāniyaṃ. Tīṇindriyā anupādinnaanupādāniyā. Navindriyā siyā upādinnupādāniyā, siyā anupādinnupādāniyā, siyā anupādinnaanupādāniyā. Tayo akusalahetū anupādinnupādāniyā. Tayo kusalahetū siyā anupādinnupādāniyā, siyā anupādinnaanupādāniyā. Tayo abyākatahetū siyā upādinnupādāniyā, siyā anupādinnupādāniyā, siyā anupādinnaanupādāniyā.

ಕಬಳೀಕಾರೋ ಆಹಾರೋ ಸಿಯಾ ಉಪಾದಿನ್ನುಪಾದಾನಿಯೋ, ಸಿಯಾ ಅನುಪಾದಿನ್ನುಪಾದಾನಿಯೋ। ತಯೋ ಆಹಾರಾ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ ।

Kabaḷīkāro āhāro siyā upādinnupādāniyo, siyā anupādinnupādāniyo. Tayo āhārā siyā upādinnupādāniyā, siyā anupādinnupādāniyā, siyā anupādinnaanupādāniyā .

ಪಞ್ಚ ಫಸ್ಸಾ ಉಪಾದಿನ್ನುಪಾದಾನಿಯಾ। ಮನೋಧಾತುಸಮ್ಫಸ್ಸೋ ಸಿಯಾ ಉಪಾದಿನ್ನುಪಾದಾನಿಯೋ, ಸಿಯಾ ಅನುಪಾದಿನ್ನುಪಾದಾನಿಯೋ। ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಉಪಾದಿನ್ನುಪಾದಾನಿಯೋ, ಸಿಯಾ ಅನುಪಾದಿನ್ನುಪಾದಾನಿಯೋ, ಸಿಯಾ ಅನುಪಾದಿನ್ನಅನುಪಾದಾನಿಯೋ। ಪಞ್ಚ ವೇದನಾ… ಪಞ್ಚ ಸಞ್ಞಾ… ಪಞ್ಚ ಚೇತನಾ… ಪಞ್ಚ ಚಿತ್ತಾ ಉಪಾದಿನ್ನುಪಾದಾನಿಯಾ। ಮನೋಧಾತು ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ। ಮನೋವಿಞ್ಞಾಣಧಾತು ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ।

Pañca phassā upādinnupādāniyā. Manodhātusamphasso siyā upādinnupādāniyo, siyā anupādinnupādāniyo. Manoviññāṇadhātusamphasso siyā upādinnupādāniyo, siyā anupādinnupādāniyo, siyā anupādinnaanupādāniyo. Pañca vedanā… pañca saññā… pañca cetanā… pañca cittā upādinnupādāniyā. Manodhātu siyā upādinnupādāniyā, siyā anupādinnupādāniyā. Manoviññāṇadhātu siyā upādinnupādāniyā, siyā anupādinnupādāniyā, siyā anupādinnaanupādāniyā.

೫. ವಿತಕ್ಕತ್ತಿಕಂ

5. Vitakkattikaṃ

೧೦೪೨. ಪಞ್ಚನ್ನಂ ಖನ್ಧಾನಂ ಕತಿ ಸವಿತಕ್ಕಸವಿಚಾರಾ, ಕತಿ ಅವಿತಕ್ಕವಿಚಾರಮತ್ತಾ, ಕತಿ ಅವಿತಕ್ಕಅವಿಚಾರಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಸವಿತಕ್ಕಸವಿಚಾರಾ, ಕತಿ ಅವಿತಕ್ಕವಿಚಾರಮತ್ತಾ, ಕತಿ ಅವಿತಕ್ಕಅವಿಚಾರಾ?

1042. Pañcannaṃ khandhānaṃ kati savitakkasavicārā, kati avitakkavicāramattā, kati avitakkaavicārā…pe… sattannaṃ cittānaṃ kati savitakkasavicārā, kati avitakkavicāramattā, kati avitakkaavicārā?

ರೂಪಕ್ಖನ್ಧೋ ಅವಿತಕ್ಕಅವಿಚಾರೋ। ತಯೋ ಖನ್ಧಾ ಸಿಯಾ ಸವಿತಕ್ಕಸವಿಚಾರಾ, ಸಿಯಾ ಅವಿತಕ್ಕವಿಚಾರಮತ್ತಾ, ಸಿಯಾ ಅವಿತಕ್ಕಅವಿಚಾರಾ। ಸಙ್ಖಾರಕ್ಖನ್ಧೋ ಸಿಯಾ ಸವಿತಕ್ಕಸವಿಚಾರೋ, ಸಿಯಾ ಅವಿತಕ್ಕವಿಚಾರಮತ್ತೋ, ಸಿಯಾ ಅವಿತಕ್ಕಅವಿಚಾರೋ ಸಿಯಾ ನ ವತ್ತಬ್ಬೋ ಸವಿತಕ್ಕಸವಿಚಾರೋತಿಪಿ , ಅವಿತಕ್ಕವಿಚಾರಮತ್ತೋತಿಪಿ, ಅವಿತಕ್ಕಅವಿಚಾರೋತಿಪಿ।

Rūpakkhandho avitakkaavicāro. Tayo khandhā siyā savitakkasavicārā, siyā avitakkavicāramattā, siyā avitakkaavicārā. Saṅkhārakkhandho siyā savitakkasavicāro, siyā avitakkavicāramatto, siyā avitakkaavicāro siyā na vattabbo savitakkasavicārotipi , avitakkavicāramattotipi, avitakkaavicārotipi.

ದಸಾಯತನಾ ಅವಿತಕ್ಕಅವಿಚಾರಾ। ಮನಾಯತನಂ ಸಿಯಾ ಸವಿತಕ್ಕಸವಿಚಾರಂ, ಸಿಯಾ ಅವಿತಕ್ಕವಿಚಾರಮತ್ತಂ, ಸಿಯಾ ಅವಿತಕ್ಕಅವಿಚಾರಂ। ಧಮ್ಮಾಯತನಂ ಸಿಯಾ ಸವಿತಕ್ಕಸವಿಚಾರಂ, ಸಿಯಾ ಅವಿತಕ್ಕವಿಚಾರಮತ್ತಂ, ಸಿಯಾ ಅವಿತಕ್ಕಅವಿಚಾರಂ, ಸಿಯಾ ನ ವತ್ತಬ್ಬಂ ಸವಿತಕ್ಕಸವಿಚಾರನ್ತಿಪಿ, ಅವಿತಕ್ಕವಿಚಾರಮತ್ತನ್ತಿಪಿ, ಅವಿತಕ್ಕಅವಿಚಾರನ್ತಿಪಿ।

Dasāyatanā avitakkaavicārā. Manāyatanaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ. Dhammāyatanaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ, siyā na vattabbaṃ savitakkasavicārantipi, avitakkavicāramattantipi, avitakkaavicārantipi.

ಪನ್ನರಸ ಧಾತುಯೋ ಅವಿತಕ್ಕಅವಿಚಾರಾ। ಮನೋಧಾತು ಸವಿತಕ್ಕಸವಿಚಾರಾ। ಮನೋವಿಞ್ಞಾಣಧಾತು ಸಿಯಾ ಸವಿತಕ್ಕಸವಿಚಾರಾ, ಸಿಯಾ ಅವಿತಕ್ಕವಿಚಾರಮತ್ತಾ, ಸಿಯಾ ಅವಿತಕ್ಕಅವಿಚಾರಾ। ಧಮ್ಮಧಾತು ಸಿಯಾ ಸವಿತಕ್ಕಸವಿಚಾರಾ, ಸಿಯಾ ಅವಿತಕ್ಕವಿಚಾರಮತ್ತಾ, ಸಿಯಾ ಅವಿತಕ್ಕಅವಿಚಾರಾ, ಸಿಯಾ ನ ವತ್ತಬ್ಬಾ ಸವಿತಕ್ಕಸವಿಚಾರಾತಿಪಿ, ಅವಿತಕ್ಕವಿಚಾರಮತ್ತಾತಿಪಿ, ಅವಿತಕ್ಕಅವಿಚಾರಾತಿಪಿ।

Pannarasa dhātuyo avitakkaavicārā. Manodhātu savitakkasavicārā. Manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā. Dhammadhātu siyā savitakkasavicārā, siyā avitakkavicāramattā, siyā avitakkaavicārā, siyā na vattabbā savitakkasavicārātipi, avitakkavicāramattātipi, avitakkaavicārātipi.

ಸಮುದಯಸಚ್ಚಂ ಸವಿತಕ್ಕಸವಿಚಾರಂ। ನಿರೋಧಸಚ್ಚಂ ಅವಿತಕ್ಕಅವಿಚಾರಂ। ಮಗ್ಗಸಚ್ಚಂ ಸಿಯಾ ಸವಿತಕ್ಕಸವಿಚಾರಂ, ಸಿಯಾ ಅವಿತಕ್ಕವಿಚಾರಮತ್ತಂ, ಸಿಯಾ ಅವಿತಕ್ಕಅವಿಚಾರಂ। ದುಕ್ಖಸಚ್ಚಂ ಸಿಯಾ ಸವಿತಕ್ಕಸವಿಚಾರಂ, ಸಿಯಾ ಅವಿತಕ್ಕವಿಚಾರಮತ್ತಂ, ಸಿಯಾ ಅವಿತಕ್ಕಅವಿಚಾರಂ, ಸಿಯಾ ನ ವತ್ತಬ್ಬಂ ಸವಿತಕ್ಕಸವಿಚಾರನ್ತಿಪಿ, ಅವಿತಕ್ಕವಿಚಾರಮತ್ತನ್ತಿಪಿ, ಅವಿತಕ್ಕಅವಿಚಾರನ್ತಿಪಿ।

Samudayasaccaṃ savitakkasavicāraṃ. Nirodhasaccaṃ avitakkaavicāraṃ. Maggasaccaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ. Dukkhasaccaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ, siyā na vattabbaṃ savitakkasavicārantipi, avitakkavicāramattantipi, avitakkaavicārantipi.

ನವಿನ್ದ್ರಿಯಾ ಅವಿತಕ್ಕಅವಿಚಾರಾ। ದೋಮನಸ್ಸಿನ್ದ್ರಿಯಂ ಸವಿತಕ್ಕಸವಿಚಾರಂ। ಉಪೇಕ್ಖಿನ್ದ್ರಿಯಂ ಸಿಯಾ ಸವಿತಕ್ಕಸವಿಚಾರಂ, ಸಿಯಾ ಅವಿತಕ್ಕಅವಿಚಾರಂ। ಏಕಾದಸಿನ್ದ್ರಿಯಾ ಸಿಯಾ ಸವಿತಕ್ಕಸವಿಚಾರಾ, ಸಿಯಾ ಅವಿತಕ್ಕವಿಚಾರಮತ್ತಾ, ಸಿಯಾ ಅವಿತಕ್ಕಅವಿಚಾರಾ।

Navindriyā avitakkaavicārā. Domanassindriyaṃ savitakkasavicāraṃ. Upekkhindriyaṃ siyā savitakkasavicāraṃ, siyā avitakkaavicāraṃ. Ekādasindriyā siyā savitakkasavicārā, siyā avitakkavicāramattā, siyā avitakkaavicārā.

ತಯೋ ಅಕುಸಲಹೇತೂ ಸವಿತಕ್ಕಸವಿಚಾರಾ। ಛ ಹೇತೂ ಸಿಯಾ ಸವಿತಕ್ಕಸವಿಚಾರಾ, ಸಿಯಾ ಅವಿತಕ್ಕವಿಚಾರಮತ್ತಾ, ಸಿಯಾ ಅವಿತಕ್ಕಅವಿಚಾರಾ। ಕಬಳೀಕಾರೋ ಆಹಾರೋ ಅವಿತಕ್ಕಅವಿಚಾರೋ। ತಯೋ ಆಹಾರಾ ಸಿಯಾ ಸವಿತಕ್ಕಸವಿಚಾರಾ, ಸಿಯಾ ಅವಿತಕ್ಕವಿಚಾರಮತ್ತಾ, ಸಿಯಾ ಅವಿತಕ್ಕಅವಿಚಾರಾ। ಪಞ್ಚ ಫಸ್ಸಾ ಅವಿತಕ್ಕಅವಿಚಾರಾ। ಮನೋಧಾತುಸಮ್ಫಸ್ಸೋ ಸವಿತಕ್ಕಸವಿಚಾರೋ। ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಸವಿತಕ್ಕಸವಿಚಾರೋ, ಸಿಯಾ ಅವಿತಕ್ಕವಿಚಾರಮತ್ತೋ, ಸಿಯಾ ಅವಿತಕ್ಕಅವಿಚಾರೋ। ಪಞ್ಚ ವೇದನಾ… ಪಞ್ಚ ಸಞ್ಞಾ… ಪಞ್ಚ ಚೇತನಾ… ಪಞ್ಚ ಚಿತ್ತಾ ಅವಿತಕ್ಕಅವಿಚಾರಾ ಮನೋಧಾತು ಸವಿತಕ್ಕಸವಿಚಾರಾ , ಮನೋವಿಞ್ಞಾಣಧಾತು ಸಿಯಾ ಸವಿತಕ್ಕಸವಿಚಾರಾ, ಸಿಯಾ ಅವಿತಕ್ಕವಿಚಾರಮತ್ತಾ, ಸಿಯಾ ಅವಿತಕ್ಕಅವಿಚಾರಾ।

Tayo akusalahetū savitakkasavicārā. Cha hetū siyā savitakkasavicārā, siyā avitakkavicāramattā, siyā avitakkaavicārā. Kabaḷīkāro āhāro avitakkaavicāro. Tayo āhārā siyā savitakkasavicārā, siyā avitakkavicāramattā, siyā avitakkaavicārā. Pañca phassā avitakkaavicārā. Manodhātusamphasso savitakkasavicāro. Manoviññāṇadhātusamphasso siyā savitakkasavicāro, siyā avitakkavicāramatto, siyā avitakkaavicāro. Pañca vedanā… pañca saññā… pañca cetanā… pañca cittā avitakkaavicārā manodhātu savitakkasavicārā , manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā.

(೧) ರೂಪದುಕಂ

(1) Rūpadukaṃ

೧೦೪೩. ಪಞ್ಚನ್ನಂ ಖನ್ಧಾನಂ ಕತಿ ರೂಪಾ, ಕತಿ ಅರೂಪಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ರೂಪಾ, ಕತಿ ಅರೂಪಾ?

1043. Pañcannaṃ khandhānaṃ kati rūpā, kati arūpā…pe… sattannaṃ cittānaṃ kati rūpā, kati arūpā?

ರೂಪಕ್ಖನ್ಧೋ ರೂಪಂ। ಚತ್ತಾರೋ ಖನ್ಧಾ ಅರೂಪಾ। ದಸಾಯತನಾ ರೂಪಾ। ಮನಾಯತನಂ ಅರೂಪಂ। ಧಮ್ಮಾಯತನಂ ಸಿಯಾ ರೂಪಂ, ಸಿಯಾ ಅರೂಪಂ। ದಸ ಧಾತುಯೋ ರೂಪಾ। ಸತ್ತ ಧಾತುಯೋ ಅರೂಪಾ। ಧಮ್ಮಧಾತು ಸಿಯಾ ರೂಪಾ, ಸಿಯಾ ಅರೂಪಾ। ತೀಣಿ ಸಚ್ಚಾನಿ ಅರೂಪಾ। ದುಕ್ಖಸಚ್ಚಂ ಸಿಯಾ ರೂಪಂ, ಸಿಯಾ ಅರೂಪಂ। ಸತ್ತಿನ್ದ್ರಿಯಾ ರೂಪಾ। ಚುದ್ದಸಿನ್ದ್ರಿಯಾ ಅರೂಪಾ। ಜೀವಿತಿನ್ದ್ರಿಯಂ ಸಿಯಾ ರೂಪಂ, ಸಿಯಾ ಅರೂಪಂ। ನವ ಹೇತೂ ಅರೂಪಾ। ಕಬಳೀಕಾರೋ ಆಹಾರೋ ರೂಪಂ। ತಯೋ ಆಹಾರಾ ಅರೂಪಾ। ಸತ್ತ ಫಸ್ಸಾ ಅರೂಪಾ। ಸತ್ತ ವೇದನಾ… ಸತ್ತ ಸಞ್ಞಾ… ಸತ್ತ ಚೇತನಾ ಸತ್ತ ಚಿತ್ತಾ ಅರೂಪಾ।

Rūpakkhandho rūpaṃ. Cattāro khandhā arūpā. Dasāyatanā rūpā. Manāyatanaṃ arūpaṃ. Dhammāyatanaṃ siyā rūpaṃ, siyā arūpaṃ. Dasa dhātuyo rūpā. Satta dhātuyo arūpā. Dhammadhātu siyā rūpā, siyā arūpā. Tīṇi saccāni arūpā. Dukkhasaccaṃ siyā rūpaṃ, siyā arūpaṃ. Sattindriyā rūpā. Cuddasindriyā arūpā. Jīvitindriyaṃ siyā rūpaṃ, siyā arūpaṃ. Nava hetū arūpā. Kabaḷīkāro āhāro rūpaṃ. Tayo āhārā arūpā. Satta phassā arūpā. Satta vedanā… satta saññā… satta cetanā satta cittā arūpā.

(೨) ಲೋಕಿಯದುಕಂ

(2) Lokiyadukaṃ

೧೦೪೪. ಪಞ್ಚನ್ನಂ ಖನ್ಧಾನಂ ಕತಿ ಲೋಕಿಯಾ, ಕತಿ ಲೋಕುತ್ತರಾ? ದ್ವಾದಸನ್ನಂ ಆಯತನಾನಂ ಕತಿ ಲೋಕಿಯಾ, ಕತಿ ಲೋಕುತ್ತರಾ? ಅಟ್ಠಾರಸನ್ನಂ ಧಾತೂನಂ ಕತಿ ಲೋಕಿಯಾ, ಕತಿ ಲೋಕುತ್ತರಾ? ಚತುನ್ನಂ ಸಚ್ಚಾನಂ ಕತಿ ಲೋಕಿಯಾ, ಕತಿ ಲೋಕುತ್ತರಾ…ಪೇ॰… ಸತ್ತನ್ನಂ ಚಿತ್ತಾನಂ ಕತಿ ಲೋಕಿಯಾ, ಕತಿ ಲೋಕುತ್ತರಾ?

1044. Pañcannaṃ khandhānaṃ kati lokiyā, kati lokuttarā? Dvādasannaṃ āyatanānaṃ kati lokiyā, kati lokuttarā? Aṭṭhārasannaṃ dhātūnaṃ kati lokiyā, kati lokuttarā? Catunnaṃ saccānaṃ kati lokiyā, kati lokuttarā…pe… sattannaṃ cittānaṃ kati lokiyā, kati lokuttarā?

ರೂಪಕ್ಖನ್ಧೋ ಲೋಕಿಯೋ। ಚತ್ತಾರೋ ಖನ್ಧಾ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ। ದಸಾಯತನಾ ಲೋಕಿಯಾ । ದ್ವೇ ಆಯತನಾ ಸಿಯಾ ಲೋಕಿಯಾ , ಸಿಯಾ ಲೋಕುತ್ತರಾ। ಸೋಳಸ ಧಾತುಯೋ ಲೋಕಿಯಾ। ದ್ವೇ ಧಾತುಯೋ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ। ದ್ವೇ ಸಚ್ಚಾ ಲೋಕಿಯಾ। ದ್ವೇ ಸಚ್ಚಾ ಲೋಕುತ್ತರಾ।

Rūpakkhandho lokiyo. Cattāro khandhā siyā lokiyā, siyā lokuttarā. Dasāyatanā lokiyā . Dve āyatanā siyā lokiyā , siyā lokuttarā. Soḷasa dhātuyo lokiyā. Dve dhātuyo siyā lokiyā, siyā lokuttarā. Dve saccā lokiyā. Dve saccā lokuttarā.

ದಸಿನ್ದ್ರಿಯಾ ಲೋಕಿಯಾ। ತೀಣಿನ್ದ್ರಿಯಾ ಲೋಕುತ್ತರಾ। ನವಿನ್ದ್ರಿಯಾ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ। ತಯೋ ಅಕುಸಲಹೇತೂ ಲೋಕಿಯಾ। ಛ ಹೇತೂ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ। ಕಬಳೀಕಾರೋ ಆಹಾರೋ ಲೋಕಿಯೋ। ತಯೋ ಆಹಾರಾ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ । ಛ ಫಸ್ಸಾ ಲೋಕಿಯಾ। ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಲೋಕಿಯೋ, ಸಿಯಾ ಲೋಕುತ್ತರೋ। ಛ ವೇದನಾ ಲೋಕಿಯಾ। ಮನೋವಿಞ್ಞಾಣಧಾತುಸಮ್ಫಸ್ಸಜಾ ವೇದನಾ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ। ಛ ಸಞ್ಞಾ ಲೋಕಿಯಾ। ಮನೋವಿಞ್ಞಾಣಧಾತುಸಮ್ಫಸ್ಸಜಾ ಸಞ್ಞಾ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ। ಛ ಚೇತನಾ ಲೋಕಿಯಾ। ಮನೋವಿಞ್ಞಾಣಧಾತುಸಮ್ಫಸ್ಸಜಾ ಚೇತನಾ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ। ಛ ಚಿತ್ತಾ ಲೋಕಿಯಾ। ಮನೋವಿಞ್ಞಾಣಧಾತು ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾತಿ।

Dasindriyā lokiyā. Tīṇindriyā lokuttarā. Navindriyā siyā lokiyā, siyā lokuttarā. Tayo akusalahetū lokiyā. Cha hetū siyā lokiyā, siyā lokuttarā. Kabaḷīkāro āhāro lokiyo. Tayo āhārā siyā lokiyā, siyā lokuttarā . Cha phassā lokiyā. Manoviññāṇadhātusamphasso siyā lokiyo, siyā lokuttaro. Cha vedanā lokiyā. Manoviññāṇadhātusamphassajā vedanā siyā lokiyā, siyā lokuttarā. Cha saññā lokiyā. Manoviññāṇadhātusamphassajā saññā siyā lokiyā, siyā lokuttarā. Cha cetanā lokiyā. Manoviññāṇadhātusamphassajā cetanā siyā lokiyā, siyā lokuttarā. Cha cittā lokiyā. Manoviññāṇadhātu siyā lokiyā, siyā lokuttarāti.

ಅಭಿಞ್ಞಾ ದ್ವೇ ಸಾರಮ್ಮಣಾ, ದಿಟ್ಠಾ ಕುಸಲವೇದನಾ।

Abhiññā dve sārammaṇā, diṭṭhā kusalavedanā;

ವಿಪಾಕಾ ಚ ಉಪಾದಿನ್ನಾ, ವಿತಕ್ಕಂ ರೂಪಲೋಕಿಯಾತಿ॥

Vipākā ca upādinnā, vitakkaṃ rūpalokiyāti.

ಧಮ್ಮಹದಯವಿಭಙ್ಗೋ ನಿಟ್ಠಿತೋ।

Dhammahadayavibhaṅgo niṭṭhito.

ವಿಭಙ್ಗಪಕರಣಂ ನಿಟ್ಠಿತಂ।

Vibhaṅgapakaraṇaṃ niṭṭhitaṃ.

Footnotes:

1. ಕಬಳಿಂಕಾರೋ ಆಹಾರೋ (ಸೀ॰ ಸ್ಯಾ॰)

2. kabaḷiṃkāro āhāro (sī. syā.)

3. ಕೇಚಿ (ಸ್ಯಾ॰)

4. keci (syā.)

5. ಅವಸೇಸಾ ಸತ್ತಾ (?)

6. avasesā sattā (?)

7. ಸಮ್ಮತಿದೇವಾ (ಸ್ಯಾ॰)

8. sammatidevā (syā.)

9. ಚಾತುಮ್ಮಹಾರಾಜಿಕೇ (ಸೀ॰ ಸ್ಯಾ॰)

10. cātummahārājike (sī. syā.)

11. ಅಪ್ಪಂ ವಾ ಭಿಯ್ಯೋ ವಾ (ಸ್ಯಾ॰ ಕ॰) ದೀ॰ ನಿ॰ ೨.೭

12. appaṃ vā bhiyyo vā (syā. ka.) dī. ni. 2.7

13. ರತ್ತಿದಿವೋ (ಕ॰) ಅ॰ ನಿ॰ ೩.೭೧

14. rattidivo (ka.) a. ni. 3.71

15. ಛಪಿ ತೇ (ಸ್ಯಾ॰)

16. chapi te (syā.)

17. ಏಕೋ ಕಪ್ಪೋ (ಸ್ಯಾ॰)

18. eko kappo (syā.)

19. ಭವಗ್ಗಂ ವಾಪಿ (ಸ್ಯಾ॰)

20. ಪುನ ಗಚ್ಛನ್ತಿ (ಸ್ಯಾ॰)

21. bhavaggaṃ vāpi (syā.)

22. puna gacchanti (syā.)

ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ವಿಭಙ್ಗ-ಮೂಲಟೀಕಾ • Vibhaṅga-mūlaṭīkā / ೧೮. ಧಮ್ಮಹದಯವಿಭಙ್ಗೋ • 18. Dhammahadayavibhaṅgo

ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ವಿಭಙ್ಗ-ಅನುಟೀಕಾ • Vibhaṅga-anuṭīkā / ೧೮. ಧಮ್ಮಹದಯವಿಭಙ್ಗೋ • 18. Dhammahadayavibhaṅgo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact